Oʻzbekiston Respublikasi Prezidentining “Oʻzbekiston Respublikasida investitsiya iqlimi va ishbilarmonlik muhitini yanada takomillashtirishga doir qoʻshimcha chora-tadbirlar toʻgʻrisida” 2014-yil 7-apreldagi PF-4609-sonli Farmoniga muvofiq, shuningdek tashqi savdo operatsiyalari monitoringini amalga oshirish tartibini yanada takomillashtirish maqsadida:

1. Oʻzbekiston Respublikasi Prezidentining ayrim hujjatlariga ilovaga muvofiq oʻzgartishlar kiritilsin.

2. Mazkur Farmonning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

1. Oʻzbekiston Respublikasi Prezidentining 1994-yil 20-apreldagi PF-837-sonli Farmoni bilan tasdiqlangan Eksport-import operatsiyalari boʻyicha valyuta nazorati toʻgʻrisidagi nizomda:

a) 4-bandi quyidagi tahrirda bayon etilsin:

“4. Barcha tashqi savdo shartnomalari valyuta nazorati organlarida, Tashqi savdo operatsiyalarining yagona elektron axborot tizimi (TSOYEAT) orqali vakil qilingan banklarda monitoringdan oʻtkaziladi”;

b) 6 va 7-bandlar quyidagi tahrirda bayon etilsin:

“6. Davlat bojxona xizmati organlari tashqi savdo shartnomalari boʻyicha tovarlar harakati toʻgʻrisidagi maʼlumotlarning TSOYEATga toʻliq, oʻz vaqtida va toʻgʻri kiritilishi nazorati (monitoringi)ni amalga oshiradi.

7. Vakil qilingan banklar tashqi savdo shartnomalari boʻyicha pul mablagʻlarining harakati toʻgʻrisidagi maʼlumotlar TSOYEATga toʻliq, oʻz vaqtida va toʻgʻri kiritilishi kundalik nazoratini amalga oshiradi.

Pul mablagʻlarining belgilangan muddatlarda kelib tushmagani yoki kam miqdorda tushgani haqidagi maʼlumotlar TSOYEATda shakllantiriladi. Davlat soliq xizmati organlari tegishli choralar qabul qilish uchun TSOYEATdagi maʼlumotlardan foydalanadi”;

v) 14-bandi quyidagi tahrirda bayon etilsin:

“14. Vakil qilingan banklar pul mablagʻlarining harakati toʻgʻrisidagi maʼlumotlar TSOYEATga toʻgʻri va oʻz vaqtida kiritilishi hamda tashqi savdo operatsiyalari boʻyicha toʻlov shakllarining toʻgʻri qoʻllanilishi boʻyicha javobgardirlar”.

3. Oʻzbekiston Respublikasi Prezidentining “Eksport qiluvchi korxonalarni ragʻbatlantirishni kuchaytirish va raqobatbardosh mahsulotlarni eksportga yetkazib berishni kengaytirish borasida qoʻshimcha chora-tadbirlar toʻgʻrisida” 2012-yil 26-martdagi PQ-1731-sonli qarori 5-bandining toʻrtinchi xatboshida “faqat xizmat koʻrsatayotgan vakolatli bankda hisobga qoʻyilgan” soʻzlari maʼlumotlarni Tashqi savdo operatsiyalarining yagona elektron axborot tizimiga kiritgan” soʻzlari bilan almashtirilsin.