Oʻzbekiston Respublikasi Prezidentining “Oʻzbekiston Respublikasi Prezidenti devonining reglamentini tasdiqlash toʻgʻrisida” 2017-yil 28-iyuldagi PQ-3161-son qarorini bajarish yuzasidan Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari zimmasiga yuklansin.

1. Vazirlar Mahkamasining “Oʻzbekiston Respublikasi Vazirlar Mahkamasining reglamenti toʻgʻrisida” 2005-yil 14-fevraldagi 62-son qarorida (Oʻzbekiston Respublikasi QT, 2005-y., 2-son, 8-modda):

a) muqaddimadan “shuningdek Oʻzbekiston Respublikasi Prezidentining “Oʻzbekiston Respublikasi Vazirlar Mahkamasining qarorlari va farmoyishlarini ishlab chiqish, koʻrib chiqish va imzolash tartibi toʻgʻrisida” 2005-yil 4-fevraldagi F-2118-son farmoyishini bajarish yuzasidan” soʻzlari chiqarib tashlansin;

b) ilovada:

1-banddagi “Oʻzbekiston Respublikasi Prezidentining “Oʻzbekiston Respublikasi Vazirlar Mahkamasining qarorlari va farmoyishlarini ishlab chiqish, koʻrib chiqish va imzolash tartibi toʻgʻrisida” 2005-yil 4-fevraldagi F-2118-son farmoyishiga” soʻzlari “Oʻzbekiston Respublikasi Prezidentining “Oʻzbekiston Respublikasi Prezidenti devonining reglamentini tasdiqlash toʻgʻrisida” 2017-yil 28-iyuldagi PQ-3161-son qaroriga” soʻzlari bilan almashtirilsin;

21-band quyidagi tahrirda bayon etilsin:

“21. Vazirlar Mahkamasining qarorlari va farmoyishlari, shuningdek, boshqa hujjatlar loyihalarini ishlab chiqish, kiritish, kelishish va koʻrib chiqishga tayyorlash ushbu bob hamda mazkur Reglamentning IV va V boblari, Oʻzbekiston Respublikasi Prezidentining 2017-yil 11-apreldagi PQ-2881 va 2017-yil 28-iyuldagi PQ-3161-son qarorlari, Vazirlar Mahkamasining 1999-yil 12-yanvardagi 12-son qarori talablariga hamda Vazirlar Mahkamasining Ijro etuvchi apparatida ish yuritish boʻyicha Yoʻriqnomaga muvofiq amalga oshiriladi”;

24-bandga quyidagi mazmundagi xatboshi qoʻshilsin:

“Oʻzbekiston Respublikasi Prezidentining Vazirlar Mahkamasiga kiritiladigan farmonlari, qarorlari va farmoyishlari loyihalari Oʻzbekiston Respublikasi Prezidentining 2017-yil 28-iyuldagi PQ-3161-son qarori bilan tasdiqlangan Oʻzbekiston Respublikasi Prezidenti devonining reglamenti (keyingi oʻrinlarda Reglament deb ataladi) talablariga javob berishi kerak”;

26-bandga quyidagi mazmundagi xatboshi qoʻshilsin:

“Oʻzbekiston Respublikasi Prezidenti devonining reglamenti 33-bandida nazarda tutilgan hollarda, Oʻzbekiston Respublikasi Prezidentining farmonlari, qarorlari va farmoyishlari loyihalarini tegishli organlar hamda tashkilotlarda kelishish muddati 2 kundan oshmaydi”;

28-bandga quyidagi mazmundagi xatboshi qoʻshilsin:

“Oʻzbekiston Respublikasi Prezidenti devonining reglamenti 33-bandida nazarda tutilgan hollarda, Oʻzbekiston Respublikasi Prezidentining farmonlari, qarorlari va farmoyishlari loyihalarini Adliya vazirligida huquqiy ekspertizadan oʻtkazish muddati 2 kundan oshmaydi”;

31-bandga quyidagi mazmundagi xatboshi qoʻshilsin:

“Oʻzbekiston Respublikasi Prezidenti devonining reglamenti 33-bandida nazarda tutilgan hollarda, Oʻzbekiston Respublikasi Prezidentining farmonlari, qarorlari va farmoyishlari loyihalarini Vazirlar Mahkamasida puxta ishlab chiqish muddati 5 kundan oshmaydi”;

32-band quyidagi tahrirda bayon etilsin:

“32. Iqtisodiyot, ijtimoiy va maʼnaviyat soha samarali faoliyat koʻrsatishining muhim va ustuvor masalalari boʻyicha Hukumat qarorlarining loyihalari Oʻzbekiston Respublikasi Prezidenti devonining reglamentida belgilangan tartibda Oʻzbekiston Respublikasi Prezidenti bilan majburiy ravishda kelishib olinishi kerak.

Vazirlar Mahkamasi zarur boʻlganda, Vazirlar Mahkamasining boshqa masalalar boʻyicha qarorlari va farmoyishlarining loyihalarini ham Oʻzbekiston Respublikasi Prezidenti yoki Oʻzbekiston Respublikasi Prezidenti devonining tarkibiy boʻlinmalari rahbarlari bilan kelishish uchun kiritishi mumkin”;

32³-band quyidagi tahrirda bayon etilsin:

“32³. Oʻzbekiston Respublikasi Prezidentining vazirliklar, davlat qoʻmitalari va davlat boshqaruvining boshqa organlarini tuzish hamda tugatish toʻgʻrisidagi farmoni loyihasiga qogʻoz va elektron shaklda quyidagi hujjatlar ilova qilinadi:

loyiha kelishilganligi toʻgʻrisidagi maʼlumotnoma;

loyihaning qabul qilini asoslangan va amalga oshirish oqibatlari baholangan asosiy ishlab chiquvchi organ rahbari (istisno hollarda uning birinchi oʻrinbosari) tomonidan imzolangan tushuntirish xati;

Adliya vazirligining huquqiy ekspertiza natijasi boʻyicha xulosasi (faqat qogʻoz koʻrinishida taqdim qilinadi);

milliy va xorijiy tajriba tahlili;

moliyaviy-iqtisodiy va boshqa hisob-kitoblar, boshqa maʼlumotnoma materiallari;

tashkil etilayotgan organning asosiy vazifalari, funksiyalari, faoliyatining huquqiy va tashkiliy asoslari (tuzilmasi, xodimlarining, shu jumladan boshqaruv xodimlarining cheklangan soni), tugatilayotgan organning funksiyalarini qayta taqsimlash va boshqa masalalar boʻyicha tahliliy materiallar;

kiritilgan loyiha qabul qilinishi munosabati bilan normativ-huquqiy hujjatlarga oʻzgartirish hamda qoʻshimchalar kiritish toʻgʻrisidagi loyihalar, shuningdek, belgilangan tartibda imzolanadigan normativ-huquqiy hujjatlarning amaldagi va taklif etiladigan tahririning asoslantirilgan taqqoslama jadvallari;

loyihaga sharhlar (loyihani qabul qilish maqsadlarini, shuningdek, uning asosiy qoidalarini jamoatchilikka qulay shaklda, oddiy va loʻnda tilda tushuntirib berish zarur boʻlgan hollarda).

Oʻzbekiston Respublikasi Prezidentining vazirliklar, davlat qoʻmitalari va davlat boshqaruvining boshqa organlarini tuzish hamda tugatish toʻgʻrisidagi farmoni loyihasini kelishish va kiritish, shuningdek, uni Vazirlar Mahkamasida koʻrib chiqish ushbu Reglament hamda Oʻzbekiston Respublikasi Prezidentining 2017-yil 28-iyuldagi PQ-3161-son qarori bilan tasdiqlangan Oʻzbekiston Respublikasi Prezidenti devonining reglamenti talablariga muvofiq amalga oshiriladi”;

50 va 51-bandlar quyidagi tahrirda bayon etilsin:

“50. Vazirlar Mahkamasining Oʻzbekiston Respublikasi Prezidenti bilan majburiy ravishda kelishib olinishi lozim boʻlgan qarorlari va farmoyishlari Oʻzbekiston Respublikasi Prezidenti devoniga Oʻzbekiston Respublikasi Bosh vaziri yoki uning topshirigʻiga binoan Bosh vazir oʻrinbosarlari yoxud Vazirlar Mahkamasi Apparatining boshqaruvchisi tomonidan kiritiladi.

51. Vazirlar Mahkamasi qarorlari va farmoyishlarining ayrim loyihalari Oʻzbekiston Respublikasi Prezidenti devonida Oʻzbekiston Respublikasi Prezidenti devonining reglamentida nazarda tutilgan tartibda koʻrib chiqiladi hamda kelishiladi”;

52 va 53-bandlar oʻz kuchini yoʻqotgan deb hisoblansin;

54-bandning birinchi xatboshi quyidagi tahrirda bayon etilsin:

“Vazirlar Mahkamasining Oʻzbekiston Respublikasi Prezidenti bilan kelishilgan qarorlari va farmoyishlarining loyihalari Oʻzbekiston Respublikasi Prezidentining rezolyutsiyasi yoki Oʻzbekiston Respublikasi Prezidenti devoni tegishli tarkibiy boʻlinmasi rahbarining xatida bayon etilgan topshirigʻi bilan Vazirlar Mahkamasiga imzolash uchun qaytariladi”;

78-bandga “Vazirlar Mahkamasining” soʻzlaridan oldin “Oʻzbekiston Respublikasi Prezidentining 2017-yil 11-apreldagi PQ-2881-son qarorida va” soʻzlari qoʻshilsin;

84-bandning toʻqqizinchi xatboshiga “ushbu Reglament” soʻzlaridan keyin “Oʻzbekiston Respublikasi Prezidentining 2017-yil 11-apreldagi PQ-2881-son qarori va” soʻzlari qoʻshilsin.

2. Vazirlar Mahkamasining 2006-yil 28-iyundagi 124-son qarori (Oʻzbekiston Respublikasi QT, 2006-y., 6-son, 46-modda) bilan tasdiqlangan Moddiy balanslarni ishlab chiqish va tasdiqlash uchun kiritish tartibi toʻgʻrisidagi nizomda:

a) 2-band oʻz kuchini yoʻqotgan deb hisoblansin;

b) VI boʻlim quyidagi tahrirda bayon qilinsin:

14. Moddiy balanslar loyihalarini Oʻzbekiston Respublikasi Prezidenti devonida koʻrib chiqish Oʻzbekiston Respublikasi Prezidentining “Oʻzbekiston Respublikasi Prezidenti devonining reglamentini tasdiqlash toʻgʻrisida” 2017-yil 28-iyuldagi PQ-3161-son qarorida belgilangan tartibda amalga oshiriladi”;

v) ilova 1-bandining birinchi xatboshidagi “Oʻzbekiston Respublikasi Prezidentining “Asosiy moddiy balanslarni tasdiqlash tartibi va muddatlari toʻgʻrisida” 2003-yil 29-sentabrdagi F-1845-son farmoyishiga” soʻzlari “Oʻzbekiston Respublikasi Prezidentining “Mahsulotlar, xomashyo va materiallar asosiy turlarining ishlab chiqiladigan va tasdiqlanadigan moddiy balanslar roʻyxatini tasdiqlash toʻgʻrisida” 2017-yil 4-maydagi F-4926-son farmoyishiga” soʻzlari bilan almashtirilsin.

3. Vazirlar Mahkamasining “Qonun hujjatlarini baholash tizimini joriy etish chora-tadbirlari toʻgʻrisida” 2008-yil 26-dekabrdagi 281-son qarori rus tilidagi matnidagi (Oʻzbekiston Respublikasi QHT, 2008-y., 52-son, 520-modda) 1-bandining uchinchi xatboshidagi “Rasporyajeniye Prezidenta Respubliki Uzbekistan ot 4-fevralya 2005 goda № R–2118 “O poryadke razrabotki, rassmotreniya i podpisaniya postanovleniy i rasporyajeniy Kabineta Ministrov” zamenit slovami “postanovleniye Prezidenta Respubliki Uzbekistan ot 28-iyulya 2017 goda № PP–3161 “Ob utverjdenii Reglamenta apparata Prezidenta Respubliki Uzbekistan” soʻzlari bilan almashtirilsin.

4. Vazirlar Mahkamasining 2008-yil 2-maydagi 81-son qarori (Oʻzbekiston Respublikasi QHT, 2008-y., 19-son, 155-modda) bilan tasdiqlangan Oʻzbekiston Respublikasi Vazirlar Mahkamasining Ijro etuvchi apparati toʻgʻrisidagi nizomning 13-bandidagi “Oʻzbekiston Respublikasi Prezidentining Vazirlar Mahkamasining qarorlari va farmoyishlarini ishlab chiqish, koʻrib chiqish va imzolash tartibi toʻgʻrisida” 2005-yil 4-fevraldagi F-2118-son farmoyishi” soʻzlari “Oʻzbekiston Respublikasi Prezidentining “Oʻzbekiston Respublikasi Prezidenti devonining reglamentini tasdiqlash toʻgʻrisida” 2017-yil 28-iyuldagi PQ-3161-son qarori” soʻzlari bilan almashtirilsin.