O‘zbekiston Respublikasi Oliy Majlisi qaror qiladi:

O‘zbekiston Respublikasining quyidagi qonun hujjatlariga o‘zgartishlar va qo‘shimchalar kiritilsin:

I. O‘zbekiston Respublikasi Oliy Majlisining 1995-yil 5-maydagi Qarori bilan tasdiqlangan O‘zbekiston Respublikasi Oliy Majlisining Reglamenti (O‘zbekiston Respublikasi Oliy Majlisining Axborotnomasi, 1995-yil № 6, 97-modda):

1) 9-moddasining ikkinchi qismidagi “deputatlar guruhlari, fraksiyalar, bloklarning” degan so‘zlar “fraksiyalarning, bloklarning va boshqa deputatlar guruhlarining” degan so‘zlar bilan almashtirilsin;

2) 14-moddasi chiqarib tashlansin;

3) 20-moddasi quyidagi tahrirda bayon etilsin:

Oliy Majlis majlislarida ish davlat tilida olib boriladi va zaruriyat bo‘lganda boshqa tillarda hamohang tarjimasi ta’minlanadi”;

4) III bobi quyidagi tahrirda bayon etilsin:

Oliy Majlis deputatlari qonun hujjatlariga muvofiq fraksiyalar, bloklar va boshqa deputatlar guruhlariga birlashishlari mumkin.

Har bir deputatlar guruhi Oliy Majlis ko‘rib chiqishi uchun kiritilayotgan masalalarni dastlabki tarzda muhokama qilishga va ular yuzasidan takliflar kiritishga haqlidir.

Oliy Majlis deputati faqat bitta fraksiyada yoki blokda bo‘lishga haqli.

Fraksiyalar, bloklar o‘z faoliyatlarini Oliy Majlis tomonidan ro‘yxatga olinganlaridan keyin amalga oshiradilar hamda O‘zbekiston Respublikasining Konstitutsiyasi va qonunlari doirasida ish olib boradilar.

Fraksiyalar, bloklar Oliy Majlis Kengashi, qo‘mitalari va komissiyalari bilan uzviy aloqada ishlaydilar.

Fraksiyaning, blokning faoliyati qayta tashkil etish (qo‘shib yuborish, birlashtirish, bo‘lib yuborish) yoki tugatish yo‘li bilan to‘xtatilishi mumkin. Ushbu masala yuzasidan Oliy Majlis tegishli qaror qabul qiladi.

Fraksiya yoki blok tuzish uchun quyidagilar zarur:

1) tashabbuskor guruh tuzish;

2) fraksiya, blok tuzish niyatini e’lon qilish;

3) fraksiya yoki blokning ta’sis yig‘ilishini o‘tkazish;

4) fraksiya yoki blok rahbarini saylash;

5) fraksiya yoki blok tuzish to‘g‘risidagi ta’sis bayonnomasini qabul qilish hamda uni Oliy Majlisga topshirish.

Fraksiya, blok rahbari (vakili) fraksiyani, blokni ro‘yxatga olish to‘g‘risidagi iltimos bayon etilgan ariza bilan Oliy Majlisga murojaat etadi.

Arizaga ta’sis yig‘ilishining bayonnomasi ilova qilinadi, bayonnomada fraksiyaning, blokning miqdor va shaxsiy tarkibi, shuningdek fraksiya, blok rahbarining familiyasi, ismi, otasining ismi, ish joyi va saylov okrugining tartib raqami ko‘rsatilgan bo‘lishi kerak.

Arizalarni Oliy Majlis sessiyasida qarab chiqish chog‘ida fraksiyalarning, bloklarning rahbarlari tuzilgan fraksiyaning, blokning maqsad va vazifalari to‘g‘risidagi axborot bilan so‘zga chiqishi, boshqa ma’lumotlarni aytishi mumkin.

Oliy Majlis fraksiyalarni, bloklarni ro‘yxatga olish masalasi yuzasidan qaror qabul qiladi”;

5) 49-moddasi quyidagi tahrirda bayon etilsin:

Oliy Majlis Kengashining tarkibiga Oliy Majlis Raisi, Oliy Majlis Raisining o‘rinbosarlari, qo‘mitalari, komissiyalarining (muvaqqatlaridan tashqari) raislari, Oliy Majlis deputatlari fraksiyalari, bloklarining rahbarlari kiradi.

Oliy Majlis Kengashiga Oliy Majlis Raisi boshchilik qiladi”;

6) 62-moddasi quyidagi tahrirda bayon etilsin:

O‘zbekiston Respublikasi Konstitutsiyasi 93-moddasining 10-bandiga muvofiq O‘zbekiston Respublikasining Prezidenti Oliy Majlisga O‘zbekiston Respublikasi Konstitutsiyaviy sudining raisi va a’zolari, O‘zbekiston Respublikasi Oliy sudining raisi va a’zolari, O‘zbekiston Respublikasi Oliy xo‘jalik sudining raisi va a’zolari, O‘zbekiston Respublikasi Markaziy banki boshqaruvining raisi, O‘zbekiston Respublikasi Tabiatni muhofaza qilish davlat qo‘mitasining raisi lavozimlariga nomzodlarni taqdim etadi. Mazkur nomzodlar lavozimga tayinlanishi yoki saylanishidan avval Oliy Majlisning yoki Oliy Majlis Kengashining topshirig‘iga binoan tegishli qo‘mitalarda, komissiyalarda muhokama qilinadi.

Ushbu moddaning birinchi qismida ko‘rsatib o‘tilgan shaxslarni lavozimga tayinlash va saylash to‘g‘risida Oliy Majlis qaror qabul qiladi”;

7) 74-moddasi quyidagi tahrirda bayon etilsin:

Oliy Majlisga kiritilgan qonun loyihalarini ko‘rib chiqish bir necha o‘qishda amalga oshirilishi mumkin, ulardan alohida ahamiyatga moliklari esa, bir necha o‘qishda amalga oshirilishi shart, shuningdek ular fraksiya, blok va boshqa deputatlar guruhlarida dastlabki tarzda muhokama qilinadi”;

8) 79-moddasidagi “organlarga” degan so‘z “uni kiritgan organlarga (mansabdor shaxslarga)” degan so‘zlar bilan almashtirilsin;

9) 100-moddasi quyidagi tahrirda bayon etilsin:

Davlat organlari va jamoat birlashmalarining rahbarlari, boshqa mansabdor shaxslar Oliy Majlisga va uning organlariga berilgan ma’lumotlarning to‘g‘ri-noto‘g‘riligi uchun yoki ularni atayin yashirganlik uchun qonun hujjatlarida belgilangan tarzda javobgar bo‘ladilar”;

10) quyidagi mazmundagi 101-modda bilan to‘ldirilsin:

O‘zbekiston Respublikasi Oliy Majlisi birinchi sessiyada o‘z vakolati muddatiga Oliy Majlisning Inson huquqlari bo‘yicha vakilini saylaydi.

Oliy Majlisning Inson huquqlari bo‘yicha vakili Oliy Majlis deputatlari orasidan saylanadi”

101, 102, 103 va 104-moddalari tegishincha 102, 103, 104 va 105-moddalar deb hisoblansin;

11) ruscha matni 2-moddasining ikkinchi qismidagi, beshinchi moddasining ikkinchi qismidagi, 13-moddasining birinchi qismidagi, 17-moddasining birinchi qismidagi, 23-moddasidagi, V bobining nomidagi, 48, 50, 51 va 52-moddalaridagi, 58-moddasining birinchi qismidagi, 60, 69 va 70-moddalaridagi, 71-moddasining birinchi va ikkinchi qismlaridagi, 73, 76, 78 va 86-moddalaridagi, 87-moddasining birinchi va uchinchi qismlaridagi, 89, 90 va 95-moddalaridagi tegishli kelishikdagi “Sovet (Kengash)” degan so‘zlar shunday kelishikdagi “Kengash” degan so‘z bilan almashtirilsin.

II. O‘zbekiston Respublikasi Oliy Majlisining 1995-yil 5-maydagi Qarori bilan tasdiqlangan O‘zbekiston Respublikasi Oliy Majlisining qo‘mitalari va komissiyalari to‘g‘risidagi Nizom (O‘zbekiston Respublikasi Oliy Majlisining Axborotnomasi, 1995-yil, № 6, 98-modda):

1) 2-moddasining to‘rtinchi xatboshisi quyidagi tahrirda bayon etilsin:

“O‘zbekiston Respublikasi qonunlari va Oliy Majlis qabul qilgan qarorlar ijrosi ustidan nazorat qilish, shuningdek ularni amalga oshirishga ko‘maklashishdan iborat”;

2) 36-moddasi chiqarib tashlansin;

3) 39-moddasining to‘rtinchi xatboshisidagi “ish qog‘ozlarini yuritadi” degan so‘zlar “ish qog‘ozlarini yuritish uchun javobgar” degan so‘zlar bilan almashtirilsin;

4) ruscha matni 5-moddasining birinchi qismidagi, 11-moddasining birinchi qismidagi, 23-moddasining birinchi qismidagi, 29, 33, 34 va 35-moddalaridagi, 37-moddasining oltinchi, yettinchi va to‘qqizinchi xatboshilaridagi tegishli kelishikdagi “Sovet (Kengash)” degan so‘zlar shunday kelishikdagi “Kengash” degan so‘z bilan almashtirilsin.