Vazirlar Mahkamasi qayd etadiki, Vazirlar Mahkamasining “Qishloq aholi yashash joylarini ichimlik suv va tabiiy gaz bilan taʼminlashni yanada yaxshilash chora-tadbirlari toʻgʻrisida” 1999-yil 1-iyundagi 278-son qaroriga muvofiq 1999—2002-yillarda respublikada 14698 km gaz va 7579 km suv quvurlari shoxobchalari qurildi. Natijada qishloq aholi yashash joylarini tabiiy gaz bilan qamrab olish darajasi 86,3 foizgacha va ichimlik suv bilan qamrab olish 78,2 foizgacha oʻsdi.

Shu bilan birga qishloq aholi yashash joylarini ichimlik suv bilan taʼminlash topshirigʻi Buxoro, Qashqadaryo va Sirdaryo viloyatlarida, tabiiy gaz bilan taʼminlash esa Buxoro, Jizzax, Sirdaryo viloyatlarida bajarilmadi. Qishloq aholi yashash joylarini tejamli boʻlmagan texnik yechimlar boʻyicha tabiiy gaz bilan taʼminlash hollari mavjud.

Qishloq aholi yashash joylarini ichimlik suv va tabiiy gaz bilan taʼminlash boʻyicha olib borilayotgan ishlar samaradorligini oshirish maqsadida Vazirlar Mahkamasi qaror qiladi:

1. Qishloq aholisini ichimlik suv va tabiiy gaz bilan taʼminlash dasturini amalga oshirish boʻyicha Respublika komissiyasi hamda Qoraqalpogʻiston Respublikasi Vazirlar Kengashi va viloyatlar hokimliklarining hududiy komissiyalari tomonidan olib borilayotgan ishlar qoniqarsiz deb hisoblansin.

2. Quyidagilar:

Qishloq aholisini ichimlik suv va tabiiy gaz bilan taʼminlash dasturini amalga oshirish boʻyicha Respublika komissiyasining yangilangan tarkibi 1-ilovaga* muvofiq;

2. Oʻzbekiston Respublikasi Iqtisodiyot vazirligi, “Oʻzbekneftgaz” milliy xolding kompaniyasi, “Oʻzkommunxizmat” agentligi, “Koʻmir” aksiyadorlik birlashmasi, Qoraqalpogʻiston Respublikasi Vazirlar Kengashi, viloyatlar hokimliklari tomonidan ishlab chiqilgan 2005-yil oxiriga borib qishloq aholi yashash joylarini tabiiy va suyultirilgan gaz, yoqilgʻining boshqa turlari bilan, 2009-yil oxirigacha — ichimlik suv bilan toʻliq qamrab olishni nazarda tutuvchi 2003 — 2009-yillarda qishloq aholi yashash joylarini ichimlik suv va tabiiy gaz bilan taʼminlash dasturi 2 — 5-ilovalarga* muvofiq tasdiqlansin.

Belgilansinki, Qoraqalpogʻiston Respublikasi Vazirlar Kengashining Raisi va viloyatlar hokimlari koʻrsatib oʻtilgan Qishloq aholi yashash joylarini ichimlik suv va tabiiy gaz bilan taʼminlash dasturi amalga oshirilishi uchun shaxsan javob beradilar.

3. Qoraqalpogʻiston Respublikasi Vazirlar Kengashi, viloyatlar hokimlari respublika dasturi asosida:

bir oy muddatda mazkur qarorning 2-bandiga muvofiq qishloq aholi yashash joylari roʻyxatini va ularni ichimlik suv va tabiiy gaz bilan taʼminlashning hisoblab chiqilgan muddatlarini ishlab chiqsinlar va tasdiqlasinlar;

suv va gaz keltirish shoxobchalari qurilishi jadvallarining oʻzaro muvofiqlashtirilishini hamda ularga qishloq aholi yashash joylarining ulanishini taʼminlasinlar;

oʻz mablagʻlari hisobiga suv va gaz taʼminoti shoxobchalarini qurayotgan tashkilotlar, korxonalar va aholiga koʻmaklashsinlar;

Oʻzbekiston Respublikasi Iqtisodiyot vazirligi va Moliya vazirligi bilan birgalikda har yili, moliyalashtirishning aniq manbalarini hisobga olgan holda, qishloq aholi yashash joylarini ichimlik suv, tabiiy gaz bilan taʼminlashning mintaqaviy dasturlarini aniqlashtirsinlar hamda respublika Investitsiya dasturiga kiritish uchun takliflar bersinlar;

tegishli vazirliklar va idoralar bilan birgalikda olis, borish qiyin boʻlgan va aholi siyrak joylashgan qishloq aholi yashash joylarini eng tejamli texnik yechimlar boʻyicha suv va energiya bilan taʼminlasinlar;

“Koʻmir” aksiyadorlik birlashmasi bilan birgalikda borish qiyin boʻlgan va aholisi siyrak joylashgan qishloq aholi yashash joylariga aholiga sotish uchun zarur miqdorda koʻmir yetkazib berilishini taʼminlasinlar.

4. Oʻzbekiston Respublikasi Iqtisodiyot vazirligi va Moliya vazirligi har yilgi investitsiya dasturlarini ishlab chiqishda belgilangan tartibda Qoraqalpogʻiston Respublikasi Vazirlar Kengashiga, viloyatlar hokimliklariga, “Oʻzkommunxizmat” agentligiga Qishloq aholisini ichimlik suv va tabiiy gaz bilan taʼminlash dasturini amalga oshirish uchun kapital qoʻyilmalarning markazlashtirilgan limitlarini nazarda tutsinlar, ularning yetishmayotgan qismiga ular tomonidan mablagʻ bilan taʼminlashning budjetdan tashqari manbalari, shu jumladan korxonalar va tashkilotlar, aholining oʻz mablagʻlari hamda chet el investitsiyalari jalb etilishini hisobga olsinlar.

5. Osiyo taraqqiyot banki “Qoraqalpogʻiston Respublikasi va Xorazm viloyatida ichimlik suv taʼminoti tizimini takomillashtirish” loyihasini amalga oshirish uchun 38,0 mln. AQSh dollari miqdorida qarz berganligi maʼlumot uchun qabul qilinsin.

Vazirlar Mahkamasining Umumiqtisodiyot kompleksi (R.S.Azimov) Vazirlar Mahkamasining Tashqi iqtisodiy aloqalar va xorijiy investitsiyalar departamenti, manfaatdor idoralar bilan birgalikda:

2003—2006-yillarda “Qoraqalpogʻiston Respublikasi va Xorazm viloyatida ichimlik suv taʼminoti tizimini takomillashtirish” loyihasi” Osiyo taraqqiyot banki ishtirokida oʻz vaqtida va toʻla koʻlamda amalga oshirilishini;

Navoiy va Qashqadaryo viloyatlari qishloq aholi yashash joylarining suv taʼminotini yaxshilash loyihasini amalga oshirishga 2004—2005-yillarda Osiyo taraqqiyot bankining 25 mln. AQSh dollari miqdoridagi qarzi jalb etilishini;

mazkur qaror bilan tasdiqlangan Qishloq aholi yashash joylarini ichimlik suv va tabiiy gaz bilan taʼminlash dasturini amalga oshirish uchun xalqaro moliya institutlari va xorijiy banklarning qoʻshimcha uzoq muddatli imtiyozli kreditlari va grantlarini jalb etish masalalari ishlab chiqilishini taʼminlasin.

6. “Oʻzbekneftgaz” milliy xolding kompaniyasi:

tabiiy gazning barcha gaz taqsimlash stansiyalariga belgilangan loyiha parametrlarida uzluksiz yetkazib berilishini taʼminlasin;

borish qiyin boʻlgan qishloq joylarda yashayotgan aholiga suyultirilgan gaz yetkazib berishni yaxshilash uchun birinchi navbatda “Oʻzkommunxizmat” agentligi korxonalariga suyultirilgan gazning zarur miqdorda yetkazib berilishini taʼminlasin.

7. “Oʻzkommunxizmat” agentligi:

borish qiyin boʻlgan va olis joylarda hamda tabiiy gaz bilan taʼminlash mumkin boʻlmagan joylarda yashayotgan aholini gaz ballonlari bilan taʼminlasin;

shoxobchalarni va gazni tartibga soluvchi asbob-uskunalarni ularning uzluksiz va avariyasiz ishlashi uchun zarur boʻlgan hajmda doimiy ravishda mukammal taʼmirlasin.

8. Qishloq aholi yashash joylarini ichimlik suv va tabiiy gaz bilan taʼminlash dasturini amalga oshirish boʻyicha respublika komissiyasi:

hududiy komissiyalar tomonidan olib borilgan monitoring asosida yilning har choragida hududiy komissiyalar rahbarlarining ishtirokida Qishloq aholi yashash joylarini ichimlik suv va tabiiy gaz bilan taʼminlash dasturining bajarilishini koʻrib chiqsin hamda belgilangan topshiriqlar bajarilishi yuzasidan zarur chora-tadbirlar koʻrsin;

mazkur qarorda belgilangan parametrlar bajarilishini hisobga olgan holda hududiy komissiyalarning takliflari texnik-iqtisodiy asoslanganligidan kelib chiqib, zarurat boʻlganda, har yili dastur doirasida mintaqalar boʻyicha parametrlarga oʻzgartirish va tuzatishlar kiritishga ruxsat bersin.

9. Hukumatning 6-ilovaga muvofiq ayrim qarorlari oʻz kuchini yoʻqotgan deb hisoblansin.

10. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari K.N. Toʻlaganov zimmasiga yuklansin.

1. Vazirlar Mahkamasining “1998—2000-yillar davrida qishloq aholisini ichimlik suv va tabiiy gaz bilan taʼminlash dasturi toʻgʻrisida” 1998-yil 17-martdagi 117-son qarori.

2. Vazirlar Mahkamasining “Qishloq aholi yashash joylarini ichimlik suv va tabiiy gaz bilan taʼminlashni yanada yaxshilash chora-tadbirlari toʻgʻrisida” 1999-yil 1-iyundagi 278-son qarori.

3. Vazirlar Mahkamasining “Oʻzkommunxizmat” agentligi toʻgʻrisidagi nizomni, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining hududiy kommunal-foydalanish birlashmasi toʻgʻrisidagi Namunaviy nizomni tasdiqlash haqida” 2001-yil 13-fevraldagi 74-son qaroriga (Oʻzbekiston Respublikasi QT, 2001-y., 2-son, 10-modda) 3-ilovaning 9-bandi.

4. Vazirlar Mahkamasining “Ayrim respublika komissiyalari tarkiblarini tasdiqlash toʻgʻrisida” 2003-yil 3-fevraldagi 55-son qaroriga 2-ilova.

5. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2003-yil 28-fevraldagi 112-son qaroriga (Oʻzbekiston Respublikasi QT, 2003-y., 2-son, 19-modda) ilovaning 21-bandi.