O‘zbekiston Respublikasi Prezidentining “Mamlakatning oziq-ovqat xavfsizligini ta’minlash chora-tadbirlari to‘g‘risida” 2018-yil 16-yanvardagi PF-5303-son Farmoniga muvofiq Vazirlar Mahkamasi qaror qiladi:
1. O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.
2. Vazirliklar va idoralar o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
3. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari — moliya vaziri J.A. Qo‘chqorov zimmasiga yuklansin.
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
1. Vazirlar Mahkamasining 1999-yil 15-apreldagi 174-son qarori (O‘zbekiston Respublikasi QT, 1999-y., 4-son, 19-modda) bilan tasdiqlangan Birja va ko‘rgazma-yarmarka savdolarida tuzilgan kontraktlar bo‘yicha tovarlarni sotish, sotib olish va ularni olib chiqib ketish tartibining 81-bandiga quyidagi mazmundagi xatboshi qo‘shilsin:
“Birja brokerlari mahsulotlarni tovar-xomashyo birjalarining ochiq elektron savdolarida sotishdan olingan mablag‘lar hisobiga mijoz-norezident nomidan xorijiy valyutani sotib olishga (sotishga) tijorat banklariga buyurtmanomalar berish, norezidentlar — yuridik shaxslar esa — O‘zbekiston Respublikasining tijorat banklarida hisob raqamlari ochish va mahsulotlarni tovar-xomashyo birjalarining ochiq elektron savdolarida sotishdan olingan mablag‘lar hisobiga xorijiy valyutani sotib olish (sotish) huquqiga egadir”.
2. Vazirlar Mahkamasining 1999-yil 6-maydagi 223-son qarori (O‘zbekiston Respublikasi QT, 1999-y., 5-son, 25-modda) bilan tasdiqlangan O‘zbekiston Respublikasi Tovar-xomashyo birjalari savdolarida import kontraktlari tuzish tartibining 12-bandida:
“Mahsulotlarni tovar-xomashyo birjalarining ochiq elektron savdolarida sotishdan norezidentlar tomonidan olingan mablag‘lardan birja brokerlari O‘zbekiston Respublikasining tijorat banklari orqali ichki valyuta bozorida xorijiy valyutani sotib olish (sotish) uchun norezidentlar bilan tuzilgan shartnomalar asosida foydalanishi mumkin”;
“Birja brokerlari mahsulotlarni tovar-xomashyo birjalarining ochiq elektron savdolarida sotishdan olingan mablag‘lar hisobiga mijoz-norezident nomidan xorijiy valyutani sotib olishga (sotishga) tijorat banklariga buyurtmanomalar berish, norezidentlar — yuridik shaxslar esa — O‘zbekiston Respublikasining tijorat banklarida hisob raqamlari ochish va mahsulotlarni tovar-xomashyo birjalarining ochiq elektron savdolarida sotishdan olingan mablag‘lar hisobiga xorijiy valyutani sotib olish (sotish) huquqiga egadir”.
3. Vazirlar Mahkamasining “Ulgurji va birja savdosini tashkil etish tizimini takomillashtirish to‘g‘risida” 2001-yil 1-maydagi 198-son qarorining 9-bandida (O‘zbekiston Respublikasi QT, 2001-y., 5-son, 24-modda):
“mahsulotlarni tovar-xomashyo birjalarining ochiq elektron savdolarida sotishdan norezidentlar tomonidan olingan mablag‘lardan birja brokerlari O‘zbekiston Respublikasining tijorat banklari orqali ichki valyuta bozorida xorijiy valyutani sotib olish (sotish) uchun norezidentlar bilan tuzilgan shartnomalar asosida foydalanishi mumkin”;
b) uchinchi va to‘rtinchi xatboshilar tegishli ravishda to‘rtinchi va beshinchi xatboshilar deb hisoblansin;
“birja brokerlari mahsulotlarni tovar-xomashyo birjalarining ochiq elektron savdolarida sotishdan olingan mablag‘lar hisobiga mijoz-norezident nomidan xorijiy valyutani sotib olishga (sotishga) tijorat banklariga buyurtmanomalar berish, norezidentlar — yuridik shaxslar esa — O‘zbekiston Respublikasining tijorat banklarida hisob raqamlari ochish va mahsulotlarni tovar-xomashyo birjalarining ochiq elektron savdolarida sotishdan olingan mablag‘lar hisobiga xorijiy valyutani sotib olish (sotish) huquqiga egadir”.
Oldingi tahrirga qarang.
(4-band O‘zbekiston Respublikasi Vazirlar Mahkamasining 2020-yil 10-avgustdagi 472-sonli qaroriga asosan 2020-yil 1-sentabrdan o‘z kuchini yo‘qotadi — Qonun hujjatlari ma’lumotlari milliy bazasi, 11.08.2020-y., 09/20/472/1155-son)
5. Vazirlar Mahkamasining “Tovar-xomashyo birjalari faoliyatini takomillashtirishga doir qo‘shimcha chora-tadbirlar to‘g‘risida” 2004-yil 31-maydagi 251-son qarorining 3-bandiga (O‘zbekiston Respublikasi QT, 2004-y., 5-son, 50-modda) quyidagi mazmundagi xatboshi qo‘shilsin:
“tovar-xomashyo birjalarining ochiq elektron savdolarida iste’mol tovarlarini sotish (sotib olish) uchun ulgurji savdoni amalga oshirishga litsenziya mavjud ekanligi talab etilmaydi”.
Oldingi tahrirga qarang.
(6-band O‘zbekiston Respublikasi Vazirlar Mahkamasining 2020-yil 16-maydagi 288-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 16.05.2020-y., 09/20/288/0600-son)
7. Vazirlar Mahkamasining “Iste’mol tovarlari ulgurji savdosi tizimini takomillashtirish chora-tadbirlari to‘g‘risida” 2006-yil 27-martdagi 52-son qarorida (O‘zbekiston Respublikasi QT, 2006-y., 3-son, 24-modda):
a) 1-ilova 2-bandining ikkinchi xatboshidagi “(ulgurji savdo korxonalari — aksiyadorlik jamiyatlari uchun — qonun hujjatlarida belgilangan miqdorda, boshqa ulgurji savdo korxonalari uchun — eng kam oylik ish haqining kamida 3500 baravari miqdorida, ulardan pul mablag‘lari bilan — eng kam oylik ish haqining kamida 1200 baravari miqdorida)” so‘zlari chiqarib tashlansin;
Oldingi tahrirga qarang.
(7-bandning “b” kichik bandi O‘zbekiston Respublikasi Vazirlar Mahkamasining 2020-yil 16-maydagi 288-sonli qaroriga asosan chiqarilgan — Qonun hujjatlari ma’lumotlari milliy bazasi, 16.05.2020-y., 09/20/288/0600-son)
8. Vazirlar Mahkamasining “Toshkent shahrida “Xayatt Rijensi” savdo belgisi ostida xalqaro toifadagi mehmonxona qurilishini o‘z vaqtida tugallashni va mehmonxonaning samarali ishlashini ta’minlash chora-tadbirlari to‘g‘risida” 2016-yil 22-fevraldagi 49-son qarori 8-bandining uchinchi xatboshiga “(oziq-ovqat tovarlari bundan mustasno)” so‘zlari qo‘shilsin.
9. Vazirlar Mahkamasining “Kartoshka yetishtirish hajmlarini ko‘paytirish, kartoshka urug‘chiligini rivojlantirish va urug‘lik fondini yaxshilash chora-tadbirlari to‘g‘risida” 2017-yil 14-iyundagi 374-son qarorining (O‘zbekiston Respublikasi QHT, 2017-y., 24-son, 501-modda) 4-bandi o‘z kuchini yo‘qotgan deb hisoblansin.
10. Vazirlar Mahkamasining “Vazirlar Mahkamasining “Kartoshka yetishtirish hajmlarini ko‘paytirish, kartoshka urug‘chiligini rivojlantinish va urug‘lik fondini yaxshilash chora-tadbirlari to‘g‘risida” 2017-yil 14-iyundagi 374-son qaroriga kiritilayotgan o‘zgartirish va qo‘shimchalar to‘g‘risida” 2017-yil 21-avgustdagi 652-son qaroriga ilovaning 2-bandi o‘z kuchini yo‘qotgan deb hisoblansin.
11. Vazirlar Mahkamasining 2018-yil 17-yanvardagi 33-son qarori (O‘zbekiston Respublikasi QHT, 2018-y., 3-son, 48-modda) bilan tasdiqlangan Tovar-xomashyo birjalarida hisob-kitob-kliring operatsiyalarini o‘tkazish qoidalarining 23-bandiga quyidagi mazmundagi xatboshi qo‘shilsin:
“mahsulotlarni tovar-xomashyo birjalarining ochiq elektron savdolarida sotishdan olingan mablag‘lar hisobiga mijoz-norezident nomidan xorijiy valyutani sotib olishga (sotishga) tijorat banklariga buyurtmanomalar berish, norezidentlar — yuridik shaxslar esa — O‘zbekiston Respublikasining tijorat banklarida hisob raqamlari ochish va mahsulotlarni tovar-xomashyo birjalarining ochiq elektron savdolarida sotishdan olingan mablag‘lar hisobiga xorijiy valyutani sotib olish (sotish)”.
12. Vazirlar Mahkamasining 2017-yil 21-avgustdagi 929-F-son farmoyishi 2-bandining birinchi xatboshi va 3-bandi, shuningdek, farmoyishga 1 va 2-ilovalar o‘z kuchini yo‘qotgan deb hisoblansin.