PQ-10-сон 20.01.2023. Ichki ishlar organlarini xalqchil professional tuzilmaga aylantirish va aholi bilan yanada yaqin hamkorlikda ishlashga yoʻnaltirish boʻyicha qoʻshimcha chora-tadbirlar toʻgʻrisida

Oʻzbekiston Respublikasi Prezidentining qarori, 20.01.2023 yildagi PQ-10-son

Дата вступления в силу

21.01.2023

Рус

Eng

Ўзб

O’zb

O‘zb|Рус

Hujjat 22.01.2025 sanasi holatiga

Joriy versiya

Oʻzbekiston Respublikasi Prezidentining

Qarori

Ichki ishlar organlarini xalqchil professional tuzilmaga aylantirish va aholi bilan yanada yaqin hamkorlikda ishlashga yoʻnaltirish boʻyicha qoʻshimcha chora-tadbirlar toʻgʻrisida

Oʻzbekiston Respublikasi Prezidentining 2022-yil 28-yanvardagi “2022 — 2026-yillarga moʻljallangan Yangi Oʻzbekistonning taraqqiyot strategiyasi toʻgʻrisida”gi PF-60-son Farmoni ijrosini taʼminlash, shuningdek, ichki ishlar organlarini aholining ishonchli himoyachisi sifatida xalqchil professional tuzilmaga aylantirish, ularning fuqarolar, jamoat tashkilotlari hamda keng jamoatchilik bilan yaqin hamkorlikda, oʻzaro ishonch va hamjihatlik ruhida ishlashini taʼminlash, mahallalar, aholi turar joylari va butun yurtimizda qonun ustuvorligi, tinchlik-osoyishtalikni yanada mustahkamlash maqsadida:

1. Quyidagi asosiy maqsadlarga yoʻnaltirilgan Ichki ishlar organlari xodimlarining kasbiy madaniyat va xizmat intizomi kodeksi (keyingi oʻrinlarda — Kodeks) 1-ilovaga muvofiq tasdiqlansin:

ichki ishlar organlari xodimlarini “Inson qadri uchun” tamoyili asosida davlatning yuksak maʼnaviy-axloqiy fazilatlarga ega, oʻz burchiga sodiq, vatanparvar va xalqparvar vakili etib tarbiyalash orqali aholining chinakam roziligiga erishish;

ichki ishlar organlari xodimlarida xizmat vazifalariga halol, vijdonan, Vatan va xalq oldidagi burchini chin dildan his etgan holda, yuksak masʼuliyat bilan yondashish, jamiyatda umumeʼtirof etilgan odob-axloq normalariga soʻzsiz amal qilish tuygʻusini shakllantirish;

ichki ishlar organlarida sodir etilishi mumkin boʻlgan nojoʻya xatti-harakatlar, suiisteʼmolchilik va korrupsiya holatlarining barvaqt oldini olish, huquq-tartibot tizimi obroʻsiga salbiy taʼsir koʻrsatuvchi nizoli vaziyatlarni yuzaga keltirmaslik.

Belgilansinki:

ichki ishlar organlarining har bir xodimi Kodeksda belgilangan qoida va talablarni bilishi, ularga qatʼiy va soʻzsiz amal qilishi majburiy hisoblanadi;

Kodeksda belgilangan qoida va talablarga amal qilish xodimning xizmat faoliyati samaradorligi va xizmat intizomini baholashning asosiy mezoni hisoblanadi;

Kodeksdagi qoida va talablarga amal qilmaslik yoki ularni qoʻpol ravishda buzish xodimni ichki ishlar organlaridan xizmatdan boʻshatishgacha boʻlgan intizomiy jazo chorasini qoʻllash uchun asos boʻladi.

Ichki ishlar vaziri P. Bobojonov va uning oʻrinbosari A. Ikramov Kodeks qoidalari va talablariga soʻzsiz rioya etilishi, shuningdek, barcha darajadagi rahbar va xodimlarning oʻzaro munosabatlari faqat qonun hujjatlariga asoslangan holda tashkil qilinishini taʼminlash boʻyicha shaxsan masʼul etib belgilansin.

Barcha darajadagi hududiy, sohaviy va tarmoq ichki ishlar organlari boshliqlari oʻz boʻysunuvidagi shaxsiy tarkib bilan Kodeks talablarini bajarishga qaratilgan maʼnaviy-maʼrifiy va tarbiyaviy ishlarni amalga oshirish, shuningdek, xodimlarning oilaviy-maishiy muammolarini doimiy oʻrganish va hal etish boʻyicha samarali choralarni koʻrish uchun shaxsan javobgar ekanligi toʻgʻrisida ogohlantirilsin.

2. Ichki ishlar vazirligi tuzilmasida Maʼnaviy-maʼrifiy ishlar va kadrlar bilan taʼminlash departamenti (keyingi oʻrinlarda — Departament) tashkil etilganligi maʼlumot uchun qabul qilinsin.

Ichki ishlar organlarida kadrlar salohiyatini oshirish zamon talabi va dolzarb vazifa ekanidan kelib chiqqan holda, quyidagilar Departament faoliyatini yanada takomillashtirishning ustuvor yoʻnalishlari etib belgilansin:

ichki ishlar organlarida xizmatga qabul qilish boʻyicha nomzodlarni tanlashning adolatli, xolis va shaffof tizimini yaratib, oʻrnatilgan tartiblarni tubdan soddalashtirish va byurokratik toʻsiqlarni bartaraf etishga qaratilgan kompleks chora-tadbirlarni belgilash;

maʼnaviy-maʼrifiy ishlarni “taʼlim muassasasidan — xizmatning oxiriga qadar” tamoyili asosida tizimli va uzluksiz tashkil etish orqali ularning samaradorligi hamda taʼsirchanligini oshirish;

xizmatning oʻziga xos xususiyatlarini inobatga olgan holda, ichki ishlar organlari shaxsiy tarkibi oʻrtasida manzilli psixologik tadbirlarning zamonaviy usullarini tatbiq etish, lavozimga tayinlash va attestatsiya oʻtkazish jarayonlarida mutaxassis-psixologlarning rolini oshirish;

ichki ishlar organlarida istiqbolli yosh rahbar kadrlar zaxirasini shakllantirishning yangi tizimini joriy etish, ularning faoliyatini tizimli monitoring qilish va doimiy ravishda oʻqitib borish mexanizmlarini yaratish;

jamoat xavfsizligini taʼminlash va jinoyatchilikka qarshi kurashish sohasining xususiyatlaridan kelib chiqib, ichki ishlar organlari shaxsiy tarkibining jangovar va jismoniy tayyorgarlik darajasini oshirishning uzluksiz tizimini yaratish va uni baholashni yangi mezonlar asosida amalga oshirish;

inson omilini istisno etish hamda korrupsiya holatlarining barvaqt oldini olish maqsadida ichki ishlar organlarida kadrlar bilan ishlash, xizmatni oʻtash qoidalariga rioya etilishini taʼminlash, shuningdek, shaxsiy tarkib va ularning oila aʼzolarini ijtimoiy himoya qilish tizimini zamon talablariga mos ravishda toʻliq raqamlashtirish.

Oʻzbekiston Respublikasi Ichki ishlar vazirligi Maʼnaviy-maʼrifiy ishlar va kadrlar bilan taʼminlash departamenti toʻgʻrisidagi nizom 2-ilovaga muvofiq tasdiqlansin.

Departament va uning quyi boʻlinmalari faoliyatini belgilangan ustuvor yoʻnalishlar asosida yanada takomillashtirish boʻyicha kompleks chora-tadbirlarni samarali amalga oshirish masʼuliyati shaxsan ichki ishlar vazirining oʻrinbosari A. Ikramov zimmasiga yuklansin.

3. Ichki ishlar vazirligining quyidagi takliflariga rozilik berilsin:

ichki ishlar organlarida xizmatga birinchi marta qabul qilingan xodimlarga nisbatan tayinlanadigan dastlabki sinov muddatini bir yil etib belgilash;

hududiy ichki ishlar organlari ehtiyojini inobatga olib, Ichki ishlar vazirligining akademik litseylari bitiruvchilari uchun Ichki ishlar vazirligi Akademiyasida bakalavriatning “Huquqbuzarliklar profilaktikasi faoliyati” taʼlim yoʻnalishiga, toʻlov-kontrakt asosida oʻqitishni nazarda tutgan holda, 200 nafargacha qoʻshimcha har yillik qabul kvotasini kiritish.

Ichki ishlar vazirligi (A. Ikramov):

intizomiy jazo tariqasida lavozimidan ozod etilayotgan xodimlarni boshqa sohaviy tuzilmalarga oʻtkazish amaliyotiga chek qoʻyib, oʻz yoʻnalishi boʻyicha quyi boʻlinmalarga yoʻnaltirish yoki malakasiga baho bergan holda xizmatga loyiqligini aniqlash maqsadida attestatsiyadan oʻtkazish tartibini yoʻlga qoʻysin;

2023-yil yakuniga qadar mansab lavozimlarini yuqori maʼnaviy-axloqiy, ishchanlik va kasbiy sifatlarga ega boʻlgan nomzodlar bilan toʻldirishni nazarda tutgan holda, ichki ishlar organlarida xizmatga qabul qilishning sifat jihatidan yangi, soddalashtirilgan tartibini oʻrnatish hamda “E-nomzod” elektron axborot tizimini yaratish boʻyicha kompleks chora-tadbirlarni koʻrsin;

ikki oy muddatda xizmatning oʻziga xos xususiyatlarini inobatga olgan holda, ichki ishlar organlari xodimlarida muloqot psixologiyasi va muomala madaniyati hamda nostandart vaziyatlarda ruhiy barqarorlikni saqlash boʻyicha zarur koʻnikmalarni shakllantirish yuzasidan kompleks chora-tadbirlarni belgilasin;

uch oy muddatda ichki ishlar organlarida malaka toifasini berish tartibi va mezonlarini tanqidiy qayta koʻrib chiqib, unda xodimlarni kasbiy bilimlari, jangovar va jismoniy tayyorgarlik darajasi, axborot texnologiyalaridan foydalana olishi hamda Kodeks qoida va talablarini oʻzlashtirganligi boʻyicha sinovdan oʻtkazish tizimini joriy etsin.

4. Shunday tartib oʻrnatilsinki, unga muvofiq:

ichki ishlar organlariga xizmatga birinchi marta qabul qilingan xodimlar Ichki ishlar vazirligi Malaka oshirish institutida uch oylik boshlangʻich kasbiy tayyorgarlik kurslarini muvaffaqiyatli tamomlaganidan soʻng tegishli lavozimga tayinlanadi;

ichki ishlar organlariga xizmatga birinchi marta qabul qilingan (tor ixtisoslik sirasiga kiruvchi lavozimlarga) xodimlar Ichki ishlar vazirligi Malaka oshirish instituti va Maxsus tayyorgarlik oʻquv markazida uch oylik boshlangʻich kasbiy tayyorgarlik kurslarini muvaffaqiyatli tamomlaganidan soʻng tegishli lavozimga tayinlanadi;

ichki ishlar organlariga xizmatga birinchi marta qabul qilingan xodimlar dastlabki sinov muddati davrida Kodeks qoida va talablarini buzgan holatlarda ularga biriktirilgan murabbiylar, aybdorlik darajasidan kelib chiqib, egallab turgan lavozimidan ozod etishgacha boʻlgan intizomiy jazoga tortiladi;

Ichki ishlar vazirligi akademik litseylarining fan nomzodi yoki falsafa doktori (PhD), shuningdek, fan doktori yoxud fan doktori (DSc) ilmiy darajalariga, professor yoki dotsent ilmiy unvonlariga ega boʻlgan kafedra boshliqlari mehnatga haq toʻlash shartlariga koʻra, oliy taʼlim muassasasining kafedra boshligʻi (mudiri)ga tenglashtiriladi;

2023-yil 1-sentabrdan boshlab huquqbuzarliklar profilaktikasi, yoʻl-patrul va patrul-post xizmati boʻlinmalari xodimlarini “Fuqarolar bilan ishlash moduli” boʻyicha uzluksiz oʻqitish amaliyotini yoʻlga qoʻyish orqali ularning sohada samarali xizmat olib borishdagi shaxsiy masʼuliyati oshiriladi.

Bunda, Ichki ishlar vazirligi Malaka oshirish institutida davomiyligi 144 soatdan kam boʻlmagan dastur asosida xodimlar har uch yilda bir marta oʻqitilib, maxsus sinovdan oʻtkaziladi hamda sinovlarni muvaffaqiyatli topshirgan xodimlarga kelgusida ushbu sohada xizmat qilish huquqini taʼminlaydigan sertifikat beriladi.

5. Ichki ishlar organlarida kadrlar salohiyati darajasini oshirish boʻyicha kompleks chora-tadbirlar “yoʻl xaritasi” 3-ilovaga muvofiq tasdiqlansin.

6. Ichki ishlar organlari faoliyati ustidan jamoatchilik nazorati tizimini yaratish maqsadida Ichki ishlar vazirligi va uning hududiy boʻlinmalarida jamoatchilik asosida doimiy faoliyat yurituvchi maslahat-kengash organi hisoblangan, soha olimlari, faxriylari va jurnalistlardan iborat jamoatchilik kengashlari tuzilsin.

Quyidagilar jamoatchilik kengashlarining asosiy vazifalari etib belgilansin:

ichki ishlar organlari faoliyatida qonunchilik hujjatlari talablariga rioya etilishi ustidan jamoatchilik nazoratini amalga oshirish, soha boʻyicha ijtimoiy fikrni oʻrganish va tizimli monitoring olib borish;

ichki ishlar organlari faoliyatini tartibga soluvchi qonunchilik hujjatlari loyihalarini ishlab chiqish jarayonida ijtimoiy fikr va jamiyat manfaatlari hisobga olinishini taʼminlash choralarini koʻrish;

ichki ishlar organlari faoliyatidagi korrupsiya holatlari boʻyicha internet va ijtimoiy tarmoqlarda eʼlon qilingan xabarlarni batafsil oʻrganish va uning natijasini keng jamoatchilikka yetkazish.

7. Quyidagilarga:

a) Ichki ishlar vazirligi Akademiyasiga — ichki ishlar organlari taʼlim va oʻquv muassasalarining pedagog kadrlarini, shu jumladan shartnoma asosida qayta tayyorlash va malakasini oshirish;

b) Ichki ishlar vazirligi akademik litseylariga — oʻquv-tayyorlov markazlarini tashkil etgan holda, ish vaqtidan tashqari paytda akademik litsey oʻqituvchilari tomonidan oʻquvchi va fuqarolar uchun ixtiyoriylik asosida qoʻshimcha oʻquv mashgʻulotlarini oʻtkazish boʻyicha pulli taʼlim xizmatlarini koʻrsatish huquqi berilsin.

Bunda, qoʻshimcha oʻquv mashgʻulotlaridan tushgan mablagʻlarning 50 foizi mashgʻulot oʻtkazgan oʻqituvchining mehnatiga haq toʻlashga qoʻshimcha ustama uchun, qolgan qismi akademik litseyning moddiy-texnik va oʻquv bazasini rivojlantirish, xodimlarni ragʻbatlantirish va boshqa xarajatlarga yoʻnaltiriladi.

8. Ichki ishlar vazirligi (P. Bobojonov, A. Ikramov) uch oy muddatda:

Oliy taʼlim, fan va innovatsiyalar vazirligi bilan birgalikda Ichki ishlar vazirligi Akademiyasida ichki ishlar organlari taʼlim va oʻquv muassasalarining pedagog kadrlarini qayta tayyorlash va malakasini oshirish tartibini belgilasin;

Ichki ishlar vazirligi akademik litseylarida pulli taʼlim xizmatlarini koʻrsatish tartibi toʻgʻrisidagi nizomni ishlab chiqib, tasdiqlasin;

manfaatdor vazirlik va idoralar bilan birgalikda Ichki ishlar organlarida jismoniy va jangovar tayyorgarlikni tashkil etish konsepsiyasini tasdiqlasin;

barcha darajadagi hududiy, sohaviy va tarmoq ichki ishlar organlari xodimlarining jangovar shaylik va jismoniy tayyorgarlik darajasini oshirishni nazarda tutib, sportning yakka kurash turlari (qoʻl jangi, sambo va kurash) boʻyicha hududiy terma jamoalar va sport seksiyalarini tashkil etish choralarini koʻrsin;

ichki ishlar organlarida psixologik xizmat koʻrsatish boʻyicha yangi tizim joriy etish, uning moddiy-texnik bazasini rivojlantirish, mutaxassislarni xorijiy ilmiy va taʼlim muassasalarida qayta tayyorlash va ularning malakasini oshirishni nazarda tutuvchi chora-tadbirlarni belgilasin;

manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

9. Oʻzbekiston Respublikasi Prezidentining ayrim qarorlariga 4-ilovaga muvofiq oʻzgartirish va qoʻshimchalar kiritilsin.

10. Mazkur qaror ijrosini samarali tashkil etishga masʼul va shaxsiy javobgar etib ichki ishlar vaziri P. Bobojonov belgilansin.

Mazkur qaror ijrosini nazorat qilish Oʻzbekiston Respublikasining Bosh vaziri A. Aripov va Oʻzbekiston Respublikasi Prezidentining maslahatchisi oʻrinbosari D. Kadirov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2023-yil 20-yanvar,

PQ-10-son

Oʻzbekiston Respublikasi Prezidentining 2023-yil 20-yanvardagi PQ-10-son qaroriga
1-ILOVA

Ichki ishlar organlari xodimlarining kasbiy madaniyat va xizmat intizomi

KODEKSI

1-bob. Umumiy qoidalar

1. Ichki ishlar organlari xodimlarining kasbiy madaniyat va xizmat intizomi kodeksi (keyingi oʻrinlarda — Kodeks) Oʻzbekiston Respublikasi ichki ishlar organlari xodimlari, shu jumladan, Oʻzbekiston Respublikasi Ichki ishlar vazirligi (keyingi oʻrinlarda — IIV) taʼlim muassasalari kursantlari va tinglovchilari (keyingi oʻrinlarda — xodimlar)ning xizmat hamda xizmatdan tashqari faoliyatida odob-axloqi va intizomiga qoʻyiladigan talablarni belgilaydi, boshliqlar va xodimlarning oʻzaro munosabatlarini, shuningdek, ularga nisbatan ragʻbatlantirish va intizomiy jazo choralarini qoʻllash masalalarini tartibga soladi.

Ichki ishlar organlari harbiy tuzilmalari boshliqlari va harbiy xizmatchilarining harbiy xizmat hamda harbiy xizmatdan tashqari faoliyatida odob-axloqi va intizomiga qoʻyiladigan talablar, boshliqlar va harbiy xizmatchilarning oʻzaro munosabatlari, shuningdek, ularga nisbatan ragʻbatlantirish va intizomiy jazo choralarini qoʻllash Oʻzbekiston Respublikasi Qurolli Kuchlarining Intizom ustavi bilan tartibga solinadi.

Ichki ishlar organlari ishchi va xizmatchilarining mehnat hamda mehnatdan tashqari faoliyatida odob-axloqi va intizomiga qoʻyiladigan talablar, boshliqlar hamda ishchi va xizmatchilarning oʻzaro munosabatlari, shuningdek, ularga nisbatan ragʻbatlantirish va intizomiy jazo choralarini qoʻllash Oʻzbekiston Respublikasining mehnat munosabatlariga doir qonunchilik hujjatlari bilan tartibga solinadi.

2. Kodeksda belgilangan qoida va talablar xodimlarning xizmat vazifalariga halol, vijdonan, Vatan va xalq oldidagi burchini chin dildan his etgan holda, chuqur masʼuliyat va tashabbuskorlik hissi bilan yondashish, ularda yuksak maʼnaviy-axloqiy fazilatlar, vatanparvarlik va oʻz kasbiga sadoqat tuygʻusini shakllantirish, sodir etilishi mumkin boʻlgan nojoʻya xatti-harakatlar, suiisteʼmolchilik va korrupsiya holatlarining barvaqt oldini olishga yoʻnaltirilgan.

Har bir xodim ichki ishlar organlarida xizmatga qabul qilingan kundan eʼtiboran Kodeks qoida va talablarini bilishi, ularga qatʼiy va soʻzsiz rioya qilishi majburiy hisoblanib, egallab turgan lavozimi va bajaradigan ishining xususiyatidan qatʼi nazar, ularning barchasiga birdek tatbiq etiladi.

Kodeks qoidalariga amal qilish xodimning xizmat faoliyati samaradorligi va xizmat intizomini baholashning asosiy mezonlaridan biri hisoblanadi.

3. Shaxsiy vaj va boshqa subyektiv sabablar xodimlar tomonidan qonunchilik talablari va Kodeks qoidalari buzilishiga asos boʻla olmaydi.

2-bob. Ichki ishlar organlarida kasbiy madaniyat qoidalari

4. Kasbiy madaniyat qoidalari qaysi lavozimni egallashidan qatʼi nazar, xodimlarning odob-axloqi va xizmatda oʻzini tutishning asosiy talab va mezonlarni oʻz ichiga oladi.

5. Xodimlar kasbiy madaniyat qoidalarining quyidagi asosiy talablariga amal qilishga majburdir:

fuqarolar bilan muloqotda xushmuomala, kamtar va bosiq boʻlish, ijtimoiy kelib chiqishi, iqtisodiy ahvoli va boshqa omillardan qatʼi nazar, hech bir shaxs, guruh yoki tashkilotning kamsitilishi yoki afzal koʻrilishiga yoʻl qoʻymaslik;

Oʻzbekiston Respublikasi va boshqa davlatlar xalqlarining urf-odat va anʼanalarini hurmat qilish, turli etnik, ijtimoiy guruh hamda konfessiyalarning madaniy va boshqa xususiyatlarini inobatga olish, ijtimoiy barqarorlik, millatlar va dinlararo hamjihatlikka koʻmaklashish;

jismoniy va yuridik shaxslarning murojaatlarini toʻliq, xolisona va oʻz vaqtida qonuniy koʻrib chiqish;

oʻz xizmat burchini vijdonan bajarishiga nisbatan fuqarolarda shubha uygʻotuvchi xatti-harakatdan tiyilish, shuningdek, ichki ishlar organlari obroʻsiga salbiy taʼsir koʻrsatuvchi nizoli vaziyatlarni yuzaga keltirmaslik;

oʻz xizmat majburiyatlarini bajarayotganda fuqarolar va boshqa shaxslarni kamsitmaslik, ularning huquq va erkinliklari hamda qonuniy manfaatlarini hisobga olish;

xizmat majburiyatlarini bajarishga toʻsqinlik qiladigan yoki ularni bajarishda biron-bir shaxsiy, mulkiy yoki boshqa manfaatlarga daxldor boʻlishi mumkin boʻlgan harakatlar (harakatsizlik)dan oʻzini tiyish;

guruhbozlik, mahalliychilik, tanish-bilishchilik koʻrinishlariga, shuningdek, oʻz xizmat vazifalarini bajarish jarayonida boshqa salbiy holatlarga yoʻl qoʻymaslik va qatʼiy ravishda ularning oldini olish;

ichki ishlar organlarining faoliyati toʻgʻrisida jamoatchilikni xabardor qilishda rasmiy ommaviy axborot vositalari vakillariga hurmat bilan munosabatda boʻlish, shuningdek, ularning belgilangan tartibda ishonchli maʼlumotlarni olishiga koʻmaklashish;

oʻz xizmat vazifalarini vijdonan, halol va yuksak professional darajada bajarish, rasmiyatchilik, soxtakorlik va suiisteʼmolchilikka yoʻl qoʻymaslik;

ichki tartib-qoidalarga, shuningdek, telefonda soʻzlashish va kiyinish madaniyatiga qatʼiy rioya etish;

ijtimoiy tarmoqlarda davlat organlari va mansabdor shaxslar faoliyatini muhokama qilmaslik, axloqqa zid iboralarni ishlatmaslik, mamlakatda, shu jumladan, ichki ishlar organlarida amalga oshirilayotgan islohotlarga nisbatan odamlarda ishonchsizlik kayfiyatini yuzaga keltirishi mumkin boʻlgan noxolis, subyektiv materiallarni joylashtirmaslik;

oʻz xizmat majburiyatlarini bajarayotganda xizmat xonalari, davlat mulki, moddiy-texnika bazasidan hamda ichki ishlar organlarining boshqa mulkidan faqat xizmat maqsadlarida foydalanish.

6. Xodimlar korrupsiyaning har qanday koʻrinishiga qarshi kurashishi va uning profilaktikasiga faollik bilan koʻmaklashishi shart.

Xodimlar oʻz boshligʻi yoki vakolatli organlarga oʻzlarini boshqa shaxslar huquqbuzarlik sodir etishga undab murojaat qilgan har bir holat, shuningdek, boshqa xodimlar tomonidan sodir etilgan har qanday oʻziga maʼlum boʻlgan huquqbuzarliklar haqida xabar berishi zarur.

7. Xodimlar xayrixoh, xushmuomala va eʼtiborli, fuqarolar va hamkasblariga sabr-toqat va hurmat bilan munosabatda boʻlishi lozim.

8. Xodimlar fuqarolarga nisbatan qoʻpollik qilmasligi, ularning shaʼni va qadr-qimmatini kamsitish, asossiz ruhiy va jismoniy taʼsir oʻtkazish holatlariga yoʻl qoʻymasligi lozim.

9. Xizmat vazifalarini bajarish vaqtida xodimlarning tashqi koʻrinishi ish sharoiti va xizmat tadbiri xususiyatini inobatga olgan holda, aholida ichki ishlar organlariga nisbatan hurmat uygʻotishi, ular toza va orasta kiyingan boʻlishi zarur.

10. Xodimlarga xizmat majburiyatlarini bajarish va xizmat vaqtida yoxud xizmat kiyimida spirtli ichimliklar isteʼmol qilish taqiqlanadi.

11. Xodimlar mansab vakolatlarini siyosiy partiyalar, jamoat birlashmalari va ularning organlari manfaatlari yoʻlida amalga oshirishi taqiqlanadi.

12. Xodimlarga tadbirkorlik faoliyati subyekti sifatida yoki uning nomidan bu sohada qonunchilik hujjatlariga muvofiq amalga oshiriladigan, oʻzi tavakkal qilib va oʻz mulkiy javobgarligi ostida daromad (foyda) olishga qaratilgan faoliyat bilan shugʻullanishi taqiqlanadi.

Xodimlarga tadbirkorlik faoliyati subyektlarini tashkil etishga, ularning muassisi (ishtirokchisi) boʻlishga, tadbirkorlik faoliyati subyektida tashkiliy-boshqaruv, maʼmuriy-xoʻjalik vazifalarini bajarishga ruxsat berilmaydi, bundan aksiyadorlik jamiyatlarining erkin muomalada boʻlgan aksiyalariga qonunchilikda belgilangan talablar doirasida egalik qilish hollari mustasno.

13. Xodimlar oʻz mansab vakolatini suiisteʼmol qilgan holda, fuqarolar, jamiyat va davlatning qonun bilan qoʻriqlanadigan manfaatlariga zarar yetkazish orqali shaxsiy foyda olishi mumkin emas.

Xodimlar oʻz mansab vakolatlaridan noqonuniy foydalanib, fuqarolar, jamiyat yoki davlatning qonun bilan qoʻriqlanadigan manfaatlariga zarar yetkazgan taqdirda qonunchilik hujjatlariga muvofiq javobgarlikka tortiladi.

14. Xodimlarga xizmat vakolatlarini jismoniy va yuridik shaxslar manfaatlarini koʻzlab bajarish yoki bajarmaslik evaziga ulardan har qanday sovgʻalar hamda har qanday koʻrinishdagi moddiy boyliklarni olish yoxud ularning xizmatlaridan foydalanish taqiqlanadi. Bundan xodim tomonidan alohida xizmatlari uchun davlat organining tegishli qarori asosida olingan sovgʻalar, shuningdek, musobaqalar va tanlovlarda erishgan yutuqlari, umumxalq bayramlari, rasmiy ravishda nishonlanadigan sanalar hamda boshqa rasmiy tadbirlar munosabati bilan mukofotlash natijasida olingan sovgʻalar mustasno.

15. Xodimlar fuqarolar bilan munosabatda oʻzlarining xolisligi, mustaqilligi va begʻarazligini shubha ostiga qoʻyadigan, shuningdek, har qanday afzalliklar, gʻaraz va korrupsiyani keltirib chiqaruvchi vaziyatlardan oʻzini tiyishi shart.

16. Xizmatdan tashqari vaqtda xodimlar:

jamiyatda umumeʼtirof etilgan odob-axloq normalariga amal qilishi, milliy urf-odat, qadriyat va anʼanalarga hurmat bilan munosabatda boʻlishi;

ichki ishlar organlarining obroʻsiga putur yetkazishi mumkin boʻlgan xatti-harakatlardan tiyilishi;

dabdababozlik, shuhratparastlik, guruhbozlik, maishatbozlik, ichkilikbozlik va boshqa salbiy illatlarga yoʻl qoʻymasligi;

xizmat faoliyati bilan bogʻliq maʼlumotlarni oila aʼzolari, tanish-bilishlari yoki xizmatga aloqador boʻlmagan boshqa shaxslar ishtirokida muhokama qilmasligi;

gʻayriijtimoiy harakatlar sodir etmasligi shart.

17. Xodimlar chet el va Oʻzbekiston Respublikasi hududlariga xizmat safarlari davomida qonunchilik hujjatlari va IIVning normativ hujjatlarida belgilangan tartib-qoidalarga rioya qilgan holda zimmasiga yuklatilgan vazifalarni bajarishi lozim.

3-bob. Ichki ishlar organlarida xizmat intizomiga oid talablar

18. Ichki ishlar organlarida xizmat intizomi xodimlar tomonidan ushbu Kodeks talablariga qatʼiy va soʻzsiz rioya etishdan iborat.

Xizmat intizomi har bir xodimning xizmat burchini yuksak darajada anglashiga va qoʻyilgan vazifalar uchun shaxsiy javobgarligini chuqur tushunishiga asoslanadi.

19. Xizmat intizomi har bir xodim zimmasiga quyidagi majburiyatlarni yuklaydi:

Oʻzbekiston Respublikasining Konstitutsiyasi va qonunlari, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining farmon, qaror va farmoyishlari, Oʻzbekiston Respublikasi Vazirlar Mahkamasining qaror va farmoyishlariga amal qilish, IIVning normativ hujjatlari talablarini qatʼiy bajarish;

ichki ishlar organi xodimining qasamyodiga sodiq boʻlish, faqat va faqat xalq va davlat manfaatlariga xizmat qilishdan iborat boʻlgan oʻz xizmat burchini soʻzsiz bajarish;

fuqarolarning huquq va erkinliklari hamda qonuniy manfaatlarini, jismoniy va yuridik shaxslarning mulkini, konstitutsiyaviy tuzumni himoya qilish, qonun ustuvorligini, shaxs, jamiyat va davlatning xavfsizligini taʼminlash, shuningdek, huquqbuzarliklarning oldini olish va profilaktikasi yoʻlida fidoyilik bilan xizmat qilish;

oʻziga yuklatilgan xizmat vazifalari va funksional majburiyatlarini samarali amalga oshirish;

ishonib topshirilgan tabel quroli, mol-mulk va texnikani asrab-avaylash;

hushyor boʻlish, davlat va xizmat sirini qatʼiy saqlash;

murakkab vazifalarni bajarishda hamkasblariga koʻmaklashish;

xodimlar oʻrtasida oʻzaro munosabatlarga oid qoidalarga amal qilish, boshliqlar va hamkasblarni hurmat qilish;

xizmat guvohnomalarini saqlash va foydalanish tartibiga qatʼiy rioya etish, ulardan xizmatga aloqador boʻlmagan holatlarda foydalanmaslik, shu jumladan, xizmat guvohnomasini koʻrsatib, mavqeyini suiisteʼmol qilmaslik;

doimiy ravishda oʻz bilim va kasbiy koʻnikmalarini takomillashtirib borish, malaka va huquqiy madaniyatini oshirish;

xizmatdan tashqari holatlarda oʻzini munosib ravishda tutish, jamoat tartibi va odob-axloq qoidalariga amal qilishda namuna boʻlish.

19¹. Ichki ishlar organlari xodimlari quyidagilarga haqli emas:

oʻzaro yaqin qarindoshlikda yoki quda tomondan qarindosh boʻlgan shaxslar bilan (ota-onalar, aka-ukalar, opa-singillar, oʻgʻillar, qizlar, er-xotinlar, shuningdek, er-xotinlarning ota-onalari, aka-ukalari, opa-singillari va farzandlari) ichki ishlar organlarida birga xizmat qilishi, agar ularning birga xizmat qilishi ulardan birining ikkinchisiga bevosita boʻysunishiga olib kelsa;

ilmiy, ijodiy va pedagogik faoliyatdan tashqari haq toʻlanadigan boshqa faoliyat bilan shugʻullanishga;

tadbirkorlik faoliyati bilan shugʻullanishga;

tadbirkorlik faoliyati subyektlarini tashkil etishga, ularning muassisi (ishtirokchisi) boʻlishga, tadbirkorlik faoliyati subyektida tashkiliy-boshqaruv, maʼmuriy-xoʻjalik vazifalarini bajarishga;

qimor va tavakkalchilikka asoslangan boshqa oʻyinlarda, shu jumladan, axborot-kommunikatsiya texnologiyalaridan foydalangan holda ishtirok etishga;

chet davlat fuqaroligini yoki chet davlatda doimiy yashash huquqini beruvchi hujjatni olish maqsadida murojaat qilishga;

Oʻzbekiston Respublikasi hududidan tashqarida hisobvaraqlar ochishga va ularga ega boʻlishga, koʻchmas mulkka va boshqa mol-mulkka egalik qilishga, bundan chet davlatda taʼlim olish, stajirovka oʻtash va tibbiy xizmatlardan foydalanish maqsadida ochilgan hisobvaraqlar mustasno;

oʻzining vakolatlarini siyosiy partiyalarning, boshqa jamoat birlashmalarining va ular organlarining manfaatlarini koʻzlab amalga oshirishga, xizmat majburiyatlarini amalga oshirish bilan bogʻliq hollar bundan mustasno;

xizmatni oʻtash vaqtida diniy rasm-rusumlar va marosimlarni bajarishga, bundan farzand tugʻilishi, nikoh, toʻy va dafn marosimlari mustasno;

ichki ishlar organlarining binolarida va hududida diniy rasm-rusumlar va marosimlarni tashkil etishga, diniy mazmundagi materiallar va buyumlarni saqlashga, xizmat majburiyatlarini amalga oshirish bilan bogʻliq hollar bundan mustasno.

Mazkur kodeksda belgilangan cheklovlarga rioya etmaganlik tegishli tartibda xizmat tekshiruvi oʻtkazilishi uchun asos boʻladi.

4-bob. Ichki ishlar organlarida boshliqlar va xodimlarning oʻzaro munosabatlari

20. Xodim xizmat vazifasini bajarish paytida bevosita va toʻgʻridan-toʻgʻri boshliqqa boʻysunadi.

21. Xodimlar xizmat boʻyicha boʻysunadigan, shu jumladan, vaqtincha boʻysunadigan rahbarlar toʻgʻridan-toʻgʻri boshliqlar boʻlib hisoblanadi.

Xodimga eng yaqin boʻlgan toʻgʻridan-toʻgʻri rahbar bevosita boshliq hisoblanadi.

22. Boshliq oʻzi rahbarlik qilayotgan ichki ishlar organi boʻlinmasida xizmat intizomiga rioya etilishi, maʼnaviy-maʼrifiy va tarbiyaviy ishlar samarali amalga oshirilishi uchun shaxsan javobgar hisoblanadi.

23. Boshliq unga boʻysunuvchi xodimlar tomonidan Kodeksga amal qilinishida talabchan boʻlishi, yuksak kasbiy mahorat, qonuniylik talablari hamda qasamyodga rioya etish borasida doimiy ravishda ularga namuna koʻrsatishi, xizmat burchi hissini kuchaytirishi va qoʻllab-quvvatlashi, tashabbus, intilish va xizmatlarini ragʻbatlantirishi, shuningdek, xizmat intizomi buzilgan holatlarda taʼsir choralari qoʻllanilishini taʼminlashi zarur.

24. Buyruq va topshiriqlar boʻysunish tartibida beriladi. Yuqori turuvchi boshliq zarur hollarda xodimga bevosita boshligʻini xabardor qilmasdan buyruq yoki topshiriq berishga haqli. Mazkur hollarda xodim oʻzining bevosita boshligʻini bundan xabardor qilishi zarur.

25. Noqonuniyligi yaqqol koʻrinib turgan va xizmat faoliyatiga aloqasi boʻlmagan buyruq va topshiriqlar berilishiga yoʻl qoʻyilmaydi.

Boshliq qoʻl ostidagi xodimlardan ularning xizmat majburiyatlari doirasidan chiquvchi topshiriqlarni bajarishni, shuningdek, qonunga xilof xatti-harakatlar (harakatsizlik) sodir etishni talab qilishga haqli emas.

Xodim qonunga yaqqol zid boʻlgan (xizmat faoliyatiga aloqador boʻlmagan) buyruq yoki topshiriq olganda zudlik bilan yuqori turuvchi rahbarga yoki xizmatni oʻtash joyidagi shaxsiy xavfsizlik boʻlinmasiga xabar beradi.

Xodim yuqori turuvchi rahbar yoki shaxsiy xavfsizlik boʻlinmasiga xabar berish imkoniyati boʻlmagan taqdirda qonunchilik talablariga rioya etgan holda gʻayriqonuniy buyruq va topshiriqlarni bajarishdan bosh tortishga haqli, imkon paydo boʻlishi bilan ularni xabardor qilishi lozim.

26. Boshliqning buyruq va topshiriqlari (qonunga zid buyruq va topshiriqlardan tashqari) soʻzsiz, aniq va oʻz vaqtida bajarilishi shart. Buyruq va topshiriqlarni muhokama etishga, shuningdek, ularni tanqid qilishga yoʻl qoʻyilmaydi.

Xodim buyruq yoki topshiriqning bajarilgani toʻgʻrisida buyruq yoki topshiriq bergan boshliqqa, shuningdek, bevosita boshligʻiga axborot beradi.

Buyruq yoki topshiriqni bajarish imkoniyati boʻlmagan taqdirda, xodim zudlik bilan bu haqda buyruq yoki topshiriq bergan boshliqni xabardor etishi shart.

27. Boshliq xodimlarni qarindosh-urugʻchilik, mahalliychilik, tanish-bilishchilik yoki shaxsiy sadoqat belgilari boʻyicha tanlash va joy-joyiga qoʻyish holatlariga yoʻl qoʻymasligi lozim. U oʻz xizmat burchini oʻtash paytida mahalliychilik va tanish-bilishchilik, shuningdek, boshqa salbiy omillarning namoyon etilishiga barham berishi kerak.

28. Boshliq quyidagilarga majbur:

boʻysunuvidagi xodimlarga professionalizm, halollik, xolislik va adolatlilikda oʻrnak boʻlish;

jamoada sogʻlom maʼnaviy-ruhiy muhit va ishchan kayfiyatni shakllantirish;

xodimlarni qonunga xilof xatti-harakatlarni (harakatsizlikni) sodir etishga undamaslik hamda ulardan bunday harakatlarni bajarishni talab qilmaslik;

manfaatlar toʻqnashuvining oldini olish va hal qilish, xodimlar uchun qulay va munosib xizmat sharoitlarini yaratish boʻyicha oʻz vaqtida choralar koʻrish;

jamoada guruhbozlik va favoritizm (ayrim xodimlarni yaqin olish va qoʻllab-quvvatlash) koʻrinishlariga yoʻl qoʻymaslik;

korrupsiya va oʻz vakolatlarini suiisteʼmol qilish holatlarining oldini olish choralarini koʻrish, xodimlarni hurmat qilish, ularning shaʼni va qadr-qimmatini kamsituvchi harakatlarni amalga oshirmaslik;

shaxsiy tarkibni samarali boshqarish, xodimlarning xizmat faoliyatini xolisona baholash;

oʻziga biriktirilgan mol-mulk va moliyaviy mablagʻlarga nisbatan ehtiyotkorona munosabatda boʻlish;

xodimlarning individual xususiyatlarini oʻrganish, ular bilan oʻzaro yaqin munosabat oʻrnatish, jamoani birlashtirish, xodimlar tomonidan sodir etilgan nojoʻya xatti-harakatlarning sababini oʻz vaqtida aniqlash va ularning oldini olish, xizmat intizomi buzilishiga murosasiz munosabatda boʻlish;

xodimlarning, ular oila aʼzolarining talab va ehtiyojlarini oʻrganish, ularni ijtimoiy va huquqiy himoya qilish, ijtimoiy adolat prinsiplariga amal qilish, yuqori turuvchi rahbarga qoʻl ostidagi xodimlarning huquqlarini taʼminlash boʻyicha takliflar kiritish;

xodimlar oldiga qoʻyilayotgan vazifa va berilayotgan topshiriqlarni aniq va tushunarli ifodalash.

5-bob. Ichki ishlar organlarida kasbiy madaniyat va xizmat intizomini taʼminlash

29. Ichki ishlar organlarida kasbiy madaniyat qoidalari va xizmat intizomi talablariga rioya etish xodimlarda yuksak ongu tafakkurni shakllantirish, maʼnaviy-maʼrifiy ishlarni izchil olib borish, shuningdek, ularga nisbatan ragʻbatlantirish va intizomiy jazo choralarini qoʻllash orqali taʼminlanadi.

30. Xodimlarga nisbatan quyidagi ragʻbatlantirish choralari qoʻllaniladi:

a) minnatdorlik eʼlon qilish;

b) qimmatbaho yoki esdalik sovgʻasi yoxud pul mukofoti bilan taqdirlash;

v) faxriy yorliq bilan taqdirlash;

g) idoraviy koʻkrak nishoni bilan taqdirlash;

d) muddatidan oldin navbatdagi maxsus unvon berish;

e) egallab turgan lavozimi bilan nazarda tutilgandan bir pogʻona yuqori maxsus unvon berish.

Shuningdek, ragʻbatlantirish tariqasida Kodeksning 34-bandi “a”, “b” va “v” hamda 35-bandi “a” va “b” kichik bandlarida nazarda tutilgan muqaddam qoʻllanilgan intizomiy jazo muddatidan oldin bekor qilinishi mumkin.

31. IIV taʼlim muassasalarida Kodeksning 30-bandida nazarda tutilgan ragʻbatlantirish choralaridan tashqari kursantlar (tinglovchilar)ga nisbatan quyidagi ragʻbatlantirish choralari ham qoʻllaniladi:

a) taʼlim muassasasi hududidan navbatdan tashqari chiqib kelishga ruxsat berish;

b) “Hurmat taxtasi”ga kiritish;

v) kursant (tinglovchi)ning ota-onasi yoki turar joyiga minnatdorlik xati yuborish;

g) Oʻzbekiston Respublikasi ichki ishlar vaziri yoki “Jaloliddin Manguberdi” stipendiyasini tayinlash.

32. Alohida xizmatlari uchun xodimlar Oʻzbekiston Respublikasining faxriy unvonlari va davlat mukofotlariga tavsiya etilishi mumkin.

33. Oylik ish haqi, davriy mukofotlar, qoʻshimcha toʻlovlar, ustama haqlari va xodimlarning pul taʼminotida nazarda tutilgan boshqa toʻlovlar ragʻbatlantirish choralariga kirmaydi.

34. Xodimlarga nisbatan quyidagi intizomiy jazo choralari qoʻllanilishi mumkin:

a) tanbeh;

b) hayfsan;

v) qattiq hayfsan;

g) lavozim maoshining ellik foizidan koʻp boʻlmagan miqdorda jarima;

d) maxsus unvonini bir pogʻona pasaytirish;

e) egallab turgan lavozimidan ozod etish;

j) gauptvaxtada hibsda ushlab turish;

z) ichki ishlar organlari xizmatidan boʻshatish.

35. IIV taʼlim muassasalarida Kodeksning 34-bandida koʻzda tutilgan intizomiy jazo choralaridan tashqari taʼlim muassasalarining belgilangan ichki tartib-qoidalarini buzgan, oʻquv dasturini qoniqarsiz oʻzlashtirgan kursantlar (tinglovchilar)ga nisbatan quyidagi intizomiy jazo choralari ham qoʻllanilishi mumkin:

35. IIV taʼlim muassasalarida Kodeksning 34-bandida koʻzda tutilgan intizomiy jazo choralaridan tashqari taʼlim muassasalarining belgilangan ichki tartib-qoidalarini buzgan, oʻquv dasturini qoniqarsiz oʻzlashtirgan (semestr va oʻquv yili yakuni natijalari boʻyicha GPA oʻtish balini toʻplay olmagan) kursantlar (tinglovchilar)ga nisbatan quyidagi intizomiy jazo choralari ham qoʻllanilishi mumkin:

a) navbatdan tashqari naryadda xizmat oʻtashga yoki besh sutkagacha xoʻjalik ishlariga jalb etish;

b) bir oy muddatgacha taʼlim muassasasi hududidan navbatdagi chiqish huquqidan mahrum etish;

v) kursantlar (tinglovchilar) roʻyxatidan oʻchirish.

Ushbu bandning “a” va “b” kichik bandlarida nazarda tutilgan intizomiy jazo choralari IIV taʼlim muassasalari magistratura bosqichi tinglovchilariga nisbatan tatbiq etilmaydi.

36. Ragʻbatlantirish va intizomiy jazo choralari boshliqlar tomonidan oʻziga berilgan vakolatlar doirasida qoʻllaniladi.

37. Tuman (shahar) ichki ishlar organlari, transportda xavfsizlikni taʼminlash boshqarmalari, jazoni ijro etish muassasalari, tergov hibsxonalari boshliqlari, brigada va batalyon komandirlari, mintaqaviy muvofiqlashtirish markazlari rahbarlari, shuningdek, ularga tenglashtirilgan rahbarlar quyidagi huquqlarga ega:

Kodeksning 30-bandi “a”, “b” va “v” kichik bandlarida nazarda tutilgan ragʻbatlantirish choralarini qoʻllash;

Kodeksning 34-bandi “a” va “b” kichik bandlarida nazarda tutilgan intizomiy jazo choralarini qoʻllash.

38. Oʻzbekiston Respublikasi ichki ishlar vazirining oʻrinbosarlari — departament boshliqlari (oʻz yoʻnalishlari boʻyicha hududiy va tarmoq ichki ishlar organlari xodimlariga nisbatan), Qoraqalpogʻiston Respublikasi ichki ishlar vaziri, Toshkent shahri va Toshkent viloyati ichki ishlar bosh boshqarmalari, viloyatlar ichki ishlar boshqarmalari, IIV huzuridagi Jazoni ijro etish departamenti hamda taʼlim muassasalari boshliqlari, shuningdek, ularga tenglashtirilgan rahbarlar quyidagi huquqlarga ega:

Kodeksning 30-bandi “a”, “b” va “v” kichik bandlari hamda 31-bandida (“g” kichik bandidan tashqari) nazarda tutilgan ragʻbatlantirish choralarini qoʻllash;

Kodeksning 34-bandi “a”, “b”, “v” va “g” kichik bandlari hamda 35-bandida nazarda tutilgan intizomiy jazo choralarini qoʻllash.

Oʻzbekiston Respublikasi ichki ishlar vazirining oʻrinbosari — Maʼnaviy-maʼrifiy ishlar va kadrlar bilan taʼminlash departamenti boshligʻi ichki ishlar xodimlariga nisbatan:

Kodeksning 30-bandi “a”, “b” va “v” kichik bandlarida nazarda tutilgan ragʻbatlantirish choralarini qoʻllash;

Kodeksning 34-bandida nazarda tutilgan (“d” va “z” kichik bandidan tashqari) intizomiy jazo choralarini qoʻllash huquqiga ega.

39. Oʻzbekiston Respublikasi ichki ishlar vaziri Kodeksda nazarda tutilgan barcha ragʻbatlantirish va intizomiy jazo choralarini qoʻllaydi, qoʻllanilgan intizomiy jazolarni bekor qilish orqali ragʻbatlantiradi, shuningdek, xodimlarni Oʻzbekiston Respublikasining faxriy unvonlari va davlat mukofotlariga tavsiya etadi.

40. Ichki ishlar organlari xizmatiga qabul qilish va xizmatdan boʻshatish vakolatiga ega boshliqlar xodimlarga nisbatan Kodeksning 34-bandi “e”, “j” va “z” kichik bandlarida nazarda tutilgan intizomiy jazo choralarini qoʻllash huquqiga ega.

41. Qoʻl ostidagi xodimlariga nisbatan oʻz vakolatlariga kirmaydigan ragʻbatlantirish choralarini qoʻllash zaruriyati tugʻilgan holatda boshliq yuqori turuvchi rahbarga bu haqda iltimosnoma kiritadi.

42. Boshliq qoʻl ostidagi xodim tomonidan sodir etilgan nojoʻya xatti-harakatning oʻta jiddiyligi sababli uni lozim darajada jazolash uchun oʻziga berilgan vakolatlarni yetarli emas deb hisoblasa, yuqori turuvchi rahbarga xodimga nisbatan ogʻirroq intizomiy jazo qoʻllash toʻgʻrisida iltimosnoma kiritadi.

43. Intizomiy jazo chorasini qoʻllashda oʻz vakolatini oshirgan yoki Kodeksda nazarda tutilmagan intizomiy jazo chorasini qoʻllagan boshliq intizomiy javobgarlikka tortiladi, qoʻllanilgan intizomiy jazo esa yuqori turuvchi rahbar tomonidan bekor qilinadi.

44. Xodim xizmat safari yoki davolanishda boʻlgan vaqtda xizmat intizomini buzgan taqdirda mazkur xatti-harakatdan xabar topgan boshliq ushbu holatni bartaraf etish choralarini koʻradi va bu haqda xodimning xizmat joyiga xabar beradi.

45. Ragʻbatlantirish choralari alohida xodimga nisbatan ham, bir guruh xodimlarga nisbatan ham qoʻllanilishi mumkin.

Xodimga nisbatan bir yutugʻi (natijasi) uchun faqat bitta ragʻbatlantirish chorasi qoʻllanilishi mumkin.

Ragʻbatlantirish chorasini belgilashda xodimning xizmat koʻrsatkichlari xususiyati, shuningdek, uning avvaldan xizmatga boʻlgan munosabati eʼtiborga olinadi.

46. Kodeksning 34-bandi “a”, “b” va “v” kichik bandlarida nazarda tutilgan intizomiy jazo qoʻllanilgan xodim mazkur jazoni bekor qilish orqali ragʻbatlantiriladi. Intizomiy jazoni bekor qilish huquqi uni qoʻllagan boshliqqa yoki unga teng vakolatga ega, shuningdek, yuqori turuvchi vakolatli rahbarga beriladi.

47. Ragʻbatlantirish choralari, qoida tariqasida, quyidagicha qoʻllaniladi:

minnatdorlik eʼlon qilish — kasbiy madaniyat qoidalariga rioya etib, yuklatilgan vazifani, boshliqning buyrugʻi yoki topshirigʻini muvaffaqiyatli bajargan xodim (xodimlar guruhi)ga nisbatan;

qimmatbaho yoki esdalik sovgʻa yoxud pul mukofoti bilan taqdirlash — kasbiy madaniyat qoidalari va xizmat intizomi talablariga rioya etgan xodim (xodimlar guruhi)ga nisbatan xizmat faoliyati davomida yuqori natijalarga erishgani, xizmat vazifasini namunali bajargani va benuqson xizmati uchun, shuningdek, zaxiraga (isteʼfoga) chiqishi munosabati bilan yoki musobaqa (bellashuv)ning yakuniy natijalariga koʻra;

faxriy yorliq bilan taqdirlash — kasbiy madaniyat qoidalari va xizmat intizomi talablariga rioya etgan xodim (xodimlar guruhi)ga nisbatan xizmat faoliyati davomida yuqori natijalarga erishgani, xizmat vazifasini namunali bajargani uchun, shuningdek, musobaqa (bellashuv)ning yakuniy natijalariga koʻra va oʻqishni (oʻquv yilini) muvaffaqiyatli yakunlaganda;

idoraviy koʻkrak nishoni bilan taqdirlash — xodimga nisbatan yuqori xizmat intizomi, kasbiy madaniyati va koʻp yillik benuqson xizmati, ichki ishlar organlari tizimini takomillashtirishga salmoqli hissa qoʻshgani, xizmat burchini bajarish chogʻida mardlik va jasorat koʻrsatgani, shuningdek, yosh avlodni Vatanga sadoqat ruhida tarbiyalashga munosib hissa qoʻshgani uchun;

muddatidan oldin navbatdagi maxsus unvon berish yoki egallab turgan lavozimi bilan koʻzda tutilgandan bir pogʻona yuqori maxsus unvon berish — xodimga nisbatan yuqori xizmat intizomi, kasbiy madaniyati, xizmat burchini bajarish chogʻida koʻrsatgan qahramonligi, jasorati va fidoyiligi, ichki ishlar organlari amaliy faoliyatiga salmoqli ilmiy hissa qoʻshgani (ilmiy darajani olganda), xizmat vazifalarini yuksak darajada bajarishda namuna boʻlgani uchun (ichki ishlar organlarida xizmat oʻtash masalalarini tartibga soluvchi qonun hujjatlari talablariga muvofiq);

taʼlim muassasasi hududidan navbatdan tashqari chiqib kelish — yuklatilgan vazifalarni, komandirlarning buyruq yoki topshiriqlarini vijdonan bajargan IIV taʼlim muassasalarining kursantlari (tinglovchilari)ga nisbatan;

“Hurmat taxtasi”ga kiritish — ijtimoiy-madaniy hayotda faol ishtirok etgan, oʻquv dasturlarini aʼlo baholarga oʻzlashtirgan IIV taʼlim muassasalarining kursantlari (tinglovchilari)ga nisbatan;

ota-onasiga yoki turar joyiga minnatdorlik xati yuborish — ijtimoiy-madaniy hayotda faol ishtirok etgan, oʻquv mavsumini aʼlo baholar bilan yakunlagan IIV taʼlim muassasalarining kursantlari (tinglovchilari)ga nisbatan;

Oʻzbekiston Respublikasi ichki ishlar vaziri yoki “Jaloliddin Manguberdi” stipendiyasini tayinlash — ijtimoiy-madaniy hayotda faol ishtirok etgan, oʻquv va xizmat intizomiga rioya qilishda namuna boʻlgan, oʻquv yilini aʼlo baholar bilan yakunlagan IIV taʼlim muassasalarining kursantlariga nisbatan.

48. Qoʻllanilgan ragʻbatlantirish chorasi buyruq bilan eʼlon qilinadi. Minnatdorlik eʼlon qilish va taʼlim muassasasi hududidan navbatdan tashqari chiqib kelish buyruq orqali ham, ogʻzaki ham eʼlon qilinishi mumkin.

Ragʻbatlantirilganligi haqida xodimga shaxsan, saf oldida yoki kengaytirilgan majlis (yigʻilish)da tantanali tarzda eʼlon qilinadi.

Ragʻbatlantirish toʻgʻrisidagi buyruq eʼlon qilingan vaqtda, qoida tariqasida, xodimlarga faxriy yorliq, qimmatbaho yoki esdalik sovgʻa yoxud pul mukofotlari, koʻkrak nishonlari topshiriladi.

49. Buyruq bilan eʼlon qilingan ragʻbatlantirish chorasi xodimning shaxsiy hujjatlar yigʻma jildiga kiritish orqali hisobga olinishi lozim.

Ragʻbatlantirish choralarini hisobga olish tartibi Oʻzbekiston Respublikasi ichki ishlar vaziri tomonidan belgilanadi.

50. Kodeksda nazarda tutilmagan intizomiy jazo choralarini qoʻllash taqiqlanadi.

51. Sodir etilgan nojoʻya xatti-harakat uchun faqat bitta intizomiy jazo tayinlanadi.

Xizmat intizomi bir necha xodimlar tomonidan buzilganda, intizomiy jazo ularning har biriga nisbatan alohida qoʻllaniladi.

Sodir etilganligi maʼmuriy jazo tayinlashga olib kelgan xatti-harakatlar uchun intizomiy jazo qoʻllashga yoʻl qoʻyilmaydi.

Intizomiy jazo choralari qoʻllangan xodimlar, agarda ularning xatti-harakatlarida jinoyat alomatlari boʻlsa, jinoiy javobgarlikdan ozod etilmaydi.

52. Intizomiy jazo choralarining qoʻllanilishi asosli boʻlishi va sodir etilgan nojoʻya xatti-harakat ogʻirligi hamda ayb darajasiga muvofiq kelishi zarur. Intizomiy jazo choralarini belgilash chogʻida nojoʻya xatti-harakat xususiyati, sodir etish holati, uning oqibatlari, aybdorning avvalgi xulq-atvori, ichki ishlar organlarida xizmat oʻtagan muddati, shuningdek, yuklatilgan xizmat vazifalarini bajarishga boʻlgan munosabati eʼtiborga olinadi.

Xodim tomonidan sodir etilgan nojoʻya xatti-harakat kam ahamiyatli boʻlsa, boshliq unga nisbatan intizomiy jazo chorasini qoʻllamasligi va boshqa bunday holatlarga yoʻl qoʻymaslik borasida ogʻzaki ogohlantirish berish bilan kifoyalanishi mumkin.

Jamoada yuzaga kelgan nizoli vaziyatlarni hal etish, nojoʻya xatti-harakatlar sodir etgan xodimlarga jamoatchilik taʼsirini oʻtkazish maqsadida ichki ishlar organlarida saylov asosida intizomiy kengashlar tashkil etilib, Oʻzbekiston Respublikasi ichki ishlar vaziri tomonidan belgilangan tartibda faoliyat koʻrsatadi.

53. Intizomiy jazo choralari, qoida tariqasida, quyidagicha qoʻllaniladi:

tanbeh — yuklatilgan vazifalarni, boshliqning topshiriqlari va uslubiy koʻrsatmalarni bajarmagan, xizmat kiyimini kiyish qoidalarini buzgan xodimlarga nisbatan;

hayfsan — normativ-huquqiy hujjatlar va Kodeks talablarini, xizmat guvohnomasidan foydalanish, fuqarolar hamda hamkasblari bilan muomala madaniyati qoidalarini buzgan, belgilangan kun tartibiga muntazam ravishda amal qilmagan va xizmat majburiyatlarini bajarmagan, jamoadagi maʼnaviy-ruhiy muhitga salbiy taʼsir koʻrsatgan xodimlarga nisbatan;

qattiq hayfsan — amaldagi “hayfsan” intizomiy jazosi boʻlgan xodimlarga nisbatan, kasbiy madaniyat qoidalari va xizmat intizomi talablarini, normativ-huquqiy hujjatlar va Kodeks normalarini takroran buzganligi uchun;

lavozim maoshining ellik foizdan koʻp boʻlmagan miqdorda jarima — amaldagi intizomiy jazosi bor-yoʻqligidan qatʼi nazar, kasbiy madaniyat qoidalari va xizmat intizomi talablarini, normativ-huquqiy hujjatlar va Kodeks normalarini qoʻpol ravishda buzgan, xizmat burchiga masʼuliyatsiz yondashgan, ish samaradorligi past boʻlgan xodimlarga nisbatan;

maxsus unvonini bir pogʻona pasaytirish yoki egallab turgan lavozimidan ozod etish — amaldagi intizomiy jazosi boʻlgan, kasbiy madaniyat qoidalari va xizmat intizomi talablarini, normativ-huquqiy hujjatlar va Kodeks normalarini qoʻpol ravishda buzgan, xizmatni oʻtashga loqaydlik bilan munosabatda boʻlgan, yuklatilgan xizmat majburiyatlarini bajarmagan xodimlarga nisbatan;

gauptvaxtada hibsda ushlab turish — intizomiy jazoning qatʼiy chorasi sifatida ichki ishlar organlari xizmatidan boʻshatish uchun asos boʻladigan nojoʻya xatti-harakatni sodir etgan xodimlarga nisbatan;

ichki ishlar organlari xizmatidan boʻshatish — xizmat intizomini qoʻpol ravishda buzgan, ichki ishlar organi xodimi shaʼniga putur yetkazuvchi xatti-harakat sodir etgan, intizomiy jazo chorasi mavjud boʻlgan taqdirda, muntazam ravishda xizmat intizomini buzgan, qonun hujjatlarida belgilangan cheklov va taqiqlarga rioya etmagan xodimlarga nisbatan;

navbatdan tashqari naryadda xizmat oʻtashga yoki besh sutkagacha xoʻjalik ishlariga jalb etish, bir oy muddatgacha taʼlim tashkiloti hududidan navbatdagi chiqish huquqidan mahrum qilish — yuklatilgan vazifalarni yoki komandir (boshliq)ning topshiriqlarini bajarmagan, taʼlim tashkilotining oʻrnatilgan ichki tartib-qoidalarini buzgan, oʻquv dasturini qoniqarsiz oʻzlashtirgan IIV taʼlim muassasalari kursantlari (tinglovchilari)ga nisbatan;

kursant (tinglovchi)lar roʻyxatidan oʻchirish — IIV taʼlim muassasalari kursant (tinglovchi)lariga nisbatan kasbiy madaniyat qoidalari va xizmat intizomi talablarini buzganligi, oʻquv dasturini oʻzlashtira olmaganligi uchun.

54. Amaldagi intizomiy jazo bor-yoʻqligidan qatʼi nazar, xizmat intizomini qoʻpol ravishda buzgan xodimga nisbatan ichki ishlar organlaridan boʻshatish intizomiy jazosi ham qoʻllanilishi mumkin.

Quyidagilar xizmat intizomini qoʻpol ravishda buzish deb eʼtirof etiladi:

xodimning sababsiz ravishda uzluksiz uch kundan ortiq muddatda xizmat joyida boʻlmasligi;

xizmat joyida alkogol ichimlik, giyohvandlik vositasi va (yoki) boshqa moddalar taʼsirida mast holatda boʻlish;

fuqarolarning huquq va erkinliklari, qonuniy manfaatlarini buzishga, odamlarning hayoti va (yoki) sogʻligʻiga xavf tugʻdirishga olib keluvchi xatti-harakatlar sodir etish (agar bu jinoiy javobgarlikka sabab boʻlmasa);

maxfiylikka oid tartib-qoidalarini buzish (agar bu jinoiy javobgarlikka olib kelmasa);

xodimga ishonib topshirilgan tabel quroli va uning oʻqlarini, mol-mulk va (yoki) texnikalarni qasddan yoʻq qilish, zarar yetkazish yoki uning (ularning) yoʻqolishiga sabab boʻladigan tarzda ehtiyotsizlik bilan saqlash (agar bu jinoiy javobgarlikka olib kelmasa);

mahbusning yoki qoʻlga olingan shaxsning qochib ketishiga, pul mablagʻi yoki tovar boyliklarini va hujjatlarni yoʻqolishiga sabab boʻlgan tarzda post va konvoy xizmatini oʻtash qoidalarini buzish (agar bu jinoiy javobgarlikka olib kelmasa).

Xodim xizmat joyida alkogol ichimlik, giyohvandlik vositasi va (yoki) boshqa moddalar taʼsirida mast boʻlgani sababli intizomiy javobgarlikka tortish uchun ushbu holatni isbotlash maqsadida tibbiy tekshiruv natijalariga, agar xodim tekshiruvdan bosh tortsa, kamida ikki xodim yoki boshqa shaxslar koʻrsatmalariga asoslaniladi.

55. Kasbiy madaniyat qoidalarini, shuningdek, boshliq va xodimlar oʻrtasidagi munosabat qoidalarini qoʻpol ravishda buzish ichki ishlar organi xodimi shaʼniga putur yetkazuvchi xatti-harakat sodir etish hisoblanadi.

Jamiyatdagi odob-axloq qoidalarini ochiqdan-ochiq pisand qilmaslik bilan bogʻliq boʻlmagan oilaviy kelishmovchiliklar, janjallar va maishiy nizolar ichki ishlar organi xodimi shaʼniga putur yetkazuvchi xatti-harakat sirasiga kirmaydi.

56. Intizomiy jazo chorasi mavjud boʻlgan taqdirda, muntazam ravishda xizmat intizomini buzish, deganda buyruq asosida eʼlon qilingan amaldagi intizomiy jazosi boʻlgani holda, xodim tomonidan xizmat intizomini bir necha bor buzish tushuniladi.

57. Maxsus unvonini bir pogʻona pasaytirish yoki egallab turgan lavozimidan ozod etish tarzidagi intizomiy jazo choralari, qoida tariqasida, aybdorga boshqa intizomiy jazo turlari tegishlicha taʼsir koʻrsatmagan hollarda qoʻllaniladi.

58. Gauptvaxtada hibsda ushlab turish tarzidagi intizomiy jazo qoʻllanilganda, xodim ushbu nojoʻya xatti-harakati uchun (agar bu jinoiy javobgarlikka olib kelmasa) ichki ishlar organlari xizmatidan boʻshatilmaydi.

Gauptvaxtada hibsda saqlash muddati safdorlar, serjantlar va kichik ofitserlar tarkibi xodimlari uchun — 10 sutkagacha, katta ofitserlar tarkibi xodimlari uchun — 5 sutkagacha boʻlishi mumkin.

Gauptvaxtada hibsda ushlab turish tarzidagi intizomiy jazo ayollarga nisbatan qoʻllanilmaydi.

59. Intizomiy jazo qoʻllashdan avval xodimdan yozma tushuntirish olinishi lozim. Agar xodim ushbu tushuntirishni berishdan bosh tortsa, tegishli ravishda dalolatnoma rasmiylashtiriladi.

Tushuntirishni berishdan bosh tortish holati sodir etilgan qilmish uchun intizomiy jazo tayinlashga toʻsqinlik qila olmaydi va jazoning ogʻirroq koʻrinishi va choralarini qoʻllashga olib kelmaydi.

Intizomiy jazo choralarini qoʻllash paytida boshliq xodimning shaʼni va qadr-qimmatini kamsitmasligi, u bilan munosabatda qoʻpollikka yoʻl qoʻymasligi zarur.

60. Intizomiy jazoning qoʻllanilishi xodimni nojoʻya xatti-harakat oqibatida yetkazilgan moddiy zararni qoplash majburiyatidan ozod etmaydi.

61. Intizomiy jazo nojoʻya xatti-harakat boshliqqa maʼlum boʻlgan kundan boshlab bir oy muddat ichida, xizmat tekshiruvi oʻtkazilganda esa — tekshiruv tugagan kundan boshlab 10 sutkadan kechikmay qoʻllanilishi kerak, bunda aybdorning xastalik va taʼtilda boʻlgan vaqti hisobga olinmaydi.

Intizomiy jazo nojoʻya xatti-harakat sodir etilgan kundan bir yildan ortiq muddat oʻtgandan keyin qoʻllanilishi mumkin emas.

62. Mast holatda boʻlgan aybdorga nisbatan intizomiy jazo qoʻllash, shuningdek, undan har qanday tushuntirish olish xodim hushyor holga kelguncha kechiktiriladi.

63. Qoʻllanilgan intizomiy jazo chorasi buyruq bilan eʼlon qilinadi. Navbatdan tashqari naryadda xizmat oʻtashga yoki besh sutkagacha xoʻjalik ishlariga jalb etish, bir oy muddatgacha taʼlim muassasasi hududidan navbatdagi chiqish huquqidan mahrum etish ham buyruq orqali, ham ogʻzaki eʼlon qilinishi mumkin.

Buyruqda eʼlon qilingan intizomiy jazo qoʻllash haqidagi qaror intizomiy kengash xulosasi, shuningdek, oʻtkazilish tartibi Oʻzbekiston Respublikasi ichki ishlar vaziri tomonidan belgilanadigan xizmat, kompleks yoki inspektorlik tekshiruvlari asosida qabul qilinadi.

Intizomiy jazo chorasi qoʻllanilganligi haqida xodimga shaxsan, saf oldida yoki kengaytirilgan yigʻilish (majlis)da eʼlon qilinadi.

64. Amaldagi intizomiy jazosi mavjud boʻlgan xodimning nomzodi ushbu jazo bekor qilingunga qadar ragʻbatlantirishga, navbatdagi maxsus unvon olishga va yuqori lavozimlarga tayinlanishga taqdim etilmaydi.

65. Shikoyat bilan arz qilingan hollarda tayinlangan intizomiy jazoni ijro etish toʻxtatilmaydi.

Xodim intizomiy jazo eʼlon qilingan kundan eʼtiboran bir oy muddat ichida yuqori turuvchi boshliqqa yoki xizmatni oʻtash joyidagi shaxsiy xavfsizlik boʻlinmasiga shikoyat bilan murojaat etishi mumkin.

66. Xodimga buyruq asosida tayinlangan intizomiy jazo tayinlangan vaqtdan boshlab quyidagi muddatlarda amalda boʻladi hamda ushbu muddat oʻtganidan soʻng avtomatik tarzda tugallangan hisoblanadi (agar xodim shu muddat ichida yangi intizomiy jazoga tortilmasa):

tanbeh — uch oy;

hayfsan — olti oy;

lavozim maoshining ellik foizidan koʻp boʻlmagan miqdorda jarima — toʻqqiz oy;

qattiq hayfsan — bir yil.

Ragʻbatlantirish tartibida intizomiy jazo ushbu muddatlar oʻtmasdan bekor qilinishi mumkin.

Agarda belgilangan muddat ichida xodimga nisbatan bir necha intizomiy jazo tayinlansa, ularni bekor qilish (tugallanish) muddati oxirgi tayinlangan intizomiy jazo chorasi sanasi boʻyicha hisoblanadi.

67. Buyruqda eʼlon qilingan intizomiy jazo chorasi xodimning shaxsiy hujjatlar yigʻma jildiga kiritish orqali hisobga olinishi lozim.

Intizomiy jazo choralarini hisobga olish tartibi Oʻzbekiston Respublikasi ichki ishlar vaziri tomonidan belgilanadi.

6-bob. Boshliqning harakatlari ustidan shikoyat qilish

68. Har bir xodim boshliqning unga nisbatan qonunga zid yoki nohaq harakatlari ustidan yuqori turuvchi rahbar yoki xizmat joyidagi shaxsiy xavfsizlik boʻlinmasiga yozma shikoyat berishga haqli.

69. Xodimning shikoyatida bayon etilgan masalalarni hal etish vakolatiga kirmaydigan yuqori turuvchi rahbar ushbu murojaatni besh kun muddatda vakolatli idoraga yuboradi.

70. Yuqori turuvchi rahbarga yoki xizmat joyidagi shaxsiy xavfsizlik boʻlinmasiga qonunchilikni buzish faktlari yoxud oʻziga nisbatan nohaq munosabatda boʻlinganligi haqida murojaat etganligi uchun qoʻl ostidagi xodimni taʼqib etgan boshliq intizomiy tartibda javobgarlikka tortiladi (agar uning xatti-harakatlari jinoiy javobgarlikka olib kelmasa).

71. Xodimlarning shikoyati bir oy ichida hal etiladi, qoʻshimcha tekshiruv talab etmaydiganlari esa zudlik bilan, biroq kelib tushgan kundan eʼtiboran 15 kundan kechiktirmagan holda koʻrib chiqiladi.

72. Qasddan yolgʻon shikoyat bilan murojaat etgan xodimlar belgilangan tartibda javobgarlikka tortiladi.

7-bob. Yakuniy qoidalar

73. Kodeks normalarining bajarilishi ustidan nazorat ichki ishlar organlari maʼnaviy-maʼrifiy ishlar va kadrlar bilan taʼminlash boʻlinmalari tomonidan amalga oshiriladi.

74. Kodeks normalarining buzilishi qonunchilik hujjatlariga muvofiq belgilangan javobgarlikka tortish uchun asos hisoblanadi.

Oʻzbekiston Respublikasi Prezidentining 2023-yil 20-yanvardagi PQ-10-son qaroriga
2-ILOVA

Oʻzbekiston Respublikasi Ichki ishlar vazirligi Maʼnaviy-maʼrifiy ishlar va kadrlar bilan taʼminlash departamenti toʻgʻrisida

NIZOM

1-bob. Umumiy qoidalar

1. Oʻzbekiston Respublikasi Ichki ishlar vazirligi Maʼnaviy-maʼrifiy ishlar va kadrlar bilan taʼminlash departamenti (keyingi oʻrinlarda — Departament) ichki ishlar organlarida kadrlar siyosatini amalga oshirish, maʼnaviy-maʼrifiy va mukofotlash ishlarini tashkil etish, xizmatni oʻtash qoidalari va mehnat munosabatlariga rioya etish, kadrlar tayyorlash, qayta tayyorlash va ularning malakasini oshirish, shuningdek, ijtimoiy himoya jarayonlarini taʼminlaydigan Oʻzbekiston Respublikasi Ichki ishlar vazirligi (keyingi oʻrinlarda — IIV) markaziy apparatining mustaqil boʻlinmasi hisoblanadi.

2. Departament oʻz faoliyatida Oʻzbekiston Respublikasining Konstitutsiyasi, Oʻzbekiston Respublikasining “Ichki ishlar organlari toʻgʻrisida”gi qonuni va boshqa qonunlari, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining farmonlari, qarorlari va farmoyishlari, Oʻzbekiston Respublikasi Vazirlar Mahkamasining qarorlari va farmoyishlari, IIVning normativ hujjatlari, shuningdek, ushbu Nizomga amal qiladi.

3. Ichki ishlar organlarining maʼnaviy-maʼrifiy ishlar va kadrlar bilan taʼminlash boʻlinmalari tizimiga quyidagilar kiradi:

Departament;

IIV departamentlari va ularning quyi tuzilmalari, harbiy tuzilmalari, taʼlim, oʻquv va tibbiyot muassasalarining maʼnaviy-maʼrifiy ishlar va kadrlar bilan taʼminlash boʻlinmalari (boshqarma, boʻlim, boʻlinma, guruh);

Qoraqalpogʻiston Respublikasi Ichki ishlar vazirligi, Toshkent shahri va Toshkent viloyati ichki ishlar bosh boshqarmalari, viloyatlar ichki ishlar boshqarmalarining maʼnaviy-maʼrifiy ishlar va kadrlar bilan taʼminlash xizmatlari;

tuman va shaharlar ichki ishlar organlarining maʼnaviy-maʼrifiy ishlar va kadrlar bilan taʼminlash boʻlinmalari (boʻlim, boʻlinma, guruhlari).

4. Departament oʻz faoliyati bilan bogʻliq masalalar boʻyicha belgilangan tartibda ichki ishlar organlarining boshqa boʻlinmalari, huquqni muhofaza qiluvchi va boshqa davlat organlari, tashkilotlar, ommaviy axborot vositalari, shuningdek, Oʻzbekiston Respublikasining xalqaro shartnomalariga muvofiq xorijiy davlatlarning vakolatli idoralari bilan oʻzaro hamkorlikni amalga oshiradi.

5. Departament Oʻzbekiston Respublikasining Davlat gerbi tasviri tushirilgan va oʻzining toʻliq nomi yozilgan muhri hamda blankasiga, shtampiga ega.

Departament Oʻzbekiston Respublikasi ichki ishlar vaziri tomonidan taʼsis etiladigan va faoliyatining oʻziga xos xususiyatini aks ettiradigan ramziga ega boʻlishi mumkin.

2-bob. Departamentning asosiy vazifalari va funksiyalari

6. Quyidagilar Departamentning asosiy vazifalari hisoblanadi:

ichki ishlar organlarining maʼnaviy-maʼrifiy ishlar va kadrlar bilan taʼminlash boʻlinmalari tizimiga kiradigan tuzilmalarning (keyingi oʻrinlarda — kadrlar bilan ishlash boʻlinmalari) faoliyatini muvofiqlashtirish, kompleks tahlil qilish, baholash, ularga amaliy va uslubiy yordam koʻrsatish;

ichki ishlar organlarida maʼnaviy-maʼrifiy va axloqiy-ruhiy ishlarni tashkil etish, kasbiy madaniyat va xizmat intizomi talablariga soʻzsiz rioya etilishini taʼminlash, shuningdek, shaxsiy tarkibni vatanparvarlik ruhida doimiy ravishda tarbiyalash faoliyatini amalga oshirish;

ichki ishlar organlaridagi xizmatga, shuningdek, idoraviy taʼlim muassasalariga nomzodlarning tanlov asosida qabul qilinishini tashkil etish, kadrlar siyosatini amalga oshirishni taʼminlash, xizmatni oʻtash tartibining qoidalari va mehnat munosabatlariga rioya etilishini, uzluksiz oʻquv-karyera jarayoniga doir talablarning bajarilishini nazorat qilish;

ichki ishlar organlari uchun professional kadrlar tayyorlash, qayta tayyorlash va ularning doimiy ravishda malakasini oshirish jarayonini tashkil etish;

ichki ishlar organlarida shaxsiy tarkibni mukofotlash ishlarini taʼminlash, nomzodlarni davlat va idoraviy mukofotlarga xolislik tamoyili asosida taqdim etish, tizimda geraldika faoliyatini amalga oshirish;

ichki ishlar organlarida shaxsiy tarkibning xizmat, jangovar, jismoniy va psixologik tayyorgarligini taʼminlash, tizimda musobaqalarni oʻtkazish orqali xodimlar va ularning oila aʼzolarida sportga boʻlgan qiziqishni oshirish;

ichki ishlar organlari shaxsiy tarkibi va ularning oila aʼzolarini ijtimoiy himoya qilish kafolatlarini taʼminlash, sogʻligʻi muhofaza qilinishini va malakali tibbiy xizmat koʻrsatilishini tashkil etish;

ichki ishlar organlarida maʼnaviy-maʼrifiy ishlar va kadrlar bilan taʼminlash sohasidagi qonunchilikni, faoliyat shakllari va usullarini yanada takomillashtirishga doir takliflar ishlab chiqish va amalga oshirish.

7. Zimmasiga yuklatilgan vazifalarga muvofiq Departament quyidagi funksiyalarni amalga oshiradi:

a) kadrlar bilan ishlash boʻlinmalari faoliyatini muvofiqlashtirish, kompleks tahlil qilish, baholash, ularga amaliy va uslubiy yordam koʻrsatish sohasida:

kadrlar bilan ishlash boʻlinmalari faoliyati ustidan tashkiliy-uslubiy rahbarlikni amalga oshirish;

kadrlar bilan ishlash boʻlinmalarining yaqin hamkorlikda samarali ishlashini tashkil etish;

kadrlar bilan ishlash boʻlinmalari faoliyati ustidan idoraviy nazoratni amalga oshirish, shu jumladan, joylarga chiqqan holda, ularning ishlarini oʻrganish, nazorat tekshiruvlarini oʻtkazish, aniqlangan kamchiliklar va muammolarni bartaraf etish choralarini koʻrish;

maʼnaviy-maʼrifiy ishlar va kadrlar bilan taʼminlash sohasidagi hisobotlarning yagona shaklda yuritilishini taʼminlash, axborot-tahlil hamda hisobot maʼlumotlari bazasi va tizimlarini shakllantirish;

kadrlar bilan ishlash boʻlinmalari faoliyatini kompleks, tizimli tahlil qilish, baholash, faoliyat samaradorligini oshirish boʻyicha choralar ishlab chiqish, ijobiy ish amaliyotini tizim miqyosida ommalashtirish;

kadrlar bilan ishlash boʻlinmalari faoliyatini ommaviy axborot vositalarida yoritish, amalga oshirilayotgan ishlar toʻgʻrisida jamoatchilikni muntazam xabardor qilib borish, ichki ishlar organlari xodimining ijobiy imijini shakllantirish;

kadrlar bilan ishlash boʻlinmalarini yuqori malakali mutaxassislar bilan toʻldirish, ularning xodimlarini ragʻbatlantirish ishlarini tashkil etish va taʼminlash;

kadrlar bilan ishlash boʻlinmalari xodimlari oʻrtasida xizmat intizomi va qonuniylik buzilishi holatlarining oldini olish, korrupsion omillarga barham berish borasida ishlarni tashkil etish va amalga oshirish;

maʼnaviy-maʼrifiy ishlar va kadrlar bilan taʼminlash yoʻnalishida axborot-tahliliy materiallar, sharhlar, uslubiy tavsiyalar va koʻrsatmalar tayyorlash;

kadrlar bilan ishlash boʻlinmalari tomonidan jismoniy va yuridik shaxslarning murojaatlarini koʻrib chiqishda qonuniylikka rioya etilishini tashkil etish;

kadrlar bilan ishlash boʻlinmalari zimmasiga yuklatilgan vazifalarni samarali bajarishida ularga uslubiy, amaliy yordam koʻrsatish, shu jumladan, joylarga chiqqan holda bevosita koʻmaklashish;

kadrlar bilan ishlash boʻlinmalarining ichki ishlar organlari boshqa sohaviy xizmatlari, boshqa davlat organlari va tashkilotlar, fuqarolik jamiyati institutlari bilan yaqin hamkorligini tashkil etish;

b) ichki ishlar organlarida maʼnaviy-maʼrifiy va axloqiy-ruhiy ishlarni tashkil etish, kasbiy madaniyat va xizmat intizomi talablariga soʻzsiz rioya etilishini taʼminlash, shuningdek, shaxsiy tarkibni vatanparvarlik ruhida doimiy ravishda tarbiyalash faoliyatini amalga oshirish sohasida:

ichki ishlar organlarida maʼnaviy-maʼrifiy ishlarni tashkil etish konsepsiyasini hayotga samarali tatbiq etish faoliyatini amalga oshirish, bu borada barcha sohaviy, tarmoq va hududiy ichki ishlar organlari faoliyatini muvofiqlashtirish;

ichki ishlar organlarining shaxsiy tarkibi bilan maʼnaviy-maʼrifiy, tarbiyaviy va psixologik ishlarni tashkil etish va amalga oshirish;

“xodimbay” ishlash tizimi asosida shaxsiy tarkib oʻrtasida odob-axloq qoidalari, qonuniylikka va xizmat intizomiga soʻzsiz rioya etilishini taʼminlash, korrupsion holatlarni barvaqt oldini olish;

ichki ishlar organlarida “murabbiylik instituti”ni samarali amalga oshirishni tashkil etish, murabbiylar va yosh xodimlar faoliyatini monitoring qilish, baholash hamda uslubiy taʼminlash ishlarini yoʻlga qoʻyish;

yoshlarga oid davlat siyosatining ichki ishlar organlarida amalga oshirilishini taʼminlash, yosh xodimlarni sadoqat va vatanparvarlik ruhida tarbiyalashni tashkil etish;

tegishli tashkilotlar va muassasalar bilan hamkorlikda ichki ishlar organlarining shaxsiy tarkibi va ularning oila aʼzolari uchun madaniy-maʼrifiy ishlar amalga oshirilishini tashkil etish;

madaniyat, sanʼat va badiiy tadbirlarni tashkil etish orqali shaxsiy tarkibni gʻoyaviy, vatanparvarlik ruhida va madaniy-estetik tarbiyalashni targʻib etish;

ichki ishlar organlari faxriylar kengashi faoliyatini samarali tashkil etish orqali “Ustoz-shogird” anʼanasini ommalashtirish;

xodimlarning maʼnaviy-axloqiy xatti-harakatlari bilan bogʻliq xizmat intizomining buzilishi va boshqa salbiy holatlar boʻyicha xizmat tekshiruvlar oʻtkazish, ichki ishlar organlarida intizomiy jazo choralarini qoʻllash faoliyatini tashkil etish;

shaxsiy tarkib oʻrtasida yuksak vatanparvarlik ruhidagi muhitni shakllantirish, ularning ruhiy-psixologik tayyorgarligini taʼminlash va muvofiqlashtirish;

ichki ishlar organlarida maʼnaviy-ruhiy muhitni muntazam ravishda oʻrganish va monitoringini olib borish, aniqlangan kamchiliklarni bartaraf etish boʻyicha chora-tadbirlar belgilash;

ichki ishlar organlariga xizmatga, oliy taʼlim muassasalariga oʻqishga qabul qilinayotgan nomzodlarni individual-psixologik va psixofiziologik oʻrganish choralarini tashkil etish va amalga oshirish;

ichki ishlar organlarida psixologlar faoliyatini muvofiqlashtirish va nazorat qilish hamda xizmat faoliyatini yaxshilash boʻyicha takliflar ishlab chiqish;

ichki ishlar organlarida xotin-qizlarning huquqlari va qonuniy manfaatlarini himoya qilish boʻyicha faoliyatini tashkil etish;

v) ichki ishlar organlaridagi xizmatga, shuningdek, idoraviy taʼlim muassasalariga nomzodlarning tanlov asosida qabul qilinishini tashkil etish, kadrlar siyosatini amalga oshirishni taʼminlash, xizmatni oʻtash tartibining qoidalari va mehnat munosabatlariga rioya etilishini, uzluksiz oʻquv-karyera jarayoniga doir talablarning bajarilishini nazorat qilish sohasida:

ichki ishlar organlaridagi xizmatga nomzodlarni qabul qilish, lavozimga tayinlash, lavozimdan ozod etish, xizmat muddatini uzaytirish, ichki ishlar organlari ixtiyorida qoldirish va xizmatdan boʻshatish uchun kelib tushgan taqdimnomalarni koʻrib chiqish va ushbu masalalar yuzasidan rahbariyatga taklif kiritish;

ichki ishlar organlaridagi boʻsh lavozimlarni yuksak vatanparvar kadrlar bilan toʻldirish, ichki ishlar organlari ixtiyorida qoldirilgan xodimlarni lavozimga tayinlashni tashkil etish;

ichki ishlar organlarida xizmat oʻtash, maxsus va harbiy unvonlar berish hamda rahbar kadrlarni rotatsiya qilish ishlarini tashkil etish va amalga oshirish;

shaxsiy tarkibning kasbiy salohiyati va faoliyati natijalarini KPI tizimi asosida baholash, baholash natijalari boʻyicha ularning reytingini yuritish;

ichki ishlar organlarida xizmatda boʻlishning belgilangan chegaradagi yoshiga toʻlgan va toʻladigan xodimlar monitoringini yuritish;

Oʻzbekiston Respublikasi Prezidenti Administratsiyasi va IIV nomenklaturasi (roʻyxati)ga kiritilgan rahbarlik lavozimlariga kadrlar zaxirasini shakllantirish va yuritish;

maxfiy hujjatlar bilan ishlash uchun ruxsatnoma talab etiladigan lavozimlar roʻyxatini shakllantirish, xodimlar va nomzodlarga ruxsatnomalarni rasmiylashtirish, saqlash va yuritishni tashkil etish;

shaxsiy tarkib va uning yaqin qarindoshlariga nisbatan qoʻshimcha maxsus tekshiruv ishlarini rejalashtirish va amalga oshirish, chet el davlatlariga chiqish uchun ruxsat soʻrab qilgan murojaatlarni koʻrib chiqish;

shaxsiy tarkibni attestatsiyadan oʻtkazish borasidagi ishlarni tashkil etish va amalga oshirish;

xodimlarning anketa hamda xizmat faoliyatiga oid maʼlumotlarini yuritish, ularni lavozimga tayinlash, lavozimdan ozod etish, rotatsiya qilish, xizmat muddatini uzaytirish, xizmatdan boʻshatish, ularga maxsus unvonlar berish haqidagi taqdimnomalarni koʻrib chiqish uchun kiritish ishlarining “E-kadr” yopiq axborot tizimi orqali amalga oshirilishini taʼminlash;

shaxsiy tarkibning shaxsiy hujjatlari yigʻmajildlarini saqlash, yuritish hamda xizmat oʻtashga oid maʼlumotlarni qayd etib borish;

xizmatdan boʻshatilgan xodimlarning mehnat daftarchalari yoki mehnat faoliyatini tasdiqlovchi hujjatlarni rasmiylashtirish va hisobini yuritish, harbiy hisobga qoʻyish uchun yoʻllanmalar berishni taʼminlash;

shaxsiy tarkibga xizmat guvohnomalari va jetonlar berilishini tashkil etish hamda ushbu masalaga oid hisobotlarni yuritish;

IIV tarkibiy tuzilmalari va hududiy boʻlinmalari xodimlariga xizmat yillari uchun foizli ustama haq oʻrnatishga oid hujjatlarni rasmiylashtirish;

g) ichki ishlar organlari uchun professional kadrlar tayyorlash, qayta tayyorlash va ularning doimiy ravishda malakasini oshirish jarayonini tashkil etish sohasida:

kadrlarni maqsadli tayyorlashni tashkil etish, idoraviy taʼlim muassasalari bilan hamkorlik qilish, ularning oʻquv-tarbiya jarayonini nazorat qilish hamda muvofiqlashtirish;

idoraviy taʼlim muassasalarining oʻquv-metodik, ilmiy-tadqiqot, kadrlar bilan ishlash va tarbiyaviy yoʻnalishlardagi faoliyatini nazorat qilish va muvofiqlashtirish;

ichki ishlar organlarining kadrlarga boʻlgan ehtiyojlarini oʻrganish va idoraviy hamda turdosh taʼlim muassasalari, shu jumladan xorijiy davlatlar huquq-tartibot organlarining taʼlim muassasalariga oʻqishga qabul oʻrinlarini ajratish boʻyicha takliflar kiritish;

idoraviy taʼlim muassasalariga nomzodlarni qabul qilish boʻyicha tanlovlar oʻtkazilishini tashkil etish, ushbu faoliyatni nazorat qilish va muvofiqlashtirish;

idoraviy taʼlim muassasalarida oʻqitiladigan mutaxassislik yoʻnalishlarida kadrlar tayyorlash boʻyicha davlat taʼlim standartlari, malaka talablari hamda oʻquv rejalari va dasturlarini tayyorlashni tashkil etish;

idoraviy taʼlim muassasalarida oʻquv-tarbiya jarayoni, ilmiy-tadqiqot ishlari tashkil etilganligini, oliy taʼlimdan keyingi taʼlim jarayonini muntazam ravishda oʻrganib borish;

ichki ishlar organlarining kadrlarga boʻlgan ehtiyojidan kelib chiqib, idoraviy va turdosh oliy taʼlim muassasalari, shu jumladan xorijiy davlatlar huquq-tartibot organlarining taʼlim muassasalari bitiruvchilarining taqsimotini oʻtkazish;

yosh kadrlarga biriktirilgan murabbiylar faoliyatini oʻrganish orqali ularning kasbiy oʻsishlari uzluksiz monitoring qilinishini tashkil etish;

idoraviy taʼlim muassasalari professor-oʻqituvchilari tarkibiga pedagog kadrlarni ishga qabul qilish boʻyicha komissiya (ishchi guruh) faoliyatini nazorat qilish;

idoraviy taʼlim muassasalari va hududiy ichki ishlar organlarida konferensiya, ilmiy anjumanlar, oʻquv-uslubiy seminarlar, davra suhbatlari va fan olimpiadalari, shuningdek, xodimlarning kasbiy mahoratini oshirish yuzasidan oʻquv yigʻinlari va treninglar oʻtkazilishini tashkil etish;

idoraviy taʼlim muassasalari kursantlari va tinglovchilariga belgilangan namunadagi koʻkrak nishonlari va stipendiyalar tayinlashga oid hujjatlarni koʻrib chiqish va rasmiylashtirish;

IIVning tarkibiy va hududiy boʻlinmalari bilan birgalikda xodimlarning malaka oshirishga boʻlgan ehtiyojini oʻrganish;

kadrlarni boshlangʻich tayyorlash, qayta tayyorlash va malakasini oshirish jarayonini tashkil etish, monitoringini oʻtkazish va muvofiqlashtirish;

shaxsiy tarkibning respublika davlat boshqaruvi organlari, sud va huquqni muhofaza qiluvchi organlar, taʼlim muassasalari va boshqa tashkilotlarda belgilangan kelishuvlar asosida malakasini oshirish va qayta tayyorlash ishlarini tashkil etish;

xodimlarning xorijiy davlatlar, xususan taʼlim muassasalarida uzoq muddatli oʻquv dasturlari asosida malaka oshirishi va tajriba orttirishi boʻyicha chora-tadbirlarni tashkil etish;

d) ichki ishlar organlarida shaxsiy tarkibni mukofotlash ishlarini taʼminlash, nomzodlarni davlat va idoraviy mukofotlarga xolislik tamoyili asosida taqdim etish, tizimda geraldika faoliyatini amalga oshirish sohasida:

ichki ishlar organlarida shaxsiy tarkibni ragʻbatlantirish choralarini qoʻllash faoliyatini tashkil etish, nazorat qilish va amalga oshirish;

davlat mukofotlari va faxriy unvonlariga tavsiya etilgan nomzodlarning hujjatlarini koʻrib chiqish, mukofotlashga taqdim etish boʻyicha tegishli taqdimnomalar rasmiylashtirish hamda ushbu faoliyatni muvofiqlashtirish;

ichki ishlar organlarining davlat mukofotlari va geraldika boʻyicha markaziy, hududiy va sohaviy komissiyalar faoliyatini tashkil etish;

shaxsiy tarkibga nisbatan qoʻllanilgan ragʻbatlantirish choralarining hisobini yuritish, bu borada shaxsiy hujjatlar yigʻmajildlariga maʼlumotlarni kiritib borishni taʼminlash;

mukofotlash ishlariga masʼuliyatsizlik bilan yondashgan, nomzodlarni taqdim etishda xolislik tamoyiliga rioya etmagan ichki ishlar rahbarlari va xodimlariga nisbatan intizomiy jazo choralarini qoʻllash boʻyicha takliflar kiritish;

ichki ishlar organlarida geraldika faoliyatini muvofiqlashtirish, tizim boʻyicha tayyorlanayotgan barcha turdagi farqlovchi belgilar (ramzlar)ning asosliligini oʻrganish va kelishish, idoraviy koʻkrak nishonlarni taʼsis etish boʻyicha ishlarni amalga oshirish;

Oʻzbekiston Respublikasi Prezidenti huzuridagi Oʻzbekiston Respublikasi davlat mukofotlari va geraldika boʻyicha komissiya bilan hamkorlikni amalga oshirish;

e) ichki ishlar organlarida shaxsiy tarkibning xizmat, jangovar, jismoniy va psixologik tayyorgarligini taʼminlash, tizimda musobaqalarni oʻtkazish orqali xodimlar va ularning oila aʼzolarida sportga boʻlgan qiziqishni oshirish sohasida:

jinoyatchilikka qarshi kurashishning zamonaviy shakl va usullariga mos ravishda shaxsiy tarkibning xizmat, jismoniy, jangovar va psixologik tayyorgarligini oshirib borishini tashkil etish va nazorat qilish;

shaxsiy tarkibning xizmat, jismoniy, jangovar va psixologik tayyorgarligi boʻyicha mashgʻulotlarning doimiy ravishda samarali oʻtkazilishini taʼminlash va nazorat qilish;

ichki ishlar organlarida xodimlarning xizmat, jismoniy, jangovar va psixologik tayyorgarligi borasida olib borilayotgan ishlarni nazorat qilish, hisobini yuritish, tahlil qilish, soha samaradorligini oshirish va takomillashtirish boʻyicha ilgʻor tajribalarni joriy etish hamda chora-tadbirlarni belgilash;

shaxsiy tarkibning xizmat, jismoniy, jangovar va psixologik tayyorgarlik darajasini aniqlash boʻyicha davriy sinovlar oʻtkazish hamda bu borada markazlashtirilgan reyting tizimini yuritish;

shaxsiy tarkibga malaka toifalarini berish borasidagi ishlarni tashkil etish, nazorat qilish va muvofiqlashtirish;

ichki ishlar organlaridagi xizmatga nomzodlarni qabul qilish yuzasidan jismoniy tayyorgarlik boʻyicha sinovlar metodikasini ishlab chiqish va oʻtkazilishini taʼminlash;

jamoat xavfsizligini taʼminlash va jinoyatchilikka qarshi kurashishda xodimlarning jismoniy va jangovar tayyorgarligi boʻyicha sport musobaqalarini oʻtkazish va muvofiqlashtirish;

shaxsiy tarkibning ichki ishlar organlari tizimida, respublika, shuningdek, xalqaro miqyosida oʻtkaziladigan sport musobaqalarida ishtirokini taʼminlash;

shaxsiy tarkibning jismoniy tarbiya va sportga keng jalb etilishini ommalashtirish chora-tadbirlarini belgilash;

ichki ishlar organlari shaxsiy tarkibining oʻqotar qurollardan foydalanish koʻnikmalarini shakllantirib borish maqsadida tabel va sport qurollaridan oʻq otish musobaqalarini tashkil etish va nazorat qilish;

ichki ishlar organlari shaxsiy tarkibi bilan saf tayyorgarligi mashgʻulotlarini tashkil etish va nazorat qilish;

idoraviy taʼlim muassasalari kursantlari va tinglovchilari, shuningdek, xizmatga qabul qilingan xodimlar bilan oʻquv-dala mashgʻulotlari oʻtkazilishini tashkil etish;

ichki ishlar organlari shaxsiy tarkibi va xizmatga nomzodlar oʻrtasida test sinovlari oʻtkazilishini taʼminlash, natijalarini tahlil qilish va muvofiqlashtirish;

xodimlarning jismoniy va jangovar tayyorgarligini taʼminlash sohasida hududiy, mahalliy va tarmoq ichki ishlar organlarining faoliyatini tashkil etish va muvofiqlashtirish;

aholi oʻrtasida musobaqalar oʻtkazish orqali sportga qiziqishni oshirish choralarini belgilash;

j) ichki ishlar organlari shaxsiy tarkibi va uning oila aʼzolarini ijtimoiy himoya qilish kafolatlarini taʼminlash, sogʻligʻi muhofaza qilinishini va malakali tibbiy xizmat koʻrsatilishini tashkil etish sohasida:

ichki ishlar organlari shaxsiy tarkibi va uning oila aʼzolarini ijtimoiy qoʻllab-quvvatlash choralarini amalga oshirish;

ijtimoiy himoya qilish kafolatlaridan foydalanish borasidagi barcha xizmatlar “yagona darcha” tamoyili asosida faqat “E-ijtimoiy-himoya.iiv.uz” yagona interaktiv xizmatlar portali orqali adolatlilik bilan koʻrsatilishini, elektron navbat oshkora yuritilishini taʼminlash;

ichki ishlar organlari shaxsiy tarkibiga taʼtillar berilishini taʼminlash va nazorat qilish;

ichki ishlar organlari shaxsiy tarkibini ijtimoiy himoya qilish faoliyatiga oid hisobotlarni yuritish va monitoring qilish;

ichki ishlar organlari shaxsiy tarkibining sogʻligʻini muhofaza qilish yuzasidan davlat dasturlarini ishlab chiqish va amalga oshirishda ishtirok etish;

IIV tibbiyot muassasalari tomonidan shaxsiy tarkib va uning oila aʼzolariga malakali tibbiy xizmat koʻrsatilishini tashkil etish, nazorat qilish va monitoringini oʻrnatish;

shaxsiy tarkib oʻrtasida turli surunkali kasalliklar kelib chiqishining oldini olish va profilaktikasini taʼminlash yuzasidan davriy tibbiy koʻriklar oʻtkazilishini nazorat qilish;

antropometrik koʻrsatkichlari boʻyicha semizlikning turli darajalari boʻyicha ortiqcha vaznga ega xodimlar bilan davolash-sogʻlomlashtirish tadbirlarini tashkil etish va monitoring qilish;

z) ichki ishlar organlarida maʼnaviy-maʼrifiy ishlar va kadrlar bilan taʼminlash sohasidagi qonunchilikni, faoliyat shakllari va usullarini yanada takomillashtirishga doir takliflar ishlab chiqish va amalga oshirish sohasida:

IIV faoliyatini joriy va istiqbolli rejalashtirishda, kadrlar bilan ishlash boʻlinmalari rivojlanishining asosiy yoʻnalishlari va konsepsiyalarini ishlab chiqishda ishtirok etish;

kadrlar bilan ishlash boʻlinmalari faoliyatining holati toʻgʻrisida, ijtimoiy himoyani taʼminlashning muammoli masalalari yuzasidan axborot-tahliliy maʼlumotlar tayyorlash;

kadrlar bilan ishlash boʻlinmalari zimmasiga yuklatilgan vazifalarning amalda bajarilishini tizimli tahlil qilish, ularning samarali amalga oshirilishiga salbiy taʼsir koʻrsatayotgan kamchilik va muammolarni aniqlash, shuningdek, ularni bartaraf etish boʻyicha takliflar ishlab chiqish;

maʼnaviy-maʼrifiy ishlar va kadrlar bilan taʼminlashning shakl va usullarini yanada takomillashtirish, boshqaruvni tashkil etishning zamonaviy usullarini, ilgʻor ilmiy-texnik vositalar va axborot-kommunikatsiya texnologiyalarini joriy etish boʻyicha takliflar tayyorlash;

maʼnaviy-maʼrifiy ishlar va kadrlar bilan taʼminlash sohasiga doir qonunlar, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va topshiriqlarining toʻliq va samarali ijrosiga toʻsqinlik qilayotgan tizimli kamchiliklarni aniqlash, shuningdek, ularni bartaraf etish boʻyicha takliflar ishlab chiqish;

maʼnaviy-maʼrifiy ishlar va kadrlar bilan taʼminlash sohasidagi munosabatlarni huquqiy tartibga solish masalalari boʻyicha normativ-huquqiy hujjatlar loyihalarini ishlab chiqish, shuningdek, munosabat bildirish uchun taqdim etilgan normativ-huquqiy hujjatlar loyihalari yuzasidan xulosalar tayyorlash;

maʼnaviy-maʼrifiy ishlar va kadrlar bilan taʼminlash sohasi boʻyicha xalqaro tajriba va xorijiy qonunchilikni doimiy oʻrganish, oʻrganish natijalarini Oʻzbekiston Respublikasi sharoitlarida joriy etishning maqsadga muvofiqligi toʻgʻrisida takliflar ishlab chiqish;

maʼnaviy-maʼrifiy ishlar va kadrlar bilan taʼminlash sohasida olib borilayotgan islohotlarning amalga oshirilishini taʼminlashdagi dolzarb masalalar boʻyicha seminarlar, davra suhbatlari, konferensiyalar, simpoziumlar hamda boshqa tadbirlarni tashkil etish va oʻtkazish;

geraldika masalalari boʻyicha xalqaro tajribani oʻrganish, shuningdek, mukofotlash tizimini takomillashtirish boʻyicha takliflar ishlab chiqish.

Departament qonunchilik hujjatlariga muvofiq boshqa funksiyalarni ham amalga oshirishi mumkin.

3-bob. Departamentning huquqlari, majburiyatlari va javobgarligi

8. Departament oʻziga yuklatilgan vazifalar va funksiyalarni bajarishda quyidagi huquqlarga ega:

vakolatiga kiradigan masalalar boʻyicha davlat boshqaruvi organlari, mahalliy davlat hokimiyati organlari, huquqni muhofaza qiluvchi idoralar va boshqa muassasalarning bazalari (shu jumladan elektron bazalari)dan axborot, statistik va boshqa materiallarni soʻrash hamda olish;

boshqaruv qarorlarni qabul qilish, axborot-tahlillar va hisobot maʼlumotlarini tayyorlash uchun ichki ishlar organlari tarkibiy va hududiy boʻlinmalaridan zarur boʻlgan hujjatlarni (ularning nusxalarini), maʼlumotlar va boshqa materiallarni soʻrash va olish;

boshqaruv qarorlarini ishlab chiqishda, IIV hayʼatida va tezkor yigʻilishlarda koʻrib chiqilishi uchun axborot-tahlillar va boshqa hujjatlarni tayyorlashda IIV tegishli sohaviy xizmatlarini oʻrnatilgan tartibda jalb etish;

kadrlar bilan ishlash boʻlinmalari hujjatlari va materiallari bilan tanishish, ularning ijrosi yuzasidan zarur boʻlgan maʼlumotlarni olish;

oʻz vakolatlariga kiruvchi masalalar boʻyicha ichki ishlar organlari xodimlari ish yurituvidagi materiallar va ularga nisbatan oʻtkazilgan yoki oʻtkazilayotgan xizmat tekshiruvlari materiallari hamda boshqa hujjatlar bilan tanishish;

kadrlar bilan ishlash boʻlinmalariga yuklangan vazifalarni amalga oshirish maqsadida ichki ishlar organlarining maʼlumotlar bazasidan foydalanish;

ichki ishlar organlari xodimlari va xizmatga qabul qilinayotgan nomzodlarni oʻrganish uchun tegishli sohaviy xizmatlardan zarur maʼlumotlarni talab qilib olish;

ichki ishlar organlariga sohaga oid bajarilishi majburiy boʻlgan boshqaruv qarorlari va topshiriqlar berish;

kadrlar bilan ishlash boʻlinmalarining moddiy-texnik taʼminotini yaxshilash, xodimlarining malakasini oshirish va qayta tayyorlash boʻyicha takliflarni kiritish;

ichki ishlar organlarida qonuniylik va xizmat intizomiga rioya etilishi holatini tekshirish, xodimlarning formali kiyim-boshini belgilangan tartibda kiyib yurishlari, xizmat avtotransport vositalarini boshqarishda belgilangan meʼyorlarga amal qilinishini nazorat qilish maqsadida respublika hududida patrul-tekshiruvlarini olib borish;

kadrlar bilan ishlash boʻlinmalarida qonunchilik va huquqni qoʻllash amaliyotini takomillashtirish masalalari boʻyicha belgilangan tartibda takliflar kiritish;

davlat va idoraviy mukofotlarga munosib nomzodlarni aniqlash va ularni mukofotlash yuzasidan Oʻzbekiston Respublikasi ichki ishlar vaziriga takliflar kiritish;

Departament qonun hujjatlariga muvofiq boshqa huquqlarga ham ega boʻlishi mumkin.

9. Departament quyidagi majburiyatlarga ega:

oʻz vakolatlari doirasida fuqarolarning huquqlari, erkinliklari va qonuniy manfaatlarini himoya qilish choralarini koʻrish;

ichki ishlar organlarida maʼnaviy-maʼrifiy, kadrlar siyosatini amalga oshirish, taʼlimni tashkil etish, jismoniy va jangovar tayyorgarlik, tibbiy xizmat koʻrsatishda qonuniylik, ochiqlik va shaffoflik prinsiplariga amal qilish;

ichki ishlar organlarida maʼnaviy-maʼrifiy hamda tarbiyaviy ishlarni samarali tashkil etish, shaxsiy tarkib oʻrtasida qonuniylik va xizmat intizomini mustahkamlash choralarini koʻrish;

ichki ishlar organlari muzeylari, kutubxona va axborot-resurs markazlarining fondini boyitish, shaxsiy tarkib oʻrtasida kitobxonlik madaniyatini yuksaltirish choralarini koʻrish;

shaxsiy tarkibni ijtimoiy himoya qilish va ularni psixologik taʼminlash choralarini koʻrish;

kadrlar bilan ishlash boʻlinmalarining ish faoliyati haqidagi zarur maʼlumotlarni tayyorlash va IIV rahbariyatiga taqdim etish.

Departament qonunchilik hujjatlariga muvofiq boshqa majburiyatlarga ham ega boʻlishi mumkin.

10. Departament oʻziga yuklatilgan vazifa va funksiyalarning samarali bajarilishi uchun javobgardir.

4-bob. Departament faoliyatini tashkil etish

11. Departamentga Oʻzbekiston Respublikasi Prezidenti tomonidan lavozimga tayinlanadigan va lavozimidan ozod etiladigan Oʻzbekiston Respublikasi ichki ishlar vaziri oʻrinbosari — Maʼnaviy-maʼrifiy ishlar va kadrlar bilan taʼminlash departamenti boshligʻi (keyingi oʻrinlarda — Departament boshligʻi) rahbarlik qiladi.

12. Departament boshligʻi Oʻzbekiston Respublikasi Prezidenti Administratsiyasi bilan kelishilgan holda Oʻzbekiston Respublikasi ichki ishlar vaziri tomonidan lavozimga tayinlanadigan va lavozimidan ozod etiladigan uch nafar oʻrinbosarga ega.

13. Departament boshligʻi:

Departament ishini tashkil etadi va faoliyatiga rahbarlik qiladi;

Departamentga yuklatilgan vazifalar, funksiyalar va majburiyatlarning lozim darajada bajarilishi uchun shaxsan javobgar boʻladi;

oʻz oʻrinbosarlari va Departamentning mustaqil boshqarma (boʻlim) boshliqlarining funksional majburiyatlarini belgilaydi, ularga yuklatilgan majburiyatlarning bajarilishini nazorat qiladi;

Departamentning ish rejalari va xodimlarning funksional majburiyatlarini tasdiqlaydi;

kadrlar bilan ishlash boʻlinmalari rahbarlarining hisobotlarini eshitadi;

kadrlar bilan ishlash boʻlinmalari, idoraviy tibbiyot, sogʻlomlashtirish va taʼlim muassasalari faoliyatini bevosita, shuningdek, tegishli ravishda oʻz oʻrinbosarlari orqali nazorat qiladi;

kadrlar bilan ishlash boʻlinmalarining ichki ishlar organlarining boshqa boʻlinmalari bilan hamkorligini muvofiqlashtiradi;

kadrlar bilan ishlash boʻlinmalari faoliyatini tashkil etish va ichki ishlar organlarining boshqa boʻlinmalari bilan hamkorligini taʼminlash masalalari boʻyicha buyruq va farmoyishlar loyihalarini Oʻzbekiston Respublikasi ichki ishlar vaziriga kiritadi;

Departament xodimlariga, shuningdek, IIV ixtiyorida qoldirilgan xodimlarga belgilangan tartibda yillik asosiy va qoʻshimcha mehnat taʼtillari beradi;

Departament xodimlarini xizmat safarlariga yuboradi;

IIVning tarkibiy va hududiy boʻlinmalari faoliyatiga oid masalalarni oʻrganish va tekshiruvlar oʻtkazilishini tashkil qiladi;

tekshiruvlar va ularning natijalari boʻyicha takliflar, shuningdek, normativ-huquqiy, uslubiy, axborot-tahlil hujjatlarini tayyorlashga oʻrnatilgan tartibda IIVning tarkibiy va hududiy tuzilmalari xodimlarini safarbar etadi;

davlat hokimiyati organlarida, vazirliklar, idoralar, tashkilotlar va muassasalarda Departament vakolatiga kiradigan masalalar boʻyicha IIV nomidan ish koʻradi;

xodimlarni vakolati doirasida maxsus va harbiy unvonlarga tavsiya etadi, mukofotlaydi, intizomiy jazolar qoʻllaydi;

kadrlar bilan ishlash boʻlinmalari faoliyatini bevosita va oʻz oʻrinbosarlari orqali nazorat qiladi;

maʼnaviy-maʼrifiy ishlar va kadrlar bilan taʼminlash sohasida ichki ishlar organlarining barcha shaxsiy tarkibi tomonidan bajarilishi majburiy boʻlgan hujjatlar qabul qiladi;

oʻz vakolati doirasida taalluqli masalalarda buyruq va farmoyishlar qabul qiladi;

ichki ishlar organlariga kadrlarni tanlash, joy-joyiga qoʻyish va boshqa lavozimga oʻtkazishni taʼminlaydi va tashkil etadi;

oʻz vakolati doirasida IIV markaziy apparatining ishchi va xizmatchilarini ishga, boʻlim boshligʻigacha boʻlgan xodim va harbiy xizmatchilarni safdorlar, serjantlar hamda ofitserlar tarkibi lavozimlariga xizmatga qabul qiladi, lavozimga tayinlaydi va ichki ishlar organlaridan boʻshatadi;

jismoniy va yuridik shaxslarning murojaatlari boʻyicha kadrlar bilan ishlash boʻlinmalari xodimlarining xatti-harakatlari qonunga muvofiqligini, shuningdek, sodir etilgan qonun buzilishi holati oʻrnatilgan tartibda tekshirilishini taʼminlaydi;

soha faoliyatiga taalluqli respublika komissiyalari va kengashlariga raislik qiladi va Departamentning boshqa komissiyalari ishini nazorat qiladi;

ichki ishlar organlari tizimidagi maktabgacha taʼlim tashkilotlari hamda bolalar sogʻlomlashtirish oromgohlariga xodimlarning farzandlarini joylashtirish uchun yoʻllanmalar berish faoliyati ustidan nazoratni amalga oshiradi;

qonunchilik hujjatlariga muvofiq boshqa vakolatlarni ham amalga oshiradi.

14. Departament boshligʻi Departamentga yuklatilgan quyidagi asosiy vazifalarni samarali amalga oshirilishini tashkil etadi hamda shaxsan nazorat qiladi:

ichki ishlar organlarida maʼnaviy-maʼrifiy ishlarni tashkil etish konsepsiyasini amaliyotga uzluksiz tatbiq etish;

xodimlarni ijtimoiy himoya qilishning samarali tizimini tashkil etish;

xodimlar oʻrtasida maʼnaviy-tarbiyaviy tadbirlarni olib borish, ularni ijtimoiy himoya qilish, ragʻbatlantirish va mukofotlashga doir hujjatlarni koʻrib chiqish, xizmat intizomi va qonuniylikni mustahkamlash choralarini koʻrish;

ichki ishlar organlari faoliyatini psixologik jihatdan taʼminlash;

xodimlarning xizmat oʻtashlarini tashkillashtirish, kadrlarni tanlash va joy-joyiga qoʻyish, ularning zaxirasini shakllantirish hamda kadrlar tarkibi sifatini yaxshilash;

xodimlarning xizmat oʻtashlarini qayd qilish hamda maxsus va harbiy unvonlar berish;

IIVning tarkibiy va hududiy tuzilmalarining maʼnaviy-maʼrifiy ishlar va kadrlar bilan taʼminlash faoliyatini muvofiqlashtirish, ularga tashkiliy-uslubiy yordam koʻrsatish, faoliyatga oid hisobotlarni yuritish hamda tahlil qilish;

kadrlarni tayyorlash, qayta tayyorlash, oʻqitish va ularning malakasini oshirish, xodimlarning kasbiy, jangovar va jismoniy tayyorgarligini oshirish, sogʻligʻini saqlash;

idoraviy taʼlim, sport-sogʻlomlashtirish va tibbiyot muassasalarining samarali faoliyatini tashkil etish.

15. Departament boshligʻi Oʻzbekiston Respublikasi ichki ishlar vaziriga quyidagilar toʻgʻrisida takliflar kiritadi:

xodimlarni intizomiy jazolash, idoraviy mukofotlar bilan taqdirlash, shuningdek, ularni davlat mukofotlariga taqdim etish;

ichki ishlar organlari tarkibiy va hududiy boʻlinmalari xodimlari, ishchi va xizmatchilarining cheklangan soniga va mehnatga haq toʻlash fondiga oʻzgartirish kiritish;

ichki ishlar organlari tarkibiy va hududiy boʻlinmalari tuzilmasiga va shtatlar soniga oʻzgartirish va qoʻshimchalar kiritish;

oʻz oʻrinbosarlari, Departament tarkibiy va hududiy boʻlinmalari boshliqlarini, shuningdek, xodimlarni IIV nomenklaturasi (roʻyxati)ga kiruvchi lavozimlarga tayinlash va ozod etish, shuningdek, ichki ishlar organlarining boshliqlar tarkibiga kiruvchi xodim va harbiy xizmatchilarni ichki ishlar organlaridan boʻshatish;

ichki ishlar organlari faoliyatini yaxshilash hamda bevosita zimmasiga yuklatilgan vazifalarni samarali tashkil etish, sohada islohotlarni amalga oshirish.

16. Departament xizmatlari boshliqlari:

jismoniy shaxslar va yuridik shaxslarning vakillari qabulini amalga oshiradi, shikoyat, ariza va takliflarni koʻrib chiqadi, ular yuzasidan qarorlar qabul qiladi;

jismoniy va yuridik shaxslarning murojaatlari boʻyicha kadrlar bilan ishlash boʻlinmalari xodimlarining xatti-harakatlari qonunga muvofiqligini, shuningdek, xodimlar tomonidan qonun buzilishi holatlarining oʻrnatilgan tartibda tekshirilishini taʼminlaydi;

rahbarlik qilayotgan xizmatning ishini tashkil etadi, shaxsiy tarkibining xizmat va mehnat intizomiga rioya etishini taʼminlaydi, ish rejalarini tasdiqlaydi;

xizmat boshligʻi oʻrinbosarlarining funksional majburiyatlarini belgilaydi, ular zimmasiga yuklatilgan majburiyatlarning bajarilishi ustidan nazoratni amalga oshiradi;

oʻz vakolati doirasida kadrlar bilan ishlash boʻlinmalari faoliyatini tashkil etish masalalari boʻyicha sharh va metodik tavsiyalar chiqaradi, shaxsiy tarkibi tomonidan bajarilishi majburiy boʻlgan koʻrsatma loyihalarini Departament boshligʻiga kiritadi;

rahbarlik qilayotgan xizmatda kadrlarni tanlash, joy-joyiga qoʻyish va lavozimga oʻtkazish, xizmat safarlariga yuborish masalalari boʻyicha Departament boshligʻiga taklif kiritadi;

rahbarlik qilayotgan xizmat xodimlariga maxsus unvonlar berish, ragʻbatlantirish, shu jumladan, mukofotlash hamda ularga intizomiy jazolar qoʻllash toʻgʻrisida Departament boshligʻiga taqdimnomalar kiritadi;

rahbarlik qilayotgan xizmat xodimlariga taʼtil beradi;

oʻziga boʻysunuvchi kadrlar bilan ishlash boʻlinmalari faoliyati ustidan bevosita va oʻz oʻrinbosarlari orqali nazoratni amalga oshiradi, shuningdek, tegishli rahbarlarning hisobotlarini eshitadi;

Departament boshligʻining topshirigʻiga binoan davlat, shu jumladan, huquqni muhofaza qilish va nazorat organlari, mahalliy davlat hokimiyati organlari va boshqa tashkilotlarning rasmiy tadbirlarida ishtirok etadi;

Departamentda oʻrnatilgan tartibda safarbarlik tayyorgarligini tashkil etadi, shuningdek, fuqaro muhofazasi boʻyicha tadbirlarning bajarilishini taʼminlaydi;

Departamentda maxfiylik tartibotiga rioya etilishi, shu jumladan, axborotlarni texnik himoyalash boʻyicha tadbirlarning tashkil etilishi uchun javob beradi;

Departamentda maxfiylik rejimiga rioya etilishi, shu jumladan, axborotlarni texnik himoyalash boʻyicha tadbirlarning tashkil etilishi uchun javob beradi;

qonunchilik hujjatlariga muvofiq boshqa vakolatlarni amalga oshiradi.

17. Departament boshligʻi boʻlmagan taqdirda uning vazifalarini oʻrinbosarlaridan biri bajaradi.

18. Quyidagilar:

a) Departament boshligʻining taqdimnomasiga koʻra Oʻzbekiston Respublikasi ichki ishlar vaziri tomonidan belgilangan tartibda lavozimga tayinlanadi va lavozimidan ozod etiladi:

Departamentning tarkibiy boʻlinmalari va unga bevosita boʻysunuvchi boʻlinmalarning rahbarlari;

Qoraqalpogʻiston Respublikasi, Toshkent shahri va viloyatlar ichki ishlar organlari rahbarlarining oʻrinbosarlari — maʼnaviy-maʼrifiy ishlar va kadrlar bilan taʼminlash xizmati boshliqlari;

b) tegishlicha IIV departamentlari, harbiy tuzilmalari, taʼlim, oʻquv va tibbiyot muassasalarining rahbarlari Departament boshligʻining qoʻshma taqdimnomasiga koʻra Oʻzbekiston Respublikasi ichki ishlar vaziri tomonidan lavozimga tayinlanadi va lavozimidan ozod etiladi:

tegishlicha IIV departamentlari, qoʻmondonlik, taʼlim, oʻquv va tibbiyot muassasalarining maʼnaviy-maʼrifiy ishlar va kadrlar bilan taʼminlash xizmatlari rahbarlari;

v) tegishlicha Qoraqalpogʻiston Respublikasi, viloyatlar va Toshkent shahri ichki ishlar organlari rahbarlari Departament boshligʻining qoʻshma taqdimnomasiga koʻra Oʻzbekiston Respublikasi ichki ishlar vaziri tomonidan lavozimga tayinlanadi va lavozimidan ozod etiladi:

tuman va shaharlar ichki ishlar organlari rahbarlarining maʼnaviy-maʼrifiy ishlar boʻyicha oʻrinbosarlari;

g) Departament boshligʻi tomonidan lavozimga tayinlanadi va lavozimidan ozod etiladi:

Departamentning xodimlari;

d) Departament bilan kelishilgan holda tegishlicha Qoraqalpogʻiston Respublikasi, viloyatlar va Toshkent shahri ichki ishlar organlari rahbarlari tomonidan lavozimga tayinlanadi va lavozimidan ozod etiladi:

Qoraqalpogʻiston Respublikasi, Toshkent shahri va viloyatlar ichki ishlar organlari maʼnaviy-maʼrifiy ishlar va kadrlar bilan taʼminlash xizmatlari tarkibidagi boʻlinmalar rahbarlari;

Qoraqalpogʻiston Respublikasi, Toshkent shahri va viloyatlar ichki ishlar organlari rahbarlarining oʻrinbosarlari — maʼnaviy-maʼrifiy ishlar va kadrlar bilan taʼminlash xizmati boshliqlarining mukofotlash masalalari va kadrlar tayyorlash boʻyicha yordamchilari.

5-bob. Yakunlovchi qoidalar

19. Departament faoliyati ustidan nazorat Oʻzbekiston Respublikasi ichki ishlar vaziri tomonidan amalga oshiriladi.

20. Ish yuritish va maxfiylik tartibotini tashkil etish va taʼminlash boʻyicha chora-tadbirlar Departament tomonidan belgilangan tartibda mustaqil ravishda amalga oshiriladi.

20. Ish yuritish va maxfiylik rejimini tashkil etish va taʼminlash boʻyicha chora-tadbirlar Departament tomonidan belgilangan tartibda mustaqil ravishda amalga oshiriladi.

21. Kadrlar bilan ishlash boʻlinmalarini qurol-aslaha va boshqa moddiy-texnika vositalari bilan taʼminlash belgilangan tartibda amalga oshiriladi.

Oʻzbekiston Respublikasi Prezidentining 2023-yil 20-yanvardagi PQ-10-son qaroriga
3-ILOVA

Ichki ishlar organlarida kadrlar salohiyati darajasini oshirish boʻyicha kompleks chora-tadbirlarning

“YOʻL XARITASI”

T/r	Chora-tadbirlarning nomlanishi	Amalga oshirish shakli	Ijro muddati	Masʼul ijrochilar
1.	Oʻzbekiston Respublikasining “Ichki ishlar organlari toʻgʻrisida”gi 2016-yil 16-sentabrdagi OʻRQ-407-son Qonuniga Ichki ishlar organlari xodimlarining kasbiy madaniyat va xizmat intizomikodeksidan kelib chiqqan holda, oʻzgartish va qoʻshimchalarni kiritish toʻgʻrisida qonun loyihasini tayyorlash.	Oʻzbekiston Respublikasi qonun loyihasi	2023-yil may	Ichki ishlar vazirligi (A. Ikramov)
2.	Ichki ishlar organlari xodimlarining kasbiy madaniyat va xizmat intizomi kodeksining mazmun-mohiyatini barcha shaxsiy tarkibga yetkazish (oʻqitish) choralarini koʻrish hamda mazkur yoʻnalish boʻyicha davriy ravishda sinovlar oʻtkazish amaliyotini yoʻlga qoʻyish. Mazkur Kodeksning audionusxasini tayyorlash va shaxsiy tarkibga tarqatishni tashkil etish.	Tashkiliy tadbirlar	2023-yil fevral-mart	Ichki ishlar vazirligi (A. Ikramov)
3.	Ichki ishlar vazirligi Akademiyasining bakalavriat va magistratura bosqichi, Malaka oshirish institutining kasbiy tayyorgarlik fakultetini tamomlaganda Ichki ishlar organlari xodimlarining kasbiy madaniyat va xizmat intizomi kodeksi boʻyicha davlat imtihonini qabul qilish amaliyotini yoʻlga qoʻyish.	Idoraviy normativ hujjat	2023-yil mart	Ichki ishlar vazirligi (A. Ikramov, R. Xatamov, O. Axmedov)
4.	Ichki ishlar organlarida xizmat intizomiga soʻzsiz rioya etilishini taʼminlashga qaratilgan “xodimbay nazorat” tizimini joriy etish. Bunda quyidagilar nazarda tutiladi: har bir rahbar xodim uchun shaxsiy tarkib ustidan qatʼiy nazorat mexanizmlarini belgilovchi “Nazorat harakatlari protokoli”ni tasdiqlash; maʼnaviy-maʼrifiy ishlar yoʻnalishida xizmat olib boruvchi rahbarlar uchun metodik qoʻllanma ishlab chiqish.	Idoraviy normativ hujjat	2023-yil aprel	Ichki ishlar vazirligi (A. Ikramov)
5.	Ichki ishlar organlarida xizmat qilayotgan yoshlar oʻrtasida vatanparvarlik, kasbga nisbatan sadoqat hissini shakllantirishga qaratilgan “uch avlod” tizimini quyidagilarni nazarda tutgan holda rivojlantirish: Maʼnaviy-maʼrifiy ishlar va kadrlar bilan taʼminlash departamenti boshligʻi huzurida Maʼnaviy-maʼrifiy ishlar xizmati, Faxriylar kengashi hamda Yoshlar ittifoqining yetakchilar kengashining “Maslahat kengashi” faoliyatini yoʻlga qoʻyish; ichki ishlar organlarida maʼnaviy-maʼrifiy ishlar samaradorligini oshirish, yoshlar oʻrtasida tartib-intizom va qonuniylikni mustahkamlash boʻyicha manzilli chora-tadbirlar belgilab borish.	Idoraviy normativ hujjat	2023-yil aprel	Ichki ishlar vazirligi (A. Ikramov)
6.	Ichki ishlar organlarida murabbiylik faoliyatini tashkil etish jarayonini tanqidiy oʻrganish hamda mazkur yoʻnalishni zamon va amaliyot talablarini inobatga olgan holda tubdan takomillashtirish choralarini belgilash.	Idoraviy normativ hujjat	2023-yil aprel	Ichki ishlar vazirligi (A. Ikramov)
7.	Ichki ishlar organlarida quyidagilarni oʻz ichiga oluvchi “Eng yaxshi maʼnaviy-maʼrifiy ishlar targʻibotchisi” nominatsiyasi boʻyicha respublika tanlovini har yili oʻtkazish tartibini belgilash: maʼnaviy-maʼrifiy ishlar sohasida eng yaxshi rahbar xodimlarni aniqlashning har tomonlama, xolisona, oshkora mexanizmlari va mezonlarini joriy etish; har yili 25-oktabr — Ichki ishlar organlari xodimlari kuni arafasida eng yaxshi rahbar xodimlarni eʼlon qilish; budjetdan tashqari mablagʻlar hisobidan gʻoliblarni har oylik pul taʼminotining 50 foizi miqdorida bir yil davomida moddiy ragʻbatlantirish tartibini joriy etish.	Idoraviy normativ hujjat	2023-yil aprel	Ichki ishlar vazirligi (A. Ikramov)
8.	Ichki ishlar organlari xodimlarini vatanparvarlik ruhida tarbiyalash, ular oʻrtasida kitobxonlikni ommalashtirish orqali maʼnaviy dunyoqarashini yuksaltirishni quyidagilarni nazarda tutgan holda yoʻlga qoʻyish: 2023-2024-yillarda Qoraqalpogʻiston Respublikasi Ichki ishlar vazirligi hamda viloyatlar ichki ishlar boshqarmalarida “Ichki ishlar organlari tarixi muzeyi”ni tashkil etish; 2023-yilda tuman (shahar), tarmoq ichki ishlar organlari hamda saf boʻlinmalarida kutubxonalar tashkil etib, shaxsiy tarkib sonidan kelib chiqqan holda (har bir xodimga kamida 10 ta kitob) axborot-kutubxona fondini shakllantirish.	Idoraviy normativ hujjat	2023-yil aprel	Ichki ishlar vazirligi (P. Bobojonov, A. Ikramov), manfaatdor vazirlik va idoralar
9.	Ichki ishlar organlarida xizmat qilayotgan xotin-qizlar faolligini oshirishni nazarda tutuvchi quyidagi tadbirlar tizimini joriy etish: xotin-qizlarni rahbarlik lavozimlariga tayinlash uchun ularning zaxirasini shakllantirib borish; kadrlar zaxirasiga kiritilgan xotin-qizlarda rahbarlik sifatlarini shakllantirish choralarini koʻrib borish; xotin-qizlarning ijtimoiy-maishiy muammolarini oʻrganib borish va hal etishga koʻmaklashish; xotin-qizlarning jismoniy va jangovar tayyorgarligini yuksaltirish choralarini koʻrish.	Tashkiliy tadbirlar	2023-yil davomida	Ichki ishlar vazirligi (A. Ikramov)
10.	Xodimlarning ijtimoiy himoya masalalaridagi murojaatlarini qabul qilish hamda ularni adolatli va xolisona koʻrib chiqish tizimini quyidagilarni nazarda tutgan holda takomillashtirish: xodimlarning ijtimoiy himoya masalalaridagi murojaatlarini qabul qilish tizimini toʻliq raqamlashtirish; xodimlarga ajratiladigan ijtimoiy yordam masalalariga doir murojaatlari komission tartibda koʻrib chiqilishini taʼminlash.	Tashkiliy tadbirlar	2023-yil mart — sentabr	Ichki ishlar vazirligi (A. Ikramov, N. Turaxodjayev)
11.	Quyidagilarni nazarda tutgan holda ichki ishlar organlari faoliyatini psixologik taʼminlashning sifat jihatdan yangi tizimini joriy etish: ichki ishlar organlari tizimiga shartnoma asosida mutaxassis-psixologlarni jalb etish va aholiga pullik xizmat koʻrsatish imkoniyatiga ega boʻlgan psixologik markazlarni tashkil qilish; ichki ishlar organlariga xizmatga qabul qilish vakolatiga ega tarkibiy va hududiy boʻlinmalarda psixolog mutaxassislarini poligraf apparati bilan taʼminlash; xizmatning oʻziga xos xususiyatlarini inobatga olgan holda, ichki ishlar organlari xodimlari orasida suitsidal holatlar va tushkun kayfiyatning oldini olishga qaratilgan yakka tartibdagi psixologik tadbirlarning zamonaviy usullarini tatbiq etish; xodimlarning psixologik portreti hisobini majburiy yuritish tartibini joriy etgan holda, ichki ishlar organlarida lavozimga tayinlash va attestatsiya oʻtkazish jarayonlarida mutaxassis-psixologlarning qatʼiy rolini belgilash.	Idoraviy normativ hujjat	2023-yil aprel	Ichki ishlar vazirligi (A. Ikramov, A. Abidjanov)
12.	Ichki ishlar organlarining mukofotlash va geraldika faoliyatini quyidagilarni nazarda tutgan holda takomillashtirish: ichki ishlar organlarida markaziy, hududiy va sohaviy mukofotlash va geraldika komissiyalarini tashkil etish; davlat mukofotlari va faxriy unvonlariga taqdim etish, shuningdek, idoraviy ragʻbatlantirish choralarini qoʻllashning aniq mezon, talab va tartiblarini tasdiqlash; idoraviy ragʻbatlantirish choralarining hisobini olib borish boʻyicha elektron bazani yaratish; mukofotlash uchun nomzodlar roʻyxatini xolislik va adolat mezonlari asosida shakllantirish, nomzodlarning erishgan yutuqlarini har tomonlama oʻrganish va ularga nisbatan jamoatchilikning ijobiy fikrini inobatga olish talabini oʻrnatish; ichki ishlar organlarida geraldika faoliyatini tashkil etish tartibini tasdiqlash; mukofotlash jarayoniga masʼuliyatsiz yondashgan, xolislik va adolat mezonlariga rioya etmagan ichki ishlar organlari rahbarlari uchun qatʼiy intizomiy javobgarlik choralarini qoʻllash.	Idoraviy normativ hujjat	2023-yil aprel	Ichki ishlar vazirligi (A. Ikramov)
13.	Ichki ishlar organlarida xizmat qilishga nomzodlarni tanlashning adolatli va shaffof tizimini yaratib, oʻrnatilgan tartiblarni tubdan soddalashtirish va byurokratik toʻsiqlarni bartaraf etish zarurligini hisobga olgan holda quyidagilar nazarda tutish: “E-nomzod” yopiq axborot tizimini yaratish, xizmatga qabul qilish jarayonlarini toʻliq raqamlashtirish; lavozimlarni yuqori maʼnaviy-axloqiy, ishchanlik va kasbiy sifatlarga ega nomzodlar bilan jamlashni nazarda tutgan holda, ichki ishlar organlarida xizmatga qabul qilishning sifat jihatdan yangi, soddalashtirilgan tartibini oʻrnatish; tanlovning barcha bosqichlarida faqat “yaxshi” va “aʼlo” baho olgan nomzodlarni xizmatga qabul qilish choralarini koʻrish.	Tashkiliy tadbirlar	2023-yil mart — dekabr	Ichki ishlar vazirligi (A. Ikramov, N. Turaxodjayev)
14.	2023 — 2025-yillar davomida hududiy ichki ishlar organlarida nomzodlarni xizmatga qabul qilishda koʻrgazmalar roʻyxati, info-kiosk, hujjatlar oʻzgarib turish bosqichining elektron tablodagi monitoringi, kutish inventari va h.k. bilan jihozlangan markazlarini tashkil etish va faoliyatini yoʻlga qoʻyish (Toshkent shahar Ichki ishlar bosh boshqarmasining tajribasidan kelib chiqqan holda).	Tadbirlar rejasi	2023-yil fevralda tasdiqlash	Ichki ishlar vazirligi (A. Ikramov, A. Abidjanov)
15.	Ichki ishlar organlarida yosh rahbar kadrlar zaxirasini shakllantirishning yangi tizimini joriy etish. Bunda quyidagilar nazarda tutiladi: yosh kadrlarni istiqbolli va amaldagi rahbarlar zaxirasiga kiritish tartibi va aniq mezonlarini nazorat mexanizmini oʻrnatgan holda belgilash; Ichki ishlar vazirligi taʼlim muassasalarining aʼlochi-bitiruvchilari faoliyatini monitoring qilish va xizmat pogʻonalaridan koʻtarilishini nazoratini yuritish.	Idoraviy normativ hujjat	2023-yil mart	Ichki ishlar vazirligi (A. Ikramov)
16.	Xalqaro politsiya tizimida raqobatbardosh kadrlarni tanlash, xizmatga qabul qilish, tayyorlash va malakasini oshirish borasida ilgʻor xorijiy tajribalarni oʻrgangan holda ichki ishlar organlarida kadrlar bilan taʼminlash sohasini takomillashtirib borish. Bunda quyidagi yoʻnalishlarda ilgʻor tajribalarni xorijiy davlatlarga amaliy tashriflar tashkillashtirgan holda oʻrganish: kadrlarni tanlashda Germaniya, Fransiya va Koreya respublikalari, kadrlarni tayyorlashda Yaponiya va Turkiya Respublikasiga xizmat safarlari amalga oshirish orqali ular tajribasini oʻrganish; oʻrganishlar natijasi boʻyicha ilgʻor tajribalarni Oʻzbekiston Respublikasi ichki ishlar organlari tizimiga joriy etish choralarini koʻrish.	Tashkiliy tadbirlar	2023-yil mart — noyabr	Ichki ishlar vazirligi (P. Bobojonov, A. Ikramov), Tashqi ishlar vazirligi (B. Saidov)
17.	Ichki ishlar vazirligining ilm-fan va ilmiy faoliyat sohasidagi tashkilotlarining 2023 — 2027-yillarga moʻljallangan ilmiy-tadqiqot ishlari dasturini ishlab chiqish va tasdiqlash. Bunda quyidagilarni nazarda tutish: konseptual normativ-huquqiy hujjatlar loyihalari; magistrlik, falsafa doktori va fan doktori dissertatsiyalari mavzulari (ichki ishlar organlari faoliyatiga mos ravishda); turdosh (milliy, xorijiy) tashkilotlar bilan hamkorlikda bajariladigan fundamental, amaliy va innovatsion ilmiy-tadqiqot loyihalari mavzulari; monografiya va metodikalar mavzulari; respublika va xalqaro miqyosdagi ilmiy tadbirlar; xorijiy ilmiy stajirovkalar va tajriba almashish boʻyicha ilmiy safarlar.	Qoʻshma qaror	2023-yil aprel	Ichki ishlar vazirligi (P. Bobojonov), Oliy taʼlim, fan va innovatsiyalar vazirligi (I. Abduraxmonov), Tashqi ishlar vazirligi (B. Saidov)
18.	2024/2025 oʻquv yilidan boshlab Ichki ishlar vazirligi Akademiyasining magistraturasida “ilmiy-pedagogik faoliyat” mutaxassisligi boʻyicha ichki ishlar organlari uchun ilmiy-pedagogik kadrlarni maqsadli tayyorlashga qaratilgan oʻquv jarayonini yoʻlga qoʻyish choralarini koʻrish. Bunda quyidagi talablar nazarda tutiladi: mazkur mutaxassislik boʻyicha tanlovni kamida ikki yillik amaliy xizmat stajiga ega tayanch oliy yuridik maʼlumotli ichki ishlar organlari xodimlari orasidan amalga oshirish; Ichki ishlar vazirligi Akademiyasi bakalavriat taʼlim yoʻnalishini imtiyozli diplom bilan tamomlagan bitiruvchilar uchun mazkur mutaxassislik boʻyicha magistraturaga tanlovsiz kirish huquqini berish hamda oʻqishni tamomlagandan soʻng ularga ichki ishlar organlari taʼlim va ilmiy muassasalarida kamida uch yil uzluksiz ilmiy-pedagogik faoliyat bilan shugʻullanish majburiyatini yuklash.	Tashkiliy tadbirlar kompleksi	2023-yil noyabr	Ichki ishlar vazirligi (A. Ikramov, R.Xatamov)
19.	Ichki ishlar vazirligi Akademiyasida ichki ishlar organlari taʼlim va oʻquv muassasalarining pedagog kadrlarini qayta tayyorlash va malakasini oshirish tizimini quyidagi choralarni nazarda tutgan holda yoʻlga qoʻyish: ichki ishlar organlari taʼlim va oʻquv muassasalarining pedagog kadrlarini qayta tayyorlash va uzluksiz malakasini oshirish muddatlari, talablari va yoʻnalishlarini nazarda tutuvchi tartibni belgilash; oʻquv dasturlari va rejalarini zamonaviy pedagogik texnologiyalar va oʻqitishning ilgʻor yondashuvlarini inobatga olgan holda ishlab chiqish va tasdiqlash; oʻquv jarayoniga mahalliy va xorijiy yetakchi taʼlim va oʻquv muassasalarining yuqori malakali mutaxassislarini shartnoma asosida jalb qilish amaliyotini joriy etish.	Qoʻshma qaror	2023-yil mart	Ichki ishlar vazirligi (P. Bobojonov, A. Ikramov, R. Xatamov), Oliy taʼlim, fan va innovatsiyalar vazirligi (I. Abduraxmonov)
20.	Ichki ishlar vazirligi Akademiyasida xorijiy mamlakatlar ichki ishlar organlari (politsiya) kadrlarini tayyorlash va oʻqitish tizimini quyidagi choralarni nazarda tutgan holda yoʻlga qoʻyish: Akademiyaning umumiy cheklangan shtat birliklari doirasida Xorijiy kadrlar bilan ishlash fakultetini tashkil etish hamda uning moddiy-texnika bazasini mustahkamlash va rivojlantirish ishlarini amalga oshirish; xorijiy mamlakatlar ichki ishlar organlari (politsiya)kadrlarini qabul qilish, tayyorlash va bitiruv tadbirlarini amalga oshirish tartibini belgilash; xorijiy mamlakatlar ichki ishlar organlari (politsiya)kadrlari vaqtincha yashashi va madaniy-hordiq tadbirlarini tashkil etish masalalarini hal qilish; xorijiy mamlakatlar ichki ishlar organlari (politsiya) kadrlarini tayyorlash va oʻqitish tizimini moliyalashtirish choralarini (belgilangan tartibda tuziladigan ikki tomonlama xalqaro shartnomalarga muvofiq begʻaraz, imtiyozli hamda toʻlov asosida) belgilash.	Oʻzbekiston Respublikasi Prezidentining qarori loyihasi	2023-yil may	Ichki ishlar vazirligi (P. Bobojonov, A. Ikramov, R. Xatamov), Tashqi ishlar vazirligi (B. Saidov)
21.	Quyidagilarni nazarda tutgan holda ichki ishlar organlarining huquqbuzarliklar profilaktikasi, yoʻl-patrul va patrul-post xizmatlari boʻlinmalari xodimlarini “Fuqarolar bilan ishlash moduli” asosida oʻqitish amaliyotini yoʻlga qoʻyish: xodimlarni ularning sohaviy xizmatda ishlash layoqatini aniqlash maqsadida har uch yilda bir marotaba alohida oʻquv dasturi asosida oʻqitish; oʻquv kurslari yakunida umumiy va maxsus modullar boʻyicha sinovlardan muvaffaqiyatli oʻtgan xodimlarga sertifikat berish.	Idoraviy normativ hujjat	2023-yil mart	Ichki ishlar vazirligi (A. Ikramov)
22.	2023-yil yakuniga qadar Ichki ishlar vazirligi Akademiyasi va Malaka oshirish institutining professor-oʻqituvchilar tarkibi faoliyatini “Smart reyting” avtomatlashtirilgan elektron reyting axborot tizimi orqali baholash tartibini joriy etish. Mazkur tizimning natijalarini quyidagi jarayonlarda inobatga olish: professor-oʻqituvchilarni ragʻbatlantirish, ularga individual ustamalarni belgilashda; yuqori lavozimga tayinlashda; malaka toifalar darajalarini belgilashda; maxsus unvonlarni berishda. Tizim orqali tuzilgan reyting natijalari boʻyicha oxirgi oʻnta oʻrinni egallagan professor-oʻqituvchi har yili iyul oyida navbatdan tashqari attestatsiyaga qoʻyilib, pedagogik faoliyatini davom ettirish masalasi koʻrib chiqiladi.	Idoraviy normativ hujjat	2023-yil mart	Ichki ishlar vazirligi (A. Ikramov, N. Turaxodjayev)
23.	Xorijiy davlatlar taʼlim muassasalariga oʻqishga yuborish uchun tanlab olingan nomzodlarni Oʻzbekiston Respublikasi ichki ishlar organlariga xizmatiga qabul qilish hamda ularning tahsil olish tizimini quyidagi choralarni nazarda tutgan holda yanada takomillashtirish: oʻqishga qabul qilingan tinglovchilarning tantanali xizmat qasamyodini qabul qilish tartibini yoʻlga qoʻyish; tinglovchilarning maʼnaviy-maʼrifiy va siyosiy bilimlarini mustahkamlash, respublika va tizimda amalga oshirilayotgan islohotlar boʻyicha “maʼnaviyat-maʼrifat darslarini” tashkil qilish; oʻquv taʼtiliga kelgan tinglovchilardan semestr yakuni boʻyicha komissiya tartibida oʻquv hisoboti va sinovlarni qabul qilish; har yili yozgi oʻquv taʼtili vaqtida tinglovchilar bilan Ichki ishlar vazirligi Akademiyasida bir haftalik maxsus oʻquv kursi tashkil etish.	Idoraviy normativ hujjat	2023-yil aprel	Ichki ishlar vazirligi (A. Ikramov)
24.	Ichki ishlar vazirligining Maxsus tayyorgarlik oʻquv markazi faoliyatini quyidagi choralarni nazarda tutgan holda yanada takomillashtirish: maxsus va kinologiya boʻlinmalari faoliyatiga mos ravishda, amaliy mashgʻulotlarni keskin koʻpaytirgan holda oʻquv dasturlari va rejalarini qayta koʻrib chiqish; pedagogik faoliyatni tanqidiy koʻrib chiqib, uni instruktorlik xususiyatlariga moslashtirish hamda oʻquv jarayonida ortiqcha hujjatlashtirish talablarini kamaytirish; instruktorlar tarkibini maxsus boʻlinmalarda xizmat qilgan yoki jangovar va jismoniy tayyorgarlik sohasida yuqori natijalarga erishgan xodimlar orasidan shakllantirish; respublika va xalqaro miqyosida oʻtkaziladigan musobaqalarda muvaffaqiyatli qatnashish uchun maxsus boʻlinmalar oʻrtasida ichki ishlar organlari xodimlarini tayyorlash jarayoni, moddiy-texnika va oʻquv bazasini tashkil etish; oʻquv jarayonida foydalanish uchun maxsus boʻlinmalar tomonidan qoʻllanadigan zamonaviy qurol-aslahalar bilan taʼminlash.	Idoraviy normativ hujjat	2023-yil mart	Ichki ishlar vazirligi (Sh. Sabirov, A. Abidjanov)
25.	Ichki ishlar vazirligi Ixtisoslashtirilgan maktab-internati faoliyatini yanada takomillashtirish boʻyicha chora-tadbirlarni belgilash. Jumladan: maktab-internatning ustavini tasdiqlash; oʻquvchilar sonini ikki baravarga koʻpaytirish; Oʻzbekiston tarixi, chet tillari va matematika fanlarini chuqurlashtirilgan holda oʻqitishni yoʻlga qoʻyish; maktab-internatning maʼmuriy binosi hududida 500 oʻringa moʻljallangan oʻquvchilar yotoqxonasini qurish; oʻquvchilarga moʻljallangan sport majmuasini qurish uchun maktab-internatga tutash hududdagi 16 sotix yer maydonini Ichki ishlar vazirligi balansiga oʻtkazish choralarini koʻrish.	Vazirlar Mahkamasining qarori loyihasi	2023-yil may	Ichki ishlar vazirligi (P. Bobojonov), Maktabgacha va maktab taʼlimi vazirligi (X. Umarova), Toshkent shahri hokimligi (B. Raxmonov)
26.	Ichki ishlar organlarida xodimlarning jangovar va jismoniy tayyorgarlik darajasini oshirishning uzluksiz tizimini yaratish. Bunda quyidagilarni nazarda tutish: hududiy boʻlinmalarda sportning yakka kurash turlari boʻyicha terma jamoalar va seksiyalarni tashkil etish; jangovar va jismoniy tayyorgarlik mashgʻulotlarini oʻtkazish uchun sport ustalari, murabbiylar va harbiy pensionerlarni shartnoma asosida jalb etish; jangovar va jismoniy tayyorgarlik mashgʻulotlarini oʻtkazishning zamonaviy metodikasini ishlab chiqish va amaliyotga joriy etish; hududiy ichki ishlar organlari xodimlarining kunlik tayyorgarligini tashkillashtirish mexanizmi va tartibini tanqidiy qayta koʻrib chiqish; shaxsiy tarkibining jismoniy va jangovar tayyorgarlik darajasini baholash boʻyicha KPI tizimini joriy etish.	Idoraviy normativ hujjat	2023-yil aprel	Ichki ishlar vazirligi (A. Ikramov), Yoshlar siyosati va sport vazirligi (A. Ikromov)
27.	Ichki ishlar organlarida jismoniy va jangovar tayyorgarlikni tashkil etish konsepsiyasini ishlab chiqish. Bunda quyidagilarni nazarda tutish: ichki ishlar organlari sohaviy xizmatlarining xususiyatidan kelib chiqib, xodimlarning jismoniy va jangovar tayyorgarligini tashkil etishning innovatsion mexanizmlarini joriy etish; jismoniy va jangovar tayyorgarlik boʻyicha professional mutaxassis kadrlar tayyorlashni tashkil etish; shaxsiy tarkib oʻrtasida sogʻlom turmush tarzi va sogʻlom ovqatlanishni targʻib qilish chora-tadbirlarini ishlab chiqish va amalga oshirish, shuningdek, xodimlarning oila aʼzolarini sportga jalb etish; ichki ishlar organlarining jismoniy va jangovar tayyorgarlikni tashkil etish obyektlari va infratuzilmalari moddiy-texnika bazasini mustahkamlash; ichki ishlar organlari xodimlarining respublika hamda xalqaro sport musobaqalari, shuningdek, xalqaro politsiya oʻyinlari bellashuvlarida munosib ishtirokini taʼminlash; xalqaro musobaqalarda sovrinli oʻrinlarni qoʻlga kiritgan sportchi xodimlarni ragʻbatlantirish mexanizmlarini belgilash.	Qoʻshma qaror	2023-yil aprel	Ichki ishlar vazirligi (P. Bobojonov, A. Ikramov), Yoshlar siyosati va sport vazirligi (A. Ikromov)
28.	2023 — 2027-yillarda ichki ishlar organlarida jismoniy va jangovar tayyorgarlikni rivojlantirish dasturini ishlab chiqish. Bunda quyidagilar moliyalashtirish manbalari etib belgilanadi: Ichki ishlar vazirligining budjetdan tashqari mablagʻlari; Qoraqalpogʻiston Respublikasi budjeti, viloyatlar va Toshkent shahri mahalliy budjetining qoʻshimcha manbalari mablagʻlari.	Idoraviy normativ hujjat	2023-yil may	Ichki ishlar vazirligi (A. Ikramov, A. Abidjanov) Iqtisodiyot va moliya vazirligi (A. Xaydarov)
29.	Tizimda professional darajadagi jismoniy, jangovar va kasbiy tayyorgarlikka ega xodimlarni ragʻbatlantirishning samarali mexanizmlarini joriy etish. Bunda quyidagilarni nazarda tutish: har oʻquv yili yakuni boʻyicha eng yaxshi safdor, serjant va ofitser xodimlarni aniqlash boʻyicha “Kasbiy olimpiada oʻyinlari”ni oʻtkazish hamda sovrindor xodimlarni moddiy ragʻbatlantirish; “Kasb aʼlochisi” koʻkrak nishonini taʼsis etish hamda ushbu nishonni “Kasbiy olimpiada oʻyinlari” respublika bosqichida birinchi oʻrinni egallagan xodimlarga berish amaliyotini yoʻlga qoʻyish; respublika bosqichida sovrindor boʻlgan oʻrta yoki oʻrta maxsus maʼlumotga ega safdor va serjant xodimlarni Ichki ishlar vazirligi Akademiyasiga sirtqi taʼlim shakliga tanlovlarsiz oʻqishga qabul qilish.	Idoraviy normativ hujjat	2023-yil mart	Ichki ishlar vazirligi (A. Ikramov, R. Xatamov)
30.	Hududiy ichki ishlar organlarida xodimlar bilan ishlashni tashkil etish jarayoniga axborot-kommunikatsiya texnologiyalarini qoʻllagan holda “E-XID” — “Xodimbay ishlash daftari” elektron axborot tizimini joriy qilish. Bunda quyidagilarni nazarda tutish: shaxsiy tarkib bilan tashkil etiladigan maʼnaviy-maʼrifiy va tarbiyaviy tadbirlarni individual tartibda elektron shaklda qayd etish hamda xodimlarning “ijtimoiy portreti”ni shakllantirish imkoniyatini beruvchi dastur yaratish; ish yuritish reglamentini tasdiqlash; hududiy ichki ishlar organlari rahbarlarining maʼnaviy-maʼrifiy ishlar boʻyicha oʻrinbosarlarini 2023-2024-yillar davomida bosqichma-bosqich planshetlar bilan taʼminlash; “E-XID” elektron axborot tizimini 2023-yil 2-chorak yakuniga qadar Toshkent shahri ichki ishlar organlarida, 2023-yil yakuniga qadar yana 6 ta hududda, 2024-yil 1-iyundan respublikaning barcha hududlarida yoʻlga qoʻyish.	Idoraviy normativ hujjat	2023-yil may	Ichki ishlar vazirligi (A. Ikramov, N. Turaxodjayev, A. Abidjanov)
31.	Ichki ishlar organlarida tashkiliy-shtat ishlarini amalga oshirish nizomini ishlab chiqish va tasdiqlash. Bunda quyidagilar nazarda tutiladi: tashkiliy-shtat tuzilmalariga oʻzgartirish va qoʻshimchalar kiritish jarayonining qatʼiy tartibi va talablari; lavozimlarni oʻzgartirish chora-tadbirlari va mezonlari; tuzilmalar va rahbariy lavozimlarni tashkil etish (kiritish)ning aniq mezonlari; shtat birliklaridan notoʻgʻri foydalanilganligi uchun ichki ishlar organlari rahbarlarining shaxsiy javobgarligi.	Idoraviy normativ hujjat	2023-yil aprel	Ichki ishlar vazirligi (A. Ikramov)
32.	Ichki ishlar vazirligi oʻquv-dala markazining moddiy-texnika bazasini rivojlantirish, simulyatsiya-immitatsion poligonlarni tashkil etish choralarini koʻrish.	Tashkiliy tadbirlar	2023-yil aprel — noyabr	Ichki ishlar vazirligi (A. Ikramov, A. Abidjanov)
33.	2023-2024-yillarda ichki ishlar organlari davolash va sogʻlomlashtirish infratuzilmasini quyidagilarni nazarda tutgan holda rivojlantirish choralarini koʻrish: Navoiy va Surxondaryo viloyatlari ichki ishlar boshqarmalari tibbiyot boʻlimlari tarkibida 40 oʻrinli gospitallarni tashkil etish (Bosh prokuratura, Ichki ishlar va Adliya vazirliklari, Bojxona qoʻmitasi va Milliy gvardiya Qoʻriqlash bosh boshqarmasining budjetdan tashqari mablagʻlari hisobidan); Jizzax viloyati ichki ishlar boshqarmasining Zomin tumanida joylashgan sogʻlomlashtirish oromgohi hududida pulmonologiya va reabilitatsiya boʻlimlaridan iborat 60 oʻrinli viloyatlararo reabilitatsiya markazini tashkil etish (Davlat yoʻl harakati xavfsizligi xizmatining budjetdan tashqari mablagʻlari hisobidan).	Vazirlar Mahkamasining qarori loyihasi	2023-yil aprel	Ichki ishlar vazirligi (P. Bobojonov, A. Ikramov, A. Abidjanov), manfaatdor vazirlik va idoralar
34.	Sirdaryo viloyati ichki ishlar organlarida jismoniy va jangovar tayyorgarlik boʻyicha moddiy-texnika bazani quyidagilarni nazarda tutgan holda rivojlantirish: Guliston shahridagi “Dinamo” sport majmuasi hududida jismoniy va jangovar tayyorgarlik mashgʻulotlarini kompleks tarzda oʻtkazish imkoniyati beruvchi zamonaviy inshoot barpo etish hamda tegishli sport va jangovar (elektron tir va h.k) inventarlar bilan jihozlash; Sirdaryo viloyati ichki ishlar boshqarmasi tezkor vazifalarni bajaruvchi safarbarlik otryadini qoʻshimcha bino qurish orqali Jamoat tartibini saqlash boshqarmasi hududiga joylashtirish hamda patrul-post xizmati bilan birgalikda jangovar va jismoniy tayyorgarlik hamda tezkor harakatlanish mashgʻulotlarini tashkil etish.	Vazirlar Mahkamasining qarori loyihasi	2023-yil may	Ichki ishlar vazirligi (A. Ikramov, B. Abdullayev, A. Abidjanov) manfaatdor vazirlik va idoralar

T/r	Chora-tadbirlarning nomlanishi	Amalga oshirish shakli	Ijro muddati	Masʼul ijrochilar
1.	Oʻzbekiston Respublikasining “Ichki ishlar organlari toʻgʻrisida”gi 2016-yil 16-sentabrdagi OʻRQ-407-son Qonuniga Ichki ishlar organlari xodimlarining kasbiy madaniyat va xizmat intizomikodeksidan kelib chiqqan holda, oʻzgartish va qoʻshimchalarni kiritish toʻgʻrisida qonun loyihasini tayyorlash.	Oʻzbekiston Respublikasi qonun loyihasi	2023-yil may	Ichki ishlar vazirligi (A. Ikramov)
2.	Ichki ishlar organlari xodimlarining kasbiy madaniyat va xizmat intizomi kodeksining mazmun-mohiyatini barcha shaxsiy tarkibga yetkazish (oʻqitish) choralarini koʻrish hamda mazkur yoʻnalish boʻyicha davriy ravishda sinovlar oʻtkazish amaliyotini yoʻlga qoʻyish. Mazkur Kodeksning audionusxasini tayyorlash va shaxsiy tarkibga tarqatishni tashkil etish.	Tashkiliy tadbirlar	2023-yil fevral-mart	Ichki ishlar vazirligi (A. Ikramov)
3.	Ichki ishlar vazirligi Akademiyasining bakalavriat va magistratura bosqichi, Malaka oshirish institutining kasbiy tayyorgarlik fakultetini tamomlaganda Ichki ishlar organlari xodimlarining kasbiy madaniyat va xizmat intizomi kodeksi boʻyicha davlat imtihonini qabul qilish amaliyotini yoʻlga qoʻyish.	Idoraviy normativ hujjat	2023-yil mart	Ichki ishlar vazirligi (A. Ikramov, R. Xatamov, O. Axmedov)
4.	Ichki ishlar organlarida xizmat intizomiga soʻzsiz rioya etilishini taʼminlashga qaratilgan “xodimbay nazorat” tizimini joriy etish. Bunda quyidagilar nazarda tutiladi: har bir rahbar xodim uchun shaxsiy tarkib ustidan qatʼiy nazorat mexanizmlarini belgilovchi “Nazorat harakatlari protokoli”ni tasdiqlash; maʼnaviy-maʼrifiy ishlar yoʻnalishida xizmat olib boruvchi rahbarlar uchun metodik qoʻllanma ishlab chiqish.	Idoraviy normativ hujjat	2023-yil aprel	Ichki ishlar vazirligi (A. Ikramov)
5.	Ichki ishlar organlarida xizmat qilayotgan yoshlar oʻrtasida vatanparvarlik, kasbga nisbatan sadoqat hissini shakllantirishga qaratilgan “uch avlod” tizimini quyidagilarni nazarda tutgan holda rivojlantirish: Maʼnaviy-maʼrifiy ishlar va kadrlar bilan taʼminlash departamenti boshligʻi huzurida Maʼnaviy-maʼrifiy ishlar xizmati, Faxriylar kengashi hamda Yoshlar ittifoqining yetakchilar kengashining “Maslahat kengashi” faoliyatini yoʻlga qoʻyish; ichki ishlar organlarida maʼnaviy-maʼrifiy ishlar samaradorligini oshirish, yoshlar oʻrtasida tartib-intizom va qonuniylikni mustahkamlash boʻyicha manzilli chora-tadbirlar belgilab borish.	Idoraviy normativ hujjat	2023-yil aprel	Ichki ishlar vazirligi (A. Ikramov)
6.	Ichki ishlar organlarida murabbiylik faoliyatini tashkil etish jarayonini tanqidiy oʻrganish hamda mazkur yoʻnalishni zamon va amaliyot talablarini inobatga olgan holda tubdan takomillashtirish choralarini belgilash.	Idoraviy normativ hujjat	2023-yil aprel	Ichki ishlar vazirligi (A. Ikramov)
7.	Ichki ishlar organlarida quyidagilarni oʻz ichiga oluvchi “Eng yaxshi maʼnaviy-maʼrifiy ishlar targʻibotchisi” nominatsiyasi boʻyicha respublika tanlovini har yili oʻtkazish tartibini belgilash: maʼnaviy-maʼrifiy ishlar sohasida eng yaxshi rahbar xodimlarni aniqlashning har tomonlama, xolisona, oshkora mexanizmlari va mezonlarini joriy etish; har yili 25-oktabr — Ichki ishlar organlari xodimlari kuni arafasida eng yaxshi rahbar xodimlarni eʼlon qilish; budjetdan tashqari mablagʻlar hisobidan gʻoliblarni har oylik pul taʼminotining 50 foizi miqdorida bir yil davomida moddiy ragʻbatlantirish tartibini joriy etish.	Idoraviy normativ hujjat	2023-yil aprel	Ichki ishlar vazirligi (A. Ikramov)
8.	Ichki ishlar organlari xodimlarini vatanparvarlik ruhida tarbiyalash, ular oʻrtasida kitobxonlikni ommalashtirish orqali maʼnaviy dunyoqarashini yuksaltirishni quyidagilarni nazarda tutgan holda yoʻlga qoʻyish: 2023-2024-yillarda Qoraqalpogʻiston Respublikasi Ichki ishlar vazirligi hamda viloyatlar ichki ishlar boshqarmalarida “Ichki ishlar organlari tarixi muzeyi”ni tashkil etish; 2023-yilda tuman (shahar), tarmoq ichki ishlar organlari hamda saf boʻlinmalarida kutubxonalar tashkil etib, shaxsiy tarkib sonidan kelib chiqqan holda (har bir xodimga kamida 10 ta kitob) axborot-kutubxona fondini shakllantirish.	Idoraviy normativ hujjat	2023-yil aprel	Ichki ishlar vazirligi (P. Bobojonov, A. Ikramov), manfaatdor vazirlik va idoralar
9.	Ichki ishlar organlarida xizmat qilayotgan xotin-qizlar faolligini oshirishni nazarda tutuvchi quyidagi tadbirlar tizimini joriy etish: xotin-qizlarni rahbarlik lavozimlariga tayinlash uchun ularning zaxirasini shakllantirib borish; kadrlar zaxirasiga kiritilgan xotin-qizlarda rahbarlik sifatlarini shakllantirish choralarini koʻrib borish; xotin-qizlarning ijtimoiy-maishiy muammolarini oʻrganib borish va hal etishga koʻmaklashish; xotin-qizlarning jismoniy va jangovar tayyorgarligini yuksaltirish choralarini koʻrish.	Tashkiliy tadbirlar	2023-yil davomida	Ichki ishlar vazirligi (A. Ikramov)
10.	Xodimlarning ijtimoiy himoya masalalaridagi murojaatlarini qabul qilish hamda ularni adolatli va xolisona koʻrib chiqish tizimini quyidagilarni nazarda tutgan holda takomillashtirish: xodimlarning ijtimoiy himoya masalalaridagi murojaatlarini qabul qilish tizimini toʻliq raqamlashtirish; xodimlarga ajratiladigan ijtimoiy yordam masalalariga doir murojaatlari komission tartibda koʻrib chiqilishini taʼminlash.	Tashkiliy tadbirlar	2023-yil mart — sentabr	Ichki ishlar vazirligi (A. Ikramov, N. Turaxodjayev)
11.	Quyidagilarni nazarda tutgan holda ichki ishlar organlari faoliyatini psixologik taʼminlashning sifat jihatdan yangi tizimini joriy etish: ichki ishlar organlari tizimiga shartnoma asosida mutaxassis-psixologlarni jalb etish va aholiga pullik xizmat koʻrsatish imkoniyatiga ega boʻlgan psixologik markazlarni tashkil qilish; ichki ishlar organlariga xizmatga qabul qilish vakolatiga ega tarkibiy va hududiy boʻlinmalarda psixolog mutaxassislarini poligraf apparati bilan taʼminlash; xizmatning oʻziga xos xususiyatlarini inobatga olgan holda, ichki ishlar organlari xodimlari orasida suitsidal holatlar va tushkun kayfiyatning oldini olishga qaratilgan yakka tartibdagi psixologik tadbirlarning zamonaviy usullarini tatbiq etish; xodimlarning psixologik portreti hisobini majburiy yuritish tartibini joriy etgan holda, ichki ishlar organlarida lavozimga tayinlash va attestatsiya oʻtkazish jarayonlarida mutaxassis-psixologlarning qatʼiy rolini belgilash.	Idoraviy normativ hujjat	2023-yil aprel	Ichki ishlar vazirligi (A. Ikramov, A. Abidjanov)
12.	Ichki ishlar organlarining mukofotlash va geraldika faoliyatini quyidagilarni nazarda tutgan holda takomillashtirish: ichki ishlar organlarida markaziy, hududiy va sohaviy mukofotlash va geraldika komissiyalarini tashkil etish; davlat mukofotlari va faxriy unvonlariga taqdim etish, shuningdek, idoraviy ragʻbatlantirish choralarini qoʻllashning aniq mezon, talab va tartiblarini tasdiqlash; idoraviy ragʻbatlantirish choralarining hisobini olib borish boʻyicha elektron bazani yaratish; mukofotlash uchun nomzodlar roʻyxatini xolislik va adolat mezonlari asosida shakllantirish, nomzodlarning erishgan yutuqlarini har tomonlama oʻrganish va ularga nisbatan jamoatchilikning ijobiy fikrini inobatga olish talabini oʻrnatish; ichki ishlar organlarida geraldika faoliyatini tashkil etish tartibini tasdiqlash; mukofotlash jarayoniga masʼuliyatsiz yondashgan, xolislik va adolat mezonlariga rioya etmagan ichki ishlar organlari rahbarlari uchun qatʼiy intizomiy javobgarlik choralarini qoʻllash.	Idoraviy normativ hujjat	2023-yil aprel	Ichki ishlar vazirligi (A. Ikramov)
13.	Ichki ishlar organlarida xizmat qilishga nomzodlarni tanlashning adolatli va shaffof tizimini yaratib, oʻrnatilgan tartiblarni tubdan soddalashtirish va byurokratik toʻsiqlarni bartaraf etish zarurligini hisobga olgan holda quyidagilar nazarda tutish: “E-nomzod” yopiq axborot tizimini yaratish, xizmatga qabul qilish jarayonlarini toʻliq raqamlashtirish; lavozimlarni yuqori maʼnaviy-axloqiy, ishchanlik va kasbiy sifatlarga ega nomzodlar bilan jamlashni nazarda tutgan holda, ichki ishlar organlarida xizmatga qabul qilishning sifat jihatdan yangi, soddalashtirilgan tartibini oʻrnatish; tanlovning barcha bosqichlarida faqat “yaxshi” va “aʼlo” baho olgan nomzodlarni xizmatga qabul qilish choralarini koʻrish.	Tashkiliy tadbirlar	2023-yil mart — dekabr	Ichki ishlar vazirligi (A. Ikramov, N. Turaxodjayev)
14.	2023 — 2025-yillar davomida hududiy ichki ishlar organlarida nomzodlarni xizmatga qabul qilishda koʻrgazmalar roʻyxati, info-kiosk, hujjatlar oʻzgarib turish bosqichining elektron tablodagi monitoringi, kutish inventari va h.k. bilan jihozlangan markazlarini tashkil etish va faoliyatini yoʻlga qoʻyish (Toshkent shahar Ichki ishlar bosh boshqarmasining tajribasidan kelib chiqqan holda).	Tadbirlar rejasi	2023-yil fevralda tasdiqlash	Ichki ishlar vazirligi (A. Ikramov, A. Abidjanov)
15.	Ichki ishlar organlarida yosh rahbar kadrlar zaxirasini shakllantirishning yangi tizimini joriy etish. Bunda quyidagilar nazarda tutiladi: yosh kadrlarni istiqbolli va amaldagi rahbarlar zaxirasiga kiritish tartibi va aniq mezonlarini nazorat mexanizmini oʻrnatgan holda belgilash; Ichki ishlar vazirligi taʼlim muassasalarining aʼlochi-bitiruvchilari faoliyatini monitoring qilish va xizmat pogʻonalaridan koʻtarilishini nazoratini yuritish.	Idoraviy normativ hujjat	2023-yil mart	Ichki ishlar vazirligi (A. Ikramov)
16.	Xalqaro politsiya tizimida raqobatbardosh kadrlarni tanlash, xizmatga qabul qilish, tayyorlash va malakasini oshirish borasida ilgʻor xorijiy tajribalarni oʻrgangan holda ichki ishlar organlarida kadrlar bilan taʼminlash sohasini takomillashtirib borish. Bunda quyidagi yoʻnalishlarda ilgʻor tajribalarni xorijiy davlatlarga amaliy tashriflar tashkillashtirgan holda oʻrganish: kadrlarni tanlashda Germaniya, Fransiya va Koreya respublikalari, kadrlarni tayyorlashda Yaponiya va Turkiya Respublikasiga xizmat safarlari amalga oshirish orqali ular tajribasini oʻrganish; oʻrganishlar natijasi boʻyicha ilgʻor tajribalarni Oʻzbekiston Respublikasi ichki ishlar organlari tizimiga joriy etish choralarini koʻrish.	Tashkiliy tadbirlar	2023-yil mart — noyabr	Ichki ishlar vazirligi (P. Bobojonov, A. Ikramov), Tashqi ishlar vazirligi (B. Saidov)
17.	Ichki ishlar vazirligining ilm-fan va ilmiy faoliyat sohasidagi tashkilotlarining 2023 — 2027-yillarga moʻljallangan ilmiy-tadqiqot ishlari dasturini ishlab chiqish va tasdiqlash. Bunda quyidagilarni nazarda tutish: konseptual normativ-huquqiy hujjatlar loyihalari; magistrlik, falsafa doktori va fan doktori dissertatsiyalari mavzulari (ichki ishlar organlari faoliyatiga mos ravishda); turdosh (milliy, xorijiy) tashkilotlar bilan hamkorlikda bajariladigan fundamental, amaliy va innovatsion ilmiy-tadqiqot loyihalari mavzulari; monografiya va metodikalar mavzulari; respublika va xalqaro miqyosdagi ilmiy tadbirlar; xorijiy ilmiy stajirovkalar va tajriba almashish boʻyicha ilmiy safarlar.	Qoʻshma qaror	2023-yil aprel	Ichki ishlar vazirligi (P. Bobojonov), Oliy taʼlim, fan va innovatsiyalar vazirligi (I. Abduraxmonov), Tashqi ishlar vazirligi (B. Saidov)
18.	2024/2025 oʻquv yilidan boshlab Ichki ishlar vazirligi Akademiyasining magistraturasida “ilmiy-pedagogik faoliyat” mutaxassisligi boʻyicha ichki ishlar organlari uchun ilmiy-pedagogik kadrlarni maqsadli tayyorlashga qaratilgan oʻquv jarayonini yoʻlga qoʻyish choralarini koʻrish. Bunda quyidagi talablar nazarda tutiladi: mazkur mutaxassislik boʻyicha tanlovni kamida ikki yillik amaliy xizmat stajiga ega tayanch oliy yuridik maʼlumotli ichki ishlar organlari xodimlari orasidan amalga oshirish; Ichki ishlar vazirligi Akademiyasi bakalavriat taʼlim yoʻnalishini imtiyozli diplom bilan tamomlagan bitiruvchilar uchun mazkur mutaxassislik boʻyicha magistraturaga tanlovsiz kirish huquqini berish hamda oʻqishni tamomlagandan soʻng ularga ichki ishlar organlari taʼlim va ilmiy muassasalarida kamida uch yil uzluksiz ilmiy-pedagogik faoliyat bilan shugʻullanish majburiyatini yuklash.	Tashkiliy tadbirlar kompleksi	2023-yil noyabr	Ichki ishlar vazirligi (A. Ikramov, R.Xatamov)
19.	Ichki ishlar vazirligi Akademiyasida ichki ishlar organlari taʼlim va oʻquv muassasalarining pedagog kadrlarini qayta tayyorlash va malakasini oshirish tizimini quyidagi choralarni nazarda tutgan holda yoʻlga qoʻyish: ichki ishlar organlari taʼlim va oʻquv muassasalarining pedagog kadrlarini qayta tayyorlash va uzluksiz malakasini oshirish muddatlari, talablari va yoʻnalishlarini nazarda tutuvchi tartibni belgilash; oʻquv dasturlari va rejalarini zamonaviy pedagogik texnologiyalar va oʻqitishning ilgʻor yondashuvlarini inobatga olgan holda ishlab chiqish va tasdiqlash; oʻquv jarayoniga mahalliy va xorijiy yetakchi taʼlim va oʻquv muassasalarining yuqori malakali mutaxassislarini shartnoma asosida jalb qilish amaliyotini joriy etish.	Qoʻshma qaror	2023-yil mart	Ichki ishlar vazirligi (P. Bobojonov, A. Ikramov, R. Xatamov), Oliy taʼlim, fan va innovatsiyalar vazirligi (I. Abduraxmonov)
20.	Ichki ishlar vazirligi Akademiyasida xorijiy mamlakatlar ichki ishlar organlari (politsiya) kadrlarini tayyorlash va oʻqitish tizimini quyidagi choralarni nazarda tutgan holda yoʻlga qoʻyish: Akademiyaning umumiy cheklangan shtat birliklari doirasida Xorijiy kadrlar bilan ishlash fakultetini tashkil etish hamda uning moddiy-texnika bazasini mustahkamlash va rivojlantirish ishlarini amalga oshirish; xorijiy mamlakatlar ichki ishlar organlari (politsiya)kadrlarini qabul qilish, tayyorlash va bitiruv tadbirlarini amalga oshirish tartibini belgilash; xorijiy mamlakatlar ichki ishlar organlari (politsiya)kadrlari vaqtincha yashashi va madaniy-hordiq tadbirlarini tashkil etish masalalarini hal qilish; xorijiy mamlakatlar ichki ishlar organlari (politsiya) kadrlarini tayyorlash va oʻqitish tizimini moliyalashtirish choralarini (belgilangan tartibda tuziladigan ikki tomonlama xalqaro shartnomalarga muvofiq begʻaraz, imtiyozli hamda toʻlov asosida) belgilash.	Oʻzbekiston Respublikasi Prezidentining qarori loyihasi	2023-yil may	Ichki ishlar vazirligi (P. Bobojonov, A. Ikramov, R. Xatamov), Tashqi ishlar vazirligi (B. Saidov)
21.	Quyidagilarni nazarda tutgan holda ichki ishlar organlarining huquqbuzarliklar profilaktikasi, yoʻl-patrul va patrul-post xizmatlari boʻlinmalari xodimlarini “Fuqarolar bilan ishlash moduli” asosida oʻqitish amaliyotini yoʻlga qoʻyish: xodimlarni ularning sohaviy xizmatda ishlash layoqatini aniqlash maqsadida har uch yilda bir marotaba alohida oʻquv dasturi asosida oʻqitish; oʻquv kurslari yakunida umumiy va maxsus modullar boʻyicha sinovlardan muvaffaqiyatli oʻtgan xodimlarga sertifikat berish.	Idoraviy normativ hujjat	2023-yil mart	Ichki ishlar vazirligi (A. Ikramov)
22.	2023-yil yakuniga qadar Ichki ishlar vazirligi Akademiyasi va Malaka oshirish institutining professor-oʻqituvchilar tarkibi faoliyatini “Smart reyting” avtomatlashtirilgan elektron reyting axborot tizimi orqali baholash tartibini joriy etish. Mazkur tizimning natijalarini quyidagi jarayonlarda inobatga olish: professor-oʻqituvchilarni ragʻbatlantirish, ularga individual ustamalarni belgilashda; yuqori lavozimga tayinlashda; malaka toifalar darajalarini belgilashda; maxsus unvonlarni berishda. Tizim orqali tuzilgan reyting natijalari boʻyicha oxirgi oʻnta oʻrinni egallagan professor-oʻqituvchi har yili iyul oyida navbatdan tashqari attestatsiyaga qoʻyilib, pedagogik faoliyatini davom ettirish masalasi koʻrib chiqiladi.	Idoraviy normativ hujjat	2023-yil mart	Ichki ishlar vazirligi (A. Ikramov, N. Turaxodjayev)
23.	Xorijiy davlatlar taʼlim muassasalariga oʻqishga yuborish uchun tanlab olingan nomzodlarni Oʻzbekiston Respublikasi ichki ishlar organlariga xizmatiga qabul qilish hamda ularning tahsil olish tizimini quyidagi choralarni nazarda tutgan holda yanada takomillashtirish: oʻqishga qabul qilingan tinglovchilarning tantanali xizmat qasamyodini qabul qilish tartibini yoʻlga qoʻyish; tinglovchilarning maʼnaviy-maʼrifiy va siyosiy bilimlarini mustahkamlash, respublika va tizimda amalga oshirilayotgan islohotlar boʻyicha “maʼnaviyat-maʼrifat darslarini” tashkil qilish; oʻquv taʼtiliga kelgan tinglovchilardan semestr yakuni boʻyicha komissiya tartibida oʻquv hisoboti va sinovlarni qabul qilish; har yili yozgi oʻquv taʼtili vaqtida tinglovchilar bilan Ichki ishlar vazirligi Akademiyasida bir haftalik maxsus oʻquv kursi tashkil etish.	Idoraviy normativ hujjat	2023-yil aprel	Ichki ishlar vazirligi (A. Ikramov)
24.	Ichki ishlar vazirligining Maxsus tayyorgarlik oʻquv markazi faoliyatini quyidagi choralarni nazarda tutgan holda yanada takomillashtirish: maxsus va kinologiya boʻlinmalari faoliyatiga mos ravishda, amaliy mashgʻulotlarni keskin koʻpaytirgan holda oʻquv dasturlari va rejalarini qayta koʻrib chiqish; pedagogik faoliyatni tanqidiy koʻrib chiqib, uni instruktorlik xususiyatlariga moslashtirish hamda oʻquv jarayonida ortiqcha hujjatlashtirish talablarini kamaytirish; instruktorlar tarkibini maxsus boʻlinmalarda xizmat qilgan yoki jangovar va jismoniy tayyorgarlik sohasida yuqori natijalarga erishgan xodimlar orasidan shakllantirish; respublika va xalqaro miqyosida oʻtkaziladigan musobaqalarda muvaffaqiyatli qatnashish uchun maxsus boʻlinmalar oʻrtasida ichki ishlar organlari xodimlarini tayyorlash jarayoni, moddiy-texnika va oʻquv bazasini tashkil etish; oʻquv jarayonida foydalanish uchun maxsus boʻlinmalar tomonidan qoʻllanadigan zamonaviy qurol-aslahalar bilan taʼminlash.	Idoraviy normativ hujjat	2023-yil mart	Ichki ishlar vazirligi (Sh. Sabirov, A. Abidjanov)
25.	Ichki ishlar vazirligi Ixtisoslashtirilgan maktab-internati faoliyatini yanada takomillashtirish boʻyicha chora-tadbirlarni belgilash. Jumladan: maktab-internatning ustavini tasdiqlash; oʻquvchilar sonini ikki baravarga koʻpaytirish; Oʻzbekiston tarixi, chet tillari va matematika fanlarini chuqurlashtirilgan holda oʻqitishni yoʻlga qoʻyish; maktab-internatning maʼmuriy binosi hududida 500 oʻringa moʻljallangan oʻquvchilar yotoqxonasini qurish; oʻquvchilarga moʻljallangan sport majmuasini qurish uchun maktab-internatga tutash hududdagi 16 sotix yer maydonini Ichki ishlar vazirligi balansiga oʻtkazish choralarini koʻrish.	Vazirlar Mahkamasining qarori loyihasi	2023-yil may	Ichki ishlar vazirligi (P. Bobojonov), Maktabgacha va maktab taʼlimi vazirligi (X. Umarova), Toshkent shahri hokimligi (B. Raxmonov)
26.	Ichki ishlar organlarida xodimlarning jangovar va jismoniy tayyorgarlik darajasini oshirishning uzluksiz tizimini yaratish. Bunda quyidagilarni nazarda tutish: hududiy boʻlinmalarda sportning yakka kurash turlari boʻyicha terma jamoalar va seksiyalarni tashkil etish; jangovar va jismoniy tayyorgarlik mashgʻulotlarini oʻtkazish uchun sport ustalari, murabbiylar va harbiy pensionerlarni shartnoma asosida jalb etish; jangovar va jismoniy tayyorgarlik mashgʻulotlarini oʻtkazishning zamonaviy metodikasini ishlab chiqish va amaliyotga joriy etish; hududiy ichki ishlar organlari xodimlarining kunlik tayyorgarligini tashkillashtirish mexanizmi va tartibini tanqidiy qayta koʻrib chiqish; shaxsiy tarkibining jismoniy va jangovar tayyorgarlik darajasini baholash boʻyicha KPI tizimini joriy etish.	Idoraviy normativ hujjat	2023-yil aprel	Ichki ishlar vazirligi (A. Ikramov), Yoshlar siyosati va sport vazirligi (A. Ikromov)
27.	Ichki ishlar organlarida jismoniy va jangovar tayyorgarlikni tashkil etish konsepsiyasini ishlab chiqish. Bunda quyidagilarni nazarda tutish: ichki ishlar organlari sohaviy xizmatlarining xususiyatidan kelib chiqib, xodimlarning jismoniy va jangovar tayyorgarligini tashkil etishning innovatsion mexanizmlarini joriy etish; jismoniy va jangovar tayyorgarlik boʻyicha professional mutaxassis kadrlar tayyorlashni tashkil etish; shaxsiy tarkib oʻrtasida sogʻlom turmush tarzi va sogʻlom ovqatlanishni targʻib qilish chora-tadbirlarini ishlab chiqish va amalga oshirish, shuningdek, xodimlarning oila aʼzolarini sportga jalb etish; ichki ishlar organlarining jismoniy va jangovar tayyorgarlikni tashkil etish obyektlari va infratuzilmalari moddiy-texnika bazasini mustahkamlash; ichki ishlar organlari xodimlarining respublika hamda xalqaro sport musobaqalari, shuningdek, xalqaro politsiya oʻyinlari bellashuvlarida munosib ishtirokini taʼminlash; xalqaro musobaqalarda sovrinli oʻrinlarni qoʻlga kiritgan sportchi xodimlarni ragʻbatlantirish mexanizmlarini belgilash.	Qoʻshma qaror	2023-yil aprel	Ichki ishlar vazirligi (P. Bobojonov, A. Ikramov), Yoshlar siyosati va sport vazirligi (A. Ikromov)
28.	2023 — 2027-yillarda ichki ishlar organlarida jismoniy va jangovar tayyorgarlikni rivojlantirish dasturini ishlab chiqish. Bunda quyidagilar moliyalashtirish manbalari etib belgilanadi: Ichki ishlar vazirligining budjetdan tashqari mablagʻlari; Qoraqalpogʻiston Respublikasi budjeti, viloyatlar va Toshkent shahri mahalliy budjetining qoʻshimcha manbalari mablagʻlari.	Idoraviy normativ hujjat	2023-yil may	Ichki ishlar vazirligi (A. Ikramov, A. Abidjanov) Iqtisodiyot va moliya vazirligi (A. Xaydarov)
29.	Tizimda professional darajadagi jismoniy, jangovar va kasbiy tayyorgarlikka ega xodimlarni ragʻbatlantirishning samarali mexanizmlarini joriy etish. Bunda quyidagilarni nazarda tutish: har oʻquv yili yakuni boʻyicha eng yaxshi safdor, serjant va ofitser xodimlarni aniqlash boʻyicha “Kasbiy olimpiada oʻyinlari”ni oʻtkazish hamda sovrindor xodimlarni moddiy ragʻbatlantirish; “Kasb aʼlochisi” koʻkrak nishonini taʼsis etish hamda ushbu nishonni “Kasbiy olimpiada oʻyinlari” respublika bosqichida birinchi oʻrinni egallagan xodimlarga berish amaliyotini yoʻlga qoʻyish; respublika bosqichida sovrindor boʻlgan oʻrta yoki oʻrta maxsus maʼlumotga ega safdor va serjant xodimlarni Ichki ishlar vazirligi Akademiyasiga sirtqi taʼlim shakliga tanlovlarsiz oʻqishga qabul qilish.	Idoraviy normativ hujjat	2023-yil mart	Ichki ishlar vazirligi (A. Ikramov, R. Xatamov)
30.	Hududiy ichki ishlar organlarida xodimlar bilan ishlashni tashkil etish jarayoniga axborot-kommunikatsiya texnologiyalarini qoʻllagan holda “E-XID” — “Xodimbay ishlash daftari” elektron axborot tizimini joriy qilish. Bunda quyidagilarni nazarda tutish: shaxsiy tarkib bilan tashkil etiladigan maʼnaviy-maʼrifiy va tarbiyaviy tadbirlarni individual tartibda elektron shaklda qayd etish hamda xodimlarning “ijtimoiy portreti”ni shakllantirish imkoniyatini beruvchi dastur yaratish; ish yuritish reglamentini tasdiqlash; hududiy ichki ishlar organlari rahbarlarining maʼnaviy-maʼrifiy ishlar boʻyicha oʻrinbosarlarini 2023-2024-yillar davomida bosqichma-bosqich planshetlar bilan taʼminlash; “E-XID” elektron axborot tizimini 2023-yil 2-chorak yakuniga qadar Toshkent shahri ichki ishlar organlarida, 2023-yil yakuniga qadar yana 6 ta hududda, 2024-yil 1-iyundan respublikaning barcha hududlarida yoʻlga qoʻyish.	Idoraviy normativ hujjat	2023-yil may	Ichki ishlar vazirligi (A. Ikramov, N. Turaxodjayev, A. Abidjanov)
31.	Ichki ishlar organlarida tashkiliy-shtat ishlarini amalga oshirish nizomini ishlab chiqish va tasdiqlash. Bunda quyidagilar nazarda tutiladi: tashkiliy-shtat tuzilmalariga oʻzgartirish va qoʻshimchalar kiritish jarayonining qatʼiy tartibi va talablari; lavozimlarni oʻzgartirish chora-tadbirlari va mezonlari; tuzilmalar va rahbariy lavozimlarni tashkil etish (kiritish)ning aniq mezonlari; shtat birliklaridan notoʻgʻri foydalanilganligi uchun ichki ishlar organlari rahbarlarining shaxsiy javobgarligi.	Idoraviy normativ hujjat	2023-yil aprel	Ichki ishlar vazirligi (A. Ikramov)
32.	Ichki ishlar vazirligi oʻquv-dala markazining moddiy-texnika bazasini rivojlantirish, simulyatsiya-immitatsion poligonlarni tashkil etish choralarini koʻrish.	Tashkiliy tadbirlar	2023-yil aprel — noyabr	Ichki ishlar vazirligi (A. Ikramov, A. Abidjanov)
33.	2023-2024-yillarda ichki ishlar organlari davolash va sogʻlomlashtirish infratuzilmasini quyidagilarni nazarda tutgan holda rivojlantirish choralarini koʻrish: Navoiy va Surxondaryo viloyatlari ichki ishlar boshqarmalari tibbiyot boʻlimlari tarkibida 40 oʻrinli gospitallarni tashkil etish (Bosh prokuratura, Ichki ishlar va Adliya vazirliklari, Bojxona qoʻmitasi va Milliy gvardiya Qoʻriqlash bosh boshqarmasining budjetdan tashqari mablagʻlari hisobidan); Jizzax viloyati ichki ishlar boshqarmasining Zomin tumanida joylashgan sogʻlomlashtirish oromgohi hududida pulmonologiya va reabilitatsiya boʻlimlaridan iborat 60 oʻrinli viloyatlararo reabilitatsiya markazini tashkil etish (Davlat yoʻl harakati xavfsizligi xizmatining budjetdan tashqari mablagʻlari hisobidan).	Vazirlar Mahkamasining qarori loyihasi	2023-yil aprel	Ichki ishlar vazirligi (P. Bobojonov, A. Ikramov, A. Abidjanov), manfaatdor vazirlik va idoralar
34.	Sirdaryo viloyati ichki ishlar organlarida jismoniy va jangovar tayyorgarlik boʻyicha moddiy-texnika bazani quyidagilarni nazarda tutgan holda rivojlantirish: Guliston shahridagi “Dinamo” sport majmuasi hududida jismoniy va jangovar tayyorgarlik mashgʻulotlarini kompleks tarzda oʻtkazish imkoniyati beruvchi zamonaviy inshoot barpo etish hamda tegishli sport va jangovar (elektron tir va h.k) inventarlar bilan jihozlash; Sirdaryo viloyati ichki ishlar boshqarmasi tezkor vazifalarni bajaruvchi safarbarlik otryadini qoʻshimcha bino qurish orqali Jamoat tartibini saqlash boshqarmasi hududiga joylashtirish hamda patrul-post xizmati bilan birgalikda jangovar va jismoniy tayyorgarlik hamda tezkor harakatlanish mashgʻulotlarini tashkil etish.	Vazirlar Mahkamasining qarori loyihasi	2023-yil may	Ichki ishlar vazirligi (A. Ikramov, B. Abdullayev, A. Abidjanov) manfaatdor vazirlik va idoralar

Normativ-huquqiy va idoraviy hujjatlar huquqiy munosabatlarni tartibga solish predmeti va sohasiga qarab qayta koʻrib chiqilishi yoki yagona hujjatga birlashtirilishi mumkin. Ikki va undan ortiq bandlar birlashtirilganda, ularni ijro etish uchun belgilangan eng kech muddat ijro muddati etib belgilanadi.

Oʻzbekiston Respublikasi Prezidentining 2023-yil 20-yanvardagi PQ-10-son qaroriga
4-ILOVA

Oʻzbekiston Respublikasi Prezidentining ayrim qarorlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2017-yil 12-apreldagi “Ichki ishlar organlari faoliyatini yanada takomillashtirishga doir tashkiliy chora-tadbirlar toʻgʻrisida”gi PQ-2883-son qarorining 6-bandi quyidagi mazmundagi ikkinchi xatboshi bilan toʻldirilsin:

“Belgilansinki, Oʻzbekiston Respublikasi Ichki ishlar vazirligi Tibbiyot boshqarmasi va hududiy ichki ishlar organlari tarkibidagi tibbiyot boʻlimlari, shu jumladan ambulatoriyalar, davlat tibbiyot muassasalari hisoblanadi”.

2. Oʻzbekiston Respublikasi Prezidentining 2017-yil 16-avgustdagi “Ichki ishlar organlari xodimlarini tayyorlash, qayta tayyorlash va malakasini oshirish tizimini tubdan takomillashtirish chora-tadbirlari toʻgʻrisida”gi PQ-3216-son qarorida:

a) 2-bandning ikkinchi xatboshisi “ixtisoslashgan oliy taʼlim” soʻzlaridan keyin “va ilmiy-tadqiqot” soʻzlari bilan toʻldirilsin;

b) 6-bandning beshinchi xatboshisidagi “Kadrlar bosh boshqarmasi” soʻzlari “Maʼnaviy-maʼrifiy ishlar va kadrlar bilan taʼminlash departamenti” soʻzlari bilan almashtirilsin;

v) 8-band quyidagi tahrirda bayon etilsin:

“8. Belgilansinki, Ichki ishlar vazirligi Akademiyasining kunduzgi taʼlim shakliga oʻqishga kirgan shaxslar kursantlar safiga, sirtqi taʼlim shakliga, magistraturaga, shuningdek, Malaka oshirish institutining maxsus kasbiy tayyorgarlik va boshlangʻich kasbiy tayyorgarlik kurslariga oʻqishga kirgan (yuborilgan)lar esa tinglovchilar safiga qabul qilinadi”.

3. Oʻzbekiston Respublikasi Prezidentining 2017-yil 29-noyabrdagi “Ichki ishlar organlari kadrlari bilan ishlash va ularning xizmatini tashkil etish tartibini tubdan takomillashtirish chora-tadbirlari toʻgʻrisida”gi PQ-3413-son qarorida:

a) 5-bandning ikkinchi xatboshisi “oliy taʼlim muassasalariga oʻqishga kirgan fuqarolar bilan” soʻzlaridan keyin “(toʻlov-kontrakt asosida oʻqishga kirganlar bundan mustasno)” soʻzlari bilan toʻldirilsin;

b) 6-bandda:

ikkinchi xatboshidagi “, biriktirilayotgan xodimlarning sohaviy xizmat yoʻnalishi boʻyicha kamida besh yil xizmat qilgan” soʻzlari “amaliy xizmat staji besh yildan ortiq boʻlgan” soʻzlari bilan almashtirilsin;

toʻrtinchi xatboshi quyidagi tahrirda bayon etilsin:

“maxsus kasbiy tayyorgarlik va boshlangʻich kasbiy tayyorgarlik kurslarini muvaffaqiyatli tamomlagan xodimlarga, shuningdek, Oʻzbekiston Respublikasi Ichki ishlar vazirligi Akademiyasi, Huquqni muhofaza qilish akademiyasi yoki oliy harbiy va harbiylashtirilgan taʼlim muassasalari, xalqaro shartnomalar asosida xorijiy davlatlar oliy taʼlim muassasalari bitiruvchilariga biriktirilgan murabbiylarga lavozim maoshining 20 foizi miqdorida har oylik ustama haq toʻlanadi”;

v) 8-bandning “v” kichik bandi quyidagi tahrirda bayon etilsin:

“v) Oʻzbekiston Respublikasi Ichki ishlar vazirligi Maxsus budjetdan tashqari jamgʻarmasi mablagʻlarining 10 foizi xizmatda samarali natijalarga erishgan xodimlarni ijtimoiy himoya qilish uchun tashkil etiladigan alohida hisob raqamiga yoʻnaltiriladi, bunda ularni ichki ishlar vaziri tomonidan belgilangan tartibda maqsadli ishlatishni taʼminlash vazifasi Maʼnaviy-maʼrifiy ishlar va kadrlar bilan taʼminlash departamenti zimmasiga yuklatiladi”;

g) 10-band quyidagi tahrirda bayon etilsin:

“10. Ichki ishlar organlarida xizmatni oʻtash tartibi toʻgʻrisidagi nizom 1-ilovaga muvofiq tasdiqlansin”;

d) 1-ilovada:

10-band quyidagi tahrirda bayon etilsin:

“10. Nomzodlarni xizmatga tanlab olish tadbirlari quyidagi saralash va oʻrganish bosqichlarini oʻz ichiga oladi:

a) saralash bosqichi:

roʻyxatdan oʻtish;

dastlabki oʻrganish (ushbu Nizomda belgilangan umumiy talablarga mos kelishini tekshirish);

intellektual rivojlanganlik darajasi va psixoemotsional barqarorligini baholash;

test sinovi (nomzodlarning Oʻzbekistonning eng yangi tarixi, huquqshunoslik va tarbiya fanlari boʻyicha bilimlarini baholash);

jismoniy tayyorgarlik darajasini baholash;

b) oʻrganish bosqichi:

xizmatga yaroqlilik darajasini aniqlash maqsadida harbiy-tibbiy komissiya koʻrigidan oʻtkazish;

2023-yil 1-sentabrdan eʼtiboran, psixofiziologik (poligraf) tekshiruv (ichki ishlar organlarida xizmat qilish uchun toʻsqinlik qiladigan salbiy omillarni aniqlash maqsadida).

Dastlabki oʻrganish hamda intellektual rivojlanganlik darajasi va psixoemotsional barqarorligini baholash natijalari asosida test sinovi bosqichiga qoʻyilgan nomzodlarning roʻyxati Oʻzbekiston Respublikasi Oliy taʼlim, fan va innovatsiyalar vazirligi huzuridagi Bilim va malakalarni baholash agentligiga taqdim etiladi.

Test sinovlari belgilangan tartib asosida Oʻzbekiston Respublikasi Oliy taʼlim, fan va innovatsiyalar vazirligi huzuridagi Bilim va malakalarni baholash agentligi tomonidan oʻtkaziladi.

Test sinovlarining savollari umumiy oʻrta, oʻrta maxsus va professional taʼlim fanlarining oʻquv dasturlariga muvofiq ishlab chiqiladi.

Nomzodlar test sinovlarini oʻzlarining tanlovi boʻyicha davlat tili, rus tili yoki qoraqalpoq tilida topshiradilar.

Test sinovlarini oʻtkazish tartibi hamda saralash bali Oʻzbekiston Respublikasi ichki ishlar vaziri tomonidan belgilanadi.

Saralash bosqichidan muvaffaqiyatli oʻtgan nomzodlar oʻrganish bosqichiga qoʻyiladi.

Tor ixtisoslik boʻyicha mutaxassislar qatoridan boʻlgan nomzodlar Oʻzbekiston Respublikasi ichki ishlar vaziri tomonidan belgilanadigan roʻyxat va tartibda saralash bosqichisiz oʻrganish bosqichi orqali xizmatga qabul qilinishi mumkin.

Mavjud boʻsh lavozimlarni hisobga olgan holda saralash bosqichidan muvaffaqiyatli oʻtgan nomzodlarning shaxsiy hujjatlar yigʻmajildi rasmiylashtiriladi.

Saralash va oʻrganish bosqichlari natijalariga koʻra nomzodning xizmatga maʼnaviy-kasbiy va sogʻliq jihatdan mosligi toʻgʻrisida xulosa chiqariladi”;

11-bandning birinchi xatboshisi quyidagi tahrirda bayon etilsin:

“Saralash bosqichidan muvaffaqiyatli oʻtgan nomzodlarning shaxsiy hujjatlar yigʻmajildlarini rasmiylashtirish ichki ishlar organlarining kadrlar boʻlinmalari tomonidan amalga oshiriladi. Nomzodning tegishli hujjatlarini yigʻish jarayonida unga bir paytning oʻzida oʻrganish bosqichidan oʻtish uchun yoʻllanma beriladi”;

15-band quyidagi tahrirda bayon etilsin:

“15. Quyidagi nomzodlar, istisno tariqasida, tanlab olish tadbirlarining saralash bosqichidagi test sinovi va jismoniy tayyorgarlik darajasini baholashdan ozod etiladi:

ilmiy daraja yoki ilmiy unvonga ega boʻlganlar;

oliy taʼlim muassasalarini imtiyozli diplom bilan tamomlaganlar;

professor-oʻqituvchi va ilmiy tarkib lavozimlariga nomzodlar;

ekspert-kriminalistika, ish yuritish, kiberxavfsizlik, axborot texnologiyalari, tahliliy va yuridik taʼminlash boʻlinmalariga nomzodlar;

sport musobaqalarining (Olimpiya sport turlari boʻyicha Olimpiya va Osiyo oʻyinlari, jahon va Osiyo chempionatlarida oxirgi toʻrt yilda hamda respublika chempionatlarida oxirgi bir yilda gʻolib va sovrindor (1 — 3 oʻrin)) individual turlarida gʻolib chiqqan nomzodlar;

talabalar, magistrlar yoki doktorantlar uchun Oʻzbekiston Respublikasi Prezidentining davlat stipendiyasi sohibi boʻlgan nomzodlar.

Xizmat majburiyatlarini bajarish chogʻida halok boʻlgan ichki ishlar organlari xodimlari va harbiy xizmatchilarning farzandlari xizmatga qabul qilinishida Oʻzbekiston Respublikasi ichki ishlar vaziri tomonidan belgilangan tartibda ustunlikka ega boʻladi”;

17-band quyidagi tahrirda bayon etilsin:

“17. Oʻrganish bosqichidan muvaffaqiyatli oʻtgan, shuningdek, shaxsiy hujjatlar yigʻma jildi toʻliq rasmiylashtirilgan nomzodlar xizmatga qabul qilish vakolatiga ega boʻlgan boshliqning buyrugʻi bilan xizmatga qabul qilinadi va ichki ishlar organlarining boshlangʻich kasbiy tayyorgarlik kurslariga yuboriladi.

Boshlangʻich kasbiy tayyorgarlik kurslarini muvaffaqiyatli tamomlagan va belgilangan sertifikatga ega boʻlgan xodimlar xizmatga qabul qilish vakolatiga ega boʻlgan boshliqning buyrugʻi bilan tegishli lavozimga tayinlanadi”;

23-bandda:

birinchi xatboshi “tayinlanadi va unga” soʻzlaridan keyin “lavozimga tayinlangan paytidan boshlab” soʻzlari bilan toʻldirilsin;

ikkinchi xatboshidagi “uch oydan” soʻzlari “bir yildan” soʻzlari bilan almashtirilsin;

30-bandning birinchi xatboshisi quyidagi tahrirda bayon etilsin:

“Safdor” maxsus unvoni ichki ishlar organlari xizmatiga qabul qilingan, shuningdek Oʻzbekiston Respublikasi Ichki ishlar vazirligi taʼlim muassasalari va chet davlatlar taʼlim muassasalari (Oʻzbekiston Respublikasi Ichki ishlar vazirligi tomonidan kelishuv asosida yuborilgan) kursant (tinglovchi)lari safiga qabul qilingan shaxslarga ularni qabul qilish bilan bir vaqtda beriladi, serjantlar tarkibining maxsus unvoniga ega xodimlar bundan mustasno”;

31-bandning birinchi xatboshisi “tayyorlash dasturi boʻyicha” soʻzlaridan keyin “maxsus kasbiy tayyorgarlik kurslarini” soʻzlari bilan toʻldirilsin;

32-bandning ikkinchi xatboshisi “Ichki ishlar organlari” soʻzlaridan oldin “Boshlangʻich kasbiy tayyorgarlikdan oʻtib,” soʻzlari bilan toʻldirilsin;

33-bandning oltinchi xatboshisidagi “qabul qilinib” soʻzlari “tayinlanib” soʻziga almashtirilsin;

36-bandning uchinchi xatboshisi “Ichki ishlar vazirligi Akademiyasining” soʻzlaridan keyin “, Huquqni muhofaza qilish akademiyasining yoki Jamoat xavfsizligi Universitetining” soʻzlari bilan toʻldirilsin;

42-bandning ikkinchi xatboshisi “ixtiyorida boʻlganda” soʻzlaridan keyin “(bola parvarishlash taʼtili berilgan xodimlar bundan mustasno)” soʻzlari bilan toʻldirilsin;

58-band quyidagi mazmundagi “z” kichik band bilan toʻldirilsin:

“z) xodimga bola parvarishlash taʼtili berilganida, egallab turgan lavozimidan ozod etilib, ichki ishlar organlari ixtiyoriga olinishi mumkin.

Xodimlar bolani parvarishlash uchun berilgan taʼtil muddati tugamasdan xizmat majburiyatlarini bajarishga kirishish huquqiga ega.

Bolani parvarishlash uchun berilgan taʼtildan chiqqan xodim muqaddam egallagan lavozimiga (agar boʻsh boʻlsa), buning imkoni boʻlmasa, boshqa teng lavozimga tayinlanadi”;

68-bandning birinchi xatboshisi “oʻqishga kirgan fuqarolar bilan” soʻzlaridan keyin “(toʻlov-kontrakt asosida oʻqishga kirganlar bundan mustasno)” soʻzlari bilan toʻldirilsin;

69-band quyidagi tahrirda bayon etilsin:

“69. Xizmatga qabul qilingan fuqarolar (kursantlar va maxsus kasbiy tayyorgarlik kurslari tinglovchilari bundan mustasno) majburiy tartibda uch oy muddatli boshlangʻich kasbiy tayyorgarlikdan oʻtadilar”;

105-bandning uchinchi xatboshisi quyidagi tahrirda bayon etilsin:

“Bolani parvarishlash taʼtillari muddati xodimning xizmat stajiga (shu jumladan mutaxassisligi boʻyicha xizmat stajiga ham) qoʻshiladi, lekin hammasini jamlaganda olti yildan oshmasligi kerak. Bunda xizmat muddati har bir kuni bir kunga tenglashtirilgan holda hisoblanadi”;

161-bandning uchinchi xatboshisi “xizmat muddati” soʻzlaridan keyin “pensiya tayinlash uchun xizmat yillarini hisoblash chogʻida” soʻzlari bilan toʻldirilsin;

e) 2-ilova oʻz kuchini yoʻqotgan deb hisoblansin.

4. Oʻzbekiston Respublikasi Prezidentining 2019-yil 26-fevraldagi “Ichki ishlar organlari xodimlari va ularning oila aʼzolarini ijtimoiy himoya qilishni yanada kuchaytirish chora-tadbirlari toʻgʻrisida” PQ-4212-son qarorida:

a) 1-bandning uchinchi xatboshisida:

“Ichki ishlar vazirligi,” soʻzlaridan keyin “Favqulodda vaziyatlar vazirligi,” soʻzlari bilan toʻldirilsin;

“taqdimnomasi” soʻzlari “tavsiyanomasi” soʻzlariga almashtirilsin;

b) 3-bandda:

birinchi xatboshisidagi “farzandlariga (keyingi oʻrinlarda — xodimlarning farzandlari)” soʻzlari “farzandlari uchun (keyingi oʻrinlarda — xodimlarning farzandlari) besh foizli kvota ajratiladi” soʻzlari bilan almashtirilsin;

ikkinchi va uchinchi xatboshilari quyidagi tahrirda bayon etilsin:

“respublika oliy taʼlim muassasalariga — davlat granti asosida oliy taʼlim muassasalari bakalavriati (ikkinchi taʼlimdan tashqari)ga umumiy belgilangan qabul koʻrsatkichlari kvotasidan tashqari;

harbiy taʼlim muassasalariga — kursant (oʻquvchi)larning umumiy qabul sonidan”;

beshinchi xatboshidagi “uch” soʻzi “besh” soʻzi bilan almashtirilsin;

oltinchi xatboshidagi “taqdimnomasi” soʻzi “tavsiyanomasi” soʻzi bilan almashtirilsin;

yettinchi xatboshi quyidagi tahrirda bayon etilsin:

“xodimlar, shu jumladan halok boʻlgan xodimlarning farzandlarini oliy taʼlim muassasalari va harbiy taʼlim muassasalariga oʻqishga qabul qilish uchun tavsiyanoma (keyingi oʻrinlarda — tavsiyanoma) Oʻzbekiston Respublikasi ichki ishlar vaziri tomonidan vazirlik Maʼnaviy-maʼrifiy ishlar va kadrlar bilan taʼminlash departamenti boshligʻining iltimosnomasi asosida beriladi”;

v) 4-banddagi “Kadrlar bosh boshqarmasi” soʻzlari “Maʼnaviy-maʼrifiy ishlar va kadrlar bilan taʼminlash departamenti” soʻzlari bilan almashtirilsin.

5. Oʻzbekiston Respublikasi Prezidentining 2019-yil 28-iyundagi “Oʻsmirlarni harbiy-vatanparvarlik ruhida tarbiyalash hamda Oʻzbekiston Respublikasi Qurolli Kuchlari va Davlat xizmati uchun kadrlar zaxirasini tayyorlash tizimini takomillashtirishga oid qoʻshimcha chora-tadbirlar toʻgʻrisida”gi PQ-4375-son qarorida:

a) 8-bandning “g” kichik bandi quyidagi tahrirda bayon etilsin:

“g) “Temurbeklar maktabi” bitiruvchilariga Oʻzbekiston Respublikasi oliy harbiy va harbiylashtirilgan taʼlim muassasalariga oʻqishga kirishda yakka tartibdagi yakuniy suhbat yoki Oʻzbekiston Respublikasi Oliy taʼlim, fan va innovatsiyalar vazirligi huzuridagi Bilim va malakalarni baholash agentligi tomonidan oʻtkaziladigan test sinovlarida oʻzlari toʻplagan ballarning 30 foizi miqdoridagi, respublikaning boshqa davlat oliy taʼlim muassasalariga oʻqishga kirishda esa oʻzlari toʻplagan ballarning 15 foizi miqdoridagi qoʻshimcha ballar koʻrinishida imtiyoz beriladi”;

b) 3-ilovada:

1-bandning ikkinchi xatboshisi quyidagi tahrirda bayon etilsin:

“Oʻzbekiston Respublikasi Davlat xavfsizlik xizmati “Temurbeklar maktabi” harbiy-akademik litseyi hamda Nukus “Temurbeklar maktabi” harbiy-akademik litseyiga oʻquvchilarni tanlash va saralash tartibi tegishincha Davlat xavfsizlik xizmati hamda Ichki ishlar vazirligi tomonidan belgilanadi”;

5-band quyidagi mazmundagi ikkinchi xatboshi bilan toʻldirilsin:

“Nukus “Temurbeklar maktabi” harbiy-akademik litseyi oʻquvchilarning kiyim-bosh namunalari va kiyinish tartibi Ichki ishlar vazirligi tomonidan belgilanadi”.

6. Oʻzbekiston Respublikasi Prezidentining 2021-yil 15-apreldagi “Ichki ishlar organlari uchun professional kadrlarni tayyorlashning sifat jihatidan yangi tizimini joriy etish boʻyicha chora-tadbirlar toʻgʻrisida”gi PQ-5076-son qarorida:

a) 4-band quyidagi mazmundagi oltinchi xatboshi bilan toʻldirilsin:

“Malaka oshirish institutining kasbiy tayyorgarlik fakulteti va Ichki ishlar vazirligi Maxsus tayyorgarlik oʻquv markazi tomonidan ichki ishlar organlari xodimlari uchun belgilangan tartibda boshlangʻich kasbiy tayyorgarlik kurslari tashkil etiladi”;

oltinchi xatboshi yettinchi xatboshi deb hisoblansin;

b) 9-bandning “a” kichik bandi beshinchi xatboshisi quyidagi tahrirda bayon etilsin:

“Akademiyaning budjetdan tashqari mablagʻlari, shu jumladan toʻlov-kontrakt asosida oʻqitish mablagʻlari hisobidan bir oʻquv yili davriga Akademiyaning kafedralariga ularning shtatlar sonining 30 foizigacha boʻlgan miqdorda oʻqituvchilarning qoʻshimcha shtat birliklarini kiritish”;

v) 11-bandning toʻrtinchi xatboshisidagi “50” raqami “30” raqami bilan almashtirilsin.

Вид

Вид