O‘zbekiston Respublikasining “O‘zbekiston Respublikasi Markaziy banki to‘g‘risida”gi Qonunning 40-moddasi va “Valyutani tartibga solish to‘g‘risida”gi Qonunning 7 va 21-moddalariga muvofiq va O‘zbekiston Respublikasi Prezidentining 2002-yil 27-iyundagi PF-3099-sonli “O‘zbekiston Respublikasida naqd xorijiy valyutaning muomalasini tartibga solish bo‘yicha qo‘shimcha choralar to‘g‘risida”gi Farmoni, Vazirlar Mahkamasining 2001-yil 22-iyundagi 263-sonli “Valyuta bozorini yanada erkinlashtirish chora-tadbirlari to‘g‘risida”gi hamda 2002-yil 28-iyundagi 235-sonli “O‘zbekiston Respublikasi Hukumatining ayrim qarorlariga o‘zgartirishlar kiritish to‘g‘risida”gi qarorlarining ijrosini ta’minlash maqsadida, O‘zbekiston Respublikasi Markaziy banki Boshqaruvi, O‘zbekiston Respublikasi Moliya vazirligi va O‘zbekiston Respublikasi Davlat soliq qo‘mitasi qaror qiladi:

1. O‘zbekiston Respublikasi hududida naqd xorijiy valyutani qabul qilish tartibi to‘g‘risidagi nizom (yangi tahrirda) ilovaga muvofiq tasdiqlansin.

2. Ushbu qaror O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab, 10 kundan so‘ng kuchga kiritilsin.

3. Mazkur qaror kuchga kiritilgandan so‘ng “O‘zbekiston Respublikasi hududida tovarlar va xizmatlar to‘lovi uchun naqd xorijiy valyutani qabul qilish tartibi to‘g‘risidagi Nizom” (ro‘yxat raqami 1046, 3.07.2001-y., Me’yoriy hujjatlari axborotnomasi, 2001-y., 13-son) va “O‘zbekiston Respublikasi hududida tovarlar va xizmatlar to‘lovi uchun naqd xorijiy valyutani qabul qilish tartibi to‘g‘risidagi Nizomga 1-son o‘zgartirish” (ro‘yxat raqami 1046-1, 31.08.2001-y., Me’yoriy hujjatlari axborotnomasi, 2001-y., 16-son) o‘z kuchini yo‘qotgan deb hisoblansin.

Mazkur Nizom O‘zbekiston Respublikasining “O‘zbekiston Respublikasi Markaziy banki to‘g‘risida”gi va “Valyutani tartibga solish to‘g‘risida”gi (yangi tahrirda) qonunlariga muvofiq ishlab chiqilgan hamda qonun hujjatlarida nazarda tutilgan hollarda O‘zbekiston Respublikasi hududida chet el valyutasida hisob-kitoblar va to‘lovlarni amalga oshirish paytida naqd chet el valyutasini qabul qilish tartibini belgilaydi.

1. O‘zbekiston Respublikasi hududida naqd xorijiy valyutani quyidagi holatlarda qabul qilish mumkin:

v) konsullik xizmatlari;

v¹) O‘zbekiston Respublikasi Prezidentining 2017-yil 29-dekabrdagi PQ-3451-son “Xorijiy davlatlarda ko‘rgazma tadbirlarini o‘tkazish uchun mo‘ljallangan tovarlarni olib chiqish tartibini soddalashtirish chora-tadbirlari to‘g‘risida”gi qaroriga muvofiq xorijiy davlatlarda o‘tkaziladigan ko‘rgazma va yarmarkalarda sotilgan tovarlar;

d) boj to‘lamasdan savdo qiladigan do‘konlardagi hisob-kitoblar bilan, shuningdek xalqaro tashishlar paytida transport vositalarining borish yo‘lida yo‘lovchilarga tovarlar va xizmatlar sotilganda hisob-kitoblar bilan bog‘liq operatsiyalar;

e) kreditlar bo‘yicha muddatli va kechiktirilgan qarzlarni hamda ular bo‘yicha chet el valyutasidagi foizlarni so‘ndirish;

j) qonun hujjatlarida belgilangan tartibda yuridik shaxslarning ustav fondiga (ustav sarmoyasiga) badalni to‘lash;

z) tijorat banklarida omonatlarga pul mablag‘larini kiritish;

i) xayriya maqsadlarida amalga oshiriladigan pul mablag‘larini kiritishda;

k) qonun hujjatlarida belgilangan tartibda sug‘urtalash va qayta sug‘urtalash shartnomalari bo‘yicha qarzlarni so‘ndirishda;

k¹) norezident xo‘jalik yurituvchi subyektlar tomonidan eksport qilinadigan tovarlar (ishlar, xizmatlar);

k²) jismoniy shaxs — norezident tomonidan tashqi savdo shartnomasi bo‘yicha debitor qarzdorliklarni so‘ndirish uchun;

n) qonun hujjatlarida belgilangan boshqa hollarda.

2. Ko‘rsatilgan to‘lovlar naqd xorijiy valyutada, shuningdek plastik to‘lov va kredit kartochkalar orqali ham amalga oshirilishi mumkin.

3. Mazkur Nizom doirasida sotilgan tovarlar (ishlar, xizmatlar) to‘lovi uchun quyidagi xorijiy valyutalar qabul qilinishi mumkin:

AQSh dollari;

ingliz funt sterlingi;

EVRO;

shveysariya franki;

yapon iyenasi va tijorat bankining ixtiyoriga ko‘ra boshqa xorijiy valyutalar.

4. Mazkur Nizom 1-bandining “v¹” , “e” , “j” , “z” , “i” , “k” , “k¹” , “n” kichik bandlarida nazarda tutilgan hollarda naqd chet el valyutasini qabul qilish tijorat banklarining kassalarida Tijorat banklarida kassa ishini tashkil etish, naqd pul va boshqa qimmatliklarni inkassatsiya qilishga doir yo‘riqnomaga (ro‘yxat raqami 3028, 2018-yil 29-iyun) muvofiq amalga oshiriladi.

4¹. Mazkur Nizomning 1-bandi “j”, “z”, “k¹” va “k²” kichik bandlarida nazarda tutilgan hollarda jismoniy shaxs — norezident tomonidan quyidagi hujjatlardan biri taqdim etilganda naqd chet el valyutasi bank kassasiga qabul qilinadi:

jismoniy shaxs — norezident tomonidan naqd chet el valyutasini chet eldan olib kelganligini tasdiqlovchi yo‘lovchi bojxona deklaratsiyasi;

mablag‘lar bankomat (terminal) orqali jismoniy shaxs — norezidentning bank kartalaridan echilganligini tasdiqlovchi cheklar;

jismoniy shaxs — norezident nomiga uning O‘zbekiston Respublikasi banklarida ochilgan hisobvaraqlariga chet eldan kelib tushgan mablag‘larning echilganligini tasdiqlovchi bank ma’lumotnomalari.

Naqd chet el valyutasi norezident tomonidan berilgan ishonchnoma asosida jismoniy shaxs — rezidentlardan qabul qilinganda, pul mablag‘lari ushbu jismoniy shaxs-rezident tomonidan chet eldan olib kelganligini tasdiqlovchi yo‘lovchi bojxona deklaratsiyasining taqdim etilishi majburiy sharti bo‘lib hisoblanadi.

9. Mazkur Nizom 1-bandining “v” va “d” kichik bandlarida nazarda tutilgan hollarda korxonalar va tashkilotlarning maxsus kassalariga naqd xorijiy valyutani qabul qilish O‘zbekiston Respublikasi hududida chet el valyutasida kassa operatsiyalarini yuritish tartibiga (ro‘yxat raqami 611, 1999-yil 22-yanvar) muvofiq, valyuta tushumini belgilangan tartibda inkassatsiya qilgan holda amalga oshiriladi.

12. Mazkur Nizomning talablarini buzganlikda aybdor bo‘lgan shaxslar qonunchilikda belgilangan tartibda javobgarlikka tortiladilar.

13. Tijorat banklari O‘zbekiston Respublikasi hududida naqd chet el valyutasini qabul qilish to‘g‘risidagi ma’lumotlarni O‘zbekiston Respublikasi Markaziy banki tomonidan belgilangan shakl va muddatlarda taqdim etadilar.

Mazkur Nizomga rioya qilinishi ustidan nazorat qilish Markaziy bank va O‘zbekiston Respublikasi Davlat soliq qo‘mitasining zimmasiga yuklanadi.