LexUZ sharhi
Mazkur qaror O‘zbekiston Respublikasi Prezidentining 2020-yil 8-iyuldagi PF-6021-sonli “O‘zbekiston Respublikasi Prezidentining ayrim hujjatlariga o‘zgartirishlar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida”gi Farmoniga asosan 2020-yil 1-avgustdan o‘z kuchini yo‘qotadi.
O‘zbekiston Respublikasi Tashqi iqtisodiy faoliyat milliy banki faoliyatini yanada takomillashtirish, kichik biznes va xususiy tadbirkorlikni rivojlantirish uchun qulay sharoitlar yaratishda, amalga oshirilayotgan tarkibiy va iqtisodiy o‘zgartirishlardagi ishtirokini kengaytirish, shuningdek bank faoliyatini tashkil etishning xalqaro standartlarini inobatga olgan holda boshqaruvning zamonaviy uslublarini joriy etish maqsadida:
1. O‘zbekiston Respublikasi Tashqi iqtisodiy faoliyat milliy banki (keyingi o‘rinlarda — O‘zmilliybank) faoliyatining ustuvor yo‘nalishlari etib quyidagilar belgilansin:
yetakchi chet el banklari va xalqaro moliyaviy tashkilotlar bilan, shu jumladan, zamonaviy va xorijiy tajribada keng qo‘llanadigan o‘zaro hisob-kitoblar mexanizmlarini joriy qilish va amalga oshirilayotgan loyihalarni birgalikda moliyalashtirish orqali hamkorlik munosabatlarini faol rivojlantirish;
respublikada amalga oshirilayotgan iqtisodiyot tarmoqlarida ilg‘or texnologiyalarni joriy qilish, xomashyoni chuqur qayta ishlash, sanoat korxonalarini modernizatsiya qilish va texnologik qayta jihozlash, respublikaning eksport salohiyatini yanada kengaytirishga yo‘naltirilgan loyihalarni moliyalashtirish uchun xorijiy kredit liniyalarini jalb qilish;
tashqi iqtisodiy faoliyatni yanada rivojlantirish va xalqaro maydonda bank imidjini oshirish, shu jumladan xorijiy mamlakatlarda bank vakolatxonalari, filiallari, sho‘ba banklarini tashkil qilish, xorijiy hamkorlar va tashqi iqtisodiy faoliyat subyektlarining ishonchini mustahkamlash uchun bank ishini yuritishning ilg‘or tajribasi va amaliyotini faol joriy qilish orqali oshirish;
respublikamizda kichik biznes va xususiy tadbirkorlikni yanada rivojlantirishga ko‘maklashish, tadbirkorlik subyektlariga biznesni tashkil qilish, yuritish va kengaytirish borasida amaliy va moliyaviy ko‘mak berish;
kichik biznes va xususiy tadbirkorlik subyektlariga, shu jumladan yangi investitsion va innovatsion g‘oyalarni topish va amalga oshirish, jahon bozorlarining tahlili, ishlab chiqarilgan mahsulotlarning eksportini moliyalashtirish masalalari bo‘yicha bank xizmatlarining barcha turlarini, moliyaviy maslahatlar va axborot ko‘magi ko‘rsatilishini ta’minlash;
innovatsion tadbirkorlikning joriy qilinishini, yoshlarning, birinchi navbatda, oliy va o‘rta maxsus, kasb-hunar ta’limi muassasalari bitiruvchilarining yangi tadbirkorlik tashabbuslari — “startup” loyihalarini amalga oshirishni faol qo‘llab-quvvatlash;
aholi va tadbirkorlik subyektlariga chakana bank xizmatlari ko‘rsatilishini yanada rivojlantirish, amaldagi kredit, moliyaviy, hisob-kitob, kassa va boshqa chakana bank xizmatlarini, shu jumladan, zamonaviy axborot-kommunikatsiya va innovatsiya texnologiyalarini keng qo‘llash orqali kengaytirish va takomillashtirish hamda ularning yangi turlarini joriy qilish;
tadbirkorlik subyektlari uchun bank mahsulotlari va xizmatlarining, shu jumladan, yetakchi chet el banklari va moliyaviy institutlar tomonidan keng qo‘llanadigan yangi turlarini ishlab chiqish va joriy etish;
aholi va tadbirkorlar orasida yuqori talabga ega bo‘lgan mahsulot va xizmatlarni birgalikda joriy qilish uchun respublikaning moliyaviy institutlari bilan faol hamkorlik qilish;
bank xizmatlarini real vaqt (onlayn) tartibida va plastik kartochkalar yordamida amalga oshirish imkonini yaratgan holda butunjahon Internet tarmog‘i orqali ko‘rsatish mexanizmlarini takomillashtirish.
O‘zmilliybank yagona ta’sischisi O‘zbekiston Respublikasi Vazirlar Mahkamasi bo‘lgan, o‘z faoliyatini xo‘jalik yuritish huquqiga asoslangan unitar korxona sifatida amalga oshiruvchi davlat banki hisoblanadi;
O‘zmilliybank ustav kapitali uning ta’sischisi tomonidan belgilanadigan miqdorda shakllantiriladi va ta’sischining tegishli qarorlari bilan o‘zgartirilishi mumkin.
tashqi iqtisodiy faoliyat va ikki tomonlama munosabatlarni yanada rivojlantirish, buning asosida milliy ishlab chiqaruvchilar mahsulotlari eksportini qo‘llab-quvvatlash va rag‘batlantirish hajmlarini oshirish maqsadida respublikamizning iqtisodiy hamkorlari bo‘lgan xorijiy mamlakatlarda bank vakolatxonalari, filiallari, sho‘ba banklarini belgilangan tartibda tashkil qilish;
tegishli qarorlarning tezkor qabul qilinishini ta’minlash maqsadida O‘zmilliybank Kengashining yangilangan tarkibini, uning funksiya va vazifalarini tubdan qayta ko‘rib chiqqan va a’zolar sonini maqbullashtirgan holda tasdiqlasin.
5. O‘zbekiston Respublikasi Markaziy banki O‘zmilliybankning Ustavi O‘zbekiston Respublikasi Vazirlar Mahkamasi tomonidan tasdiqlanganidan so‘ng belgilangan tartibda ro‘yxatdan o‘tkazilishini ta’minlasin.
6. O‘zbekiston Respublikasi Prezidentining “Davlat ulushi ustuvor bo‘lgan aksiyadorlik jamiyatlarida korporativ boshqaruvni yanada takomillashtirish chora-tadbirlari to‘g‘risida”gi 2016-yil 17-oktabrdagi PQ-2635-sonli qarorida:
2-bandning uchinchi xatboshisi va 4-banddagi “unitarnogo predpriyatiya “Natsionalniy bank vneshneekonomicheskoy deyatelnosti Respubliki Uzbekistan” so‘zlari chiqarib tashlansin;
nomidagi “unitarnogo predpriyatiya “Natsionalniy bank vneshneekonomicheskoy deyatelnosti Respubliki Uzbekistan” so‘zlari chiqarib tashlansin;
“Raximov S.B. — predsedatel pravleniya Natsionalnogo banka vneshneekonomicheskoy deyatelnosti” satri chiqarib tashlansin.
7. O‘zmilliybank manfaatdor vazirlik va idoralar bilan birgalikda ikki oy muddatda ushbu qarordan kelib chiqadigan o‘zgartirish va qo‘shimchalar to‘g‘risida O‘zbekiston Respublikasi Vazirlar Mahkamasiga takliflar kiritsin.
8. Mazkur qarorning ijrosini nazorat qilish O‘zbekiston Respublikasi Bosh vazirining o‘rinbosari J.A. Kuchkarov va O‘zmilliybank boshqaruvi raisi S.R. Xolmuradov zimmalariga yuklansin.