1-модда. Ўзбекистон Республикасининг 1994 йил 22 сентябрда қабул қилинган 2015-ХII-сонли Қонуни билан тасдиқланган Ўзбекистон Республикасининг Маъмурий жавобгарлик тўғрисидаги кодексига (Ўзбекистон Республикаси Олий Кенгашининг Ахборотномаси, 1995 йил, № 3, 6-модда; Ўзбекистон Республикаси Олий Мажлисининг Ахборотномаси, 1995 йил, № 9, 193-модда, № 12, 269-модда; 1996 йил, № 5-6, 69-модда, № 9, 144-модда; 1997 йил, № 2, 56-модда, № 4-5, 126-модда, № 9, 241-модда; 1998 йил, № 3, 38-модда, № 5-6, 102-модда, № 9, 181-модда; 1999 йил, № 1, 20-модда, № 5, 124-модда, № 9, 229-модда; 2000 йил, № 5-6, 153-модда, № 7-8, 217-модда; 2001 йил, № 1-2, 23-модда, № 9-10, 165, 182-моддалар; 2002 йил, № 1, 20-модда, № 9, 165-модда; 2003 йил, № 1, 8-модда, № 5, 67-модда, № 9-10, 149-модда; 2004 йил, № 1-2, 18-модда, № 5, 90-модда, № 9, 171-модда; 2005 йил, № 1, 18-модда; Ўзбекистон Республикаси Олий Мажлиси палаталарининг Ахборотномаси, 2005 йил, № 9, 312-модда, № 12, 413, 417, 418-моддалар; 2006 йил, № 6, 261-модда) қуйидаги қўшимчалар киритилсин:

1) қуйидаги мазмундаги 128¹-модда билан тўлдирилсин:

Транспорт воситасини бошқариш вақтида ҳайдовчиларнинг телефондан фойдаланиши, —

энг кам иш ҳақининг бир баравари миқдорида жарима солишга сабаб бўлади.

Худди шундай ҳуқуқбузарлик маъмурий жазо қўлланилганидан кейин бир йил давомида такрор содир этилган бўлса, —

энг кам иш ҳақининг икки бараваридан уч бараваригача миқдорда жарима солишга ёки транспорт воситасини бошқариш ҳуқуқидан олти ойгача муддатга маҳрум этишга сабаб бўлади»;

2) 245-модданинг биринчи қисми «128-моддасининг тўртинчи қисми» деган сўзлардан кейин «128¹-моддасининг иккинчи қисми» деган сўзлар билан тўлдирилсин;

3) 248-модданинг:

биринчи қисми «128» рақамидан кейин «-моддалари, 128¹-моддасининг биринчи қисмида» деган сўзлар билан тўлдирилсин;

иккинчи қисми 5, 6 ва 7-бандлари «129-моддасининг биринчи қисмида» деган сўзлардан олдин «128¹-моддасининг биринчи қисмида» деган сўзлар билан тўлдирилсин;

4) 287-модданинг 1-банди «128» рақамидан кейин «128¹» рақами билан тўлдирилсин.

2-модда. Ушбу Қонун 2007 йил 1 январдан эътиборан кучга киради.