Ўзбекистон Республикаси Президенти И. А. Каримовнинг республика Ҳукумати ўтказаётган ички ва ташқи сиёсатнинг асосий йўналишлари, иқтисодий ва ижтимоий аҳвол, мавжуд объектив қийинчиликларни бартараф этиш юзасидан кўрилаётган чора-тадбирлар тўғрисидаги ахборотини тинглаб, Ўзбекистон Республикаси Олий Кенгаши қарор қилади:

1. Ўзбекистон Республикаси Президенти ва Вазирлар Маҳкамаси ўтказиб келаётган ижтимоий-сиёсий барқарорликни ҳар тарафлама мустаҳкамлашга, кўп миллатли республика барча аҳолисининг тенг ҳуқуқлилиги ва хавфсизлигини таъминлашга қаратилган ишлар асосан маъқуллансин.

Ўзбекистон Республикаси Президентига Ўзбекистоннинг чинакам мустақиллигига эришиш, унинг халқаро обру-эътиборини янада ошириш юзасидан белгиланган чора-тадбирларни бундан буён ҳам изчилик билан амалга ошириб боравериш таклиф этилсин.

2. Ўзбекистон Республикаси Президенти ҳузуридаги Вазирлар Маҳкамаси тақдим этган давлат тасарруфидан чиқарилиши, хусусийлаштирилиши, сотиб олиниши ва ижарага топширилиши мумкин бўлмаган корхоналар ва мулк турлари ҳамда гуруҳларининг рўйхати, Ўзбекистон Ҳукуматининг қарорига биноан хусусийлаштирилиши ва давлат тасарруфидан чиқарилиши мумкин бўлган объектлар ва корхоналар рўйхати, шунингдек, ижарага топширилиши чекланадиган корхоналар, ташкилотлар, муассасалар ва мол-мулклар рўйхати тасдиқлансин.

3. Ўзбекистон Республикаси Ҳукумати:

— Ўзбекистон Республикаси қонунлари ижросини янада тўлароқ таъминлаш юзасидан норматив ҳужжатлар ишлаб чиқиш ва қабул қилишни жадаллаштирсин. Республика иқтисодиётининг бозор муносабатларига кириши билан боғлиқ масалаларга, шунингдек янгича шароитда аҳолини ижтимоий жиҳатдан ҳимоя қилиш сиёсатини сабот билан амалга ошириш зарурлигига эътибор берсин;

— давлат тасарруфидан чиқариш ва хусусийлаштиришнинг 1992-1993 йилларга мўлжалланган Давлат дастури қабул қилингунга қадар «Давлат тасарруфидан чиқариш ва хусусийлаштириш тўғрисида»ги Қонун амалга киритилганидан кейин тузилган мулкчилик шаклини ҳамда давлат мол-мулкининг эгаларини ўзгартириш ҳақидаги шартномаларни (Ўзбекистон Республикаси Президенти ҳузуридаги Вазирлар Маҳкамасининг қарорида қайд этилган ҳоллар бундан мустаснодир) ҳақиқий эмас, деб топсин;

Ўзбекистон Республикасини Қўшилмаслик ҳаракатига аъзоликка қабул қилиш илтимоси билан мурожаат этсин.

1. Ер ости бойликлари, ички сувлар, ўсимлик ва ҳайвонот дунёси, республика ҳудуди доирасидаги ҳаво ҳавзаси.

2. Тарихий-маданий ва табиий мерос объектлари, бадиий қадриятлар (тарих ва маданият ёдгорликлари, кино, фото ва фоноҳужжатлардан иборат давлат фондлари, илмий тадқиқот муассасаларининг архивлари ва фондлари).

3. Республиканинг давлат хазинаси, республика Давлат бюджетининг, захирасининг, Пенсия жамғармасининг, давлатнинг бюджетдан жамғармаларининг, Марказий банкининг маблағлари, шунингдек республиканинг олтин захираси.

4. Пул муомаласи соҳасида хизмат кўрсатувчи банклар ва бошқа муассасалар, пул белгиларини, давлат хазинаси билетларини, акциялар, облигациялар ва бошқа қимматли қоғозларни, орденлар, медаллар ва почта белгиларини чиқаришни таъмин этувчи Давлат тамғаси корхоналари ва муассасалари.

5. Ўзбекистон Республикаси Қуролли Кучларининг, Миллий хавфсизлик хизматининг ва Ички ишлар вазирлигининг саноатда қайта ишлов берилиши мумкин бўлмаган мол-мулки.

6. Геология картография-геодезия, гидрометрология хизматларининг табиий муҳит ҳолатини назорат қилувчи ҳамда табиатни муҳофаза қилувчи хизматларнинг корхоналари ва муассасалари.

7. Санитария-эпидемиология хизматининг, ўрмон хўжалигининг корхоналари ва муассасалари.

8. Патент хизмати, стандартлаш ва метрология корхоналари машина синаш станциялари.

9. Сув хўжалиги ва мелиоратив тармоқлар ҳамда иншоотлардан фойдаланувчи корхоналар авария қутқариш кемалари, гидротехник иншоотларни техник назорат қилиш кемалари.

10. Алоқа корхоналари («Союзпечать» тармоғидаги чакана савдо корхоналаридан ташқари) телевизион, радио узатиш марказлари ҳамда уларни муҳандислик иншоотлари.

11. Умумий фойдаланишдаги автомобиль йўллари.

12. Кучли таъсир этадиган заҳарларни гиёҳванд ва заҳарли моддаларни ишлаб чиқарувчи шунингдек таркибида гиёҳванд ва заҳарли моддалари бўлган экинларни экувчи, етиштирувчи ва уларга қайта ишлов берувчи корхоналар.

13. Сафарбарлик захиралари (корхона хусусийлаштирилаётганда улар корхонанинг мол-мулки таркибидан чиқарилади).

14. Саноатнинг қаттиқ чиқиндилари ва рўзғор чиқиндилари кўмиладиган майдонлар, бинолар, иншоотлар ва кўмиш учун керакли ускуналар, чорва молларни кўмадиган жойлар.

15. Даволаш ишлаб чиқариш устахоналари ахлоқ тузатиш меҳнат муассасаларининг корхоналари.

16. Парчаланадиган ва радиоактив материаллар устида илмий тадқиқот тажриба конструкторлик ишлари очиб борувчи ва шундай материалларни ишлаб чиқарувчи рентген ускуналари радиоактив моддалар ва изотоплар ишлатиладиган асбоб-ускуналар ишлаб чиқиш, тайёрлаш ва реализация қилиш билан шуғулланадиган корхоналар ва объектлар.

17. Радиоактив моддаларни қазиб олиш, ишлаб чиқариш, ташиш, қайта ишлаш билан, радиоактив чиқиндиларни кўмиш, уран ва бошқа бўлинувчи материалларни, шунингдек улардан ясалган маҳсулотларни реализация қилиш билан шуғулланувчи корхоналар ва объектлар.

18. Ракета-космос мажмулари алоқа тизимлари ва уларни бошқариш воситаларини ишлаб чиқиш, тайёрлаш, таъмирлаш ва реализация қилиш билан шуғулланувчи корхоналар ва объектлар.

19. Қимматбаҳо ва нодир металлар, қимматбаҳо тошлар қазиб олиш ҳамда қайта ишлаш корхоналари.

20. Портлаб кетиш хавфи бор ва заҳарли моддаларни қайта ташийдиган корхоналар.

21. Қурол-яроғ ва уларга керакли ўқ-дорилар, ҳимоя воситалари, ҳарбий техника, эҳтиёт қисмлар бутлаш қисмлари ва уларга керакли асбоблар, портловчи моддалар, пиротехника маҳсулотлари, шунингдек уларни ишлаб чиқариш учун махсус материаллар ва ускуналар ишлаб чиқиш, тайёрлаш, таъмир этиш ва реализация қилиш билан шуғулланувчи корхоналар фуқаролик мудофааси ва сафарбарлик мақсадидаги объектлар ҳамда мол-мулклар.

22. Овчилик ва спорт соҳасида фойдаланиладиган ўқотар қуроллар, ўқ-дори, шунингдек ўтсиз қурол (миллий пичоқлар бундан мустасно) ишлаб чиқариш, таъмир этиш ва реализация қилиш билан шуғулланувчи корхоналар ва ташкилотлар.

23. Атом энергетикаси объектларини (ускуналар қурилмалари, тизимлари ва асбоблари), катта трубопроводлар, кўприклар, туннелларни, шунингдек мудофаа объектларини қуриш ва монтаж қилиш, улардан фойдаланиш ҳамда таъмир ишлари олиб бориш билан шуғулланувчи ихтисослашган корхоналар ва ташкилотлар.

24. Қабристонлар.

25. Кўмир, нефть, газ қазиб чиқарувчи ва ёқилғини қайта ишловчи тармоқларнинг корхоналари ва ташкилотлари, электр ва иссиқлик ҳосил қилувчи корхоналар, ташкилотлар (электр станциялари ва ноҳия қозонхоналари), катта газопровод ва нефтепроводлар, нефть маҳсулотларини оқизма ҳолда етказиб берадиган қувурлар, автомобилларга ёнилғи қўйиш станциялари ва тизим ҳосил этадиган электр тармоқлари, геология-қидирув ташкилотлари, махсус автотранспорт, технология алоқаси ва уларнинг ахборот марказлари.

26. Темир йўл, ҳаво ва дарё транспортида йўловчи ва юк ташиш билан, шу жумладан автомобилларда халқаро юк ва йўловчи ташиш билан шуғулланувчи корхоналар ва ташкилотлар.

27. Ахборот ва телеграф агентликлари.

28. Элеваторлар, совуткичхоналар, давлат захираларини доимий жойлаштиришни таъминлаб берадиган омбор хўжалиги объектлари.

29. Ботиний ва захирий хавф-хатари кўп объектлар ва ишлаб чиқаришлар қуриш ҳамда улардан фойдаланиш билан , улар учун ускуналар, фалокатларнинг олдини олиш ва назорат тизимини тайёрлаш билан шуғулланувчи корхоналар ва ташкилотлар.

30. Ўзбекистон Республикаси Фанлар академиясининг ва Ўзбекистон қишлоқ хўжалик фанлари академиясининг илмий-тадқиқот муассасалари, корхоналари ва ташкилотлари, давлат илмий марказлари.

31. Ёнғинга қарши автоматика воситалари, қўриқловчи ва ёнғиндан огоҳлантирувчи, қўриқлаш-огоҳлантиришга мўлжалланган сигнал бериш воситаларини лойиҳалаш, таъмирлаш, монтаж қилиш, созлаш, уларга техник хизмат кўрсатиш билан шуғулланувчи корхоналар ва ташкилотлар.

32. Барча вазирликлар, идораларнинг олий, ўрта махсус ўқув юртлари, ҳунар-техника билим юртлари ва бошқа ўқув юртлари, шунингдек умумтаълим мактаблари.

33. Давлат наслчилик ва от заводлари, селекция станциялари, давлат уруғчилик мубоширликлари (инспекциялари) ва қишлоқ хўжалик экинларининг нав синов лабораториялари, нав синаш станциялари ва участкалари.

1. Асосий фондларнинг баланс қиймати 1992 йил 1 январигача 20 миллион сўмликдан ортиқ бўлган халқ хўжалиги корхоналари.

2. Фармацевтика саноати ҳамда тиббий-биологик дори-дармонлар саноати корхоналари.

3. Спирт, ароқ-ликёр ва тамаки маҳсулотлари ишлаб чиқарадиган корхоналар.

4. Болалар истеъмол қиладиган маҳсулотлар ишлаб чиқарувчи корхоналар ва ташкилотлар.

5. Республикадан четда жойлашган давлат санаторий-курорт хўжаликлари.

6. Гаровхоналар.

7. Маросимлар ўтказишда хизмат кўрсатадиган корхоналар, ташкилотлар ва муассасалар.

8. Кинолаштириш корхоналари ва объектлари, кутубхоналар ва қироатхоналар.

9. Кимё корхоналари (гербицидлар, минерал ўғитлар, синтетик толалар, қишлоқ хўжалик зараркунандаларига қарши курашда ишлатиладиган заҳарли кимёвий дорилар ва ҳоказолар ишлаб чиқариш).

10. Соғлиқни сақлаш муассасалари.

11. Матбаа корхоналари ва нашриётлари.

12. Ветеринария хизмати, ўсимликларни ҳимоя қилиш хизмати корхоналари ва муассасалари.

13. Сув хўжалиги, ва мелиоратив тармоқлар ва иншоотлар қурувчи корхоналар.

14. Пахта, хом ипак ва ғаллага дастлабки ишлов берувчи корхоналар.

15. Ногиронлар, ғариб-кексалар, етимлар учун ва фуқароларнинг ижтимоий жиҳатдан ҳимоя этилмаган бошқа тоифалари учун уйлар ва интернатлар.

16. Мактабгача тарбия болалар муассасалари.

17. Йўловчилар ташиш билан шуғулланувчи (енгил таксилардан ташқари) корхоналар.

1. Умумий фойдаланишдаги автомобиль йўлларига хизмат кўрсатувчи корхоналар ва ташкилотлар.

2. Қимматбаҳо металлар ва тошлардан ясалган заргарлик буюмлари сотувчи корхоналар.

3. Шаҳарларнинг муҳандислик инфраструктураси (электр, иссиқлик ва газ таъминоти, водопровод-канализация хўжалиги, шаҳар ёритув тармоғи) ва ободонлаштириш объектлари, шунингдек ана шу объектлардан фойдаланиш, уларга хизмат кўрсатиш, уларни таъминлаш ва таъмирлаш билан шуғулланувчи корхоналар.

4. Алоқа объектларини қуриш, монтаж қилиш, улардан фойдаланиш ва уларни таъмирлаш билан шуғулланувчи корхоналар ва ташкилотлар.

5. Атир-упа ва косметика буюмлари, рўзғор кимёси моллари тайёрлаб чиқарувчи корхоналар.

6. Соғломлаштириш муассасалари ҳамда болалар, ўсмирлар ва ёшларнинг бошқа хил муассасалари.