Respublikada futbolni yanada rivojlantirish uchun shart-sharoit yaratish, shuningdek, O‘zbekiston futbol federatsiyasining moddiy-texnik bazasini mustahkamlash maqsadida Vazirlar Mahkamasi qaror qiladi:

1. Futbol bo‘yicha oliy sport mahorati Respublika maktabiga (keyingi o‘rinlarda –– futbol bo‘yicha ROSMM deb ataladi) istisno tariqasida, futbol bo‘yicha ROSMM budjet tashkilotini rivojlantirish jamg‘armasiga o‘z faoliyati yo‘nalishi bo‘yicha tovarlar (ishlar, xizmatlar)ni realizatsiya qilishdan tushadigan daromadlarning tovarlar (ishlar, xizmatlar)ni ishlab chiqarish va realizatsiya qilish bo‘yicha umumiy xarajatlar amalga oshirilganidan qolgan qismining 50 foizini O‘zbekiston futbol federatsiyasiga o‘tkazishga ruxsat berilsin.

2. O‘zbekiston futbol federatsiyasi futbol bo‘yicha ROSMM budjet tashkilotini rivojlantirish jamg‘armasi hisobidan futbol bo‘yicha milliy terma jamoalarni xalqaro musobaqalarga tayyorlash, ushbu maqsadlar uchun sport anjomlari, forma va jihozlar xarid qilish shuningdek, O‘zbekiston futbol federatsiyasining moddiy-texnik bazasini mustahkamlash uchun ajratiladigan mablag‘larning maqsadli sarflanishini ta’minlasin.

3. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.I. Ikramov zimmasiga yuklansin.