LexUZ sharhi
Mazkur Farmon O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
Qoraqalpog‘iston Respublikasi va Xorazm viloyatining tabiiy ofatlar sababli bu yilgi paxta tayyorlash topshiriqlarini bajarmagan paxtakor kolxozlari, sovxozlari va boshqa qishloq xo‘jalik korxonalari iqtisodiyotini mustahkamlash uchun qo‘shimcha shart-sharoitlarni yaratish maqsadida:
1. Qoraqalpog‘iston Respublikasi Vazirlar Kengashi, Xorazm viloyati ijroiya komiteti O‘zbekiston Respublikasi Qishloq xo‘jaligi vazirligi bilan birgalikda o‘n kun muddat ichida 1991-yilning aprel—may oylarida tabiiy ofatlardan zarar ko‘rgan paxtakor xo‘jaliklar aniqlansin va ularning ro‘yxati O‘zbekiston Respublikasi Prezidenti huzuridagi Vazirlar Mahkamasi bilan kelishilgan holda tasdiqlansin.
2. Ana shu xo‘jaliklarga O‘zbekiston Respublikasi Prezidentining 1991-yil 30-sentabrdagi Farmoni asosida tasdiqlangan tartibga muvofiq 1991-yilgi paxta hosilidan ishlab chiqilgan paxta tolasi amaldagi hajmining 5 foizigacha o‘z xohishiga ko‘ra tasarruf etish huquqi berilsin.