1-modda. Oʻzbekiston Respublikasining 1995-yil 21-dekabrda qabul qilingan 163-I-sonli va 1996-yil 29-avgustda qabul qilingan 256-I-sonli qonunlari bilan tasdiqlangan Oʻzbekiston Respublikasining Fuqarolik kodeksi (Oʻzbekiston Respublikasi Oliy Majlisining Axborotnomasi, 1996-yil, 2-songa ilova, № 11-12; 1997-yil, № 2, 56-modda, № 9, 241-modda; 1998-yil, № 5-6, 102-modda; 1999-yil, № 1, 20-modda, № 9, 229-modda; 2001-yil, № 1-2, 23-modda, № 9-10, 182-modda; 2002-yil, № 1, 20-modda, № 9, 165-modda; 2003-yil, № 1, 8-modda, № 5, 67-modda; 2004-yil, № 1-2, 18-modda, № 5, 90-modda, № 9, 171-modda; Oʻzbekiston Respublikasi Oliy Majlisi palatalarining Axborotnomasi, 2006-yil, № 4, 154-modda, № 9, 494, 498-moddalar; 2007-yil, № 1, 3, 5-moddalar, № 4, 156, 164-moddalar, № 8, 367-modda, № 9, 416-modda, № 12, 598, 608-moddalar; 2008-yil, № 4, 192-modda, № 12, 640-modda; 2009-yil, № 9, 337-modda; 2010-yil, № 9, 335, 337, 340-moddalar; 2011-yil, № 12/2, 363, 364, 365-moddalar; 2012-yil, № 4, 106, 109-moddalar, № 12, 336-modda; 2013-yil, № 10, 263-modda; 2014-yil, № 5, 130-modda, № 12, 343-modda; 2015-yil, № 8, 310, 312-moddalar; 2016-yil, № 4, 125-modda; 2017-yil, № 4, 137-modda, № 9, 510-modda, № 12, 773-modda; 2018-yil, № 1, 4-modda, № 4, 224-modda) 565-moddasiga quyidagi qoʻshimchalar kiritilsin:

ikkinchi qism “notarial tasdiqlangan boʻlishi kerak” degan soʻzlardan keyin “bundan ushbu moddaning uchinchi qismida nazarda tutilgan hollar mustasno” degan soʻzlar bilan toʻldirilsin;

quyidagi mazmundagi uchinchi qism bilan toʻldirilsin:

“Yengil avtomobillar va mototransport vositalarini ijaraga berish boʻyicha xizmat koʻrsatadigan yuridik shaxslar jismoniy shaxslar bilan yengil avtomobillar va mototransport vositalarini oʻttiz kungacha boʻlgan muddatga ijaraga berish shartnomalarini oddiy yozma shaklda tuzishlari mumkin”.

2-modda. Oʻzbekiston Respublikasining 1998-yil 24-dekabrda qabul qilingan “Investitsiya faoliyati toʻgʻrisida”gi 719-I-sonli Qonuniga (Oʻzbekiston Respublikasining 2014-yil 9-dekabrda qabul qilingan OʻRQ-380-sonli Qonuni tahririda) (Oʻzbekiston Respublikasi Oliy Majlisi palatalarining Axborotnomasi, 2014-yil, № 12, 342-modda) quyidagi oʻzgartishlar kiritilsin:

1) 6-moddaning birinchi qismi quyidagi tahrirda bayon etilsin:

“Investitsiya loyihasi iqtisodiy, ijtimoiy naf va boshqa yoʻsindagi naf olish uchun investitsiyalarni amalga oshirishga yoxud jalb etishga qaratilgan, oʻzaro bogʻliq boʻlgan tadbirlar kompleksi yoki alohida tadbirdir”;

2) 15-modda birinchi qismining toʻqqizinchi xatboshisidagi “Investitsiya dasturiga” degan soʻzlar “rivojlanish davlat dasturlariga” degan soʻzlar bilan almashtirilsin;

3) 18-moddaning ikkinchi qismidagi “Oʻzbekiston Respublikasi Vazirlar Mahkamasi” degan soʻzlar “Oʻzbekiston Respublikasi Prezidenti” degan soʻzlar bilan almashtirilsin;

4) 20-modda quyidagi tahrirda bayon etilsin:

Oʻzbekiston Respublikasining rivojlanish davlat dasturlari — bu uzoq muddatli istiqbol uchun tasdiqlanadigan, tarmoq, hududiy va maqsadli rivojlanish konsepsiyalari asosida shakllantirilgan hamda mamlakat iqtisodiyotini barqaror va izchil rivojlantirishga erishishga, mavjud tabiiy, mineral-xomashyo, moliyaviy, moddiy, mehnat resurslaridan va boshqa resurslardan oqilona foydalanish yoʻli bilan mamlakat iqtisodiyotining ayrim tarmoqlari hamda mintaqalarini tuzilmaviy jihatdan oʻzgartirish boʻyicha asosiy ustuvorliklar va vazifalarni amalga oshirishga qaratilgan, Oʻzbekiston Respublikasi Prezidenti tomonidan tasdiqlanadigan oʻzaro uzviy bogʻliq boʻlgan choralar majmuidir.

Oʻzbekiston Respublikasining rivojlanish davlat dasturlari tasdiqlangan rivojlantirish konsepsiyalari asosida mamlakatni ijtimoiy-iqtisodiy rivojlantirishning umumdavlat dasturlari bajarilishini taʼminlash maqsadida uch yillik muddatga shakllantirilib, bunda investitsiya va infratuzilma loyihalarini amalga oshirish muddatlari hamda moliyalashtirish manbalari hisobga olinadi, ularning asosiy koʻrsatkichlari har yili aniqlashtirib va yangilab boriladi. Oʻzbekiston Respublikasining rivojlanish davlat dasturlarini moliyalashtirish manbalari qonun hujjatlarida belgilanadi.

Oʻzbekiston Respublikasining rivojlanish davlat dasturlarini shakllantirish tartibi Oʻzbekiston Respublikasi Prezidenti tomonidan belgilanadi”;

5) 21-moddaning birinchi qismidagi “Oʻzbekiston Respublikasi Vazirlar Mahkamasi” degan soʻzlar “Oʻzbekiston Respublikasi Prezidenti” degan soʻzlar bilan almashtirilsin.

3-modda. Oʻzbekiston Respublikasining 2007-yil 25-dekabrda qabul qilingan OʻRQ-136-sonli Qonuni bilan tasdiqlangan Oʻzbekiston Respublikasining Soliq kodeksi (Oʻzbekiston Respublikasi Oliy Majlisi palatalarining Axborotnomasi, 2007-yil, 12-songa 1-ilova; 2008-yil, № 12, 639-modda; 2009-yil, № 9, 330, 331-moddalar, № 12, 470, 472, 473-moddalar; 2010-yil, № 5, 178-modda, № 9, 334, 335, 336, 337-moddalar, № 10, 380-modda, № 12, 474-modda; 2011-yil, № 1, 1-modda, № 9, 248-modda, № 12/2, 364, 365-moddalar; 2012-yil, № 4, 106-modda, № 9/1, 238-modda, № 12, 334, 336-moddalar; 2013-yil, № 10, 263-modda, № 12, 349-modda; 2014-yil, № 1, 2-modda, № 9, 244-modda, № 12, 341, 343-moddalar; 2015-yil, № 8, 312-modda, № 12, 452, 454-moddalar; 2016-yil, № 4, 125-modda, № 9, 276-modda, № 12, 383, 384, 385-moddalar; 2017-yil, № 4, 137-modda, № 6, 300-modda, № 9, 510-modda, № 10, 605-modda, № 12, 772, 773-moddalar; 2018-yil, № 1, 1, 4-moddalar, № 4, 224-modda) 282-moddasi ikkinchi qismining 18-bandidagi “Investitsiya dasturiga” degan soʻzlar “rivojlanish davlat dasturlariga” degan soʻzlar bilan almashtirilsin.

4-modda. Oʻzbekiston Respublikasining 2013-yil 26-dekabrda qabul qilingan OʻRQ-360-sonli Qonuni bilan tasdiqlangan Oʻzbekiston Respublikasining Budjet kodeksiga (Oʻzbekiston Respublikasi Oliy Majlisi palatalarining Axborotnomasi, 2013-yil, 12-songa 1-ilova; 2014-yil, № 9, 244-modda; 2015-yil, № 12, 452-modda; 2016-yil, № 12, 383, 385-moddalar; 2017-yil, № 6, 300-modda; 2018-yil, № 1, 1-modda) quyidagi oʻzgartishlar kiritilsin:

1) 23-modda birinchi qismining toʻrtinchi xatboshisidagi “Davlat investitsiya dasturida” degan soʻzlar “rivojlanish davlat dasturlarida” degan soʻzlar bilan almashtirilsin;

2) 49-moddaning ikkinchi xatboshisidagi “Davlat investitsiya dasturiga” degan soʻzlar “rivojlanish davlat dasturlariga” degan soʻzlar bilan almashtirilsin;

3) 152-modda beshinchi qismining ikkinchi xatboshisidagi “davlat investitsiya dasturlarini” degan soʻzlar “rivojlanish davlat dasturlarini” degan soʻzlar bilan almashtirilsin;

4) 154-modda ikkinchi qismining ikkinchi xatboshisidagi “davlat investitsiya dasturini” degan soʻzlar “rivojlanish davlat dasturlarini” degan soʻzlar bilan almashtirilsin;

5) 177-moddaning beshinchi xatboshisidagi “davlat investitsiya dasturlarini” degan soʻzlar “rivojlanish davlat dasturlarini” degan soʻzlar bilan almashtirilsin.

5-modda. Oʻzbekiston Respublikasining 2015-yil 26-mayda qabul qilingan “Tashuvchining fuqarolik javobgarligini majburiy sugʻurta qilish toʻgʻrisida”gi OʻRQ-386-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2015-yil, № 5, 179-modda) quyidagi qoʻshimcha va oʻzgartishlar kiritilsin:

1) 6-modda:

beshinchi qismi “bir yil muddatga tuziladi” degan soʻzlardan keyin “bundan ushbu moddaning oltinchi qismida nazarda tutilgan hollar mustasno” degan soʻzlar bilan toʻldirilsin;

quyidagi mazmundagi oltinchi qism bilan toʻldirilsin:

“Yoʻlovchilarni va ularning mol-mulkini avtomobilda tashishni amalga oshiruvchi tashuvchining fuqarolik javobgarligini majburiy sugʻurta qilish shartnomasi uch oydan bir yilgacha boʻlgan muddatga tuzilishi mumkin”;

oltinchi va yettinchi qismlari tegishincha yettinchi va sakkizinchi qismlar deb hisoblansin;

2) 8-moddaning ikkinchi va uchinchi qismlari quyidagi tahrirda bayon etilsin:

“Tashuvchining fuqarolik javobgarligini majburiy sugʻurta qilish boʻyicha sugʻurta polisi (bundan buyon matnda sugʻurta polisi deb yuritiladi) tegishli blankada va tashuvchining fuqarolik javobgarligini majburiy sugʻurta qilish shartnomasiga kiritilgan transport vositalarining soniga teng nusxalarda rasmiylashtiriladi. Sugʻurta polisi blankasi qatʼiy hisobda turadigan hujjat boʻlib, hisobga olish seriyasiga, raqamiga va himoyalanganlik darajasiga ega boʻlishi kerak.

Sugʻurta polisida quyidagi maʼlumotlar koʻrsatilgan boʻlishi kerak:

sugʻurtalovchi toʻgʻrisidagi;

tashuvchining nomi va joylashgan yeri (pochta manzili) haqidagi;

sugʻurtalovchining, uning barcha filiallarining nomi, joylashgan yeri (pochta manzili), ular bilan aloqa bogʻlash vositalari hamda ularning ish vaqti toʻgʻrisidagi;

tashuvchining fuqarolik javobgarligini majburiy sugʻurta qilish shartnomasining amal qilish davri haqidagi;

sugʻurta mukofoti toʻgʻrisidagi;

sugʻurta puli haqidagi;

tashuvchining transport vositasi (vagonlari) (turi, markasi, modeli, raqamli (tanituvchi) belgisi, ishlab chiqaruvchi zavod pasporti boʻyicha yoʻlovchi sigʻimi) toʻgʻrisidagi;

tashuvchining fuqarolik javobgarligini majburiy sugʻurta qilish shartnomasining boshqa muhim shartlari haqidagi”;

3) 16-modda ikkinchi qismining toʻrtinchi xatboshisi quyidagi tahrirda bayon etilsin:

“tashish kunida amalda boʻlgan sugʻurta polisining nusxasini tashuvchining fuqarolik javobgarligini majburiy sugʻurta qilish shartnomasiga kiritilgan barcha transport vositalariga va (yoki) oʻzining rasmiy veb-saytiga joylashtirishi”.

6-modda. Oʻzbekiston Respublikasining 2016-yil 20-yanvarda qabul qilingan OʻRQ-400-sonli Qonuni bilan tasdiqlangan Oʻzbekiston Respublikasining Bojxona kodeksiga (Oʻzbekiston Respublikasi Oliy Majlisi palatalarining Axborotnomasi, 2016-yil, 1-songa ilova; 2017-yil, № 9, 510-modda; 2018-yil, № 4, 224-modda) quyidagi qoʻshimcha va oʻzgartishlar kiritilsin:

1) 32-moddaning uchinchi qismi “Bojxona hududida qayta ishlash bojxona rejimida” degan soʻzlardan keyin “yoki vaqtincha olib kirish bojxona rejimida” degan soʻzlar bilan toʻldirilsin;

2) 64-modda toʻrtinchi qismining toʻqqizinchi xatboshisidagi “investitsiya dasturiga” degan soʻzlar “rivojlanish davlat dasturlariga” degan soʻzlar bilan almashtirilsin;

3) 245-modda:

birinchi qismining:

toʻrtinchi xatboshisi chiqarib tashlansin;

beshinchi xatboshisi toʻrtinchi xatboshi deb hisoblansin;

ikkinchi qismining ikkinchi xatboshisi “kontraktlar boʻyicha muddati oʻtgan debitorlik qarzi uzilguniga qadar rad etishga” degan soʻzlardan keyin “bundan qonun hujjatlarida nazarda tutilgan hollar mustasno” degan soʻzlar bilan toʻldirilsin;

4) 260-moddaning “g” kichik bandi quyidagi tahrirda bayon etilsin:

“g) tovarning kuzatuv hujjatlaridan foydalanilgan holda:

yuridik shaxslar uchun va yuridik shaxs tashkil etmasdan tadbirkorlik faoliyatini amalga oshirayotgan jismoniy shaxslar uchun qiymati eng kam oylik ish haqining oʻn baravarigacha boʻlgan tovarlarni bojxona chegarasi orqali olib oʻtishda, bundan tovarlar tashqi savdo kontraktlari (shartnomalari, kelishuvlari) boʻyicha majburiyatlarni bajarish doirasida olib oʻtilayotgan va qonun hujjatlarida belgilangan boshqa hollar mustasno;

xorijdagi koʻrgazma va yarmarkalarda namoyish etish uchun moʻljallangan, ushbu tovarlarni deklaratsiyalash kunida rasmiy ayirboshlashning qiymati Oʻzbekiston Respublikasi Markaziy banki tomonidan belgilangan kurs boʻyicha besh ming AQSh dollarigacha boʻlgan ekvivalentdagi tovarlarni olib chiqishda, bundan qonun hujjatlarida nazarda tutilgan hollar mustasno;

qiymati rasmiy ayirboshlashning ushbu tovarlarni deklaratsiyalash kunidagi Oʻzbekiston Respublikasi Markaziy banki tomonidan belgilangan kurs boʻyicha bir ming AQSh dollarigacha boʻlgan ekvivalentdagi tovarlarni umumjahon Internet tarmogʻida onlayn doʻkonlari orqali eksport qilish chogʻida amalga oshiriladi”.

7-modda. Oʻzbekiston Respublikasining 2018-yil 24-yanvarda qabul qilingan OʻRQ-461-sonli Qonuni bilan tasdiqlangan Oʻzbekiston Respublikasining Iqtisodiy protsessual kodeksi (Oʻzbekiston Respublikasi Oliy Majlisi palatalarining Axborotnomasi, 2018-yil, 1-songa 2-ilova) 27-moddasining matni quyidagi tahrirda bayon etilsin:

“Bankrotlik toʻgʻrisidagi ishlar jumlasiga yuridik shaxslarni hamda yuridik shaxs tashkil etmagan holda tadbirkorlik faoliyatini amalga oshirayotgan va qonunda belgilangan tartibda yakka tartibdagi tadbirkor maqomini olgan fuqarolarni, shuningdek pul majburiyatlari boʻyicha kreditorlarning talablarini qanoatlantirishga va (yoki) majburiy toʻlovlar boʻyicha oʻz majburiyatini bajarishga qodir boʻlmagan, yakka tartibdagi tadbirkor maqomini yoʻqotgan jismoniy shaxslarni, agar pul majburiyatlari va majburiy toʻlovlar boʻyicha majburiyatlar ularning avvalgi tadbirkorlik faoliyatidan kelib chiqqan boʻlsa, bankrot deb topish toʻgʻrisidagi ishlar kiradi”.

8-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin;

ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

9-modda. Ushbu Qonun rasmiy eʼlon qilingan kundan eʼtiboran kuchga kiradi.

Ushbu Qonunning 5-moddasi ushbu Qonun kuchga kirgan kundan eʼtiboran uch oy oʻtgach amalga kiritiladi.