Oʻzbekiston Respublikasi Prezidentining “Oʻzbekiston Respublikasining sugʻurta bozorini isloh qilish va uning jadal rivojlanishini taʼminlash chora-tadbirlari toʻgʻrisida” 2019-yil 2-avgustdagi PQ-4412-son qarori ijrosi yuzasidan, shuningdek, Oʻzbekiston Respublikasi Moliya vazirligi huzuridagi Sugʻurta bozorini rivojlantirish agentligi faoliyatini samarali tashkil etish maqsadida Vazirlar Mahkamasi qaror qiladi:

1. Quyidagilar:

Oʻzbekiston Respublikasi Moliya vazirligi huzuridagi Sugʻurta bozorini rivojlantirish agentligining tuzilmasi 1-ilovaga muvofiq;

Oʻzbekiston Respublikasi Moliya vazirligi huzuridagi Sugʻurta bozorini rivojlantirish agentligi toʻgʻrisidagi nizom 2-ilovaga muvofiq;

Oʻzbekiston Respublikasi Moliya vazirligi huzuridagi Sugʻurta bozorini rivojlantirish agentligining (keyingi oʻrinlarda Agentlik deb ataladi) Budjetdan tashqari jamgʻarmasi toʻgʻrisidagi nizom 3-ilovaga muvofiq tasdiqlansin.

2. Oʻzbekiston Respublikasi Prezidentining “Moliya organlari faoliyatini yanada takomillashtirish chora-tadbirlari toʻgʻrisida” 2017-yil 18-martdagi PQ-2847-son qarori bilan Oʻzbekiston Respublikasi moliya vaziriga, zarur hollarda, Oʻzbekiston Respublikasi Moliya vazirligi markaziy apparatining hamda moliya organlari tarkibiy boʻlinmalarining, shuningdek, idoraviy mansub tashkilotlarning tasdiqlangan tuzilmalariga boshqaruv xodimlarining belgilab qoʻyilgan cheklangan soni doirasida oʻzgartirishlar kiritish huquqi berilganligi maʼlumot uchun qabul qilinsin.

3. Agentlik Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi bilan birgalikda uch oy muddatda barcha sugʻurta xizmatlari isteʼmolchilari sugʻurta kompaniyalarining moliyaviy ahvoli, toʻlov qobiliyati va sugʻurta toʻlovlari, sugʻurta bozorining professional ishtirokchilari haqidagi maʼlumotlarni erkin olishini, interaktiv murojaatlar va sugʻurta sohasidagi muammolar hal etilishini taʼminlash imkoniyatlarini beradigan Agentlik veb-saytini ishlab chiqsin va ishga tushirsin.

4. Oʻzbekiston Respublikasi Moliya vazirligi Agentlikka budjetdan tashqari mablagʻlar hisobiga uchta avtotransport vositasini saqlash uchun limit ajratsin.

5. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi belgilangan tartibda Agentlikni zarur aloqa, jumladan, hukumat aloqasi bilan taʼminlasin.

6. Agentlik Toshkent shahri, Yunusobod tumani, Istiqlol koʻchasi, 29-uyda joylashtirilsin.

7. Oʻzbekiston Respublikasi Hukumatining 4-ilovaga muvofiq ayrim qarorlariga oʻzgartirish va qoʻshimchalar kiritilsin.

8. Oʻzbekiston Respublikasi Hukumatining 5-ilovaga muvofiq ayrim qarorlari oʻz kuchini yoʻqotgan deb hisoblansin.

9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga yuklansin.

1. Ushbu Nizom Oʻzbekiston Respublikasi Moliya vazirligi huzuridagi Sugʻurta bozorini rivojlantirish agentligining (keyingi oʻrinlarda Agentlik deb ataladi) maqomi, asosiy vazifalari, funksiyalari, huquqlari, javobgarligini, faoliyatini tashkil etish va hisobot berish tartibini, shuningdek, uning rahbarlarining funksional vazifalari va masʼuliyatini belgilaydi.

2. Agentlik sugʻurta bozorini tartibga solish va rivojlantirish boʻyicha vakolatli davlat organi hisoblanadi hamda sugʻurta munosabatlari barcha ishtirokchilarining huquqlari va qonuniy manfaatlarini himoya qilishni taʼminlaydi, shuningdek, oʻz faoliyatida Oʻzbekiston Respublikasi Moliya vazirligiga (keyingi oʻrinlarda Moliya vazirligi deb ataladi) hisobot beradi.

3. Agentlik oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga hamda ushbu Nizomga va boshqa qonun hujjatlariga, shuningdek Moliya vazirligining qarorlariga amal qiladi.

Agentlikning oʻz vakolatlari doirasida qabul qilingan qarorlari sugʻurta bozorining barcha professional ishtirokchilari tomonidan bajarilishi majburiy hisoblanadi.

4. Agentlik yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga va blankalarga, mustaqil balansga, shaxsiy gʻazna hisobvaraqlariga, bank hisobraqamlariga, shu jumladan, xorijiy valyutadagi bank hisobraqamlariga egadir.

5. Agentlikning rasmiy nomi:

a) davlat tilida:

toʻliq nomi — Oʻzbekiston Respublikasi Moliya vazirligi huzuridagi Sugʻurta bozorini rivojlantirish agentligi, qisqartirilgan nomi — Sugʻurta bozorini rivojlantirish agentligi;

b) ingliz tilida:

toʻliq nomi — The Insurance market development agency under the Ministry of finance of the Republic of Uzbekistan, qisqartirilgan nomi — The Insurance market development agency;

v) rus tilida:

toʻliq nomi — Agentstvo po razvitiyu straxovogo rinka pri Ministerstve finansov Respubliki Uzbekistan, qisqartirilgan nomi — Agentstvo po razvitiyu straxovogo rinka.

6. Agentlikning joylashgan manzili (pochta manzili): Toshkent shahri, Yunusobod tumani, Istiqlol koʻchasi, 29-uy.

7. Quyidagilar Agentlikning asosiy vazifalari hisoblanadi:

sugʻurta bozorining ishlashi va uning professional ishtirokchilari faoliyati ochiqligi va shaffofligini, shu jumladan sugʻurta faoliyati sohasidagi statistik va moliyaviy koʻrsatkichlarni muntazam eʼlon qilish yoʻli bilan taʼminlash;

sugʻurta xizmatlari isteʼmolchilari va sugʻurta munosabatlarining boshqa ishtirokchilari huquqlari va qonuniy manfaatlari himoya qilinishini taʼminlash, aholining sugʻurta bozoriga ishonchini oshirishga va jamiyatda sugʻurta madaniyatini rivojlantirishga koʻmaklashish;

sugʻurta bozori mutaxassislarini tayyorlash, qayta tayyorlash va ularning malakasini oshirishni, shu jumladan chet elda, shuningdek, xalqaro darajadagi ekspertlar va mutaxassislarni jalb qilgan holda tashkil etishga koʻmaklashish;

sugʻurtalovchilarning toʻlov qobiliyati, sugʻurta zaxiralarini shakllantirish va ulardan foydalanish boʻyicha majburiy normativ va talablarni belgilash, shuningdek, samarali sugʻurta faoliyatini tashkil etish boʻyicha tavsiyalar ishlab chiqish;

sugʻurta bozorining professional ishtirokchilari tomonidan sugʻurta faoliyati sohasidagi qonun hujjatlariga, shuningdek, ularning moliyaviy barqarorligini taʼminlash boʻyicha belgilangan normativ va talablarga rioya etilishini nazorat qilish;

sugʻurtalovchilar (qayta sugʻurtalovchilar) va sugʻurta brokerlarining sugʻurta faoliyatini litsenziyalash, aktuariylar faoliyatini sertifikatlash;

sugʻurta bozorining holati va uning professional ishtirokchilari faoliyatining hisobi va hisobotini yuritish, masofaviy nazorat qilish va tezkor onlayn-monitoringini olib borish boʻyicha integratsiyalashtirilgan axborot tizimini shakllantirish va yuritish;

aholi va tadbirkorlik subyektlarining oʻsib borayotgan ehtiyojlarini taʼminlashga qaratilgan sugʻurta xizmatlarining talab yuqori boʻlgan anʼanaviy turlarini rivojlantirishga va yangi turlarini joriy qilishga koʻmaklashish, qishloq xoʻjaligi faoliyati sohasida sugʻurta himoyasini kuchaytirish;

xorijiy davlatlarning oʻxshash tuzilmalari, xalqaro moliya institutlari va boshqa xorijiy tashkilotlar bilan sugʻurta faoliyati sohasida hamkorlikni tashkil etish.

8. Agentlik oʻziga yuklangan vazifalarga muvofiq quyidagi funksiyalarni amalga oshiradi:

a) sugʻurta bozorining ishlashi va uning professional ishtirokchilari faoliyati ochiqligi va shaffofligini, shu jumladan, sugʻurta faoliyati sohasidagi statistik va moliyaviy koʻrsatkichlarni muntazam eʼlon qilish yoʻli bilan taʼminlash sohasida:

respublikada sugʻurta faoliyati holati va rivojlanishi tendensiyalarini tahlil qiladi;

ommaviy axborot vositalari orqali sugʻurta faoliyati masalalari boʻyicha axborot-tushuntirish ishlarini amalga oshiradi;

sugʻurta faoliyati sohasida statistik va moliyaviy koʻrsatkichlarni eʼlon qiladi;

noshirlik faoliyatini amalga oshiradi;

b) sugʻurta xizmatlari isteʼmolchilari va sugʻurta munosabatlarining boshqa ishtirokchilari huquqlari va qonuniy manfaatlari himoya qilinishini taʼminlash, aholining sugʻurta bozoriga ishonchini oshirishga va jamiyatda sugʻurta madaniyatini rivojlantirishga koʻmaklashish sohasida:

sugʻurta bozorining professional ishtirokchilari tomonidan aholi oʻrtasida sugʻurta xizmatlaridan xabardorlik va fuqarolarning sugʻurta savodxonligini oshirish yuzasidan tushuntirish ishlari amalga oshirilishini taʼminlaydi;

ommaviy axborot vositalarida sugʻurtalovchilar tomonidan ijtimoiy xarakterdagi, shu jumladan, sugʻurtaning ustunliklari, sugʻurta tovonlarini toʻlash tartibi va sugʻurta xizmatlari isteʼmolchilarining huquqlarini himoya qilish haqidagi maʼlumotlarni joylashtirish ishlarini tashkil qiladi;

Agentlik vakolatiga kiradigan masalalar boʻyicha fuqarolar va yuridik shaxslarning takliflari, shikoyatlari va soʻrovlarini koʻrib chiqadi;

v) sugʻurta bozori mutaxassislarini tayyorlash, qayta tayyorlash va ularning malakasini oshirishni, shu jumladan, chet elda oshirishni taʼminlash, malaka oshirishni, shuningdek, xalqaro darajadagi ekspertlar va mutaxassislarni jalb qilgan holda tashkil etishga koʻmaklashish sohasida:

Agentlik mutaxassislarini va sugʻurta bozorining professional ishtirokchilari mutaxassislarini tegishli malaka oshirish kurslariga, shu jumladan, xorijga yuborish orqali kasbiy tayyorlash va qayta tayyorlash boʻyicha tadbirlarni amalga oshiradi;

xalqaro darajadagi ekspertlar va mutaxassislarni jalb etgan holda sugʻurta faoliyati masalalari boʻyicha seminarlar, konferensiyalar va forumlar tashkil qiladi;

g) sugʻurtalovchilarning toʻlov qobiliyati, sugʻurta zaxiralarini shakllantirish va ulardan foydalanish boʻyicha majburiy normativ va talablarni belgilash, shuningdek, sugʻurta faoliyatini samarali tashkil etish boʻyicha tavsiyalar ishlab chiqish sohasida:

normativ-huquqiy hujjatlar loyihalarini hamda belgilangan tartibda tasdiqlangan vaqtdan boshlab sugʻurta munosabatlarining barcha ishtirokchilari uchun bajarilishi shart boʻlgan sugʻurta faoliyatiga oid qonun hujjatlarini amalga oshirish boʻyicha uslubiy materiallarni ishlab chiqadi;

sugʻurtaning majburiy turlari boʻyicha sugʻurta qilish qoidalari (shartlari) va sugʻurta tariflari belgilash boʻyicha takliflar tayyorlaydi;

d) sugʻurta bozorining professional ishtirokchilari tomonidan sugʻurta faoliyati sohasidagi qonun hujjatlariga, shuningdek, ularning moliyaviy barqarorligini taʼminlash boʻyicha belgilangan normativ va talablarga rioya etilishini nazorat qilish sohasida:

sugʻurta bozori ishtirokchilari uchun belgilangan toʻlov qobiliyati koʻrsatkichlari va boshqa moliyaviy barqarorlik talablari taʼminlanishi ustidan nazoratni amalga oshiradi;

sugʻurtalovchilar tomonidan Oʻzbekiston Respublikasining sugʻurta faoliyati toʻgʻrisidagi qonun hujjatlariga rioya etilishini va ularning hisobotlari toʻgʻriligini, shuningdek, toʻlov qobiliyati koʻrsatkichlarini hamda boshqa moliyaviy barqarorlik talablari taʼminlanishini qonun hujjatlarida belgilangan tartibda tekshiradi;

sugʻurta bozorining professional ishtirokchilari tomonidan yoʻl qoʻyilgan buzilishlarni hisobga olish va tahlil qilish dasturini amalga oshiradi;

e) sugʻurtalovchilar (qayta sugʻurtalovchilar) va sugʻurta brokerlarining sugʻurta faoliyatini litsenziyalash, aktuariylar faoliyatini sertifikatlash sohasida:

sugʻurta faoliyatini amalga oshirish uchun litsenziya berilishi haqidagi arizani qabul qiladi, uni koʻrib chiqadi va litsenziya berish yoki berishni rad etish toʻgʻrisida qaror qabul qiladi;

sugʻurta faoliyatini amalga oshirish uchun litsenziya beradi;

sugʻurta faoliyatini amalga oshirishda litsenziya talablari va shartlariga rioya etilishi ustidan nazoratni amalga oshiradi;

aktuariylar malaka sertifikati berilishi yuzasidan taqdim etgan hujjatlarni belgilangan muddatlarda koʻrib chiqadi va malaka imtihoni yakunlari asosida malaka sertifikatini berish yoki berishni rad etish toʻgʻrisida qaror qabul qiladi;

aktuariy malaka sertifikatini beradi;

sugʻurta faoliyatini amalga oshirish uchun berilgan litsenziyalar reyestrini yuritadi.

j) sugʻurta bozorining holati va uning professional ishtirokchilari faoliyatining hisobi va hisobotini yuritish, masofaviy nazorat qilish va tezkor onlayn-monitoringini olib borish boʻyicha integratsiyalashtirilgan axborot tizimini shakllantirish va yuritish sohasida:

monitoring qilish axborot-kommunikatsiya tizimlari orqali sugʻurtalovchilarning haqiqiy sugʻurta mukofotlari hajmlarini nazorat qiladi;

z) aholi va tadbirkorlik subyektlarining oʻsib borayotgan ehtiyojlarini taʼminlashga qaratilgan sugʻurta xizmatlarining talab yuqori boʻlgan anʼanaviy turlarini rivojlantirishga va yangi turlarini joriy qilishga koʻmaklashish, qishloq xoʻjaligi faoliyati sohasida sugʻurta himoyasini kuchaytirish sohasida:

oʻz vakolati doirasida sugʻurta bozorining professional ishtirokchilari ishini metodik taʼminlaydi;

aholi va tadbirkorlik subyektlarining sugʻurta bozoridagi oʻsib borayotgan talablarini taʼminlash, shuningdek, qishloq xoʻjaligi faoliyati sohasida sugʻurta himoyasini kuchaytirish ishlarini tashkil qiladi;

i) xorijiy davlatlarning oʻxshash tuzilmalari, xalqaro moliya institutlari va boshqa xorijiy tashkilotlar bilan sugʻurta faoliyati sohasida hamkorlikni tashkil etish sohasida:

sugʻurta masalalari boʻyicha halqaro shartnomalar va bitimlarni ishlab chiqish va amalga oshirishda ishtirok etadi hamda mahalliy sugʻurta tashkilotlarining boshqa mamlakatlar sugʻurta kompaniyalari bilan xalqaro hamkorligini rivojlantirishga koʻmaklashadi.

Agentlik qonun hujjatlarida nazarda tutilgan boshqa funksiyalarni ham amalga oshirishi mumkin.

9. Agentlik oʻziga yuklangan vazifalar va funksiyalarni bajarish uchun quyidagi huquqlarga egadir:

Agentlikka yuklangan vazifalar va funksiyalarning bajarilishi bilan bogʻliq normativ-huquqiy hujjatlar loyihalarini, shuningdek, boshqa hujjatlarni Moliya vazirligiga belgilangan tartibda kiritish;

Agentlik vakolatlariga taalluqli masalalar boʻyicha joylarda sugʻurta bozorining professional ishtirokchilari faoliyatini belgilangan tartibda muvofiqlashtirish;

belgilangan tartibda sugʻurtalovchilar (qayta sugʻurtalovchilar) va sugʻurta brokerlaridan sugʻurta faoliyati toʻgʻrisidagi va ularning moliyaviy holati toʻgʻrisidagi axborotlarni, shuningdek, Agentlik vakolatiga kiruvchi masalalar boʻyicha tashkilotlar va tijorat banklaridan zarur maʼlumotlarni olish;

davlat boshqaruvi organlaridan va mahalliy ijro etuvchi hokimiyat organlaridan Agentlikka yuklangan vazifalar va funksiyalarni bajarish uchun zarur boʻlgan axborotni belgilangan tartibda soʻrash va tekin olish;

sugʻurta toʻgʻrisidagi qonun hujjatlariga rioya etilishini taʼminlash maqsadida sugʻurta bozori professional ishtirokchilari faoliyati ustidan, zarur hollarda komissiya va ishchi guruhlarni tuzgan holda, nazoratni amalga oshirish;

sugʻurta bozori professional ishtirokchilari rahbarlariga aniqlangan qonun buzilishlari, ularga imkon beruvchi sabablar va shart-sharoitlarni bartaraf etish haqida koʻrib chiqilishi majburiy boʻlgan taqdimnomalar kiritish;

Agentlik vakolatiga taalluqli masalalar yuzasidan xalqaro darajada Oʻzbekiston Respublikasi manfaatlarini ifoda etish;

Agentlik vakolatiga taalluqli masalalarni hal etishga ilmiy tashkilotlar, olimlar va mutaxassislarni, shu jumladan xorijiy mutaxassislarni shartnoma asosida jalb etish;

sugʻurta bozorini tartibga solish masalalarini muhokama qilish uchun ekspertlarni jalb qilish;

tekshirilayotgan tashkilotlar rahbarlari va mutaxassislaridan ularning faoliyati bilan bogʻliq masalalar boʻyicha zarur hujjatlar va tushuntirishlar olish;

sugʻurta bozorining professional ishtirokchilari faoliyatini qonun hujjatlariga muvofiq tekshirishni amalga oshirish;

sugʻurta xizmatlari isteʼmolchilarining arizalarini koʻrib chiqish bilan bogʻliq masalalar boʻyicha xizmat tekshiruvlarini tashkil etish va oʻtkazish;

jismoniy va yuridik shaxslarning sugʻurta faoliyati sohasidagi murojaatlarini koʻrib chiqish;

maʼmuriy javobgarlikka olib keladigan qonun hujjatlarini buzish holatlari boʻyicha oʻz vakolati doirasida bayonnomalar tuzish;

Agentlik vakolatiga kiradigan masalalarni koʻrib chiqishda Moliya vazirligi Hayʼati yigʻilishlarida ishtirok etish;

Agentlikning budjetdan tashqari jamgʻarmasi mablagʻlarini (keyingi oʻrinlarda Jamgʻarma deb ataladi) qonun hujjatlarida belgilangan tartibda shakllantirish;

Agentlik xodimlarini ijtimoiy himoya qilish choralarini amalga oshirish;

qonun hujjatlariga muvofiq sugʻurtalovchilar va sugʻurta brokerlarining sugʻurta faoliyatini amalga oshirish huquqini beruvchi litsenziyani toʻliq yoki alohida sugʻurtalash turlari (klasslari) boʻyicha toʻxtatib turish yoxud ularning amal qilishini tugatish toʻgʻrisida sudga murojaat qilish;

Agentlik faoliyatini amalga oshirish uchun zarur boʻlgan binolarga xizmat koʻrsatish ishlarini bajarish, inventar va xoʻjalik jihozlari, avtotransport, aloqa vositalari, hisoblash, kompyuter texnikasi, asbob-uskunalar, dasturiy taʼminot va boshqa tovarlarni xarid qilish uchun belgilangan tartibda shartnomalar tuzish.

Agentlik qonun hujjatlariga muvofiq boshqa huquqlarga ega boʻlishi mumkin.

10. Agentlik:

sugʻurta bozorini tartibga solish sohasida davlat siyosatining samarali amalga oshirilishi;

Agentlikka yuklangan vazifalar va funksiyalarning oʻz vaqtida hamda samarali bajarilishi;

Agentlik tarkibiy boʻlinmalarining Agentlik faoliyati bilan bogʻliq koʻrsatkichlarga erishishni taʼminlash boʻyicha ishlarining tashkil etilishi;

Agentlik tomonidan Moliya vazirligiga koʻrib chiqish uchun kiritiladigan normativ-huquqiy hujjatlar loyihalari, shuningdek, Agentlik qabul qiladigan buyruqlar va boshqa hujjatlarning sifatli tayyorlanishi va ekspertizadan oʻtkazilishi;

sugʻurta bozorini rivojlantirish boʻyicha dasturlar, ishlar rejalari, tadbirlar, “yoʻl xaritalari” va boshqa dasturiy hujjatlarning amalga oshirilishi;

sugʻurta xizmatlari isteʼmolchilarining va sugʻurta munosabatlari boshqa ishtirokchilarining huquqlari himoya qilinishini taʼminlash boʻyicha javobgar hisoblanadi.

11. Agentlikka Oʻzbekiston Respublikasi moliya vazirining taqdimnomasi boʻyicha Oʻzbekiston Respublikasi Vazirlar Mahkamasi tomonidan lavozimga tayinlanadigan va lavozimidan ozod qilinadigan direktor boshchilik qiladi;

12. Direktor:

oʻz maqomi, mehnatga haq toʻlash, tibbiy va transport xizmati koʻrsatish shartlari boʻyicha vazirning oʻrinbosariga tenglashtiriladi;

Agentlik direktorining taqdimnomasiga binoan Oʻzbekiston Respublikasi moliya vaziri tomonidan lavozimga tayinlanadigan va lavozimidan ozod qilinadigan ikki nafar oʻrinbosarga, shu jumladan, bir nafar birinchi oʻrinbosarga ega;

oʻz faoliyati toʻgʻrisida Oʻzbekiston Respublikasi moliya vaziriga hisobot beradi.

13. Agentlik oʻz vazifalari va funksiyalarini amalga oshirishda boshqa davlat boshqaruvi organlari, xoʻjalik birlashmalari, mahalliy ijro etuvchi hokimiyat organlari va boshqa tashkilotlar bilan oʻzaro hamkorlik qiladi.

14. Direktor lavozimi boʻyicha Moliya vazirligi hayʼati tarkibiga kiradi.

15. Quyidagilar direktorning asosiy funksional vazifalari hisoblanadi:

sugʻurta bozorini tartibga solish sohasida Oʻzbekiston Respublikasi Konstitutsiyasi va qonunlari, boshqa normativ-huquqiy hujjatlar talablariga rioya qilish;

Agentlik faoliyatiga umumiy rahbarlik qilish, Oʻzbekiston Respublikasi Prezidenti, Oʻzbekiston Respublikasi Vazirlar Mahkamasining qarorlari va boshqa qonun hujjatlari bilan Agentlikka yuklangan vazifalar va funksiyalarning bajarilishini tashkil etish;

Agentlik xodimlarining funksiya va majburiyatlarini belgilash, Agentlik faoliyatining alohida uchastkalariga rahbarlik qilish uchun oʻz oʻrinbosarlari va boshqa mansabdor shaxslarning shaxsiy masʼuliyati darajasini belgilash;

Agentlik faoliyatini rejalashtirishni tashkil etish, Agentlik ish rejalarini tasdiqlash va ularning bajarilishi nazoratini taʼminlash;

Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining qarorlari va topshiriqlari ijrosini tashkil etish va monitoring olib borishning amaliy tizimini yaratish, shuningdek, Oʻzbekiston Respublikasi Prezidentining “Davlat organlari va tashkilotlarida ijro intizomini yanada mustahkamlash chora-tadbirlari toʻgʻrisida” 2018-yil 5-oktabrdagi PQ-3962-son qarori, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari, shuningdek, barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qaroriga va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq Agentlik faoliyatida ijro intizomini mustahkamlash boʻyicha kompleks amaliy chora-tadbirlarni bajarish;

Agentlik xodimlarini tizimli ravishda qayta tayyorlashni va ularning malakasini oshirishni tashkil etish;

Agentlikda kadrlarni tanlash va joy-joyiga qoʻyish, ularning samarali faoliyati uchun zarur shart-sharoitlar yaratish, Agentlikning kadrlar zaxirasini shakllantirish;

boʻsh lavozimlarga taklif etilgan kadrlarning professionalligi, malakasi, amaliy tajribasi, yuqori darajadagi ishbilarmonlik va maʼnaviy-axloqiy fazilatlarini taʼminlash;

Agentlikning qonun loyihalarini tayyorlash faoliyatini “Normativ-huquqiy hujjatlar toʻgʻrisida”, “Qonunlar loyihalarini tayyorlash va ularni Oʻzbekiston Respublikasi Oliy Majlisi Qonunchilik palatasiga kiritish tartibi toʻgʻrisida”gi Oʻzbekiston Respublikasi qonunlariga muvofiq tashkil etish;

Agentlik rahbarlari va xodimlarining xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son va “Xorijiy xizmat safarlarida boʻlishning samaradorligi va xorijiy delegatsiyalarning Oʻzbekiston Respublikasiga tashrifini tashkil etish uchun mansabdor shaxslarning shaxsiy javobgarligini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga muvofiq tashkil etish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

oʻz oʻrinbosarlarining va Agentlik tarkibiy boʻlinmalari rahbarlari faoliyati natijadorligi va samaradorligini tizimli ravishda tanqidiy oʻrganish, Agentlik yigʻilishlarida ularning shaxsiy hisobotlarini eshitish, yakunlari boʻyicha zarur choralar koʻrish;

Agentlik xodimlarini ragʻbatlantirish va intizomiy javobgarlikka tortish masalalarini hal qilish, oʻz oʻrinbosarlarini va Agentlikning boshqa mansabdor shaxslarini ragʻbatlantirish va intizomiy javobgarlikka tortish, shu jumladan, ularning egallab turgan lavozimida qolishi maqsadga muvofiqligiga doir masalalarni koʻrib chiqish boʻyicha takliflar kiritish, ularning shaxsiy masʼuliyatini oshirishga doir tizimli chora-tadbirlarni amalga oshirish;

Agentlik xodimlari tomonidan Oʻzbekiston Respublikasi Vazirlar Mahkamasining 2016-yil 2-martdagi 62-son qarori bilan tasdiqlangan Davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalari asosida tasdiqlangan Agentlik xodimlarining odob-axloq qoidalari talablariga rioya etilishini taʼminlash;

“Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq Agentlik tizimida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

Agentlik ishini tashkil etishning zamonaviy shakllari joriy etilishini taʼminlash;

“Elektron hukumat toʻgʻrisida” gi Oʻzbekiston Respublikasi Qonunini amalga oshirish doirasida zamonaviy axborot-kommunikatsiya texnologiyalaridan foydalanish, shu jumladan, Agentlik axborot tizimining samaradorligi va sifatini oshirish;

jismoniy va yuridik shaxslarning murojaatlarini koʻrib chiqishga doir samarali ishlarni tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatlarda va tartibda jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

Oʻzbekiston Respublikasi Prezidentining Xalq qabulxonalari bilan samarali hamkorlikni, ularning faoliyatida Agentlik xodimlari va rahbarlarining faol ishtirok etishini tashkil etish, jismoniy va yuridik shaxslarning Oʻzbekiston Respublikasi Prezidenti Virtual qabulxonasidan tushgan murojaatlari oʻz vaqtida va toʻliq koʻrib chiqilishini taʼminlash;

davlat siri sirasiga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish;

Jamgʻarma daromadlari va xarajatlari smetasiga muvofiq Jamgʻarma mablagʻlari tushishi hamda ulardan foydalanishni nazorat qilish;

Jamgʻarma mablagʻlari hisobiga moliyalashtiriladigan shartnomalarni qonun hujjatlarida belgilangan tartibda tuzish;

Agentlik boʻlinmalari toʻgʻrisidagi nizomni, lavozim yoʻriqnomalari va Agentlikning boshqa lokal hujjatlarini belgilangan tartibda tasdiqlash;

qonun hujjatlarida belgilangan tartibda mehnat shartnomalarini tuzish, oʻzgartirish va tugatish, Agentlik xodimlarini lavozimga tayinlash va lavozimidan ozod etish (direktor oʻrinbosarlari bundan mustasno);

Agentlik xodimlari tomonidan bajarilishi majburiy boʻlgan buyruqlar va koʻrsatmalar berish, shuningdek, ularning ijrosini belgilangan tartibda nazorat qilish;

Agentlikning tasdiqlangan tuzilmasi va shtat jadvalini belgilangan xodimlar soni va mehnatga haq toʻlash fondi doirasida oʻzgartirish yuzasidan Moliya vazirligiga takliflar kiritish;

xodimlarning umumiy belgilangan soni doirasida Agentlik shtatlar jadvalini, shuningdek, Agentlik xarajatlar smetasini belgilangan tartibda tasdiqlash;

Agentlik direktori qonun hujjatlari va ushbu Nizomga muvofiq boshqa vakolatlarni ham amalga oshirishi mumkin.

16. Quyidagilar direktor oʻrinbosarlarining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari, shuningdek boshqa normativ-huquqiy hujjatlar talablariga rioya qilish;

direktor vaqtincha boʻlmaganda tegishli buyruq asosida uning vazifalarini bajarish;

Agentlikning mutasaddilik qilinadigan boʻlinmalari faoliyatini bevosita rahbarlik qilish, ularning xodimlari oʻrtasida vazifalarni taqsimlash;

Oʻzbekiston Respublikasi Prezidenti, Oʻzbekiston Respublikasi Vazirlar Mahkamasi qarorlari bilan tasdiqlangan Agentlik faoliyatini yanada takomillashtirish boʻyicha kompleks dasturlar va tadbirlarning bajarilishi holatini tanqidiy va chuqur tahlil qilish;

mutasaddilik qilinadigan boʻlinmalar tomonidan prognoz koʻrsatkichlariga erishishni soʻzsiz taʼminlash chora-tadbirlarini koʻrish, boʻlinmalar rahbarlarining hisobotlarini muntazam eshitish va ushbu koʻrsatkichlarga erishish uchun ularning shaxsiy javobgarligini oshirish;

mutasaddilik qilinadigan boʻlinmalarning ish rejalarini tasdiqlash, ularning bajarilishi ustidan nazoratni taʼminlash;

Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining qarorlari va topshiriqlari ijrosini tashkil etish va monitoring olib borishning amaliy tizimini yaratish, shuningdek, Oʻzbekiston Respublikasi Prezidentining “Davlat organlari va tashkilotlarida ijro intizomini yanada mustahkamlash chora-tadbirlari toʻgʻrisida” 2018-yil 5-oktabrdagi PQ-3962-son qarori, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari, shuningdek, barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qaroriga va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq Agentlik faoliyatida ijro intizomini mustahkamlash boʻyicha kompleks amaliy chora-tadbirlarni bajarish;

Oʻzbekiston Respublikasi Moliya vazirligining hayʼati qarorlari, Oʻzbekiston Respublikasi moliya vaziri va direktorning buyruqlari va topshiriqlari oʻz vaqtida va sifatli bajarilishini taʼminlash;

mutasaddilik qilinadigan boʻlinmalarda kadrlarni tanlash va joy-joyiga qoʻyish boʻyicha Agentlik direktoriga takliflar taqdim etish, ularning professionalligi, oʻz ishini bilishi, amaliy tajribaga, yuksak darajada ishlash xususiyatlariga va maʼnaviy-ahloqiy fazilatlarga ega ekanligi kafolatini taʼminlash, ularning kasbiy malakasini oshirish chora-tadbirlarini koʻrish, mutasaddilik qilinadigan boʻlinmalarda kadrlar zaxirasini shakllantirish;

sugʻurta faoliyati sohasidagi normativ-huquqiy hujjatlar loyihalarini mutasaddilik qilinadigan boʻlinmalar tomonidan sifatli ishlab chiqilishini tashkil etish, Agentlikning boʻlinmalarida tayyorlangan hujjatlar loyihalarini koʻrib chiqish va ular keyinchalik Agentlik direktori tomonidan koʻrib chiqilishi, imzolanishi (viza qoʻyilishi) uchun viza qoʻyish, keyinchalik ularni Moliya vazirligiga oʻz vaqtida kiritilishini taʼminlash;

Agentlikka taqdim etilgan sugʻurta faoliyati sohasidagi takliflar va normativ-huquqiy hujjatlar loyihalarini koʻrib chiqish;

Agentlik rahbarlari va xodimlarining xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son va “Xorijiy xizmat safarlarida boʻlishning samaradorligi va xorijiy delegatsiyalarning Oʻzbekiston Respublikasiga tashrifini tashkil etish uchun mansabdor shaxslarning shaxsiy javobgarligini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga muvofiq tashkil etish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

Agentlikning mutasaddilik qilinadigan boʻlinmalari rahbarlari va xodimlari faoliyati samaradorligi va natijadorligini muntazam tanqidiy tahlil qilish, ularning shaxsiy hisobotlarini eshitish;

sugʻurta faoliyati sohasiga tegishli masalalar boʻyicha Agentlik faoliyatini takomillashtirishga doir amaliy chora-tadbirlar koʻrish, sugʻurta faoliyati sohasidagi qonun hujjatlarini takomillashtirish boʻyicha takliflar ishlab chiqish va ularni Agentlik direktoriga kiritish;

mutasaddilik qilinadigan boʻlinmalar rahbarlari va xodimlarini ragʻbatlantirish va intizomiy javobgarlikka tortish, shu jumladan ularning egallab turgan lavozimida qolishi maqsadga muvofiqligi masalasini koʻrib chiqish boʻyicha takliflarni direktorga kiritish, funksional vazifalar va yuklangan vazifalar bajarilishi uchun ularning shaxsiy masʼuliyatini oshirish boʻyicha tizimli chora-tadbirlar koʻrish;

Agentlik xodimlarining odob-axloq qoidalari talablariga rioya qilishini, mutasaddilik qilinadigan boʻlinmalar rahbarlari va xodimlarining ushbu qoidalarga rioya etishini taʼminlash;

“Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq Agentlik tizimida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

sugʻurta faoliyatini takomillashtirish va rivojlantirish, shuningdek, zamonaviy axborot-kommunikatsiya texnologiyalaridan foydalanishga doir takliflarni direktorga kiritish;

“Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatlarda va tartibda jismoniy va yuridik shaxslarning murojaatlarini koʻrib chiqish boʻyicha samarali ishlarni tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan joylarga borib qabul qilish;

Oʻzbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, jismoniy va yuridik shaxslar vakillarining Oʻzbekiston Respublikasi Prezidentining Virtual qabulxonasidan tushgan murojaatlari oʻz vaqtida va toʻlaqonli koʻrib chiqilishini taʼminlash;

davlat siri sirasiga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish.

17. Direktor:

Agentlikka yuklangan vazifalar va funksiyalarning bajarilishi uchun;

Jamgʻarma mablagʻlarining maqsadli sarflanishi;

ushbu Nizomning 10-bandida nazarda tutilgan Agentlikning javobgarlik sohalari boʻyicha;

ushbu Nizomning 15-bandida koʻrsatilgan oʻz funksional vazifalarining sifatli bajarilishi uchun shaxsan javob beradi.

18. Direktor oʻrinbosarlari:

Agentlikka yuklangan vazifalar va funksiyalarning bajarilishi uchun (direktor boʻlmagan davrda tegishli buyruq asosida uning vazifalarini bajarish yuklangan holatlarda);

ushbu Nizomning 10-bandida nazarda tutilgan Agentlikning javobgarlik sohalari boʻyicha (direktor boʻlmagan davrda tegishli buyruq asosida uning vazifalarini bajarish yuklangan holatlarda);

ushbu Nizomning 16-bandida koʻrsatilgan oʻz funksional vazifalarining sifatli bajarilishi uchun shaxsan javob beradi.

19. Agentlik oʻziga yuklangan vazifa va funksiyalarni bevosita, shuningdek, Moliya vazirligining markaziy apparati tarkibiy boʻlinmalari va Moliya vazirligining idoraviy mansub tashkilotlari bilan hamkorlikda hal etadi.

20. Agentlikning Moliya vazirligi markaziy apparatning tarkibiy boʻlinmalari, shuningdek, idoraviy mansub tashkilotlar bilan oʻzaro hamkorligi bevosita direktor va uning oʻrinbosarlari tomonidan taʼminlanadi.

21. Agentlik faoliyatining samaradorligi va natijadorligi muntazam baholanib boriladi.

22. Agentlik faoliyati samaradorligi va natijadorligini baholash Moliya vazirligi tomonidan tasdiqlanadigan Agentlik faoliyati samaradorligi va natijadorligini baholash mezonlari va ish indikatorlariga asoslanadi.

23. Agentlik faoliyatining samaradorligi va natijadorligini baholash yakunlari boʻyicha:

Agentlik rahbarlari va xodimlariga nisbatan ragʻbatlantirish (mukofotlash) yoki intizomiy javobgarlik choralari;

Agentlik faoliyatida aniqlangan kamchiliklarni bartaraf etish va uning faoliyatini yanada takomillashtirish chora-tadbirlari koʻriladi.

24. Agentlik faoliyati samaradorligi va natijadorligini baholash tartibi va uslubi Oʻzbekiston Respublikasi moliya vaziri tomonidan belgilanadi.

25. Agentlik quyidagi manbalardan moliyalashtiriladi:

Agentlik xodimlarining mehnatiga haq toʻlash boʻyicha — Oʻzbekiston Respublikasi Davlat budjeti mablagʻlari va qonunchilikda taqiqlanmagan boshqa manbalar hisobidan;

Agentlikning moddiy-texnik bazani shakllantirish va mustahkamlash, xodimlarini moddiy ragʻbatlantirish va ijtimoiy himoya qilish — Agentlikning budjetdan tashqari mablagʻlari va qonunchilikda taqiqlanmagan boshqa manbalar hisobidan.

26. Agentlik xodimlariga Moliya vazirligi markaziy apparati xodimlari uchun belgilangan mehnatga haq toʻlash, moddiy ragʻbatlantirish va ijtimoiy himoya qilish shartlari tatbiq etiladi.

Agentlik faoliyatini moddiy-texnik bilan taʼminlash, shuningdek, uning xodimlarini moddiy ragʻbatlantirish, shu jumladan, qoʻshimcha toʻlovlar, ustama haqlar, mukofotlar, ijtimoiy va boshqa toʻlovlarni toʻlash Jamgʻarma mablagʻlari hisobiga qoʻshimcha moliyalashtirish yoʻli bilan amalga oshirilishi mumkin.

Agentlikning xodimlariga oʻz xizmat vazifalarini tashabbus koʻrsatib va vijdonan bajarganliklari uchun Agentlik direktori tomonidan Jamgʻarma mablagʻlari hisobiga lavozim maoshining 200 foizigacha ustama belgilanishi mumkin.

27. Agentlik xodimlarining lavozim maoshlariga ragʻbatlantiruvchi tavsifdagi ustama va qoʻshimcha haqlar Agentlik direktori tomonidan tasdiqlanadigan nizom va mehnat shartnomalariga (kontraktlariga) muvofiq toʻlanadi. Bunda Agentlik direktori ragʻbatlantiruvchi qoʻshimcha haq va qoʻshimcha toʻlov belgilashga haqli.

28. Agentlik oʻz faoliyati toʻgʻrisida Moliya vazirligiga muntazam ravishda hisobot berib boradi.

29. Moliya vazirligi Agentlik rahbarlariga yuklangan vazifalar samarali bajarilishi boʻyicha ular faoliyati yuzasidan muntazam monitoring olib boradi, Agentlik faoliyati samaradorligiga xolisona baho beradi.

30. Monitoring va faoliyatni baholash yakunlari boʻyicha Agentlikning rahbarlari, mansabdor shaxslari va xodimlariga nisbatan yuklangan vazifalarni vijdonan va oʻz vaqtida bajarganlik uchun ragʻbatlantirish yoki yoʻl qoʻyilgan jiddiy kamchiliklar uchun egallab turgan lavozimidan ozod qilishgacha boʻlgan jazo choralari koʻriladi.

31. Agentlik qonun hujjatlarida belgilangan tartibda qayta tashkil etiladi va tugatiladi.

32. Ushbu Nizom talablari buzilishida aybdor boʻlgan shaxslar qonun hujjatlarida belgilangan tartibda javob beradilar.

1. Ushbu Nizom Oʻzbekiston Respublikasi Moliya vazirligi huzuridagi Sugʻurta bozorini rivojlantirish agentligining budjetdan tashqari Jamgʻarmasining (keyingi oʻrinlarda Jamgʻarma deb ataladi) mablagʻlarini shakllantirish va ulardan foydalanish tartibini belgilaydi.

2. Budjetdan tashqari Jamgʻarma Oʻzbekiston Respublikasi Moliya vazirligi huzuridagi Sugʻurta bozorini rivojlantirish agentligi (keyingi oʻrinlarda Agentlik deb ataladi) faoliyatini amalga oshirish, uni yuritish va moddiy-texnika bazasini mustahkamlash, shuningdek Agentlik xodimlarini moddiy ragʻbatlantirish va ijtimoiy himoyalash choralarini koʻrish bilan bogʻliq xarajatlarni moliyalashtirish maqsadlarida yuridik shaxs tashkil etmasdan tuziladi.

3. Jamgʻarma mablagʻlari quyidagi manbalar hisobiga shakllantiriladi:

litsenziya talabgorlari arizalarini koʻrib chiqish uchun yigʻimlar;

aktuariylarni sertifikatlash uchun yigʻimlar;

sugʻurta tashkilotlarining kalendar badallari;

jismoniy va yuridik shaxslarning homiylik hayriyalari;

xalqaro moliya institutlari, xorijiy hukumat tashkilotlari grantlari;

Jamgʻarmaning vaqtincha boʻsh mablagʻlarini tijorat banklari depozitlariga joylashtirishdan olingan daromadlar;

qonun hujjatlarida bilan taqiqlanmagan boshqa manbalar.

4. Jamgʻarma mablagʻlari belgilangan tartibda Agentlik tomonidan ochiladigan tegishli gʻaznachilik hisobvaragʻida yigʻiladi.

5. Barcha manbalardan Jamgʻarma hisobiga tushgan daromadlar soliqqa tortish obyekti hisoblanmaydi.

6. Jamgʻarmaning foydalanish yoʻnalishlari boʻyicha daromadlari va xarajatlari smetasi, smetaga oʻzgarishlar, shuningdek, Jamgʻarmaning daromadlari va xarajatlari toʻgʻrisida har choraklik hisobotlari Oʻzbekiston Respublikasi Moliya vazirligi tomonidan belgilangan tartibda tasdiqlanadi.

7. Kalendar badali sugʻurta (qayta sugʻurta) tashkilotlari tomonidan har chorakda Agentlikning gʻazna hisobvaragʻiga tegishli miqdordagi pul mablagʻlarini oʻtkazish orqali kiritiladi.

8. Kalendar badali stavkasi sugʻurta (qayta sugʻurta) tashkilotlarining sof sugʻurta mukofotlarining 0,1 foizi miqdorida belgilanadi.

9. Har bir oʻtgan chorak uchun sof sugʻurta mukofotlari quyidagicha hisoblanadi:

toʻgʻridan-toʻgʻri sugʻurta va birgalikda sugʻurta (sugʻurta tashkilotining birgalikda sugʻurtalash shartnomasida belgilangan ulushi) boʻyicha sugʻurta mukofotlari hamda kiruvchi qayta sugʻurta mukofotlari yigʻindisidan chiquvchi qayta sugʻurta mukofotlari chegirib tashlanadi.

10. Kalendar badalining 70 foizi miqdoridagi mablagʻ tugatilayotgan sugʻurta (qayta sugʻurta) tashkilotlari sugʻurta (qayta sugʻurta) majburiyatlarining va qaytarilishi lozim boʻlgan sugʻurta mukofotlarining yetishmagan qismlarini, shuningdek, ularga nisbatan bankrotlik tartiboti qoʻllanilganda, moliyalashtirishga yoʻnaltiriladi.

Kalendar badalining qolgan qismi ushbu Nizomning 12-bandida koʻrsatilgan maqsadlarga yoʻnaltiriladi.

11. Kalendar badali stavkasi oʻzgargan taqdirda Agentlik sugʻurta tashkilotlariga bu haqda keyingi toʻlov muddatiga qadar oʻttiz kundan kechiktirmay xabar berishi lozim.

12. Quyidagilar Jamgʻarma mablagʻlaridan foydalanishning asosiy yoʻnalishlari hisoblanadi:

sugʻurta bozorini rivojlantirishga, aholining sugʻurta bozoriga ishonchini oshirishga va jamiyatda sugʻurta madaniyatini rivojlantirishga yoʻnaltirilgan kompleks chora-tadbirlarni tashkil qilish, shuningdek, xalqaro darajadagi ekspertlar va mutaxassislarni jalb qilgan holda sugʻurta faoliyati masalalari boʻyicha seminarlar, konferensiyalar va forumlarni tashkil etish;

Agentlik rahbarlari va xodimlarini oʻqitish, tayyorlash, qayta tayyorlash va malakasini oshirishni, shu jumladan xorijda tashkil qilish;

milliy va xorijiy mutaxassislar, xalqaro va xorijiy tashkilotlarni, shuningdek, konsalting tashkilotlarini jalb qilish bilan bogʻliq xarajatlarni qoplash;

Agentlik xodimlarini moddiy ragʻbatlantirish, mukofotlash, shu jumladan qoʻshimcha toʻlovlar, ustamalar toʻlash va ijtimoiy taʼminlash;

xodimlarga moddiy yordam koʻrsatish;

Agentlik xodimlariga sugʻurta sohasida va (yoki) Agentlik tizimida koʻp yillik xizmatlari uchun mukofotlar toʻlash;

narxlarni indeksatsiya qilishni hisobga olgan holda ovqatlanish va yoʻlkira xarajatlari, shuningdek, mavsumiy tusdagi qishloq xoʻjaligi mahsulotlarini xarid qilishni qoplash uchun xodimlarga qoʻshimcha toʻlovlar belgilash;

Agentlikning joriy xarajatlarini moliyalashtirish (avtomobillar, mebellar, kompyuterlar va tashkiliy texnika, idora ashyolari, avtomobil ehtiyot qismlari va hokazolarni xarid qilish);

Agentlikning idora qilish va boshqaruv funksiyalarini amalga oshirish bilan bogʻliq sarflar, shu jumladan, elektron maʼlumotlar bazasini shakllantirish va yuritish boʻyicha xarajatlarni qoplash;

Agentlik faoliyatini yaxshilashga yoʻnaltirilgan tadbirlar (videoroliklar, davriy nashrlar, broshyuralar, bukletlar, kitoblar, toʻplamlar tayyorlash, konferensiyalar, davra suhbatlari, seminarlar va hokazolarni oʻtkazish);

Agentlikning moddiy-texnik bazasini mustahkamlash;

delegatsiyalar, mehmonlar, shu jumladan, xorijiy delegatsiyalar, mehmonlarni qabul qilish va xizmat koʻrsatish bilan bogʻliq vakillik xarajatlari;

Agentlik rahbarlari va xodimlarining, shu jumladan, xorijiy mamlakatlarga xizmat safarlari xarajatlari;

Agentlikning kommunal-ekspluatatsiya va boshqa joriy xarajatlari.

13. Agentlik belgilangan tartibda Oʻzbekiston Respublikasi Moliya vazirligiga Jamgʻarma daromadlari va xarajatlari smetalari bajarilishi boʻyicha choraklik va yillik hisobotlar taqdim etadi.

14. Ushbu Nizomda nazarda tutilmagan maqsadlarda Jamgʻarma hisobvaragʻidan pul oʻtkazish va mablagʻlarni vaqtinchalik olish taqiqlanadi.

15. Agentlik xodimlarini Jamgʻarma mablagʻlari hisobiga moddiy ragʻbatlantirish Agentlik direktorining buyrugʻi asosida amalga oshiladi.

16. Jamgʻarma mablagʻlari hisobiga xodimlarni moddiy ragʻbatlantirish quyidagi shakllarda amalga oshirilishi mumkin:

xodimlarning lavozim maoshlariga shaxsiy har oylik ustamalar;

Agentlikning umumiy natijalariga xodimning shaxsiy hissasiga muvofiq, yoxud maʼlum bir vazifani muvaffaqiyatli bajarganligi uchun biryoʻla toʻlanadigan mukofotlar;

davlat bayramlari munosabati bilan mukofotlar toʻlash;

ijtimoiy, kompensatsiya va ragʻbatlantiruvchi tusdagi boshqa toʻlovlar.

Moddiy ragʻbatlantirishlar miqdorlari maoshlar, summalar koʻrinishida yoki xodimning lavozim maoshi foizlarida belgilanadi, ijtimoiy va kompensatsiya toʻlovlarining miqdorlari esa — Oʻzbekiston Respublikasida belgilangan mehnatga haq toʻlashning eng kam miqdoriga nisbatan belgilanadi.

17. Jamgʻarmani boshqarish Agentlik direktori tomonidan amalga oshiriladi.

18. Agentlik direktori:

belgilangan manbalardan daromadlarni Jamgʻarmaga jalb qilishga koʻmaklashadi;

Jamgʻarmaga mablagʻlar oʻz vaqtida tushishi, daromadlarni shakllantirishning doimiy nazoratini amalga oshiradi;

Jamgʻarma mablagʻlari shakllanishi va ulardan foydalanish bilan bogʻliq boshqa vazifalarni bajaradi.

19. Agentlik buxgalteriyasi:

Jamgʻarmaning operativ boshqaruvini amalga oshiradi;

Jamgʻarmaning daromadlari toʻliq shakllanishini taʼminlaydi;

Jamgʻarma daromadlari va xarajatlari yillik smetasining, ushbu Nizomga muvofiq alohida tadbirlar va xarajatlar boʻyicha xarajatlar smetasi loyihalarini, shuningdek, ularning bajarilishi toʻgʻrisida choraklik hisobotlarni tayyorlaydi;

direktor soʻroviga koʻra Jamgʻarma mablagʻlarini oluvchilari bilan birga Jamgʻarma mablagʻlaridan foydalanish toʻgʻrisida axborot taqdim etadi;

Jamgʻarma mablagʻlaridan maqsadli foydalanishni nazorat qilishni tashkil qiladi;

zarur boʻlganda samarasiz tadbirlarni kamaytirish yoki toʻliq toʻxtatish haqida takliflar, shuningdek, Jamgʻarma mablagʻlaridan maqsadli foydalanmasligiga yoʻl qoʻygan oluvchilar haqida axborot kiritadi;

Jamgʻarmaning vaqtincha boʻsh mablagʻlarini direktor bilan kelishgan holda tijorat banklari depozitlariga joylashtiradi;

ushbu Nizomda va Agentlik direktori tomonidan belgilangan funksiyalar va vazifalarni bajaradi.

20. Jamgʻarma mablagʻlaridan foydalanganlik toʻgʻrisidagi hisobotlarni tayyorlash va topshirish tartibi Agentlik buxgalteriyasi tomonidan ishlab chiqiladi va Agentlik direktoriga tasdiqlash uchun taqdim etiladi.

21. Jamgʻarmaning moliya-xoʻjalik faoliyati Moliya vazirligi Davlat moliyaviy nazorati departamenti tomonidan majburiy tartibda yillik tekshiruvdan oʻtkaziladi. Ushbu Nizom talablari va shartlariga amal qilinishi tekshirilganda tekshiruvchi xodimlar tomonidan ikki nusxada dalolatnoma tuzilib, ulardan biri Agentlikda, ikkinchi nusxasi Moliya vazirligining Davlat moliyaviy nazorati departamentida qoladi.

22. Jamgʻarmani tugatish va qayta tashkil etish qonun hujjatlariga muvofiq amalga oshiriladi.

1. Vazirlar Mahkamasining “Oʻzbekinvest Interneshnl”, “Chartis Uzbekistan” qoʻshma sugʻurta kompaniyalarini va “AIG Uzbekinvest” agentligini tashkil etish toʻgʻrisida” 1994-yil 23-noyabrdagi 565-son qarorida:

a) nomi quyidagi tahrirda bayon etilsin:

“Oʻzbekinvest Interneshnl” va “AIG Uzbekinvest” qoʻshma sugʻurta kompaniyalarini tashkil qilish toʻgʻrisida”;

b) 1-bandning “v” kichik bandi oʻz kuchini yoʻqotgan deb hisoblansin;

v) 2-bandning toʻrtinchi xatboshi chiqarib tashlansin;

g) 7-band oʻz kuchini yoʻqotgan deb hisoblansin.

3. Vazirlar Mahkamasining “Sugʻurta xizmatlari bozorini yanada rivojlantirish chora-tadbirlari toʻgʻrisida” 2002-yil 27-noyabrdagi 413-son qarorida (Oʻzbekiston Respublikasi QT, 2002-y., 11-son, 72-modda):

a) muqaddimada “Oʻzbekiston Respublikasi Prezidentining “Sugʻurta bozorini yanada erkinlashtirish va rivojlantirish chora-tadbirlari toʻgʻrisida” 2002-yil 31-yanvardagi PF-3022-son Farmoniga” soʻzlari “Oʻzbekiston Respublikasi Prezidentining “Oʻzbekiston Respublikasining sugʻurta bozorini isloh qilish va uning jadal rivojlanishini taʼminlash chora-tadbirlari toʻgʻrisida” 2019-yil 2-avgustdagi PQ-4412-son qaroriga” soʻzlari bilan almashtirilsin;

b) 3-band quyidagi tahrirda bayon qilinsin:

“3. Oʻzbekiston Respublikasi Moliya vazirligi huzuridagi Sugʻurta bozorini rivojlantirish agentligi sugʻurta faoliyatini tartibga solishni va rivojlantirishni amalga oshiruvchi maxsus vakolatli davlat organi etib belgilansin”.

1. Vazirlar Mahkamasining “Sugʻurta faoliyatini davlat tomonidan tartibga solish chora-tadbirlari toʻgʻrisida” 1998-yil 8-iyuldagi 286-son qarori (Oʻzbekiston Respublikasi QT, 1998-y., 7-son, 24-modda).

4. Vazirlar Mahkamasining “Oʻzbekiston Respublikasi hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2006-yil 10-noyabrdagi 235-son qaroriga (“Tadbirkorlik subyektlarini huquqiy himoya qilish tizimi takomillashtirilganligi hamda ularning moliyaviy javobgarligi erkinlashtirilganligi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida” Oʻzbekiston Respublikasining 2006-yil 10-oktabrdagi OʻRQ-59-son Qonuni) (Oʻzbekiston Respublikasi QT, 2006-y., 11-son, 86-modda) 1-ilovaning 19-bandi.

5. Vazirlar Mahkamasining “Vazirlar Mahkamasining “Oʻzbekinvest Interneshnl”, “Oʻz-AIG” qoʻshma sugʻurta kompaniyalarini va “AIG-Oʻzbekinvest” agentligini tashkil etish toʻgʻrisida” 1994-yil 23-noyabrdagi 565-son qaroriga oʻzgartirishlar kiritish haqida” 2009-yil 18 dekarbdagi 317-son qarorining(Oʻzbekiston Respublikasi QHT, 2009-y., 52-son, 564-modda) 1 bandi, shuningdek, karorga ilovaning 1, 2, 3 va 5-bandlari.

6. Vazirlar Mahkamasining “Vazirlar Mahkamasining “Sugʻurta faoliyatini davlat tomonidan tartibga solish chora-tadbirlari toʻgʻrisida” 1998-yil 8-iyuldagi 286-son qaroriga oʻzgartirishlar kiritish haqida” 2015-yil 19-fevraldagi 30-son qarori (Oʻzbekiston Respublikasi QT, 2015-y., 2-son, 10-modda).