Oʻzbekiston Respublikasi Prezidentining 2013-yil 28-iyundagi PQ-1990-sonli “Yuridik kadrlar tayyorlash tizimini yanada takomillashtirish chora-tadbirlari toʻgʻrisida”gi qaroriga asosan:

1. Oʻzbekiston Respublikasi Prezidentining ayrim qarorlariga ilovaga muvofiq oʻzgartishlar kiritilsin.

2. Mazkur qarorning ijrosi ustidan nazorat Oʻzbekiston Respublikasining Bosh vaziri Sh. Mirziyoyev zimmasiga yuklatilsin.

1. Oʻzbekiston Respublikasi Prezidentining “Oʻzbekiston Respublikasida yuridik jurnallar tizimini yanada rivojlantirish chora-tadbirlari toʻgʻrisida”gi 2005-yil 18-oktabrdagi PQ-203-son qarorida:

a) 1-ilovada:

1-bandning oltinchi xatboshisi quyidagi tahrirda bayon etilsin:

“Jurnalning taʼsischilari boʻlib Fuqarolik jamiyati shakllanishini monitoring qilish mustaqil instituti, Oʻzbekiston Respublikasi Prezidenti huzuridagi Strategik va mintaqalararo tadqiqotlar instituti, Oʻzbekiston Respublikasi Prezidenti huzuridagi Davlat boshqaruv akademiyasi, Toshkent davlat yuridik universiteti, Oʻzbekiston Respublikasi Prezidenti huzuridagi Amaldagi qonun hujjatlari monitoringi instituti hisoblanadi. Jurnal har chorakda bir marta oʻzbek, rus va ingliz tillarida 15 ming nusxada nashr etiladi”;

5-bandning sakkizinchi xatboshisi quyidagi tahrirda bayon etilsin:

“Jurnalning taʼsischisi Oʻzbekiston Respublikasi Advokatlar palatasi hisoblanadi. Jurnal yiliga 6-marta oʻzbek va rus tillarida 2,5 ming nusxada nashr etiladi”.

b) 2-ilovada:

1-bandning “Jurnallarning bosh taʼsischilari” ustuni quyidagi tahrirda bayon etilsin:

“Fuqarolik jamiyati shakllanishini monitoring qilish mustaqil instituti, SMTI, DBA, TDYU, Amaldagi qonun hujjatlari monitoringi instituti”;

5-bandning “Jurnallarning bosh taʼsischilari” ustunidagi “Advokatlar assotsiatsiyasi” degan soʻzlar “Advokatlar palatasi” degan soʻzlar bilan almashtirilsin.

2. Oʻzbekiston Respublikasi Prezidentining “Fan va texnologiyalar rivojlanishining muvofiqlashtirish va boshqarishni takomillashtirish chora-tadbirlari toʻgʻrisida”gi 2006-yil 7-avgustdagi PQ–436-son qarorining 2-ilovasida:

a) 3-pozitsiya chiqarib tashlansin;

b) 4-pozitsiyada “Akademasbob” ilmiy-ishlab chiqarish birlashmasining” degan soʻzlar “Fanlar akademiyasining Ion-plazma va lazer texnologiyalari instituti” degan soʻzlar bilan almashtirilsin;

v) 5-pozitsiyada “Abduvaliyev Abdukaxxor Abdulxanovich — “Oʻzstandart” agentligi bosh direktorining birinchi oʻrinbosari” degan soʻzlar “Mirsaidov Jamshid Gayratovich — “Oʻzstandart” agentligi bosh direktorining oʻrinbosari” degan soʻzlar bilan almashtirilsin;

g) 12-pozitsiyada “Gafurov Shuxrat Rashidovich — Ijtimoiy-iqtisodiy tadqiqotlar markazi direktori” degan soʻzlar “Sadikov Avazbek Madaminovich — Vazirlar Mahkamasi huzuridagi Prognozlashtirish va makroiqtisodiy tadqiqotlar instituti direktori” degan soʻzlar bilan almashtirilsin;

d) quyidagi tahrirdagi 12¹ pozitsiya bilan toʻldirilsin:

“Axmedov Tursun Muxitovich — Vazirlar Mahkamasi huzuridagi Ijtimoiy tadqiqotlar instituti direktori”;

e) 16-pozitsiyada “Karimov Baxtiyor Kuranbayevich — Fanlar akademiyasining Suv muammolari instituti laboratoriyasi mudiri” degan soʻzlar “Raximov Shavkat Xudargenovich — Toshkent irrigatsiya va melioratsiya instituti qoshidagi Irrigatsiya va suv muammolari instituti direktori v.b.” degan soʻzlar bilan almashtirilsin;

j) 21-pozitsiyada “Maxmudova Dilbar Inoyatovna — Sogʻliqni saqlash vazirligining Pediatriya ITI direktori” degan soʻzlar “Axmedova Dilorom Ilxomovna — Respublika ixtisoslashtirilgan pediatriya ilmiy-amaliy tibbiyot markazi direktori” degan soʻzlar bilan almashtirilsin;

z) 23-pozitsiyada “Nazarov Kiyom Normirzayevich — Oʻzbekiston Respublikasi Prezidenti huzuridagi Davlat va jamiyat qurilishi akademiyasi rektori” degan soʻzlar “Abduvaxidov Abdujabbor Abdusatarrovich — Oʻzbekiston Respublikasi Prezidenti huzuridagi Davlat boshqaruvi akademiyasi rektori” degan soʻzlar bilan almashtirilsin;

i) 25-pozitsiyada “Olimov Sultonmurod Xoshimovich — “Maʼnaviyat va maʼrifat” markazi rahbari oʻrinbosari” degan soʻzlar “Kuranboyev Kaxramon Kuchkorovich — Respublika maʼnaviyat targʻibot markazi rahbari” degan soʻzlar bilan almashtirilsin;

k) 26-pozitsiya chiqarib tashlansin;

l) 27-pozitsiyada “Rustambayev Mirzayusuf Xakimovich — Toshkent Davlat yuridik institutining rektori” degan soʻzlar “Kanyazov Esemurat Sultamuratovich — Toshkent davlat yuridik universitetining rektori” degan soʻzlar bilan almashtirilsin;

m) 28-pozitsiyada “Badiiy” degan soʻz “Fanlar” degan soʻz bilan almashtirilsin;

n) 34-pozitsiyada “lavozimi boʻyicha — sogʻliqni saqlash vazirining oʻrinbosari” degan soʻzlar “Xudayarov Asilbek Anvarovich — Sogʻliqni saqlash vazirining birinchi oʻrinbosari” degan soʻzlar bilan almashtirilsin;

o) 41-pozitsiyada “Yakubov Riskibay Yakubovich — “Oʻzkimyosanoat” DAK raisining birinchi oʻrinbosari” degan soʻzlar “Kuchkarov Zokir Kurbonaliyevich — “Oʻzkimyosanoat” DAK raisining oʻrinbosari” degan soʻzlar bilan almashtirilsin.

3. Oʻzbekiston Respublikasi Prezidentining “Harbiy akademik litseylar faoliyatini tashkil etishga doir chora-tadbirlar toʻgʻrisida”gi 2007-yil 22-maydagi PQ–641-son qarorining 3-bandi beshinchi xatboshisida “instituti” degan soʻz “universiteti” degan soʻz bilan almashtirilsin.

4. Oʻzbekiston Respublikasi Prezidentining “Oʻzbekiston Respublikasi Adliya vazirligi faoliyatini yanada takomillashtirish chora- tadbirlari toʻgʻrisida”gi 2011-yil 23-avgustdagi PQ–1602-son qarorida:

a) 1-ilovaning 8-bandida:

8.12 kichik bandning ikkinchi xatboshisida “institutida” degan soʻz “universitetida” degan soʻz bilan almashtirilsin;

8.16 kichik bandning toʻrtinchi xatboshisida “instituti” degan soʻz “universiteti” degan soʻz bilan almashtirilsin;

b) 2-son ilovada “Toshkent davlat yuridik instituti” degan blok “Toshkent davlat yuridik universiteti” degan blokka almashtirilsin.

5. Oʻzbekiston Respublikasi Prezidentining “Malakali pedagog kadrlar tayyorlash hamda oʻrta maxsus, kasb-hunar taʼlimi muassasalarini shunday kadrlar bilan taʼminlash tizimini yanada takomillashtirishga oid chora-tadbirlar toʻgʻrisida”gi 2012-yil 28-maydagi PQ–1761-son qarori 2-ilovasining 32-bandida “instituti” degan soʻz “universiteti” degan soʻz bilan almashtirilsin.