Oʻzbekiston Respublikasi Prezidentining 2018-yil 26-apreldagi PQ-3680-son “Fermer, dehqon xoʻjaliklari va tomorqa yer egalari faoliyatini takomillashtirish boʻyicha qoʻshimcha chora-tadbirlar toʻgʻrisida”gi va 2025-yil 28-martdagi PQ-131-son “Qishloq xoʻjaligida yerdan foydalanish samaradorligini oshirish va mahsulot yetishtirish hajmini koʻpaytirish boʻyicha qoʻshimcha chora-tadbirlar toʻgʻrisida”gi qarorlari hamda 2025-yil 14-fevraldagi PF-22-son “Tomorqa yer egalari va dehqon xoʻjaliklari faoliyatida zamonaviy tashkiliy tizimni joriy qilish va moliyaviy qoʻllab-quvvatlashning qoʻshimcha chora-tadbirlari toʻgʻrisida”gi Farmoniga muvofiq Oʻzbekiston Respublikasi Iqtisodiyot va moliya vazirligi, Markaziy bank boshqaruvi hamda Qishloq xoʻjaligi vazirligi qaror qiladi:

1. Oʻzbekiston Respublikasi Moliya vazirligi, Markaziy bank boshqaruvi va Qishloq xoʻjaligi vazirligining 2018-yil 13-dekabrdagi 153, 350-V, 56-son “Fermer, dehqon xoʻjaliklari va tomorqa yer egalarining aʼzolik badalini Oʻzbekiston fermer, dehqon xoʻjaliklari va tomorqa yer egalari kengashiga oʻtkazib berish tartibi toʻgʻrisidagi nizomni tasdiqlash haqida”gi qaroriga (roʻyxat raqami 3121, 2019-yil 15-yanvar) (Qonun hujjatlari maʼlumotlari milliy bazasi, 16.01.2019-y., 10/19/3121/2483-son) ilovaga muvofiq oʻzgartirishlar kiritilsin.

2. Mazkur qaror Oʻzbekiston fermerlari kengashi bilan kelishilgan.

3. Mazkur qaror rasmiy eʼlon qilingan kundan eʼtiboran kuchga kiradi.

1. Qarorda:

qaror nomi quyidagi tahrirda bayon etilsin:

“Fermer xoʻjaliklarining aʼzolik badalini Oʻzbekiston fermerlari kengashiga oʻtkazib berish tartibi toʻgʻrisidagi nizomni tasdiqlash haqida”;

1-band quyidagi tahrirda bayon etilsin:

“1. Fermer xoʻjaliklarining aʼzolik badalini Oʻzbekiston fermerlari kengashiga oʻtkazib berish tartibi toʻgʻrisidagi nizom ilovaga muvofiq tasdiqlansin.”.

2. Nizomda:

1) nomi quyidagi tahrirda bayon etilsin:

“Fermer xoʻjaliklarining aʼzolik badalini Oʻzbekiston fermerlari kengashiga oʻtkazib berish tartibi toʻgʻrisidagi nizom”;

2) muqaddima quyidagi tahrirda bayon etilsin:

“Mazkur Nizom fermer xoʻjaliklarining aʼzolik badalini (bundan buyon matnda aʼzolik badali deb yuritiladi) Oʻzbekiston fermerlari kengashiga (bundan buyon matnda Kengash deb yuritiladi) oʻtkazib berish tartibini belgilaydi.”;

3) 1-band quyidagi tahrirda bayon etilsin:

“1. Aʼzolik badallari Kengash tizimini moliyalashtirish uchun tuman fermer xoʻjaliklari kengashlarining (bundan buyon matnda tuman kengashi deb yuritiladi) asosiy hisobvaragʻiga oʻtkazib beriladi. Tuman kengashlari tomonidan kelib tushgan aʼzolik badallari Qoraqalpogʻiston Respublikasi va viloyatlar fermer xoʻjaliklari kengashlarining (bundan buyon matnda hududiy kengash deb yuritiladi) asosiy hisobvaragʻiga, hududiy kengashlar tomonidan esa Kengashning asosiy hisobvaragʻiga oʻtkaziladi.”;

4) 3-bandda:

ikkinchi xatboshi quyidagi tahrirda bayon etilsin:

“paxta va gʻalla yetishtirishga ixtisoslashtirilgan fermer xoʻjaliklari tomonidan yetishtiriladigan paxta xomashyosi boʻyicha birjada eʼlon qilinadigan boshlangʻich narxidan hamda donning shakllangan oʻrtacha narxidan 0,6 foiz miqdorida, bunda 2025-yil hosilidan boshlab paxtadan gektariga 50 sentnerdan va gʻalladan 80 sentnerdan yuqori hosil olgan fermer xoʻjaliklari uchun 0,3 foiz miqdorida;”;

toʻrtinchi xatboshi chiqarib tashlansin;

5) 5 — 8-bandlar quyidagi tahrirda bayon etilsin:

“5. Tuman kengashlariga aʼzolik badallarini kirim qilish uchun tijorat banklarida ochilgan kengashlarning daromad va xarajatlari uchun 20212-son asosiy hisobvaraqlari ochiladi.

6. Aʼzolik badali har yili fermer xoʻjaliklari tomonidan oyma-oy fermer xoʻjaliklarining toʻlov topshiriqnomalari yoki tuman kengashlari tomonidan shartnomaga muvofiq qoʻyiladigan toʻlov talabnomalariga asosan tuman kengashlarining 20212-son asosiy hisobvaragʻiga oʻtkazib beriladi.

7. Tuman kengashlarining 20212-son asosiy hisobvaragʻiga aʼzolik badallari uchun kelib tushgan mablagʻlar keyingi ish kunidan kechikmagan holda bank hisobvaragʻi shartnomasiga asosan toʻlov topshiriqnomasi yoki memorial order orqali toʻliq hududiy kengashning 20212-son asosiy hisobvaragʻiga oʻtkaziladi.

8. Hududiy kengashning 20212-son asosiy hisobvaragʻiga tuman kengashlaridan kelib tushgan mablagʻlar keyingi ish kunidan kechikmagan holda bank hisobvaragʻi shartnomasiga asosan toʻlov topshiriqnomasi yoki memorial order orqali toʻliq Kengashning 20212-son asosiy hisobvaragʻiga oʻtkaziladi.”;

6) 9-band oʻz kuchini yoʻqotgan deb topilsin;

7) 11-banddagi “fermer, dehqon xoʻjaliklari va tomorqa yer egalarini” degan soʻzlar “fermer xoʻjaliklarini” degan soʻzlar bilan almashtirilsin;

8) 12-banddagi “fermer, dehqon xoʻjaliklari va tomorqa yer egalari” degan soʻzlar “fermer xoʻjaliklari” degan soʻzlar bilan almashtirilsin;

9) 13-banddan “va dehqon” degan soʻzlar chiqarib tashlansin.