Oʻzbekiston Respublikasi Prezidentining “Limonchilik tarmogʻiii yanada rivojlantirishga doir koʻshimcha chora-tadbirlar toʻgʻrisida” 2020-yil 19-fevraldagi PQ-4610-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ayrim qarorlariga ilovaga muvofiq oʻzgartirish va qoʻshimchalar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Oʻ.I. Barnoyev va Oʻzbekiston Respublikasi qishloq xoʻjaligi vaziri J.A. Xodjayev zimmasiga yuklansin.

1. Vazirlar Mahkamasining “Fargʻona viloyatida tomorqa yer egalarini qoʻllab-quvvatlash va qishloq xoʻjaligi sohasida ilmiy-amaliy salohiyatni rivojlantirish boʻyicha qoʻshimcha chora-tadbirlar toʻgʻrisida” 2018-yil 22-oktabrdagi 846-son qarori 9-bandidagi “Limon yetishtiruvchilar va eksport qiluvchilar” soʻzlari “Sitrus, subtropik va tropik oʻsimlik yetishtiruvchilar va eksport qiluvchilar” soʻzlari bilan almashtirilsin.

2. Vazirlar Mahkamasining 2019-yil 11-iyundagi 481-son qarori bilan tasdiqlangan Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaligini rivojlantirish agentligi qoshidagi Bogʻdorchilik va issiqxona xoʻjaligini rivojlantirish jamgʻarmasi toʻgʻrisida nizomning 6-bandida:

a) “a” kichik bandiga “shu jumladan, yangi limonzorlarni barpo etish va limon koʻchatlarining xarid qilishga” soʻzlari qoʻshilsin;

b) “b” kichik bandida:

quyidagi mazmundagi toʻrtinchi xatboshi qoʻshilsin:

“yangi limonzorlar barpo etish va limon koʻchatlarini xarid qilish uchun har bir gektariga 30 million soʻmdan oshmaydigan miqdorda”;

toʻrtinchi xatboshi beshinchi xatboshi deb hisoblansin.

3. Vazirlar Mahkamasining 2019-yil 9-iyuldagi 569-son qarori bilan tasdiqlangan Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaligini rivojlantirish agentligi huzuridagi akademik Mahmud Mirzayev nomidagi bogʻdorchilik, uzumchilik va vinochilik ilmiy-tadqiqot institutining tuzilmasiga “Ilmiy-tajriba stansiyalari, eksperimental korxonalar va “Respublika Bogʻbonlar maktabi”” blokidan soʻng ““Sitrus, subtropik va tropik oʻsimliklar ilmiy-amaliy markazi” MCHJ” bloki qoʻshilsin.