Asrlik milliy an’analarga asoslangan mahalliy zargarlik ishlab chiqarishlarni tiklash va rivojlantirish, buning asosida yangi ish o‘rinlarini yaratish, aholining yuqori sifatli zargarlik buyumlariga bo‘lgan ehtiyojini qondirish va yuqori qo‘shilgan qiymatga ega mahsulotlarni ishlab chiqarishni ta’minlash, shuningdek, “Inson manfaatlari va xalq bilan muloqot yili”da 2017 — 2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini amalga oshirish Davlat dasturini ijro etish maqsadida:

1. Quyidagilar zargarlik sanoatini yanada rivojlantirishning asosiy vazifalari va yo‘nalishlari etib belgilansin:

birinchi, respublika aholisini o‘sib kelayotgan ehtiyojini qondirishni ta’minlashda mahalliy zargarlik buyumlarini ishlab chiqarishni sezilarli oshirish. qimmatbaho metallar va qimmatbaho toshlar ishlatilishining tartib-taomillarini soddalashtirish hisobiga zargarlik sanoatini yanada shakllantirish va rivojlantirish;

ikkinchi, tashqi va ichki bozorlarda raqobatdosh yuqori badiiy zargarlik buyumlarini ishlab chiqarishni ta’minlash, shu jumladan, an’anaviy milliy hunarmandchilik va naqshlardan foydalangan holda yakka tartibdagi dizaynerlik ishlanmalarini yaratish;

uchinchi, qimmatbaho toshlarni keyinchalik ularni qayta ishlash, shu jumladan, qimmatbaho metallardan bir vazndagi quymalar, zargarlik va boshqa buyumlarni tayyorlashda zamonaviy texnologik uskunalar va innovatsion ishlanmalarni tatbiq etish bo‘yicha amaliy tajribaga ega potensial investorlar va to‘g‘ridan-to‘g‘ri xorijiy investitsiyalarni jalb etish hisobiga mavjud resurslardan foydalanishni kengaytirish;

to‘rtinchi, zargarlik ishlab chiqarish tarmoqlarida o‘rta maxsus, kasb-hunar ta’lim muassasalarida yosh mutaxassislar bo‘lgan — texnologlar, dizaynerlar, rassomlar va boshqa talab etilayotgan mutaxassislar tayyorlash hisobiga sohaning kadrlar salohiyatini mustahkamlash.

2. Belgilansinki, 2017-yilning 1-oktabridan yuridik shaxslar va yakka tadbirkorlar tomonidan zargarlik va boshqa qimmatbaho metallardan turli buyumlar tayyorlash (keyingi o‘rinlarda — zargarlik buyumlari) O‘zbekiston Respublikasi Markaziy banki huzuridagi Qimmatbaho metallar agentligi tomonidan beriladigan litsenziya asosida mazkur faoliyat turiga beriladigan Davlat proba palatasi tomonidan beriladigan ro‘yxatdan o‘tgan ruxsatnoma bekor qilingan holda amalga oshiriladi.

3. Zargarlik buyumlari ishlab chiqaruvchilariga qimmatbaho metallarni sotish mexanizmi quyidagicha belgilansin:

zargarlik buyumlarini ishlab chiqaruvchilar zargarlik buyumlarini ishlab chiqarish hajmini ko‘rsatgan holda qimmatbaho metallarga bo‘lgan ehtiyojini nazarda tutuvchi, O‘zbekiston Respublikasi Markaziy banki tomonidan tasdiqlanadigan shaklda buyurtmanomalarni vakolatli tijorat banklariga shakli bo‘yicha yo‘llaydilar;

vakolatli tijorat banklari zargarlik buyumlari ishlab chiqaruvchilarning ehtiyojlaridan kelib chiqqan holda O‘zbekiston Respublikasi Markaziy bankiga qimmatbaho metallarning zarur hajmda ajratish to‘g‘risidagi buyurtmanomani yuboradilar;

O‘zbekiston Respublikasi Markaziy banki vakolatli tijorat banklar buyurtmanomalari bo‘yicha qimmatbaho metallarni platina ko‘rinishida 100 grammdan boshlab, London qimmatbaho metallar birjasining ertalabki faksing bahosidan kelib chiqqan holda, dastlabki to‘lov to‘liq to‘lash shartida milliy valyutada ajratadi (qimmatbaho metallarning sof og‘irligini qayta hisoblanib);

vakolatli tijorat banklari zargarlik buyumlari ishlab chiqaruvchilariga 1 foizdan ko‘p bo‘lmagan miqdordagi marjani undirgan holda keyinchalik qayta sotish huquqisiz qimmatbaho metallarni sotadilar.

4. “Fonon” davlat ilmiy-ishlab chiqarish korxonasi 2017-yil 1-oktabrdan boshlab (keyingi o‘rinlarda — “Fonon” DIICHK) O‘zbekiston Respublikasi Markaziy banki tomonidan beriladigan qimmatbaho metallar hisobidan davalcheskiy asosida tayyorlanadigan qimmatbaho metallar hisobiga platinalarini tegishli vaznda ishlab chiqarishni ta’minlasin.

5. O‘zbekiston Respublikasi Iqtisodiyot vazirligi:

O‘zbekiston Respublikasi Markaziy banki va Moliya vazirligi bilan birgalikda 2017-yilning 1-oktabridan boshlab tegishli balanslarda O‘zbekiston Respublikasi Markaziy banki zaxiralaridan zargarlik buyumlari ishlab chiqaruvchilariga qimmatbaho metallar sotishini nazarda tutsin;

Moliya vazirligi O‘zbekiston Respublikasi Markaziy banki va Zargarlar uyushmasi bilan birgalikda 2017-yilning 1-oktabrigacha bo‘lgan muddatda 2017 — 2021-yillarda zargarlik sanoatini yanada rivojlantirish chora-tadbirlari Dasturini O‘zbekiston Respublikasi Vazirlar Mahkamasiga kiritsin.

6. O‘zbekiston Respublikasi Markaziy banki Iqtisodiyot vazirligi, Moliya vazirligi bilan birgalikda bir oy muddatda:

qimmatbaho metallardan zargarlik buyumlarini ishlab chiqarish faoliyatini lizensiyalash to‘g‘risidagi Nizomni;

zargarlik buyumlarini ishlab chiqarish uchun qimmatbaho metallarni sotish va hisob-kitoblarini amalga oshirish tartibi to‘g‘risidagi Nizomni ishlab chiqsin va O‘zbekiston Respublikasi Vazirlar Mahkamasiga kiritsin.

7. O‘zbekiston Respublikasi Markaziy banki (M. Nurmuratov):

2017-yilning 1-oktabrigacha respublika hududlarida zargarlik buyumlariga proba va tamg‘ani belgilashni amalga oshiradigan Davlat proba palatasining filiallarini belgilangan tartibda tashkil etishni ta’minlasin;

O‘zbekiston Respublikasi Moliya vazirligi bilan birgalikda mablag‘larning yo‘naltirilgan qismi Davlat proba palatasi ixtiyoriga kelib tushishini nazarda tutgan holda, palataning moddiy-texnika bazasini mustahkamlash uchun ulardan maqsadli foydalanishni hisobga olib, proba to‘lovining belgilangan o‘lchamlarini ko‘rib chiqish bo‘yicha O‘zbekiston Respublikasi Vazirlar Mahkamasiga takliflar kiritsin.

8. Belgilansinki, davlat foydasiga o‘tkazilgan qimmatbaho va qimmatbaho metallardan tayyorlangan buyumlar, yarim qimmatbaho va qimmatbaho toshlar va marvaridlar, egasiz qimmatbaho buyumlar, topilmalar, shuningdek, davlat foydasiga egalari tomonidan berib yuborilgan qimmatbaho buyumlar (arxeologik va muzey buyumlari yoki muzey kolleksiyasi, shuningdek, madaniy qadrga ega buyumlardan tashqari) milliy valyutada to‘liq oldindan haq to‘lash shartlarida quyidagi tartibda “Fonon” DIICHKga sotiladi:

qimmatbaho metallar uchun — London qimmatbaho metallar birjasining ertalabki faksing bahosida va Markaziy bank kursida haqni to‘lash hisobvaraqasida yozilgan sanada;

yarim qimmatbaho va qimmatbaho toshlar hamda marvaridlar uchun — “Fonon” DIICHKning tegishli xarajatlarini qoplagan holda baholash tashkilotlarining belgilangan tartibda o‘tkazilgan bahosi asosida.

O‘zbekiston Respublikasi Moliya vazirligi Markaziy bank bilan birgalikda bir oy muddatda qimmatbaho metall parchalari, yarim qimmatbaho va qimmatbaho toshlar hamda marvarid ko‘rinishidagi davlat foydasiga aylantirilgan boyliklarni sotish tartibini O‘zbekiston Respublikasi Vazirlar Mahkamasiga tasdiqlash uchun kiritsin.

10. 2018-yilning 1-yanvaridan boshlab:

chakana savdo tarmoqlarida sotiladigan zargarlik buyumlariga bo‘lgan aksiz solig‘i;

ustav fondida (ustav kapitalida) davlat ulushi bo‘lgan korxonalar tomonidan amalga oshiriladigan va “O‘zbekiston Respublikasi bojxona hududida qayta ishlash” bojxona rejimida saqlanadigan affinatsiya qilinadigan qimmatbaho metallarni qayta ishlash jarayonlarining texnik iqtisodiy asoslanishini O‘zbekiston Respublikasi Tashqi savdo vazirligi bilan kelishish tartibi bekor qilinsin.

12. O‘zbekiston Respublikasi Iqtisodiyot vazirligi, Moliya vazirligi, O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasi hamda Toshkent shahar hokimligining Toshkent shahri, Uchtepa tumani, Zargarlik ko‘chasi, 46-B uyda joylashgan “1-Zargarlik korxonasi” davlat korxonasi kompleksi mulkini zamonaviy zargarlik ishlab chiqarishni tashkil etish bo‘yicha investitsiya loyihasini amalga oshirish uchun “Asaka” aksiyadorlik-tijorat bankiga topshirish to‘g‘risidagi taklifi qabul qilinsin.

O‘zbekiston Respublikasi Vazirlar Mahkamasi ikki oy muddatda mazkur obyekt negizida raqobatdosh zamonaviy zargarlik buyumlarini ishlab chiqarish bilan birga 2018-yilning oxiriga qadar ishga tushirishni tashkil etish bo‘yicha qaror qabul qilsin.

13. O‘zbekiston Respublikasi Markaziy banki (M. Nurmuratov) Adliya vazirligi (M. Ikromov), boshqa manfaatdor vazirliklar va idoralar bilan birgalikda bir oy muddatda:

qonun hujjatlariga mazkur qarordan kelib chiqadigan o‘zgartish va qo‘shimchalar to‘g‘risidagi takliflarni O‘zbekiston Respublikasi Vazirlar Mahkamasiga kiritsin;

o‘zlari qabul qilgan normativ-huquqiy hujjatlarini ushbu qarorga muvofiqlashtirishni ta’minlasin.

14. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov, moliya vaziri B.A. Xodjayev va O‘zbekiston Respublikasi Markaziy banki raisi M.B. Nurmuratov zimmasiga yuklansin.