Vazirlar Mahkamasi shuni qayd qiladiki, davlat uy-jon fondini xususiylashtirish masalalari bo‘yicha respublikada, shu jumladan, Toshkent shahrida olib borilayotgan ishlar ijobiy natijalar bermoqda.
Ana shu davr ichida Toshkent shahri aholisidan kvartiralarni xususiylashtirish to‘g‘risida 252,1 mingta ariza tushdi, bu mahalliy Kengashlar uylaridagi kvartiralar umumiy sonining 99 foizini tashkil etadi. 218 ming kvartira fuqarolarga shaxsiy mulk qilib berildi, ulardan 92,9 mingtasi tekin berildi.
Davlat uy-joy fondini xususiylashtirish bo‘yicha Toshkent shahridagi ijobiy tajribani hisobga olib, Vazirlar Mahkamasi qaror qiladi:
1. Respublikada davlat uy-joy fondini xususiylashtirish masalalari shu yil 13-fevralda viloyatlarning hokimliklari, vazirliklar va idoralarning vakillari kengashida ko‘rib chiqilganligi va ma’qullanganligi ma’lumot uchun qabul qilinsin.
2. Davlat uy-joy fondini xususiylashtirishni o‘tkazish bo‘yicha Toshkent shahri tajribasi O‘zbekiston Respublikasining butun hududida joriy etilsin.
3. O‘zbekiston Respublikasida davlat uy-joy fondini xususiylashtirish to‘g‘risidagi nizom va O‘zbekiston Respublikasida davlat uy-joy fondini xususiylashtirish, uy-joylarni saqlash va ulardan foydalanish qoidalari 1 va 2-ilovalarga muvofiq tasdiqlansin.
Keyingi tahrirga qarang.
4. O‘zbekiston Respublikasi Moliya vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari O‘zbekiston Respublikasida davlat uy-joy fondini xususiylashtirish to‘g‘risidagi tasdiqlangan nizomga muvofiq 1993-yilda xususiylashtirilgan kvartiralarga ega bo‘lgan mahalliy Kengashlar uy-joy fondining umumiy foydalaniladigan joylarini va uy atrofini saqlash uchun yetishmayotgan mablag‘larini nazarda tutsinlar.
5. Davlat uy-joy fondini xususiylashtirishni o‘tkazish uchun mas’uliyat Qoraqalpog‘iston Respublikasi Vazirlar Kengashi, viloyatlarning hokimliklari va O‘zbekiston Respublikasi Davlat mulki qo‘mitasining hududiy boshqarmalariga yuklatilsin.
Keyingi tahrirga qarang.
6. O‘zbekiston Respublikasi Davlat mulki qo‘mitasi O‘zbekiston Respublikasi Uy-joy-kommunal xo‘jaligi vazirligi, Qoraqalpog‘iston Respublikasi Vazirlar Kengashi, viloyatlarning hokimliklari bilan birgalikda davlat uy-joy fondini xususiylashtirishni o‘tkazish bo‘yicha aniq tashkiliy-texnikaviy tadbirlarni ishlab chiqsin, aniqlangan kamchiliklarni bartaraf etish uchun darhol chora-tadbirlar ko‘rsin hamda huquqni muhofaza qilish organlari bilan birgalikda o‘z xizmat mavqeyini suiiste’mol qilayotgan va davlat uy-joy fondini xususiylashtirish tartibini buzishda aybdor bo‘lgan shaxslarni qattiq javobgarlikka tortsin.
Keyingi tahrirga qarang.
7. O‘zbekiston Respublikasi Markaziy banki xususiylashtirilayotgan uy-joyni sotib olish uchun fuqarolar va yuridik shaxslarga kredit berish tartibi to‘g‘risidagi yo‘riqnomani ikki hafta muddat ichida ishlab chiqsin va tasdiqlasin.
8. Pul kompensatsiyasi to‘lanmasdan buzilgan shaxsiy uy-joylarning o‘rniga olingan davlat kvartiralari shaxsiy mulk huquqi bilan fuqarolarga tekinga berilsin.
Keyingi tahrirga qarang.
1989–1991-yillarda buzilgan shaxsiy uy-joylar o‘rniga davlat kvartiralari (alohida uylar, kottejlar) olgan yoki oladigan fuqarolarga, tasdiqlovchi hujjatlar taqdim etilgan taqdirda, uy-joylarni xususiylashtirishda imtiyozli huquq (1991-yildagi narxlar bo‘yicha) berilsin.
9. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining “O‘zbekiston Respublikasida davlat uy-joy fondini xususiylashtirish to‘g‘risida” respublika Oliy Kengashining Qonuni qabul qilingunga qadar 1993-yilda xususiylashtirilgan davlat uy-joy fondini, shu jumladan, Toshkent shahrida, sotish va sotib olishni to‘xtatib turish haqidagi takliflari qabul qilinsin.
10. Vazirlar Mahkamasining 1992-yil 13-avgustdagi 378-son qarori bilan tasdiqlangan Toshkent shahrida davlat uy-joy fondini xususiylashtirish to‘g‘risidagi nizomga quyidagi o‘zgarishlar kiritilsin:
a) 8-bandda “uy-joyning to‘la qiymati to‘langan (sotib olingan)” so‘zlaridan keyin “va mulkka egalik huquqini beruvchi dalolatnoma olingan” so‘zlari qo‘shilsin;
b) 9-bandda “1992-yil oxiriga qadar” so‘zlari “1993-yil 1-aprelgacha” so‘zlari bilan almashtirilsin, so‘ngra matn bo‘yicha;
Toshkent shahar hokimligi xususiylashtirilgan uy-joylarning shaxsiy mulk ekanligini tasdiqlovchi dalolatnomalar berishni ikki oy muddat ichida tugallasin.
Keyingi tahrirga qarang.
11. O‘zbekiston Respublikasi Davlat mulki qo‘mitasi, Uy-joy-kommunal xo‘jaligi vazirligi, Qoraqalpog‘iston Respublikasi Vazirlar Kengashi, viloyatlarning hokimliklari ikki hafta muddat ichida uy-joylarni xususiylashtirish jarayoni bilan bog‘liq bo‘lgan ishlarni tashkil etish bo‘yicha viloyatlar va idoralarning tegishli bo‘linmalari rahbarlari bilan seminar-kengash o‘tkazsinlar.
12. Ommaviy axborot vositalari respublikada davlat uy-joylarini xususiylashtirish qanday borayotganligini muntazam yoritib borsinlar.
13. Mazkur qarorning bajarilishini nazorat qilish Bosh vazirning o‘rinbosari o‘rtoq K.N. To‘laganov zimmasiga yuklatilsin. Qarorning qanday bajarilayotganligi 1993-yil avgust va dekabr oylarida Vazirlar Mahkamasining majlisida ko‘rib chiqilsin.
Keyingi tahrirga qarang.
Mazkur Nizom O‘zbekiston Respublikasida davlat uy-joy fondini xususiylashtirish ishlarini o‘tkazishning huquqiy asoslarini, tartibi va shartlarini belgilab beradi.
Davlat uy-joy fondini xususiylashtirishdan maqsad fuqarolarning shaxsiy kvartiralar va uylar (uylarning bir qismi)ni mulk qilib olish, xususiylashtirilgan uy-joydan erkin foydalanish (meros qilib qoldirish, hadya qilish, almashtirish, sotish), uy-joy sharoitlarini yaxshilash usulini tanlash huquqlarini ro‘yobga chiqarish, uy-joy fondidan samarali foydalanish, uni asrash hamda uy-joy bozorini barpo qilishdir.
1. Davlat uy-joy fondini xususiylashtirish deganda, keyingi o‘rinlarda “xususiylashtirish” deb ataladi, davlat uy-joy fondiga qarashli alohida uylarni, uylarning bir qismini, kvartiralarni sotish, shu jumladan, imtiyozli asosda sotish va haq olmasdan fuqarolarga ixtiyoriy ravishda mulk qilib berish tushuniladi.
2. Mavjud bo‘lgan va yangi qurilgan davlat uy-joy fondidagi ayrim kvartiralar va uylar (uylarning bir qismi) xususiylashtirish obyektlari hisoblanadi.
Yopiq harbiy shaharchalardagi uylarning kvartiralari, tarixiy va madaniy yodgorlik bo‘lgan kvartiralar va uylar, uy-muzeylar, yotoqxonalardagi xonalar, sovxozlar va boshqa davlat qishloq xo‘jaligi korxonalarining uy-joy fondidan tashqari, belgilangan tartibda yashash uchun yaroqsiz deb topilgan yoki xizmat kvartiralari (xonalari) deb hisoblangan kvartiralar, ikki yoki undan ortiq ijarachi yashayotgan kvartiralar undagi barcha yashovchilarning roziligi bo‘lmagan hollarda xususiylashtirilmaydi.
Keyingi tahrirga qarang.
Keyingi tahrirga qarang.
3. Xususiylashtirilishi lozim bo‘lgan davlat uy-joy fondidagi kvartira va uylarda doimiy propiska qilingan O‘zbekiston Respublikasi fuqarolari xususiylashtirish subyekti hisoblanadilar. O‘zbekiston Respublikasining vazirliklari, davlat qo‘mitalari, idoralari, konsernlari, uyushmalari, ittifoqlari, korxonalari, muassasalari va tashkilotlari, yuridik shaxslar va boshqa davlatlarning fuqarolari, fuqaroligi bo‘lmagan shaxslar ham xususiylashtirish subyektlari bo‘lishlari mumkin.
4. Davlat uy-joy fondini xususiylashtirish Qoraqalpog‘iston Respublikasi Vazirlar Kengashi, viloyatlarning hokimliklari, vazirliklar, davlat qo‘mitalari va idoralar, birlashmalar, korxonalar, muassasalar va tashkilotlar tomonidan amalga oshiriladi.
Keyingi tahrirga qarang.
5. O‘zlari egallab turgan davlat uy-joylarini sotib olishga yoki uy-joyni ijaraga olishga qurbi yetmaydigan mehnatga yaroqsiz yolg‘iz keksa fuqarolar uchun Qoraqalpog‘iston Respublikasi Vazirlar Kengashi, viloyatlarning hokimliklari, vazirliklar, davlat qo‘mitalari, idoralar, birlashmalar, korxonalar, tashkilotlar huzurida uy-joydan ijara shartnomasi asosida foydalaniladigan kommunal uy-joy fondi tashkil etiladi.
6. Korxonalar, muassasalar va tashkilotlarning ulushli mablag‘lari hisobiga qurilgan kvartiralar va uylarni xususiylashtirishda imtiyozlar idoralarga qarashli uy-joy fondining egalari bilan kelishgan holda Qoraqalpog‘iston Respublikasi Vazirlar Kengashi va viloyatlarning hokimliklari tomonidan belgilanadi.
7. Egalik qilish, foydalanish va tasarruf etish huquqini o‘z ichiga oladigan uy-joyga shaxsiy egalik qilish huquqi quyidagilarga beriladi:
pul kompensatsiyasi to‘lanmasdan buzilgan shaxsiy uy-joylar o‘rniga davlat kvartiralarini olgan fuqarolarga;
uy-joyini O‘zbekiston Respublikasi Prezidentining farmonlariga binoan xususiylashtirgan fuqarolarga;
uy-joyini O‘zbekiston Respublikasi Vazirlar Mahkamasi va O‘zbekiston Respublikasi Kasaba uyushmalari Federatsiyasi Kengashining 1989-yil 21-iyundagi 203-son qaroriga binoan xususiylashtirgan fuqarolarga;
uy-joyini balans (qoldiq) qiymat asosida belgilangan narxlar bo‘yicha, yangi qurilgan davlat uy-joy fondida haqiqatda shakllangan narxlar bo‘yicha va mazkur Nizomda belgilangan muddatlarda xususiylashtirgan fuqarolarga;
keyinchalik uy-joyning to‘la qiymatini to‘lash (sotib olish) huquqi bilan uy-joyni ijaraga olgan fuqarolarga.
Keyingi tahrirga qarang.
8. Alohida uyga (uyning bir qismiga), kvartiraga egalik qilish, undan foydalanish huquqi fuqarolar tomonidan uy-joyning to‘la qiymati to‘langan (sotib olingan) hamda shaxsiy mulk huquqini tasdiqlovchi davlat dalolatnomasi olingan kundan boshlanadi.
9. Fuqarolarga xususiylashtiriladigan uy-joyga egalik qilish shaklini erkin tanlash huquqi 1993-yil 1-iyulga qadar beriladi.
Keyingi tahrirga qarang.
10. Qandaydir sabablarga ko‘ra 1993-yil 1-iyulga qadar uy-joyni xususiylashtirishga qaror qilmagan fuqarolar keyinchalik, xususiylashtirish payti kelib qaror topgan narxlarni hisobga olgan holda, uy-joyni xususiylashtirish huquqiga ega bo‘ladilar.
Keyingi tahrirga qarang.
11. Fuqarolarning 1992-yilgacha qurilgan uy-joyni sotib olishi kvartira (uy)ning to‘liq qiymatini bir yo‘la to‘lash yo‘li bilan ham, shuningdek, 5 yil davomida to‘lash yo‘li bilan ham amalga oshirilishi mumkin, bunda bir yo‘la to‘lanadigan dastlabki haq (badal) kvartira qiymatining 40 foizini tashkil etadi. U xususiylashtiruvchining xohishiga ko‘ra yarim yilga, imtiyozga ega bo‘lganlar uchun esa bir yilga taqsimlanishi mumkin.
12. 1992-yilda va undan keyingi yillarda qurilgan kvartiralarni, uylar (kottejlar)ni sotib oluvchi fuqarolarga to‘lov muddati 20 yil qilib belgilanadi, bunda bir yo‘la to‘lanadigan pay badali uy-joy qiymatining 10 foizini tashkil etadi.
13. Xususiylashtirilgan uy-joyning to‘liq qiymatini bir yo‘la to‘lagan fuqarolarga 1992-yilgacha qurilgan uy-joy qiymatining 10 foizi, 1992-yilda va undan keyingi yillarda qurilgan uy-joy qiymatining 20 foizi miqdorida, kvartira haqini ikki yarim yil davomida to‘laganlarga esa tegishli ravishda 5 va 10 foiz miqdorida chegirish belgilanadi.
fuqarolarga ular yashayotgan va hozirgi vaqtda doimiy propiskada bo‘lgan alohida uylarni (uylarning bir qismini), kvartiralarni, uy-joyning foydalanish sifatini hisobga olgan holda, qoldiq (balans) qiymati asosida belgilangan narxlar bo‘yicha sotish;
Keyingi tahrirga qarang.
O‘zbekiston Respublikasi Prezidentining farmonlariga binoan uy-joyni fuqarolarning ayrim toifalariga bepul berish;
15. Yangi qurilgan, qayta qurilgan, asosli tuzatilgan va bo‘shagan davlat uy-joy fondidagi uylar, kvartiralarni xususiylashtirish quyidagi yo‘llar bilan amalga oshiriladi:
uy-joy olish uchun yashash joyida va ish joyida navbatda turgan fuqarolarga uy-joyni shaxsiy mulk qilib sotish;
Keyingi tahrirga qarang.
yangi qurilgan davlat uy-joy fondida 20 foizgacha hamda qayta qurilgan, asosli tuzatilgan davlat uy-joy fondida 10 foizgacha kvartira (xona)larni va uylarni (uylarning bir qismini) auksion orqali aholiga shaxsiy mulk qilib sotish.
Keyingi tahrirga qarang.
16. Auksion orqali uy-joy sotib olish huquqi vazirliklar, davlat qo‘mitalari, idoralar, korxonalar, muassasalar va tashkilotlarga beriladi, bunda mazkur uy-joydan xizmat maqsadida (idoralar, ofislar va shu kabilar) hamda ishlab chiqarish binolari (sexlar, ustaxonalar va shu kabilar) maqsadida foydalanish huquqisiz ushbu uy-joyni o‘z xodimlariga berish va xususiylashtirish majburiy shartdir.
Qoraqalpog‘iston Respublikasi Vazirlar Kengashi, viloyatlarning hokimliklari O‘zbekiston Respublikasi, boshqa davlatlarning fuqarolariga, yuridik shaxslarga va mulkchilik shaklidan qat’i nazar, tashkilotlarga eski, puturi ketgan va avariya holatidagi uy-joy fondini undan ofislar, vakolatxonalar va boshqa xizmat binolari sifatida foydalanish uchun auksionlarda sotish huquqiga ega bo‘ladilar.
17. Davlat uy-joylarini xususiylashtirish va o‘z mulki sifatida rasmiylashtirish huquqi fuqarolarga va yuridik shaxslarga bir marta beriladi.
18. Butun uyni (shu jumladan, uy atrofini ham) tuzatish va xizmat ko‘rsatish bilan bog‘liq bo‘lgan umumiy xarajatlarni to‘lash O‘zbekiston Respublikasi Vazirlar Mahkamasi tomonidan belgilangan tartibda amalga oshiriladi.
Keyingi tahrirga qarang.
19. Uy-joyni 1993-yil 1-iyulga qadar xususiylashtirgan fuqarolar 2 yil davomida imorat solig‘i to‘lashdan ozod qilinadilar, yakka tartibdagi uy-joy fondi uchun nazarda tutilgan tartibda ko‘chmas mol-mulkni majburiy sug‘urta qiladilar.
Ko‘chmas mol-mulkni sug‘urta qilish O‘zbekiston Respublikasi Vazirlar Mahkamasining “Majburiy davlat sug‘urtasi haqida” 1982-yil 5-apreldagi 242-son qarorida belgilangan tartibga muvofiq amalga oshiriladi.
20. Xususiylashtirilgan uy-joy egalariga yondosh tomorqa uchastkalari yerlaridan, kichik bog‘chadan “Yer to‘g‘risida” O‘zbekiston Respublikasi Qonuniga muvofiq Qoraqalpog‘iston Respublikasi Vazirlar Kengashi, viloyatlarining hokimliklari tomonidan belgilanadigan shartlar va tartib asosida foydalanish huquqi beriladi.
Keyingi tahrirga qarang.
21. Uy-joylarni xususiylashtirishdan tushgan mablag‘lardan foydalanish Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, idoralar tomonidan belgilangan tartibda amalga oshiriladi hamda uy-joy xo‘jaligini saqlash va rivojlantirishga yo‘naltiriladi.
Keyingi tahrirga qarang.
22. Mazkur Nizomni buzishda aybdor bo‘lgan shaxslar O‘zbekiston Respublikasining amaldagi qonunchiligiga muvofiq intizomiy, ma’muriy va jinoiy javobgarlikka tortiladilar.
23. Davlat uy-joy fondini xususiylashtirishning qanday borayotganligini nazorat qilish Qoraqalpog‘iston Respublikasi Vazirlar Kengashi va viloyatlarning hokimliklari huzurida tashkil etilgan muvofiqlashtiruvchi kengashlar tomonidan amalga oshiriladi.
Keyingi tahrirga qarang.
Keyingi tahrirga qarang.
1. Mazkur Qoidalar O‘zbekiston Respublikasida davlat uy-joy fondini xususiylashtirish to‘g‘risidagi nizomga muvofiq ishlab chiqilgan va uning mazmunini to‘ldiradi.
Keyingi tahrirga qarang.
Keyingi tahrirga qarang.
xususiylashtirishning borishini nazorat qilish va mazkur qoidalarni buzganlik uchun javobgarlik belgilanadi.
3. Mahalliy Kengashlarning uy-joylarini xususiylashtirishni amalga oshiruvchi organlar Qoraqalpog‘iston Respublikasi Vazirlar Kengashi va viloyatlar hokimliklarining tegishli qarorlari bilan belgilanadi.
Keyingi tahrirga qarang.
4. Alohida uyni (uyning bir qismini) yoki kvartirani xususiylashtirishga qaror qilgan fuqarolar belgilangan namunadagi ariza bilan yashash joyidagi hokimlikka murojaat qiladilar. U erda ariza beruvchiga xususiylashtirish bo‘yicha hujjatlarni rasmiylashtirish xizmatlari uchun schyot beriladi.
Fuqarolar ariza berayotganlarida ularning yonlarida pasport yoki shaxsni tasdiqlovchi boshqa hujjat, fuqaroning imtiyozli xususiylashtirish huquqini tasdiqlovchi ma’lumotnoma bo‘lishi kerak.
5. Uy-joyni xususiylashtirayotgan fuqarolar mazkur Qoidalarda nazarda tutilmagan ma’lumotlarni to‘plash va qo‘shimcha hujjatlarni taqdim etish zaruriyatidan ozod qilinadilar.
6. Zarur hujjatlarni rasmiylashtirish bilan bog‘liq xarajatlar ariza beruvchi tomonidan Qoraqalpog‘iston Respublikasi Vazirlar Kengashi, viloyatlarning hokimliklari tomonidan kvartiralar qiymatidan ortiqcha belgilanadigan tariflar doirasida belgilanadi.
7. Fuqarolarning arizalarini maxsus Hisobga olish daftariga ro‘yxatga olish ariza beruvchi tomonidan kvartira (uy, uyning bir qismi, kottej)ni xususiylashtirishga hujjatlarni rasmiylashtirish bo‘yicha xizmatlar uchun haq to‘langanligi to‘g‘risida kvitansiya taqdim etilgandan keyin amalga oshiriladi.
8. Uy-joyni xususiylashtirish to‘g‘risidagi ariza ikki oy muddat ichida ko‘rib chiqiladi va ijro etiladi. Bu muddat ichida uy-joyning tavsifi, joylashgan o‘rni; shinamligi, boshqa iste’mol sifatlari aniqlanadi hamda qiymatini aniqlash metodikasiga muvofiq xususiylashtirilishi kerak bo‘lgan uy-joyning uzil-kesil qiymati belgilanadi.
9. Ariza beruvchi biror sabab bilan kvartira (uy, uyning bir qismi, kottej)ni xususiylashtirishdan voz kechsa xususiylashtirish bo‘yicha hujjatlarni rasmiylashtirish uchun to‘langan hamda maxsus xususiylashtirish schyotiga tushgan mablag‘ qaytarilmaydi.
10. Uy-joyni xususiylashtirish to‘g‘risidagi arizada birgalikda yashayotgan barcha balog‘atga yetgan oila a’zolarining roziligi mavjud bo‘lgan taqdirda oilaning istalgan balog‘atga yetgan a’zosi kvartirani ijaraga olgan asosiy shaxs o‘rniga mulkdor sifatida ko‘rsatilishi mumkin.
11. Birgalikda yashayotgan balog‘atga yetgan oila a’zolarining roziligi va texnik sharoitlar mavjud bo‘lgan taqdirda bir kvartira har bir aniq xonaning egasi, uning hajmi va qiymati ko‘rsatilgan holda ulushli mulk huquqi bilan ikki va undan ko‘p balog‘atga yetgan oila a’zolarining nomiga ro‘yxatga olinishi mumkin.
Keyingi tahrirga qarang.
12. Uy-joy fondi egasi bo‘lgan vazirliklar, davlat qo‘mitalari, idoralar va korxonalarning uy-joy fondi* ularning tegishli bo‘linmalari tomonidan xususiylashtiriladi.
13. Idoralarga qarashli uy-joy fondini xususiylashtirish vakolati shartnoma asosida hokimlikning uy-joyni xususiylashtirish bo‘yicha tuman organiga berilishi mumkin.
Keyingi tahrirga qarang.
14. Idoralarga qarashli uy-joy fondiga tegishli bo‘lgan alohida uylar (uylarning bir qismi) yoki kvartiralarni xususiylashtiruvchi fuqarolar mazkur Qoidalarning 13-bandida bayon qilingan hollarda belgilangan tartibda ariza bilan tegishli idoraviy bo‘linmalarga yoki tuman hokimliklariga murojaat qiladilar.
Keyingi tahrirga qarang.
15. Idoralarga qarashli uy-joy fondiga tegishli bo‘lgan alohida uy (uyning bir qismi) yoki kvartira qiymatini baholash O‘zbekiston Respublikasi Uy-joy-kommunal xo‘jaligi vazirligi tasdiqlagan yagona metodika bo‘yicha amalga oshiriladi.
Keyingi tahrirga qarang.
16. Alohida uy (uyning bir qismi) yoki kvartirani, shu jumladan, idoralarga qarashli uy-joy fondiga tegishli bo‘lgan uy (uyning bir qismi) yoki kvartirani xususiylashtirgan fuqarolarga O‘zbekiston Respublikasi Davlat mulki qo‘mitasi tomonidan tasdiqlangan yagona namunadagi shaxsiy mulk huquqini beruvchi davlat dalolatnomasi beriladi.
Keyingi tahrirga qarang.
Keyingi tahrirga qarang.
Keyingi tahrirga qarang.
17. Qiymati bo‘lib-bo‘lib to‘lanadigan kvartira (uy, kottej)ni xususiylashtirish bo‘yicha qarzdorlik muqarrar ravishda undirib olinadi.
18. Uy-joy fondini xususiylashtirish davomida xalq deputatlari mahalliy Kengashlari, korxonalar, muassasalar va tashkilotlar respublika aholisini uy-joylarni xususiylashtirish tartibi va shartlari to‘g‘risidagi tezkor va tushunarli axborot bilan ta’minlashga hamda fuqarolarning murojaatlari bo‘yicha uy-joylarni ularning mulki qilib bepul berish va ularga sotishni to‘siqsiz amalga oshirish imkonini beruvchi chora-tadbirlar ko‘rishga majburdirlar.
Keyingi tahrirga qarang.
19. Fuqarolarning alohida uyga (uyning bir qismiga), kvartiraga va xonaga mulk huquqi uy-joy qiymati to‘liq to‘langan (sotib olingan) va mulkka egalik huquqini beruvchi dalolatnoma olingan paytdan boshlab kuchga kiradi.
Keyingi tahrirga qarang.
Keyingi tahrirga qarang.
20. Uy-joyni O‘zbekiston Respublikasi Prezidentining farmonlari bilan xususiylashtiruvchi fuqarolar uchun mulk huquqi ariza hokimlik mahalliy organida ro‘yxatga olingan va shaxsiy mulk huquqini beruvchi dalolatnoma olingan paytdan boshlab kuchga kiradi.
Keyingi tahrirga qarang.
21. Uy-joyni xususiylashtirgan fuqarolar uchun propiska qilish, kvartirani almashtirish paytida bir kishiga to‘g‘ri keladigan uy-joy maydoni normativiga oid tegishli cheklashlar olib tashlanadi.
Keyingi tahrirga qarang.
Keyingi tahrirga qarang.
22. Xususiylashtirilgan kvartiraning, uy (uyning bir qismi, kottej)ning mulk egasi quyidagi huquqlarga ega bo‘ladi:
uy-joyni yaqin qarindosh bo‘lgan shaxslarga: turmush o‘rtog‘iga, bolalariga, mulk egasining va uning turmush o‘rtog‘ining ota-onalariga, bobolariga, buvilariga, nabiralariga, tug‘ishgan aka-ukalari va opa-singillariga meros, vasiyat qilib qoldirish va hadya etish;
O‘zbekiston Respublikasining amaldagi qonunchiligida belgilangan tartibda ko‘chmas mulk soliq to‘lashda, sug‘urta qilishda, kommunal xizmatlar haqini to‘lashda imtiyozlarga ega bo‘lish;
egallab turgan uy-joy maydonining hajmidan qat’i nazar, boshqa kvartira (uy, uyning bir qismi, kottej)ni sotib olish;
uy-joy maydonidan qat’i nazar, oila a’zolarini va boshqa shaxslarni kvartira (uy, uyning bir qismi, kottej)ga propiska qilish;
kvartirani, uyni istalgan boshqa (davlat, xususiy) kvartira yoki uy-joyga, shu jumladan, kooperativ uyga, propiska qilishda hech bir cheklashlarsiz, almashtirish;
shirkatlar tashkil etish hamda o‘z imkoniyatiga va boshqa mulohazalariga ko‘ra uy-joylardan va birgalikda foydalanadigan joylardan foydalanish tashkilotini, davlat uy-joylardan foydalanish va tuzatish-qurilish tashkilotlarini, kooperativlar, xo‘jalik yuritishning xususiy va boshqa subyektlarini ham qo‘shganda, tashkil etish;
uylarni va uy atrofini saqlash bo‘yicha bajariladigan ishlarning sifatiga baho berishda bevosita yoki shirkatlar tarkibida qatnashish, shartnoma majburiyatlari bajarilmaganligi va yoki sifatsiz bajarilganligi uchun korxonalar, muassasalar va tashkilotlarga hamda xususiy shaxslarga nisbatan jazo choralari qo‘llash uchun belgilangan tartibda tegishli organlarga materiallar taqdim etish;
o‘z shaxsiy uy-joyini unda yashovchi fuqarolarni ko‘chirmasdan turib tuzatish mumkin bo‘lmagan holda asosli tuzatish vaqtida mahalliy Kengash, idora yoki jamoat tashkilotidan uy-joy ijaraga olish.
23. Xususiylashtirilgan kvartiralarni sotish vaqtincha to‘xtatiladi, uning tartibi respublika Oliy Kengashi tomonidan “O‘zbekiston Respublikasida davlat uy-joy fondini xususiylashtirish to‘g‘risida” Qonun qabul qilingandan keyin O‘zbekiston Respublikasi Vazirlar Mahkamasi tomonidan belgilanadi.
Keyingi tahrirga qarang.
qiymati bo‘lib-bo‘lib to‘lanadigan xususiylashtiriladigan kvartira (uy, uyning bir qismi, kottej) uchun belgilangan to‘lovlarni o‘z vaqtida to‘lashga;
o‘ziga qarashli uy-joyga xizmat ko‘rsatish va uni tuzatish bo‘yicha korxonalar va xususiy shaxslar bilan tuzilgan shartnoma majburiyatlariga rioya qilishga majburdir.
25. Uy-joyni qiymatini bo‘lib-bo‘lib to‘lash sharti bilan xususiylashtiradigan fuqarolar dastlabki badal to‘langan paytdan boshlab kvartira (uy, uyning bir qismi, kottej)ni sotib olish tamom bo‘lgunga qadar almashtirish, sotish, meros, vasiyat qilib qoldirish va hadya etish bo‘yicha hujjatlarni rasmiylashtirishda Qoraqalpog‘iston Respublikasi Vazirlar Kengashi, viloyatlarning hokimliklari tomonidan belgilanadigan organlardan ruxsatnoma olishlari kerak.
26. Butun uyga (uy atrofi ham shu jumlaga kiradi) xizmat ko‘rsatish va uni tuzatish bilan bog‘liq bo‘lgan umumiy xarajatlarni to‘lash xarajatlarning shakllangan tannarxidan kelib chiqqan holda amalga oshiriladi va O‘zbekiston Respublikasi Vazirlar Mahkamasi tomonidan belgilanadi.
27. Xususiylashtirilgan uylardagi umumiy (birgalikda) foydalaniladigan joylarga, muhandislik asbob-uskunalariga xizmat ko‘rsatish va ularni tuzatish, shuningdek, uy atrofini saqlash kvartira (uy)ni mulk qilib olgan fuqarolarning mablag‘i hisobiga, ular bu uyda egallab turgan umumiy maydonga mutanosib ravishda, mazkur qoidalarga binoan amalga oshiriladi.
28. Har bir muayyan holatda Qoraqalpog‘iston Respublikasi Vazirlar Kengashi, viloyatlarning hokimliklari O‘zbekiston Respublikasi Prezidentining farmonlarida sanab o‘tilmagan, aholining ijtimoiy kam ta’minlangan guruhiga kiruvchi shaxslar uchun imtiyozlar belgilashlari mumkin.
29. Xususiylashtirilgan kvartiralar egalari shirkatining namunaviy ustavi O‘zbekiston Respublikasi Adliya vazirligi bilan kelishilgan holda O‘zbekiston Respublikasi Uy-joy-kommunal xo‘jaligi vazirligi tomonidan tasdiqlanadi.
30. Xususiylashtirilgan turar joylarga, uy atrofiga xizmat ko‘rsatish va tuzatish, yordamchi binolarni saqlash uchun haq to‘lash miqdori davlat uy-joylardan foydalanish va tuzatish-qurilish tashkilotlari, kooperativlar, xususiy firmalar va shaxslar tomonidan uy egalariga ko‘rsatiladigan xizmatlar, bajariladigan ishlar ro‘yxatiga bog‘liq bo‘ladi.
Bunday ishlar va xizmatlarning ro‘yxati, ularga haq to‘lash tartibi va shartlari xususiylashtirilgan uy-joylarga xizmat ko‘rsatish va ularni tuzatish uchun tuzilgan shartnoma bilan belgilanadi.
31. Xususiylashtirilgan kvartiralarni qayta qurish va qayta rejalashtirish davlat uy-joy fondidan foydalanish texnik me’yorlari va qoidalariga rioya qilingan holda amalga oshiriladi.
32. Xususiylashtirilgan uy-joydan to‘g‘ri foydalanish va uni o‘z vaqtida tuzatish ustidan nazorat qilishni Qoraqalpog‘iston Respublikasi Vazirlar Kengashi va viloyatlarning hokimliklari, shuningdek, uy-joy-kommunal xo‘jaligi idoralari amalga oshiradi.
33. “Ijara to‘g‘risida” O‘zbekiston Respublikasi Qonuniga muvofiq ijaraga beruvchi uy-joylar, kvartiralarni yashash uchun foydalanish maqsadida O‘zbekiston Respublikasi va boshqa davlatlarning fuqarolari va yuridik shaxslariga, fuqaroligi bo‘lmagan shaxslarga ijaraga berishga haqlidir.
Ijaraga beruvchi bilan ijaraga oluvchilar o‘rtasidagi o‘zaro munosabatlar shartnoma bilan belgilanadi.
34. Davlat uy-joyini ijaraga olish shartnomasini bajarish va to‘xtatib qo‘yish paytida paydo bo‘ladigan nizolar sud orqali hal etiladi.
35. Uy-joy fondini xususiylashtirish qanday borayotganligini nazorat qilish Qoraqalpog‘iston Respublikasi Vazirlar Kengashi va viloyatlarning hokimliklari huzurida tashkil etilgan muvofiqlashtirish kengashlari tomonidan amalga oshiriladi.
36. Mazkur qoidalarning buzilishida aybdor bo‘lgan shaxslar O‘zbekiston Respublikasining amaldagi qonunchiligiga muvofiq intizomiy, ma’muriy va jinoiy javobgarlikka tortiladilar.
Keyingi tahrirga qarang.