Oldingi tahrirga qarang.
(qarorning nomi O‘zbekiston Respublikasi Vazirlar Mahkamasining 2002-yil 27-noyabrdagi 413-sonli qarori tahririda — O‘R QHT, 2002-y., 22-son, 180-modda)
Oldingi tahrirga qarang.
“Davlat soliq xizmati to‘g‘risida”gi O‘zbekiston Respublikasi Qonuniga muvofiq Vazirlar Mahkamasi qaror qiladi:
(muqaddima O‘zbekiston Respublikasi Vazirlar Mahkamasining 2002-yil 27-noyabrdagi 413-sonli qarori tahririda — O‘R QHT, 2002-y., 22-son, 180-modda)
Oldingi tahrirga qarang.
(1-band O‘zbekiston Respublikasi Vazirlar Mahkamasining 2002-yil 27-noyabrdagi 413-sonli qaroriga muvofiq chiqarilgan — O‘R QHT, 2002-y., 22-son, 180-modda)
Oldingi tahrirga qarang.
2. Belgilansinki, soliq organlari xodimlarining majburiy davlat sug‘urtasi respublika budjeti mablag‘lari hisobiga amalga oshiriladi.
3. Belgilab qo‘yilsinki, soliq organlari xodimlarining majburiy davlat sug‘urtasi bo‘yicha sug‘urta summasi to‘lov kunida qonun hujjatlarida belgilangan eng kam oylik ish haqi miqdorining 80 baravarini tashkil etadi.
Keyingi tahrirga qarang.
4. Belgilansinki, sug‘urta mukofoti Davlat soliq qo‘mitasi (sug‘urta qildiruvchi) tomonidan vakil qilingan sug‘urtalovchiga sug‘urta qilinishi kerak bo‘lgan sug‘urta qildiruvchining har bir xodimiga to‘lash paytida amal qilgan eng kam oylik ish haqi miqdorining 20 foizi miqdorida to‘lanadi.
Keyingi tahrirga qarang.
5. “Kafolat” davlat-aksiyadorlik sug‘urta kompaniyasi (vakil qilingan sug‘urtalovchi) mazkur qarorda belgilangan tartibda majburiy davlat sug‘urtasini amalga oshirishni 2002-yil 31-dekabrgacha davom ettirsin.
“O‘zbekinvest” eksport-import milliy sug‘urta kompaniyasi (vakolatli sug‘urtalovchi) mazkur qarorda belgilangan tartibda majburiy davlat sug‘urtasi o‘tkazishni 2003-yil 1-yanvardan boshlasin.
Keyingi tahrirga qarang.
6. “Kafolat” davlat-aksiyadorlik sug‘urta kompaniyasi soliq organlari xodimlarining majburiy davlat sug‘urtasiga tegishli hujjatlarning nusxalari va sug‘urta zaxiralari mablag‘lari 2003-yil 1-fevralgacha “O‘zbekinvest” eksport-import milliy sug‘urta kompaniyasiga berilishini ta’minlasin.
“O‘zbekinvest” eksport-import milliy sug‘urta kompaniyasi hujjatlarni va sug‘urta zaxiralari vositalarini qabul qilsin hamda har bir keyingi yil boshlangunga qadar O‘zbekiston Respublikasi Davlat soliq qo‘mitasi bilan zarur sug‘urta shartnomalari tuzilishini ta’minlasin.
Keyingi tahrirga qarang.
7. O‘zbekiston Respublikasi Moliya vazirligi bir oy muddatda Soliq organlari xodimlarining majburiy davlat sug‘urtasi qoidalarini tasdiqlasin.
(2-7-bandlar O‘zbekiston Respublikasi Vazirlar Mahkamasining 2002-yil 27-noyabrdagi 413-sonli qarori tahririda — O‘R QHT, 2002-y., 22-son, 180-modda)