“Surishtiruv instituti takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” Oʻzbekiston Respublikasining 2017-yil 6-sentabrdagi OʻRQ-442-son Qonuniga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ayrim qarorlariga ilovaga muvofiq oʻzgartirish va qoʻshimchalar kiritilsin.

2. Mazkur qarorning bajarilishini nazorat qilish Oʻzbekiston Respublikasi ichki ishlar vaziri P. Bobojonov zimmasiga yuklansin.

1. Vazirlar Mahkamasining 1991-yil 2-noyabrdagi 278-son qarori (Oʻzbekiston Respublikasi QT, 1991-y., 11-son, 38-modda) bilan tasdiqlangan Oʻzbekiston Respublikasi Milliy xavfsizlik xizmati toʻgʻrisidagi nizomning 2-boʻlim 5-bandidagi “surishtiruv” soʻzi “tergovga kadar tekshiruv” soʻzlari bilan almashtirilsin.

2. Vazirlar Mahkamasining 1994-yil 16-martdagi 140-son qarori (Oʻzbekiston Respublikasi QT, 1994-y., 3-son, 16-modda) bilan tasdiqlangan Oʻzbekiston Respublikasi Tashki ishlar vazirligi toʻgʻrisida nizomning 4-bandi oʻttiz toʻrtinchi xatboshisi quyidagi tahrirda bayon etilsin:

“rasmiy hujjatlarga apostil qoʻyadi, sudlar, adliya organlari va muassasalari, prokuratura, tergov, surishtiruv va tergovga qadar tekshiruvni amalga oshiruvchi organlar, taʼlim va fan sohasi tashkilotlaridan chiqadigan hujjatlardan tashqari”.

3. Vazirlar Mahkamasining 1997-yil 30-iyuldagi 374-son qarori (Oʻzbekiston Respublikasi QT, 1997-y., 7-son, 26-modda) bilan tasdiqlangan Oʻzbekiston Respublikasi Davlat bojxona qoʻmitasi toʻgʻrisida nizomda:

8-bandning oʻn uchinchi xatboshisidagi “surishtiruv” soʻzi “tergovga qadar tekshiruv, surishtiruv” soʻzlari bilan almashtirilsin;

9-bandning uchinchi xatboshisidagi “surishtiruv” soʻzi “tergovga qadar tekshiruv va surishtiruv” soʻzlari bilan almashtirilsin.

4. Vazirlar Mahkamasining 2003-yil 4-martdagi 119-son qarori (Oʻzbekiston Respublikasi QT, 2003-y., 3-son, 21-modda) bilan tasdiqlangan Oʻzbekiston Respublikasi fuqarolarini harbiy roʻyxatga olish toʻgʻrisidagi nizomning 14-bandidagiga “qayd etish” soʻzlaridan keyin “tergovga qadar tekshiruvni amalga oshiruvchi organlar,” soʻzlari qoʻshilsin.

5. Vazirlar Mahkamasining 2003-yil 30-sentabrdagi 416-son qarori (Oʻzbekiston Respublikasi QT, 2003-y., 9-son, 92-modda) bilan tasdiqlangan Tashqi savdo operatsiyalari ustidan monitoring olib borish tartibi toʻgʻrisida nizomning 24-bandi beshinchi xatboshisidagi “surishtiruv” soʻzi “tergovga qadar tekshiruv va surishtiruv” soʻzlari bilan almashtirilsin.

6. Vazirlar Mahkamasining 2009-yil 15-iyuldagi 200-son qarori (Oʻzbekiston Respublikasi QT, 2009-y., 7-son, 56-modda) bilan tasdiqlangan Davlat daromadiga oʻtkaziladigan mol-mulkni olib qoʻyish, sotish yoki yoʻq qilib tashlash tartibi toʻgʻrisidagi nizomda:

8-bandning birinchi xatboshisidagi “Soliq, bojxona organlari hamda” soʻzlari “Tergovga qadar tekshiruv” soʻzlari bilan almashtirilsin;

25-bandning oltinchi xatboshisidagi “Surishtiruv, dastlabki tergov yoki sud davomida olib qoʻyilgan va” soʻzlari “Tergovga qadar tekshiruv, surishtiruv, dastlabki tergov yoki sud davomida olib qoʻyilgan va tergovga kadar tekshiruv,” soʻzlari bilan almashtirilsin.

7. Vazirlar Mahkamasining 2009-yil 1-oktabrdagi 265-son qarori (Oʻzbekiston Respublikasi QT, 2009-y., 9-10-son, 65-modda) bilan tasdiqlangan Fuqarolarni muddatli harbiy va muqobil xizmatlarga chaqirish, safarbarlik chaqiruvi rezervidagi xizmatga qabul qilish boʻyicha chaqiruv komissiyalari toʻgʻrisidagi nizomning 18-bandi uchinchi xatboshisidagi “hisobga kiritilgan” soʻzlaridan keyin “tergovga qadar tekshiruv” soʻzlari qoʻshilsin.

8. Vazirlar Mahkamasining 2010-yil 3-fevraldagi 13-son qarori (Oʻzbekiston Respublikasi qonun hujjatlari toʻplami, 2010-y., 5-son, 41-modda) bilan tasdiqlangan Yongʻinlarni va ularning oqibatlarini hisobga olish, shuningdek yongʻinlarga doir axborotni toʻplash hamda oʻzaro almashish tartibi haqida nizomning 14-bandi uchinchi xatboshisidagi “tekshiruv (surishtiruv) harakatini olib borayotgan mansabdor shaxslarga” soʻzlari “tergovga qadar tekshiruvni amalga oshiruvchi organlarning mansabdor shaxslariga” soʻzlari bilan almashtirilsin.

9. Vazirlar Mahkamasining 2011-yil 5-yanvardagi 5-son qarori (Oʻzbekiston Respublikasi qonun hujjatlari toʻplami, 2011-y., 1-2-son,7-modda) bilan tasdiqlangan Davlat sud-ekspertiza muassasasi yoki boshqa korxona, muassasa, tashkilot tomonidan sud ekspertizasini oʻtkazish tartibi toʻgʻrisida namunaviy nizomning 2-bandi quyidagi tahrirda bayon etilsin:

“2. Ekspertiza muassasasida ekspertizalar tergovga qadar tekshiruvni amalga oshiruvchi organning mansabdor shaxsi, surishtiruvchi, tergovchi, prokuror yoki sudyaning qarori asosida, fuqarolik, iqtisodiy va jinoyat ishlari (shu jumladan tergovga qadar tekshiruv materiallari), maʼmuriy huquqbuzarlik toʻgʻrisidagi ishlarga doir sud ajrimi boʻyicha oʻtkaziladi”.

10. Vazirlar Mahkamasining 2011-yil 17-noyabrdagi “Apostil qoʻyish tartibi toʻgʻrisidagi nizomni tasdiqlash haqida”gi 307-son qarorining (Oʻzbekiston Respublikasi QT, 2011-y., 11-son, 90-modda) 3-bandi uchinchi xatboshisi quyidagi tahrirda bayon etilsin:

“prokuratura, tergov, surishtiruv va tergovga qadar tekshiruvni amalga oshiruvchi organlaridan chiqadigan rasmiy hujjatlar boʻyicha — Oʻzbekiston Respublikasi Bosh prokuraturasiga;”.

11. Vazirlar Mahkamasining 2013-yil 4-oktabrdagi 272-son qarori (Oʻzbekiston Respublikasi QT 2013-y., 10-son, 70-modda) bilan tasdiqlangan Davlat yongʻin nazorati toʻgʻrisidagi nizomning 12-bandi uchinchi xatboshisidagi “surishtiruv” soʻzi “tergovga qadar tekshiruv” soʻzlari bilan almashtirilsin.

12. Vazirlar Mahkamasining 2014-yil 21-iyuldagi 199-son qarori (Oʻzbekiston Respublikasi QT, 2014-y., 7-son, 74-modda) bilan tasdiqlangan Tashqi savdo operatsiyalari ustidan monitoring olib borish tartibi toʻgʻrisidagi nizomning 24-bandi beshinchi xatboshisidagi “aniqlangan taqdirda” soʻzlaridan keyin “tergovga qadar tekshiruv hamda” soʻzlari qoʻshilsin.

13. Vazirlar Mahkamasining 2017-yil 1-iyuldagi 452-son qarori (Oʻzbekiston Respublikasi qonun hujjatlari toʻplami, 2017-y., 27-son, 617-modda) bilan tasdiqlangan Oʻzbekiston Respublikasi ichki ishlar organlarida xizmat majburiyatlarini bajarish chogʻida tan jarohati yetkazilgan xodimlarga yoki halok boʻlgan xodimlarning oila aʼzolariga bir martalik nafaqa tayinlash tartibi toʻgʻrisida nizomning 15-bandidagi “surishtiruv” soʻzi “tergovga qadar tekshiruv, surishtiruv” soʻzlari bilan almashtirilsin.

14. Vazirlar Mahkamasining 2017-yil 1-avgustdagi 566-son qarori bilan tasdiqlangan Oʻzbekiston Respublikasi Ichki ishlar vazirligining Yongʻin xavfsizligi bosh boshqarmasi toʻgʻrisidagi nizomning 11-bandi “b” kichik bandining yettinchi xatboshisidagi “surishtiruv” soʻzi “tergovga kadar tekshiruv” soʻzlari bilan almashtirilsin.

15. Vazirlar Mahkamasining “Davlat soliq xizmati organlari faoliyatini huquqiy tartibga solishni yanada takomillashtirish toʻgʻrisida” 2017-yil 28-avgustdagi 677-son qarorida (Oʻzbekiston Respublikasi QT, 2017-y., 35-son, 929-modda):

a) 1-ilovada:

8-bandning toʻqqizinchi xatboshisidagi “surishtiruvlar oʻtkazish” soʻzlari “tergovga qadar tekshiruvlar oʻtkazish” soʻzlari bilan almashtirilsin;

9-bandda:

“g” kichik bandining oʻn birinchi xatboshidagi “surishtirish” soʻzi “surishtiruv” soʻzi bilan almashtirilsin;

“j” kichik bandda:

birinchi xatboshidagi “surishtiruvlar oʻtkazish” soʻzlari “tergovga qadar tekshiruvlar oʻtkazish” soʻzlari bilan almashtirilsin;

oltinchi xatboshidagi “tergovdan oldingi tekshirishlarni tashkil etadi va olib boradi, jinoiy ishlar qoʻzgʻaydi, ular boʻyicha surishtiruv ishlarini amalga oshiradi” soʻzlari “tergovga qadar tekshiruvlarni tashkil etadi va olib boradi, jinoiy ishlar qoʻzgʻaydi” soʻzlari bilan almashtirilsin;

10-bandning “19” kichik bandi quyidagi tahrirda bayon etilsin:

“19) bozorlar, savdo komplekslari hududlarida va ularga tutash boʻlgan avtotransport vositalarini vaqtinchalik saqlash joylarida aniqlangan moliya- iqtisodiy va soliq sohalaridagi buzilishlar sodir etilganligi faktlari boʻyicha tergovga qadar tekshiruvlar oʻtkazish, ular boʻyicha jinoiy ishlar qoʻzgʻash, keyinchalik ishlarni tergovga tegishliligiga qarab qonun hujjatlariga muvofiq huquqni muhofaza qiluvchi organlarga berish”;

b) 2-ilovaning 31-bandidagi “bosh surishtiruvchi”, “katta surishtiruvchi”, “bosh surishtiruvchilar”, “katta surishtiruvchilar” va “surishtiruvchilar” soʻzlari chiqarib tashlansin.

16. Vazirlar Mahkamasining 2017-yil 31-avgustdagi 683-son qarori (Oʻzbekiston Respublikasi qonun hujjatlari toʻplami, 2017-y., 36-son, 951-modda) bilan tasdiqlangan Avtomototransport vositalarini davlat roʻyxatidan oʻtkazish tartibi toʻgʻrisida nizomning 10-bandidagi “surishtiruv” soʻzi “tergovga qadar tekshiruv, surishtiruv” soʻzlari bilan almashtirilsin.