Vazirlar Mahkamasi qayd etadiki, Ijtimoiy taʼminot vazirligi uning joylardagi boʻlinmalari faoliyatidagi jiddiy kamchiliklar nuqsonlar hamon saqlanib qolmoqda. Hayʼat va shaxsan Vazir B. Umurzoqov islohotlarni chuqur tahlil qilmasdan eskirgan cxema boʻyicha rahbarlik qilishni davom ettirmoqdalar, sustkashlik xotirjamlik hamda manmanlikka yoʻl qoʻymoqdalar, ishlashning yangi ilgʻor shakllarini joriy etishga yuzaki yondashmoqdalar.

Vazir va vazirlik apparati tomonidan koʻpgina viloyat, shaharlar, tumanlar ijtimoiy taʼminot boʻlimlari ishidagi boqimakdalik kayfiyatlari, rasmiyatchilik faktlari qatʼiy prinsipni baholanmayapti. Qoraqalpogʻiston Respublikasi Ijtimoiy taʼminot vazirligi tomonidan yoʻl qoʻyilgan nazoratsizlik, beparvolik tufali Taxiatosh shahrida belgilangan normalar va qoidalarning qoʻpol ravishda buzilishiga va pensionerlarning qonuniy huquqlarini kamsitilishiga yoʻl qoʻyilgan.

Vazirlar Mahkamasi qaror qiladi:

1. Rahbarlik va talabchanlikni boʻshashtirib yuborganligi, mavjud kamchiliklarni bartaraf etish yuzasidan zarur choralar koʻrmagan. uchun Ijtimoiy taʼminot vaziri B. Umurzoqovga qattiq xayfsan eʼlon qilinsin. Unga vazirlik va joylardagi ijtimoiy taʼminot organ, ishini tubdan qayta qurish, topshirilgan ish uchun rahbar kadrlarga nisbatan talabchanlikni kuchaytirish topshirilsin.

2. Ijtimoiy taʼminot vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 1995-yilning 1-oktabrigacha mavjud kamchiliklarni bartaraf etish, aholini ijtimoiy taʼminot darajasini hozirgi zamon talablariga muvofiqlashtirish yuzasidan koʻrilgan choralar toʻgʻrisida xabar bersinlar.

3. Mazkur qarorning bajarilishini nazorat qilish Bosh vazir oʻrinbosari S. Saidqosimov zimmasiga yuklansin.