Hududlarda xizmatlar sohasini yanada qoʻllab-quvvatlash, sohani rivojlantirish maqsadli koʻrsatkichlariga erishilishini taʼminlash, shuningdek, tadbirkorlarning muammo va takliflarini bevosita oʻrganish hamda tadbirkorlikni rivojlantirishning asosiy yoʻnalishlarini belgilab olish boʻyicha 2021-yil 20-avgust kuni oʻtkazilgan Oʻzbekiston Respublikasi Prezidentining tadbirkorlar bilan ochiq muloqoti doirasida belgilangan vazifalar ijrosini taʼminlash maqsadida:

1. Oʻzbekiston Respublikasi hududiga olib kirishda quyidagi tovarlar va transport vositalari uchun qonunchilikda nazarda tutilgan bojxona boji boʻyicha imtiyozlarning amal qilish muddati 2024-yil 1-yanvarga qadar uzaytirilsin:

belgilangan tartibda shakllantiriladigan roʻyxat boʻyicha yuridik shaxslar tomonidan, shu jumladan lizing shartnomasi asosida olib kiriladigan yangi tibbiyot asbob-uskunalari, butlovchi buyumlar va ularning ehtiyot qismlari hamda sarflash materiallari;

nodavlat tibbiyot tashkilotlari tomonidan oʻz ehtiyojlari uchun olib kiriladigan yangi tez tibbiy yordam avtomobillari (TIF TN kodlari 8703 22 101 0, 8703 23 193 0, 8703 24 101 0, 8703 31 101 0, 8703 32 191 0, 8703 33 191 0);

belgilangan tartibda tasdiqlanadigan roʻyxatlarga koʻra tematik xiyobonlar, mehmonxona va boshqa joylashtirish vositalarini qurish, qayta taʼmirlash va jihozlash uchun asbob-uskunalar, texnika, xomashyo, butlovchi buyumlar va ehtiyot qismlar, qurilish va boshqa materiallar (shu jumladan mebel va inventar);

ishlab chiqarilganiga 5 yildan ortiq boʻlmagan, yoʻlovchilarni tashishda foydalaniladigan hamda haydovchidan tashqari sakkiz va undan ortiq oʻrindiqlarga ega boʻlgan transport vositalari;

Oʻzbekiston Respublikasida ishlab chiqarilmaydigan, transport-logistika xizmatlari koʻrsatishga moʻljallangan, belgilangan tartibda tasdiqlanadigan roʻyxatlar boʻyicha olib kiriladigan omborxona uskunalari, yuk ortish-tushirish texnikasi, agregatlar, ehtiyot qismlar va boshqa tovarlar;

dor (osma) yoʻllari, togʻ-changʻi koʻtargichlar, funikulyorlar va boshqa oʻxshash obyektlar, “banji-jamping” va “ziplayn” attraksionlari, boshqariladigan (dirijabl, havo shari) va boshqarilmaydigan (erkin uchish) aerostatlar, gondolalar, “rafting” va “flaybording” uchun uskunalar, mexanizmlar va ehtiyot qismlar, shuningdek, “buggy car”, faetonlar, joylashtirish vositasi sifatida tunab qolish uchun jihozlangan (gʻildirak ustidagi uylar) yoki kafe-furgonlarga aylantirilgan “fudtrak” yer usti transport vositalari, motorli qayiq va kvadrotsikllar.

2. Mazkur Farmonning 1-bandida nazarda tutilgan gʻildirakli transport vositalari, oʻziyurar mashinalar va ularning tirkamalari uchun, agar ularning ishlab chiqarilganligiga 4 yildan ortiq boʻlmasa hamda “Yevro-5” va undan yuqori ekologik toifa talablariga mos kelsa, 2024-yil 1-yanvarga qadar utilizatsiya yigʻimining nol stavkasi qoʻllanilsin.

3. Oʻzbekiston Respublikasi hududiga olib kirishda quyidagi tovarlar 2021-yil 1-oktabrdan boshlab 2024-yil 1-yanvarga qadar bojxona bojidan ozod qilinsin:

belgilangan tartibda shakllantiriladigan roʻyxat boʻyicha taʼlim tashkilotlari uchun oʻquv laboratoriya va maxsus asbob-uskunalar va jihozlar;

taqiqlanmagan oʻyin avtomatlari (TIF TN kodi 9504 30 200 1, 9504 30 200 9), videooʻyinlar uchun uskunalar (TIF TN kodi 9504 30 100 0), va bouling uchun avtomatik uskunalar (TIF TN kodi 9504 90 800 9);

belgilangan tartibda shakllantiriladigan roʻyxat boʻyicha yuridik shaxslar tomonidan, shu jumladan lizing shartnomasi asosida olib kelinadigan yangi stomatologiya va kosmetologiya asbob-uskunalari, butlovchi buyumlar va ularning ehtiyot qismlari hamda sarflash materiallari.

4. Turizm, umumiy ovqatlanish va chakana savdo sohasini yanada rivojlantirish maqsadida mahalliy davlat hokimiyati organlari:

ikki hafta muddatda infratuzilma yetarli rivojlanmagan yoki kapital qurilish obyektlarini barpo qilish boʻyicha cheklovlar mavjud boʻlgan magistral yoʻllari boʻylab, shu jumladan turistik zonalarda kafe-furgonlarga aylantirilgan “fudtrak” transport vositalarini joylashtirish uchun maxsus joylar roʻyxati tuzilishini va “K-SAVDO” avtomatlashtirilgan axborot tizimiga joylashtirilishini taʼminlasin. Bunda, mazkur hududlarda savdo joylarini sotish boʻyicha auksion boshlangʻich narxi tegishli tuman (shahar)dagi yer uchastkalari yer soligʻi summasining 50 foizi miqdorida belgilanadi;

madaniyat va istirohat bogʻlari, shuningdek oliy taʼlim muassasalari hududida kafe-furgonlarga aylantirilgan transport vositalari — “fudtrak”lar uchun joylarni tashkil etishni taʼminlasin.

5. 3D kontentni namoyish qilish uchun ijro qilish serverlari, kinoekranlar, obyektivli, lampali, polyarizatsiya filtrli raqamli proyektorlar, akustika tizimlari va ekran orti karnaylari, professional passiv sabvufer, integratsiya qilingan media server, raqamli proyektorlar uchun ksenon qisqa yoyli lampalar, ovozli protsessor, proyektor uchun obyektiv, ekranlar uchun yorugʻlik uchlanishning ultra yorqin passiv 3D tizimi, 3D koʻzoynaklarini olib kirishda Oʻzbekiston Respublikasi Prezidentining 2021-yil 7-apreldagi PF-6202-son Farmoni doirasida bojxona boji stavkasining nol stavkalari tatbiq qilinsin.

6. Oʻzbekiston Respublikasi Prezidentining ayrim hujjatlariga 2022-yil 1-yanvardan boshlab ilovaga muvofiq oʻzgartirish va qoʻshimchalar kiritilsin.

7. Mazkur Farmonning ijrosini nazorat qilish Oʻzbekiston Respublikasi Bosh vaziri oʻrinbosari J.A. Qoʻchqorov zimmasiga yuklansin.

1. Oʻzbekiston Respublikasi Prezidentining 2018-yil 3-fevraldagi “Oʻzbekiston Respublikasi turizm salohiyatini rivojlantirish uchun qulay sharoitlar yaratish boʻyicha qoʻshimcha tashkiliy chora-tadbirlar toʻgʻrisida”gi PF-5326-son Farmoni 8-bandida:

a) “b” kichik bandida:

“2022” raqami “2024” raqami bilan almashtirilsin;

“toʻlovlarini toʻlashdan (bojxona rasmiylashtiruvi uchun yigʻimlardan tashqari)” soʻzlari “bojini toʻlashdan” soʻzlari bilan almashtirilsin;

b) “v” kichik bandida:

“2022” raqami “2024” raqami bilan almashtirilsin;

uchinchi xatboshidagi “toʻlovlarini toʻlashdan (qoʻshilgan qiymat soligʻi va bojxona rasmiylashtiruvi uchun yigʻimlardan tashqari)” soʻzlari “bojini toʻlashdan” soʻzlari bilan almashtirilsin.

2. Oʻzbekiston Respublikasi Prezidentining 2019-yil 13-avgustdagi “Oʻzbekiston Respublikasida turizm sohasini yanada rivojlantirish chora-tadbirlari toʻgʻrisida”gi PF-5781-son Farmonida:

a) 9-bandda:

“a” kichik bandda “yagona soliq toʻlovi” soʻzlari “aylanmadan olinadigan soliq” soʻzlari bilan almashtirilsin;

“b” kichik bandning uchinchi xatboshisida “yagona ijtimoiy toʻlovdan” soʻzlari “ijtimoiy soliqdan” soʻzlari bilan almashtirilsin;

“v” kichik bandda “yagona soliq toʻlovini toʻlashdan;” soʻzlari “aylanmadan olinadigan soliqni toʻlashdan ozod etilsin.” soʻzlari bilan almashtirilsin;

“g” kichik bandi oʻz kuchini yoʻqotgan deb topilsin;

b) quyidagi mazmundagi 9¹ band bilan toʻldirilsin:

“9¹. Oʻzbekiston Respublikasi hududiga olib kiriladigan dor (osma) yoʻllarini, “banji-jamping” va “ziplayn” attraksionlarini, boshqariladigan (dirijabl, havo shari) va boshqarilmaydigan (erkin uchish) aerostatlar, gondolalar, “rafting” va “flaybording” uchun uskunalar, shuningdek, “buggy car”, faetonlar, joylashtirish vositasi sifatida tunab qolish uchun jihozlangan (gʻildirak ustidagi uylar) yoki kafe-furgonlarga aylantirilgan (“fudtrak”) yer usti transport vositalari 2024-yil 1-yanvarga qadar bojxona bojidan ozod etilsin”.

3. Oʻzbekiston Respublikasi Prezidentining 2021-yil 7-apreldagi PF-6202-son Farmoni bilan tasdiqlangan 2024-yil 1-yanvarga qadar kinokompaniyalar moddiy-texnik bazasini kuchaytirish va kinoteatr (kinozal)lar uchun tovarlar olib kirishda bojxona bojining nol stavkasi belgilanadigan tovarlar roʻyxatida:

a) 3-pozitsiya quyidagi tahrirda bayon etilsin:

b) quyidagi mazmundagi 4¹-pozitsiya bilan toʻldirilsin:

v) quyidagi mazmundagi 5¹-pozitsiya bilan toʻldirilsin:

g) quyidagi mazmundagi 8¹ — 8⁵ pozitsiyalar bilan toʻldirilsin:

d) quyidagi mazmundagi 10¹-10² pozitsiyalar bilan toʻldirilsin:

4. Oʻzbekiston Respublikasi Prezidentining 2017-yil 1-apreldagi “Sogʻliqni saqlash sohasida xususiy sektorni yanada rivojlantirish chora-tadbirlari toʻgʻrisida”gi PQ-2863-son qarori 8-bandida:

a) birinchi xatboshidan “2022-yil 1-yanvargacha” soʻzlari chiqarib tashlansin;

b) “a” kichik bandi “aholiga pullik tibbiy xizmatlar” soʻzlaridan oldin “2022-yil 1-yanvargacha” soʻzlari bilan toʻldirilsin;

v) “b” kichik bandi quyidagi tahrirda bayon etilsin:

“2024-yil 1-yanvargacha belgilangan tartibda shakllantiriladigan roʻyxat boʻyicha yuridik shaxslar tomonidan, shu jumladan lizing shartnomasi asosida olib kelinadigan yangi tibbiyot asbob-uskunalari, butlovchi buyumlar va ularning ehtiyot qismlari hamda sarflash materiallari bojxona bojidan ozod etilsin”.

5. Oʻzbekiston Respublikasi Prezidentining 2017-yil 2-dekabrdagi “2018 — 2022-yillarda transport infratuzilmasini takomillashtirish va yuk tashishning tashqi savdo yoʻnalishlarini diversifikatsiyalash chora-tadbirlari toʻgʻrisida”gi PQ-3422-son qarori 4-bandida:

a) birinchi xatboshidan “2022-yilning 1-yanvariga qadar” soʻzlari chiqarib tashlansin;

b) ikkinchi xatboshi “boʻshagan mablagʻlar” soʻzlaridan oldin “2022-yilning 1-yanvariga qadar” soʻzlari bilan toʻldirilsin;

v) uchinchi xatboshi “Oʻzbekiston Respublikasida” soʻzlaridan oldin “2024-yilning 1-yanvariga qadar” soʻzlari bilan toʻldirilsin.

6. Oʻzbekiston Respublikasi Prezidentining 2020-yil 30-maydagi “Nodavlat tibbiyot tashkilotlari tomonidan tez tibbiy yordam xizmatlarini koʻrsatish uchun qoʻshimcha shart-sharoitlar yaratish toʻgʻrisida”gi PQ-4737-son qarori 1-bandi birinchi xatboshisidagi “2022” raqami “2024” raqami bilan almashtirilsin.