Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi va “Buxgalteriya hisobi toʻgʻrisida”gi qonunlariga muvofiq Oʻzbekiston Respublikasi Markaziy banki boshqaruvi qaror qiladi:

1. Nobank kredit tashkilotlarida buxgalteriya hisobini yuritish tartibi toʻgʻrisidagi yoʻriqnoma 1-ilovaga muvofiq tasdiqlansin.

2. Ayrim idoraviy normativ-huquqiy hujjatlar 2-ilovaga muvofiq oʻz kuchini yoʻqotgan deb topilsin.

3. Mazkur qaror rasmiy eʼlon qilingan kundan eʼtiboran kuchga kiradi.

Mazkur Yoʻriqnoma mikromoliya tashkilotlari, lombardlar hamda ipotekani qayta moliyalashtirish tashkilotlari (bundan buyon matnda nobank kredit tashkiloti deb yuritiladi) uchun buxgalteriya hisobini yuritish va buxgalteriya ishlarini tashkil qilish tartibini belgilaydi.

1. Mazkur Yoʻriqnomada buxgalteriya operatsiyalarini amalga oshirish, rasmiylashtirish, hisobini yuritish va nazorat qilish boʻyicha belgilangan talablar barcha nobank kredit tashkilotlari uchun majburiydir.

2. Mikromoliya tashkilotlari va lombardlar Oʻzbekiston Respublikasining qonunchilik hujjatlari va mazkur Yoʻriqnomaga, ipotekani qayta moliyalashtirish tashkilotlari (bundan buyon matnda ipoteka tashkiloti deb yuritiladi) Oʻzbekiston Respublikasining qonunchilik hujjatlari, Moliyaviy hisobotlarning xalqaro standartlari va mazkur Yoʻriqnomaga muvofiq oʻz hisob siyosatini ishlab chiqishi, tasdiqlashi va amalda qoʻllashi, shuningdek ish xususiyatlaridan kelib chiqqan holda hujjatlar aylanish tartibini belgilashi lozim.

3. Nobank kredit tashkilotining buxgalteriya operatsiyalarini hisobvaraqlarda aks ettirish mazkur Yoʻriqnomaning 1-ilovasida keltirilgan Nobank kredit tashkilotlarida buxgalteriya hisobi hisobvaraqlari rejasiga (bundan buyon matnda Hisobvaraqlar rejasi deb yuritiladi) muvofiq amalga oshiriladi.

4. Nobank kredit tashkilotining rahbari (bundan buyon matnda rahbar deb yuritiladi) hisob siyosati ishlab chiqilishini, ichki nazorat tartibini, buxgalteriya hisobi toʻliq va ishonchli yuritilishini, hisob hujjatlarining but saqlanishini tashkil etish, moliyaviy hisobotning tayyorlanishini, soliq hisobotining va boshqa moliyaviy hujjatlarning tayyorlanishini, hisob-kitoblar oʻz vaqtida amalga oshirilishini, shuningdek Oʻzbekiston Respublikasining Markaziy banki (bundan buyon matnda Markaziy bank deb yuritiladi) tomonidan belgilangan talablarga rioya etilishini taʼminlashi shart.

5. Nobank kredit tashkilotining buxgalteriya hisobi xizmatiga bosh buxgalter yoki buxgalteriya hisobi va moliyaviy boshqarish vazifalarini amalga oshiruvchi boshqa mansabdor shaxs (bundan buyon matnda bosh buxgalter deb yuritiladi) rahbarlik qiladi.

6. Bosh buxgalter lavozimga rahbar tomonidan tayinlanadi va ozod qilinadi.

7. Bosh buxgalter lavozimga tayinlanayotganda yoki lavozimidan ozod qilinayotganda, buxgalteriya hisobi va hisoboti ahvolini aks ettiruvchi qabul qilish-topshirish dalolatnoma rasmiylashtiriladi. Dalolatnoma qabul qiluvchi va topshiruvchi bosh buxgalterlar tomonidan imzolanadi va rahbar tomonidan tasdiqlanadi. Agar ishlab turgan bosh buxgalter vafot etgan yoki boshka sabablarga koʻra qabul qilish-topshirish jarayonida ishtirok eta olmasa, qabul qilish-topshirish dalolatnomasi rahbar va ishni yangi qabul qiluvchi bosh buxgalter tomonidan imzolanadi.

8. Nobank kredit tashkilotida pul mablagʻlari va tovar-moddiy boyliklarni qabul qilish hamda berish uchun asos boʻlib xizmat qiladigan hujjatlar, shuningdek kredit va hisob-kitob majburiyatnomalari rahbar va bosh buxgalter yoki shunday vakolat berilgan boshqa shaxslar tomonidan imzolanadi. Bu vakolatli shaxslarga hujjatlarni imzolash huquqining berilishi rahbarning buyrugʻi bilan rasmiylashtiriladi.

9. Bosh buxgalteri zimmasiga pul mablagʻlari va moddiy boyliklar uchun bevosita moddiy javobgarlik bilan bogʻliq vazifalar, shuningdek rahbar vaqtincha ishda boʻlmaganda uning vazifalarini bajarib turish yuklatilishi mumkin emas.

10. Bosh buxgalter vaqtincha ishda boʻlmaganda (xizmat safarida, taʼtilda, kasallik va shu kabilarda) bosh buxgalterning vazifalarini bajarish bosh buxgalter oʻrinbosari zimmasiga, oʻrinbosar ham ishda boʻlmaganda rahbarning buyrugʻiga asosan moliyaviy operatsiyalarni biluvchi malakali boshqa xodim zimmasiga yuklatiladi.

11. Bosh buxgalter vazifalariga quyidagilar kiradi:

buxgalteriya hisobi hisobvaraqlarida operatsiyalarning kunlik oʻz vaqtida va toʻgʻri aks ettirilishi;

moliyaviy va nazoratga oid hisobotlarni toʻgʻri, haqqoniy va oʻz vaqtida tuzilishini hamda belgilangan muddatlarda tegishli organlarga taqdim etilishini taʼminlash;

buxgalteriya hujjatlarining but saqlanishi, ularning belgilangan tartibda rasmiylashtirilishi va arxivga topshirilishini taʼminlash;

boshqa boʻlinmalari bilan birgalikda buxgalteriya hisobi va hisoboti maʼlumotlari asosida moliyaviy faoliyatni tahlil qilish;

moddiy va moliyaviy resurslardan oqilona, tejamkorlik bilan foydalanilishi hamda mulkning but saqlanishi ustidan doimiy nazorat olib borish;

nobank kredit tashkiloti faoliyatida uning moliyaviy holatiga taʼsir etuvchi yuzaga kelgan yoki yuzaga kelishi mumkin boʻlgan pul mablagʻlari va tovar-moddiy boyliklardan samarasiz yoki noqonuniy foydalanilishi, amaldagi qonunchilik talablarini buzilishi holatlari boʻyicha rahbarga axborot berish;

rahbarning buyrugʻiga asosan manfaatlar toʻqnashuvini yuzaga keltirmaydigan boshqa vazifalar.

12. Nobank kredit tashkilotining buxgalteriya hisobi xizmati xodimlarining lavozim vazifalari ishlab chiqilib, rahbar tomonidan tasdiqlangan boʻlishi zarur. Buxgalteriya xizmati xodimlariga uning lavozim majburiyatlariga muvofiq maʼlum vazifalarni bajarish yuklatiladi.

13. Bosh buxgalter muhrlar, shtamplar va qatʼiy hisobda turuvchi blanklardan foydalanishda, ularning yoʻqolishi yoki suiisteʼmolchilik maqsadlarida foydalanish sharoitiga imkon bermaslik uchun seyfda saqlanishini taʼminlashi shart.

14. Jamlanma va tahliliy hisob operatsiyalari alohida buxgalteriya hisobi registrlarida qayd etiladi. Sintetik hisob yuritishda bosh kitobdan va analitik hisob yuritishda yordamchi kitoblardan foydalaniladi.

15. Bosh kitob bu ikkinchi tartibli balans hisobvaraqlari rejasi nomenklaturasiga mos ikkinchi tartibli hisobvaraqlari guruhi boʻlib, u moliyaviy hisobotlarni tayyorlashda ishlatiladigan yigʻma maʼlumotlarni aks ettiradi. Bosh kitobda har bir hisobvaraq boʻyicha kun boshiga qoldiq, kun davomida amalga oshirgan operatsiyalarning debet va kredit aylanmasi va kun oxiriga qoldiq summalari aks ettiriladi.

16. Yordamchi kitob hisobvaraqlariga nisbatan olganda bosh kitob hisobvaraqlari nazorat hisobvaraqlari hisoblanadi.

17. Yordamchi kitoblar bosh kitob hisobvaraqlariga ochiladigan shaxsiy hisobvaraqlar, shuningdek alohida mablagʻlar turi va qimmatliklar boʻyicha yuritiladigan kartochka, kitob yoki jurnallar hisoblanadi va ularda buxgalteriya operatsiyalari batafsil va toʻliq aks ettiriladi. Yordamchi kitoblarning shakli va turlari tashkilot tomonidan mustaqil belgilanadi hamda dasturiy yoʻl bilan yuritilishi mumkin.

18. Barcha kunlik operatsiyalar yordamchi kitobda xronologik tartibda aks ettiriladi. Yordamchi kitob uchun manba boʻlib, pul hisob-kitob hujjatlari va boshqa buxgalteriya birlamchi hujjatlar hisoblanadi.

19. Yordamchi kitoblar Hisobvaraqlar rejasi nomenklaturasiga mos ikkinchi tartibli balans hisobvaraqlari boʻyicha har oy uchun alohida yuritilishi lozim.

20. Bosh va yordamchi kitoblarda hech qanday tuzatishlar qilinishiga ruxsat etilmaydi. Oʻchiruvchi suyuqliklar yordamida, shuningdek, summalarni oʻchirib yozish va tuzatish yoʻli bilan tuzatishlar kiritish taqiqlanadi.

21. Ichki operatsiyalarni amalga oshirishda mazkur yoʻriqnomaning 2-ilovasiga muvofiq memorial orderdan foydalaniladi.

Aniqlangan xato yozuvlar ushbu xato yozuvlar kiritilgan hisobvaraqlarga teskari yozuvlar kiritish yoʻli bilan (storno usulida) tuzatish memorial orderlarini tuzish asosida tuzatiladi.

Tuzatish memorial orderi matnida qachon va qaysi hujjatda xatoga yoʻl qoʻyilgani koʻrsatilishi kerak, asos boʻlgan hujjatga (ariza, bildirishnoma, xat va boshqalar) havola berilishi va ilova qilinishi kerak.

22. Boshlangʻich hisob hujjatlari hamda buxgalteriya hisobi registrlari texnika vositalaridan, axborot tizimlaridan va axborot texnologiyalaridan foydalanilgan holda elektron hujjat tarzida yaratilishi, ishlov berilishi, taqdim etilishi va saqlanishi mumkin.

23. Hisob registrlari texnika vositalaridan, axborot tizimlaridan va axborot texnologiyalaridan foydalangan holda yuritilganda, kirim va chiqim kassa orderlarini qayd etish boʻyicha yordamchi kitob har bir ish kuni uchun, bosh kitob har oy uchun alohida qogʻozga chop etilib, xronologik tartibda tikiladi, oʻsib borish tartibida raqamlanadi hamda varaqlar soni koʻrsatilgan holda rahbar va bosh buxgalter tomonidan imzolanadi.

24. Yordamchi kitoblarda aks ettirilgan moliyaviy-xoʻjalik faoliyati natijalari har oy oxirida har bir hisobvaraqning debet va krediti boʻyicha aylanma summasi jamlanadi va hisobot davrining oxiriga qoldiq chiqariladi.

25. Hisobga olish davri moliyaviy operatsiyalar amalga oshirilgan vaqtdan boshlanib, moliyaviy hisobotlarni tuzish va hisobvaraqlarni yopishgacha boʻlgan hisob jarayonining ketma-ket bosqichini oʻz ichiga oladi.

26. Hisobga olish davri quyidagi bosqichlardan iborat:

birlamchi hujjatlarni rasmiylashtirish (pul hisob-kitob hujjatlari va boshqa hujjatlar);

yordamchi kitoblarda operatsiyalarni roʻyxatga olish;

yordamchi kitoblardagi jami summani kunlik bosh kitobga oʻtkazish;

bosh kitob asosida moliyaviy hisobotni tayyorlash.

28. Kirim va chiqim kassa operatsiyalari ustidan nazorat qilish bosh buxgalter yoki uning oʻrinbosari tomonidan yoki rahbar buyrugʻiga asosan tashkilotning boshqa masʼul shaxsi tomonidan amalga oshiriladi.

29. Naqd pul mablagʻlarini kassadan berishda, mazkur Yoʻriqnomaning 3-ilovasiga muvofiq shaklda bir nusxada chiqim kassa orderi rasmiylashtiriladi, chiqim kassa orderlarini qayd etish boʻyicha yordamchi kitobga tegishli yozuvlar kiritiladi, tashkilot rahbari va bosh buxgalter tomonidan imzolanadi hamda kassaga topshiriladi.

30. Naqd pul mablagʻlarini kassaga kirim qilishda, mazkur Yoʻriqnomaning 4-ilovasiga muvofiq shaklda bir nusxada kirim kassa orderini rasmiylashtiriladi, kirim kassa orderlarini qayd etish boʻyicha yordamchi kitobga tegishli yozuvlar kiritiladi. Kirim kassa orderi pul mablagʻlarini topshiruvchi va bosh buxgalter tomonidan imzolanib, kassaga topshiriladi.

31. Kirim va chiqim kassa orderlari masʼul shaxsning kirim va chiqim boʻyicha maxsus shtamplari bilan tasdiqlanadi.

32. Kassir kun oxiriga kassa qoldigʻini chiqarib, bosh buxgalterga kassir hisoboti sifatida yirtib olingan ikkinchi varaqni (kassa daftaridagi bir kunlik yozuvlar nusxasini) kirim va chiqim kassa orderlari bilan birgalikda taqdim qiladi.

Oʻz navbatida, bosh buxgalter tomonidan kirim va chiqim kassa orderlarini qayd etish jurnallaridagi yozuvlar kassir hisobotidagi maʼlumotlar bilan hamda kun oxiriga chiqarilgan kassa qoldigʻi kassada haqiqatda mavjud boʻlgan naqd pul mablagʻlari summasi bilan solishtiriladi.

Solishtirish natijasi toʻla mos kelganda bosh buxgalter kassa daftariga imzo chekadi. Shundan soʻng, kun davomida amalga oshirilgan kassa operatsiyalari buxgalteriya hisobi hisobvaraqlarida aks ettiriladi.

Solishtirish natijasi mos kelmaganda, kamomad summasi “Xodimlar bilan boʻladigan hisob-kitoblardagi undirib olinishi lozim boʻlgan mablagʻlar” hisobvaragʻining debetiga, ortiqcha pul mablagʻlari “Boshqa foizsiz daromadlar” hisobvaragʻining kreditiga olib boriladi.

33. Mikromoliya tashkiloti, lombard va mijoz oʻrtasida kredit (shuningdek, mikrokredit, mikroqarz, lizing) shartnomasi imzolangan sanada mijozga kredit hisobvaragʻi ochiladi.

34. Amaldagi kredit shartnomalari buxgalteriyada bosh buxgalter javobgarligi ostida saqlanadi. Soʻndirilgan shartnomalar joriy arxivda qonunchilik hujjatlarida belgilangan muddat davomida saqlanadi.

35. Mikromoliya tashkiloti, lombard tomonidan berilgan kredit mablagʻlari hamda ular boʻyicha hisoblangan foizlar hisobi hisobvaraqlar rejasiga asosan yuritiladi.

36. Kredit boʻyicha foizlarni hisoblash mikromoliya tashkiloti, lombard hamda mijoz oʻrtasida tuzilgan kredit shartnomasiga asosan qoldiq miqdoriga nisbatan kunlik hisoblanadi.

37. Kreditlar boʻyicha foizlar kredit berilgan kundan boshlab hisoblanadi hamda kredit soʻndirilgan kun uchun foizlar hisoblanmaydi. Foizlarni toʻlash tartibi va muddatlari kredit shartnomasi bilan belgilanadi.

39. Foizlar balansdan hisobdan chiqarilganidan soʻng, foizlarni keyingi hisoblash faqat balansdan tashqari hisobvaraqlarda kredit shartnomasida belgilangan muddat davomida amalga oshiriladi.

41. Lombard tomonidan ajratilgan kredit garov bilan taʼminlanmagan holatga kelganda (garov narsasi yoʻqotilganda, oʻgʻirlanganda, fors-major holatlarda) mazkur kreditlar oʻz taʼminotini yoʻqotgan deb hisoblanadi va ular boʻyicha 100 foiz miqdorida koʻrilishi mumkin boʻlgan zararlarni qoplash zaxirasi shakllantiriladi.

42. Aktivlar boʻyicha koʻrilishi mumkin boʻlgan zararlarni qoplash zaxirasiga oʻtkazmalar tegishli xarajatlar hisobvaraqlari orqali amalga oshiriladi.

43. Aktivlar boʻyicha koʻrilishi mumkin boʻlgan zararlarni qoplash zaxirasini kamaytirish xarajat hisobvaraqlarini kamaytirish (zaxira hisobot davridan oldingi davrida shakllantirilgan boʻlsa daromad hisobvaragʻini oshirish) orqali amalga oshiriladi.

44. Yuqori boshqaruv organ qarori asosida tegishli zaxiralar hisobidan hisobdan chiqarilgan kreditlar hisobi balansdan tashqari hisobvaraqlarda yuritiladi.

45. Aktivlar balansdan tashqari hisobvaraqlarida kamida 3 yil mobaynida yuritiladi.

Balansdan tashqari hisobvaraqlarda hisobi yuritilayotgan aktiv va unga hisoblangan foizlar yuqori boshqaruv organning qarori asosida belgilangan tartibda hisobdan chiqariladi.

46. Hisobdan chiqarilgan aktivlar boʻyicha mijoz tomonidan toʻlov amalga oshirilganda, ushbu summalar tegishli daromad hisobvaraqlarida aks ettiriladi.

Bunda, agar amalga oshirilgan toʻlov summasi qarz oluvchi jismoniy shaxsga yoki qarz oluvchi tadbirkorlik subyektiga ajratilgan mikroqarz yoki kredit boʻyicha majburiyatlarni bajarish uchun yetarli boʻlmasa, qarz oluvchining qarzi quyidagi navbatda qoplanadi:

1) asosiy qarz boʻyicha muddati oʻtgan qarzdorlik va muddati oʻtgan foiz toʻlovlari mutanosib ravishda;

2) joriy davr uchun hisoblangan foizlar va joriy davr uchun asosiy qarz boʻyicha qarzdorlik;

3) neustoyka (jarima, penya);

4) kreditorning qarzdorlikni uzish bilan bogʻliq boʻlgan boshqa xarajatlari.

47. Kredit taʼminoti sifatida garovga yoki saqlovga qabul qilingan mol-mulklar, mulkiy huquqlar hamda qimmatli qogʻozlar hisobi balansdan tashqari hisobvaraqlarda yuritiladi.

48. Garovga qoʻyilgan yoki saqlovga qabul qilingan mol-mulk sotilishidan tushgan mablagʻlar qarz oluvchi jismoniy shaxsga yoki qarz oluvchi tadbirkorlik subyektiga ajratilgan mikroqarz yoki kredit boʻyicha majburiyatlarni bajarish uchun yetarli boʻlmasa, qarz oluvchining qarzi quyidagi navbatda qoplanadi:

1) asosiy qarz boʻyicha muddati oʻtgan qarzdorlik va muddati oʻtgan foiz toʻlovlari mutanosib ravishda;

2) joriy davr uchun hisoblangan foizlar va joriy davr uchun asosiy qarz boʻyicha qarzdorlik;

3) neustoyka (jarima, penya);

4) kreditorning qarzdorlikni uzish bilan bogʻliq boʻlgan boshqa xarajatlari.

49. Garovga qoʻyilgan mol-mulk sotilishidan tushgan mablagʻlar kredit boʻyicha talabni qondirishga yetarli boʻlmasa, yetmagan summa miqdorida shakllantirilgan koʻrilishi mumkin boʻlgan zararlarni qoplash zaxirasi hisobidan hisobdan chiqariladi.

50. Agar, kreditni soʻndirish garovga olingan mulk hisobidan, ushbu mulkka egalik huquqini olish orqali amalga oshirilsa, kreditning balans qiymati yoki garovga olingan mulkning haqqoniy qiymatidan (uni sotish bilan bogʻliq xarajatlarni chiqarib tashlagan holda) eng kami boʻyicha hisobga olinadi.

51. Oʻz faoliyatida moliyaviy xizmatlarni koʻrsatish jarayonida, ijaraga berish uchun yoki maʼmuriy maqsadlar uchun foydalaniladigan, shuningdek bir yildan ortiq vaqt mobaynida foydalanish koʻzda tutilgan moddiy aktivlar asosiy vositalar boʻlib hisoblanadi.

Rahbar hisobot yilida buyumlarni asosiy vositalar tarkibida hisobga olish uchun ular qiymatining eng kam chegarasini belgilashga haqli.

52. Asosiy vositalarga binolar, inshootlar, asbob-uskunalar, kompyuterlar, mebel, hisoblash texnikasi, transport vositalari, foydalanish huquqlarida xarid qilingan yer, kutubxona fondi va boshqalar kiritiladi.

Balansda asosiy vositalar balans (qoldiq) qiymati boʻyicha aks ettiriladi. Asosiy vositalar kirim qilinganda balansda boshlangʻich (haqiqiy) qiymati boʻyicha aks ettiriladi.

Boshlangʻich qiymatga asosiy vositani sotib olish yoki uni barpo etish (bino qurish va qurilishni tugallash) bilan bogʻliq barcha xarajatlar, shu jumladan, toʻlangan soliqlar, bojxona bojlari va yigʻimlari hamda yetkazib berish, montaj, oʻrnatish va ishga tushirish bilan bogʻliq bevosita aktivdan belgilangan maqsadda foydalana olish uchun uni ishchi holatiga keltirish bilan bogʻliq boʻlgan boshqa barcha xarajatlarning summasi kiritiladi.

Asosiy vositalarning boshlangʻich qiymati qonunchilikda belgilangan muddatlarda qayta baholanadi. Asosiy vositalarni qayta baholash bilan hisobga olgan holdagi qiymati tiklanish qiymati deyiladi.

53. Asosiy vositalarni xarid qilish bilan bogʻliq boʻlgan toʻlovlar oldindan toʻliq yoki qisman oʻtkazilganda, oʻtkazilgan summa 19909 — “Olinishi lozim boʻlgan mablagʻlar — Tovar-moddiy qimmatliklar” hisobvaragʻida hisobga olinadi.

Asosiy vositalar kelib tushganda asosiy vositalarning tegishli hisobvaragʻi debetlanadi, 19909 — “Olinishi lozim boʻlgan mablagʻlar — Tovar-moddiy qimmatliklar” hisobvaragʻi kreditlanadi.

54. Asosiy vositalar kirim qilgandan soʻng toʻlov amalga oshirilsa, asosiy vositalar uchun toʻlanishi lozim boʻlgan mablagʻlar hisobi 29802 — “Toʻlanishi lozim boʻlgan mablagʻlar — Tovar-moddiy qimmatliklar va xizmatlar uchun” hisobvaragʻida yuritiladi.

55. Tekinga olingan asosiy vositalar taʼsischilardan olinganda 30905 — “Tekinga olingan mulklar” hisobvaraqda yoki boshqa shaxslardan olinganda hamda inventarizatsiya natijasida ortiqcha aniqlangan taqdirda 45994 — “Boshqa foizsiz daromadlar” hisobvaraqda yuritiladi.

56. Asosiy vositalarga amortizatsiya ajratmalari obyekt foydalanishga topshirilganidan keyingi oydan boshlab amalga oshiriladi.

Asosiy vositalarning foydalilik xizmati muddati ichida uning boshlangʻich qiymati asosida tugatish qiymatini ayirish bilan eskirish hisoblanadi.

Tugatish qiymati deganda asosiy vositaning foydalilik xizmati muddati tugash vaqtida uni tugatish bilan bogʻliq xarajatlarni ayirgandan soʻng olinadigan qiymat hisoblanadi.

Eskirishni hisoblash quyidagi usullarda amalga oshirilishi mumkin:

toʻgʻri chiziqli hisoblash usuli;

bajarilgan ish hajmiga mutanosib ravishda hisoblash usuli;

tezlashtirilgan usul (kamayib boruvchi qoldiq usuli va yillar yigʻindi usuli).

57. Eskirishni hisoblashning tanlangan usuli hisob siyosatida belgilanishi va hisobot yili davomida oʻzgarmasligi lozim.

58. Asosiy vosita obyektlarining boshlangʻich qiymatini ularning haqiqiy qiymatiga moslashtirish maqsadida qayta baholanadi.

Agar haqiqiy qiymatni yetarlicha darajada aniqlash imkoniyati mavjud boʻlsa, barcha asosiy vositalar bitta guruh doirasida qayta baholangan qiymati boʻyicha aks ettiriladi. Qayta baholangan qiymat bu obyektlarning qayta baholash davridagi haqiqiy qiymatidan yigʻilgan eskirish va qiymatning pasayishidan koʻrilgan zarar summasi chegirib tashlangan qiymatdir.

59. Asosiy vositalarning alohida obyektlarini qayta baholashda asosiy vositalarning ushbu obyektiga tegishli barcha guruhlari qayta baholanadi. Asosiy vositalarning bir guruhi tarkibidagi obyektlar bir vaqtda qayta baholanadi.

60. Mikromoliya tashkiloti, lombard tasarrufidagi barcha asosiy vositalar, ularning xoʻjalik qaramogʻida yoki operativ boshqaruvida boʻlgan, shuningdek uchinchi tomonga ijaraga berilgan va uchinchi tomondan moliyaviy ijaraga olingan mol-mulk, foydalaniladigan va foydalanilmaydigan mol-mulk, konservatsiyada saqlanayotgan, hisobdan chiqarishga tayyorlab qoʻyilgan, lekin tegishli hujjatlar bilan rasmiylashtirilmagan, shuningdek tugallanmagan qurilish obyektlari va oʻrnatishga moʻljallangan asbob-uskunalar qayta baholanishi kerak.

Yer va tabiatdan foydalanish obyektlari qiymati qayta baholanmaydi.

61. Qayta baholash mustaqil ravishda yoki baholash faoliyati bilan shugʻullanish huquqiga ega boʻlgan baholovchi tashkilotlarni jalb qilgan holda amalga oshiriladi. Asosiy vositalar obyektining haqiqiy qiymati deb ularning bozor qiymati hisoblanadi.

62. Asosiy vositalarni qayta baholashda quyidagi usullar qoʻllaniladi:

indeks usuli;

toʻgʻridan-toʻgʻri qayta baholash usuli.

63. Qayta baholashning indeks usulida asosiy vositalarning balans qiymati va qayta baholash kuniga shu aktivlarning yigʻilgan eskirishi maʼlum indeksdan foydalanilgan holda qayta baholanadi. Shundan keyin aktivlarning qayta baholangan qiymati ularning balans qiymati va jamgʻarilgan eskirish bilan taqqoslanadi va oʻrtadagi farq summasiga tegishli buxgalteriya yozuvlari amalga oshiriladi.

64. Balans qiymati deganda aktivning jamgʻarilgan amortizatsiya va qayta baholash natijasida jamlangan zararlar chegirilgan holdagi qiymati tushuniladi.

65. Agar aktivning qayta baholangan qiymati uning balans qiymatidan ortiq boʻlsa, ushbu oshgan summa 30908 — “Boshlangʻich qiymatga nisbatan baholash qiymatining oshgan summasi” hisobvaragʻida aks ettiriladi.

66. Qayta baholashgacha boʻlgan va qayta baholangandan keyin jamgʻarilgan eskirish summalari oʻrtasidagi farq summasiga quyidagi buxgalteriya oʻtkazmasi beriladi:

Debet 30908 — “Boshlangʻich qiymatga nisbatan baholash qiymatining oshgan summasi”;

Kredit 165** — Asosiy vositalar eskirish summasining tegishli hisobvaragʻi (kontr-aktiv).

Qayta baholash natijasida asosiy vositaning oʻsgan qiymati, ushbu aktiv boʻyicha oldingi qayta baholash natijasiga koʻra xarajat sifatida hisobga olingan qismidan oshgan miqdorida daromad sifatida hisobga olinishi lozim.

67. Qayta baholash natijasida asosiy vositalarning haqiqiy qiymati kamaysa, u xarajat sifatida hisobga olinadi. Ushbu summa 30908 — “Boshlangʻich qiymatga nisbatan baholash qiymatining oshgan summasi” hisobvaragʻidan oldingi qayta baholash natijasida mazkur aktiv boʻyicha hosil boʻlgan ijobiy summadan ayirib tashlanishi lozim.

68. Bunda qayta baholashgacha boʻlgan va qayta baholangandan keyin jamlangan eskirish oʻrtasidagi farq summasiga quyidagi buxgalteriya oʻtkazmasi beriladi:

Debet 165** — Asosiy vositalar eskirish summasining tegishli hisobvaragʻi (kontr-aktiv);

Kredit 30908 — “Boshlangʻich qiymatga nisbatan baholash qiymatining oshgan summasi”.

30908 — hisobvaragʻida aks ettirilgan oldingi qayta baholash summasi yetarli boʻlmagan holda, kamayish va oldingi qayta baholash summalari oʻrtasidagi farq summasi xarajat sifatida hisobga olinadi va 55996 — “Boshqa foizsiz xarajatlar” hisobvaragʻida aks ettiriladi.

69. Asosiy vositalarning toʻliq tiklanish qiymati, alohida obyektlar qiymatini shunga oʻxshash yangi obyektlarning qayta baholash sanasida shakllangan, tegishli hujjatlar bilan tasdiqlangan bozor qiymati asosida toʻgʻridan-toʻgʻri qayta hisoblash orqali aniqlanadi.

Toʻgʻridan-toʻgʻri qayta baholash usulini qoʻllashda obyektlarning toʻliq tiklanish qiymatini tegishli hujjatlar bilan tasdiqlash uchun quyidagilardan foydalanish mumkin:

tayyorlov tashkilotlaridan va ularning maxsus dilerlaridan, tovar-xom ashyo birjalaridan, koʻchmas mulk birjalaridan oʻxshash aktivning narx (baho)lari toʻgʻrisida yozma shaklda olingan maʼlumotlar;

asosiy fondlarni sotib olish va qayta baholash kunlaridagi Markaziy bank kursiga nisbatan hisob-kitob koeffitsiyenti aniqlanadigan erkin ayirboshlanadigan valyutada sotib olingan asosiy fondlarning qiymati (tasdiqlovchi hujjat mavjud boʻlganda) toʻgʻrisidagi maʼlumotlar;

tegishli davlat tashkilotlaridagi narx (baho)lar toʻgʻrisida maʼlumotlar;

qayta baholash davrida ommaviy axborot vositalarida va maxsus adabiyotda eʼlon qilingan narx (baho)lar toʻgʻrisidagi maʼlumotlar;

baholovchi tashkilotning asosiy fondlarning qiymati toʻgʻrisidagi hisoboti.

Toʻgʻridan-toʻgʻri usul bilan asosiy vositalarni qayta baholashda, buxgalteriya hisobida tegishli asosiy vosita boʻyicha hisoblangan jamgʻarilgan eskirish summasi, shu aktivning qayta baholangandagi tiklanish qiymatini qayta baholangunga qadar boʻlgan balans qiymatiga boʻlish natijasida hosil qilinadigan koeffitsiyentga koʻpaytiriladi.

70. Qayta baholashdan keyin aktivlarning haqiqiy qiymati ularning boshlangʻich tiklanish qiymati va yigʻilgan eskirish summasi bilan taqqoslanadi va farq summalariga mazkur paragrafda belgilangan buxgalteriya oʻtkazmalari amalga oshiriladi.

71. Aktivning qayta baholangan qiymati aktivning qolgan hisoblab chiqilgan xizmat qilish muddati davomida eskirish hisoblanadi.

72. 30908 — “Boshlangʻich qiymatga nisbatan baholash qiymatining oshgan summasi” hisobvaragʻidagi qayta baholash boʻyicha aks ettirilgan ijobiy natija 31203 — “Taqsimlanmagan foyda (aktiv-passiv)” hisobvaragʻiga har oyda tegishli aktiv tiklanish qiymatining eskirish summasi bilan boshlangʻich qiymatining eskirish summasi oʻrtasidagi farqqa teng ravishda yoki ushbu aktiv foydalanishdan chiqarilganda yoki sotilganida barcha summa bir yoʻla oʻtkazilishi mumkin.

30908 — hisobvaraqdagi summani taqsimlanmagan foyda hisobvaragʻiga olib borish tartibi hisob siyosatida belgilanadi.

73. Asosiy vositalar quyidagi holatlarda balansdan chiqariladi:

tugatilganda;

sotilganda;

ayirboshlanganda;

tekinga berilganda;

boshqa tashkilot ustav fondiga berilganda;

kamomad aniqlanganda;

taʼsischilar tarkibidan taʼsischi chiqib ketganda unga ustav fondidagi ulushni mol-mulk hisobidan qaytarilganda.

Aktiv hisobdan chiqarilayotganda 30908 — hisobvaraqda mazkur aktivga tegishli qayta baholashning oshgan summasi toʻliqligicha 31203 — hisobvaraqqa oʻtkaziladi.

74. Asosiy vositalar obyektlarining chiqib ketishi yoki sotilishidan yuzaga keladigan foyda yoki zararlar aktivning chiqib ketishi yoki sotilishidan olingan tushum bilan uning balans qiymati oʻrtasidagi farq sifatida aniqlanadi. Chiqib ketish yoki sotishdan olinadigan foyda yoki zararlar aktiv hisobdan chiqarilgan paytda moliyaviy natijalar toʻgʻrisidagi hisobotda aks ettiriladi.

75. Agar asosiy vositalar foydalanishga yaroqli boʻlsa, xizmat muddati tugaganligiga qaramay, ushbu asosiy vositalardan foydalanishni davom ettirishi mumkin. Bunda asosiy vositalar balansdan hisobdan chiqarilmaydi va eskirish hisoblanmaydi.

76. Mikromoliya tashkilotlar va lombardlar asosiy vositalariga egalik huquqini tasdiqlovchi barcha hujjatlar — ularning bahosi, sugʻurta polisi va boshqa hujjatlari alohida yigʻma jildlarda saqlanishi lozim.

77. Nomoddiy aktivlar — bu nomonetar, identifikatsiya qilinadigan aktivlar boʻlib, moddiy va jism shakliga ega boʻlmagan, foydali xizmat muddati bir yildan ortiq boʻlgan, hamda ulardan mikromoliyalash xizmatlari koʻrsatishda yoki maʼmuriy maqsadlar uchun foydalanishga moʻljallangan aktivlardir.

Nomoddiy aktivlarga patentlar, mualliflik huquqlari, gudvill (goodwill), savdo markalari, kompyuter dasturiy taʼminotlari, litsenziyalar va shu kabilar tegishlidir.

Agar dasturiy taʼminot tegishli jihozning tarkibiy qismi boʻlsa, u moddiy aktiv sifatida qaraladi. Agar dasturiy taʼminot tegishli jihozning tarkibiy qismi boʻlmasa, u nomoddiy aktiv hisoblanadi.

78. Sotib olingan nomoddiy aktiv boshlangʻich (haqiqiy) qiymati boʻyicha baholanadi va hisobga olinadi. Nomoddiy aktivlarning boshlangʻich qiymatini aniqlash mazkur Yoʻriqnomaning 52-bandiga muvofiq aniqlanadi va uning oʻzgarishiga nomoddiy aktivlarning faqat qayta baholanishi natijasida ruxsat etilishi mumkin.

Nomoddiy aktivlar bilan bogʻliq xarajatlar, agar ushbu xarajatlar kelajakda shu aktivlar boʻyicha dastlabki hisoblangan meʼyorlardan yuqori iqtisodiy foyda olib kelishi mumkin boʻlsa, ularning boshlangʻich (haqiqiy) qiymatiga qoʻshilishi mumkin. Barcha boshqa xarajatlar, ular qaysi davrda yuzaga kelgan boʻlsa, oʻsha davrning joriy xarajatlari sifatida aks ettiriladi.

79. Nomoddiy aktiv balansda dastlabki qiymati boʻyicha hisobga olingandan keyin, qayta baholash sanasida, agar uning bozor bahosini aniqlash mumkin boʻlsa, nomoddiy aktiv qayta baholanadi va qayta baholangan (tiklanish) qiymati boʻyicha hisobga olinadi.

80. Qayta baholagandan soʻng nomoddiy aktivlarning qayta baholangan qiymati ularning balans qiymati va jamgʻarilgan eskirishi bilan taqqoslanadi va oʻrtadagi farq summasiga tegishli buxgalteriya yozuvlari amalga oshiriladi.

81. Agar aktivning qayta baholangan qiymati uning balans qiymatidan ortiq boʻlsa, ushbu oshgan summa 30908 — “Boshlangʻich qiymatga nisbatan baholash qiymatining oshgan summasi” hisobvaragʻida aks ettiriladi.

82. Qayta baholash natijasida nomoddiy aktivlar qiymatining oʻsgan summasi shu aktiv boʻyicha ilgarigi qayta baholashning xarajat sifatida hisobga olingan va qiymatini kamaytirgan summasini qoplaydigan qismigina daromad sifatida tan olinadi.

83. Agar aktivning qayta baholangandagi qiymati uning balans qiymatidan kamaysa, ushbu summa 30908 — “Boshlangʻich qiymatga nisbatan baholash qiymatining oshgan summasi” hisobvaragʻidan oldingi qayta baholash natijasida mazkur aktiv boʻyicha hosil boʻlgan ijobiy summadan ayirib tashlanadi, agar 30908 hisobvaraqda yetarli summa mavjud boʻlmasa, ushbu summa u xarajat hisobvaragʻiga olib boriladi.

84. 30908 — “Boshlangʻich qiymatga nisbatan baholash qiymatining oshgan summasi” hisobvaragʻidagi qayta baholash boʻyicha aks ettirilgan ijobiy natija:

har oyda tegishli aktiv tiklanish qiymatining eskirish summasi bilan boshlangʻich qiymatining eskirish summasi oʻrtasidagi farqqa teng ravishda 31203 — “Taqsimlanmagan foyda (aktiv-passiv)” hisobvaragʻiga oʻtkazib borilishi yoki ushbu aktiv foydalanishdan chiqarilganda yoki sotilganida barcha summa bir yoʻla 31203 — “Taqsimlanmagan foyda (aktiv-passiv)” hisobvaragʻiga oʻtkazilishi mumkin.

30908 — hisobvaraqdagi summani taqsimlanmagan foyda hisobvaragʻiga olib borish tartibi hisob siyosati belgilanadi.

85. Nomoddiy aktivlarga eskirish, ulardan foydalanila boshlangan oyning keyingisidan boshlab hisoblab boriladi. Nomoddiy aktivlarning eskirish summasi, ularning foydali xizmat qilish muddati davomida muntazam ravishda xarajatga oʻtkazib boriladi.

86. Nomoddiy aktivlarning foydali xizmat qilish muddati eskirish normalari yordamida aniqlanadi. Eskirish normalari aktivning boshlangʻich qiymati va foydali xizmat qilish muddatidan kelib chiqqan holda hisoblanadi.

Foydali xizmat qilish muddatini aniqlab boʻlmaydigan nomoddiy aktivlar boʻyicha eskirish normalari besh yilga, lekin lombardning faoliyat muddatidan ortiq boʻlmagan muddatga moʻljallab belgilanadi.

87. Nomoddiy aktivlarga eskirish hisoblash ushbu Yoʻriqnomaning 56-bandida belgilangan tartibda amalga oshiriladi. Eskirishni hisoblashning tanlangan usuli hisob siyosatida aniqlanishi va yil davomida oʻzgarmasligi kerak.

88. Nomoddiy aktivlarning qiymati toʻliq eskirish, fors-major holatlarda, bepul berilganda belgilangan tartibda zarar sifatida qoldiq qiymati summasiga hisobdan chiqariladi.

89. Qonunchilik hujjatlariga muvofiq lizingga berilgan aktivlarning hisobi 15600 — Lizing (moliyaviy ijara)” hisobvaraqlarida yuritiladi.

90. Lizingga berilayotgan aktiv boʻyicha debitorlik qarzni dastlabki tan olish lizing shartnomasining amal qilish muddati boshlanishida amalga oshiriladi. Balansda ushbu debitorlik qarz lizingga berilgan lizing obyektini sotib olish, uni lizing oluvchiga yetkazib berish va foydalanishga shay holga keltirish bilan bogʻliq xarajatlar yigʻindisi aktiv sifatida tan olinadi.

91. Lizing beruvchi tashkilot tomonidan amalga oshirilgan va lizing shartnomasiga muvofiq lizing oluvchi tomonidan qoplanadigan dastlabki bevosita xarajatlar lizing obyektining qiymatiga qoʻshiladi.

Lizing shartnomasiga muvofiq yuqoridagi xarajatlar lizing oluvchi tomonidan qoplanmagan taqdirda, mazkur xarajatlar yuzaga kelgan paytdagi tegishli hisobot davri xarajatlari sifatida tan olinadi.

92. Mikromoliya tashkiloti tomonidan lizingga berilayotgan aktiv boʻyicha debitorlik qarzi dastlabki tan olinganidan soʻng, keyingi hisob lizing oluvchi tomonidan toʻlanadigan lizing boʻyicha asosiy qarz summasini (dastlabki tan olingan summani) va u boʻyicha foizlarning hisobini yuritishdan iborat. Keyingi hisob lizing obyektini baholab borishni ham oʻz ichiga oladi.

93. Lizing beruvchining daromadi lizing toʻlovlari jadvaliga muvofiq tegishli hisobot davrlarida tan olinadi.

94. Lizing beruvchi tomonidan lizing boʻyicha foizli daromadlar hisoblash tamoyiliga asosan har kuni hisoblanadi.

95. Lizing shartnomasi muddati tugaganidan soʻng lizing toʻlovlarini toʻlash shartlari toʻliq bajarilgan taqdirda “Berilgan lizing” va ushbu debitorlik qarz boʻyicha hisoblangan foizlar hisobvaraqlari qoldigʻi nolga teng boʻladi.

Lizing oluvchi tomonidan lizing obyekti lizing shartnomasi muddati tugamasidan oldin sotib olingan hollarda ham ushbu hisobvaraqlardagi qoldiq nolga teng boʻladi.

96. Lizing obyekti lizing oluvchi tomonidan lizing shartnomasi shartlari buzilganligi sababli qaytarib olinganida, lizing obyekti lizing beruvchining balansida “Koʻchmas mulk va boshqa xususiy mulklar” hisobvaragʻida aks ettiriladi.

98. Lizing operatsiyalari boʻyicha koʻrilishi mumkin boʻlgan zararlarni qoplash zaxirasiga oʻtkazmalar “Lizing (moliyaviy ijara) boʻyicha koʻrilishi mumkin boʻlgan zararlarni baholash” hisobvaraq orqali xarajatga olib borilishi va joriy davr uchun moliyaviy natijalar toʻgʻrisida hisobotda aks ettiriladi.

99. Qonunchilik hujjatlariga muvofiq faktoring operatsiyalarining hisobi balans hisobvaraqlarida hamda toʻlov hujjatlarining hisobi 90966 — “Sotib olingan debitorlik qarzlari — Faktoring” balansdan tashqari hisobvaragʻining shaxsiy hisobvaragʻida yuritiladi.

101. Taraflar tomonidan faktoring (pul talabini berish) toʻgʻrisidagi shartnoma imzolanganidan keyin shartnomada shartlashilgan summa mijozning talab qilib olingungacha asosiy depozit hisobvaragʻiga, diskont summasi chegirilgan holda oʻtkazib beriladi.

102. Faktoring operatsiyalarida mijoz toʻlov talabnomasining yuqori qismida shtamp qoʻyishi yoki “Faktoring” deb yozib qoʻyishi va kredit boʻyicha moliyaviy agent faktoring hisobvaragʻining raqamini koʻrsatishi kerak.

103. Kam baholi va tez eskiruvchi buyumlar (bundan buyon matnda KTB deb yuritiladi) — bu nobank kredit tashkiloti faoliyatida foydalaniladigan va quyidagi mezonlardan biriga javob beradigan moddiy aktivlardir:

xizmat muddati bir yildan oshmaydigan;

xizmat muddatidan qatʼi nazar, (sotib olingan vaqtga) bir komplekt uchun qiymati Oʻzbekiston Respublikasida bazaviy hisoblash miqdorining ellik baravarigacha belgilangan buyumlar. Rahbar hisobot yiliga KTB tarkibida hisobini yuritish uchun buyumlar qiymatining eng kam miqdorini belgilash huquqiga ega.

KTBga devonxona va idora buyumlari, pochta hamda hujjat markalari va boshqalar kiradi.

KTB hisobi haqiqiy sotib olingan qiymati boʻyicha, bojxona bojlari va yigʻimlari, taʼminlovchi va vositachi tashkilotlarga toʻlangan vositachilik xarajatlari, soliqlar (masalan, qoʻshilgan qiymat soligʻi) va KTBni sotib olish bilan bevosita bogʻliq boʻlgan boshqa xarajatlarni hisobga olgan holda yuritiladi.

104. KTB hisobi 19921 — “Ombordagi kam baholi va tez eskiruvchi buyumlar hamda boshqa qimmatliklar” hisobvaraqda yuritiladi.

105. Ombordan KTB foydalanishga berilishi yoki hisobdan chiqarilishi ushbu KTB foydalanishga berilgan yoki kamomad aniqlangan davrda xarajat sifatida tan olinishi lozim.

106. KTB hisobi bilan bogʻliq barcha operatsiyalar hisobi va nazorati tizimdan tashqari (jurnallarda) amalga oshiriladi.

107. Xodimlardan va boshqa debitorlardan olinishi lozim boʻlgan turli xil aktivlar hisobi 19900 — “Boshqa aktivlar”ning tegishli hisobvaraqlarida yuritiladi.

108. Olinishi lozim boʻlgan aktivlarning balans hisobotida haqqoniy qiymatda aks ettirish uchun 19911 — “Koʻrilishi mumkin boʻlgan zararlarni qoplash zaxirasi — Olinishi lozim boʻlgan mablagʻlar (kontr-aktiv)” hisobvaragʻidan foydalaniladi.

109. Oldindan toʻlangan va kelajakdagi hisobot davriga tegishli boʻlgan xarajatlar vaqti-vaqti bilan inventarizatsiya qilinishi va hisobot davri davomida amortizatsiya qilinishi (xarajatga oʻtkazilishi) lozim.

Aktivlarni inventarizatsiya qilish Oʻzbekiston Respublikasi Buxgalteriya hisobining milliy standarti (19-son BHMS) “Inventarlashni tashkil etish va oʻtkazish”ga (roʻyxat raqami 833, 1999-yil 2-noyabr) asosan amalga oshiriladi.

110. Har bir olingan kredit alohida shaxsiy hisobvaraqlarda yuritiladi.

111. Toʻlanishi lozim boʻlgan kreditlar boʻyicha foizlar kredit shartnomasiga asosan har kuni hisoblanadi.

112. Lizing, lizing oluvchining moliyaviy hisobotlarida ham aktiv, ham majburiyat sifatida tan olinadi.

113. Lizingni dastlabki tan olish lizing shartnomasi muddati boshlanishida amalga oshiriladi. Bunda, lizing oluvchi lizing obyektini oʻz balansida sof investitsiya qiymati yoki uning haqqoniy qiymatining qaysi biri kichik boʻlsa oʻsha summada aks ettiradi.

114. Lizing oluvchi tomonidan amalga oshirilgan lizing obyektini sotib olish, yetkazib berish yoki belgilangan maqsadda foydalanish uchun yaroqli holga keltirish bilan bogʻliq xarajatlar lizing obyektining qiymatiga qoʻshiladi.

115. Lizing obyekti lizing oluvchi balansida aktiv va majburiyatlarning alohida moddalari sifatida aks ettirilishi lozim.

116. Lizing oluvchi tomonidan lizing dastlabki tan olingandan soʻng keyingi hisob majburiyat boʻyicha asosiy qarz summasini (dastlabki tan olingan summani) va lizing boʻyicha foizlar toʻlash hisobini yuritishdan iborat.

Keyingi hisob, lizing bilan bogʻliq barcha xavf-xatarlar lizing oluvchiga oʻtganligi sababli lizing oluvchi tomonidan lizing obyektini baholab borish, eskirishni hisoblash va shartnomada koʻzda tutilgan boshqa xarajatlarni amalga oshirish ishlarini ham oʻz ichiga oladi.

117. Dastlabki tan olishda yoki obyektni lizingga olish vaqtida lizing oluvchining lizing foizi boʻyicha xarajatlari buxgalteriya hisobida aks ettirilmaydi.

118. Lizing oluvchi tomonidan lizing toʻlovlari jadvaliga muvofiq lizing boʻyicha foizli xarajatlar har kuni hisoblanadi.

119. Agar lizing obyektiga egalik huquqi oʻtishi lizing shartnomasida belgilanmagan boʻlsa, lizing obyekti boʻyicha eskirish lizing shartnomasining amal qilish muddatidan yoki aktivning foydali xizmat qilish muddatidan qaysi biri kichik boʻlsa oʻsha muddatga hisoblanadi.

120. Lizing obyektini qayta baholash lizing oluvchi tomonidan mazkur bobning 4-paragrafiga muvofiq amalga oshiriladi.

121. Lizing oluvchi tomonidan oxirgi toʻlovlar amalga oshirilganidan keyin mulkka egalik huquqi lizing oluvchiga oʻtadi.

122. Lizing shartnomasi uning amal qilish muddatidan oldin toʻxtatilib, lizing beruvchi tomonidan lizing obyekti shartnoma shartlarida belgilangan tartibda olib qoʻyilgan taqdirda, lizing obyektini lizing beruvchiga qaytarish lizing shartnomasining amal qilish muddati toʻxtatilgan sanadagi lizing obyektining qoplanmagan qiymati summasida amalga oshiriladi.

123. Lizing obyektining hisobdan chiqarish boʻyicha moliyaviy natija (foyda yoki zarar) lizing obyektining qoldiq (balans) qiymati va lizing toʻlovlari jadvali boʻyicha qolgan qarz oʻrtasidagi farq sifatida lizing obyektining hisobdan chiqarish bilan bogʻliq boʻlgan xarajatlar summasini hisobga olgan holda aniqlanadi.

Lizing obyektining hisobdan chiqarish boʻyicha moliyaviy natija (foyda yoki zarar) aniqlanganida, oldingi qayta baholashlardagi lizing obyekti qiymatining koʻpaygan summasi 30908 — “Boshlangʻich qiymatga nisbatan baholash qiymatining oshgan summasi” hisobvaragʻining kredit qoldigʻi lizing obyektining chiqib ketishidan koʻrilgan daromad 31203 — “Taqsimlanmagan foyda (aktiv-passiv)” hisobvaragʻiga olib boriladi.

124. Olingan tovar moddiy boyliklar va koʻrsatilgan xizmatlar hamda xodimlar uchun toʻlanishi lozim boʻlgan mablagʻlar, taʼsischilarga toʻlanadigan dividendlar, operatsion ijara hamda boshqa kreditorlar oldidagi majburiyatlar hisobi 29800 — “Boshqa majburiyatlar”ning tegishli hisobvaraqlarida olib boriladi.

125. Ushbu hisobvaraqlardagi mablagʻlarni inventarizatsiya qilish Oʻzbekiston Respublikasi Buxgalteriya hisobining milliy standarti (19-son BHMS) “Inventarlashni tashkil etish va oʻtkazish”ga (roʻyxat raqami 833, 1999-yil 2-noyabr) asosan amalga oshiriladi.

126. Moliyaviy yilning yakunida barcha daromad va xarajatlar hisobvaraqlari qoldiqlari 31206 — “Sof foyda (zarar) (aktiv-passiv)” hisobvaragʻiga oʻtkazish orqali yopilishi lozim. Bunda daromad hisobvaraqlari 31206 hisobvaraqning kreditiga, xarajatlar hisobvaraqlari 31206 hisobvaraqning debetiga olib boriladi.

127. Soʻngra 31206 — “Sof foyda (zarar) (aktiv-passiv)” hisobvaragʻidagi qoldiq 31203 — “Taqsimlanmagan foyda (aktiv-passiv)” hisobvaragʻiga oʻtkaziladi.

128. Taqsimlanmagan foyda kapitalning zarur ajratmalari yoki zaxiralar (fondlar) tuzatishlari summasiga debetlanadi (kamayadi) yoki kreditlanadi (koʻpayadi). Boshqa hollarda taqsimlanmagan foydaga oldingi hisobot davriga tegishli boʻlgan faqat katta summalar boʻyicha tuzatishlar kiritilgan taqdirdagina oʻzgartirishlar kiritilishi mumkin.

129. Moliyaviy hisobotlarga muhim tuzatishlar kiritish arifmetik xatoliklar, maʼlumotlardan notoʻgʻri foydalanish yoki yanglishish, buxgalteriya hisobi tamoyillari va qoidalarini qoʻllashda xatoliklar oqibatida yuzaga kelishi mumkin.

130. Ustavda nazarda tutilgan, zaxira fondiga ajratmalar har yili sof foydadan ajratmalar qilish yoʻli bilan shakllantiriladi.

131. Daromadlar va xarajatlari hisobi Hisobvaraqlar rejasining tegishli hisobvaraqlarida yuritiladi.

132. Daromadlar va xarajatlar, toʻlangan vaqti va pul kelib tushgan sanadan qatʼi nazar, qaysi davrga taalluqli boʻlsa, oʻsha hisobot davrida hisoblab yozish tamoyiliga muvofiq aks ettiriladi.

133. Shartnomani tuzish bilan bogʻliq boʻlgan hamda qoplanadigan qoʻshimcha xarajatlar aktiv sifatida tan olinadi.

134. Ipoteka tashkilotida pul mablagʻlari va tovar-moddiy boyliklarni qabul qilish hamda berish uchun asos boʻlib xizmat qiladigan hujjatlar, shuningdek kredit va hisob-kitob majburiyatnomalari rahbar va bosh buxgalter yoki shunday vakolat berilgan boshqa shaxslar tomonidan imzolanadi. Bu vakolatli shaxslarga hujjatlarni imzolash huquqining berilishi tashkilot rahbarining buyrugʻi bilan rasmiylashtiriladi.

135. Ipoteka tashkilotida kassa operatsiyalarini amalga oshirish tartibi amaldagi qonunchilikka muvofiq ipoteka tashkiloti tomonidan belgilangan tartibda amalga oshiriladi.

136. Ipoteka tashkilotida kredit operatsiyalari hisobi hamda kredit taʼminoti sifatida garovga qabul qilingan mulk va mulkiy huquqlar hisobi mazkur Yoʻriqnomaning 3-bobi ikkinchi va uchinchi paragraflarida belgilangan tartibda amalga oshiriladi.

137. Ipoteka tashkilotining aktivlari (banklarga ajratilgan resurslar, banklarga joylashtirilgan depozitlari) “qoniqarsiz”, “shubhali” yoki “umidsiz” deb topilganda, bunday aktivlar boʻyicha foizlarni balans hisobvaraqlarida hisoblash toʻxtatiladi va teskari buxgalteriya oʻtkazmasi berilgan holda, foizlarni hisoblash balansdan tashqari hisobvaraqlariga oʻtkaziladi va keyingi hisoblash balansdan tashqari hisobvaraqlarda amalga oshiriladi.

138. Ipoteka tashkilotining aktivlari boʻyicha ehtimoliy yoʻqotishlarni qoplash zaxiralari Ipotekani qayta moliyalashtirish tashkilotlari faoliyatini muvofiqlashtirish va tartibga solish toʻgʻrisidagi nizom (roʻyxat raqami 3219, 2020-yil 10-fevral) talablari asosida shakllantiriladi.

139. Ipoteka tashkilotining moliyaviy aktivlari va majburiyatlari, asosiy vositalari, nomoddiy aktivlari, kam baholi va tez eskiruvchi buyumlarining hisobi va hisobdan chiqarilishi amaldagi qonunchilik hujjatlari va moliyaviy hisobotning xalqaro standartlariga asosan amalga oshiriladi.

140. Ipoteka tashkilotida moddiy boyliklarning amalda mavjudligini va ularning saqlanishini nazorat qilish uchun ular davriy ravishda, lekin kamida yilda bir marta rahbar tomonidan belgilangan tartibda inventarizatsiyadan oʻtkaziladi.

141. Nobank kredit tashkilotining chet el valyutasidagi operatsiyalari boʻlib quyidagilar hisoblanadi:

mol-mulkni (asosiy vositalar, nomoddiy aktivlar va tovar-moddiy qiymatliklar) chet el valyutasida sotib olinishi (sotilishi);

toʻlov summasi chet el valyutasida belgilangan aktivlarning sotib olinishi (berilishi/sotilishi);

chet el valyutasida ifodalangan majburiyatlarning qabul qilinishi (toʻlanishi).

142. Jismoniy shaxslarga chet el valyutasida kreditlar (qarzlar) berish va kreditlar (qarzlar) boʻyicha ularning majburiyatlarini chet el valyutasida hisobga olish taqiqlanadi.

143. Chet el valyutasida ifodalangan aktivlar va majburiyatlar buxgalteriya hisobida chet el valyutasida amalga oshirilgan operatsiya sanasidagi Markaziy bank kursi boʻyicha milliy valyuta — soʻmda qayta baholanadi.

144. Nobank kredit tashkiloti balansining valyuta moddalari har oyda hisobot oyining oxirgi sanasidagi va chet el valyutasidagi operatsiyalar amalga oshirilgan sanadagi Markaziy bank kursi boʻyicha qayta baholanadi.

145. Chet el valyutasidagi operatsiyalar boʻyicha Bosh va Yordamchi kitoblar har bir valyutaning turi boʻyicha alohida-alohida hisoblarda yuritiladi.

146. Koʻp valyutali buxgalteriya hisobi tizimida nobank kredit tashkilotining asosiy vositalari, kapitali, daromadlari va xarajatlarining hisobi faqat milliy valyutada yuritiladi.

147. Chet el valyutasidagi aktiv va majburiyatlarni qayta baholashda yuzaga kelgan kurs farqlari natijasida yuzaga kelgan foyda 45401 — “Spot” bitimi boʻyicha xorijiy valyutalardagi foyda” va zararlar 55302 — “Spot” bitimlari boʻyicha xorijiy valyutalarda koʻrilgan zararlar” hisobvaraqlariga olib boriladi.

148. Buxgalteriya hujjatlarining qatʼiy saqlanishi taʼminlashi shart. Hujjatlarini saqlash yuzasidan mazkur hujjatda belgilangan tartibga rioya etilishi boʻyicha javobgarlik rahbar va bosh buxgalter zimmasiga yuklatiladi. Rahbar hujjatlarni saqlash uchun maʼlum joy ajratib berishi lozim. Hujjatlarni yigʻib, alohida yigʻmajildlarga tikishni rahbar tomonidan tayinlangan xodim (masʼul xodim) amalga oshiradi.

149. Buxgalteriya hujjatlari har ish kuni boʻyicha xronologik tartibda shakllantirilib, bir oylik hujjatlar alohida yigʻmajildga tikilgan holda saqlanadi.

Kunlik kirim va chiqim kassa orderlari kassa daftaridagi bir kunlik yozuvlar nusxasi bilan birga har ish kuni boʻyicha xronologik tartibda shakllantiriladi va ip oʻtkazilib tikilgan holda saqlanadi.

150. Oylik yigʻmajildlarga quyidagi hujjatlar tikiladi:

bankdagi depozit hisobvaragʻi koʻchirmasi;

pul oʻtkazish boʻyicha amalga oshirilgan operatsiyalar uchun asos boʻlgan toʻlov topshiriqnomalari;

mazkur Yoʻriqnomaning 5-ilovasiga muvofiq ichki operatsiyalar boʻyicha amalga oshirilgan operatsiyalar uchun asos boʻlgan memorial orderlar roʻyxati;

kirim va chiqim kassa jurnallari oʻrnatilgan tartibda rasmiylashtirilgan holda tikiladi;

belgilangan tartibda rasmiylashtirilgan oylik bosh kitob;

boshqa birlamchi hujjatlar.

151. Masʼul xodim har bir ish kuni boʻyicha yigʻmajildlarda amalga oshirilgan buxgalteriya operatsiyalariga tegishli barcha hujjatlar mavjudligini sinchiklab tekshirishi lozim.

Yakunlangan kun uchun hujjatlar ertangi kundan kechiktirilmay shakllantirilishi zarur. Keyingi kun boshlangunga qadar hujjatlar temir javonda saqlanishi lozim.

152. Nobank kredit tashkiloti mijozlar bilan amalga oshirilgan operatsiyalar toʻgʻrisidagi axborotni, mijozlar bilan yozishmalarni, shuningdek mijozlarni identifikatsiyalash maʼlumotlarini va mijozlarni lozim darajada tekshirishga doir materiallarni mijozlar bilan amaliy ish munosabatlari toʻxtatilganidan keyin kamida besh yil mobaynida saqlashlari shart.

153. Quyidagi hujjatlar kassada, omborda yoki temir shkaflarda saqlanishi shart:

tugagan yil uchun yillik hisobotning tegishli imzolar bilan rasmiylashtirilgan nusxasi hamda soʻnggi tugagan hisobot davri uchun balans va uning barcha ilovalari;

oxirgi 12 oy uchun kassa hujjatlari;

buxgalteriya hisobi registrlari (agar qogʻoz shaklda yuritilgan boʻlsa).

154. Buxgalteriya hisobiga tegishli hujjatlar arxivga topshirilguniga qadar, buxgalteriyaning stellajlar va temir javonlar bilan jihozlangan hujjatlarni saqlash uchun ajratilgan joyda (joriy arxivda) saqlanishi kerak. Masʼul xodim joriy arxivda hujjatlar but saqlanishi va daxlsizligi uchun javob beradi.

155. Joriy arxivda saqlanayotgan hujjatlarga doir maʼlumotlar kassa hujjatlari boʻyicha javobgar xodim huzurida, bosh buxgalter imzolagan talabnomalar asosida, joriy arxiv uchun masʼul xodim qatnashuvida olinadi. Maʼlumot olish uchun ruxsat berilgan xodim kassir yoki joriy arxiv uchun masʼul xodim kuzatuvida ishlashi lozim. Joriy arxiv uchun javobgar xodim maʼlumot olishga ruxsat berilgan xodimlar tomonidan hujjatlarga biror-bir tuzatuv yozuvlarini kiritmasligini kuzatib turishlari shart.

156. Mijozlarga tegishli va boshqa pul hisob-kitob hujjatlari qonunchilik hujjatlariga muvofiq sud va tergov organlarining yozma talabi asosida faqat rahbarning ruxsati bilan olinishi mumkin.

157. Hujjatning asl nusxasi olinayotganda bu haqda ikki nusxada dalolatnoma yoki bayonnoma tuzilib, unga rahbar, bosh buxgalter va hujjatni talab qilgan organ vakili imzo chekadi. Dalolatnoma yoki bayonnomada ayni qanday hujjat olinayotgani, uni kimning talabiga va ruxsatiga koʻra olinayotgani aniq koʻrsatilishi kerak. Dalolatnoma yoki bayonnomaning ikkinchi nusxasi yuqorida aytilgan vakilga topshiriladi.

158. Olingan toʻlov hujjatining asl nusxasi oʻrniga bosh buxgalter tomonidan tasdiqlangan nusxasi, shuningdek hujjatning asl nusxasini olayotgan shaxs tomonidan imzolangan bayonnomaning birinchi nusxasi va hujjatni olish xususidagi talabnoma qoʻyiladi. Hujjat olinganligi toʻgʻrisida bosh buxgalter shu hujjat turgan yigʻmajildning muqovasiga yozib, imzo chekadi.

159. Turli sanalarga tegishli toʻlov hujjatlari bir vaqtning oʻzida olingan hollarda, bu hujjatlarning barchasi uchun bitta dalolatnoma yoki bayonnoma tuzilib, unga shu hujjatlar roʻyxati kiritiladi. Ushbu hujjatlarning biri oʻrniga uning nusxasi, hujjatni olish toʻgʻrisidagi talabnoma, dalolatnoma yoki bayonnomaning birinchi nusxasi qoʻyiladi, boshqalarining oʻrniga esa, shu hujjatlar nusxalari qoʻyilib, ularda hujjatni olish toʻgʻrisidagi talabnoma qayerda saqlanayotganligi yoziladi.

160. Elektron baza maʼlumotlarining toʻliqligi, ishonchliligi va toʻgʻri arxivlanishi uchun rahbar, bosh buxgalter va arxivlashni amalga oshiradigan masʼul xodim shaxsan javobgar hisoblanadi.

161. Nobank kredit tashkilotida buxgalteriya hisobi elektron baza maʼlumotlari har kuni arxivlanib, tashqi saqlovchi qurilmaga yozib boriladi hamda masʼul shaxs javobgarligi ostida seyfda saqlanadi.

162. Buxgalteriya hisobi registrlaridagi maʼlumotlar va elektron baza maʼlumotlari oʻzaro mos boʻlishi kerak.

163. Mazkur Yoʻriqnoma talablarining buzilishida aybdor boʻlgan shaxslar qonunchilik hujjatlariga muvofiq javobgar boʻladilar.

1. Nobank kredit tashkilotlarida buxgalteriya hisobining hisobvaraqlar rejasi (bundan buyon matnda Hisobvaraqlar rejasi deb yuritiladi) Oʻzbekiston Respublikasi Fuqarolik kodeksi, “Buxgalteriya hisobi toʻgʻrisida”gi, “Oʻzbekiston Respublikasining Markaziy banki toʻgʻrisida”gi qonunlari talablari hamda Moliyaviy hisobotlarning xalqaro standartlari asosida ishlab chiqilgan boʻlib, u nobank kredit tashkilotlarida buxgalteriya hisobini yuritish va tashkil etishning yagona metodologik asoslarini belgilab beradi. Nobank kredit tashkilotida buxgalteriya hisobi ular qonunchilik hujjatlariga muvofiq yuridik shaxs sifatida roʻyxatdan oʻtkazilgan vaqtdan boshlab qayta tashkil etilgunga yoki tugatilgunga qadar uzluksiz ravishda yuritiladi.

2. Hisobvaraqlar rejasi operatsiyalarning hisobini yuritish, tahlil qilish, guruhlash va ularga doir hisobotlarni tuzishda qoʻllanadigan bosh kitob hisobvaraqlari roʻyxatidan iboratdir.

3. Hisobvaraqlar rejasi mikromoliya tashkiloti, lombard va ipoteka tashkiloti uchun umumiy tartibda keltirilgan boʻlib, ushbu tashkilotlar faoliyatini tartibga soluvchi qonunchilik hujjatlari talablaridan kelib chiqib, tegishli hisobvaraqlardan foydalanadilar.

4. Xatolarni toʻgʻrilash va hisob siyosatidagi oʻzgarishlar boʻyicha tuzatishlar kiritishda, hisobvaraqlarning taʼriflarida koʻzda tutilmagan boʻlsa ham hisobvaraqlarning debet va kreditlari boʻyicha tuzatish oʻtkazmalari berishga ruxsat beriladi.

5. Hisobvaraqlar rejasi buxgalteriya hisobining koʻp valyutali tizimiga asoslangan boʻlib, chet el valyutasidagi operatsiyalarning hisobi yuritilishi mumkin boʻlgan barcha hisobvaraqlarda chet el valyutasidagi operatsiyalar hisobini aks ettirish imkonini beradi. Har bir valyuta turi boʻyicha sintetik hisobni yuritish uchun alohida Bosh kitob, analitik hisobni yuritish uchun esa yordamchi kitoblar ochiladi. Har bir valyuta boʻyicha yordamchi kitoblardagi summalar yigʻindisi bosh kitoblarning tegishli balans hisobvaraqlaridagi summalar yigʻindisiga mos kelishi kerak.

6. Nobank kredit tashkiloti tomonidan amalga oshiriladigan har bir operatsiya tegishli valyuta turi boʻyicha bosh va yordamchi kitoblarda roʻyxatga olinishi kerak. Hisobot sanasida bosh kitoblarning chet el valyutalari boʻyicha jami summalari milliy valyutaga oʻtkaziladi va hisobot davri davomida amalga oshirilgan barcha operatsiyalar boʻyicha tashkilotning jamlanma balansi tuziladi.

7. Hisobvaraqlarni kodlashtirish quyidagi maqsadlar uchun ishlab chiqilgan:

hisobvaraqlarning bosh va yordamchi kitoblarda joylanishini yengillashtirish;

hisobvaraqlarni bir tizimda tasniflash va guruhlashga yordam berish;

hisob jarayonlarini avtomatlashtirishni yengillashtirish;

operatsiyalar yozuvini tezlashtirish.

8. Balans hisobvaraqlarining bosh kitobda kodlashtirilish tizimi quyidagi sxema boʻyicha beshta belgidan iboratligi qabul qilingan:

Raqamli kodlashtirishga quyidagi zarur shartlar joylashtirilgan:

jamlanma hisobvaraqlar uchun MM va/yoki SS nol raqamlariga ega (masalan, 10000 — “Aktivlar”, 10100 — “Kassadagi naqd pul” va boshqalar);

“Aktivlar” boʻlimidagi “...zararlarni qoplash zaxirasi” sarlavhali subhisobvaraqlar uchun SS oʻrnida 99 raqam qabul qilingan.

9. Yordamchi kitobda shaxsiy hisobvaraqlar 20 razryad (raqam)dan iborat boʻladi va quyidagi sxema boʻyicha kodlashtiriladi:

SMMSS VVV KXXXXXXXNNN

bunda:

SMMSS — Bosh kitobning balans hisobvaragʻi;

VVV — valyuta kodi;

K — nazorat kaliti;

XXXXXXXX — hisobvaraqning unikal kodi;

NNN — shu balans hisobvaragʻi boʻyicha shaxsiy hisobvaraqning tartib raqami.

10. Bosh kitobning balans hisobvaragʻi raqami hisobvaraqlar rejasiga muvofiq aniqlanadi, valyuta kodi “Jahon mamlakatlari va valyutalar tasniflagichi”ga asosan belgilanadi, nazorat kalitini tashkilot oʻzi hisoblab chiqaradi, shaxsiy hisobvaraqning tartib raqami doimo “001” dan “999” gacha boʻlgan tartib raqami bilan belgilanadi.

11. Yuridik shaxslarga va yakka tartibdagi tadbirkorlarga hisobvaraqlar, ularning bankdagi hisobvaraqlari boʻyicha Bank depozitorlarining milliy axborot bazasida berilgan unikal kodi bilan, jismoniy shaxslarga hisobvaraqlar “6XXXXXXX” tartibida har bir jismoniy shaxs uchun alohida ixtiyoriy shakllantirilgan xos raqam bilan ochiladi. Bunda, jismoniy shaxslarga hisobvaraqlar jismoniy shaxs shaxsiy identifikatsion raqami asosida ochiladi.

12. Hisobvaraqlar rejasida har bir hisobvaraqning aktiv yoki passiv boʻlishi aniq belgilab qoʻyilgan, aktiv-passiv qoldiqlarga ega boʻladigan ayrim hisobvaraqlar bundan mustasno. Aktiv hisobvaraqlarga “Aktivlar”, “Xarajatlar” va “Balansdan tashqari hisobvaraqlar” boʻlimlaridagi hisobvaraqlar, passiv hisobvaraqlarga “Majburiyatlar”, “Kapital” va “Daromadlar” boʻlimlaridagi hisobvaraqlar taalluqlidir.

13. Aktivlarning real qiymatini aks ettirish maqsadida “Aktivlar” boʻlimiga kontr-aktiv hisobvaraqlari, majburiyatlarning real qiymatini aks ettirish maqsadida esa “Majburiyatlar” boʻlimiga kontr-passiv hisobvaraqlar kiritilgan.

14. “Balansdan tashqari hisobvaraqlar” boʻlimiga operatsiyalarni ikki yoqlama yozuv uslubi boʻyicha aks ettirish va amalga oshirilgan operatsiyalarning toʻgʻriligini qoʻshimcha nazorat qilish imkonini beruvchi kontr-aktiv hisobvaraqlar kiritilgan.

15. “Balansdan tashqari” hisobvaraqlarida hisob ikki yoqlama yozuv usulida yuritiladi. Bunda har bir asosiy hisobvaraq yoki asosiy hisobvaraqlar guruhi uchun kontr-hisobvaraqlar mavjud boʻlib, ulardan faqat buxgalteriya hisobi maqsadlari uchungina foydalaniladi. Balans hisoboti yoki shu kabi boshqa moliyaviy hisobotlarda asosiy hisobvaraqlar aks ettirilib, kontr-hisobvaraqlardagi maʼlumotlari koʻrsatilmaydi.

16. Baʼzi hisobvaraqlardan tashqari “Aktivlar” likvidlilik, “Majburiyatlar” esa muddatlilik tamoyillariga asosan tasniflangan.

17. Mazkur hisobvaraqlar rejasida har bir ikkinchi tartibli balans hisobvaragʻi uchun hisobvaraq taʼrifi berilgan boʻlib, unda hisobvaraqning debeti va krediti boʻyicha qanday operatsiyalarni aks ettirish hamda analitik hisobini yuritish koʻrsatilgan. Batafsil analitik hisob yuritish uchun nobank kredit tashkiloti shaxsiy hisobvaraqlardan tashqari qoʻshimcha jurnal hisobi va reyestrlar yuritishi mumkin.

18. “Daromadlar” va “Xarajatlar” boʻlimi uchun analitik hisob koʻrsatilmagan boʻlib, ushbu boʻlimlardagi hisobvaraqlar nobank kredit tashkilotining ichki hisobvaraqlari hisoblanadi. Ushbu hisobvaraqlarda analitik hisobni yuritish Markaziy bank talablari va hisob siyosatidan kelib chiqqan holda belgilanadi.

Kodi — Nomi

10100 Kassadagi naqd pullar

10101 Kassadagi naqd pullar

10109 Yoʻldagi naqd pullar

10300 Oʻzbekiston Respublikasi Markaziy bankidan (OʻzRMB) olinishi lozim boʻlgan mablagʻlar

10301 OʻzRMBdagi talab qilib olinguncha saqlanadigan depozitlar

10305 OʻzRMBdagi jamgʻarma depozitlar

10307 OʻzRMBdagi muddatli depozitlar

10313 OʻzRMBdagi boshqa mablagʻlar

10500 Boshqa banklarga qoʻyilgan depozitlar va boshqa mablagʻlar

10503 Boshqa banklarga qoʻyilgan talab qilib olinguncha saqlanadigan depozitlar

10505 Boshqa banklarga qoʻyilgan jamgʻarma depozitlar

10507 Boshqa banklarga qoʻyilgan muddatli depozitlar

10509 Yoʻldagi naqdsiz mablagʻlar

10513 Boshqa banklarga qoʻyilgan boshqa mablagʻlar

10599 Koʻrilishi mumkin boʻlgan zararlarni qoplash zaxirasi — Boshqa banklardan olinishi lozim boʻlgan mablagʻlar (kontr-aktiv)

10700 Haqqoniy qiymati boʻyicha baholanib, qiymatdagi oʻzgarishi daromad/xarajatlarga olib boriladigan qimmatli qogʻozlarga qilingan investitsiyalar

10701 Davlat xazina veksellari

10705 Davlat obligatsiyalari

10709 OʻzRMBning obligatsiyalari va boshqa qarz qimmatli qogʻozlari

10779 Boshqa qimmatli qogʻozlar

10791 Haqqoniy qiymati boʻyicha baholanib, qiymatdagi oʻzgarishi daromad/xarajatlarga olib boriladigan qimmatli qogʻozlar boʻyicha diskont (kontr-aktiv)

10793 Haqqoniy qiymati boʻyicha baholanib, qiymatdagi oʻzgarishi daromad/xarajatlarga olib boriladigan qimmatli qogʻozlar boʻyicha mukofot

10795 Haqqoniy qiymati boʻyicha baholanib, qiymatdagi oʻzgarishi daromad/xarajatlarga olib boriladigan qimmatli qogʻozlar haqqoniy qiymatining oʻzgarishi

10799 Koʻrilishi mumkin boʻlgan zararlari qoplash zaxirasi — Haqqoniy qiymati boʻyicha baholanib, qiymatdagi oʻzgarishi daromad/xarajatlarga olib boriladigan qimmatli qogʻozlar (kontr-aktiv)

10800 Haqqoniy qiymati boʻyicha baholanib, qiymatdagi oʻzgarishi boshqa jami daromadga olib boriladigan qimmatli qogʻozlarga qilingan investitsiyalar

10801 Davlat xazina veksellari

10805 Davlat obligatsiyalari

10809 OʻzRMBning obligatsiyalari va boshqa qarz qimmatli qogʻozlari

10879 Boshqa qimmatli qogʻozlar

10889 Haqqoniy qiymati boʻyicha baholanib, qiymatdagi oʻzgarishi boshqa jami daromadga olib boriladigan qarz qimmatli qogʻozlarni xarid qilish boʻyicha xarajatlar

10891 Haqqoniy qiymati boʻyicha baholanib, qiymatdagi oʻzgarishi boshqa jami daromadga olib boriladigan qimmatli qogʻozlarga qilingan investitsiyalar boʻyicha diskont (kontr-aktiv)

10893 Haqqoniy qiymati boʻyicha baholanib, qiymatdagi oʻzgarishi boshqa jami daromadga olib boriladigan qimmatli qogʻozlarga qilingan investitsiyalar boʻyicha mukofot

10895 Haqqoniy qiymati boʻyicha baholanib, qiymatdagi oʻzgarishi boshqa jami daromadga olib boriladigan qimmatli qogʻozlarga qilingan investitsiyalar haqqoniy qiymatining oʻzgarishi

10899 Koʻrilishi mumkin boʻlgan zararlarni qoplash zaxirasi — Haqqoniy qiymati boʻyicha baholanib, qiymatdagi oʻzgarishi boshqa jami daromadga olib boriladigan qimmatli qogʻozlarga qilingan investitsiya (kontr-aktiv)

11100 Sotib olingan debitorlik qarzlari — Faktoring

11101 Sotib olingan debitorlik qarzlari — Faktoring

11103 Muddati oʻtgan sotib olingan debitorlik qarzlari — Faktoring

11105 Sud jarayonidagi sotib olingan debitorlik qarzlari — Faktoring

11195 Sotib olingan debitorlik qarzlari — Faktoring boʻyicha diskont (kontr-aktiv)

11199 Sotib olingan debitorlik qarzlari — Faktoring boʻyicha koʻrilishi mumkin boʻlgan zararlarni qoplash zaxirasi (kontr-aktiv)

11800 REPO bitimlari boʻyicha sotib olingan qimmatli qogʻozlar

11801 REPO bitimlari boʻyicha OʻzRMBdan sotib olingan qimmatli qogʻozlar

11803 REPO bitimlari boʻyicha boshqa banklardan sotib olingan qimmatli qogʻozlar

11805 REPO bitimlari boʻyicha hukumatdan sotib olingan qimmatli qogʻozlar

11897 REPO bitimlari boʻyicha boshqa qarzdorlardan sotib olingan qimmatli qogʻozlar

11899 Koʻrilishi mumkin boʻlgan zararlarni qoplash zaxirasi — REPO bitimlari boʻyicha sotib olingan qimmatli qogʻozlar (kontr-aktiv)

12100 Banklarga berilgan qisqa muddatli kreditlar

12101 Banklarga berilgan qisqa muddatli kreditlar

12105 Banklarga berilgan muddati oʻtgan kreditlar

12109 Banklarga berilgan shartlari qayta koʻrib chiqilgan qisqa muddatli kreditlar

12199 Koʻrilishi mumkin boʻlgan zararlarni qoplash zaxirasi — Banklarga berilgan qisqa muddatli kreditlar (kontr-aktiv)

12400 Jismoniy shaxslarga berilgan qisqa muddatli kreditlar (mikroqarzlar)

12401 Jismoniy shaxslarga berilgan qisqa muddatli kreditlar (mikroqarzlar)

12405 Jismoniy shaxslarga berilgan muddati oʻtgan kreditlar (mikroqarzlar)

12409 Jismoniy shaxslarga berilgan shartlari qayta koʻrib chiqilgan qisqa muddatli kreditlar (mikroqarzlar)

12411 Oʻzini oʻzi band qilgan shaxslarga berilgan qisqa muddatli kreditlar (mikroqarzlar)

12499 Koʻrilishi mumkin boʻlgan zararlarni qoplash zaxirasi — Jismoniy shaxslarga berilgan qisqa muddatli kreditlar (mikroqarzlar) (kontr-aktiv)

12500 Yakka tartibdagi tadbirkorlarga berilgan qisqa muddatli mikrokreditlar

12501 Yakka tartibdagi tadbirkorlarga berilgan qisqa muddatli mikrokreditlar

12505 Yakka tartibdagi tadbirkorlarga berilgan muddati oʻtgan mikrokreditlar

12509 Yakka tartibdagi tadbirkorlarga berilgan shartlari qayta koʻrib chiqilgan qisqa muddatli mikrokreditlar

12599 Koʻrilishi mumkin boʻlgan zararlarni qoplash zaxirasi — Yakka tartibdagi tadbirkorlarga berilgan qisqa muddatli mikrokreditlar (kontr-aktiv)

12700 Yuridik shaxslarga berilgan qisqa muddatli mikrokreditlar

12701 Yuridik shaxslarga berilgan qisqa muddatli mikrokreditlar

12705 Yuridik shaxslarga berilgan muddati oʻtgan mikrokreditlar

12709 Yuridik shaxslarga berilgan shartlari qayta koʻrib chiqilgan qisqa muddatli mikrokreditlar

12799 Koʻrilishi mumkin boʻlgan zararlarni qoplash zaxirasi — Yuridik shaxslarga berilgan qisqa muddatli mikrokreditlar (kontr-aktiv)

13200 Bank boʻlmagan moliyaviy muassasalarga berilgan qisqa muddatli kreditlar

13201 Bank boʻlmagan moliyaviy muassasalarga berilgan qisqa muddatli kreditlar

13205 Bank boʻlmagan moliyaviy muassasalarga berilgan muddati oʻtgan kreditlar

13209 Bank boʻlmagan moliyaviy muassasalarga berilgan shartlari qayta koʻrib chiqilgan qisqa muddatli kreditlar

13299 Koʻrilishi mumkin boʻlgan zararlarni qoplash zaxirasi — Bank boʻlmagan moliyaviy muassasalarga berilgan qisqa muddatli kreditlar (kontr-aktiv)

14500 Banklarga berilgan uzoq muddatli kreditlar

14501 Banklarga berilgan uzoq muddatli kreditlar

14505 Banklarga berilgan shartlari qayta koʻrib chiqilgan uzoq muddatli kreditlar

14599 Koʻrilishi mumkin boʻlgan zararlarni qoplash zaxirasi — Banklarga berilgan uzoq muddatli kreditlar (kontr-aktiv)

14800 Jismoniy shaxslarga berilgan uzoq muddatli kreditlar (mikroqarzlar)

14801 Jismoniy shaxslarga berilgan uzoq muddatli kreditlar (mikroqarzlar)

14809 Jismoniy shaxslarga berilgan shartlari qayta koʻrib chiqilgan uzoq muddatli kreditlar (mikroqarzlar)

14811 Oʻzini oʻzi band qilgan shaxslarga berilgan uzoq muddatli kreditlar (mikroqarzlar)

14899 Koʻrilishi mumkin boʻlgan zararlarni qoplash zaxirasi — Jismoniy shaxslarga berilgan uzoq muddatli kreditlar (mikroqarzlar) (kontr-aktiv)

14900 Yakka tartibdagi tadbirkorlarga berilgan uzoq muddatli mikrokreditlar

14901 Yakka tartibdagi tadbirkorlarga berilgan uzoq muddatli mikrokreditlar

14909 Yakka tartibdagi tadbirkorlarga berilgan shartlari qayta koʻrib chiqilgan uzoq muddatli mikrokreditlar

14999 Koʻrilishi mumkin boʻlgan zararlarni qoplash zaxirasi — Yakka tartibdagi tadbirkorlarga berilgan uzoq muddatli mikrokreditlar (kontr-aktiv)

15100 Yuridik shaxslarga berilgan uzoq muddatli mikrokreditlar

15101 Yuridik shaxslarga berilgan uzoq muddatli mikrokreditlar

15109 Yuridik shaxslarga berilgan shartlari qayta koʻrib chiqilgan uzoq muddatli mikrokreditlar

15199 Koʻrilishi mumkin boʻlgan zararlarni qoplash zaxirasi — Yuridik shaxslarga berilgan uzoq muddatli mikrokreditlar (kontr-aktiv)

15400 Bank boʻlmagan moliyaviy muassasalarga berilgan uzoq muddatli kreditlar

15401 Bank boʻlmagan moliyaviy muassasalarga berilgan uzoq muddatli kreditlar

15405 Bank boʻlmagan moliyaviy muassasalarga berilgan shartlari qayta koʻrib chiqilgan uzoq muddatli kreditlar

15499 Koʻrilishi mumkin boʻlgan zararlarni qoplash zaxirasi — Bank boʻlmagan moliyaviy muassasalarga berilgan uzoq muddatli kreditlar (kontr-aktiv)

15500 Ipoteka krediti boʻyicha olingan huquqlar

15501 Ipoteka krediti boʻyicha olingan huquqlar

15505 Ipoteka krediti boʻyicha olingan huquqlar — Muddati oʻtgan toʻlovlar

15599 Koʻrilishi mumkin boʻlgan zararlarni qoplash zaxirasi — Ipoteka krediti boʻyicha olingan huquqlar (kontr-aktiv)

15600 Lizing (moliyaviy ijara)

15607 Lizing

15617 Muddati oʻtgan lizing

15619 Shartlari qayta koʻrib chiqilgan lizing

15699 Koʻrilishi mumkin boʻlgan zararlarni qoplash zaxirasi — Lizing (moliyaviy ijara) (kontr-aktiv)

15700 Sud jarayonidagi kreditlar

15701 Jismoniy shaxslarga berilgan sud jarayonidagi kreditlar (mikroqarzlar)

15703 Yakka tartibdagi tadbirkorlarga berilgan sud jarayonidagi mikrokreditlar

15705 Notariusning ijro xati olingan muddati oʻtgan kreditlar

15707 Yuridik shaxslarga berilgan sud jarayonidagi mikrokreditlar

15709 Sud jarayonidagi lizing

15711 Banklarga berilgan sud jarayonidagi kreditlar

15713 Bank boʻlmagan moliyaviy muassasalarga berilgan sud jarayonidagi kreditlar

15715 Ipoteka krediti boʻyicha olingan huquqlar boʻyicha sud jarayonidagi kreditlar

15799 Koʻrilishi mumkin boʻlgan zararlarni qoplash zaxirasi — Sud jarayonidagi kreditlar (kontr-aktiv)

15800 Shuʼba moliya tashkilotlariga qilingan investitsiyalar

15801 Shuʼba moliya tashkilotlariga qilingan investitsiyalar

15899 Koʻrilishi mumkin boʻlgan zararlarni qoplash zaxirasi — Shuʼba moliya tashkilotlariga qilingan investitsiyalar (kontr-aktiv)

15900 Amortizatsiyalanadigan qiymati boʻyicha baholanadigan investitsiyalar

15901 Davlat xazina veksellari

15905 Davlat obligatsiyalari

15909 OʻzRMBning obligatsiyalari va boshqa qarz qimmatli qogʻozlari

15979 Boshqa qarz qimmatli qogʻozlar

15989 Amortizatsiyalanadigan qiymati boʻyicha baholanadigan qarz qimmatli qogʻozlarni xarid qilish boʻyicha xarajatlar

15991 Amortizatsiyalanadigan qiymati boʻyicha baholanadigan qarz qimmatli qogʻozlar boʻyicha diskont (kontr-aktiv)

15993 Amortizatsiyalanadigan qiymati boʻyicha baholanadigan qarz qimmatli qogʻozlar boʻyicha mukofot

15999 Koʻrilishi mumkin boʻlgan zararlarni qoplash zaxirasi — Amortizatsiyalanadigan qiymati boʻyicha baholanadigan qarz qimmatli qogʻozlarga qilingan investitsiyalar (kontr-aktiv)

16100 Bosh ofis/filialdan olinadigan mablagʻlar

16101 Bosh ofis/filialdan olinadigan mablagʻlar — Naqd pullar

16103 Bosh ofis/filialdan olinadigan mablagʻlar — Naqdsiz mablagʻlar

16109 Bosh ofis/filialdan olinadigan mablagʻlar — Float

16117 Bosh ofis/filialdan olinadigan mablagʻlar — Tovar-moddiy qimmatliklar va xizmatlar

16300 Olinishi lozim boʻlgan hisoblangan foizlar

16301 Banklardagi depozitlar boʻyicha olinishi lozim boʻlgan hisoblangan foizlar

16307 Jismoniy shaxslarga berilgan kreditlar (mikroqarzlar) boʻyicha olinishi lozim boʻlgan hisoblangan foizlar

16309 Yuridik shaxslar va yakka tartibdagi tadbirkorlarga berilgan kreditlar (mikrokreditlar) boʻyicha olinishi lozim boʻlgan hisoblangan foizlar

16311 Haqqoniy qiymati boʻyicha baholanib, qiymatdagi oʻzgarishi daromad/xarajatlarga olib boriladigan qimmatli qogʻozlari boʻyicha olinishi lozim boʻlgan hisoblangan foizlar

16313 Haqqoniy qiymati boʻyicha baholanib, qiymatdagi oʻzgarishi boshqa jami daromadga olib boriladigan qimmatli qogʻozlarga qilingan investitsiyalar boʻyicha olinishi lozim boʻlgan hisoblangan foizlar

16315 Amortizatsiyalanadigan qiymati boʻyicha baholanadigan qarz qimmatli qogʻozlarga qilingan investitsiyalar boʻyicha olinishi lozim boʻlgan hisoblangan foizlar

16323 Lizing (moliyaviy ijara) boʻyicha olish uchun hisoblangan foizlar

16377 Muddati oʻtgan hisoblangan foizlar

16399 Koʻrilishi mumkin boʻlgan zararlarni qoplash zaxirasi — olinishi lozim boʻlgan hisoblangan foizlar (kontr-aktiv)

16400 Olinishi lozim boʻlgan hisoblangan foizsiz daromadlar

16401 Olinishi lozim boʻlgan hisoblangan vositachilik haqi va koʻrsatilgan xizmatlar uchun toʻlovlar

16405 Olinishi lozim boʻlgan hisoblangan jarima va penyalar

16409 Operatsion ijara boʻyicha hisoblangan daromad

16413 Olinishi lozim boʻlgan hisoblangan boshqa foizsiz daromad

16499 Koʻrilishi mumkin boʻlgan zararlarni qoplash zaxirasi — Olinishi lozim boʻlgan hisoblangan foizsiz daromadlar (kontr-aktiv)

16500 Asosiy vositalar

16501 Yer

16505 Tugallanmagan qurilishlar

16509 Xususiy imoratlar — Binolar va boshqa inshootlar

16511 Yigʻilgan eskirish summasi — Binolar va boshqa inshootlar (kontr-aktiv)

16515 Obyektni ijaraga olish va uni takomillashtirish huquqi

16519 Yigʻilgan eskirish summasi — Obyektni ijaraga olish va uni takomillashtirish huquqi (kontr-aktiv)

16529 Transport vositalari

16531 Yigʻilgan eskirish summasi — Transport vositalari (kontr-aktiv)

16535 Mebel, moslama va jihozlar

16539 Yigʻilgan eskirish summasi — Mebel, moslama va jihozlar (kontr-aktiv)

16549 Operatsion ijaraga berilgan asosiy vositalar

16551 Operatsion ijaraga berilgan asosiy vositalarning yigʻilgan eskirish summasi (kontr-aktiv)

16561 Ombordagi asosiy vositalar

16563 Yigʻilgan eskirish summasi — Ombordagi asosiy vositalar (kontr-aktiv)

16575 Olingan kreditlar boʻyicha garovga qoʻyilgan asosiy vositalar

16579 Olingan kreditlar boʻyicha garovga qoʻyilgan asosiy vositalarning yigʻilgan eskirish summasi (kontr-aktiv)

16600 Nomoddiy aktivlar

16601 Nomoddiy aktivlar

16605 Yigʻilgan eskirish summasi — Nomoddiy aktivlar (kontr-aktiv)

16609 Oʻrnatish va yaratish jarayonidagi nomoddiy aktivlar

16617 Gudvill

16699 Koʻrilishi mumkin boʻlgan zararlarni qoplash zaxirasi — Oʻrnatish va yaratish jarayonidagi nomoddiy aktivlar (kontr-aktiv)

16700 Boshqa xususiy mulklar

16701 Boshqa xususiy mulklar

16707 Yigʻilgan eskirish summasi — boshqa xususiy mulklar (kontr-aktiv)

16799 Koʻrilishi mumkin boʻlgan zararlarni qoplash zaxirasi — Boshqa xususiy mulklar (kontr-aktiv)

16900 Hosilaviy instrumentlarning revalvatsiyasi natijasida oʻzlashtirilmagan foyda

16901 Revalvatsiya natijasida oʻzlashtirilmagan foyda — Forvard shartnomalari

16905 Revalvatsiya natijasida oʻzlashtirilmagan foyda — Opsionlar

16909 Revalvatsiya natijasida oʻzlashtirilmagan foyda — Fyucherslar

16913 Revalvatsiya natijasida oʻzlashtirilmagan foyda — Svoplar

17100 Valyuta savdosi va valyuta pozitsiyalari

17101 Valyuta pozitsiyasi hisobvaraqlari

19900 Boshqa aktivlar

19901 Mayda xarajatlar

19907 Xizmatlar uchun oldindan toʻlangan xarajatlar

19908 Olinishi lozim boʻlgan mablagʻlar — Xodimlar bilan hisob-kitoblar

19909 Olinishi lozim boʻlgan mablagʻlar — Tovar-moddiy qimmatliklar

19911 Koʻrilishi mumkin boʻlgan zararlarni qoplash zaxirasi — Olinishi lozim boʻlgan mablagʻlar (kontr-aktiv)

19921 Ombordagi kam baholi va tez eskiruvchi buyumlar hamda boshqa qimmatliklar

19925 Oldindan toʻlangan xarajatlar

19929 Boshqa muddati uzaytirilgan xarajatlar

19931 Muddati uzaytirilgan soliqlar

19933 Muddati uzaytirilgan soliqlar boʻyicha baholangan zaxira (kontr-aktiv)

19939 Olinishi lozim boʻlgan dividendlar

19941 Tugatilgan va tugatilish jarayonida boʻlgan banklardagi mablagʻlar

19945 Koʻrilishi mumkin boʻlgan zararlarni qoplash zaxirasi — Tugatilgan va tugatilish jarayonida boʻlgan banklardagi mablagʻlar (kontr-aktiv)

19995 Sud jarayonidagi boshqa aktivlar

19997 Boshqa aktivlar

19999 Koʻrilishi mumkin boʻlgan zararlarni qoplash zaxirasi — Boshqa aktivlar (kontr-aktiv)

20000 MAJBURIYATLAR

20600 Taʼminotga qabul qilingan bank depozitlari

20610 Taʼminotga qabul qilingan bank depozitlari

21400 Jalb qilingan qarz mablagʻlar

21402 Taʼsischilarning qarz mablagʻlari

21404 Boshqa shaxslardan jalb qilingan qarz mablagʻlari

21600 Toʻlanishi lozim boʻlgan qisqa muddatli kreditlar

21606 Banklarga toʻlanishi lozim boʻlgan qisqa muddatli kreditlar

21610 Hukumatga toʻlanishi lozim boʻlgan qisqa muddatli kreditlar

21612 Davlatning maqsadli jamgʻarmalaridan toʻlanishi lozim boʻlgan qisqa muddatli kreditlar

21614 Bank boʻlmagan moliyaviy muassasalarga toʻlanishi lozim boʻlgan qisqa muddatli kreditlar

21618 Nodavlat notijorat tashkilotlaridan toʻlanishi lozim boʻlgan qisqa muddatli kreditlar

21622 Xalqaro moliyaviy institutlardan toʻlanishi lozim boʻlgan qisqa muddatli kreditlar

21626 Chet ellik investorlardan toʻlanishi lozim boʻlgan qisqa muddatli kreditlar

21696 Boshqa kreditorlarga toʻlanishi lozim boʻlgan qisqa muddatli kreditlar

22000 Toʻlanishi lozim boʻlgan uzoq muddatli kreditlar

22006 Banklarga toʻlanishi lozim boʻlgan uzoq muddatli kreditlar

22010 Hukumatga toʻlanishi lozim boʻlgan uzoq muddatli kreditlar

22012 Davlatning maqsadli jamgʻarmalaridan toʻlanishi lozim boʻlgan uzoq muddatli kreditlar

22014 Bank boʻlmagan moliyaviy muassasalarga toʻlanishi lozim boʻlgan uzoq muddatli kreditlar

22018 Nodavlat notijorat tashkilotlaridan toʻlanishi lozim boʻlgan uzoq muddatli kreditlar

22022 Xalqaro moliyaviy institutlardan toʻlanishi lozim boʻlgan uzoq muddatli kreditlar

22026 Chet ellik investorlardan toʻlanishi lozim boʻlgan uzoq muddatli kreditlar

22096 Boshqa kreditorlarga toʻlanishi lozim boʻlgan uzoq muddatli kreditlar

22100 Lizing (moliyaviy ijara) boʻyicha majburiyatlar

22102 Banklar oldidagi lizing boʻyicha majburiyatlar

22104 Boshqa lizing beruvchilar oldidagi lizing boʻyicha majburiyatlar

22200 Bosh ofis/filialga toʻlanadigan mablagʻlar

22202 Bosh ofis/filialga toʻlanadigan mablagʻlar — Naqd pullar

22204 Bosh ofis/filialga toʻlanadigan mablagʻlar — Naqdsiz mablagʻlar

22210 Bosh ofis/filialga toʻlanadigan mablagʻlar — Float

22218 Bosh ofis/filialdan olinadigan mablagʻlar — Tovar-moddiy qimmatliklar va xizmatlar

22300 REPO bitimlari boʻyicha sotilgan qimmatli qogʻozlar

22302 REPO bitimlari boʻyicha OʻzRMBga sotilgan qimmatli qogʻozlar

22304 REPO bitimlari boʻyicha boshqa banklarga sotilgan qimmatli qogʻozlar

22306 REPO bitimlari boʻyicha hukumatga sotilgan qimmatli qogʻozlar

22396 REPO bitimlari boʻyicha boshqa kreditorlarga sotilgan qimmatli qogʻozlar

22400 Toʻlanishi lozim boʻlgan hisoblangan foizlar

22402 Taʼsischilarning qarz mablagʻlari boʻyicha hisoblangan foizlar

22404 Boshqa shaxslardan jalb qilingan qarz mablagʻlari boʻyicha hisoblangan foizlar

22408 Lizing (moliyaviy ijara) boʻyicha toʻlanishi lozim boʻlgan hisoblangan foizlar

22410 Olingan kreditlar boʻyicha toʻlanishi lozim boʻlgan hisoblangan foizlar

22412 Boshqa majburiyatlar boʻyicha toʻlanishi lozim boʻlgan hisoblangan foizlar

22414 Chiqarilgan qimmatli qogʻozlar boʻyicha toʻlanishi lozim boʻlgan hisoblangan foizlar

22476 Shartnomaga koʻra toʻlash uchun hisoblab yozilgan, biroq muddatida toʻlanmagan foizlar

22496 Boshqa majburiyatlar boʻyicha hisoblangan foizlar

22500 Hisoblangan soliqlar

22502 Hisoblangan foyda soligʻi

22504 Hisoblangan boshqa soliqlar

22506 Toʻlash uchun ushlab qolingan soliqlar

22508 Muddati uzaytirilgan soliqlar

22510 Ijtimoiy soliq boʻyicha hisob-kitoblar

22512 Boshqa jamgʻarmalar bilan hisob-kitoblar

22800 Hosilaviy instrumentlar boʻyicha revalvatsiya natijasida amalga oshmagan zararlar va boshqa muddati uzaytirilgan daromadlar

22802 Revalvatsiya natijasida amalga oshmagan zararlar — Forvard shartnomalari

22806 Revalvatsiya natijasida amalga oshmagan zararlar — Opsionlar

22810 Revalvatsiya natijasida amalga oshmagan zararlar — Fyucherslar

22811 Revalvatsiya natijasida amalga oshmagan zararlar — Svoplar

22812 Kelgusi davr foizli daromadlari

22814 Grant mablagʻlari

22896 Boshqa muddati uzaytirilgan daromadlar

23600 Chiqarilgan qimmatli qogʻozlar

23602 Chiqarilgan obligatsiyalar

23608 Chiqarilgan veksellar

23610 Chiqarilgan boshqa qimmatli qogʻozlar

23696 Chiqarilgan qimmatli qogʻozlar boʻyicha mukofot

23698 Chiqarilgan qimmatli qogʻozlar boʻyicha diskont (kontr-passiv)

29800 Boshqa majburiyatlar

29801 Mijozlar bilan hisob-kitoblar

29802 Toʻlanishi lozim boʻlgan mablagʻlar — Tovar-moddiy qimmatliklar va xizmatlar uchun

29803 Toʻlanishi lozim boʻlgan mablagʻlar — Xodimlar bilan hisob-kitoblar

29805 Toʻlanishi lozim boʻlgan mablagʻlar — Ijara toʻlovi (operatsion ijara)

29806 Toʻlash uchun hisoblangan boshqa foizsiz xarajatlar

29807 Toʻlanishi lozim boʻlgan dividendlar

29808 Litsenziya badallari boʻyicha hisoblangan mablagʻlar

29830 Ustav kapitalini oshirish boʻyicha depozitlar

29896 Boshqa majburiyatlar

30000 XUSUSIY KAPITAL

30300 Ustav kapitali

30301 Ustav kapitali

30303 Aksiyalar uchun obuna boʻyicha olinishi lozim boʻlgan mablagʻlar — Imtiyozli (kontr-passiv)

30306 Aksiyalar uchun obuna boʻyicha olinishi lozim boʻlgan mablagʻlar — Oddiy (kontr-passiv)

30309 Roʻyxatdan oʻtkazilgan ustav kapitali — Imtiyozli

30312 Roʻyxatdan oʻtkazilgan ustav kapitali — Oddiy

30315 Chiqarilgan ustav kapitali — Imtiyozli

30318 Chiqarilgan ustav kapitali — Oddiy

30321 Aksiyadorlardan qayta sotib olingan aksiyalar — Imtiyozli (kontr-passiv)

30324 Aksiyadorlardan qayta sotib olingan aksiyalar — Oddiy (kontr-passiv)

30600 Qoʻshilgan kapital

30603 Qoʻshilgan kapital — Imtiyozli

30606 Qoʻshilgan kapital — Oddiy

30900 Zaxira kapitali

30903 Umumiy zaxira fondi

30905 Tekinga olingan mulklar