“Elektron tijorat to‘g‘risida”gi O‘zbekiston Respublikasi Qonuniga o‘zgartish va qo‘shimchalar kiritish haqida” 2015-yil 22-maydagi O‘RQ-385-son O‘zbekiston Respublikasi Qonunini amalga oshirish, zamonaviy axborot-kommunikatsiya texnologiyalaridan keng foydalangan holda elektron tijoratni yanada rivojlantirish maqsadida Vazirlar Mahkamasi qaror qiladi:
1. O‘zbekiston Respublikasi Iqtisodiyot vazirligi elektron tijorat sohasida maxsus vakolatli davlat organi etib belgilansin.
Keyingi tahrirga qarang.
Keyingi tahrirga qarang.
“Elektron tijorat to‘g‘risida”gi O‘zbekiston Respublikasi Qonuniga va ushbu qarorga muvofiq elektron tijorat sohasida maxsus vakolatli davlat organiga yuklangan vakolatlarning samarali amalga oshirilishini ta’minlasin;
O‘zbekiston Respublikasi Tashqi iqtisodiy aloqalar, investitsiyalar va savdo vazirligi, Markaziy bank, Axborot texnologiyalari va kommunikatsiyalarini rivojlantirish vazirligi hamda boshqa manfaatdor vazirliklar va idoralar bilan birgalikda ikki oy muddatda O‘zbekiston Respublikasida elektron tijorat tizimini yanada rivojlantirish konsepsiyasini ishlab chiqsin va belgilangan tartibda Vazirlar Mahkamasiga kiritsin.
3. Shunday tartib o‘rnatilsinki, unga muvofiq eksport qiluvchilar to‘liq to‘lov ularning O‘zbekiston Respublikasi banklaridagi hisob raqamlariga tushgandan va ushbu axborot Tashqi savdo operatsiyalarining yagona elektron axborot tizimiga kiritilgandan so‘ng eksport kontraktlarini rasmiylashtirmasdan Internet tarmog‘idagi on-layn do‘konlar orqali tovarlar, ishlar va xizmatlar eksportini amalga oshirish huquqiga ega bo‘ladilar, qonun hujjatlarida nazarda tutilgan holatlar bundan mustasno.
Bunda 1000 (bir ming) AQSh dollarigacha teng qiymatli tovarlar bojxona yuk deklaratsiyasi rasmiylashtirilmasdan va pochta aloqasi xizmatlari ko‘rsatish qoidalariga muvofiq Internet tarmog‘ida on-layn do‘konlar orqali eksport qilinishi mumkin.
Keyingi tahrirga qarang.
4. O‘zbekiston Milliy axborot agentligiga va milliy teleradiokompaniyasiga boshqa ommaviy axborot vositalarini, shu jumladan elektron ommaviy axborot vositalarini jalb etgan holda “Elektron tijorat to‘g‘risida”gi O‘zbekiston Respublikasi Qonunining (2015-yil 22-maydagi O‘RQ-385-son O‘zbekiston Respublikasi Qonuni tahriridagi) mazmuni va mohiyatini keng yoritish tavsiya qilinsin.
5. O‘zbekiston Respublikasi Hukumatining ilovaga muvofiq ayrim qarorlariga qo‘shimchalar va o‘zgartirish kiritilsin.
6. O‘zbekiston Respublikasi Iqtisodiyot vazirligi Adliya vazirligi hamda boshqa manfaatdor vazirliklar va idoralar bilan birgalikda bir oy muddatda o‘z idoraviy normativ-huquqiy hujjatlarini ushbu qarorga muvofiqlashtirsin.
7. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov va O‘zbekiston Respublikasi Iqtisodiyot vaziri G.K. Saidova zimmasiga yuklansin.
O‘zbekiston Respublikasi Hukumatining ayrim qarorlariga kiritilayotgan qo‘shimchalar va o‘zgartirish
1. Vazirlar Mahkamasining 2003-yil 22-yanvardagi 37-son qarori (O‘zbekiston Respublikasi QT, 2003-y., 1-son, 10-modda) bilan tasdiqlangan O‘zbekiston Respublikasi Iqtisodiyot vazirligi to‘g‘risidagi nizomda:
“maxsus vakolatli davlat organi sifatida elektron tijorat sohasida davlat tomonidan boshqarishni amalga oshirish”;
boshqa manfaatdor davlat organlari va boshqa tashkilotlar bilan birgalikda o‘z vakolatlari doirasida elektron tijorat sohasidagi standartlar, normalar va qoidalarni ishlab chiqadi va tasdiqlaydi;
elektron tijoratni rivojlantirish uchun shart-sharoitlar yaratish yuzasidan takliflar ishlab chiqadi;
elektron tijorat to‘g‘risidagi qonun hujjatlarini takomillashtirishda va uning ijrosini ta’minlashda ishtirok etadi;
elektron tijorat qatnashchilarining huquqlari va qonuniy manfaatlarini himoya qilish chora-tadbirlarini ko‘radi;
Keyingi tahrirga qarang.
2. Vazirlar Mahkamasining 2003-yil 30-sentabrdagi 416-son qarori (O‘zbekiston Respublikasi QT, 2003-y., 9-son, 92-modda) bilan tasdiqlangan Tashqi savdo operatsiyalari ustidan monitoring olib borish tartibi to‘g‘risidagi nizomda:
a) 8-bandning uchinchi xatboshiga “ushbu Nizomning 121-bandida nazarda tutilgan holatlar bundan mustasno” so‘zlari qo‘shilsin;
b) 10-bandga “ushbu Nizomning 121-bandida nazarda tutilgan holatlar bundan mustasno” so‘zlari qo‘shilsin;
“121. Eksport qiluvchilar to‘liq to‘lov ularning O‘zbekiston Respublikasi banklaridagi hisob raqamlariga tushgandan va ushbu axborot TSOYEATga kiritilgandan so‘ng eksport kontraktlarini rasmiylashtirmasdan Internet tarmog‘idagi on-layn do‘konlar orqali tovarlar, ishlar va xizmatlar eksportini amalga oshirish huquqiga egadirlar, qonun hujjatlarida nazarda tutilgan holatlar bundan mustasno.
Bunda 1000 (bir ming) AQSh dollarigacha teng qiymatli tovarlar bojxona yuk deklaratsiyasi rasmiylashtirilmasdan va pochta aloqasi xizmatlari ko‘rsatish qoidalariga muvofiq Internet tarmog‘idagi onlayn do‘konlar orqali eksport qilinishi mumkin”.
Keyingi tahrirga qarang.