Aholi punktlarini va qishloqlararo hududlarni rivojlantirishni rejalashtirish toʻgʻrisidagi hujjatlarni ishlab chiqish, kelishish va tasdiqlash tartibini takomillashtirish yoʻli bilan Oʻzbekiston Respublikasining aholi punktlarini va qishloqlararo hududlarini sifatli shaharsozlik hujjatlari bilan taʼminlashni yaxshilash maqsadida Vazirlar Mahkamasi qaror qiladi:

1. Oʻzbekiston Respublikasi “Davarxitektqurilish” qoʻmitasi, Davlat statistika qoʻmitasi tomonidan Qoraqalpogʻiston Respublikasi Vazirlar Kengashi, viloyatlar hokimliklari bilan birgalikda aholi punktlari va qishloqlararo hududlarning tegishli ravishda qishloqlar (ovullar) fuqarolar yigʻini hududlarini arxitektura-rejalashtirishni tashkil etish bosh rejalari va loyihalari (keyingi oʻrinlarda shaharsozlik hujjatlari deb ataladi) bilan taʼminlanganligi xatlovdan oʻtkazilganligi maʼlumot uchun qabul qilinsin.

2. Quyidagilarni (keyingi oʻrinlarda dastur deb ataladi):

2015-2018-yillarda respublika shaharlari va shahar posyolkalarining bosh rejalari loyihalarini ishlab chiqish dasturi 1-ilovaga* muvofiq;

2015-2018-yillarda aholisi 5 ming nafardan koʻp boʻlgan qishloqlar (ovullar) fuqarolar yigʻinlari hududlarini arxitektura-rejalashtirishni tashkil etish (qurilishning birinchi navbati ajratib koʻrsatilgan holda) loyihalarini ishlab chiqish dasturi 2-ilovaga* muvofiq;

2015-2018-yillarda aholisi 5 ming nafardan kam boʻlgan qishloqlar (ovullar) fuqarolar yigʻinlari hududlarini arxitektura-rejalashtirishni tashkil etish (qurilishning birinchi navbati ajratib koʻrsatilgan holda) loyihalarini ishlab chiqish dasturi 3-ilovaga* muvofiq tasdiqlansin.

3. Belgilab qoʻyilsinki, dasturlarni moliyalashtirish Oʻzbekiston Respublikasi “Davarxitektqurilish” qoʻmitasining asoslangan hisob-kitoblariga binoan:

shaharlar va shahar posyolkalarining bosh rejalarini, aholi punktlari qismlarini batafsil rejalashtirish loyihalarini ishlab chiqish, shahar chegarasi, kompleks muhandislik izlanishlarini oʻtkazish, aholi punktlarining mikroseysmorayonlashtirish xaritalarini, favqulodda vaziyatlar yuzaga kelganda aholini muhofaza qilish sxemalari va boʻlimlarini tuzish, ekologiya ekspertizasi xulosalari natijalari boʻyicha, aholisi (fuqarolar yigʻini organlari joylashgan aholi punktidagi yashovchilar soni) 5 ming nafardan koʻp boʻlgan fuqarolar qishloq yigʻinlari hududlarini arxitektura-rejalashtirishni tashkil etish loyihalarini ishlab chiqish, shaharsozlik hujjatlarini ekspertizadan oʻtkazish natijalari boʻyicha — nazarda tutilgan budjet mablagʻlari, shu jumladan markazlashtirilgan kapital qoʻyilmalar doirasida respublika budjeti mablagʻlari hisobiga amalga oshiriladi;

aholisi (fuqarolar yigʻini organlari joylashgan aholi punktidagi yashovchilar soni) 5 ming nafardan kam boʻlgan fuqarolar qishloq yigʻinlari hududlarini arxitektura-rejalashtirishni tashkil etish loyihalarini ishlab chiqish, ekologiya ekspertizasi xulosalari, shaharsozlik hujjatlarini ekspertizadan oʻtkazish natijalari boʻyicha — mahalliy budjetlar mablagʻlari hisobiga amalga oshiriladi.

4. Oʻzbekiston Respublikasi Iqtisodiyot vazirligi va Moliya vazirligi 2015-yildan boshlab, Oʻzbekiston Respublikasi “Davarxitektqurilish” qoʻmitasining asoslangan hisob-kitoblari boʻyicha, har yili Oʻzbekiston Respublikasi Davlat budjeti va Investitsiya dasturi loyihalarini shakllantirishda ushbu qaror bilan tasdiqlangan dasturlarni amalga oshirishni moliyalashtirishga zarur mablagʻlarni nazarda tutsinlar.

5. Quyidagilar:

“OʻzshaharsozlikLITI” davlat unitar korxonasi va “ToshkentboshplanLITI” davlat unitar korxonasi — bosh rejalar loyihalarini hamda shaharlar va shahar posyolkalari hududlari qismlarini batafsil rejalashtirish loyihalarini, shuningdek shahar chegarasi loyihalarini ishlab chiquvchilar etib;

“Qishloqqurilishloyiha” masʼuliyati cheklangan jamiyat — aholisi (fuqarolar yigʻini organlari joylashgan aholi punktidagi yashovchilar soni) 5 ming nafardan koʻp boʻlgan qishloqlar (ovullar) fuqarolar yigʻinlari hududlarini arxitektura-rejalashtirishni tashkil etish loyihalarini ishlab chiquvchi etib;

tanlov asosida mahalliy ijro etuvchi hokimiyat organlari tomonidan aniqlanadigan shaharsozlik hujjatlarini ishlab chiqish boʻyicha faoliyatni amalga oshirish huquqi uchun litsenziyaga ega boʻlgan loyihalash tashkilotlari — aholisi (fuqarolar yigʻini organlari joylashgan aholi punktidagi yashovchilar soni) 5 ming nafardan kam boʻlgan qishloqlar (ovullar) fuqarolar yigʻinlari hududlarini arxitektura-rejalashtirishni tashkil etish loyihalarini ishlab chiquvchilar etib;

“OʻzGAShKLITI” davlat unitar korxonasi — kompleks muhandislik-texnik izlanishlarni oʻtkazish (topografik xaritalar va rejalarni tuzish, shaharsozlik hujjatlarini ishlab chiqish uchun muhandislik-geologiya izlanishlarini oʻtkazish) ishlarini bajaruvchi etib belgilansin.

6. Ushbu qaror bilan tasdiqlangan dasturlarni amalga oshirish boʻyicha buyurtmachi funksiyasi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi “Yagona buyurtmachi xizmati” injiring kompaniyalariga yuklansin, ularning tuzilmasida boshqaruv xodimlarining umumiy soni doirasida ikkita shtat birligidan iborat boʻlgan, aholi punktlarini va qishloqlararo hududlarni rivojlantirishni rejalashtirish boʻyicha shaharsozlik hujjatlarini tayyorlashni muvofiqlashtirish boʻlimi tashkil etilsin.

7. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:

buyurtmachilar va shaharsozlik hujjatlarini ishlab chiquvchilar oʻrtasida shartnomalarning oʻz vaqtida tuzilishi, buyurtmachilar tomonidan ishlab chiquvchilarga zarur boshlangʻich maʼlumotlarning berilishi, dasturlarning bajarilishi muddatlariga, toʻliq va sifatli amalga oshirilishiga rioya etilishi yuzasidan tizimli nazorat oʻrnatsinlar;

ikki oy muddatda Oʻzbekiston Respublikasi “Davarxitektqurilish” qoʻmitasi bilan birgalikda aholisi 20 ming nafardan koʻp boʻlgan shaharlar va shahar posyolkalari (tumanlar markazlari) uchun batafsil rejalashtirish loyihalarini ishlab chiqish dasturlarini ishlab chiqsinlar va belgilangan tartibda Vazirlar Mahkamasiga tasdiqlash uchun kiritsinlar.

8. “OʻzshaharsozlikLITI” davlat unitar korxonasi, “ToshkentboshplanLITI” davlat unitar korxonasi, “Qishloqqurilishloyiha” masʼuliyati cheklangan jamiyat, “OʻzGAShKLITI” davlat unitar korxonasi va loyihalash tashkilotlari — tegishli shaharsozlik hujjatlarini ishlab chiqish boʻyicha tanlovlar gʻoliblari shaharlar va shahar posyolkalari bosh rejalarining, qishloqlar (ovullar) fuqarolar yigʻinlari hududlarini arxitektura-rejalashtirishni tashkil etish loyihalarining dasturlarda nazarda tutilgan muddatlarda sifatli ishlab chiqilishini taʼminlasinlar.

9. Oʻzbekiston Respublikasi “Davarxitektqurilish” qoʻmitasi belgilangan tartibda:

“OʻzshaharsozlikLITI” davlat unitar korxonasi, “ToshkentboshplanLITI” davlat unitar korxonasi va “Qishloqqurilishloyiha” masʼuliyati cheklangan jamiyat bilan birgalikda, tasdiqlangan dasturlarning amalga oshirilishi, shuningdek shaharlar, shahar posyolkalari va qishloq aholi punktlarini qurishda shaharsozlik hujjatlariga rioya etilishi yuzasidan mahalliy davlat hokimiyati organlari faoliyatining muntazam monitoringini amalga oshirishni, keyinchalik har yarim yillik yakunlari boʻyicha monitoring natijalarining Oʻzbekiston Respublikasi Vazirlar Mahkamasiga kiritilishini taʼminlasin;

ikki oy muddatda — manfaatdor vazirliklar va idoralar bilan birgalikda shaharsozlik hujjatlarini kelishishning har bir vazirlik va idora tomonidan kelishishning maqbul ravishda tabaqalashtirilgan muddatlarini reglamentlovchi tartibi, shuningdek ularga yuklangan vakolatlarga muvofiq ular bilan kelishiladigan masalalar roʻyxati ishlab chiqilishini va tasdiqlanishini taʼminlasin.

10. Oʻzbekiston Respublikasi “Davarxitektqurilish” qoʻmitasi Iqtisodiyot vazirligi va Moliya vazirligi bilan birgalikda (tegishligiga koʻra) ikki oy muddatda, shaharsozlik hujjatlarini ishlab chiquvchi loyiha-qidiruv tashkilotlari faoliyatini takomillashtirish boʻyicha Kompleks tadbirlarning tayyorlanishini va Vazirlar Mahkamasiga tasdiqlash uchun kiritilishini taʼminlasin, Kompleks tadbirlarda quyidagilar nazarda tutilsin:

shaharsozlik hujjatlarini ishlab chiqishning qiymatini va normativ muddatlarini aniqlash tartibini reglamentlovchi amaldagi normativ hujjatlarga tuzatishlar va aniqlashtirishlar kiritish;

xalqaro tajribani hisobga olgan holda, shaharsozlik hujjatlarini amalga oshirish muddatlarini qayta koʻrib chiqish boʻyicha takliflar tayyorlash;

xalqaro tajribani hisobga olib, yuqori samarali dasturiy taʼminlashlarni qoʻllangan holda shaharsozlik hujjatlarini ishlab chiqish boʻyicha zamonaviy texnologiyalar va asbob-uskunalarni joriy etish;

sohaning oliy taʼlim muassasalariga talabalarning oʻquv-ishlab chiqarish amaliyotidan oʻtishini va oʻqituvchilarning tajriba orttirishini samarali tashkil etishda koʻmaklashish;

loyiha-izlanish tashkilotlarining, ularning rahbarlari va mutaxassislarining ishlab chiqilayotgan shaharsozlik hujjatlari sifati va samaradorligi yuzasidan masʼuliyatini kuchaytirish boʻyicha takliflar kiritish;

loyiha-qidiruv tashkilotlarining moddiy-texnika bazasini va kadrlari tarkibini mustahkamlash;

loyiha-qidiruv tashkilotlari mutaxassislari malakasini tizimli asosda, shu jumladan ularni yetakchi xorijiy ilmiy-loyihalash markazlariga tajriba orttirishga yuborish yoʻli bilan oshirish;

Qoraqalpogʻiston Respublikasi Vazirlar Kengashining, viloyatlar, Toshkent shahar, tumanlar va shaharlar hokimliklarining shaharsozlik hujjatlari ishlab chiqilishini taʼminlash va mintaqalarni ijtimoiy-iqtisodiy rivojlantirishni, shuningdek hududlarni qurishni rejalashtirishda ularning asosiy qoidalarini amalga oshirishni taʼminlash masalalarini oʻz vaqtida va samarali hal etish yuzasidan masʼuliyatini va manfaatdorligini oshirish.

11. Oʻzbekiston Respublikasi Hukumatining 4-ilovaga muvofiq ayrim qarorlariga oʻzgartirish va qoʻshimchalar kiritilsin.

12. Vazirliklar va idoralar oʻzlarining normativ-huquqiy hujjatlarini ikki oy muddatda ushbu qarorga muvofiqlashtirsinlar.

13. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.I. Zakirov zimmasiga yuklansin.

1. Vazirlar Mahkamasining 2000-yil 14-avgustdagi 320-son qarori (Oʻzbekiston Respublikasi QT, 2000-y., 8-son, 52-modda) bilan tasdiqlangan Shaharlar, tuman markazlari va shahar tipidagi posyolkalarning bosh rejalarini ishlab chiqish va ularni qurish tartibi toʻgʻrisidagi nizomda:

a) 1.3-band quyidagi tahrirda bayon qilinsin:

“1.3. Aholi punktining bosh rejasi:

uzoq muddatli ijtimoiy-iqtisodiy dasturlar, respublikani va uning mintaqalarini rivojlantirish prognozlari, tumanni rejalashtirish sxemalari yoki loyihalari;

aholi punktining oldingi bosh rejasini amalga oshirishning holatini tahlil qilish natijalari asosida ishlab chiqiladi.

Aholi punktining bosh rejasi aholi punktlarini rivojlantirishning asosiy yoʻnalishlarini va chegaralarini, ular hududining funksional vazifasini va qurilishni zonalashtirishni, muhandislik, transport ijtimoiy infratuzilmasini kompleks rivojlantirishni, shaharsozlik hujjatlarini amalga oshirishda shaharsozlik faoliyati reglamentlarini, shu jumladan hududlarni oʻzlashtirishning navbatma-navbatligini, tarixiy-madaniy meros obyektlarini saqlashga, ekologik va sanitariya holatiga qoʻyiladigan talablarni va boshqalarni belgilab beradi”;

b) 1.4-bandning birinchi xatboshi quyidagi tahrirda bayon qilinsin:

“1.4. Shaharlarning bosh rejalari 15-20 yil muddatga ishlab chiqiladi. Bosh reja batafsil rejalashtirish loyihalarini, imorat qurish loyihalarini va rivojlantirishning tarmoq sxemasini ishlab chiqish uchun asos hisoblanadi”;

v) 1.5-bandga “nazarda tutadi” soʻzlaridan oldin “va shaharsozlik hujjatlarini amalga oshirishda belgilanadigan shaharsozlik faoliyatining boshqa reglamentlarini” soʻzlari qoʻshilsin;

g) 1.6-banddagi “1.03.02-96-son respublika “Qurilish meʼyorlari va qoidalari”ga” soʻzlari “shaharsozlik faoliyati sohasida texnik tartibga solish sohasidagi normativ hujjatlarga” soʻzlari bilan almashtirilsin;

d) 1.7-bandning ikkinchi xatboshidagi “1.03.02-96-son respublika “Qurilish meʼyorlari va qoidalari”da” soʻzlari “shaharsozlik faoliyati sohasida texnik tartibga solish sohasidagi normativ hujjatlarda” soʻzlari bilan almashtirilsin;

e) 2.1-band quyidagi tahrirda bayon qilinsin:

“2.1. Quyidagilar bosh reja, batafsil rejalashtirish loyihasi, qurilish loyihasi va shahar chegarasi loyihasi (keyingi oʻrinlarda shaharsozlik hujjatlari deb yuritiladi)ning:

Obyektlarni markazlashtirilgan manbalar hisobiga qurishda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi yagona buyurtmachi hududiy xizmatlari — shaharlar va shahar posyolkalarining shaharsozlik hujjatlarini ishlab chiqishga;

Qoraqalpogʻiston Respublikasi Vazirlar Kengashi, viloyatlar, shaharlar hokimliklari, shuningdek korxonalar, tashkilotlar va boshqa yuridik shaxslar — Oʻzbekiston Respublikasi Investitsiya dasturiga kiritilmagan, markazlashtirilgan budjet manbalari hisobiga moliyalashtiriladigan shaharsozlik hujjatlarini ishlab chiqishga;

tumanlar (shaharlar) hokimliklari, korxonalar, tashkilotlar, boshqa yuridik va jismoniy shaxslar — imorat qurish loyihalarini ishlab chiqish yuzasidan buyurtmachilar hisoblanadilar”;

j) 4.1-band quyidagi tahrirda bayon qilinsin:

“4.1. “Shaharsozlik hujjatlarini ishlab chiqishni moliyalashtirish:

aholi punktlarini mikroseysmorayonlashtirish xaritalari tuzishni moliyalashtirishni, ekologik ekspertiza xulosalarini, favqulodda vaziyatlar yuz berganda aholini himoya qilish sxemalari va boʻlimlarini, shaharsozlik hujjatlarini kelishishni va davlat ekspertizasidan oʻtkazishni hisobga olgan holda markazlashtirilgan budjet manbalari;

Oʻzbekiston Respublikasining Investitsiya dasturiga kiritilmagan, markazlashtirilgan budjet manbalari hisobiga moliyalashtirilgan shaharsozlik hujjatlarini ishlab chiqishda — mahalliy budjetlar (shu jumladan davlat korxonalarini xususiylashtirishdan Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tasarrufiga tushgan mablagʻlarning bir qismi), yuridik va jismoniy shaxslarning, maqsadli va budjetdan tashqari jamgʻarmalarning mablagʻlari hisobiga amalga oshiriladi”;

z) 4.2-bandga “tabiatni muhofaza qilish hududiy kompleks sxemalari tuzilishini,” soʻzlaridan keyin “favqulodda vaziyatlar yuz berganda aholini himoya qilish sxemalari va boʻlimlarini” soʻzlari qoʻshilsin;

i) 5.2-bandning birinchi xatboshidagi “belgilangan tartibda 1.03.02-96-son respublika “Qurilish meʼyorlari va qoidalari”ga” soʻzlari “shaharsozlik faoliyati sohasida texnik tartibga solish sohasidagi normativ hujjatlar bilan belgilangan tartibga” soʻzlari bilan almashtirilsin;

k) quyidagi mazmundagi 5.2¹ va 5.2²-bandlar qoʻshilsin:

“5.2¹. Shaharsozlik hujjatlarini vazirliklar, idoralar va vakolatli tashkilotlar bilan kelishish muddati bir oydan ortiq boʻlmasligi kerak;

agar kelishuvchi vazirlik, idora yoki vakolatli tashkilot oʻz xulosasini belgilangan muddatda yubormasa va uni koʻrib chiqish muddatini uzaytirishni kelishmasa, shaharsozlik hujjatlari kelishilgan deb hisoblanadi.

5.2². Vazirliklar va idoralar oʻn kun muddatda shaharsozlik hujjatlarini ishlab chiqish, kelishish va tasdiqlash masalalariga daxl qiluvchi oʻz idoraviy normativ-huquqiy hujjatlari oʻzgarganligini “Davarxitektqurilish” qoʻmitasi eʼtiboriga majburiy tartibda yozma shaklda yetkazadi”;

l) 6.7-bandga “amalga oshiradilar” soʻzlaridan oldin “Oʻzbekiston Respublikasi Vazirlar Mahkamasining Arxitektura ishlari va qurilish ishlari sifatini nazorat qilish inspeksiyasi” soʻzlari qoʻshilsin.

2. Vazirlar Mahkamasining “Kapital qurilishda xoʻjalik munosabatlari mexanizmini takomillashtirish chora-tadbirlari toʻgʻrisida” 2003-yil 12-sentabrdagi 395-son qarorida (Oʻzbekiston Respublikasi QT, 2003-y., 9-son, 83-modda):

a) qarorga 5-ilovaning matni quyidagi tahrirda bayon qilinsin:

b) Obyektlarni markazlashtirilgan manbalar hisobiga qurishda yagona buyurtmachi xizmati toʻgʻrisidagi namunaviy nizomda (qarorga 6-ilova):

9-bandda:

“a” kichik bandga quyidagi mazmundagi xatboshi qoʻshilsin:

“aholi punktlarini va qishloqlararo hududlarni rejalashtirish toʻgʻrisidagi shaharsozlik hujjatlarini ishlab chiqish boʻyicha loyiha-qidiruv ishlarining manzilli roʻyxati loyihasini tayyorlaydi”;

“b” kichik bandning ikkinchi xatboshi quyidagi tahrirda bayon qilinsin:

“loyihalarni va tanlov hujjatlarini, shuningdek aholi punktlari va aholi punktlariaro hududlarni rejalashtirish toʻgʻrisida shaharsozlik hujjatlarini ishlab chiqish uchun birlamchi-ruxsat beruvchi hujjatlarni tayyorlaydi, tanlov asosida “loyiha” bosqichida loyihalashtirish boʻyicha ishlariga buyurtma joylashtirilishini tashkil etadi”;

10-bandning uchinchi xatboshi quyidagi tahrirda bayon qilinsin:

“uni tashkil etgan organning topshirigʻiga koʻra yangidan boshlanayotgan va qurilishi tugallanmagan obyektlar qurilishida, shuningdek aholi punktlari hududlarini va qishloqlararo hududlarni rejalashtirish toʻgʻrisidagi shaharsozlik hujjatlarini ishlab chiqish boʻyicha buyurtmachi funksiyasini amalga oshirish”.

3. Vazirlar Mahkamasining “Shaharlar, shahar posyolkalarining bosh rejalarini, fuqarolarning qishloq yigʻinlari hududlarini arxitektura-rejalashtirish jihatidan tashkil etish loyihalarini ishlab chiqish va amalga oshirish tartibini takomillashtirish chora-tadbirlari toʻgʻrisida” 2010-yil 4-dekabrdagi 286-son qarorida:

a) 2011 — 2014-yillarda respublika shaharlari va shahar posyolkalarining bosh rejalari loyihalarini ishlab chiqish dasturida (qarorga 1-ilova):

“Qoraqalpogʻiston Respublikasi” boʻlimidan 2, 3, 6 — 8-satrlar chiqarib tashlansin;

“Andijon viloyati” boʻlimidan 3, 5 —10, 12, 13-satrlar chiqarib tashlansin;

“Buxoro viloyati” boʻlimidan 2, 4 — 6-satrlar chiqarib tashlansin;

“Jizzax viloyati” boʻlimidan 2, 8 — 12-satrlar chiqarib tashlansin;

“Qashqadaryo viloyati” boʻlimidan 2 — 6, 9 — 14-satrlar chiqarib tashlansin;

“Navoiy viloyati” boʻlimidan 2, 4, 6-satrlar chiqarib tashlansin;

“Namangan viloyati” boʻlimidan 2 — 4, 6, 9 — 14, 16 — 25-satrlar chiqarib tashlansin;

“Samarqand viloyati” boʻlimidan 2 — 4, 6, 9 — 15-satrlar chiqarib tashlansin;

“Surxondaryo viloyati” boʻlimidan 3, 7 — 9-satrlar chiqarib tashlansin;

“Sirdaryo viloyati” boʻlimidan 5-satr chiqarib tashlansin;

“Toshkent viloyati” boʻlimidan 13 — 19, 22 — 27, 29-satrlar chiqarib tashlansin;

“Fargʻona viloyati” boʻlimidan 1, 4, 6 — 9, 11 — 17-satrlar chiqarib tashlansin;

“Xorazm viloyati” boʻlimidan 1, 5, 6-satrlar chiqarib tashlansin;

b) 2011 — 2014-yillarda qurilishning birinchi navbatini ajratib koʻrsatgan holda bir vaqtning oʻzida 5 mingdan ortiq aholi yashaydigan qishloq aholi punktlarining bosh rejalari sxemalarini ishlab chiqqan holda fuqarolarning qishloq yigʻinlari hududlarini arxitektura-rejalashtirish jihatidan tashkil etish loyihalarini ishlab chiqish dasturida (qarorga 2-ilova):

“Andijon viloyati” boʻlimidan 3, 6 — 9, 11, 13, 14, 16, 18, 19, 21 — 63-satrlar chiqarib tashlansin;

“Jizzax viloyati” boʻlimidan 67 — 72, 76 — 79, 81-satrlar chiqarib tashlansin;

“Qashqadaryo viloyati” boʻlimidan 85, 86, 88, 90, 91, 95 — 100, 103, 104, 106, 108, 110 — 113, 115 — 118, 120 — 122-satrlar chiqarib tashlansin;

“Namangan viloyati” boʻlimidan 125 — 129, 131 — 146, 148 — 151, 153 — 173-satrlar chiqarib tashlansin;

“Samarqand viloyati” boʻlimidan 176, 180, 181, 182, 185, 188, 192 — 198-satrlar chiqarib tashlansin;

“Surxondaryo viloyati” boʻlimidan 206, 208, 209, 211, 212, 215 va 216-satrlar chiqarib tashlansin;

“Sirdaryo viloyati” boʻlimidan 221, 225 va 227-satrlar chiqarib tashlansin;

“Toshkent viloyati” boʻlimidan 228, 230, 232 va 236-satrlar chiqarib tashlansin;

“Fargʻona viloyati” boʻlimidan 243 — 282-satrlar chiqarib tashlansin;

“Xorazm viloyati” boʻlimidan 288-satr chiqarib tashlansin;

v) 2011-2014-yillarda qurilishning birinchi navbatini ajratib koʻrsatgan holda bir vaqtning oʻzida 5 mingdan kam aholi yashaydigan qishloq aholi punktlarining bosh rejalari sxemalarini ishlab chiqqan holda fuqarolarning qishloq yigʻinlari hududlarini arxitektura-rejalashtirish jihatidan tashkil etish loyihalarini ishlab chiqish dasturida (qarorga 3-ilova):

“Qoraqalpogʻiston Respublikasi” boʻlimidan 1, 4, 7 — 9, 15, 23-28, 50 — 54, 63, 64, 95, 98, 99, 101, 104 — 108, 111 — 114, 116 — 120-satrlar chiqarib tashlansin;

“Andijon viloyati” boʻlimidan 124 — 136-satrlar chiqarib tashlansin;

“Buxoro viloyati” boʻlimidan 140 — 146, 150 — 156, 158, 159, 161 — 193, 197 — 200, 205 — 229, 233, 234-satrlar chiqarib tashlansin;

“Jizzax viloyati” boʻlimidan 238, 239, 242 — 247, 251 — 260, 264 — 266, 269 — 290, 293 — 304-satrlar chiqarib tashlansin;

“Qashqadaryo viloyati” boʻlimidan 305 — 325, 327, 330 — 334, 338, 339, 344, 346 — 368-satrlar chiqarib tashlansin;

“Navoiy viloyati” boʻlimidan 378 — 383, 386 — 390-satrlar chiqarib tashlansin;

“Namangan viloyati” boʻlimidan 393 — 398, 401-satrlar chiqarib tashlansin;

“Samarqand viloyati” boʻlimidan 430, 440 — 446, 448 — 470-satrlar chiqarib tashlansin;

“Surxondaryo viloyati” boʻlimidan 476, 485 — 519, 521 — 538-satrlar chiqarib tashlansin;

“Sirdaryo viloyati” boʻlimidan 543, 547 — 561, 565 — 587-satrlar chiqarib tashlansin;

“Toshkent viloyati” boʻlimidan 588 — 651-satrlar chiqarib tashlansin;

“Fargʻona viloyati” boʻlimidan 654 — 659, 661, 662, 664, 665, 667, 671, 672, 674, 678 — 733-satrlar chiqarib tashlansin;

“Xorazm viloyati” boʻlimidan 742, 743, 747, 749, 751, 752, 757-760, 764 — 780, 783 — 796, 798 — 803, 805, 808-satrlar chiqarib tashlansin.