O‘zbekiston Respublikasi Prezidentining “2015-yilda qishloq joylarda namunaviy loyihalar bo‘yicha yakka tartibdagi uy-joy qurilishi dasturi va 2016-yilgi qurilishning asosiy parametrlari to‘g‘risida” 2015-yil 7-yanvardagi PQ–2282-son qarorini ijro etish yuzasidan va Vazirlar Mahkamasining “2015-yil uchun qishloq joylarda namunali loyihalar bo‘yicha yakka tartibdagi turar joy qurilishi dasturini samarali amalga oshirishni ta’minlash bo‘yicha qo‘shimcha chora-tadbirlar hamda 2016-yil uchun qurilishning asosiy parametrlari to‘g‘risida” 2015-yil 13-martdagi 60-son qaroriga muvofiq Vazirlar Mahkamasi qaror qiladi:
1. Qishloq joylarda namunaviy loyihalar bo‘yicha yakka tartibdagi uy-joy qurilishi doirasida Islom taraqqiyot bankining jalb etilgan moliyaviy mablag‘laridan foydalanish, ularga xizmat ko‘rsatish va ularni qaytarish tartibi to‘g‘risidagi nizom 1-ilovaga muvofiq tasdiqlansin.
2. O‘zbekiston Respublikasi Hukumatining 2-ilovaga muvofiq ayrim qarorlariga o‘zgartirishlar kiritilsin.
3. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov va Bosh vazirning o‘rinbosari B.I. Zakirov zimmasiga yuklansin.
1. Ushbu Nizom injiniring kompaniyasiga ajratilgan yer maydonlarida qishloq joylarda namunaviy loyihalar bo‘yicha yakka tartibdagi uy-joy qurilishi doirasida Islom taraqqiyot bankining jalb etilgan moliyaviy mablag‘laridan foydalanish, ularga xizmat ko‘rsatish va ularni qaytarish tartibini belgilaydi.
Istisna'a bitimi — 2014-yil 22-oktabrda Islom taraqqiyot banki bilan O‘zbekiston Respublikasi o‘rtasida imzolangan “Qishloq joylarda uy-joy qurilishini rivojlantirish” loyihasini moliyalashtirish uchun 100,0 mln AQSh dollari miqdorida moliyaviy mablag‘lar berish to‘g‘risidagi moliyaviy bitim;
Islom taraqqiyot banki ishtirokidagi loyiha — Vazirlar Mahkamasining “2015-yil uchun qishloq joylarda namunali loyihalar bo‘yicha yakka tartibdagi turar joy qurilishi dasturini samarali amalga oshirishni ta’minlash bo‘yicha qo‘shimcha chora-tadbirlar hamda 2016-yil uchun qurilishning asosiy parametrlari to‘g‘risida” 2015-yil 13-martdagi 60-son qaroriga muvofiq amalga oshiriladigan Islom taraqqiyot banki tomonidan moliyalashtiriladigan qismi yuzasidan “Qishloq joylarda uy-joy qurilishini rivojlantirish” loyihasi;
yakka tartibdagi quruvchi (qarz oluvchi) — qishloq joylarda yashovchi va tasdiqlangan namunaviy loyihalarga muvofiq qishloq joylarda namunaviy loyiha bo‘yicha injiniring kompaniyasi ishtirokida qurilgan yakka tartibdagi uy-joyni belgilangan tartibda sotib oluvchi O‘zbekiston Respublikasi fuqarosi;
Keyingi tahrirga qarang.
injiniring kompaniyasi — Islom taraqqiyot banki ishtirokidagi loyiha umumiy amalga oshirilishining ijro etuvchi agenti, mas’uli bo‘lgan hamda qishloq joylarda namunaviy loyihalar bo‘yicha foydalanishga tayyor holda yakka tartibdagi uy-joy qurilishida Islom taraqqiyot banki nomidan buyurtmachi funksiyasini bajaruvchi mas’uliyati cheklangan jamiyat shaklidagi “Qishloq qurilish invest” injiniring kompaniyasi;
bank — Islom taraqqiyot bankining moliyaviy mablag‘laridan foydalanish va ularga xizmat ko‘rsatish uchun mas’ul bo‘lgan moliyaviy agent hisoblangan “Qishloqqurilishbank” aksiyadorlik tijorat banki;
pudratchi — qishloq joylarda namunaviy loyihalar bo‘yicha foydalanishga tayyor holda yakka tartibdagi uy-joy qurilishiga buyurtmalarni joylashtirishga tanlov savdolari natijalari bo‘yicha injiniring kompaniyasi bilan tuzilgan pudrat shartnomasi asosida qishloq joylarda namunaviy loyihalar bo‘yicha yakka tartibdagi uy-joy qurilishini amalga oshiruvchi pudrat tashkiloti;
Islom taraqqiyot bankining moliyaviy mablag‘lari — Istisna'a bitimiga muvofiq Islom taraqqiyot banki tomonidan O‘zbekiston Respublikasiga ajratilgan xorijiy valyutadagi moliyaviy mablag‘lar;
dastlabki badal — qarz oluvchi (birgalikda qarz oluvchilar), yuridik shaxs –qarz oluvchining ish beruvchisining pul mablag‘lari yoki boshqa shaxslarning bankda qarz oluvchining nomiga ochilgan jamg‘arma omonat hisobvarag‘iga to‘langan mablag‘lari shaklida qishloq joylarda namunaviy loyihalar bo‘yicha qurilayotgan yakka tartibdagi uy-joy qiymatining 25 foizidan kam bo‘lmagan miqdordagi qarz oluvchining o‘z mablag‘lari;
Keyingi tahrirga qarang.
yakuniy to‘lov — qishloq joylarda namunaviy loyihalar bo‘yicha yakka tartibdagi uy-joy qiymatining dastlabki badal va ipoteka krediti bilan qoplanmagan qiymatining qolgan qismiga teng bo‘lgan miqdordagi to‘lov;
Islom taraqqiyot banki ishtirokidagi loyiha bo‘yicha uy-joy qurilishi jamg‘arma omonati — Islom taraqqiyot banki ishtirokidagi loyiha bo‘yicha qishloq joylarda namunaviy loyihalar bo‘yicha yakka tartibdagi uy-joy qurilishi doirasida hisob-kitoblarni amalga oshirish uchun ochiladigan maqsadli jamg‘arib boriladigan jamg‘arma omonati va yakka tartibdagi quruvchining umumiy badali mablag‘larini to‘lash;
asosiy shartnoma — injiniring kompaniyasi bilan yakka tartibdagi quruvchi o‘rtasida tuzilgan qishloq joylarda namunaviy loyihalar bo‘yicha yakka tartibdagi uy-joy qurilishi uchun buyurtmachining funksiyalari amalga oshirilishiga shartnoma.
3. Injiniring kompaniyasi Islom taraqqiyot banki ishtirokidagi loyiha doirasida O‘zbekiston Respublikasi nomidan moliyaviy hujjatlarni imzolash huquqi berilgan vakolatli mansabdor shaxslarning imzolari namunalarini ilova qilgan holda tegishli xatni tayyorlaydi va tasdiqlash uchun O‘zbekiston Respublikasi Moliya vazirligiga taqdim etadi.
4. O‘zbekiston Respublikasi Moliya vazirligi Islom taraqqiyot banki ishtirokidagi loyiha doirasida O‘zbekiston Respublikasi nomidan moliyaviy hujjatlarni imzolash huquqi berilgan injiniring kompaniyasining vakolatli mansabdor shaxslari ro‘yxati tasdiqlangandan keyin ko‘rsatib o‘tilgan ro‘yxatni Islom taraqqiyot bankining bosh idorasiga yuboradi.
5. Islom taraqqiyot bankining moliyaviy mablag‘larini jalb etishga buyurtmanomalar injiniring kompaniyasi tomonidan Islom taraqqiyot banki tomonidan belgilangan shakl bo‘yicha rasmiylashtiriladi. Tayyorlangan buyurtmanomalar Islom taraqqiyot banki ishtirokidagi loyiha doirasida O‘zbekiston Respublikasi nomidan moliyaviy hujjatlarni imzolash huquqi berilgan vakolatli mansabdor shaxslar tomonidan imzolanadi. So‘raladigan mablag‘larning asoslanganligi uchun injiniring kompaniyasi javob beradi.
6. Islom taraqqiyot banki mablag‘lari Islom taraqqiyot banki tomonidan belgilangan shakl bo‘yicha injiniring kompaniyasining buyurtmanomalari asosida O‘zbekiston Respublikasi Moliya vazirligining O‘zbekiston Respublikasi Markaziy bankida ochilgan maxsus valyuta hisob raqamiga tushadi.
7. Islom taraqqiyot bankidan tushgan mablag‘larning so‘mdagi ekvivalenti (o‘tkazilgan kunda) O‘zbekiston Respublikasi Moliya vazirligi tomonidan uch bank kuni mobaynida injiniring kompaniyasi bosh idorasining bankda ochilgan 22626-son “Korxonalar va tashkilotlarning maqsadli mablag‘lari” qurilishni moliyalashtirish maxsus depozit hisob raqamiga o‘tkaziladi.
Keyingi tahrirga qarang.
8. Injiniring kompaniyasining ushbu hisob raqamiga tushgan mablag‘lar uch bank kuni mobaynida injiniring kompaniyasi mintaqaviy filiallarining qishloq joylarda namunaviy loyihalar bo‘yicha foydalanishga tayyor holda yakka tartibdagi uy-joy qurilishini moliyalashtirish uchun bankning tegishli mintaqaviy filiallarida ochilgan 22626-son “Korxonalar va tashkilotlarning maqsadli mablag‘lari” qurilishni moliyalashtirish maxsus depozit hisob raqamiga o‘tkaziladi.
Keyingi tahrirga qarang.
9. Injiniring kompaniyasi va pudratchilar ushbu moliyaviy mablag‘larni ushbu nizom talablari hisobga olingan holda Vazirlar Mahkamasining 2009-yil 26-oktabrdagi 280-son qarori bilan tasdiqlangan “Qishloq qurilish invest” injiniring kompaniyasi ishtirokida yakka tartibda uy-joy qurilishini amalga oshirish tartibi to‘g‘risidagi nizomga muvofiq sarflaydilar.
10. Injiniring kompaniyasi Islom taraqqiyot banki ishtirokidagi loyihani amalga oshirish bo‘yicha bo‘lim (keyingi o‘rinlarda loyihani amalga oshirish bo‘limi deb ataladi) tashkil etadi, uning ta’minoti bo‘yicha sarf-xarajatlar to‘liq Islom taraqqiyot bankining moliyaviy mablag‘lari hisobiga qoplanadi. Ushbu maqsadlar uchun injiniring kompaniyasi Islom taraqqiyot banki uchun maqbul bo‘lgan tijorat bankida maxsus valyuta va so‘m depozit hisob raqamlari ochadi.
11. Loyihani amalga oshirish bo‘limi har yili injiniring kompaniyasi tomonidan tasdiqlanadigan va O‘zbekiston Respublikasi Moliya vazirligi bilan kelishiladigan xarajatlar smetasini tuzadi. Loyihani amalga oshirish bo‘limi xarajatlari loyihani amalga oshirish bo‘limining tasdiqlangan xarajatlar smetasidan ortiq bo‘lmasligi kerak.
12. Injiniring kompaniyasi Istisna'a bitimi talablaridan kelib chiqib xarajatlar smetasiga muvofiq loyihani amalga oshirish bo‘limi ta’minotiga xarajatlarni moliyalashtiradi.
13. Injiniring kompaniyasi konsalting va auditorlik kompaniyalari bilan Islom taraqqiyot banki ishtirokidagi loyiha doirasida konsalting va auditorlik xizmatlari ko‘rsatishga kontraktlar tuzadi. Konsalting va auditorlik kompaniyalarini tanlash Islom taraqqiyot bankining xaridlar tartib-taomillariga muvofiq amalga oshiriladi. Konsalting va auditorlik kompaniyalari bilan kontraktlar Islom taraqqiyot banki bilan maslahatlashuvlar asosida tuziladi.
14. Moliyaviy auditni o‘tkazish uchun auditorlik kompaniyasi xalqaro moliya institutlari bilan ishlash tajribasiga ega bo‘lgan mahalliy auditorlik kompaniyalari orasidan tanlab olinishi kerak. Islom taraqqiyot banki ishtirokidagi loyiha doirasida ishlar ustidan nazorat qilish va tekshirish uchun konsalting kompaniyasi Islom taraqqiyot bankining a’zolari bo‘lgan mamlakatlarda ro‘yxatdan o‘tkazilgan konsalting kompaniyalari orasidan tanlab olinishi kerak.
15. Maxsus hisob raqamlarining auditorlik tekshiruvi har yili o‘tkaziladi, uning natijalari bo‘yicha Islom taraqqiyot bankiga Islom taraqqiyot banki ishtirokidagi loyiha doirasida yollangan moliyaviy auditor tomonidan tayyorlangan yillik auditorlik hisoboti taqdim etiladi. Auditorlik hisoboti Islom taraqqiyot bankining moliyaviy mablag‘laridan foydalanish bo‘yicha butun imtiyozli davr mobaynida, shuningdek asosiy qarzni qaytarish muddatlarida taqdim etiladi.
Keyingi tahrirga qarang.
16. Injiniring kompaniyasi Istisna'a bitimi talablaridan kelib chiqib tuzilgan kontraktlarga muvofiq moliyaviy audit va yakka tartibdagi maslahatchilarning xizmatchilariga haq to‘laydi.
17. Qishloq joylarda namunaviy loyihalar bo‘yicha yakka tartibdagi uy-joy qurilishi uchun yakka tartibdagi quruvchilarga yer uchastkasi berish va yakka tartibdagi quruvchilar bilan shartnomalar tuzish Vazirlar Mahkamasining 2009-yil 26-oktabrdagi 280-son qarori bilan tasdiqlangan Qishloq qurilish invest” injiniring kompaniyasi ishtirokida yakka tartibda uy-joy qurilishini amalga oshirish tartibi to‘g‘risidagi nizomning II va III bo‘limlarida nazarda tutilgan tartibda amalga oshiriladi.
18. Qishloq joylarda namunaviy loyihalar bo‘yicha foydalanishga tayyor holda shartlari bilan yakka tartibda uy-joy qurish to‘g‘risidagi dastlabki shartnoma yakka tartibdagi quruvchi bilan injiniring kompaniyasi o‘rtasida tuzilgandan keyin yakka tartibdagi quruvchi 5 kun mobaynida bankda o‘z nomiga ochilgan jamg‘arma omonat hisob raqamiga dastlabki badal mablag‘larini to‘liq shakllantirishi kerak. Ushbu hisob raqamida qishloq joylarda namunaviy loyihalar bo‘yicha yakka tartibdagi uy-joy qurilishi tugallanguniga qadar yakka tartibdagi quruvchining umumiy badali to‘liq shakllantiriladi.
19. Bank tomonidan qishloq joylarda namunaviy loyihalar bo‘yicha injiniring kompaniyasi ishtirokida qurilgan yakka tartibdagi uy-joyni xarid qilish uchun yakka tartibdagi quruvchiga imtiyozli ipoteka kreditini berish Vazirlar Mahkamasining 2009-yil 25-maydagi 148-son qarori bilan tasdiqlangan Tasdiqlangan namunaviy loyihalar bo‘yicha yakka tartibdagi uy-joy qurilishi uchun “Qishloq qurilish bank” aksiyadorlik tijorat banki tomonidan imtiyozli ipoteka krediti berish tartibi to‘g‘risidagi Nizomda nazarda tutilgan tartibda va ushbu Nizom talablari hisobga olingan holda Vazirlar Mahkamasining 2009-yil 26-oktabrdagi 280-son qarori bilan tasdiqlangan “Qishloq qurilish invest” injiniring kompaniyasi ishtirokida yakka tartibda uy-joy qurilishini amalga oshirish tartibi to‘g‘risidagi Nizomga muvofiq amalga oshiriladi.
Keyingi tahrirga qarang.
20. Imtiyozli ipoteka krediti bank tomondan yakka tartibdagi quruvchiga qishloq joylarda namunaviy loyihalar bo‘yicha yakka tartibdagi uy-joyni qurish tugallangandan, Davlat qabul qilish komissiyasi tomonidan foydalanishga qabul qilib olingandan va qishloq joylarda namunaviy loyihalar bo‘yicha yakka tartibdagi uy-joy pudratchi tomonidan injiniring kompaniyasiga berilgandan keyin beriladi.
Bank tomonidan yakka tartibdagi quruvchiga imtiyozli ipoteka krediti berilishiga qadar injiniring kompaniyasi mustaqil ravishda bankka qishloq joylarda namunaviy loyihalar bo‘yicha yakka tartibdagi uy-joy foydalanishga topshirilganligi to‘g‘risidagi hujjatning nusxasini taqdim etishi shart.
21. Qishloq joylarda namunaviy loyihalar bo‘yicha yakka tartibdagi uy-joyni qurishni tashkil etish va pudratchini aniqlash bo‘yicha tanlov savdolari o‘tkazish, qishloq joylarda namunaviy loyihalar bo‘yicha qurilishi tugallangan yakka tartibdagi uy-joyni foydalanishga qabul qilish Vazirlar Mahkamasining 2009-yil 26-oktabrdagi 280-son qarori bilan tasdiqlangan “Qishloq qurilish invest” injiniring kompaniyasi ishtirokida yakka tartibda uy-joy qurilishini amalga oshirish tartibi to‘g‘risidagi nizomga hamda Vazirlar Mahkamasining 2012-yil 13-fevraldagi 37-son qaroriga muvofiq tasdiqlangan Qishloq joylarda namunaviy loyihalar bo‘yicha “tayyor holda topshirish” shartlari asosida yakka tartibda uy-joy qurish uchun pudrat tashkilotlarini aniqlash yuzasidan tanlov savdolari o‘tkazish tartibi to‘g‘risidagi nizomga muvofiq amalga oshiriladi.
Keyingi tahrirga qarang.
22. Qishloq joylarda namunaviy loyihalar bo‘yicha yakka tartibdagi uy-joy qurilishi tugallangandan keyin injiniring kompaniyasining mintaqaviy filiali, bank filiali va yakka tartibdagi quruvchi o‘rtasida qishloq joylarda namunaviy loyihalar bo‘yicha qurilishi tugallangan yakka tartibdagi uy-joyni yakka tartibdagi quruvchiga mulk qilib berish to‘g‘risida uch tomonlama shartnoma tuziladi.
Ushbu shartnomada qishloq joylarda namunaviy loyihalar bo‘yicha yakka tartibdagi uy-joy qiymatini yakka tartibdagi quruvchining umumiy badali hisobiga va bank tomonidan taqdim etiladigan imtiyozli ipoteka krediti hisobiga to‘lash shartlari nazarda tutiladi.
23. Yakka tartibdagi uy-joyni yakka tartibdagi quruvchiga berishda qishloq joylarda namunaviy loyihalar bo‘yicha yakka tartibdagi uy-joy qiymati Vazirlar Mahkamasining 2009-yil 26-oktabrdagi 280-son qarori bilan tasdiqlangan “Qishloq qurilish invest” injiniring kompaniyasi ishtirokida yakka tartibda uy-joy qurilishini amalga oshirish tartibi to‘g‘risidagi nizomning 181-bandi hisobga olingan holda Vazirlar Mahkamasining 2012-yil 13-fevraldagi 37-son qaroriga muvofiq tasdiqlangan Qishloq joylarda namunaviy loyihalar bo‘yicha “tayyor holda topshirish” shartlari asosida yakka tartibda uy-joy qurish uchun pudrat tashkilotlarini aniqlash yuzasidan tanlov savdolari o‘tkazish tartibi to‘g‘risidagi nizomga muvofiq o‘tkazilgan tanlov savdolari natijalaridan kelib chiqib belgilanadi.
Keyingi tahrirga qarang.
24. Yakka tartibdagi quruvchilarning umumiy badallari mablag‘larini injiniring kompaniyasi hisob raqamiga yuborish va ulardan foydalanish asosiy shartnomalarda nazarda tutilgan tartibda amalga oshiriladi.
Injiniring kompaniyasi tomonidan yakka tartibdagi quruvchilarning umumiy badallari mablag‘larini O‘zbekiston Respublikasi Moliya vazirligiga qaytarish tartib-taomili O‘zbekiston Respublikasi Moliya vazirligi, bank va injiniring kompaniyasi o‘rtasida tuziladigan bosh bitimda nazarda tutilgan tartibda qishloq joylarda namunaviy loyihalar bo‘yicha yakka tartibdagi uy-joyni qurish tugallangandan keyin amalga oshiriladi.
Keyingi tahrirga qarang.
Bunda bosh bitimda yakka tartibdagi quruvchilarning umumiy badallari mablag‘larini qaytarish qishloq joylardagi namunaviy loyihalar bo‘yicha yakka tartibdagi uy-joy Davlat qabul komissiyasi tomonidan foydalanishga qabul qilib olingan va u pudratchi tomonidan injiniring kompaniyasiga berilgan kundan boshlab bir oydan ortiq bo‘lmagan muddat mobaynida amalga oshirilishi nazarda tutilishi kerak.
Keyingi tahrirga qarang.
O‘zbekiston Respublikasi Moliya vazirligi o‘z hisob raqamiga tushgan yakka tartibdagi quruvchilar umumiy badallarining mablag‘laridan bank va Islom taraqqiyot banki bilan keyinchalik o‘zaro hisob-kitob qilish uchun foydalanadi.
25. O‘zbekiston Respublikasi Moliya vazirligi yakka tartibdagi quruvchilarning umumiy badallari mablag‘larini O‘zbekiston Respublikasi bilan bank o‘rtasidagi “Qishloq joylarda uy-joy qurilishini rivojlantirish” loyihasi bo‘yicha Islom taraqqiyot bankining moliyaviy mablag‘larini qaytarish va ularga xizmat ko‘rsatish to‘g‘risidagi bitimga muvofiq bankka berilgan kredit liniyasi sifatida bankning 22010-son “Hukumatga to‘lash uchun uzoq muddatli kreditlar” hisob raqamiga yuboradi.
Keyingi tahrirga qarang.
Yakka tartibdagi quruvchining buyurtmanomasi (topshirig‘i) asosida 2015-yil 1-yanvardagi holatiga ko‘ra amal qiluvchi eng kam oylik ish haqining 1000 baravari miqdoridan ortiq bo‘lmagan unga ajratiladigan kredit summasi bankning tegishli filiallari tomonidan injiniring kompaniyasining tegishli mintaqa filiallari 22626-son “Korxonalar va tashkilotlarning maqsadli mablag‘lari” qurilishni moliyalashtirish maxsus depozit hisob raqamiga o‘tkaziladi. Ushbu hisob raqamlarida shakllantirilgan mablag‘lar ikki bank kuni mobaynida injiniring kompaniyasi bosh idorasining 22626-son “Korxonalar va tashkilotlarning maqsadli mablag‘lari” qurilishni moliyalashtirish maxsus depozit hisob raqamida jamlanadi.
Keyingi tahrirga qarang.
Bir bank kuni mobaynida injiniring kompaniyasining bosh ofisi 22626-son “Korxonalar va tashkilotlarning maqsadli mablag‘lari” qurilishni moliyalashtirish maxsus depozit hisob raqamida jamlangan mablag‘lar O‘zbekiston Respublikasi Moliya vazirligining bankda ochilgan 20202-son “Budjetdan tashqari mablag‘lar bo‘yicha Hukumatning talab qilib olinadigan depozitlari” depozit hisob raqamiga o‘tkaziladi.
Keyingi tahrirga qarang.
Keyingi tahrirga qarang.
26. Bank Islom taraqqiyot bankining mablag‘larini O‘zbekiston Respublikasi Moliya vazirligiga 15 yil mobaynida qaytaradi, yillik 4 foizli stavka bo‘yicha 3 yillik imtiyozli davr ham shu jumlaga kiradi.
27. Islom taraqqiyot bankining moliyaviy mablag‘larini, shu jumladan ustama haqni qaytarish bankning va O‘zbekiston Respublikasi Davlat budjeti mablag‘lari hisobiga amalga oshiriladi.
Keyingi tahrirga qarang.
28. Qishloq joylarda namunaviy loyihalar bo‘yicha yakka tartibdagi uy-joy qurilish doirasida Islom taraqqiyot bankining moliyaviy mablag‘larini o‘zlashtirish va qaytarish ushbu Nizomga ilovaga muvofiq sxema bo‘yicha amalga oshiriladi.
29. Islom taraqqiyot bankining mablag‘lari jalb etilgan holda qishloq joylarda namunaviy loyihalar bo‘yicha qurilayotgan yakka tartibdagi uy-joy massivlari uchun ijtimoiy, bozor, muhandislik-kommunikatsiya va transport infratuzilmasi obyektlari qurishni tashkil etish va moliyalashtirish Vazirlar Mahkamasining 2009-yil 26-oktabrdagi 280-son qarori bilan tasdiqlangan “Qishloq qurilish invest” injiniring kompaniyasi ishtirokida yakka tartibda uy-joy qurilishini amalga oshirish tartibi to‘g‘risidagi nizom asosida amalga oshiriladi.
Bunda qishloq turar joy massivlarida suv ta’minoti obyektlari va kirish avtomobil yo‘llari qurilishi Islom taraqqiyot bankining mablag‘lari hisobiga moliyalashtiriladi. Injiniring kompaniyasi shartnoma asosida Islom taraqqiyot banki nomidan qishloq joylarda suv ta’minoti obyektlari va kirish yo‘llari qurilishining buyurtmachisi bo‘ladi.
30. Islom taraqqiyot bankining suv ta’minoti obyektlari va kirish avtomobil yo‘llari qurilishi uchun sarflangan mablag‘lari obyektlar buyurtmachiga berilgan paytdan boshlab (qurilish tugallangandan keyin) bir hafta muddatda:
suv ta’minoti bo‘yicha — O‘zbekiston Respublikasi Investitsiya dasturi parametrlarida belgilangan tartibda nazarda tutilgan markazlashtirilgan kapital qo‘yilmalardan tegishli viloyatlarning hokimliklari hisobiga;
kirish avtomobil yo‘llari — O‘zbekiston Respublikasi Moliya vazirligi huzuridagi Respublika yo‘l jamg‘armasi hisobiga yagona to‘lov bilan O‘zbekiston Respublikasi Moliya vazirligining maxsus hisob raqamiga qoplanadi.
Keyingi tahrirga qarang.
Qishloq joylarda namunali loyihalar bo‘yicha yakka tartibdagi uy-joy qurilishi doirasida Islom taraqqiyot bankining jalb etilgan moliyaviy mablag‘laridan foydalanish, unga xizmat ko‘rsatish va ularni qaytarish tartibi to‘g‘risidagi nizomga
ILOVA
ILOVA
Keyingi tahrirga qarang.
1. Vazirlar Mahkamasining “Qishloq joylarda namunaviy loyihalar bo‘yicha yakka tartibdagi uy-joylar qurilishi dasturini samarali amalga oshirishni ta’minlashga doir qo‘shimcha chora-tadbirlar to‘g‘risida” 2013-yil 1-maydagi 116-son qarori 4-bandining “d” kichik bandi uchinchi xatboshidagi “xarajatlarni qoplashga” so‘zlari “xarajatlarni qoplashga (zararlarni kompensatsiya qilishga)” so‘zlari bilan almashtirilsin.
2. Vazirlar Mahkamasining “2015-yil uchun qishloq joylarda namunali loyihalar bo‘yicha yakka tartibdagi turar joy qurilishi dasturini samarali amalga oshirishni ta’minlash bo‘yicha qo‘shimcha chora-tadbirlar hamda 2016-yil uchun qurilishning asosiy parametrlari to‘g‘risida” 2015-yil 13-martdagi 60-son qaroriga 1-ilovaning matni quyidagi tahrirda bayon qilinsin:
T/r | Tijorat banklari nomi | Turar joylar soni | |
1. | “Qishloq qurilish bank” ATB | 5571 | |
2. | TIF milliy banki | 2280 | |
3. | “Ipoteka-bank” ATIB | 3049 | |
JAMI | 10900 | ”. |