Vazirlar Mahkamasi qaror qiladi:

1. Oʻzbekiston Respublikasi Vazirlar Mahkamasining 1991-yil 12-iyuldagi 159-son qarori (Oʻzbekiston Respublikasi QT, 1991-y., 6-son, 19-modda) bilan tasdiqlangan Oʻzbekiston Respublikasi hududidagi korxonalarni davlat roʻyxatidan oʻtkazish tartibi toʻgʻrisidagi Nizomning 7-bandi quyidagi mazmundagi xatboshi bilan toʻldirsin:

“Xususiy, kichik va oʻrta tadbirkorlik subyektlarining mahalliy hokimliklar tomonidan yuridik shaxs sifatida davlat roʻyxatidan oʻtkazilishi koʻrsatib oʻtilgan subyektlarning Oʻzbekiston Respublikasi Tashqi iqtisodiy aloqalar vazirligida tashqi iqtisodiy aloqalar qatnashchisi sifatida qoʻshimcha ravishda roʻyxatdan oʻtkazilmasdan tashqi iqtisodiy faoliyatni amalga oshirishi va vakolatli banklarda valyuta hisob varaqasi ochishi uchun asos boʻlib hisoblanadi”.

2. Vazirlar Mahkamasining 1995-yil 14-fevraldagi 55-son qarori (Oʻzbekiston Respublikasi QT, 1995-y., 2-son, 3-modda) bilan tasdiqlangan Oʻzbekiston Respublikasida xususiy tadbirkorlik toʻgʻrisidagi Nizomning 10-bandi quyidagi mazmundagi ikkinchi xatboshi bilan toʻldirilsin:

“Xususiy korxonaning yuridik shaxs sifatida davlat roʻyxatidan oʻtkazilishi uning Oʻzbekiston Respublikasi Tashqi iqtisodiy aloqalar vazirligida tashqi iqtisodiy aloqalar) qatnashchisi sifatida qoʻshimcha ravishda roʻyxatdan oʻtkazilmasdan tashqi iqtisodiy faoliyatni amalga oshirishi va vakolatli banklarda valyuta hisob varaqlari ochish uchun asos boʻlib hisoblanadi”.

10-bandning ikkinchi va uchinchi xatboshilari tegishli ravishda uchinchi va toʻrtinchi xatboshilar deb hisoblansin.

3. Oʻzbekiston Respublikasi Vazirlar Mahkamasining 1995-yil 15-iyundagi 221-son qarori (Oʻzbekiston Respublikasi QT, 1995-y., 6-son, 21-modda) bilan tasdiqlangan Davlat korxonalarini ochiq turdagi aksiyadorlik jamiyatlariga aylantirish tartibining 5-bandi quyidagi mazmundagi xatboshi bilan toʻldirilsin:

“Kichik va oʻrta tadbirkorlik subyekti boʻlgan aksiyadorlik jamiyatining davlat roʻyxatidan oʻtkazilishi koʻrsatib oʻtilgan subyektlarning Oʻzbekiston Respublikasi Tashqi iqtisodiy aloqalar vazirligida tashqi iqtisodiy aloqalar qatnashchilari sifatida qoʻshimcha ravishda roʻyxatdan oʻtkazilmasdan tashqi iqtisodiy faoliyatni amalga oshirishi va vakolatli banklarda valyuta hisob varaqlari ochishi uchun asos boʻlib hisoblanadi”.