Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi hamda “Banklar va bank faoliyati toʻgʻrisida”gi qonunlariga muvofiq Oʻzbekiston Respublikasi Markaziy banki boshqaruvi qaror qiladi:

1. Oʻzbekiston Respublikasi Markaziy banki boshqaruvining 2018-yil 28-apreldagi 16/21-son qarori (roʻyxat raqami 3028, 2018-yil 29-iyun) (Qonun hujjatlari maʼlumotlari milliy bazasi, 02.07.2018-y., 10/18/3028/1418-son) bilan tasdiqlangan Tijorat banklarida kassa ishini tashkil etish, naqd pul va boshqa qimmatliklarni inkassatsiya qilishga doir yoʻriqnomaga ilovaga muvofiq oʻzgartirish va qoʻshimchalar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. 15-band quyidagi tahrirda bayon etilsin:

“15. Bank binosida va bank binosidan tashqarida tashkil etilgan chakana amaliyotlar kassalarida kassa operatsiyalari bilan birgalikda valyuta ayirboshlash operatsiyalari ham amalga oshirilgan taqdirda, ulardagi naqd pul va qimmatliklar hisobi bankning hisob siyosatiga muvofiq yuritiladi.”.

2. 27-bandning “d” kichik bandi quyidagi tahrirda bayon etilsin:

“d) aholidan bank depozit hisobvaraqlariga omonatlarni naqd pulda qabul qilish mazkur Yoʻriqnomaning 3-ilovasiga muvofiq shakldagi kirim kassa orderi boʻyicha;”.

3. 41-bandning ikkinchi va uchinchi xatboshilari, 81-bandning beshinchi xatboshisi, 145-bandning toʻrtinchi xatboshisi, 146-bandning ikkinchi xatboshisi, 147-bandning ikkinchi xatboshisi, 148-bandning birinchi va ikkinchi xatboshilari, 166-bandning uchinchi xatboshisi va 218-bandning beshinchi xatboshisidagi “koʻzda tutilmagan holatlar hisobvaragʻi” degan soʻzlar “balansdan tashqari hisobvaraq” degan soʻzlar bilan almashtirilsin.

4. 43-bandning birinchi xatboshisi, 267-bandning birinchi xatboshisi, 291-bandning ikkinchi xatboshisi va 29-ilovaning matnidagi “koʻzda tutilmagan holatlar hisobvaragʻi” degan soʻzlar “balansdan tashqari hisobvaragʻi” degan soʻzlar bilan almashtirilsin.

5. 44-bandning ikkinchi xatboshisidagi “koʻzda tutilmagan holatlar” degan soʻzlar “balansdan tashqari hisobvaraq” degan soʻzlar bilan almashtirilsin.

6. 47-bandning “v” kichik bandi quyidagi tahrirda bayon etilsin:

“v) aholining bank depozit hisobvaraqlaridagi omonatlarini va unga hisoblangan foizlarni naqd pulda toʻlash mazkur Yoʻriqnomaning 10-ilovasiga muvofiq shakldagi chiqim kassa orderi boʻyicha;”.

7. 126-bandda:

quyidagi mazmundagi uchinchi xatboshi bilan toʻldirilsin:

“2 000 soʻmlik banknotlar uchun — eni 15 mm boʻlgan bitta sariq yoʻlli;”;

uchinchi — yettinchi xatboshilar tegishli ravishda toʻrtinchi — sakkizinchi xatboshilar deb hisoblansin;

quyidagi mazmundagi oltinchi xatboshi bilan toʻldirilsin:

“20 000 soʻmlik banknotlar uchun — eni 15 mm boʻlgan ikkita qizil yoʻlli;”;

oltinchi — sakkizinchi xatboshilar tegishli ravishda yettinchi — toʻqqizinchi xatboshilar deb hisoblansin.

8. 132-bandda:

birinchi xatboshidagi “1 va 3 soʻmliklar alohida, 5, 10, 25, 50 va 100 soʻmliklar alohida, 200, 500 va 1000 soʻmliklar alohida, 5000, 10000,” degan soʻzlar “1000 soʻmliklar alohida, 2000 va 5000 soʻmliklar alohida, 10000 va 20000 soʻmliklar alohida,” degan soʻzlar bilan almashtirilsin;

quyidagi mazmundagi ikkinchi xatboshi bilan toʻldirilsin:

“Bir xil nominal qiymatga ega boʻlgan turli yillar namunasidagi banknotlar alohida dastalangan holda oʻrab-bogʻlanishi lozim.”;

ikkinchi — oltinchi xatboshilar tegishli ravishda uchinchi — yettinchi xatboshilar deb hisoblansin.

9. 150-bandda:

quyidagi mazmundagi uchinchi xatboshi bilan toʻldirilsin:

“Naqd pul va boshqa qimmatliklarni saqlash uchun topshirgan davlat organi xodimi 004-shakldagi kvitansiyani yoʻqotgan hollarda yoki boshqa sabablarga koʻra, uni bankka taqdim etish imkoniyati mavjud boʻlmasa, bunday hollarda saqlashga topshirilgan naqd pul va boshqa qimmatliklarni bank kassasidan qaytarib olish uchun ushbu davlat organining respublika miqyosidagi yuqori turuvchi tashkiloti (vazirlik, qoʻmita, idora yoki boshqalar) tomonidan chiqarilgan buyruq asos boʻlishi mumkin. Ushbu buyruqda bank kassasiga saqlash uchun topshirilgan qimmatliklarni qaytarib olish vakolatiga ega boʻlgan xodimning familiyasi, ismi va otasining ismi hamda olinadigan qimmatliklarning toʻliq va batafsil roʻyxati qayd etilgan boʻlishi lozim.”;

uchinchi va toʻrtinchi xatboshilar tegishli ravishda toʻrtinchi va beshinchi xatboshilar deb hisoblansin;

toʻrtinchi va beshinchi xatboshilardagi “koʻzda tutilmagan holatlar hisobvaragʻi” degan soʻzlar “balansdan tashqari hisobvaraq” degan soʻzlar bilan almashtirilsin.

10. 161-bandning uchinchi xatboshisi quyidagi tahrirda bayon etilsin:

“Bank (filial) chakana amaliyot kassasi tomonidan naqd milliy hamda xorijiy valyutalarda kassa operatsiyalari amalga oshirilgan hollarda, naqd pul va boshqa qimmatliklarning hisobi bankning hisob siyosatiga muvofiq amalga oshiriladi.”.

11. 163-bandda:

ikkinchi xatboshi quyidagi tahrirda bayon etilsin:

“Bank (filial) tomonidan boshqa hududda (yoki hududdagi boshqa tumanda, shaharda) kassalar tashkil etilgan hollarda, bank ish kuni oxirida ushbu kassalardagi limitdan ortiqcha naqd pullar va boshqa qimmatliklar qoldiqlari hamda kunlik kassa hujjatlari ushbu kassa joylashgan hududdagi bank filialiga yoki inkassatsiya xizmatiga saqlash uchun topshiriladi.”;

toʻrtinchi xatboshi quyidagi tahrirda bayon etilsin:

“Bank (filial) binosidan tashqarida tashkil etilgan kassa xodimlari amaliyot kuni yakunida qolgan limitdan ortiqcha naqd pul va boshqa qimmatliklar qoldigʻiga chiqim kassa orderini rasmiylashtirib, 10109 — “Yoʻldagi naqd pullar va boshqa toʻlov hujjatlari” hisobvaragʻida aks ettiradi. Bunda, naqd pul va boshqa qimmatliklar qoldigʻini saqlash uchun topshirish bevosita inkassatsiya guruhi aʼzolari tomonidan, shuningdek inkassatsiya xizmati yoki banklar va Oʻzbekiston Respublikasi Milliy gvardiyasi qoʻriqlash xizmati boʻlinmalari oʻrtasida tuzilgan shartnomaga asosan Oʻzbekiston Respublikasi Milliy gvardiyasining qoʻriqlash xizmati kuzatuvi ostida bank kassiri tomonidan amalga oshirilishi mumkin.”;

quyidagi mazmundagi beshinchi — oʻninchi xatboshilar bilan toʻldirilsin:

“Naqd pul va boshqa qimmatliklar qoldigʻini saqlash uchun topshirish inkassatsiya xizmati xodimlari orqali amalga oshirilganda, rasmiylashtirilgan chiqim kassa orderining orqa tomoniga naqd pul va boshqa qimmatliklar solingan inkassatsiya sumkasini (qopini) qabul qiluvchi inkassatorga berilgan ishonchnomaning raqami, sanasi, inkassatorlar guruhi aʼzolarining familiyasi, ismi va otasining ismi hamda ularga topshirilgan sumkalarning (qoplarning) umumiy soni qayd etilib, inkassatorlar guruhi aʼzolari tomonidan imzolanadi.

Naqd pul va boshqa qimmatliklar solingan inkassatsiya sumkasi (qopi) bank (filial) yoki inkassatsiya xizmati tomonidan saqlash uchun qabul qilinganda, qabul qiluvchi masʼul xodim tomonidan balansdan tashqari hisobvaraq boʻyicha kirim kassa orderi ikki nusxada rasmiylashtiriladi va uning bir nusxasi inkassatorlar guruhiga beriladi.

Navbatdagi ish kuni ertalab, naqd pul va boshqa qimmatliklar solingan inkassatsiya sumkalarini (qoplarini), ularni topshirgan bank kassasiga yetkazib berish uchun inkassatorlar guruhiga topshirish, balansdan tashqari hisobvaraq boʻyicha chiqim kassa orderini rasmiylashtirish orqali amalga oshiriladi. Bunda, ushbu hujjatning orqa tomonida qabul qiluvchi inkassatorga berilgan ishonchnomaning raqami, sanasi, inkassatorlar guruhi aʼzolarining familiyasi, ismi va otasining ismi hamda ularga topshirilgan sumkalarning (qoplarning) umumiy soni qayd etilib, inkassatorlar guruhi aʼzolari tomonidan imzolanadi.

Naqd pul va boshqa qimmatliklar solingan inkassatsiya sumkasi (qopi) inkassatsiya xizmati yoki Oʻzbekiston Respublikasi Milliy gvardiyasining qoʻriqlash xizmati kuzatuvi ostida bank kassiri tomonidan bank (filial) yoki inkassatsiya xizmatiga saqlash uchun topshirilganda, qabul qiluvchi masʼul xodim tomonidan balansdan tashqari hisobvaraq boʻyicha kirim kassa orderi ikki nusxada rasmiylashtiriladi va uning bir nusxasi topshiruvchi bank kassiriga beriladi.

Navbatdagi ish kuni ertalab, naqd pul va boshqa qimmatliklar solingan inkassatsiya sumkalari (qoplari), ularni topshirgan bank kassasiga inkassatsiya xizmati yoki Oʻzbekiston Respublikasi Milliy gvardiyasining qoʻriqlash xizmati kuzatuvi ostida olib ketish uchun ularni topshirgan bank kassiriga, balansdan tashqari hisobvaraq boʻyicha chiqim kassa orderini rasmiylashtirish orqali beriladi. Bunda, ushbu hujjatning orqa tomonida qabul qiluvchi bank kassirining familiyasi, ismi va otasining ismi hamda topshirilayotgan sumkalarning (qoplarning) umumiy soni qayd etilib, qabul qiluvchi bank kassiri tomonidan imzolanadi.

Naqd pul va boshqa qimmatliklar qoldigʻi inkassatsiya xizmati yoki Oʻzbekiston Respublikasi Milliy gvardiyasining qoʻriqlash xizmati kuzatuvi ostida bank kassiri tomonidan mazkur hududdagi bank filialiga qayta sanash uchun topshirilganda, topshiruvchi bank kassiri tomonidan mazkur Yoʻriqnomaning 8a-ilovasiga muvofiq shakldagi blank toʻldiriladi.”.

12. 170-bandning birinchi xatboshisidan “, shuningdek kun oxirida kassadagi limitdan ortiqcha naqd pullar va boshqa qimmatliklar qoldiqlarini, kunlik kassa hujjatlarini bank (filial)ga yoki saqlash uchun u joylashgan tumandagi (shahardagi) tijorat banki filialiga yetkazish” degan soʻzlar chiqarib tashlansin.

13. 190-bandning oltinchi xatboshisi va 192-bandning ikkinchi xatboshisidagi “koʻzda tutilmagan holatlar hisobvaraqlari” degan soʻzlar “balansdan tashqari hisobvaraqlar” degan soʻzlar bilan almashtirilsin.

14. 209-bandning ikkinchi xatboshisi, 230-band, 284-bandning uchinchi xatboshisi va 294-banddagi “koʻzda tutilmagan holatlar hisobvaragʻida” degan soʻzlar “balansdan tashqari hisobvaragʻida” degan soʻzlar bilan almashtirilsin.

15. 217-bandning ikkinchi xatboshisidagi “koʻzda tutilmagan holatlar hisobvaragʻi” va “koʻzda tutilmagan holatlar hisobvaragʻiga” degan soʻzlar tegishli ravishda “balansdan tashqari hisobvaraq” va “balansdan tashqari hisobvaraqqa” degan soʻzlar bilan almashtirilsin.

16. 219-bandning beshinchi xatboshisidagi “koʻzda tutilmagan holatlar hisobvaraqlarida” degan soʻzlar “balansdan tashqari hisobvaraqlarida” degan soʻzlar bilan almashtirilsin.

17. 264-bandning ikkinchi xatboshisidagi “koʻzda tutilmagan holatlar hisobvaraqlarida” degan soʻzlar “balansdan tashqari hisobvaraqlarda” degan soʻzlar bilan almashtirilsin.

18. 265-bandning birinchi xatboshisidagi “koʻzda tutilmagan holatlar hisobvaraqlaridagi” degan soʻzlar “balansdan tashqari hisobvaraqlardagi” degan soʻzlar bilan almashtirilsin.

19. 290-bandning uchinchi xatboshisi, 297-bandning ikkinchi xatboshisi, 339-bandning birinchi xatboshisi va 343-bandning birinchi xatboshisidagi “koʻzda tutilmagan holatlar hisobvaragʻiga” degan soʻzlar “balansdan tashqari hisobvaragʻiga” degan soʻzlar bilan almashtirilsin.

20. 292-bandda:

birinchi xatboshidagi “koʻzda tutilmagan holatlar hisobvaragʻi” degan soʻzlar “balansdan tashqari hisobvaragʻi” degan soʻzlar bilan almashtirilsin;

ikkinchi xatboshidagi “koʻzda tutilmagan holatlar hisobvaragʻiga” degan soʻzlar “balansdan tashqari hisobvaragʻiga” degan soʻzlar bilan almashtirilsin.

21. 295-banddagi “koʻzda tutilmagan holatlar hisobvaragʻidan” degan soʻzlar “balansdan tashqari hisobvaragʻidan” degan soʻzlar bilan almashtirilsin.

22. 25-ilovada:

3-bandning ikkinchi — toʻrtinchi xatboshilari quyidagi tahrirda bayon etilsin:

“1000 (2001-yil namunasidagi), 5000 (2013-yil namunasidagi), 10000 (2017-yil namunasidagi), 50000 (2017-yil namunasidagi) va 100000 (2019-yil namunasidagi) soʻmlik banknotlar uchun katak maydoni 144 x 78 mm.ni;

2021-yil namunasidagi 2000 va 5000 soʻmlik banknotlar uchun katak maydoni 142 x 69 mm.ni;

2021-yil namunasidagi 10000 va 20000 soʻmlik banknotlar uchun katak maydoni 147 x 69 mm.ni tashkil etadi.”;

12-banddagi “koʻzda tutilmagan holatlar hisobvaragʻiga” degan soʻzlar “balansdan tashqari hisobvaragʻiga” degan soʻzlar bilan almashtirilsin.

23. 28-ilova matnidagi “Koʻzda tutilmagan holatlar hisobvaraqlari” degan soʻzlar “Balansdan tashqari hisobvaraqlar” degan soʻzlar bilan almashtirilsin.

24. 30-ilovaning matnidagi “Koʻzda tutilmagan holatlar hisobvaraqlari” degan soʻzlar “balansdan tashqari hisobvaraqlar” degan soʻzlar bilan almashtirilsin.