Aholiga shoshilinch xizmat koʻrsatishni tashkil etishni yanada takomillashtirish va uning sifatini oshirish, fuqarolarga shoshilinch xizmatlarga toʻsiqsiz murojaat qilishi va tezkor yordam olish imkoniyatini beruvchi yagona tizimni joriy etish ishlarini samarali tashkil etish maqsadida Vazirlar Mahkamasi qaror qiladi:

1. Vazirlar Mahkamasining ““112” yagona dispetcherlik xizmati faoliyatini tashkil etish toʻgʻrisida” 2024-yil 29-maydagi 304-son qaroriga asosan:

“Oʻzbektelekom” AK “Kontakt markazi” filialining tarmogʻi, texnik uskunalari va dasturiy taʼminotlari negizida “112” yagona dispetcherlik xizmati tashkil etilgani;

“112” yagona dispetcherlik xizmati faoliyati Oʻzbekiston Respublikasi Davlat budjeti parametrlarida tasdiqlangan mablagʻlar hisobidan moliyalashtirilishi belgilangani maʼlumot uchun qabul qilinsin.

2. Vazirlar Mahkamasining ““112” yagona dispetcherlik xizmati faoliyatini tashkil etish toʻgʻrisida” 2024-yil 29-maydagi 304-son qaroriga ilovaga muvofiq “112” yagona dispetcherlik xizmati faoliyatini koʻrsatilayotgan xizmatlarning narxlari (tariflari)dan kelib chiqib, shartnoma asosida budjet mablagʻlari hisobidan moliyalashtirishni nazarda tutuvchi oʻzgartirish va qoʻshimchalar kiritilsin.

3. Iqtisodiyot va moliya vazirligi “Kontakt markazi” masʼuliyati cheklangan jamiyati tomonidan 2025-yilda koʻrsatilgan xizmatlari uchun “Oʻzbektelekom” AK tomonidan ajratilgan mablagʻlar Davlat budjeti parametrlarida rejalashtirilgan mablagʻlar hisobidan qoplab berilishini taʼminlasin.

4. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov hamda Oʻzbekiston Respublikasi raqamli texnologiyalar vaziri Sh.X. Shermatov zimmasiga yuklansin.

1. 5-bandning “b” kichik bandida:

beshinchi xatboshi quyidagi tahrirda bayon etilsin:

“Bunda, Iqtisodiyot va moliya vazirligi kelgusi yillarda “112” yagona dispetcherlik xizmati faoliyatini moliyalashtirish uchun zarur mablagʻlar har yili Oʻzbekiston Respublikasining Davlat budjeti parametrlarida Oʻzbekiston Respublikasi Raqamli texnologiyalar vazirligiga ajratilishi nazarda tutilishini taʼminlasin”;

b) quyidagi mazmundagi oltinchi va yettinchi xatboshilar bilan toʻldirilsin:

““112” yagona dispetcherlik xizmatining narxlari (tariflari) narxlarni tartibga soluvchi organ bilan kelishgan holda Oʻzbekiston Respublikasi Raqamli texnologiyalar vazirligi tomonidan tasdiqlanadi.

Tasdiqlangan narxlar (tariflar) asosida Oʻzbekiston Respublikasi Raqamli texnologiyalar vazirligi va “Kontakt markazi” masʼuliyati cheklangan jamiyati oʻrtasida shartnoma tuziladi hamda ushbu shartnomaga muvofiq ishlab chiqilgan “Kontakt markazi” masʼuliyati cheklangan jamiyatining xarajatlar smetasi Oʻzbekiston Respublikasi Iqtisodiyot va moliya vazirligi bilan kelishilgan holda Oʻzbekiston Respublikasi Raqamli texnologiyalar vazirligi tomonidan tasdiqlanadi”.

2. 2-ilovaning 6-bandi “Amalga oshirish mexanizmi” ustunidagi “normativ-huquqiy hujjat” soʻzlari “idoraviy normativ-huquqiy hujjat” soʻzlari bilan almashtirilsin.

3. 3-ilovaning 21-bandi beshinchi xatboshisi quyidagi tahrirda bayon etilsin:

““112” YADXning operatorlik personalini tayyorlash, qayta tayyorlash va ularning malakasini oshirish tartibini belgilaydi hamda operatorlik personalni tayyorlash, qayta tayyorlash va malakasini oshirish ishlarini tashkil etadi”.