Neft va gaz sanoati obyektlari qurilishi korxonalari va tashkilotlari boshqaruv tuzilmasini yanada takomillashtirish va ularni ishining iqtisodiy samaradorligini oshirish maqsadida, respublika Hukumatining 1993-yil 14-yanvardagi 31-son qaroriga muvofiq Vazirlar Mahkamasi qaror qiladi:

1. “Oʻzneftgazqurilish” ishlab chiqarish birlashmasi qatnashchilarning 1993-yil 18-yanvardagi yigʻilishi tomonidan respublika Hukumatining qaroriga muvofiq 1-ilovaga* binoan korxonalar va tashkilotlar negizida “Oʻzbekneftgaz” Milliy korporatsiyasi tarkibidagi Oʻzbekiston neft va gaz sanoati obyektlari qurilishi (“Oʻzneftgazqurilish”) davlat-aksionerlik birlashmasiga aylantirilganligi maʼlumot uchun qabul qilinsin.

2. Belgilab qoʻyilsinki:

“Oʻzneftgazqurilish” davlat-aksionerlik birlashmasi yuridik shaxs huquqiga ega boʻlgan yopiq turdagi aksionerlik jamiyati shaklida tuzilgan;

Moliya vazirligi huzuridagi Davlat mulki jamgʻarmasi timsolida davlat, “Oʻzbekneftgaz” korporatsiyasi, davlat tasarrufidan chiqarilgan korxonalar, birlashma tarkibiy boʻlinmalarining jamoalari va tarmoqni rivojlantirishdan manfaatdor boʻlgan respublika va xorijiy yuridik shaxslar “Oʻzneftgazqurilish” davlat-aksionerlik jamiyatining qatnashchilari hisoblanadilar.

“Oʻzneftgazqurilish” birlashmasining davlat tasarrufidan chiqariladigan va xususiylashtiriladigan korxonalari va tashkilotlari aksiyalaridagi davlatning ulushi kamida 51 foiz qilib belgilangan davlat ulushi 25 foizni tashkil etadigan “Buxoroneftgazelektrmontaj” aksionerlik jamiyatidan tashqari;

Hukumat qaroriga muvofiq Oʻzbekiston Respublikasi Moliya vazirligi huzuridagi Davlat mulki jamgʻarmasi quyidagilarni amalda qoʻllaydi: davlatga tegishli boʻlgan aksiyalar paketlariga muvofiq birlashma faoliyatiga rahbarlik qilish huquqini “Oʻzneftgazqurilish” birlashmasi boshqaruviga berish; davlatga tegishli boʻlgan aksiyalar boʻyicha dividendlarning bir qismini birlashmani rivojlantirish uchun shartnoma asosida birlashmaga berish;

birlashmaning boshlangʻich ustav sarmoyasi birlashma chiqaradigan aksiyalarning nominal qiymatiga toʻgʻri keladi va u davlat tasarrufidan chiqarilgan korxonalarning davlat mulki asosida tashkil topadi.

“Oʻzneftgazqurilish” davlat-aksionerlik birlashmasi “Oʻzbekneftgazqurilish” ishlab chiqarish birlashmasi tomonidan tuzilgan majburiyatlar va shartnomalar boʻyicha uning huquqiy vorisi boʻlib, oʻz faoliyatini toʻla xoʻjalik hisobi prinsiplari asosida, Vazirlar Mahkamasi va “Oʻzbekneftgaz” korporatsiyasi bilan kelishilgan holda qatnashchilar yigʻilishi tomonidan tasdiqlanadigan birlashma Ustaviga muvofiq amalga oshiradi.

3. Quyidagilar “Oʻzneftgazqurilish” davlat-aksionerlik birlashmasi faoliyatining asosiy yoʻnalishlari etib belgilansin:

respublika hududida neft va gazni qazib olish, qayta ishlash, uzatish, tashish obyektlarini uy-joy, ijtimoiy-madaniy-maishiy xizmat koʻrsatish muassasalari majmui bilan birgalikda qurish ishlarini amalga oshirish;

neft-gaz tarmogʻida qurilishning, qurilish-montaj tashkilotlari, mehnat jamoalari, birlashma barcha qatnashchilarining oʻz mehnati natijalaridan iqtisodiy manfaatdorligining ishonchli tizimini yaratish;

neft va gaz sanoati obyektlari qurilishi, neftni qayta ishlash, magistral gaz quvurlari yotqizish sohasida xorijiy mamlakatlar bilan iqtisodiy hamkorlikni kengaytirish, ilmiy-texnikaviy aloqalarni rivojlantirish;

korxonalarni qayta qurish va texnika bilan qayta jihozlashni amalga oshirish, tarmoqda progressiv texnika va qurilish texnologiyasini joriy etish, kadrlarni tayyorlash va qayta tayyorlash.

4. Oʻzbekiston Respublikasi Davlat mulki qoʻmitasi “Oʻzneftgazqurilish” davlat-aksionerlik birlashmasi korxonalari va tashkilotlari bilan birgalikda bu korxonalarni davlat tasarrufidan chiqarish va xususiylashtirish boʻyicha chora-tadbirlarni belgilangan tartibda amalga oshirsin.

5. “Oʻzneftgazqurilish” davlat-aksionerlik birlashmasining yuqori organi qatnashchilarning, tarkibiy boʻlinmalari va aksiyalarining nazorat paketi birlashmaning toʻla xoʻjalik tasarrufida boʻlgan korxonalar vakillarining yigʻilishi hisoblanadi.

Birlashma markaziy apparatining tuzilmasi 2-ilovaga* muvofiq tavsiya qilinsin. Birlashmaga bosh direktorning 4 nafar oʻrinbosari, shu jumladan, bir nafar birinchi oʻrinbosari boʻlishiga ruxsat berilsin. “Oʻzneftgazqurilish” birlashmasi bosh direktorining oʻrinbosarlari maishiy taʼminot, tibbiy va transport xizmati koʻrsatish sharoitlari jihatidan vazir oʻrinbosarlariga tenglashtirilsin. Bosh direktor oʻrinbosarlari birlashma Kengashi tomonidan saylanadilar va Vazirlar Mahkamasi tomonidan tasdiqlanadilar, Apparatni mablagʻ bilan taʼminlash birlashma tarkibiga kiruvchi tarkibiy boʻlinmalarning ajratmalari hisobiga amalga oshiriladi.

6. “Oʻzneftgazqurilish” birlashmasi boshqaruv apparati quyidagi manzilga joylashtirilsin: Toshkent shahri, Muqimiy koʻchasi, 98-uy.

7. Mazkur qarorning bajarilishini nazorat qilish Bosh vazirning oʻrinbosari oʻrtoq Q.J. Haqqulov zimmasiga yuklatilsin.