Oʻzbekiston Respublikasi Prezidentining 2019-yil 28-noyabrdagi PF-5884-son “Tekshiruvlarni elektron roʻyxatga olish yagona tizimida roʻyxatdan oʻtkazish orqali vakolatli organni xabardor etish tartibida oʻtkaziladigan tekshiruvlar roʻyxatiga oʻzgartirish va qoʻshimchalar kiritish toʻgʻrisida”gi va 2019-yil 10-apreldagi PF-5706-son “Oʻzbekiston Respublikasida favqulodda vaziyatlarning oldini olish va bartaraf etish hamda yongʻin xavfsizligini taʼminlashning sifat jihatidan yangi tizimini joriy etish toʻgʻrisida”gi Farmonlari hamda Oʻzbekiston Respublikasi Vazirlar Mahkamasining 2013-yil 4-oktabrdagi 272-son “Davlat yongʻin nazorati toʻgʻrisidagi nizomni tasdiqlash haqida”gi qaroriga muvofiq buyuraman:

1. Oʻzbekiston Respublikasi ichki ishlar vazirining 2013-yil 21-noyabrdagi 136-son buyrugʻi (roʻyxat raqami 2532, 2013-yil 3-dekabr) (Oʻzbekiston Respublikasi qonun hujjatlari toʻplami, 2013-y., 49-son, 637-modda) bilan tasdiqlangan Tadbirkorlik subyektlariga tegishli boʻlgan obyektlarni yongʻin-profilaktika koʻrigidan oʻtkazish tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran uch oydan keyin kuchga kiradi.

1. 2-band quyidagi tahrirda bayon etilsin:

“2. Yongʻin-profilaktika koʻrigi davlat yongʻin nazorati organlarining mansabdor shaxslari tomonidan mazkur Nizomning 9-bandida nazarda tutilgan obyektlarda joylashgan tadbirkorlik subyektlariga yongʻin kelib chiqishi va kuchayishining (tarqalishining) oldini olishga qaratilgan tavsiyalar berish maqsadida oʻtkaziladi.”.

2. 9-bandda:

birinchi xatboshidagi “qoʻshimcha ravishda yongʻin-profilaktika koʻrigi oʻtkazilishi mumkin” degan soʻzlar “yongʻin-profilaktika koʻrigi oʻtkaziladi” degan soʻzlar bilan almashtirilsin;

ikkinchi xatboshi chiqarib tashlansin.

3. 14, 20 va 21-bandlar hamda 3, 4 va 6-ilovalar oʻz kuchini yoʻqotgan deb topilsin.

4. 15-band quyidagi tahrirda bayon etilsin:

“15. Davlat yongʻin nazorati organlarining mansabdor shaxslari oʻzlariga biriktirilgan hududda joylashgan tadbirkorlik subyektlariga tegishli obyektlarning yongʻin xavfliligiga koʻra guruhlarga boʻlingan roʻyxatini shakllantiradi.

Davlat yongʻin nazorati organlari tomonidan yongʻin xavfsizligi talablariga rioya qilinishi yuzasidan tekshirish oʻtkazilgan tadbirkorlik subyektiga tegishli obyektlarda bir yil davomida yongʻin-profilaktika koʻrigi oʻtkazilmaydi.”.

5. 22 va 23-bandlar quyidagi tahrirda bayon etilsin:

“22. Oʻtkazilgan yongʻin-profilaktika koʻrigi natijasi boʻyicha mazkur Nizomning 5-ilovasiga muvofiq tavsiyalar maʼlumotnomasi ikki nusxada rasmiylashtirilib, bir nusxasi tadbirkorlik subyektiga topshiriladi. Tavsiyalar maʼlumotnomasida zudlik bilan bartaraf etilishi lozim boʻlgan, yongʻin kelib chiqishi va kuchayishining (tarqalishining) oldini olishga qaratilgan hamda obyektda maʼlum bir muddat mobaynida yongʻinga qarshi rejim oʻrnatilishini nazarda tutuvchi tavsiyalar yoziladi.

23. Tavsiyalar maʼlumotnomasi tegishli tadbirkorlik subyektiga qarashli obyektning nazorat-kuzatuv yigʻma jildiga tikiladi. Davlat yongʻin nazorati organlarining har bir boʻlinmasida mazkur Nizomning 7-ilovasiga muvofiq Yongʻin-profilaktika koʻriklarini hisobga olish kitobi yuritiladi. Ushbu kitob raqamlangan, tikilgan va davlat yongʻin nazorati organining muhri bilan tasdiqlangan boʻlishi kerak.”.

6. 5-ilovadagi “tavsiyanoma” degan soʻz “tavsiyalar maʼlumotnomasi” degan soʻzlar bilan almashtirilsin.

7. 7-ilova mazkur oʻzgartirishlarning ilovasiga muvofiq tahrirda bayon etilsin.

8. Mazkur oʻzgartirishlar Oʻzbekiston Respublikasi Qurilish vazirligi va Oʻzbekiston Respublikasi Savdo-sanoat palatasi bilan kelishilgan.