Ўзбекистон Республикаси Вазирлар Маҳкамасининг 2012 йил 16 октябрдаги «Географик объектларнинг номлари тўғрисида»ги Ўзбекистон Республикаси Қонунига мувофиқ «Ўзбекистон Республикаси географик объектларининг номлари соҳасидаги ишларни тартибга солиш чора-тадбирлари ҳақида»ги 295-сонли қарори, вилоят ҳокимининг 2012 йил 22 октябрдаги 230-қ-сонли қарори ҳамда Ўзбекистон Республика Бош вазири Ш. М. Мирзиёев томонидан тасдиқланган Республика Географик объектларни номлаш ва қайта номлаш масалалари бўйича комиссияси мажлисининг 2012 йил 31 октябр кунги 232-01/07/1-717-сонли ҳамда 24 июндаги 155-сонли йиғилиш баёни ижросини таъминлаш мақсадида Ўзбекистон Республикаси «Маҳаллий Давлат ҳокимияти тўғрисида»ги Қонунининг 6-моддасини қўллаб қарор қиламан:

1. Ўзбекистон Республикаси Вазирлар Маҳкамасининг 2013 йил 24 июндаги «Географик объектларни номлаш ва қайта номлаш масалалари бўйича» Республика комиссияси мажлисининг 155-сонли йиғилиш баёни раҳбарлик ва ижро учун қабул қилинсин.

2. «Географик объектларни номлаш ва қайта номлаш масалалари бўйича» Республика комиссияси мажлисининг 155-сонли йиғилиш баёнининг 3-бандига асосан шаҳар ва туман ҳудудларидаги тарихий шахслардан ташқари бирор бир шахснинг номи билан аталадиган кўча, хиёбон, умуман географик объект қолмаслиги бўйича берилган топшириққа асосан туман ҳудудидаги қишлоқ, шаҳарча, маҳаллалар, кўчалар номларини тўлиқ инвентаризациядан ўтказилганлиги, такрорларини қайта номланганлиги, тарихий шахслардан бошқа шахс номларини ўзгартирилганлиги бўйича ҳудудий комиссиясининг берган таклифлари 1-иловага* асосан тасдиқлансин.

3. Туман ҳокимининг иқтисодиёт ва ижтимоий ривожлантириш масалалари бўйича ўринбосари М. Мирзаахмедов ҳамда ташкилий назорат гуруҳи Г. Дехқоновларга туман архитектори ва бошқа алоқадор масъулларни жалб этган ҳолда ушбу қарор асосида барча номи ўзгарган ва ўзгармаган географик объектларнинг номларини бир хилда кўркам ёзилиши, молиявий манбаси бўйича 10 кун муддатда таклиф тайёрлаш, 2013 йил 30 декабргача номларни белгиланган жойларга илинишини ташкиллаштириш вазифалари юклатилсин.

4 «Қўрғонтепа ҳақиқати» муҳарририяти (А. Қорабоев)га «Географик объектларни номлаш ва қайта номлаш масалалари бўйича» қарори расмий эълон қилинсин, бажарилишини газета саҳифасида ёритиб бориш белгилаб қўйилсин ва қабул қилинган кундан бошлаб кучга киритилсин.

5. Ушбу қарор тасдиғи халқ депутатлари туман кенгашига киритилсин.

6. Ушбу қарор ижросини назоратини ўз зиммамда қолдираман.