LexUZ sharhi
Mazkur Qonun O‘zbekiston Respublikasining 2020-yil 7-yanvardagi O‘RQ-601-sonli “O‘zbekiston Respublikasining Soliq kodeksi qabul qilinishi munosabati bilan O‘zbekiston Respublikasining ayrim qonun hujjatlariga o‘zgartishlar va qo‘shimcha kiritish, shuningdek ayrim qonun hujjatlarini o‘z kuchini yo‘qotgan deb topish to‘g‘risida”gi Qonuniga asosan o‘z kuchini yo‘qotgan.
1-modda. O‘zbekiston Respublikasining 2007-yil 25-dekabrda qabul qilingan O‘RQ-136-sonli Qonuni bilan tasdiqlangan O‘zbekiston Respublikasining Soliq kodeksiga (O‘zbekiston Respublikasi Oliy Majlisi palatalarining Axborotnomasi, 2007-yil, 12-songa 1-ilova; 2008-yil, № 12, 639-modda; 2009-yil, № 9, 330, 331-moddalar, № 12, 470, 472, 473-moddalar; 2010-yil, № 5, 178-modda, № 9, 334, 335, 336, 337-moddalar, № 10, 380-modda, № 12, 474-modda; 2011-yil, № 1, 1-modda, № 9, 248-modda, № 12/2, 364, 365-moddalar; 2012-yil, № 4, 106-modda, № 9/1, 238-modda, № 12, 334, 336-moddalar; 2013-yil, № 10, 263-modda) quyidagi o‘zgartish va qo‘shimchalar kiritilsin:
yigirma to‘rtinchi xatboshisidagi “qo‘shilgan qiymat solig‘ini hamda aksiz solig‘i” degan so‘zlar “qo‘shilgan qiymat solig‘i, aksiz solig‘i hamda transport vositalariga benzin, dizel yoqilg‘isi va gaz ishlatganlik uchun olinadigan soliq” degan so‘zlar bilan almashtirilsin;
“21) budjetdan tashqari Umumta’lim maktablari, kasb-hunar kollejlari, akademik litseylar va tibbiyot muassasalarini rekonstruksiya qilish, mukammal ta’mirlash va jihozlash jamg‘armasiga majburiy ajratmalar”;
“Soliqlar va boshqa majburiy to‘lovlarni to‘lash majburiyati qo‘shimcha hisoblangan soliqlar va boshqa majburiy to‘lovlar summasi tegishli huquqni muhofaza qiluvchi organlarning depozit hisobvaraqlariga o‘tkazilganligi to‘g‘risidagi to‘lov hujjatlarining ko‘chirma nusxalari soliq to‘lovchi tomonidan davlat soliq xizmati organlariga taqdim etilgan taqdirda ham bajarilgan deb hisoblanadi”;
“Transport vositalari uchun benzin, dizel yoqilg‘isi va gazni avtomobillarga yoqilg‘i quyish shoxobchalari orqali realizatsiya qiluvchi yuridik shaxslar avtomobillarga yoqilg‘i quyish shoxobchalari joylashgan yerdagi davlat soliq xizmati organiga transport vositalariga benzin, dizel yoqilg‘isi va gaz ishlatganlik uchun olinadigan soliq to‘lovchi sifatida hisobga qo‘yish to‘g‘risidagi arizani avtomobillarga yoqilg‘i quyish shoxobchasiga bo‘lgan huquq davlat ro‘yxatidan o‘tkazilgan kundan e’tiboran o‘n kun ichida taqdim etishi shart”;
“Kirim qilinmagan tovarlarni saqlash, bundan ularning qonuniy kelib chiqishi tasdiqlangan hollar mustasno, —
Tovarlarni (ishlarni, xizmatlarni) realizatsiya qilishdan tushgan tushumni yashirish (kamaytirib ko‘rsatish) —
tovarlarni (ishlarni, xizmatlarni) realizatsiya qilishdan tushgan tushum yashirilgan (kamaytirib ko‘rsatilgan) summasining 20 foizi miqdorida jarima solishga sabab bo‘ladi.
Tovarlarni (ishlarni, xizmatlarni) realizatsiya qilishdan tushgan tushumning yashirilgan (kamaytirib ko‘rsatilgan) summasiga qonun hujjatlariga muvofiq soliqlar va boshqa majburiy to‘lovlarni hisoblash amalga oshiriladi.
Ushbu moddani qo‘llash maqsadida tovarlarni (ishlarni, xizmatlarni) realizatsiya qilishdan tushgan tushumni yashirish (kamaytirib ko‘rsatish) deb quyidagilar e’tirof etiladi:
tovarlar (ishlar, xizmatlar) realizatsiya qilinganligi fakti hujjat bilan tasdiqlanganda tovarlarni (ishlarni, xizmatlarni) realizatsiya qilishdan tushgan tushum summasining hisobga olish registrlarida aks ettirilmaganligi;
tovarlar (ishlar, xizmatlar) realizatsiya qilinganligi fakti to‘g‘risida dalolat beruvchi hujjatlar almashtirilganligi, soxtalashtirilganligi yoki yo‘q qilinganligi;
hisobda realizatsiya qilinmagan deb ko‘rsatilgan tovarlarning omborda yoki realizatsiya qilish joyida mavjud emasligi”;
7) 130-moddaning birinchi qismidagi “qo‘shilgan qiymat solig‘i va aksiz solig‘i” degan so‘zlar “qo‘shilgan qiymat solig‘i, aksiz solig‘i hamda transport vositalariga benzin, dizel yoqilg‘isi va gaz ishlatganlik uchun olinadigan soliq” degan so‘zlar bilan almashtirilsin;
“Mol-mulkni olish qiymatini tasdiqlovchi hujjatlar mavjud bo‘lmagan taqdirda, yuridik shaxslardan olinadigan foyda solig‘ini to‘lov manbaida ushlab qolish mol-mulkni realizatsiya qilish qiymatidan kelib chiqqan holda amalga oshiriladi”;
“Yuridik shaxslardan olinadigan foyda solig‘ining summasi ushlab qolinmagan yoki O‘zbekiston Respublikasi xalqaro shartnomalari qoidalarining g‘ayriqonuniy tarzda qo‘llanilishi mazkur soliq ushlab qolinmasligiga yoki to‘liq ushlab qolinmasligiga sabab bo‘lgan taqdirda, O‘zbekiston Respublikasi norezidentiga daromad to‘layotgan O‘zbekiston Respublikasi rezidenti yoki O‘zbekiston Respublikasida faoliyatni doimiy muassasa orqali amalga oshirayotgan O‘zbekiston Respublikasi norezidenti yuridik shaxslardan olinadigan foyda solig‘ining ushlab qolinmagan summasini va u bilan bog‘liq penya summasini qonun hujjatlariga muvofiq budjetga kiritishi shart”;
o‘n birinchi qismidagi “sug‘urta qildiruvchining” degan so‘zlar “sug‘urtalovchining” degan so‘z bilan almashtirilsin;
“O‘zbekiston Respublikasining norezidentiga dividendlar, foizlar va royalti tarzida daromadlarni to‘lash to‘lov manbaida O‘zbekiston Respublikasining norezidenti tomonidan taqdim etilgan, chet davlatning vakolatli organi tomonidan berilgan, O‘zbekiston Respublikasi qaysi davlat bilan soliq solish masalalarini tartibga soluvchi xalqaro shartnomaga ega bo‘lsa, o‘sha davlatda mazkur shaxsning rezidentligi borligi faktini tasdiqlovchi hujjat mavjud bo‘lgan taqdirda, O‘zbekiston Respublikasining xalqaro shartnomasi qoidalariga muvofiq to‘lov manbaida yuridik shaxslardan olinadigan foyda solig‘i ushlab qolinmagan yoki uning pasaytirilgan stavkasi qo‘llanilgan holda amalga oshiriladi. Bunda yuridik shaxslardan olinadigan foyda solig‘i summasini kamaytirish yoki uni to‘lashdan ozod etish to‘g‘risida davlat soliq xizmati organiga ariza berish talab etilmaydi”;
o‘n uchinchi — yigirmanchi qismlari tegishincha o‘n to‘rtinchi — yigirma birinchi qismlar deb hisoblansin;
o‘n to‘qqizinchi qismining ikkinchi jumlasidagi “o‘n yettinchi qismining uchinchi va to‘rtinchi xatboshilarida” degan so‘zlar “o‘n sakkizinchi qismining uchinchi va to‘rtinchi xatboshilarida” degan so‘zlar bilan almashtirilsin;
“Agar ushbu moddaning o‘n ikkinchi, o‘n beshinchi, o‘n oltinchi va o‘n sakkizinchi qismlarida ko‘rsatilgan hujjatlar, shuningdek ushbu Kodeksning 1551-moddasida ko‘rsatilgan tasdiqlovchi hujjatlar chet tilida tuzilgan bo‘lsa, O‘zbekiston Respublikasi davlat soliq xizmati organi ularning notarial tartibda tasdiqlangan davlat tilidagi tarjimasini talab etishga haqli”;
“Ushbu modda qoidalarini qo‘llash maqsadida O‘zbekiston Respublikasi norezidenti mazkur shaxsning rezidentligini tasdiqlovchi hujjatda ko‘rsatilgan vaqt davri mobaynida O‘zbekiston Respublikasi tomonidan qaysi davlat bilan soliq solish masalalarini tartibga soluvchi xalqaro shartnoma tuzilgan bo‘lsa, o‘sha davlatning rezidenti deb e’tirof etiladi. Agar rezidentlikni tasdiqlovchi hujjatda rezidentlik vaqtining davri ko‘rsatilmagan bo‘lsa, ushbu hujjat berilgan kalendar yil davomida O‘zbekiston Respublikasi norezidenti O‘zbekiston Respublikasi tomonidan qaysi davlat bilan soliq solish masalalarini tartibga soluvchi xalqaro shartnoma tuzilgan bo‘lsa, o‘sha davlatning rezidenti deb e’tirof etiladi”;
Ushbu modda mazkur Kodeks 155-moddasi uchinchi qismining 3-bandida ko‘rsatilgan mol-mulk bir yuridik shaxs — O‘zbekiston Respublikasi norezidenti tomonidan boshqa yuridik shaxsga — O‘zbekiston Respublikasi norezidentiga, jismoniy shaxsga — O‘zbekiston Respublikasi norezidentiga yoki rezidentiga realizatsiya qilingan taqdirda qo‘llaniladi.
Yuridik shaxs — O‘zbekiston Respublikasi norezidenti tomonidan mol-mulkni realizatsiya qilishdan olingan daromadlar bo‘yicha yuridik shaxslardan olinadigan foyda solig‘ini ushlab qolish va to‘lash majburiyati soliq agenti deb e’tirof etiladigan daromadni to‘lash manbaiga (mol-mulkni sotib oluvchining zimmasiga) yuklatiladi.
Mol-mulkni realizatsiya qiluvchi yuridik shaxs — O‘zbekiston Respublikasi norezidenti soliq agentiga mol-mulkni olish qiymatini tasdiqlovchi hujjatlarning ko‘chirma nusxalarini (mavjud bo‘lsa) taqdim etishi shart. Taqdim etilgan hujjatlar asosida soliq agenti yuridik shaxslardan olinadigan foyda solig‘i summasini ushbu Kodeks 155-moddasi uchinchi qismining 3-bandiga muvofiq aniqlanadigan soliq solinadigan bazadan va ushbu Kodeks 160-moddasining 4-bandida belgilangan stavkadan kelib chiqqan holda hisoblab chiqaradi hamda ushlab qoladi.
Soliq agenti olinayotgan mol-mulkka bo‘lgan mulk huquqi ro‘yxatdan o‘tkazilguniga (rasmiylashtirilguniga) qadar O‘zbekiston Respublikasi norezidentining mol-mulkni realizatsiya qilishdan olgan daromadlari bo‘yicha yuridik shaxslardan olinadigan foyda solig‘i hisob-kitobini:
yuridik shaxsning — O‘zbekiston Respublikasi rezidentining ustav kapitalidagi aksiyalari, ulushlari (paylari) realizatsiya qilinganda — ushbu yuridik shaxs ro‘yxatdan o‘tkazilgan joydagi davlat soliq xizmati organiga;
ko‘chmas mulk realizatsiya qilinganda — ko‘chmas mulk joylashgan yerdagi davlat soliq xizmati organiga O‘zbekiston Respublikasi Davlat soliq qo‘mitasi va O‘zbekiston Respublikasi Moliya vazirligi tomonidan tasdiqlanadigan shakl bo‘yicha, mustaqil ravishda yoki vakolatli shaxs orqali taqdim etishi shart.
O‘zbekiston Respublikasi norezidentining mol-mulkni realizatsiya qilishdan olingan daromadlari bo‘yicha yuridik shaxslardan olinadigan foyda solig‘i hisob-kitobi O‘zbekiston Respublikasi norezidenti qaysi valyutada daromad olayotgan bo‘lsa, o‘sha valyutada tuziladi. Hisob-kitobga mol-mulk oldi-sotdi shartnomasining ko‘chirma nusxasi va sotuvchi tomonidan taqdim etilgan mol-mulkni olish qiymatini tasdiqlovchi hujjatlarning ko‘chirma nusxalari (mavjud bo‘lsa) ilova qilinadi. Agar mol-mulkni olish qiymati hisob-kitob tuzilgan valyutada ifodalanmagan bo‘lsa, u holda ushbu qiymat mol-mulkni olish sanasida O‘zbekiston Respublikasi Markaziy bankining kursi bo‘yicha hisob-kitob tuzilgan valyutada qayta hisoblab chiqariladi. Davlat soliq xizmati organlari hisob-kitob taqdim etilgan sanadan e’tiboran uch ish kuni ichida soliq agenti yoki uning vakolatli shaxsi nomiga yuridik shaxslardan olinadigan foyda solig‘ining hisob-kitob taqdim etilgan sanada O‘zbekiston Respublikasi Markaziy bankining kursi bo‘yicha hisoblangan milliy valyutadagi summasi ko‘rsatilgan to‘lov xabarnomasini yozib beradi.
Yuridik shaxslardan olinadigan foyda solig‘ining summasi olingan mol-mulkka bo‘lgan mulk huquqi ro‘yxatdan o‘tkazilguniga (rasmiylashtirilguniga) qadar budjetga to‘lanishi lozim.
Davlat soliq xizmati organlari yuridik shaxslardan olinadigan foyda solig‘i to‘langanligi faktini tasdiqlovchi hujjat asosida soliq agentiga yoki uning vakolatli shaxsiga olingan mol-mulkka bo‘lgan mulk huquqini ro‘yxatdan o‘tkazuvchi (rasmiylashtiruvchi) organga taqdim etiladigan soliq to‘langanligi to‘g‘risida ma’lumotnoma beradi.
Olinadigan mol-mulkka bo‘lgan mulk huquqini ro‘yxatdan o‘tkazuvchi (rasmiylashtiruvchi) organlar mulk huquqini soliq to‘langanligi to‘g‘risidagi ma’lumotnoma taqdim etilgan taqdirdagina ro‘yxatdan o‘tkazishni (rasmiylashtirishni) amalga oshiradi.
Ushbu modda ikkinchi — sakkizinchi qismlarining qoidalari aksiyalar O‘zbekiston Respublikasi qimmatli qog‘ozlarining birja bozori va uyushgan birjadan tashqari bozorida realizatsiya qilinganda qo‘llanilmaydi.
Aksiyalar qimmatli qog‘ozlarning birja bozori va uyushgan birjadan tashqari bozorida realizatsiya qilinganda O‘zbekiston Respublikasi qimmatli qog‘ozlari bozoridagi hisob-kitob-kliring palatasi soliq agenti deb e’tirof etiladi.
Aksiyalarning oldi-sotdisi bo‘yicha amalga oshirilgan bitimlarga doir savdo yakunlari reyestri asosida soliq agenti hisob-kitob-kliring operatsiyalarini amalga oshirish vaqtida sotuvchining pul mablag‘laridan realizatsiya qilingan aksiyalarning qiymati va ushbu Kodeks 160-moddasining 4-bandida belgilangan stavkadan kelib chiqqan holda yuridik shaxslardan olinadigan foyda solig‘ini ushlab qoladi.
Yuridik shaxslardan olinadigan foyda solig‘i summasi sotuvchining hisobiga aksiyalar qiymatini to‘lash hisobidan pul mablag‘larini o‘tkazish bilan bir vaqtda to‘lov valyutasida budjetga o‘tkaziladi. Soliq agenti bitim summasi va yuridik shaxslardan olinadigan foyda solig‘ining ushlab qolingan summasi to‘g‘risida aksiyalarni sotuvchining talabiga ko‘ra ma’lumotnoma berishi shart.
Soliq agenti yuridik shaxslardan olinadigan foyda solig‘i hisob-kitobini taqdim etish muddatlarida soliq bo‘yicha hisobga olish joyidagi davlat soliq xizmati organlariga O‘zbekiston Respublikasi Davlat soliq qo‘mitasi va O‘zbekiston Respublikasi Moliya vazirligi tomonidan tasdiqlanadigan shakl bo‘yicha yuridik shaxslardan olinadigan foyda solig‘i ushlab qolingan aksiyalar oldi-sotdisi bo‘yicha bitimlar reyestrini taqdim etadi.
Aksiyalarni olish qiymatini tasdiqlovchi hujjatlar mavjud bo‘lganda sotuvchi ortiqcha to‘langan yuridik shaxslardan olinadigan foyda solig‘ini qaytarish to‘g‘risidagi arizani soliq agentining soliq bo‘yicha hisobga olish joyidagi davlat soliq xizmati organlariga taqdim etish huquqiga ega. Arizaga aksiyalarni realizatsiya qilish va olish qiymatini tasdiqlovchi hujjatlarning ko‘chirma nusxalari hamda soliq agenti tomonidan berilgan bitim summasi va yuridik shaxslardan olinadigan foyda solig‘ining ushlab qolingan summasi to‘g‘risidagi ma’lumotnomaning ko‘chirma nusxasi ilova qilinadi.
Yuridik shaxslardan olinadigan foyda solig‘ining ortiqcha to‘langan summasini qaytarish ariza berilgan sanadan e’tiboran o‘ttiz kun ichida, ushbu Kodeksning 57-moddasida belgilangan tartibda amalga oshiriladi”;
“Xuddi shunday tartib mol-mulkni moliyaviy ijaraga (lizingga) berishda ijaraga beruvchiga (lizing beruvchiga) to‘lanadigan foizli daromadlarga ham tatbiq etiladi”;
“Agar ushbu Kodeksning 1551-moddasida boshqacha qoida nazarda tutilmagan bo‘lsa, yuridik shaxslardan to‘lov manbaida olinadigan foyda solig‘ini yuridik shaxslar quyidagilarni to‘lash paytida ushlab qolishi shart”;
qishloq joylarda namunaviy loyihalar bo‘yicha yakka tartibda uy-joy qurish uchun kreditlar berish qonun hujjatlariga muvofiq zimmasiga yuklatilgan banklar tomonidan ushbu maqsadlar uchun beriladigan ipoteka krediti bo‘yicha boshlang‘ich badal sifatida quruvchi shaxs tomonidan olingan mablag‘lar.
Uy-joy olingan (mulkka bo‘lgan huquqlar davlat ro‘yxatidan o‘tkazilgan) sanadan e’tiboran besh yil ichida sotilsa, ushbu bandda ko‘rsatilgan daromadlarga belgilangan tartibda soliq solinadi”;
“4) jismoniy shaxslarga xususiy mulk huquqi asosida tegishli bo‘lgan mol-mulkni realizatsiya qilishdan olingan daromadlar. Mol-mulkni realizatsiya qilishdan olingan daromadlar mazkur mol-mulkni realizatsiya qilish summasining hujjatlar bilan tasdiqlangan uni olish qiymatidan oshgan qismi sifatida aniqlanadi. Mol-mulkni olish qiymatini tasdiqlovchi hujjatlar mavjud bo‘lmagan taqdirda, mol-mulkni realizatsiya qilish qiymati, ko‘chmas mulk bo‘yicha esa, inventarizatsiya qiymati hamda realizatsiya qilish narxi o‘rtasidagi farq daromad deb e’tirof etiladi”;
1-bandining uchinchi xatboshisidagi “yigirma” degan so‘z “o‘n ikki” degan so‘zlar bilan almashtirilsin;
11-bandining to‘rtinchi xatboshisidagi “ikki martadan” degan so‘zlar “bir martadan” degan so‘zlar bilan almashtirilsin;
“qishloq joylarda namunaviy loyihalar bo‘yicha yakka tartibda uy-joy qurishni ushbu maqsadlar uchun kreditlar berish qonun hujjatlariga muvofiq zimmasiga yuklatilgan banklarning kreditlari hisobidan amalga oshirayotgan quruvchi shaxslar tomonidan olingan ipoteka kreditlarini hamda ular bo‘yicha hisoblangan foizlarni qoplash uchun yo‘naltirilganda”;
“1) “O‘zbekiston Qahramoni”, Sovet Ittifoqi Qahramoni, Mehnat Qahramoni unvonlariga sazovor bo‘lgan shaxslar, uchala darajadagi Shuhrat ordeni bilan taqdirlangan shaxslar. Mazkur imtiyoz tegishincha “O‘zbekiston Qahramoni” unvoni berilganligi to‘g‘risidagi guvohnoma, Sovet Ittifoqi Qahramoni, Mehnat Qahramoni daftarchalari, orden daftarchasi yoki mudofaa ishlari bo‘yicha bo‘limning ma’lumotnomasi asosida beriladi;
2) urush nogironlari va qatnashchilari, shuningdek doirasi qonun hujjatlari bilan belgilanuvchi ularga tenglashtirilgan shaxslar. Mazkur imtiyoz urush nogironining (qatnashchisining) tegishli guvohnomasi yoki mudofaa ishlari bo‘yicha bo‘limning yoxud boshqa vakolatli organning ma’lumotnomasi asosida, boshqa nogironlarga (qatnashchilarga) nogironning (qatnashchining) imtiyozlarga bo‘lgan huquqi to‘g‘risidagi guvohnoma asosida beriladi”;
“mehnat shartnomalari (kontraktlari) va fuqarolik-huquqiy tusdagi shartnomalar bo‘yicha olingan daromadlarga, ushbu qismning ikkinchi va uchinchi xatboshilarida ko‘rsatilmagan boshqa daromadlarga — 20 foiz”;
“Jismoniy shaxslarning daromadlariga solinadigan soliqni to‘lov manbaida hisoblab chiqarish, ushlab qolish va to‘lash majburiyati, agar ushbu Kodeksning 194-moddasida boshqacha qoida nazarda tutilgan bo‘lmasa, yuridik shaxslar, faoliyatni O‘zbekiston Respublikasida doimiy muassasa orqali amalga oshirayotgan O‘zbekiston Respublikasi norezidentlari hamda chet el yuridik shaxslarining vakolatxonalari zimmasiga yuklatiladi”;
ikkinchi qismi 3-bandi “shuningdek ushbu Kodeksning 194-moddasida nazarda tutilgan hollarda” degan so‘zlar bilan to‘ldirilsin;
“Ko‘chmas mulk, yuridik shaxslarning — O‘zbekiston Respublikasi rezidentlarining ustav kapitalidagi aksiyalari va ulushlari (paylari) bir chet ellik jismoniy shaxs tomonidan boshqa jismoniy shaxsga — O‘zbekiston Respublikasi rezidentiga yoki norezidentiga, yuridik shaxsga — O‘zbekiston Respublikasi norezidentiga realizatsiya qilingan taqdirda, ushbu daromadlar bo‘yicha jismoniy shaxslardan olinadigan daromad solig‘ini ushlab qolish majburiyati, agar ushbu moddaning oltinchi qismida boshqacha qoida nazarda tutilmagan bo‘lsa, soliq agenti deb e’tirof etiluvchi daromadni to‘lash manbaiga (mol-mulkni sotib oluvchi zimmasiga) yuklatiladi.
Aksiyalar qimmatli qog‘ozlarning birja bozori va uyushgan birjadan tashqari bozorida realizatsiya qilinganda O‘zbekiston Respublikasining qimmatli qog‘ozlar bozoridagi hisob-kitob-kliring palatasi soliq agenti deb e’tirof etiladi.
Chet ellik jismoniy shaxs tomonidan mol-mulkni realizatsiya qilishdan olinadigan daromadlar bo‘yicha jismoniy shaxslardan olinadigan daromad solig‘ini hisoblash, ushlab qolish, o‘tkazib berish, soliq agenti tomonidan O‘zbekiston Respublikasi Davlat soliq qo‘mitasi va O‘zbekiston Respublikasi Moliya vazirligi tasdiqlaydigan shakl bo‘yicha jismoniy shaxslardan olinadigan daromad solig‘i hisob-kitobini va aksiyalar oldi-sotdisi bo‘yicha bitimlar reyestrini taqdim etish, soliq to‘langanligi to‘g‘risida ma’lumotnoma berish va mol-mulkka bo‘lgan mulk huquqini ro‘yxatdan o‘tkazish (rasmiylashtirish) yuridik shaxslardan olinadigan foyda solig‘i bo‘yicha ushbu Kodeksning 1551-moddasiga muvofiq belgilangan tartibda amalga oshiriladi.
Agar sotuvchida — chet ellik jismoniy shaxsda mol-mulk realizatsiya qilingan yildan keyingi yilning 1-apreliga qadar ushbu Kodeksning 192-moddasi uchinchi qismiga muvofiq daromadlarni deklaratsiya qilish bo‘yicha majburiyat yuzaga kelsa, soliq agenti tomonidan ushbu moddaga muvofiq ushlab qolingan jismoniy shaxslardan olinadigan daromad solig‘i summasi jami yillik daromad to‘g‘risidagi deklaratsiya taqdim etilayotganda davlat soliq xizmati organi tomonidan qayta hisoblab chiqarilishi mumkin”;
“Keyinchalik realizatsiya qilish uchun yuridik shaxslar tomonidan davlat rezervidan olingan, narxlari davlat tomonidan tartibga solinishi belgilangan tovarlar bo‘yicha soliq solinadigan baza realizatsiya qilish narxi va davlat rezervidan olingan narx o‘rtasidagi ijobiy farq sifatida aniqlanadi.
Benzin, dizel yoqilg‘isi va gaz realizatsiya qilinganda soliq solinadigan baza ularni realizatsiya qilish qiymati asosida, unga qo‘shilgan qiymat solig‘i hamda transport vositalariga benzin, dizel yoqilg‘isi va gaz ishlatganlik uchun olinadigan soliq kiritilmagan holda aniqlanadi”;
“91) transport vositalariga benzin, dizel yoqilg‘isi va gaz ishlatganlik uchun olinadigan soliq stavkasi va summasi”;
10-bandidagi “aksiz to‘lanadigan tovarlar bo‘yicha aksiz solig‘i va qo‘shilgan qiymat solig‘i” degan so‘zlar “aksiz to‘lanadigan tovarlar bo‘yicha aksiz solig‘i, qo‘shilgan qiymat solig‘i hamda transport vositalariga benzin, dizel yoqilg‘isi va gaz ishlatganlik uchun olinadigan soliq” degan so‘zlar bilan almashtirilsin;
“Foydali qazilmalar zaxiralarining qazib olinadigan hajmining qiymati soliq solinadigan bazadir. Foydali qazilmalar zaxiralarining qazib olinadigan hajmining qiymati quyidagicha hisoblab chiqiladi:
Tovar bozorlarida ustun mavqeni egallab turgan xo‘jalik yurituvchi subyektlarning davlat reyestriga kiritilgan yer qa’ridan foydalanuvchilar uchun — foydali qazilmaning mazkur turi uchun tasdiqlangan deklaratsiya qilingan narxi bo‘yicha;
boshqa yer qa’ridan foydalanuvchilar uchun — qonun hujjatlarida belgilangan tartibda xalqaro birjada belgilangan birja narxi bo‘yicha, jahon bozorida narx mavjud bo‘lmagan taqdirda esa, foydali qazilmalar zaxiralarining qazib olinadigan hajmining qiymati — vakolatli davlat organi tomonidan belgilanadigan narx bo‘yicha”;
“Foydali qazilmalar zaxiralarining qazib olinadigan hajmining qiymatini aniqlash tartibi qonun hujjatlari bilan belgilanadi”;
beshinchi, oltinchi va yettinchi qismlari tegishincha oltinchi, yettinchi va sakkizinchi qismlar deb hisoblansin;
“1) kommunal xo‘jaligi obyektlarining. Kommunal xo‘jaligi obyektlariga quyidagilar kiradi: vodoprovod tarmoqlari (suv chiqarish inshootlari bilan), kanalizatsiya tarmoqlari (tozalash inshootlari bilan), gaz va issiqlikni taqsimlash tarmoqlari (ulardagi inshootlar bilan), kommunal-maishiy ehtiyojlar uchun qozonxonalar (shu jumladan asbob-uskunalar)”;
“2) urush nogironlari va qatnashchilari, shuningdek doirasi qonun hujjatlari bilan belgilanuvchi ularga tenglashtirilgan shaxslarning”;
5-bandidagi “qonun hujjatlarida belgilangan soliq solinmaydigan maydon o‘lchami doirasida” degan so‘zlar chiqarib tashlansin;
“Ushbu modda birinchi qismining 3, 5 va 6-bandlarida ko‘rsatilgan imtiyozlar qonun hujjatlarida belgilangan soliq solinmaydigan maydon o‘lchami doirasida beriladi”;
“3) urush nogironlari va qatnashchilari, shuningdek doirasi qonun hujjatlari bilan belgilanuvchi ularga tenglashtirilgan shaxslar”;
“Yuridik shaxslardan olinadigan foyda solig‘i chegirilganidan keyin yuridik shaxs ixtiyorida qoladigan foyda soliq solish obyekti va soliq solinadigan bazadir. Bunda soliq solinadigan baza quyidagi summalarga kamaytiriladi:
tekin olingan pul mablag‘lari summasiga, agar ularni o‘tkazib berish O‘zbekiston Respublikasi Prezidentining yoki O‘zbekiston Respublikasi Vazirlar Mahkamasining qarori asosida yuz berayotgan bo‘lsa;
joriy soliq davrida foydalanilganda xarajatlar vujudga kelmaydigan budjetdan ajratiladigan subsidiyalar summasiga”;
“Transport vositalariga benzin, dizel yoqilg‘isi va gaz ishlatganlik uchun olinadigan soliqni to‘lovchilar oxirgi iste’molchilarga:
benzin va dizel yoqilg‘isini realizatsiya qilishni, shu jumladan avtomobillarga yoqilg‘i quyish shoxobchalari orqali realizatsiya qilishni amalga oshiruvchi yuridik shaxslar;
gazni avtomobillarga yoqilg‘i quyish shoxobchalari orqali realizatsiya qilishni amalga oshiruvchi yuridik shaxslar.
avtomobillarga yoqilg‘i quyish shoxobchalari deganda avtomobillarga kompressor vositasida gaz to‘ldirish, avtomobillarga yoqilg‘i quyish va avtomobillarga gaz quyish shoxobchalari tushuniladi;
oxirgi iste’molchilar deganda o‘z ehtiyojlari uchun benzin, dizel yoqilg‘isi va gaz oluvchi yuridik va jismoniy shaxslar tushuniladi”;
“Transport vositalari uchun benzin, dizel yoqilg‘isi va gazni oxirgi iste’molchilarga realizatsiya qilish yoki ulardan o‘z ehtiyojlari uchun foydalanish soliq solish obyektidir.
Benzin, dizel yoqilg‘isi va gazning natura holidagi realizatsiya qilingan va o‘z ehtiyojlari uchun foydalanilgan hajmi soliq solinadigan bazadir”;
“Transport vositalariga benzin, dizel yoqilg‘isi va gaz ishlatganlik uchun olinadigan soliq summasi transport vositalari uchun realizatsiya qilinadigan benzin, dizel yoqilg‘isi va gazning narxida hisobga olinadi. Benzin, dizel yoqilg‘isi va gazdan o‘z ehtiyojlari uchun foydalanilganda transport vositalariga benzin, dizel yoqilg‘isi va gaz ishlatganlik uchun olinadigan soliqning hisoblangan summasi soliq to‘lovchining xarajatlariga kiritiladi.
Transport vositalariga benzin, dizel yoqilg‘isi va gaz ishlatganlik uchun olinadigan soliqning hisob-kitobi joriy o‘n kunlik to‘lovlar hisobga olingan holda har chorakda, soliq davridan keyingi oyning 25-kunidan kechiktirmay, yil yakunlari bo‘yicha esa, yillik moliyaviy hisobot topshiriladigan muddatda taqdim etiladi. Hisob-kitob benzin, dizel yoqilg‘isi va gazni realizatsiya qilishni amalga oshiruvchi yuridik shaxs joylashgan yerdagi davlat soliq xizmati organlariga taqdim etiladi, bundan avtomobillarga yoqilg‘i quyish shoxobchalari orqali benzin, dizel yoqilg‘isi va gazni realizatsiya qilish hollari mustasno. Avtomobillarga yoqilg‘i quyish shoxobchalari orqali benzin, dizel yoqilg‘isi va gaz realizatsiya qilinganda hisob-kitob avtomobillarga yoqilg‘i quyish shoxobchalari joylashgan yerdagi davlat soliq xizmati organlariga taqdim etiladi”;
to‘rtinchi qismidagi “yoqilg‘i quyish shoxobchalari joylashgan yerda” degan so‘zlar “hisob-kitob taqdim etiladigan yerda” degan so‘zlar bilan almashtirilsin;
35) 305-moddaning uchinchi qismidagi “yakka tartibdagi tadbirkorlar, yuridik shaxs tashkil etgan va tashkil etmagan holda tuzilgan dehqon xo‘jaliklari a’zolari” degan so‘zlar “ayrim toifadagi jismoniy shaxslar” degan so‘zlar bilan almashtirilsin;
“Soliq to‘lovchining kalendar oyida ishlagan kunlari sonidan qat’i nazar, yakka tartibdagi tadbirkorlar sug‘urta badallarini majburiy tartibda oyiga eng kam ish haqidan kam bo‘lmagan miqdorda to‘laydi.
Yuridik shaxs tashkil etgan va tashkil etmagan holda tuzilgan dehqon xo‘jaliklarining a’zolari sug‘urta badallarini ixtiyoriylik asosida yiliga eng kam ish haqining to‘rt yarim baravaridan kam bo‘lmagan miqdorda to‘laydi. Belgilangan miqdordagi sug‘urta badallarining to‘lanishi dehqon xo‘jaligi a’zosining mehnat stajini hisoblab chiqarishda bir yil deb hisobga olinadi.
Yuridik shaxs tashkil etmagan holda oilaviy tadbirkorlik shaklidagi faoliyatni amalga oshiruvchi oila a’zolari kalendar oyida ishlagan kunlari sonidan qat’i nazar, quyidagi miqdorlarda sug‘urta badallarini to‘laydi:
yakka tartibdagi tadbirkor sifatida ro‘yxatdan o‘tgan oila a’zosi — oyiga eng kam ish haqidan kam bo‘lmagan miqdorda;
oilaning boshqa a’zolari (o‘n sakkiz yoshga to‘lmaganlar bundan mustasno) — oyiga eng kam ish haqining 50 foizi miqdorida.
Yoshga doir pensiya olish huquqiga ega bo‘lgan, shuningdek I va II guruh nogironlari bo‘lgan yakka tartibdagi tadbirkorlar, yuridik shaxs tashkil etgan va tashkil etmagan holda tuzilgan dehqon xo‘jaliklarining a’zolari hamda yuridik shaxs tashkil etmagan holda oilaviy tadbirkorlik shaklidagi faoliyatni amalga oshirayotgan oila a’zolari uchun sug‘urta badalining miqdori uning belgilangan miqdorining kamida 50 foizini tashkil etishi kerak. Mazkur imtiyozlar pensiya guvohnomasi yoki tibbiy-mehnat ekspert komissiyasining ma’lumotnomasi asosida beriladi. Kalendar yil davomida imtiyozga bo‘lgan huquq vujudga kelgan yoki bekor bo‘lgan taqdirda, sug‘urta badallarini qayta hisob-kitob qilish ushbu huquq vujudga kelgan yoki bekor bo‘lgan oydan e’tiboran amalga oshiriladi.
yakka tartibdagi tadbirkorlar va yuridik shaxs tashkil etmagan holda oilaviy tadbirkorlik shaklidagi faoliyatni amalga oshiruvchi oila a’zolari tomonidan — har oyda, tadbirkorlik faoliyati amalga oshirilgan oyning 25-kunidan kechiktirmay;
yuridik shaxs tashkil etgan va tashkil etmagan holda tuzilgan dehqon xo‘jaliklarining a’zolari — hisobot yilining 1-oktabrigacha. Bunda sug‘urta badallarining miqdori to‘lov kuniga belgilangan eng kam ish haqi miqdoridan kelib chiqqan holda hisoblab chiqariladi.
Yuridik shaxs tashkil etmagan holda oilaviy tadbirkorlik shaklidagi faoliyatni amalga oshirayotgan oila a’zolarining sug‘urta badallarini to‘lash majburiyati oilaviy tadbirkorlik subyekti nomidan ish ko‘radigan yakka tartibdagi tadbirkor sifatida ro‘yxatdan o‘tgan oila a’zosining zimmasiga yuklatiladi.
To‘lov topshiriqnomasida (kirim orderida) soliq to‘lovchining familiyasi, ismi, otasining ismi, identifikatsiya raqami va to‘lov to‘lanayotgan davr albatta ko‘rsatilishi shart. Bunda oila a’zolari — oilaviy tadbirkorlik ishtirokchilari bo‘yicha to‘lov topshiriqnomasi (kirim orderi) har bir oila a’zosi uchun alohida yoziladi. Agar to‘lov topshiriqnomasida (kirim orderida) davr ko‘rsatilmagan bo‘lsa, to‘lov u amalga oshirilayotgan oy (dehqon xo‘jaliklari a’zolari uchun — yil) uchun to‘langan deb hisoblanadi.
Qonun hujjatlariga muvofiq sug‘urta badallarini hisoblash va ushlab qolish majburiyati zimmasiga yuklatilmagan ish beruvchidan daromadlar oluvchi jismoniy shaxslar jami yillik daromad to‘g‘risidagi deklaratsiyani taqdim etish bilan bir vaqtda beriladigan sug‘urta badallarini ixtiyoriy to‘lash to‘g‘risidagi ariza asosida jami yillik daromad to‘g‘risidagi deklaratsiyada ko‘rsatilgan mehnatga haq to‘lash tarzidagi daromadlar summasidan kelib chiqqan holda ixtiyoriy asosda sug‘urta badallari to‘laydi.
Ushbu moddaning sakkizinchi qismida ko‘rsatilgan shaxslar tomonidan sug‘urta badallarini to‘lash jami yillik daromad to‘g‘risidagi deklaratsiya ma’lumotlari bo‘yicha davlat soliq xizmati organlari tomonidan hisoblab chiqariladigan jismoniy shaxslardan olinadigan daromad solig‘ini to‘lash muddatlarida amalga oshiriladi”;
37) 312-modda ikkinchi qismining uchinchi xatboshisidagi “yagona soliq to‘lovini” degan so‘zlar “yagona soliq to‘lovini va (yoki) yagona yer solig‘ini” degan so‘zlar bilan almashtirilsin;
38) 316-modda ikkinchi qismining uchinchi xatboshisidagi “yagona soliq to‘lovi” degan so‘zlar “yagona soliq to‘lovini va (yoki) yagona yer solig‘ini” degan so‘zlar bilan almashtirilsin;
“2) yaqin qarindoshlaridan hadya shartnomasi yoki meros asosida avtomobillar va motoaravachalar oluvchi fuqarolar”;
Budjetdan tashqari Umumta’lim maktablari, kasb-hunar kollejlari, akademik litseylar va tibbiyot muassasalarini rekonstruksiya qilish, mukammal ta’mirlash va jihozlash jamg‘armasiga majburiy ajratmalarni to‘lovchilar quyidagilardir:
oddiy shirkat ishlarini yuritish zimmasiga yuklatilgan (ishonchli shaxs) sherik (ishtirokchi) — yuridik shaxs.
Quyidagilar budjetdan tashqari Umumta’lim maktablari, kasb-hunar kollejlari, akademik litseylar va tibbiyot muassasalarini rekonstruksiya qilish, mukammal ta’mirlash va jihozlash jamg‘armasiga majburiy ajratmalarning to‘lovchilari bo‘lmaydi:
notijorat tashkilotlar, bundan ularning tadbirkorlik faoliyatini amalga oshirishdan olgan daromadlari mustasno;
umumbelgilangan soliqlarni to‘lovchi mikrofirmalar va kichik korxonalar, bundan aksiz to‘lanadigan mahsulotlar ishlab chiqaruvchi va yer qa’ridan foydalanganlik uchun soliq solinadigan foydali qazilmalarni qazib oluvchi mikrofirmalar va kichik korxonalar mustasno.
Agar ushbu moddada boshqacha qoida nazarda tutilmagan bo‘lsa, sof tushum budjetdan tashqari Umumta’lim maktablari, kasb-hunar kollejlari, akademik litseylar va tibbiyot muassasalarini rekonstruksiya qilish, mukammal ta’mirlash va jihozlash jamg‘armasiga majburiy ajratmalarning soliq solish obyekti va soliq solinadigan bazasidir.
Budjetdan tashqari Umumta’lim maktablari, kasb-hunar kollejlari, akademik litseylar va tibbiyot muassasalarini rekonstruksiya qilish, mukammal ta’mirlash va jihozlash jamg‘armasiga majburiy ajratmalarning soliq solish obyekti va soliq solinadigan bazasi quyidagilardir:
1) kommunal xo‘jalik tizimining issiqlik, suv va gaz ta’minoti korxonalari uchun — mahsulotlarning (ishlarning, xizmatlarning) qo‘shilgan qiymat solig‘i va tegishincha issiqlik ta’minoti korxonalari uchun issiqlik quvvatining, suv ta’minoti korxonalari uchun suvning, gaz ta’minoti korxonalari uchun tabiiy gazning xarid qiymati chegirib tashlangan holda realizatsiya qilingan hajmi;
2) qurilish, qurilish-montaj, ta’mirlash-qurilish, ishga tushirish-sozlash, loyiha-qidiruv va ilmiy-tadqiqot tashkilotlari uchun — o‘z kuchlari bilan bajarilgan, tegishincha qurilish, qurilish-montaj, ta’mirlash-qurilish, ishga tushirish-sozlash, loyiha-qidiruv va ilmiy-tadqiqot ishlarining qo‘shilgan qiymat solig‘i chegirib tashlangan holdagi qiymati. Bunda, agar yuqorida qayd etilgan ishlarni materiallar bilan ta’minlash majburiyati shartnomaga binoan buyurtmachining zimmasida bo‘lsa, ushbu materiallarga bo‘lgan mulk huquqi buyurtmachining o‘zida saqlanib qolgan taqdirda, o‘z kuchlari bilan bajarilgan ishlarni realizatsiya qilishdan olinadigan tushum bajarilgan hamda tasdiqlangan ishlarning buyurtmachi materiallarining qiymati kiritilmagan holdagi qiymati sifatida belgilanadi;
3) vositachilik xizmatlari ko‘rsatuvchi, shu jumladan tovarlarni sotish bo‘yicha, vositachilik, topshiriq shartnomalari bo‘yicha hamda vositachilik xizmatlari ko‘rsatishga oid boshqa shartnomalar bo‘yicha vositachilik xizmatlari ko‘rsatuvchi yuridik shaxslar uchun — ko‘rsatilgan xizmatlar uchun qo‘shilgan qiymat solig‘i chegirib tashlangan holdagi mukofot summasi;
5) kredit tashkilotlari va sug‘urta tashkilotlari uchun — agar mazkur moddaning uchinchi qismida boshqacha qoida nazarda tutilmagan bo‘lsa, ushbu Kodeksning 148 va 150-moddalariga muvofiq aniqlanadigan daromad;
6) asosiy faoliyati mol-mulkni lizingga berishdan iborat bo‘lgan yuridik shaxslar uchun — moliyaviy ijara (lizing) bo‘yicha foizli daromad summasi.
hayotni sug‘urta qilish sohasiga taalluqli shartnomalar bo‘yicha sug‘urta mukofotlari (badallari), qayta sug‘urta qilish shartnomalari bo‘yicha topshirilgan to‘lovlar summalari, shuningdek ushbu Kodeks 150-moddasining 2 va 4-bandlarida ko‘rsatilgan daromadlar.
Soliq to‘lovchilar turli xil soliq solish obyektlariga ega bo‘lgan hollarda, ular soliq solish obyektlarining alohida-alohida hisobini yuritishi va tegishli obyektlardan kelib chiqqan holda budjetdan tashqari Umumta’lim maktablari, kasb-hunar kollejlari, akademik litseylar va tibbiyot muassasalarini rekonstruksiya qilish, mukammal ta’mirlash va jihozlash jamg‘armasiga majburiy ajratmalarni to‘lashi shart.
Budjetdan tashqari Umumta’lim maktablari, kasb-hunar kollejlari, akademik litseylar va tibbiyot muassasalarini rekonstruksiya qilish, mukammal ta’mirlash va jihozlash jamg‘armasiga majburiy ajratmalar soliq solinadigan bazadan va tasdiqlangan stavkadan kelib chiqqan holda har oyda hisoblab chiqariladi.
Budjetdan tashqari Umumta’lim maktablari, kasb-hunar kollejlari, akademik litseylar va tibbiyot muassasalarini rekonstruksiya qilish, mukammal ta’mirlash va jihozlash jamg‘armasiga majburiy ajratmalarning hisob-kitobi soliq bo‘yicha hisobga olish joyidagi davlat soliq xizmati organlariga ortib boruvchi yakun bilan yilning har choragida, hisobot davridan keyingi oyning 25-kunidan kechiktirmay, yil yakunlari bo‘yicha esa, yillik moliyaviy hisobot topshiriladigan muddatda taqdim etiladi.
Budjetdan tashqari Umumta’lim maktablari, kasb-hunar kollejlari, akademik litseylar va tibbiyot muassasalarini rekonstruksiya qilish, mukammal ta’mirlash va jihozlash jamg‘armasiga majburiy ajratmalarni to‘lash:
budjetdan tashqari Umumta’lim maktablari, kasb-hunar kollejlari, akademik litseylar va tibbiyot muassasalarini rekonstruksiya qilish, mukammal ta’mirlash va jihozlash jamg‘armasiga majburiy ajratmalar to‘lovchi bo‘lgan mikrofirmalar va kichik korxonalar tomonidan — hisob-kitobni taqdim etish muddatidan kechiktirmay;
mikrofirmalar va kichik korxonalar jumlasiga kirmaydigan soliq to‘lovchilar tomonidan — har oyda, keyingi oyning 25-kunidan kechiktirmay, yil yakunlari bo‘yicha esa, yillik moliyaviy hisobot taqdim etiladigan muddatdan kechiktirmay amalga oshiriladi”;
41) 349-moddaning o‘ninchi xatboshisidagi “yagona soliq to‘lovini” degan so‘zlar “yagona soliq to‘lovini va yagona yer solig‘ini” degan so‘zlar bilan almashtirilsin;
“Yagona soliq to‘lovi bo‘yicha qayta hisob-kitob, shuningdek ushbu moddaning uchinchi qismida ko‘rsatilgan to‘lovchilar tomonidan, agar ular hisobot yili tugashi bilan ushbu Kodeksning 350-moddasi uchinchi qismiga muvofiq hisoblangan, belgilangan xodimlar soni mezoniga mos kelmagan bo‘lsa, yagona soliq to‘lovini to‘lagan hisobot davri uchun amalga oshiriladi”;
43) 354-moddaning ikkinchi qismi “obodonlashtirish va ijtimoiy infratuzilmani rivojlantirish solig‘i” degan so‘zlardan keyin “suv resurslaridan foydalanganlik uchun soliq” degan so‘zlar bilan to‘ldirilsin;
“Qishloq xo‘jaligi mahsulotini yetishtirish va qayta ishlash bilan bog‘liq bo‘lmagan faoliyat turlarini amalga oshirishda yagona yer solig‘i to‘lovchi mazkur faoliyat turlari bo‘yicha alohida-alohida hisob yuritishi va yagona soliq to‘lovini yoki ushbu Kodeksning 58-bobiga muvofiq qat’iy belgilangan soliq to‘lanishi nazarda tutilgan faoliyat doirasida qat’iy belgilangan soliqni to‘lashi shart”;
birinchi qismining uchinchi xatboshisidagi “moddaning” degan so‘z “qismning” degan so‘z bilan almashtirilsin;
“Yuridik shaxs tashkil etmagan holda oilaviy tadbirkorlik shaklida faoliyatni amalga oshirishda oilaviy tadbirkorlik subyekti nomidan ish ko‘radigan yakka tartibdagi tadbirkor sifatida ro‘yxatdan o‘tgan oila a’zosigina qat’iy belgilangan soliqni to‘lovchi bo‘ladi”;
47) 371-moddaning oltinchi qismidagi “Ushbu Kodeks 370-moddasining ikkinchi xatboshisida” degan so‘zlar “Ushbu Kodeks 370-moddasi birinchi qismining ikkinchi xatboshisida” degan so‘zlar bilan almashtirilsin;
“Patta to‘lovi har bir to‘lovchidan naqd pulli yoki naqd pulsiz shaklda, bir vaqtning o‘zida fiskal xotirali nazorat-kassa mashinasining chekini yoki terminal chekini berish orqali undiriladi”.
Ushbu Qonun 1-moddasi 10-bandining to‘rtinchi xatboshisi, 11, 12-bandlari, 16-bandining ikkinchi, uchinchi va to‘rtinchi xatboshilari, 17-bandining O‘zbekiston Respublikasi Soliq kodeksi 180-moddasi ikkinchi qismining 6 va 9-bandlarini chiqarib tashlashga doir qismi, 22, 23, 26-bandlari, 27-bandining beshinchi va sakkizinchi xatboshilari, 28-bandining beshinchi — to‘qqizinchi xatboshilari, 29-bandining ikkinchi va beshinchi xatboshilari, 31, 39 va 44-bandlari 2014-yil 1-apreldan e’tiboran amalga kiritiladi.