LexUZ шарҳи
Мазкур Фармон Ўзбекистон Республикаси Президентининг 2020 йил 27 сентябрдаги ПФ-6075-сонли «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида»ги Фармонига асосан ўз кучини йўқотган.
Биржалар фаолиятини такрорлашга барҳам бериш, унга бир томонлама ёндашувга йўл қўймаслик ва уларнинг фаолиятини мувофиқлаштиришни таъминлаш, шунингдек бозор тармоқлари мажмуини ривожлантиришга, хўжалик алоқаларини янада мустаҳкамлашга, республикани истеъмол моллари ва моддий-техника ресурслари билан тўлдиришга биржалар қўшадиган ҳиссани кўпайтириш мақсадида:
1. Республика ҳудудида биржа фаолиятини мувофиқлаштирувчи орган сифатида Биржалар кенгаши тузилсин. Белгилаб қўйилсинки, мазкур Кенгаш ҳозирги вақтда Ўзбекистонда фаолият кўрсатаётган биржаларнинг раисларидан ташкил топади.
2. Биржаларни давлат рўйхатидан ўтказиш Ўзбекистон Республикаси Адлия вазирлиги зиммасига юклансин. Шу нарса белгилансинки, республика ҳудудида янгидан ташкил этиладиган биржалар 1-бандда кўрсатилган Биржалар кенгаши билан келишиб олинганидан кейингина рўйхатдан ўтказилади.
3. Вазирлар Маҳкамаси ушбу Фармонни рўёбга чиқаришга оид ташкилий тадбирларни амалга оширсин ва бир ой муддат ичида «Ўзбекистон Республикасида биржа фаолияти тўғрисида»ги Қонун лойиҳасини Ўзбекистон Республикаси Олий Кенгашининг муҳокамасига тақдим этсин.
LexUZ шарҳи
Қаранг: Ўзбекистон Республикаси Президенти ҳузуридаги Вазирлар Маҳкамасининг 1992 йил 3 мартдаги 95-сон «Ўзбекистон Республикасида биржалар фаолиятини мувофиқлаштириш тўғрисида»ги қарори.