“Xorijdan mablag‘ jalb qilish to‘g‘risida” va “Budjet tizimi to‘g‘risida”gi O‘zbekiston Respublikasi qonunlariga, O‘zbekiston Respublikasi Vazirlar Mahkamasining “Jalb etiladigan xorijiy kreditlar bo‘yicha O‘zbekiston Respublikasi kafolatlarini berish tartibi to‘g‘risida” 2003-yil 28-noyabrdagi 534-son qaroriga muvofiq hamda jalb etiladigan xorijiy kreditlar bo‘yicha O‘zbekiston Respublikasi kafolatlari berilganligi uchun to‘lov undirish mexanizmini takomillashtirish maqsadida Vazirlar Mahkamasi qaror qiladi:
1. Jalb etiladigan xorijiy kreditlar bo‘yicha O‘zbekiston Respublikasi kafolatlari berilganligi uchun to‘lov undirish tartibi to‘g‘risidagi nizom ilovaga muvofiq tasdiqlansin.
2. O‘zbekiston Respublikasi Moliya vazirligi Hukumat qarorlari bo‘yicha jalb etiladigan xorijiy kreditlar bo‘yicha O‘zbekiston Respublikasi kafolatlarini berishda mazkur qaror bilan tasdiqlangan Nizomga qat’iy amal qilsin.
3. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari R.S. Azimov va E.M. G‘aniyev zimmasiga yuklansin.
1. Mazkur Nizom jalb etiladigan xorijiy kreditlar bo‘yicha O‘zbekiston Respublikasi kafolatlari berilganligi uchun to‘lov (keyingi o‘rinlarda matnda “taqdirlash puli” deb yuritiladi) undirish tartibini belgilab beradi.
2. O‘zbekiston Respublikasining kafolati ostida jalb etiladigan xorijiy kreditlar bo‘yicha qarz oluvchilar (subqarz oluvchilar)dan tushadigan taqdirlash puli respublika budjetining daromadlari sifatida hisobga olinadi, O‘zbekiston Respublikasi Vazirlar Mahkamasining Zaxira jamg‘armasini shakllantirish manbalaridan biri hisoblanadi va Davlat budjeti daromadlari tasnifining tegishli bo‘limi va paragrafi bo‘yicha ochilgan tranzit hisob raqamlari orqali o‘tkaziladi.
Taqdirlash pulini o‘tkazish uchun respublika budjetining tranzit daromad hisob raqami rekvizitlari qarz oluvchilar (subqarz oluvchilar)ga O‘zbekiston Respublikasi Moliya vazirligi tomonidan belgilangan tartibda yetkaziladi.
Keyingi tahrirga qarang.
3. O‘zbekiston Respublikasi Moliya vazirligi bilan qarz oluvchi (subqarz oluvchi) o‘rtasida tuziladigan kafolat bitimida O‘zbekiston Respublikasi kafolatlari berilganligi uchun taqdirlash puli to‘lash bo‘yicha qarz oluvchi (subqarz oluvchi)ning majburiyatlari nazarda tutiladi.
tijorat shartlarida berilgan kreditlar bo‘yicha, — yillik 0,5 foiz, asosiy qarzning tanlangan va qaytarilmagan qismiga o‘tkaziladi;
imtiyozli shartlarda berilgan kreditlar bo‘yicha, — yillik 0,1 foiz (budjetdan ta’minlanmaydigan tashkilotlar uchun), asosiy qarzning tanlangan va qaytarilmagan qismiga o‘tkaziladi.
Taqdirlash pulini qaytarish manbai budjet mablag‘lari bo‘lgan kreditlar, shuningdek ular bo‘yicha subqarz oluvchilarning majburiyatlari bo‘yicha O‘zbekiston Respublikasining kafolatlari berilmaydigan, respublikaning tijorat banklari tomonidan qayta moliyalashtiriladigan xorijiy kreditlar bo‘yicha undirilmaydi.
Keyingi tahrirga qarang.
5. Taqdirlash puli jalb etiladigan kreditni qaytarish jadvaliga muvofiq foizlar to‘lanadigan tegishli sanalarda O‘zbekiston Respublikasi Markaziy bankining to‘lov kunidagi kursi bo‘yicha teng miqdorda so‘mda to‘lanadi.
Taqdirlash pulini to‘lash uch kun mobaynida kechiktirilgan taqdirda, qarz oluvchilar (subqarz oluvchilar) muddati o‘tkazib yuborilgan summaga qo‘shimcha ravishda har bir kechiktirilgan kun uchun muddati o‘tkazib yuborilgan qarzlar summasining 0,1 foizi miqdorida penya to‘laydilar.
6. Qarz oluvchilar (subqarz oluvchilar) tomonidan taqdirlash pulini o‘z vaqtida to‘lash bo‘yicha majburiyatlar bajarilmagan taqdirda, O‘zbekiston Respublikasi Moliya vazirligi pul mablag‘larini qarz oluvchi va subqarz oluvchining har qanday hisob raqamlaridan (subqarz oluvchining majburiyatlari bo‘yicha O‘zbekiston Respublikasi kafolatlari berilgan taqdirda) muddati o‘tkazib yuborilgan summa va hisoblangan penya miqdorida istalgan valyutada shubhasiz va so‘zsiz undirib olish huquqiga egadir.
Pul mablag‘larini qarz oluvchi (subqarz oluvchi)ning hisob raqamlaridan chiqarish budjetga to‘lovlarni hisobdan chiqarish uchun belgilangan tartibda amalga oshiriladi.
7. Ilgari olingan kreditlar summasi o‘zgarganligi, yoxud jalb etilgan kreditlarni qaytarish muddatlari uzaytirilganligi munosabati bilan kredit bitimlarini qayta rasmiylashtiruvchi qarz oluvchilar (subqarz oluvchilar) taqdirlash pulini mazkur Nizomda belgilangan tartibda kredit bitimlari qayta rasmiylashtirilgan paytdan boshlab to‘laydilar.
8. Qarz oluvchilar (subqarz oluvchilar) tomonidan to‘langan taqdirlash puli qaytarilmaydi va O‘zbekiston Respublikasi Vazirlar Mahkamasining tasarrufida qoladi.
Keyingi tahrirga qarang.
10. O‘zbekiston Respublikasi Moliya vazirligi belgilangan muddatlarda O‘zbekiston Respublikasi Vazirlar Mahkamasiga taqdim etiladigan Davlat budjeti ijrosi to‘g‘risidagi hisobotda jalb etiladigan xorijiy kreditlar bo‘yicha O‘zbekiston Respublikasi kafolatlari berilganligi uchun to‘lov sifatida hisobot sanasida tushgan mablag‘lar to‘g‘risidagi ma’lumotni ko‘rsatadi hamda ushbu ma’lumotni qonun hujjatlarida nazarda tutilgan boshqa hollarda taqdim etadi.
Keyingi tahrirga qarang.