LexUZ sharhi
Mazkur Farmon O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
1. SSSR Prezidenti farmoyishini ijro etish yuzasidan O‘rta Osiyo va Qozog‘iston musulmonlari diniy boshqarmasining O‘rta Osiyo regionida istiqomat qiluvchi 500 kishidan iborat bir guruh musulmonlarni 1990-yil 19-iyunidan 10-iyuligacha haj qiluvchilar sifatida Saudiya Arabistoniga yuborish to‘g‘risidagi iltimosiga rozilik berilsin.
2. O‘zbekiston Fuqaro aviatsiyasi boshqarmasi (o‘rtoq Rafiqov) haj qiluvchilarni kelishilgan marshrut bo‘yicha Jidda shahriga (Saudiya Arabistoni) olib borib qo‘yish va olib kelishni ta’minlasin, ana shu maqsadlar uchun IL-86 va IL-62 samolyotlar ajratilib, ularni doimiy istiqomat joylariga yetkazib qo‘yishni ham ta’minlasin.
3. O‘zbekiston SSR Ichki ishlar vazirligi (o‘rtoq Yo‘ldoshev) ruxsatnomalar va qayd etish bo‘limi, O‘zbekiston Tashqi ishlar vazirligi (o‘rtoq Azimov), O‘zbekiston Respublika bojxonasi (o‘rtoq Tarasov), SSSR Vazirlar Kengashi huzuridagi O‘zbekiston SSR bo‘yicha diniy ishlar kengashi bilan birgalikda tegishli yo‘l hujjatlarining jadal rasmiylashtirilishini ta’minlasinlar.
4. O‘zbekiston SSR Sog‘liqni saqlash vazirligi (o‘rtoq Bahromov) haj qiluvchilarga zarur dori-darmonlar ajratib, haj joylarda bo‘lish davrida ularga malakali tibbiy xizmat ko‘rsatilishini ta’minlasin.
5. O‘zbekiston SSR Savdo vazirligi (o‘rtoq Usmonov) O‘rta Osiyo va Qozog‘iston musulmonlari diniy boshqarmasi bilan birgalikda yodgorlik buyumlari, esdalik sovg‘alari xarid etishda haj qiluvchilarga ko‘maklashsin.
6. Toshkent shahar ijroiya komiteti (o‘rtoq Shoabdurahimov) musulmonlar diniy boshqarmasining talabnomasiga ko‘ra haj qiluvchilar jo‘nab ketishi oldidan va Saudiya Arabistonidan qaytganidan keyin ularning Toshkent shahridagi mehmonxonalarda joylashtirilishini ta’minlasin.