Ўзбекистон Республикаси Вазирлар Маҳкамасининг 2009 йил 8 апрелдаги 102-сонли «Давлат мулкини ижарага бериш тартибини такомиллаштириш чора-тадбирлари тўғрисида»ги қарорига (Ўзбекистон Республикаси қонун ҳужжатлари тўплами, 2009 йил, 15-сон, 186-модда) мувофиқ Ўзбекистон Республикаси Молия вазирлиги ва Давлат мулкини бошқариш давлат қўмитаси қарор қиладилар:

1. Қуйидагилар ўз кучини йўқотган деб ҳисоблансин:

Ўзбекистон Республикаси Молия вазирлиги, Давлат мулкини бошқариш ва тадбиркорликни қўллаб-қувватлаш давлат қўмитаси томонидан 1999 йил 23 ноябрдаги 88-сон ва 1999 йил 29 ноябрдаги 17-сон билан тасдиқланган «Бюджет ташкилотлари томонидан вақтинча фойдаланилмаётган давлат мулкини бошқа корхона ва ташкилотларга ижарага бериш тартиби тўғрисида»ги низом (рўйхат рақами 869, 2000 йил 7 январь) (Меъёрий ҳужжатлари ахборотномаси, 2000 йил, 1-сон);

Ўзбекистон Республикаси Молия вазирлиги ва Давлат мулкини бошқариш ва тадбиркорликни қўллаб-қувватлаш давлат қўмитасининг 2001 йил 6 сентябрдаги 102 ва 10-1-262-сон «Бюджет ташкилотлари томонидан вақтинча фойдаланилмаётган давлат мулкини бошқа корхона ва ташкилотларга ижарага бериш тартиби тўғрисида»ги низомга ўзгартириш ва қўшимчалар киритиш тўғрисидаги қарори (рўйхат рақами 869-1, 2001 йил 10 сентябрь) (Меъёрий ҳужжатлари ахборотномаси 2001 йил, 17-сон).

2. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.