O‘zbekiston Respublikasi Oliy Majlisining Qonunchilik palatasi tomonidan 2006-yil 31-yanvarda qabul qilingan “Qonunlar loyihalarini tayyorlash va O‘zbekiston Respublikasi Oliy Majlisining Qonunchilik palatasiga kiritish tartibi to‘g‘risida”gi O‘zbekiston Respublikasi Qonunini ko‘rib chiqib, O‘zbekiston Respublikasi Konstitutsiyasining 84-moddasiga muvofiq O‘zbekiston Respublikasi Oliy Majlisining Senati qaror qiladi:

1. “Qonunlar loyihalarini tayyorlash va O‘zbekiston Respublikasi Oliy Majlisining Qonunchilik palatasiga kiritish tartibi to‘g‘risida”gi O‘zbekiston Respublikasi Qonuni rad etilsin.

2. Ushbu Qonun yuzasidan yuzaga kelgan kelishmovchiliklarni bartaraf etish uchun O‘zbekiston Respublikasi Oliy Majlisining Qonunchilik palatasiga kelishuv komissiyasi tuzish taklif etilsin va mazkur komissiya tarkibiga O‘zbekiston Respublikasi Oliy Majlisi Senatidan quyidagi Senat a’zolari saylansin: Mavjuda Abdullayevna Rajabova, Mirzayusuf Xakimovich Rustamboyev, Baxtiyor Hakimov.

3. Ushbu Qaror qabul qilingan kundan e’tiboran kuchga kiradi.