“Temir yoʻl transporti toʻgʻrisida”gi Oʻzbekiston Respublikasi Qonuni, Oʻzbekiston Respublikasi Prezidentining “Oʻzbekiston Respublikasi Temir yoʻllarda yuk va yoʻlovchilar tashish xavfsizligini nazorat qilish davlat inspeksiyasi faoliyatini takomillashtirish chora-tadbirlari toʻgʻrisida” 2017-yil 16-avgustdagi PQ-3221-son qarori hamda Oʻzbekiston Respublikasi Vazirlar Mahkamasining “Oʻzbekiston Respublikasi Temir yoʻllarda yuk va yoʻlovchilar tashish xavfsizligini nazorat qilish davlat inspeksiyasi faoliyatini tashkil etish toʻgʻrisida” 2017-yil 28-noyabrdagi 948-son qarorining ijrosi yuzasidan, temir yoʻl mahsulotining xalqaro sifat standartlari va temir yoʻlda tashishlar xavfsizligiga muvofiqligini taʼminlash maqsadida Vazirlar Mahkamasi qaror qiladi:

2. Belgilab qoʻyilsinki, temir yoʻl mahsulotini majburiy sertifikatlashtirish Oʻzbekiston Respublikasi Transport vazirligi huzuridagi Temir yoʻllarda yuk va yoʻlovchilar tashish xavfsizligini nazorat qilish inspeksiyasining “Temir yoʻl mahsulotini sertifikatlashtirish markazi” davlat unitar korxonasi va “Oʻzstandart” agentligi huzuridagi belgilangan tartibda akkreditatsiyadan oʻtgan idoraviy mansub sinov va sertifikatlashtirish markazlari tomonidan amalga oshiriladi.

3. “Oʻzbekistontemir yoʻllari” AJ “Temir yoʻl mahsulotini sertifikatlashtirish markazi” davlat unitar korxonasi tomonidan taqdim qilinadigan buyurtmalar boʻyicha temir yoʻl mahsulotlarini sinovdan oʻtkazish maqsadlari uchun “Oʻzbekiston temir yoʻllari” AJning idoraviy mansub tashkilotlarining sinov laboratoriyalaridan toʻsqinliksiz foydalanishini taʼminlasin.

4. “Oʻzstandart” agentligi, Oʻzbekiston Respublikasi Temir yoʻllarda yuk va yoʻlovchilar tashish xavfsizligini nazorat qilish davlat inspeksiyasi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

5. Ushbu qaror 2019-yil 1-yanvardan eʼtiboran kuchga kiradi.

6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov, Oʻzbekiston Respublikasi Temir yoʻllarda yuk va yoʻlovchilar tashish xavfsizligini nazorat qilish davlat inspeksiyasi boshligʻi D.B. Axmedov hamda “Oʻzstandart” agentligi bosh direktori A.U. Karimov zimmasiga yuklansin.