Oʻzbekiston Respublikasi Oliy Majlisi qaror qiladi:

Oʻzbekiston Respublikasining quyidagi qonun hujjatlariga oʻzgartishlar va qoʻshimchalar kiritilsin:

I. Oʻzbekiston Respublikasining 1991-yil 18-noyabrda qabul qilingan “Oʻzbekiston Respublikasida nogironlarni ijtimoiy himoya qilish toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1992-yil, № 2, 78-modda; Oʻzbekiston Respublikasi Oliy Majlisining Axborotnomasi, 1998-yil, № 5-6, 102-modda):

1) 6-moddasi birinchi qismining ikkinchi xatboshisidagi “Pensiya jamgʻarmasi” degan soʻzlar “Budjetdan tashqari Pensiya jamgʻarmasi” degan soʻzlar bilan almashtirilsin;

2) 34-moddasining uchinchi qismidagi “sogʻliqni saqlash va ijtimoiy taʼminot idoralarining” degan soʻzlar “sogʻliqni saqlash organlari va tibbiy-mehnat ekspert komissiyalarining” degan soʻzlar bilan almashtirilsin;

3) 37-moddasidagi “ijtimoiy taʼminot” degan soʻzlar “ijtimoiy taʼminot boʻlimlari” degan soʻzlar bilan almashtirilsin;

4) 38-moddasining birinchi qismidagi “Pensiya jamgʻarmasi” degan soʻzlar “Budjetdan tashqari Pensiya jamgʻarmasi” degan soʻzlar bilan almashtirilsin.

II. Oʻzbekiston Respublikasining 1992-yil 13-yanvarda qabul qilingan “Aholini ish bilan taʼminlash toʻgʻrisida”gi Qonunining 1998-yil 1-mayda qabul qilingan Oʻzbekiston Respublikasi Qonuni bilan tasdiqlangan tahriri (Oʻzbekiston Respublikasi Oliy Majlisining Axborotnomasi, 1998-yil, № 5-6, 97-modda; 1999-yil, № 1, 20-modda, №5, 124-modda, №9, 229-modda) 16-moddasining nomi, birinchi va ikkinchi qismlaridagi , 28-moddasining uchinchi qismidagi va 35-moddasining ikkinchi qismidagi “Mehnat vazirligi” degan soʻzlar “Mehnat va aholini ijtimoiy muhofaza qilish vazirligi” degan soʻzlar bilan almashtirilsin.

III. Oʻzbekiston Respublikasining 1992-yil 9-dekabrda qabul qilingan “Davlat boji toʻgʻrisida”gi Qonunining (Oʻzbekiston Respublikasi Oliy Kengashining Axborotnomasi, 1993-yil, №1, 22-modda; 1994-yil, №5, 161-modda; Oʻzbekiston Respublikasi Oliy Majlisining Axborotnomasi, 1996-yil, № 9, 144-modda; 1997-yil, № 2, 56-modda, № 4-5, 126-modda, № 9, 241-modda; 1998-yil, № 5-6, 102-modda, № 9, 181-modda; 1999-yil, № 1, 20-modda, № 9, 229-modda; 2001-yil, № 1-2, 23-modda) 4-moddasi:

1) 1-bandining:

“e” kichik bandidagi “ijtimoiy taʼminot organlari” degan soʻzlar “ijtimoiy taʼminot boʻlimlari” degan soʻzlar bilan almashtirilsin;

“l” kichik bandidagi “Mehnat vazirligi” degan soʻzlar “Mehnat va aholini ijtimoiy muhofaza qilish vazirligi” degan soʻzlar bilan almashtirilsin;

“sh” kichik bandi chiqarib tashlansin;

2) 2-bandining “a” kichik bandidagi “ijtimoiy taʼminot organlari” degan soʻzlar “ijtimoiy taʼminot boʻlimlari” degan soʻzlar bilan almashtirilsin;

3) 3-bandining “m” kichik bandi quyidagi tahrirda bayon etilsin:

“m) Oʻzbekiston Respublikasi Mehnat va aholini ijtimoiy muhofaza qilish vazirligi hamda uning organlari xodimlarni tashkiliy yoʻsinda ishga qabul qilish tartibida tuziladigan mehnat shartnomalarini tasdiqlab berganlik uchun”.

IV. Oʻzbekiston Respublikasining 1993-yil 6-mayda qabul qilingan “Mehnatni muhofaza qilish toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 5, 223-modda; Oʻzbekiston Respublikasi Oliy Majlisining Axborotnomasi, 1998-yil, № 5-6, 102-modda) 25-moddasining ikkinchi qismidagi “Mehnat vazirligining” degan soʻzlar “Mehnat va aholini ijtimoiy muhofaza qilish vazirligining” degan soʻzlar bilan almashtirilsin.

V. Oʻzbekiston Respublikasining 1993-yil 3-sentabrda qabul qilingan “Fuqarolarning davlat pensiya taʼminoti toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 9, 338-modda; Oʻzbekiston Respublikasi Oliy Majlisining Axborotnomasi, 1995-yil, № 12, 269-modda; 1997-yil, № 4-5, 126-modda; 1998-yil, № 9, 181-modda; 1999-yil, № 5, 112-modda):

1) 32-moddasining toʻrtinchi qismidagi “Ijtimoiy taʼminot vazirligi huzuridagi Pensiya fondiga” degan soʻzlar “Budjetdan tashqari Pensiya jamgʻarmasiga” degan soʻzlar bilan almashtirilsin;

2) 37-moddasi birinchi qismining “a” bandi birinchi va uchinchi xatboshilaridagi, “g” bandidagi, 40-moddasining birinchi qismidagi “Pensiya fondiga” degan soʻzlar “Budjetdan tashqari Pensiya jamgʻarmasiga” degan soʻzlar bilan almashtirilsin;

3) 43-moddasining toʻqqizinchi qismidagi “Pensiya fondiga” degan soʻzlar “Budjetdan tashqari Pensiya jamgʻarmasiga” degan soʻzlar bilan almashtirilsin;

4) 52-moddasidagi “ijtimoiy taʼminot organlari” degan soʻzlar “ijtimoiy taʼminot boʻlimlari” degan soʻzlar bilan almashtirilsin;

5) 66-moddasining birinchi, ikkinchi va uchinchi qismlaridagi “Pensiya fondi”, “Pensiya fondini”, “Ijtimoiy sugʻurta jamgʻarmasiga”, “Pensiya fondiga” degan soʻzlar tegishli kelishikdagi “Budjetdan tashqari Pensiya jamgʻarmasi” degan soʻzlar bilan almashtirilsin.

VI. Oʻzbekiston Respublikasi Oliy Kengashi 1993-yil 3-sentabrda qabul qilgan “Fuqarolarning davlat pensiya taʼminoti toʻgʻrisida”gi Oʻzbekiston Respublikasi Qonunini amalga kiritish tartibi haqida”gi qarorning (Oʻzbekiston Respublikasi Oliy Kengashining Axborotnomasi, 1993-yil, № 9, 339-modda; Oʻzbekiston Respublikasi Oliy Majlisining Axborotnomasi, 1997-yil, № 4-5, 126-modda) 3-bandidagi “Ijtimoiy taʼminot vazirligi huzuridagi Pensiya fondiga” degan soʻzlar “Budjetdan tashqari Pensiya jamgʻarmasiga” degan soʻzlar bilan almashtirilsin.

VII. Oʻzbekiston Respublikasining 1994-yil 22-sentabrda qabul qilingan “Oʻzbekiston Respublikasining Oliy Majlisi toʻgʻrisida”gi Konstitutsiyaviy Qonunining (Oʻzbekiston Respublikasi Oliy Kengashining Axborotnomasi, 1994-yil, № 10, 250-modda; Oʻzbekiston Respublikasi Oliy Majlisining Axborotnomasi, 2000-yil, № 5-6, 153-modda) 17-moddasi birinchi qismidagi 6.1-band quyidagi tahrirda bayon etilsin:

“6.1) Oʻzbekiston Respublikasi Markaziy banki Boshqaruvi aʼzolarini, Oʻzbekiston Respublikasi Tabiatni muhofaza qilish davlat qoʻmitasi raisining oʻrinbosarlarini tayinlaydi va lavozimdan ozod qiladi”.

VIII. Oʻzbekiston Respublikasining 1995-yil 21-dekabrda qabul qilingan Qonuni bilan tasdiqlangan Oʻzbekiston Respublikasining Mehnat kodeksi (Oʻzbekiston Respublikasi Oliy Majlisining Axborotnomasi, 1996-yil, 1-songa ilova; 1997-yil, № 2, 65-modda; 1998-yil, № 5-6, 102-modda, № 9, 181-modda; 1999-yil, № 1, 20-modda, № 5, 112, 124-moddalar, № 9, 229-modda):

1) 9-moddasining birinchi qismidagi, 46-moddasining birinchi qismidagi, 49-moddasining birinchi qismidagi, 51-moddasining toʻrtinchi qismidagi, 56-moddasining matnidagi, 59-moddasining birinchi qismidagi, 71-moddasining birinchi qismidagi, 117-moddasining ikkinchi qismidagi, 137-moddasining ikkinchi qismidagi, 225-moddasining uchinchi qismidagi, 241-moddasining uchinchi qismidagi “Mehnat vazirligi”, “Mehnat vazirligining” degan soʻzlar tegishli kelishikdagi “Mehnat va aholini ijtimoiy muhofaza qilish vazirligi” degan soʻzlar bilan almashtirilsin;

2) 67-moddasining ikkinchi qismi quyidagi tahrirda bayon etilsin:

“Ushbu moddaning birinchi qismida nazarda tutilgan kafolatlar korxona rahbari, uning oʻrinbosarlari, bosh buxgalter bilan, korxonada bosh buxgalter lavozimi boʻlmagan taqdirda esa, bosh buxgalter vazifasini amalga oshiruvchi xodim bilan tuzilgan mehnat shartnomasi mulkdorning almashishi sababli bekor qilingan (100-modda ikkinchi qismining 6-bandi) hollarda ham tatbiq etiladi”;

3) 76-moddasining matni quyidagi tahrirda bayon etilsin:

“Muddatli mehnat shartnomalari:

bajarilajak ishning xususiyati, uni bajarish shartlari yoki xodimning manfaatlarini hisobga olgan tarzda, nomuayyan muddatga moʻljallangan mehnat shartnomalarini tuzish mumkin boʻlmagan hollarda;

korxona rahbari, uning oʻrinbosarlari, bosh buxgalter bilan, korxonada bosh buxgalter lavozimi boʻlmagan taqdirda esa, bosh buxgalter vazifasini bajaruvchi xodim bilan;

qonunda nazarda tutilgan boshqa hollarda tuzilishi mumkin”;

4) 97-moddasi 5-bandining ikkinchi jumlasi quyidagi tahrirda bayon etilsin:

“Mehnatga oid munosabatlarni bekor qilish toʻgʻrisidagi shart mehnat shartnomasida bu shartnoma ish beruvchi tomonidan korxona rahbari, uning oʻrinbosarlari, bosh buxgalter bilan, korxonada bosh buxgalter lavozimi boʻlmagan taqdirda esa, bosh buxgalter vazifasini amalga oshiruvchi xodim bilan tuzilganda, shuningdek qonunda yoʻl qoʻyiladigan boshqa hollarda ham nazarda tutilishi mumkin”;

5) 98-moddasi ikkinchi qismining birinchi jumlasi “korxonaning rahbari” degan soʻzlardan keyin “uning oʻrinbosarlari, bosh buxgalter bilan, korxonada bosh buxgalter lavozimi boʻlmagan taqdirda esa bosh buxgalter vazifasini amalga oshiruvchi xodim” degan soʻzlar bilan toʻldirilsin;

6) 100-moddasi ikkinchi qismining 6-bandi quyidagi tahrirda bayon etilsin:

“6) korxona rahbari, uning oʻrinbosarlari, bosh buxgalter bilan, korxonada bosh buxgalter lavozimi boʻlmagan taqdirda esa, bosh buxgalter vazifasini amalga oshiruvchi xodim bilan tuzilgan mehnat shartnomasi mulkdorning almashishi sababli bekor qilinganligi. Mazkur asos boʻyicha mehnat shartnomasini korxona mulk qilib olingan kundan boshlab uch oy mobaynida bekor qilishga yoʻl qoʻyiladi. Xodimning vaqtincha mehnatga qobiliyatsizlik davri, mehnat toʻgʻrisidagi qonunlar hamda boshqa normativ hujjatlarda nazarda tutilgan taʼtillarda boʻlgan vaqti, uzrli sabablarga koʻra ishda boʻlmagan boshqa davrlari bu muddatga kiritilmaydi”;

7) 101-moddasining birinchi qismi quyidagi tahrirda bayon etilsin:

“Basharti jamoa kelishuvi yoki jamoa shartnomasida mehnat shartnomasini ish beruvchining tashabbusi bilan bekor qilish uchun kasaba uyushmasi qoʻmitasi yoki xodimlar boshqa vakillik organining oldindan roziligini olish nazarda tutilgan boʻlsa, shartnomani bunday rozilikni olmay turib bekor qilishga yoʻl qoʻyilmaydi. Mehnat shartnomasi:

korxona tugatilishi munosabati bilan;

korxona rahbari bilan tuzilgan shartnomani ushbu Kodeks 100-moddasining ikkinchi qismida nazarda tutilgan asoslardan biriga koʻra;

ushbu Kodeks 100-moddasi ikkinchi qismining 6-bandiga koʻra ish beruvchining tashabbusi bilan bekor qilingan taqdirda kasaba uyushmasi qoʻmitasi yoki xodimlar boshqa vakillik organining roziligini olish talab etilmaydi”;

8) 102-moddasining toʻrtinchi qismi quyidagi tahrirda bayon etilsin:

“Xodim bilan tuzilgan mehnat shartnomasi korxona mulkdori almashishi sababli bekor qilinganda (100-modda ikkinchi qismining 6-bandi) yangi mulkdor uni mehnatga oid munosabatlarning kelgusida bekor qilinishi toʻgʻrisida kamida ikki oy oldin yozma ravishda (imzo chektirib) ogohlantirishi yoki unga shunga mutanosib kompensatsiya toʻlashi shart”.

IX. Oʻzbekiston Respublikasining 1995-yil 22-dekabrda qabul qilingan “Muddatida toʻlanmagan soliqlar va boshqa majburiy toʻlovlarni undirib olish toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1995-yil, № 12, 267-modda; 1997-yil, № 2, 56-modda);

1) 4-moddasining:

1-bandidagi “boʻyicha” degan soʻz “shuningdek Oʻzbekiston Respublikasi Budjetdan tashqari Pensiya jamgʻarmasiga majburiy toʻlovlar boʻyicha” degan soʻzlar bilan almashtirilsin;

2-bandi “Oʻzbekiston Respublikasi Budjetdan tashqari Pensiya jamgʻarmasiga toʻlovlar bundan mustasno” degan soʻzlar bilan toʻldirilsin;

2) 8-moddasi birinchi qismining 3-bandidagi “boʻyicha undiruvchi” degan soʻzlar “hamda Oʻzbekiston Respublikasi Budjetdan tashqari Pensiya jamgʻarmasiga toʻlovlar boʻyicha undiruvni” degan soʻzlar bilan almashtirilsin.

X. Oʻzbekiston Respublikasining 1996-yil 29-avgustda qabul qilingan “Fuqarolar sogʻligʻini saqlash toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1996-yil, № 9, 128-modda; 1999-yil, № 5, 124-modda):

1) 16-moddasining beshinchi qismidagi “ijtimoiy taʼminot” degan soʻzlar “mehnat va aholini ijtimoiy muhofaza qilish” degan soʻzlar bilan almashtirilsin;

2) 17-moddasining uchinchi qismidagi “Mehnat vazirligi va” degan soʻzlar “Mehnat va aholini ijtimoiy muhofaza qilish vazirligi hamda” degan soʻzlar bilan almashtirilsin;

3) 21-moddasining birinchi qismidagi, 22-moddasining ikkinchi qismidagi, 29-moddasining birinchi qismidagi “va ijtimoiy taʼminot”, “ijtimoiy taʼminot”, 21-moddasining uchinchi qismidagi “aholini ijtimoiy himoya qilish” degan soʻzlar “mehnat va aholini ijtimoiy muhofaza qilish” degan soʻzlar bilan almashtirilsin.

XI. Oʻzbekiston Respublikasining 1996-yil 27-dekabrda qabul qilingan “Davlat uy-joy siyosatining asoslari toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1997-yil, № 2, 50-modda):

1) 3-moddasining ikkinchi xatboshisi quyidagi tahrirda bayon etilsin:

“uy-joy fondidan foydalanish va uning asralishini taʼminlash sohasidagi davlat siyosatini yuritish, uy-joy sohasini rivojlantirishning davlat kompleks dasturlarini qabul qilish”;

2) 4-moddasi chiqarib tashlansin;

3) 5-moddasi:

ikkinchi xatboshidan keyin quyidagi mazmundagi uchinchi va toʻrtinchi xatboshilar bilan toʻldirilsin:

“uy-joy fondi va boshqa kommunal obyektlarni boshqarish hamda ularga xizmat koʻrsatish ishini tashkil etish;

Oʻzbekiston Respublikasi Moliya vazirligi bilan kelishilgan holda kommunal xizmatlarga boʻlgan tarif siyosatini oʻz tasarrufidagi hududda shakllantirish”;

uchinchi—oʻn ikkinchi xatboshilari tegishincha beshinchi—oʻn toʻrtinchi xatboshilar deb hisoblansin.

XII. Oʻzbekiston Respublikasining 1997-yil 24-aprelda qabul qilingan Qonuni bilan tasdiqlangan Oʻzbekiston Respublikasining Soliq kodeksi (Oʻzbekiston Respublikasi Oliy Majlisining Axborotnomasi, 1997-yil, 4-5-songa ilova, № 9, 241-modda; 1998-yil, № 3, 38-modda, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda; 2001-yil, № 1-2, 23-modda):

1) 7-moddasining uchinchi qismidagi “(stavkasi ushbu Kodeks bilan belgilanadigan yuridik shaxslarning mol-mulkiga solinadigan soliq bundan mustasno)” degan soʻzlar chiqarib tashlansin;

2) 8-moddasining matni quyidagi tahrirda bayon etilsin:

“Mikrofirmalar va kichik korxonalar uchun yagona soliq toʻlanishini nazarda tutuvchi soliq solish tizimi qoʻllanilishi mumkin. Aksiz soligʻi toʻlanadigan mahsulot ishlab chiqarayotgan mikrofirmalar va kichik korxonalar, ushbu Kodeksda belgilangan tartibda aksiz soligʻi toʻlaganlari taqdirda, yagona soliq toʻlashga oʻtishlari mumkin.

Mikrofirmalar va kichik korxonalar, roʻyxati Oʻzbekiston Respublikasi Vazirlar Mahkamasi tomonidan belgilanadigan faoliyatning ayrim turlarini amalga oshirganlari taqdirda, soliqning qatʼiy belgilangan summasini toʻlaydilar.

Ushbu moddaning ikkinchi qismida nazarda tutilmagan faoliyatning turlarini amalga oshirganlari taqdirda mikrofirmalar va kichik korxonalar oʻz xohishiga koʻra yo yagona soliq, yoki mazkur toifadagi soliq toʻlovchilar uchun nazarda tutilgan barcha soliqlarni jamlagan holda toʻlaydilar.

Mikrofirmalar va kichik korxonalar soliq toʻlash maqsadida ushbu moddaning ikkinchi va uchinchi qismlarida nazarda tutilgan faoliyat turlarining alohida buxgalteriya hisobini yuritishlari shart.

Mikrofirmalar va kichik korxonalarga soliq solish tizimini tanlash huquqi ushbu moddaning birinchi va ikkinchi qismlarida nazarda tutilgan talablarni inobatga olgan holda beriladi.

Yagona soliq toʻlash tartibi va stavkalari Oʻzbekiston Respublikasi Vazirlar Mahkamasi tomonidan belgilanadi.

Savdo va umumiy ovqatlanish korxonalari daromad (foyda) soligʻi, qoʻshilgan qiymat soligʻi, ekologiya soligʻi, suv resurslaridan foydalanganlik uchun soliq, yer osti boyliklaridan foydalanganlik uchun soliq, yer soligʻi, ijtimoiy infratuzilmani rivojlantirish soligʻi, boshqa mahalliy soliqlar va yigʻimlar (mol-mulk soligʻi bundan mustasno) oʻrniga budjetga yalpi daromad soligʻi toʻlaydilar. Yalpi daromad soligʻini hisoblab chiqarish tartibi va stavkalari Oʻzbekiston Respublikasi Vazirlar Mahkamasi tomonidan belgilanadi.

Qishloq xoʻjaligi tovar ishlab chiqaruvchilari, alkogolli mahsulot uchun aksiz soligʻini istisno etganda, amaldagi barcha umumdavlat va mahalliy soliqlar hamda yigʻimlar oʻrniga yagona yer soligʻi toʻlaydilar. Yagona yer soligʻini toʻlash tartibi va stavkalari Oʻzbekiston Respublikasi Vazirlar Mahkamasi tomonidan belgilanadi.

Oʻzbekiston Respublikasi Vazirlar Mahkamasi tadbirkorlik faoliyatining ayrim turlari boʻyicha soliq solishning oʻzi belgilagan stavkalar boʻyicha soliqning qatʼiy belgilangan summasini toʻlashni nazarda tutuvchi alohida tartibini belgilashi mumkin”;

3) 29-moddasi:

quyidagi mazmundagi ikkinchi qism bilan toʻldirilsin:

“Aksiyalar boʻyicha va boshqa xoʻjalik yurituvchi subyektlarning ustav sarmoyasidagi ulushbay qatnashuvdan olinadigan daromadlar soliq solish maqsadlari uchun dividendlar hisoblanadi. Depozit qoʻyilmalar, qarz majburiyatlari va boshqa qimmatli qogʻozlar boʻyicha olinadigan daromadlar foizlar jumlasiga kiritiladi”;

ikkinchi — toʻrtinchi qismlari tegishincha uchinchi — beshinchi qismlari deb hisoblansin;

4) 31-moddasining:

birinchi qismi quyidagi mazmundagi 23 va 24-bandlar bilan toʻldirilsin:

“23) qishloq joylarda yangi tashkil etilayotgan chet el investitsiyalari ishtirokidagi ishlab chiqarish korxonalari ishlab chiqarish boshlangan paytdan eʼtiboran uch yil muddatga. Bu muddat oʻtganidan soʻng keyingi ikki yil mobaynida mazkur qoʻshma korxonalar uchun soliq stavkasi amaldagi stavkaning ellik foizi miqdorida belgilanadi;

24) mahsulotini eksport qiluvchi, barcha mulk shaklidagi korxonalar oʻzi ishlab chiqargan mahsuloti (bajargan ishi, koʻrsatgan xizmatlari) eksportidan erkin almashtiriladigan valyutada olgan, shu jumladan vazirliklar, idoralar, korporatsiyalar, konsernlar, uyushmalar va kompaniyalarning, shuningdek birjalarning tarkibiy boʻlinmasi boʻlgan ixtisoslashtirilgan tashqi savdo birlashmalari va firmalari orqali eksportga mahsulot yetkazib berganlik uchun olgan daromadlari yuzasidan. Mazkur imtiyoz savdo-vositachilik korxonalariga nisbatan, shuningdek roʻyxati qonun hujjatlarida belgilab qoʻyiladigan tovarlarni erkin almashtiriladigan valyutaga eksport qiluvchi ishlab chiqarish korxonalariga nisbatan tatbiq etilmaydi”;

toʻrtinchi qismi chiqarib tashlansin;

5) 32-moddasi birinchi qismining ikkinchi xatboshisidagi, 102-moddasi birinchi qismining 2-bandidagi “ijtimoiy taʼminot”, “va ijtimoiy taʼminot” degan soʻzlar “mehnat va aholini ijtimoiy muhofaza qilish” degan soʻzlar bilan almashtirilsin;

6) 47-moddasining matni quyidagi tahrirda bayon etilsin:

“Ushbu Kodeksga muvofiq belgilanadigan jami yillik daromad soliq solish obyektidir”;

7) 48-moddasining toʻrtinchi xatboshisidagi “yalpi” degan soʻz chiqarib tashlansin;

8) 51-moddasi quyidagi tahrirda bayon etilsin:

“51-modda. Jismoniy shaxslarning tadbirkorlik faoliyatidan keladigan daromad

Jismoniy shaxslarning tadbirkorlik faoliyatidan keladigan daromadga tovarlar (ishlar, xizmatlar) realizatsiyasidan, qonun hujjatlarida taqiqlanmagan, yakka tartibda amalga oshirilayotgan boshqa faoliyatdan keladigan barcha tushumlar ushbu daromadni topish bilan bogʻliq xarajatlar, majburiy toʻlovlar, chiqimlar va ajratmalar chegirib tashlangan holda kiradi.

Soliq solish obyektini aniqlash maqsadida chegirib tashlanishi lozim boʻlgan xarajatlar, majburiy toʻlovlar, chiqimlar va ajratmalarni aniqlash tartibi Oʻzbekiston Respublikasi Vazirlar Mahkamasi tomonidan belgilanadi”;

9) 14-bobi chiqarib tashlansin;

10) 55-moddasi birinchi qismining jadvali quyidagi tahrirda bayon etilsin:

11) 78-moddasi:

quyidagi mazmundagi uchinchi qism bilan toʻldirilsin:

“Oʻzbekiston Respublikasi Vazirlar Mahkamasi ayrim toifadagi soliq toʻlovchilar uchun qoʻshilgan qiymat soligʻini toʻlashning boshqa muddatlarini belgilashi mumkin”;

uchinchi qismi toʻrtinchi qism deb hisoblansin;

12) 91-moddasining matni quyidagi tahrirda bayon etilsin:

“Yuridik va jismoniy shaxslarning mol-mulkiga coliq stavkalari Oʻzbekiston Respublikasi Vazirlar Mahkamasi tomonidan belgilanadi”;

13) 105-moddasining matnidagi “shuningdek foydali qazilmalar qazib olish bilan bogʻliq boʻlmagan yer osti inshootlari qurish va ulardan foydalanishni” degan soʻzlar chiqarib tashlansin;

14) 106-moddasining:

toʻrtinchi xatboshisi chiqarib tashlansin;

beshinchi xatboshisi quyidagi tahrirda bayon etilsin:

“toʻplangan rangli toshlar xomashyosi, paleontologiya qoldiqlari va boshqa geologik kolleksiya materiallari namunalarining hisobga olingan qiymati”;

15) 108-moddasi birinchi qismining:

toʻrtinchi, oltinchi va yettinchi xatboshilari chiqarib tashlansin;

beshinchi xatboshisi quyidagi tahrirda bayon etilsin:

“keng tarqalgan foydali qazilmalar qazib olishni oʻzlariga berilgan yer uchastkalari doirasida xoʻjalik va maishiy ehtiyojlar uchun belgilangan tartibda amalga oshirayotgan yer egalari va yerdan foydalanuvchilar”;

16) 109-moddasi birinchi qismining uchinchi xatboshisi va ikkinchi qismining uchinchi xatboshisi chiqarib tashlansin;

17) 135-moddasining birinchi qismi:

9-bandi quyidagi tahrirda bayon etilsin:

“9) hisobvaraq-fakturalarni:

tovarlar (ishlar, xizmatlar) realizatsiya qilinayotganda belgilangan tartibni buzgan holda rasmiylashtirganlik uchun, agar bu qonunbuzarlik qoʻshilgan qiymat soligʻi tushmasligiga olib kelgan boʻlsa, mahsulot yetkazib beruvchidan realizatsiya qilingan tovarlar (ishlar, xizmatlar) qiymatining oʻn foizi miqdorida jarima undiriladi, ushbu bandning uchinchi xatboshisida nazarda tutilgan hollar bundan mustasno;

qoʻshilgan qiymat soligʻi toʻlovchi boʻlmagan mahsulot yetkazib beruvchilar tomonidan tovarlar (ishlar, xizmatlar) realizatsiya qilinayotganda hisobvaraq-fakturalarda qoʻshilgan qiymat soligʻini aks ettirgan tarzda rasmiylashtirganlik uchun mahsulot yetkazib beruvchilardan hisobvaraq-fakturada koʻrsatilgan soliq summasi hamda xuddi shu summaga teng miqdorda jarima undiriladi. Bunda tovarlar (ishlar, xizmatlar)ning xaridorlari qoʻshilgan qiymat soligʻi boʻyicha budjet bilan qayta hisob-kitob qiladilar va ularga nisbatan jarima jazosi qoʻllanmaydi”;

quyidagi mazmundagi 10 va 11-bandlar bilan toʻldirilsin:

“10) hisobvaraq-fakturani rasmiylashtirmaganlik yoki hisobvaraq-fakturalarni belgilanmagan shaklda rasmiylashtirganlik uchun (soliq toʻlovchining identifikatsiya raqami va qonun hujjatlariga muvofiq nazarda tutilishi shart boʻlgan hollarda boshqa rekvizitlari koʻrsatilmaganligi yoki notoʻgʻri koʻrsatilganligi) har bir notoʻgʻri tuzilgan hujjat uchun eng kam ish haqining oʻn baravari miqdorida jarima undiriladi;

11) yer uchastkasiga boʻlgan huquqni tasdiqlovchi hujjatlarda koʻrsatilganidan kattaroq oʻlchamdagi yer maydonlaridan foydalanganlik uchun quyidagi miqdorda jarima undiriladi: yuridik shaxslar uchun yer soligʻiga teng summaning ikki baravari miqdorida, jismoniy shaxslar uchun bir yarim baravari miqdorida”.

XIII. Oʻzbekiston Respublikasining 1997-yil 25-aprelda qabul qilingan “Ayrim qonun hujjatlariga oʻzgartishlar va qoʻshimchalar kiritish, shuningdek ayrimlarini oʻz kuchini yoʻqotgan deb topish toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1997-yil, № 4-5, 126-modda) I boʻlimining 5-bandidagi 1-kichik bandning sakkizinchi xatboshisi, 11-bandining 1-kichik bandi, shuningdek 12-bandi chiqarib tashlansin.

XIV. Oʻzbekiston Respublikasining 1997-yil 29-avgustda qabul qilingan “Boj tarifi toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 1997-yil, № 9, 228-modda; 1998-yil, № 9, 181-modda) 33-moddasi quyidagi mazmundagi oʻn birinchi xatboshi bilan toʻldirilsin:

“yangi ishlab chiqarishlarni barpo etish, ishlab turgan ishlab chiqarishlarni modernizatsiya qilish va texnika bilan qayta jihozlash uchun belgilangan tartibda tasdiqlangan loyihalarga muvofiq olib kiriladigan texnologik uskunalar, vakolatli bankning tegishli tasdigʻi boʻlgan taqdirda”;

oʻn birinchi xatboshisi oʻn ikkinchi xatboshi deb hisoblansin.

XV. Oʻzbekiston Respublikasining 1997-yil 29-avgustda qabul qilingan “Davlat soliq xizmati toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1997-yil, № 9, 232-modda; 1998-yil, № 5-6, 102-modda; 1999-yil, № 9, 229-modda; 2000-yil, № 7-8, 217-modda):

1) 4-moddasining ikkinchi xatboshisi “toʻgʻri hisoblab chiqarilishi” degan soʻzlardan oldin “shuningdek Oʻzbekiston Respublikasi Budjetdan tashqari Pensiya jamgʻarmasiga majburiy toʻlovlar” degan soʻzlar bilan toʻldirilsin;

2) 5-moddasi birinchi qismining:

1-bandidagi “va soliqlarni” degan soʻzlar “soliqlar va Oʻzbekiston Respublikasi Budjetdan tashqari Pensiya jamgʻarmasiga majburiy toʻlovlarni” degan soʻzlar bilan almashtirilsin;

8-bandidagi “soliqlarni hisoblab chiqarish” degan soʻzlar “soliqlar va Oʻzbekiston Respublikasi Budjetdan tashqari Pensiya jamgʻarmasiga majburiy toʻlovlarni hisoblab chiqarish” degan soʻzlar bilan almashtirilsin;

3) 6-moddasi birinchi qismining 1-bandi “toʻgʻri hisoblab chiqilishi” degan soʻzlardan oldin “shuningdek Oʻzbekiston Respublikasi Budjetdan tashqari Pensiya jamgʻarmasiga majburiy toʻlovlarning” degan soʻzlar bilan toʻldirilsin.

XVI. Oʻzbekiston Respublikasining 1998-yil 30-aprelda qabul qilingan “Fermer xoʻjaligi toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1998-yil, № 5-6, 86-modda; 2001-yil, №1-2, 23-modda) 16-moddasi birinchi qismining sakkizinchi xatboshisidagi “Ijtimoiy taʼminot vazirligi huzuridagi Pensiya jamgʻarmasiga” degan soʻzlar “Budjetdan tashqari Pensiya jamgʻarmasiga” degan soʻzlar bilan almashtirilsin.

XVII. Oʻzbekiston Respublikasining 1998-yil 30-aprelda qabul qilingan “Dehqon xoʻjaligi toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1998-yil, № 5-6, 88-modda; 2001-yil, № 1-2, 23-modda) 14-moddasi birinchi qismining uchinchi xatboshisidagi, 20-moddasining ikkinchi, uchinchi va toʻrtinchi qismlaridagi “Ijtimoiy taʼminot vazirligi huzuridagi Pensiya jamgʻarmasiga”, “Ijtimoiy taʼminot vazirligi huzuridagi Pensiya jamgʻarmasining” degan soʻzlar tegishli kelishikdagi “Budjetdan tashqari Pensiya jamgʻarmasi” degan soʻzlar bilan almashtirilsin.

XVIII. Oʻzbekiston Respublikasining 1998-yil 24-dekabrda qabul qilingan Qonuni bilan tasdiqlangan Oʻzbekiston Respublikasining Uy-joy kodeksi (Oʻzbekiston Respublikasi Oliy Majlisining Axborotnomasi, 1999-yil, № 1, 4-modda):

1) 3-moddasining ikkinchi xatboshisi quyidagi tahrirda bayon etilsin:

“uy-joy fondidan foydalanish va uning asralishini taʼminlash sohasidagi davlat siyosatini yuritadi, uy-joy sohasini rivojlantirishning davlat kompleks dasturlarini qabul qiladi”;

2) 4-moddasi chiqarib tashlansin;

3) 5-moddasi:

ikkinchi xatboshidan keyin quyidagi mazmundagi uchinchi va toʻrtinchi xatboshilar bilan toʻldirilsin:

“uy-joy fondi va boshqa kommunal obyektlarni boshqarish hamda ularga xizmat koʻrsatish ishini tashkil etish;

Oʻzbekiston Respublikasi Moliya vazirligi bilan kelishilgan holda kommunal xizmatlarga boʻlgan tarif siyosatini oʻz tasarrufidagi hududda shakllantirish”;

uchinchi—oʻn uchinchi xatboshilari tegishincha beshinchi—oʻn beshinchi xatboshilar deb hisoblansin.

XIX. Oʻzbekiston Respublikasining 2000-yil 25-mayda qabul qilingan “Tadbirkorlik faoliyati erkinligining kafolatlari toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 2000-yil, № 5-6, 140-modda):

1) 12-moddasining toʻrtinchi qismidagi “va Oʻzbekiston Respublikasi Ijtimoiy taʼminot vazirligi huzuridagi Pensiya fondi organlarida” degan soʻzlar chiqarib tashlansin;

2) 16-moddasi:

uchinchi qismi quyidagi tahrirda bayon etilsin:

“Mikrofirmalar va kichik korxonalar uchun yagona soliq toʻlanishini nazarda tutuvchi soliq solish tizimi qoʻllanilishi mumkin. Aksiz soligʻi toʻlanadigan mahsulot ishlab chiqarayotgan mikrofirmalar va kichik korxonalar, Oʻzbekiston Respublikasining Soliq kodeksida belgilangan tartibda aksiz soligʻi toʻlaganlari taqdirda, yagona soliq toʻlashga oʻtishlari mumkin. Mikrofirmalar va kichik korxonalarga soliq solish tizimini tanlash huquqi ushbu modda talablarini inobatga olgan holda beriladi”;

quyidagi mazmundagi toʻrtinchi – oltinchi qismlar bilan toʻldirilsin:

“Mikrofirmalar va kichik korxonalar, roʻyxati Oʻzbekiston Respublikasi Vazirlar Mahkamasi tomonidan belgilanadigan faoliyatning ayrim turlarini amalga oshirganlari taqdirda, soliqning qatʼiy belgilangan summasini toʻlaydilar.

Ushbu moddaning toʻrtinchi qismida nazarda tutilmagan faoliyatning turlarini amalga oshirganlari taqdirda mikrofirmalar va kichik korxonalar oʻz xohishiga koʻra yo yagona soliq, yoki mazkur toifadagi soliq toʻlovchilar uchun nazarda tutilgan barcha soliqlarni jamlagan holda toʻlaydilar.

Mikrofirmalar va kichik korxonalar soliq toʻlash maqsadida ushbu moddaning toʻrtinchi va beshinchi qismlarida nazarda tutilgan faoliyat turlarining alohida buxgalteriya hisobini yuritishlari shart”;

toʻrtinchi — oltinchi qismlari tegishincha yettinchi — toʻqqizinchi qismlar deb hisoblansin.