Oʻzbekiston Respublikasi Oliy Majlisining “Oʻzbekiston Respublikasining 2004-yilgi Davlat budjeti toʻgʻrisida” 2003-yil 11-dekabrdagi 553-II-son qaroriga muvofiq Vazirlar Mahkamasi qaror qiladi:

1. Quyidagilar:

Oʻzbekiston Respublikasining 2004-yilgi Davlat budjeti asosiy parametrlari 1-ilovaga* muvofiq;

Oʻzbekiston Respublikasi Moliya vazirligi huzuridagi Respublika yoʻl jamgʻarmasining asosiy parametrlari 2-ilovaga* muvofiq tasdiqlansin.

2. 2004-yilgi Davlat budjeti tahchilligining cheklangan miqdori yalpi ichki mahsulot hajmiga nisbatan 1,0 foiz miqdorida belgilansin.

Belgilab qoʻyilsinki, Davlat budjeti tahchilligini moliyalashtirish faqat qadrsizlanmaydigan manbalar, shu jumladan davlat mulkini xususiylashtirishdan olinadigan tushumlar, oʻrta muddatli davlat pul majburiyatlari va xorijdan mablagʻ jalb qilish hisobiga amalga oshiriladi.

3. Oʻzbekiston Respublikasining Soliq kodeksiga muvofiq 2004-yil uchun:

yuridik shaxslardan daromad (foyda) soligʻi stavkalari 3-ilovaga* muvofiq;

savdo va umumiy ovqatlanish korxonalari uchun yalpi daromaddan soliq stavkalari 4-ilovaga* muvofiq;

soliq solishning soddalashtirilgan tizimini qoʻllayotgan mikrofirmalar va kichik korxonalar uchun yagona soliq stavkalari 5-ilovaga* muvofiq;

lotereyalar, totalizatorlar va tavakkalchilikka asoslangan boshqa oʻyinlarni tashkil etish boʻyicha faoliyatni amalga oshiruvchi yuridik shaxslar uchun yalpi tushumdan yagona soliq stavkalari 6-ilovaga* muvofiq;

yuridik va jismoniy shaxslarga toʻlanadigan dividendlar va foizlar tarzida olinadigan daromadlardan soliq stavkalari 7-ilovaga* muvofiq;

yuridik va jismoniy shaxslarning tadbirkorlik faoliyati ayrim turlari boʻyicha belgilangan soliqlar stavkalari hamda ularga tuzatuvchi koeffitsiyentlar 8 va 9-ilovalarga* muvofiq;

roʻyxat boʻyicha ishlab chiqariladigan va chetdan keltiriladigan tovarlardan aksiz soligʻi stavkalari 10-1, 10-2-ilovalarga* muvofiq;

suv resurslaridan foydalanganlik uchun soliq stavkalari 11-ilovaga* muvofiq;

yer osti boyliklaridan foydalanganlik uchun soliq stavkalari 12-ilovaga* muvofiq;

yuridik shaxslardan olinadigan mulk soligʻi stavkalari 13-ilovaga* muvofiq;

jismoniy shaxslardan olinadigan mulk soligʻi stavkalari 14-ilovaga* muvofiq;

yagona yer soligʻi stavkalari 15-ilovaga* muvofiq;

yagona yer soligʻi toʻlashga oʻtmagan toʻlovchilar uchun yer soligʻi stavkalari 16-ilovaga* muvofiq;

Qoraqalpogʻiston Respublikasi, viloyatlar va Toshkent shahar davlat hokimiyati organlari tomonidan joriy etiladigan mahalliy soliqlar va yigʻimlar stavkalari 17-ilovaga* muvofiq tasdiqlansin.

4. 2004-yil 1-yanvardan boshlab avtomobil transportida yuk va yoʻlovchilar tashuvchi jismoniy shaxslar uchun belgilangan cheklangan soliq jismoniy shaxslarning avtotransport vositalarini ijaraga berish, shu jumladan birlashmalar, uyushmalar va boshqa xoʻjalik yurituvchi subyektlarga ijaraga berishdan oladigan daromadlariga joriy etilsin, ular tegishli ravishda ijara toʻlovi summasidan daromad soligʻi toʻlashdan ozod qilinsin.

5. Qishloq xoʻjaligi yoʻnalishidagi ilmiy-tadqiqot tashkilotlari va ilmiy muassasalarning tajriba, eksperimental va oʻquv-tajriba xoʻjaliklari 2004-yil 1-yanvardan boshlab yagona yer soligʻi toʻlashga oʻtkazilsin.

6. 2004-yil 1-yanvardan boshlab Samarqand va Toshkent viloyatlari qishloq xoʻjaligi tovar ishlab chiqaruvchilari uchun qishloq xoʻjaligi yerlarining normativ qiymatidan kelib chiqqan holda, tajriba tariqasida, 18-ilovaga* muvofiq stavkalar boʻyicha yagona yer soligʻini hisoblab chiqarish belgilansin.

Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi:

Oʻzbekiston Respublikasi Qishloq va suv xoʻjaligi vazirligi, Iqtisodiyot vazirligi, Moliya vazirligi va Davlat soliq qoʻmitasi bilan birgalikda 2004-yil 1-aprelgacha Samarqand va Toshkent viloyatlari barcha qishloq xoʻjaligi tovar ishlab chiqaruvchilarining qishloq xoʻjaligi yerlari normativ qiymatini 2004-yil 1-yanvardagi holatiga koʻra qayta baholash ishlarini amalga oshirsin;

Oʻzbekiston Respublikasi Davlat soliq qoʻmitasi bilan birgalikda qishloq xoʻjaligi yerlarining qayta baholangan normativ qiymatini yagona yer soligʻini hisoblab chiqish uchun koʻrsatib oʻtilgan viloyatlarning barcha qishloq xoʻjaligi tovar ishlab chiqaruvchilariga yetkazsin.

Oʻzbekiston Respublikasi Moliya vazirligi qishloq xoʻjaligi yerlari normativ qiymatini qayta baholash natijalariga koʻra, zaruriyat boʻlganda, yagona yer soligʻining belgilangan stavkalariga tuzatishlar kiritish boʻyicha Oʻzbekiston Respublikasi Vazirlar Mahkamasiga takliflar kiritsin.

7. 2004-yil 1-yanvardan boshlab:

qoʻshilgan qiymat soligʻi boʻyicha avans toʻlovlari bekor qilinsin, ushbu soliqni amaldagi aylanma boʻyicha har oyda bir marta toʻlash nazarda tutilsin;

“OʻzDEUavto” aksiyadorlik jamiyatida ishlab chiqarilgan avtomobillarni respublikadan olib ketuvchi jismoniy va yuridik shaxslardan yigʻim bekor qilinsin.

8. 2004-yil 1-yanvardan boshlab:

foydali qazilmalarni qazib oluvchi mikrofirmalar va kichik korxonalar uchun yagona soliq toʻlash bilan birga yer osti boyliklaridan foydalanganlik uchun soliq;

mehnatga haq toʻlash fondidan ijtimoiy sugʻurtaga majburiy badallar toʻlash oʻrniga, mulkchilik shakllaridan qatʼi nazar, yuridik shaxslar mehnatga haq toʻlash fondidan 19-ilovaga* muvofiq miqdorda yagona ijtimoiy toʻlov joriy etilsin.

Belgilab qoʻyilsinki, yagona ijtimoiy toʻlov davlat soliqlari va yigʻimlariga tenglashtiriladi.

Oʻzbekiston Respublikasi Moliya vazirligi Mehnat va aholini ijtimoiy muhofaza qilish vazirligi, Davlat soliq qoʻmitasi, Oʻzbekiston Respublikasi Markaziy banki bilan birgalikda Yagona ijtimoiy toʻlovni hisoblash, toʻlash va taqsimlash toʻgʻrisidagi nizomni ikki hafta muddatda ishlab chiqsin va belgilangan tartibda tasdiqlasin.

9. Ijtimoiy sugʻurtaga majburiy badallarni amaldagi stavkalar boʻyicha toʻlashning amaldagi tartibi:

ixtisoslashtirilgan sexlar, uchastkalar va korxonalarda ishlayotgan nogironlarning mehnatidan foydalanayotgan korxonalar;

“SOS – Oʻzbekiston bolalar mahallalari” uyushmasi uchun saqlab qolinsin.

Belgilab qoʻyilsinki, advokatlik byurolari, hayʼatlari va firmalari ijtimoiy sugʻurtaga mehnatga haq toʻlash fondidan 25 foiz miqdorida badal toʻlaydilar.

10. 2004-yilda:

barcha soliq solinadigan aylanmalar boʻyicha qoʻshilgan qiymat soligʻi stavkasi 20 foiz miqdorida;

korxonalar, tashkilotlar va muassasalar tomonidan tovarlar (ishlar, xizmatlar)ni sotish (tovar aylanmasi) hajmidan Budjetdan tashqari pensiya jamgʻarmasiga majburiy ajratmalar stavkasi, qoʻshilgan qiymat soligʻi va aksiz soligʻi chiqarib tashlangan holda, 0,7 foiz miqdorida;

fuqarolarning ish haqidan Budjetdan tashqari pensiya jamgʻarmasiga majburiy sugʻurta badallari stavkasi 2,5 foiz miqdorida saqlab qolinsin.

11. 2004-yil 1-yanvardan boshlab Oʻzbekiston Respublikasi Moliya vazirligi huzuridagi Respublika yoʻl jamgʻarmasiga ajratmalar va yigʻimlar stavkalari 20, 21-ilovalarga* muvofiq belgilansin.

12. Mahalliy hokimiyat va boshqaruv organlarining barcha darajalardagi mahalliy budjetlar daromadlari va xarajatlarini shakllantirishdagi roli, mustaqilligi va masʼuliyatini kuchaytirish, mahalliy budjetlarning Davlat budjetidagi ulushini oshirish maqsadida:

suv resurslaridan foydalanganlik uchun soliq;

ekologiya soligʻi;

yuridik shaxs boʻlmasdan tadbirkorlik faoliyati bilan shugʻullanuvchi jismoniy shaxslar daromadlaridan olinadigan belgilangan soliq;

yuridik va jismoniy shaxslarning tadbirkorlik faoliyati ayrim turlarini amalga oshirishdan oladigan daromadlaridan olinadigan belgilangan soliq;

respublikada ishlab chiqariladigan alkogolli mahsulotlar (etil spirtidan tashqari), pivo, oʻsimlik yogʻi, kir sovun va atir sovunga aksiz soligʻi boʻyicha tushumlar toʻliq miqdorda mahalliy budjetlar daromadlariga oʻtkazilsin.

13. 2004-yil uchun:

Qoraqalpogʻiston Respublikasi budjeti, viloyatlar va Toshkent shahar mahalliy budjetlari daromadlari va xarajatlari hajmlari, respublika budjetidan dotatsiyalar va maqsadli subvensiyalarning cheklangan miqdorlari 22-ilovaga* muvofiq;

umumdavlat soliqlari tushumlaridan Qoraqalpogʻiston Respublikasi budjetiga, viloyatlar va Toshkent shahar mahalliy budjetlariga ajratmalar normativlari 23-ilovaga* muvofiq;

Qoraqalpogʻiston Respublikasi budjeti, viloyatlar va Toshkent shahar mahalliy budjetlari aylanma kassa naqd pul mablagʻining eng kam zarur miqdorlari 24-ilovaga* muvofiq tasdiqlansin.

Oʻzbekiston Respublikasi Moliya vazirligiga tegishli budjetlarga dotatsiyalar, maqsadli subvensiyalar va budjet ssudalari (daromadlar va xarajatlar oʻrtasidagi vaqtinchalik kassa tafovutiga) ajratishda ularning miqdorlarini hududlar boʻyicha undiriladigan barcha soliqlar va toʻlovlarning toʻliq tushishidan, shuningdek budjetlarning birinchi navbatdagi xarajatlarining (ustamalari bilan ish haqi, nafaqalar, stipendiyalar va ularga tenglashtirilgan toʻlovlarning) mablagʻ bilan soʻzsiz taʼminlanishi zarurligidan kelib chiqqan holda aniqlashtirish huquqi berilsin.

14. Aholini issiqlik energiyasi bilan kafolatli taʼminlash, kommunal xoʻjaligi qozonxona inshootlari va issiqlik tarmoqlarining kuz-qish davrida uzluksiz ishlashini taʼminlash maqsadida Qoraqalpogʻiston Respublikasi budjeti, viloyatlar va Toshkent shahar mahalliy budjetlari parametrlarida 2004-yildan boshlab ularni mukammal taʼmirlash uchun maqsadli mablagʻlar nazarda tutilishi maʼlumot uchun qabul qilinsin.

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston Respublikasi Moliya vazirligi:

tegishli darajadagi budjetlarni shakllantirishda har yili qozonxona inshootlari va issiqlik tarmoqlarini taʼmirlash uchun mablagʻlarni nazarda tutsinlar;

koʻrsatib oʻtilgan maqsadlar uchun ajratiladigan budjet mablagʻlaridan qatʼiy maqsadli foydalanilishini taʼminlasinlar.

15. 2004-yil uchun Oʻzbekiston Respublikasi Vazirlar Mahkamasining zaxira jamgʻarmasi hamda Qoraqalpogʻiston Respublikasi, viloyatlar va Toshkent shahar budjetlarining zaxira fondlari miqdorlari 25-ilovaga* muvofiq tasdiqlansin.

16. Hukumatning mablagʻ jalb qilishining cheklangan miqdori, shu jumladan Hukumat tomonidan kafolatlangan kreditlar hajmi 2004-yilda davlat tashqi qarziga xizmat koʻrsatish (asosiy qarzni qaytarish, foizlarni toʻlash, vositachilik haqi va boshqa xarajatlar) boʻyicha xarajatlar hajmida cheklab qoʻyilsin.

17. Oʻzbekiston Respublikasi Moliya vazirligi va Iqtisodiyot vazirligi:

makroiqtisodiy koʻrsatkichlar prognozining bajarilishi hamda Oʻzbekiston Respublikasi Davlat budjetining ijrosi tahlili natijalari boʻyicha, zaruriyat boʻlganda, Davlat budjetining belgilangan tahchilligi doirasida Davlat budjetining asosiy parametrlarini aniqlashtirish yuzasidan Oʻzbekiston Respublikasi Vazirlar Mahkamasiga takliflar kiritsinlar;

2005 moliya yilidan boshlab yalpi ichki mahsulot oʻrtacha muddatli prognozi, budjet tahchilligining, davlatning mablagʻ jalb qilishining cheklangan miqdori, boshqa makroiqtisodiy koʻrsatkichlar bilan oʻzaro bogʻliqlikda 3 yilga budjet daromadlari va xarajatlari parametrlarining maqsadli yoʻnalishlarini belgilashni nazarda tutuvchi soliq-budjet siyosatining oʻrtacha muddatli strategiyasi yuzasidan 2004-yil 1-aprelgacha takliflar kiritsinlar.

18. Oʻzbekiston Respublikasi Moliya vazirligining:

Davlat budjetining xarajatlar boʻyicha parametrlarini tasdiqlangan 2492,5 mlrd soʻmga oʻrniga 2385,6 mlrd soʻmgacha miqdorda aniqlashtirgan hamda budjet tahchilligini (yalpi ichki mahsulot hajmiga nisbatan tasdiqlangan 2,0 foiz oʻrniga) yalpi ichki mahsulot hajmiga nisbatan 0,7 foizgacha kamaytirgan holda 2003-yilgi davlat xarajatlarini maqbullashtirish yuzasidan;

Oʻzbekiston Respublikasi Markaziy banki bilan birgalikda 2004-yil yanvar oyida 2003-yil uchun barcha darajalardagi budjetlar bilan yakuniy aylanmalar oʻrtasidagi oʻzaro hisob-kitoblarni tartibga solishga doir operatsiyalarni, 2003-yilgi Davlat budjetining ijrosi toʻgʻrisidagi hisobotda oʻtkazilgan operatsiyalarni aks ettirgan holda, oʻtkazish toʻgʻrisidagi takliflari qabul qilinsin.

Oʻzbekiston Respublikasi Moliya vazirligi:

2003-yilgi Davlat budjeti tahchilligi faqat qadrsizlanmaydigan manbalar, shu jumladan davlat mulkini xususiylashtirishdan olinadigan tushumlar hamda davlat budjetining 2003-yil boshidagi qoldigʻi hisobiga moliyalashtirilishini taʼminlasin;

Oʻzbekiston Respublikasi Davlat budjeti daromadlari koʻrsatkichlarini ayrim manbalar va mamlakat mintaqalari boʻyicha 2003-yilga tasdiqlangan daromadlar hajmi doirasida aniqlashtirsin.

19. Oʻzbekiston Respublikasi Vazirlar Mahkamasining 26-ilovaga muvofiq qarorlari oʻz kuchini yoʻqotgan deb hisoblansin.

Oʻzbekiston Respublikasi Hukumatining 27-ilovaga muvofiq ayrim qarorlariga oʻzgartirishlar va qoʻshimchalar kiritilsin.

20. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda mazkur qarorning qabul qilinishi munosabati bilan amaldagi qonun hujjatlariga oʻzgartirishlar va qoʻshimchalar yuzasidan Vazirlar Mahkamasiga ikki hafta muddatda takliflar kiritsin.

Vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari ilgari chiqarilgan normativ hujjatlarini bir hafta muddatda mazkur qarorga muvofiqlashtirsinlar.

21. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S.Azimov zimmasiga yuklansin.

1. Oʻzbekiston Respublikasi Oliy Kengashi Rayosati va Oʻzbekiston Respublikasi Vazirlar Mahkamasining “Chernobil halokatidan ziyon koʻrgan Oʻzbekiston Respublikasida istiqomat qiluvchi fuqarolarni ijtimoiy himoyalash haqida” 1992-yil 6-apreldagi 170-son qarorining (Oʻzbekiston Respublikasi QT, 1992-y., 4-son, 10-modda; 1994-y., 1-son, 1-modda) 10-bandi.

2. Vazirlar Mahkamasining “Davlatga qarashli boʻlmagan maktabgacha bolalar muassasalari tarmogʻini tashkil etish va rivojlantirish chora-tadbirlari toʻgʻrisida” 1999-yil 24-iyundagi 313-son qarorining (Oʻzbekiston Respublikasi QT, 1999-y., 6-son, 33-modda) 6-bandi.

3. Vazirlar Mahkamasining “Oʻzbekiston Respublikasining 2003-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida” 2002-yil 30-dekabrdagi 455-son qarorining 3-bandi, 8-bandining ikkinchi va toʻrtinchi xatboshi hamda qarorga 3-20-ilovalar.

4. Vazirlar Mahkamasining “Qimmatli qogʻozlar ikkilamchi bozorini yanada rivojlantirish chora-tadbirlari toʻgʻrisida” 2003-yil 29-apreldagi 196-son qarorining (Oʻzbekiston Respublikasi QT, 2003-y., 4-son, 33-modda) 2-bandi.

5. Vazirlar Mahkamasining “Vazirliklar va idoralarning budjetdan tashqari jamgʻarmalariga mablagʻlar ajratish va ulardan foydalanilishini tartibga solish chora-tadbirlari toʻgʻrisida” 2003-yil 19-noyabrdagi 520-son qaroriga (Oʻzbekiston Respublikasi QT, 2003-y., 11-son, 123-modda) 2-ilova 4-bandining ikkinchi xatboshi.

1. Vazirlar Mahkamasining “Xorijiy valyutadagi davlat bojlari, yigʻimlar hamda soliq boʻlmagan boshqa toʻlovlar stavkalari toʻgʻrisida” 1993-yil 19-avgustdagi 423-son qarorida:

2-ilovaning II, III boʻlimlari va IV boʻlimning 2-bandi oʻz kuchini yoʻqotgan deb hisoblansin;

“Bojlar, yigʻimlar va boshqa soliq boʻlmagan toʻlovlarni toʻlashdan tushgan valyuta tushumlarini taqsimlash” jadvalida:

10 va 15-bandlar oʻz kuchini yoʻqotgan deb hisoblansin;

12-banddagi “xorijiy banklarning vakolatxonalarini akkreditatsiya qilishga” soʻzlari chiqarib tashlansin.

2. Vazirlar Mahkamasining 1997-yil 30-iyuldagi 374-son qarori (Oʻzbekiston Respublikasi QT, 1997-y., 7-son, 26-modda) bilan tasdiqlangan Oʻzbekiston Respublikasi Davlat bojxona qoʻmitasi toʻgʻrisida Nizom 9-bandining oʻn oltinchi xatboshidagi “xoʻjalik subyektlaridan” soʻzlaridan keyin “0,07 foiz miqdorida” soʻzlari qoʻshilsin.

3. Vazirlar Mahkamasining “Qishloq xoʻjaligi ishlab chiqarishining texnik jihatdan taʼminlanganligi darajasini oshirishga oid chora-tadbirlar toʻgʻrisida” 1997-yil 20-avgustdagi 410-son qarorida:

5-bandning beshinchi xatboshidagi “Qoraqalpogʻiston Respublikasi va viloyatlar hokimliklari” soʻzlari “respublika budjeti” soʻzlari bilan almashtirilsin;

6-band oʻz kuchini yoʻqotgan deb hisoblansin.

4. Vazirlar Mahkamasining “Jismoniy shaxslarning ayrim toifalari daromadlariga imtiyozli soliq solish toʻgʻrisida” 1997-yil 24-dekabrdagi 562-son qarorining (Oʻzbekiston Respublikasi QT, 1997-y., 11-12-son, 40-modda) 1-bandidagi “1998-yilda saqlab qolinsin” soʻzlari “belgilansin” soʻzi bilan almashtirilsin.

6. Vazirlar Mahkamasining “Magnum” haydov traktorlarini jihozlash uchun pluglar xarid qilish toʻgʻrisida” 1998-yil 31-iyuldagi 326-son qarorida:

1-bandda:

beshinchi xatboshidagi “Qoraqalpogʻiston Respublikasi va viloyatlar hokimliklari” soʻzlari “respublika budjeti” soʻzlari bilan almashtirilsin;

oltinchi xatboshi oʻz kuchini yoʻqotgan deb hisoblansin;

ilovadagi “Qoraqalpogʻiston Respublikasi va viloyatlar hokimliklari” soʻzlari “respublika budjeti” soʻzlari bilan almashtirilsin.

7. Vazirlar Mahkamasining 1999-yil 5-fevraldagi 54-son qarori (Oʻzbekiston Respublikasi QT, 1999-y., 2-son, 9-modda; 2003-y., 6-son, 44-modda, 45-modda; 10-son, 96-modda) bilan tasdiqlangan Mahsulot (ishlar, xizmatlar)ni ishlab chiqarish va sotish xarajatlari tarkibi hamda moliyaviy natijalarni shakllantirish tartibi toʻgʻrisidagi Nizomga 1-ilovada:

a) 1.15-band quyidagi tahrirda bayon qilinsin:

“1.15. Ijaraga berganlik, xizmatlar koʻrsatilganligi, maʼlumotlar uzatilganligi uchun aloqa uzellariga toʻlov (koʻchma, yoʻldosh, peyjing aloqasi, radiochastotalar ijarasi, ajratilgan kanallar, maʼlumotlarni uzatishning simli va simsiz tarmoqlari), ATS va Internetdan tashqari”;

b) quyidagi mazmundagi 1.21-1-band qoʻshilsin:

“1.21-1. Ishlab chiqarish jarayoniga bevosita taalluqli boʻlmagan atrof tabiiy muhitni ifloslantirganlik va unga chiqindilarni joylashtirganlik uchun qonun hujjatlarida belgilangan normalardan ortiqcha kompensatsiya toʻlovlari”.

8. Vazirlar Mahkamasining “Don oʻrish-yigʻish kombaynlari va haydov agregatlarini xarid qilish toʻgʻrisida” 1999-yil 2-apreldagi 152-son qarorining 3-bandida:

birinchi xatboshidagi “Qoraqalpogʻiston Respublikasi va viloyatlar hokimliklari” soʻzlari “respublika budjeti” soʻzlari bilan almashtirilsin;

ikkinchi xatboshi chiqarib tashlansin.

9. Vazirlar Mahkamasining “Keys” don oʻrish-yigʻish kombaynlarini xarid qilish toʻgʻrisida” 1999-yil 12-maydagi 235-son qarorining 4-bandida:

birinchi xat boshidagi “Qoraqalpogʻiston Respublikasi va viloyatlar hokimliklari” soʻzlari “respublika budjeti” soʻzlari bilan almashtirilsin;

ikkinchi xat boshi chiqarib tashlansin.

10. Vazirlar Mahkamasining “Ishlab chiqarish sinovlari uchun shudgorlash agregatlari xarid qilish toʻgʻrisida” 1999-yil 19-iyuldagi 351-son qarorida:

3-banddagi “Qashqadaryo viloyati hokimligining” soʻzlari “respublika budjetining” soʻzlari bilan almashtirilsin;

ilovadagi “Qashqadaryo viloyatining” soʻzlari “respublika budjetining” soʻzlari bilan almashtirilsin.

11. Vazirlar Mahkamasining 1999-yil 20-sentabrdagi 431-f-son farmoyishining 4-bandi uchinchi xatboshi quyidagi tahrirda bayon qilinsin:

“Qozogʻiston Respublikasidan Oʻzbekiston Respublikasiga kirgan yoki Oʻzbekiston Respublikasidan Qozogʻiston Respublikasiga chiqqan holda olingan mablagʻlar Oʻzbekiston Respublikasi Moliya vazirligi huzuridagi Respublika yoʻl jamgʻarmasining valyuta hisob raqamiga oʻtkazilgan holda bevosita bojxona postlarida Oʻzbekiston Respublikasi tijorat banklarining boʻlimlari tomonidan erkin muomaladagi valyutada amalga oshiriladi”.

12. Vazirlar Mahkamasining “Turkmanistonning avtotransport vositalari Oʻzbekiston Respublikasi hududiga kirganligi va tranzit harakatlanganligi uchun yoʻl yigʻimlari joriy etish toʻgʻrisida” 1999-yil 28-sentabrdagi 447-son qarorining (Oʻzbekiston Respublikasi QT, 1999-y., 9-son, 59-modda) 2-bandi quyidagi tahrirda bayon qilinsin:

“2. Belgilab qoʻyilsinki, Turkmanistonning avtotransport vositalaridan yigʻim undirish olingan mablagʻlar Oʻzbekiston Respublikasi Moliya vazirligi huzuridagi Respublika yoʻl jamgʻarmasining valyuta hisob raqamiga oʻtkazilgan holda bevosita bojxona postlarida Oʻzbekiston Respublikasi tijorat banklarining boʻlimlari tomonidan erkin muomaladagi valyutada amalga oshiriladi”.

13. Oʻzbekiston Respublikasi Vazirlar Mahkamasining “Chegaradosh davlatlarning yuk avtotransport vositalari Oʻzbekiston Respublikasining bojxona hududi orqali oʻtishi uchun yagona yigʻimlar belgilash toʻgʻrisida” 1999-yil 31-dekabrdagi 552-son qarori (Oʻzbekiston Respublikasi QT, 1999-y., 12-son, 72-modda; 2000-y., 2-son, 8-modda, 10-son, 65-modda) 3-bandining ikkinchi xatboshi quyidagi tahrirda bayon qilinsin:

“Qirgʻiziston Respublikasi yuk avtotransporti vositalari va avtobuslaridan toʻlovlar bevosita bojxona postlarida undiriladi, olingan mablagʻlar tijorat banklari boʻlimlari orqali Oʻzbekiston Respublikasi Moliya vazirligi huzuridagi Respublika yoʻl jamgʻarmasining valyuta hisob raqamiga oʻtkaziladi”.

14. Vazirlar Mahkamasining 2000-yil 18-yanvardagi 16-son qarori (Oʻzbekiston Respublikasi QT, 2000-y., 1-son, 4-modda) bilan tasdiqlangan Koʻp kvartirali uylarni kapital taʼmirlash uchun mablagʻlar toʻplash (yigʻish) va ulardan foydalanish toʻgʻrisidagi Vaqtinchalik nizomning 2-bandiga quyidagi mazmundagi xatboshi qoʻshilsin:

“Mazkur bandning amal qilishi 1991-yilgacha qurilgan, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan tasdiqlanadigan turar joylarning aniq roʻyxatlari asosida budjet mablagʻlari va boshqa manbalar hisobiga amalga oshiriladigan uylarning ichidagi muhandislik kommunikatsiyalarini va turar joylarning umumiy foydalaniladigan joylarini mukammal taʼmirlashga joriy etilmaydi”.

15. Vazirlar Mahkamasining “Don oʻrish-yigʻish kombaynlari va ehtiyot qismlar xarid qilish toʻgʻrisida” 2000-yil 12-maydagi 186-son qarorining 3-bandida:

birinchi xatboshidagi “Qoraqalpogʻiston Respublikasi va viloyatlar hokimliklari” soʻzlari “respublika budjeti” soʻzlari bilan almashtirilsin;

ikkinchi xatboshi chiqarib tashlansin.

16. Vazirlar Mahkamasining “Tojikiston Respublikasi yuk avtotransport vositalari va avtobuslarining Oʻzbekiston Respublikasi bojxona hududi orqali oʻtganligi uchun yigʻimlarni birxillashtirish toʻgʻrisida” 2002-yil 8-yanvardagi 11-son qarorining (Oʻzbekiston Respublikasi QT, 2002-y., 1-son, 3-modda) 2-bandi quyidagi tahrirda bayon qilinsin:

“2. Belgilab qoʻyilsinki, Tojikistonning avtotransport vositalaridan yigʻim undirish olingan mablagʻlar Oʻzbekiston Respublikasi Moliya vazirligi huzuridagi Respublika yoʻl jamgʻarmasining valyuta hisob raqamiga oʻtkazilgan holda bevosita bojxona postlarida Oʻzbekiston Respublikasi tijorat banklarining boʻlimlari tomonidan erkin muomaladagi valyutada amalga oshiriladi”.

17. Vazirlar Mahkamasining 2002-yil 6-iyundagi 200-son qarori bilan tasdiqlangan 2002—2010-yillarda kompyuterlashtirish va axborot-kommunikatsiya texnologiyalarini rivojlantirish dasturida:

a) 4-boʻlimning birinchi xatboshi quyidagi tahrirda bayon qilinsin:

“Dasturning asosiy boʻlimlarini moliyalashtirish uchun mablagʻlarni xorijiy banklar, operatorlar, provaydyerlarning kreditlari, shuningdek ichki va tashqi investorlarning oʻz mablagʻlari hisobiga jalb etish moʻljallanmoqda. Bunda kollejlar, litseylar va umumtaʼlim maktablarini kompyuterlar bilan jihozlash xarajatlarini (kamida bir mingta kompyuter sinflari tashkil etish boʻyicha har yilgi ehtiyojni qondirishni hisobga olgan holda): xarajatlarning 30 foizini – begʻaraz grantlarni bosqichma-bosqich jalb etish hisobiga va 70 foizgachasini ushbu maqsadlar uchun nazarda tutilgan davlat budjetidan har yili ajratiladigan mablagʻlar hisobiga amalga oshirish moʻljallanmoqda, oliy oʻquv yurtlari boʻyicha esa asosan begʻaraz grantlar va oliy oʻquv yurtlarining budjetdan tashqari mablagʻlari ushbu xarajatlarni moliyalashtirish manbalari hisoblanadi”.

b) 8-ilovadagi izoh**ga “asosan begʻaraz grantlar va budjetdan tashqari mablagʻlar ushbu xarajatlarni moliyalashtirish manbalari hisoblanadigan oliy oʻquv yurtlaridan tashqari” soʻzlari qoʻshilsin.

18. Vazirlar Mahkamasining 2003-yil 15-apreldagi 217-f-son farmoyishi 3-bandining ikkinchi xat boshidan “bojxonada rasmiylashtirilgan kundan boshlab ikki oy oʻtgandan keyin aksiz soligʻi toʻlagan holda” soʻzlari chiqarib tashlansin.

19. Vazirlar Mahkamasining 2003-yil 21-avgustdagi 361-son qarori (Oʻzbekiston Respublikasi QT, 2003-y., 8-son, 74-modda) bilan tasdiqlangan Oʻzbekiston Respublikasi Moliya vazirligi huzuridagi Respublika yoʻl jamgʻarmasi daromadlarini shakllantirish va mablagʻlarini sarflash tartibi toʻgʻrisidagi Nizomda:

a) 7-bandda:

“a” kichik bandiga quyidagi mazmundagi xatboshi qoʻshilsin:

“Agar xoʻjalik yurituvchi subyekt faoliyatning bir necha turlari bilan shugʻullanca, u holda u alohida hisob yuritishi va toʻlovlarni faoliyatning ushbu turlari uchun belgilangan stavkalar boʻyicha toʻlashi kerak”;

“e” kichik bandi quyidagi tahrirda bayon qilinsin:

“e) Oʻzbekiston Respublikasi Ichki ishlar vazirligi organlarida roʻyxatdan oʻtkazilgan taqdirda xarid qilingan va vaqtincha olib chiqib ketiladigan yengil avtomobil yoki boshqa avtotransport vositalari (yuk avtomobillari, avtobuslar, maxsus avtomobillar) narxidan kelib chiqib, mulkchilik shaklidan qatʼi nazar, ushbu mablagʻlarning xaridorlari (foydalanuvchilari) tomonidan toʻlanadigan sotib olingan va vaqtincha olib chiqib ketiladigan avtotransport vositalari qiymatidan toʻlanadigan yigʻimlar hisobiga shakllantiriladi.

Yigʻimlar bevosita xaridorlar (foydalanuvchilar) – yuridik va jismoniy shaxslar tomonidan Jamgʻarmaning avtotransport vositalarini roʻyxatdan oʻtkazish joyi boʻyicha xizmat koʻrsatuvchi tuman (shahar) soliq inspeksiyalarining tegishli banklarda ochilgan tegishli tranzit hisob raqamlariga toʻlanadi.

Avtotransport vositalarini sotib olishga yoki qayta sotishga va vaqtincha olib chiqib ketishga yigʻim toʻlanganligi toʻgʻrisidagi hujjat koʻrsatilmasdan avtotransport vositalari roʻyxatdan oʻtkazilmaydi, qayta roʻyxatdan oʻtkazilmaydi yoki texnik koʻrikdan oʻtkazilmaydi.

Oʻzbekiston Respublikasi Ichki ishlar vazirligi organlarida roʻyxatdan oʻtkaziladigan sotib olingan va vaqtincha olib chiqib ketiladigan avtotransport vositalari qiymatidan yigʻimlar summasi toʻlovchi (foydalanuvchi) korxonalar tomonidan mahsulot (ishlar, xizmatlar) ishlab chiqarish va sotish xarajatlari tarkibiga, budjet tashkilotlari tomonidan esa – taʼminot sarf-xarajatlari smetasiga kiritiladi”;

“j” kichik bandi oʻz kuchini yoʻqotgan deb hisoblansin;

b) 26-band quyidagi tahrirda bayon qilinsin:

“26. Toʻlovchilar hisobot oyidan keyingi oyning 15-kunidan kechikmay roʻyxatdan oʻtkazish joyi boʻyicha soliq organlariga Jamgʻarmaga mablagʻ ajratilishi boʻyicha hisob-kitoblarni taqdim etadilar va xuddi shu oyning 20-kunigacha toʻlanishi kerak boʻlgan toʻlovlarni Jamgʻarmaga oʻtkazadilar. Majburiy ajratmalarning ortiqcha toʻlangan summasi soliq organlarining ortiqcha toʻlaganlik toʻgʻrisidagi xulosasi boʻyicha, toʻlovchining yozma arizasi olingan kundan boshlab oʻttiz kun muddatda boʻlajak toʻlovlar hisobiga oʻtkaziladi yoki Respublika yoʻl jamgʻarmasi tomonidan toʻlovchiga qaytariladi”;

v) 27-band quyidagi tahrirda bayon qilinsin:

“27. Xoʻjalik yurituvchi subyektlar tarkibiga kiradigan, yuridik shaxslar boʻlmagan tarkibiy boʻlinmalar Jamgʻarmaga ajratmalarni tuman (shahar)lar soliq inspeksiyalarining tranzit hisob raqamlariga oʻtkazadilar, ularga budjetga va budjetdan tashqari Pensiya jamgʻarmasiga toʻlovlar boʻyicha hisob-kitoblarni taqdim etadilar”;

g) 29-bandning yettinchi xatboshi quyidagi tahrirda bayon qilinsin:

“Oʻzbekiston Respublikasi Markaziy banki, Oʻzbekiston Respublikasi Moliya vazirligi huzuridagi Qishloqni qishloq xoʻjaligi texnikasi bilan taʼminlashni davlat tomonidan ragʻbatlantirish jamgʻarmasi”;

d) 30-bandning uchinchi va beshinchi xatboshi chiqarib tashlansin;

e) 31-bandda:

uchinchi xatboshiga “shuningdek hadya shartnomasi asosida yaqin qarindoshlardan (ota-onalar, bolalar, aka-ukalar, opa-singillar, er, xotin) avtomobillar va motoaravachalar oluvchi fuqarolar” soʻzlari qoʻshilsin;

quyidagi mazmundagi xatboshi qoʻshilsin:

“homiylik (begʻaraz) yordami sifatida avtomobil olgan yuridik shaxslar - bolalar uylari, ixtisoslashtirilgan maktab-internatlar, keksalar va kichik yoshdagi nogironlar uchun internat-uylar, shuningdek davlat budjetidan taʼminlanadigan tibbiyot muassasalari”;

“avtotransport vositalari balansdan balansga begʻaraz berilgan hollarda yuridik shaxslar”.