2472-сон 27.06.2013. Haydovchi va haydovchilikka nomzodlarni transport vositalarini boshqarishga yaroqliligini tekshirish uchun tibbiy koʻrikdan oʻtkazish tartibi toʻgʻrisidagi nizomni tasdiqlash haqida

Oʻzbekiston Respublikasi Sogʻliqni saqlash vazirligi, Oʻzbekiston Respublikasi Ichki ishlar vazirligining qarori, 27.06.2013 yilda ro‘yxatdan o‘tgan, ro‘yxat raqami 2472

Дата вступления в силу

01.07.2013

Рус

Ўзб

O’zb

O‘zb|Рус

Hujjat 28.07.2021 sanasi holatiga

Joriy versiya

PDF-faylidagi rasmiy manba

Oʻzbekiston Respublikasi Sogʻliqni saqlash vazirligi
Oʻzbekiston Respublikasi Ichki ishlar vazirligining

Qarori

Haydovchi va haydovchilikka nomzodlarni transport vositalarini boshqarishga yaroqliligini tekshirish uchun tibbiy koʻrikdan oʻtkazish tartibi toʻgʻrisidagi nizomni tasdiqlash haqida

[Oʻzbekiston Respublikasi Adliya vazirligi tomonidan 2013-yil 27-iyunda roʻyxatdan oʻtkazildi, roʻyxat raqami 2472]

Oʻzbekiston Respublikasi Vazirlar Mahkamasining 2006-yil 2-avgustdagi 156-son “Oʻzbekiston Respublikasida avtomototransport vositalarini va shahar elektr transporti vositalarini boshqarish huquqini berish, haydovchilarni tayyorlash va qayta tayyorlash tartibini takomillashtirish choralari toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2006-y., 31-32-son, 317-modda) muvofiq Oʻzbekiston Respublikasi Sogʻliqni saqlash vazirligi va Ichki ishlar vazirligi qaror qiladi:

1. Haydovchi va haydovchilikka nomzodlarni transport vositalarini boshqarishga yaroqliligini tekshirish uchun tibbiy koʻrikdan oʻtkazish tartibi toʻgʻrisidagi nizom ilovaga muvofiq tasdiqlansin.

2. Mazkur qaror rasmiy eʼlon qilingan kundan eʼtiboran kuchga kiradi.

Sogʻliqni saqlash vaziri A. ALIMOV

Toshkent sh.,

2013-yil 11-iyun,

16-son

Ichki ishlar vaziri B. MATLYUBOV

Toshkent sh.,

2013-yil 11-iyun,

14-son

Oʻzbekiston Respublikasi Sogʻliqni saqlash vazirligi va Ichki ishlar vazirligining 2013-yil 11-iyundagi 16, 14-son qaroriga
ILOVA

Haydovchi va haydovchilikka nomzodlarni transport vositalarini boshqarishga yaroqliligini tekshirish uchun tibbiy koʻrikdan oʻtkazish tartibi toʻgʻrisidagi

NIZOM

Ushbu Nizom “Fuqarolar sogʻligʻini saqlash toʻgʻrisida”gi (Oʻzbekiston Respublikasi Oliy Majlisining Axborotnomasi, 1996-y., 9-son, 128-modda) va “Yoʻl harakati xavfsizligi toʻgʻrisida”gi (Oʻzbekiston Respublikasi qonun hujjatlari toʻplami, 2013-y., 15-son, 197-modda) Oʻzbekiston Respublikasining qonunlari, Vazirlar Mahkamasining 2006-yil 2-avgustdagi 156-son “Oʻzbekiston Respublikasida avtomototransport vositalarini va shahar elektr transporti vositalarini boshqarish huquqini berish, haydovchilarni tayyorlash va qayta tayyorlash tartibini takomillashtirish choralari toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2006-y., 31-32-son, 317-modda) muvofiq haydovchi va haydovchilikka nomzodlarni avtomototransport vositalarini va shahar elektr transporti vositalarini boshqarishga yaroqliligini tekshirish uchun tibbiy koʻrikdan oʻtkazish tartibini belgilaydi.

Ushbu Nizom haydovchi va haydovchilikka nomzodlarni avtomototransport vositalarini va shahar elektr transporti vositalarini boshqarishga yaroqliligini tekshirish uchun tibbiy koʻrikdan oʻtkazish tartibini belgilaydi.

1-bob. Umumiy qoidalar

1. “A”, “B”, “S”, “D” va “E” toifalaridagi avtomototransport vositalari hamda tramvay va trolleybus (bundan buyon matnda transport vositasi deb yuritiladi) haydovchilari va haydovchilikka nomzodlar, ularning sogʻligʻi transport vositalarini boshqarishga yaroqliligini aniqlash maqsadida ushbu Nizomda belgilangan tartibda majburiy ravishda tibbiy koʻrikdan oʻtadilar.

2. Haydovchilar, ushbu bandning ikkinchi xatboshisida koʻrsatib oʻtilgan haydovchilardan tashqari, har ikki yilda bir marotaba tibbiy koʻrikdan oʻtishlari shart.

Tijorat asosida yoʻlovchilarga xizmat koʻrsatish bilan shugʻullanuvchi haydovchilar tibbiy koʻrikdan har yili oʻtadi.

3. Haydovchilikka nomzodlar tegishli toifadagi transport vositasini boshqarish huquqini olish uchun dastlabki tibbiy koʻrikdan, transport vositalarining haydovchilari esa davriy koʻrikdan oʻtkaziladi.

3. Haydovchilikka nomzodlar tegishli toifadagi transport vositasini boshqarish huquqini olish uchun majburiy ravishda dastlabki tibbiy koʻrikdan, transport vositalarining haydovchilari esa majburiy ravishda davriy tibbiy koʻrikdan oʻtkaziladi.

4. Transport vositalarining biron bir toifasini (“A”, “B”, “S”, “D” va “E”) boshqarish huquqiga hamda ushbu toifa boʻyicha tibbiy koʻrikdan oʻtish muddati tugamagan tibbiy xulosaga ega va quyi toifadagi (misol uchun “A” toifa “B” toifaga nisbatan quyi hisoblanadi) transport vositalarini boshqarishga nomzodlar qoʻshimcha koʻrikdan oʻtishlari shart emas.

5. Haydovchilar va haydovchilikka nomzodlarni tibbiy koʻrikdan oʻtkazish Oʻzbekiston Respublikasi Sogʻliqni saqlash vazirligining davlat davolash-profilaktika muassasalari qoshida tashkil etiladigan tibbiy haydovchilik komissiyalari (bundan buyon matnda tibbiy komissiya deb yuritiladi) tomonidan pullik asosida amalga oshiriladi.

Qoshida tibbiy komissiyalar tashkil etiladigan davlat davolash-profilaktika muassasalari hududiy sogʻliqni saqlash boshqarmalari tomonidan belgilanadi.

Nogironligi boʻlgan shaxslarni maxsus uskunalar bilan qayta jihozlangan va avtomat uzatgichli yengil transport vositalarini boshqarishga yaroqliligini aniqlash uchun dastlabki va davriy tibbiy koʻrikdan oʻtkazish tibbiy mehnat ekspert komissiyalari (bundan buyon matnda TMEK deb yuritiladi) tomonidan bepul amalga oshiriladi.

6. Tibbiy komissiya quyidagi tarkibda davlat davolash-profilaktika muassasasi rahbariyati buyrugʻiga asosan tashkil etiladi:

terapevt;

jarroh;

nevropatolog;

oftalmolog;

otorinolaringolog;

ginekolog (xotin-qizlar uchun);

kotib.

5. Haydovchilar va haydovchilikka nomzodlarni tibbiy koʻrikdan oʻtkazish davlat sogʻliqni saqlash tizimidagi davolash-profilaktika muassasalari hamda belgilangan tartibda litsenziyaga ega boʻlgan xususiy tibbiyot tashkilotlari (bundan buyon matnda tibbiyot tashkiloti deb yuritiladi) qoshida tashkil etiladigan tibbiy haydovchilik komissiyalari (bundan buyon matnda tibbiy komissiya deb yuritiladi) tomonidan pullik asosda amalga oshiriladi.

Qoshida tibbiy komissiyalar tashkil etiladigan davlat sogʻliqni saqlash tizimidagi davolash-profilaktika muassasalari hududiy sogʻliqni saqlash boshqarmalari tomonidan belgilanadi.

Nogironligi boʻlgan shaxslarni maxsus uskunalar bilan qayta jihozlangan va avtomat uzatgichli yengil transport vositalarini boshqarishga yaroqliligini aniqlash uchun dastlabki va davriy tibbiy koʻrikdan oʻtkazish davlat sogʻliqni saqlash tizimidagi davolash-profilaktika muassasasining tibbiy komissiyasi tomonidan bepul amalga oshiriladi.

6. Tibbiy komissiya quyidagi tarkibda tibbiyot tashkiloti rahbariyatining buyrugʻiga asosan tashkil etiladi:

terapevt;

narkolog;

psixiatr;

kardiolog;

travmatolog-ortoped;

jarroh;

nevropatolog;

oftalmolog;

kotib.

7. Zarur hollarda, yaʼni tibbiy komissiya shifokorlarining soha yoʻnalishiga tegishli boʻlmagan kasalliklar aniqlanganda, tibbiy komissiya tarkibiga boshqa shifokor mutaxassisi jalb etilishi mumkin.

8. Tibbiy koʻrikdan oʻtkazish muddati uch kalendar kunidan oshmasligi kerak. Murakkab, qoʻshimcha tibbiy tekshiruv talab etiladigan holatlarda ushbu muddat davlat davolash-profilaktika muassasasi rahbari tomonidan asoslangan holda oʻn kalendar kunigacha uzaytirilishi mumkin.

8. Tibbiy koʻrikdan oʻtkazish muddati uch kalendar kunidan oshmasligi kerak. Murakkab, qoʻshimcha tibbiy tekshiruv talab etiladigan holatlarda ushbu muddat tibbiyot tashkiloti rahbari tomonidan asoslangan holda oʻn kalendar kunigacha uzaytirilishi mumkin.

9. Tibbiy koʻrikdan oʻtgan shaxslarga mazkur Nizomning 3-ilovasiga muvofiq 083/h shakldagi tibbiy maʼlumotnoma beriladi va ushbu tibbiy maʼlumotnomada tibbiy koʻrik natijalari koʻrsatib oʻtiladi.

9. Tibbiy koʻrikdan oʻtgan shaxslarga mazkur Nizomning ilovasiga muvofiq 083/h shakldagi elektron tibbiy maʼlumotnoma (bundan buyon matnda 083/h shakldagi tibbiy maʼlumotnoma deb yuritiladi) beriladi va ushbu tibbiy maʼlumotnomada tibbiy koʻrik natijalari koʻrsatib oʻtiladi. Bunda, 083/h shakldagi tibbiy maʼlumotnoma Oʻzbekiston Respublikasi Yagona interaktiv davlat xizmatlari portali orqali yuklab olinadi.

10. Oʻzbekiston Respublikasi Vazirlar Mahkamasining 2006-yil 2-avgustdagi 156-son qarori bilan tasdiqlangan Oʻzbekiston Respublikasida avtomototransport vositalari va shahar elektr transporti vositalari haydovchilarini tayyorlash va qayta tayyorlash bilan shugʻullanuvchi taʼlim muassasalarini hisobga olish, imtihonlarga ruxsat berish va ularni oʻtkazish, haydovchilik guvohnomasini berish tartibi toʻgʻrisidagi nizom (bundan buyon matnda Haydovchilik guvohnomasini berish tartibi toʻgʻrisidagi nizom deb yuritiladi) talablari asosida haydovchilik guvohnomalarini olish uchun haydovchilikka nomzodlar va haydovchilar tomonidan 083/h shakldagi tibbiy maʼlumotnoma koʻrsatiladi.

10. Oʻzbekiston Respublikasi Vazirlar Mahkamasining 2018-yil 31-maydagi 408-son qarori bilan tasdiqlangan Davlat taʼlim muassasalari hamda avtomototransport vositalari va shahar elektr transporti vositalari haydovchilarini tayyorlash, qayta tayyorlash va ularning malakasini oshirish boʻyicha nodavlat taʼlim xizmatlari koʻrsatish faoliyatini amalga oshiruvchi boshqa yuridik shaxslarning oʻquv guruhlarini roʻyxatga olish, shuningdek, imtihonlarni oʻtkazish va milliy haydovchilik guvohnomasini berish tartibi toʻgʻrisidagi nizom (bundan buyon matnda Milliy haydovchilik guvohnomasini berish tartibi toʻgʻrisidagi nizom deb yuritiladi) talablari asosida milliy haydovchilik guvohnomalarini olish uchun haydovchilikka nomzodlar va davriy tibbiy koʻrikdan oʻtadigan haydovchilar tomonidan 083/h shakldagi tibbiy maʼlumotnoma taqdim qilinadi.

2-bob. Tibbiy koʻrikdan oʻtish

11. Tibbiy koʻrikdan oʻtish uchun haydovchilar va haydovchilikka nomzodlar tibbiy komissiyaga quyidagi hujjatlarni taqdim etadi:

pasport yoki shaxsni tasdiqlovchi boshqa hujjat;

3,5 x 4,5 sm oʻlchamdagi ikkita rangli fotosurat;

hududiy ruhiy-asab va narkologik dispanserlari maʼlumotnomasi;

tibbiy koʻrikdan oʻtish uchun toʻlov kvitansiyasi.

11. Tibbiy koʻrikdan oʻtish uchun haydovchilar va haydovchilikka nomzodlar tibbiy komissiyaga pasport yoki identifikatsiyalovchi ID-karta yoxud shaxsni tasdiqlovchi boshqa hujjatni koʻrsatadi.

12. Tibbiy koʻrikdan oʻtuvchi shaxslarga tibbiy komissiya tomonidan alohida ambulator tibbiy karta (025/h shakli) rasmiylashtiriladi va ularning roʻyxati yuritiladi.

13. Tibbiy koʻrikdan oʻtayotgan shaxslar flyuorografik tekshiruvidan, RW qon tekshiruvidan va quyidagi mutaxassislar koʻrigidan oʻtishlari shart:

terapevt;

jarroh;

nevropotolog;

oftalmolog;

otorinolaringolog;

ginekolog (xotin-qizlar uchun).

Tibbiy koʻrikdan oʻtayotgan 55 va undan ortiq yoshdagi shaxslar EKG tekshiruvidan ham oʻtishlari shart.

Oʻtgan bir yil mobaynida flyuorografik tekshiruvidan oʻtgan shaxslar qoʻshimcha ravishda flyuorografik tekshiruvidan oʻtishlari talab etilmaydi. Bunda oxirgi flyuorografik tekshiruvi natijalari taqdim etilishi lozim.

13. Tibbiy koʻrikdan oʻtayotgan shaxslar flyuorografik tekshiruvidan, RW qon tekshiruvidan va Oʻzbekiston Respublikasining “Yoʻl harakati toʻgʻrisida”gi Qonuni bilan tasdiqlangan Transport vositalarini boshqarishga doir tibbiy qarshi koʻrsatmalar roʻyxati (bundan buyon matnda Tibbiy qarshi koʻrsatmalar deb yuritiladi) boʻyicha quyidagi mutaxassislar koʻrigidan oʻtishlari shart:

terapevt;

narkolog;

psixiatr;

kardiolog;

travmatolog-ortoped;

jarroh;

nevropatolog;

oftalmolog.

Tibbiy koʻrikdan oʻtayotgan 55 va undan ortiq yoshdagi shaxslar EKG tekshiruvidan ham oʻtishlari shart.

14. Haydovchilikka nomzodlar va haydovchilar transport vositalari haydovchilarini tayyorlash va qayta tayyorlash bilan shugʻullanuvchi taʼlim muassasalariga oʻqishga kirishidan bir oy oldin tibbiy koʻrikdan oʻtishlari lozim.

15. Haydovchilik guvohnomasini berish tartibi toʻgʻrisidagi nizomning 36-bandiga muvofiq agar hududiy Oʻzbekiston Respublikasi Ichki ishlar vazirligining Davlat yoʻl harakati xavfsizligi xizmati (bundan buyon matnda DYHXX deb yuritiladi) organlari yoki transport tashkilotlaridagi mansabdor shaxslarda haydovchining sogʻligʻiga nisbatan shubha tugʻilgan boʻlsa, unga belgilangan muddatdan oldin kasbiga layoqati boʻyicha tibbiy koʻrikdan qayta oʻtish uchun yoʻllanma berilishi mumkin.

15. Milliy haydovchilik guvohnomasini berish tartibi toʻgʻrisidagi nizomning 35-bandiga muvofiq agar Oʻzbekiston Respublikasi Ichki ishlar vazirligining Davlat yoʻl harakati xavfsizligi xizmati (bundan buyon matnda DYHXX deb yuritiladi) hududiy organlari yoki avtotransport tashkilotlaridagi mansabdor shaxslarda haydovchining sogʻligʻiga nisbatan shubha tugʻilgan boʻlsa, unga belgilangan muddatdan oldin kasbiga layoqati boʻyicha tibbiy koʻrikdan qayta oʻtish uchun yoʻllanma berilishi mumkin.

16. Haydovchilik guvohnomasini berish tartibi toʻgʻrisidagi nizomning 37-bandiga muvofiq agar haydovchi kasbiga layoqati boʻyicha tibbiy koʻrikdan qayta oʻtishdan boʻyin tovlasa yoki u tibbiy komissiya tomonidan transport vositalarini boshqarishga noloyiq deb topilsa unga doir hujjatlar hududiy DYHXX xodimi tomonidan, belgilangan tartibda transport vositasini boshqarish huquqidan mahrum etish masalasini koʻrib chiqish uchun sud idoralariga yuboriladi.

16. Milliy haydovchilik guvohnomasini berish tartibi toʻgʻrisidagi nizomning 36-bandiga muvofiq agar haydovchi kasbiga layoqati boʻyicha tibbiy koʻrikdan qayta oʻtishdan boʻyin tovlasa yoki u tibbiy komissiya tomonidan avtomototransport vositalarini boshqarishga noloyiq deb topilsa unga doir hujjatlar hududiy DYHXX xodimi tomonidan, belgilangan tartibda avtomototransport vositasini boshqarish huquqidan mahrum etish masalasini koʻrib chiqish uchun sud idoralariga yuboriladi.

Haydovchini tibbiy koʻrikdan qayta oʻtkazish haqida qaror hududiy DYHXX boʻlinmalarining boshligʻi yoki guruhlarining katta inspektori, ular boʻlmagan taqdirda ichki ishlar boʻlimi boshligʻi yoki uning oʻrinbosari tomonidan qabul qilinadi.

Haydovchini tibbiy koʻrikdan qayta oʻtkazish haqidagi qaror hududiy yoʻl harakati xavfsizligi boshqarmasi boʻlinmalarining boshligʻi yoki guruhlarining katta inspektori, ular boʻlmaganda esa ichki ishlar boʻlimi boshligʻi yoki uning oʻrinbosari tomonidan qabul qilinadi.

17. Haydovchilik guvohnomasini berish tartibi toʻgʻrisidagi nizomning 38-bandiga muvofiq transport vositalarini mast holda boshqarganligi uchun haydovchilik huquqidan mahrum qilingan shaxslar, haydovchilik guvohnomasini olish uchun mahrum qilish muddatidan qatʼi nazar, majburiy tibbiy koʻrikdan oʻtishlari lozim.

17. Milliy haydovchilik guvohnomasini berish tartibi toʻgʻrisidagi nizomning 37-bandiga muvofiq avtomototransport vositalarini mast holda boshqarganligi uchun boshqarish huquqidan mahrum qilingan shaxslar, milliy haydovchilik guvohnomasini qaytarib olish uchun, mahrum qilish muddatidan qatʼi nazar, maʼmuriy jazo muddati nihoyasiga yetgach, majburiy tibbiy koʻrikdan oʻtishlari shart.

18. Haydovchilik guvohnomasini berish tartibi toʻgʻrisidagi nizomning 55-bandiga muvofiq tibbiy komissiya tomonidan qayta tekshiruvdan oʻtish muddati belgilangan shaxslarga haydovchilik guvohnomasini berishda “Alohida belgilar uchun” katagiga “Tibbiy maʼlumotnoma majburiy” degan muhr qoʻyiladi.

18. Milliy haydovchilik guvohnomasini berish tartibi toʻgʻrisidagi nizomning 53-bandiga muvofiq tibbiy komissiya tomonidan qayta tekshiruvdan oʻtish muddati belgilangan shaxslarga milliy haydovchilik guvohnomasini berishda “Alohida belgilar uchun” joyida “Tibbiy maʼlumotnoma majburiy” degan yozuv kiritiladi.

19. Tibbiy koʻrik oʻtkazilayotgan davlat davolash-profilaktika muassasasida tibbiy koʻrikning ayrim turlarini oʻtkazish imkoni boʻlmagan taqdirda, haydovchi tibbiy komissiyaning qaroriga koʻra boshqa davlat davolash-profilaktika muassasasiga qoʻshimcha tibbiy koʻrikdan pullik asosda oʻtish uchun yuborilishi mumkin. Bunda haydovchiga qaysi davolash-profilaktika muassasasiga borishi, uning joylashgan manzili aniq koʻrsatilishi lozim.

19. Tibbiy koʻrik oʻtkazilayotgan tibbiyot tashkilotida tibbiy koʻrikning ayrim turlarini oʻtkazish imkoni boʻlmagan taqdirda, haydovchi tibbiy komissiyaning qaroriga koʻra boshqa tibbiyot tashkilotiga qoʻshimcha tibbiy koʻrikdan pullik asosda oʻtish uchun yuborilishi mumkin. Bunda, haydovchiga qaysi tibbiyot tashkilotiga borishi, uning joylashgan manzili aniq koʻrsatilishi lozim.

20. Haydovchilarning transport vositalarini boshqarishga yaroqliligini tibbiy koʻrikdan oʻtkazish ushbu Nizomning 1 va 2-ilovalariga muvofiq haydovchilarga nomzodlar va haydovchilarni tibbiy koʻrikdan oʻtkazishda transport vositasini boshqarishga umumiy tibbiy va qoʻshimcha tibbiy moneliklar roʻyxatlariga (bundan buyon matnda tibbiy moneliklar roʻyxatlari deb yuritiladi) asosan amalga oshiriladi.

20. Haydovchilarning transport vositalarini boshqarishga yaroqliligini tibbiy koʻrikdan oʻtkazish Tibbiy qarshi koʻrsatmalar roʻyxatiga asosan amalga oshiriladi.

21. Tibbiy koʻrik natijalari tibbiy komissiya tomonidan ochilgan ambulator tibbiy kartaga (025/h shakli) kiritiladi. Unda haydovchining yoki haydovchilikka nomzodning sogʻligʻi holati aks ettiriladi va tibbiy komissiyaning transport vositasi boshqarishga yaroqliligi toʻgʻrisidagi xulosasi koʻrsatiladi.

22. Tibbiy koʻrikdan oʻtayotgan haydovchi yoki haydovchilikka nomzod transport vositasini boshqarishga yaroqliligi toʻgʻrisidagi xulosani har bir shifokor oʻzining mutaxassisligi boʻyicha tibbiy moneliklar roʻyxatlariga asoslangan holda beradi.

22. Tibbiy koʻrikdan oʻtayotgan haydovchi yoki haydovchilikka nomzod transport vositasini boshqarishga yaroqliligi toʻgʻrisidagi xulosani har bir shifokor oʻzining mutaxassisligi boʻyicha Tibbiy qarshi koʻrsatmalar roʻyxatiga asoslangan holda beradi.

23. Transport vositalarini boshqarishga yaroqsiz deb xulosa qabul qilingan taqdirda shifokor ushbu xulosaga asos boʻlgan tibbiy moneliklar roʻyxatlarining aniq bandlarini koʻrsatadi.

23. Transport vositalarini boshqarishga yaroqsiz deb xulosa qabul qilingan taqdirda shifokor ushbu xulosaga asos boʻlgan Tibbiy qarshi koʻrsatmalar roʻyxatining aniq bandlarini koʻrsatadi.

24. 083/h shakldagi tibbiy maʼlumotnoma transport vositasini boshqarishga yaroqlilik toʻgʻrisidagi asosiy tibbiy hujjat boʻlib, tibbiy komissiya raisi va kotibi tomonidan toʻldiriladi va imzolanadi, tegishli davlat davolash-profilaktika muassasasi muhri bilan tasdiqlanadi.

24. 083/h shakldagi tibbiy maʼlumotnoma transport vositasini boshqarishga yaroqlilik toʻgʻrisidagi asosiy tibbiy hujjat boʻlib, tibbiy komissiya raisi tomonidan toʻldiriladi va tasdiqlanadi.

Haydovchi va haydovchilikka nomzodlar tomonidan taqdim qilingan hujjatlar hamda 083/h shakldagi tibbiy maʼlumotnomalar nusxasi davolash-profilaktika muassasalarida 3 yil saqlanadi.

Haydovchi va haydovchilikka nomzodlar tomonidan taqdim qilingan hujjatlar hamda 083/h shakldagi tibbiy maʼlumotnomalar nusxasi Oʻzbekiston Respublikasi Sogʻliqni saqlash vazirligining maʼlumotlarni saqlash va qayta ishlash markazida (Data center) saqlanadi.

25. Tibbiy moneliklar roʻyxatlarida belgilangan hollarda istisno tariqasida transport vositalarini boshqarishga ruxsat berish (individual yondashuv) tibbiy komissiyalar tomonidan quyidagi asoslarda amalga oshirilishi mumkin:

25. Tibbiy qarshi koʻrsatmalar roʻyxatida belgilangan hollarda istisno tariqasida transport vositalarini boshqarishga ruxsat berish (individual yondashuv) tibbiy komissiyalar tomonidan quyidagi asoslarda amalga oshirilishi mumkin:

kasallik turi boʻyicha ixtisoslashtirilgan davolash-profilaktika muassasasi (boʻlimi) xulosasi asosida;

kasallik turi boʻyicha ixtisoslashtirilgan tibbiyot tashkiloti (boʻlimi) xulosasi asosida;

protez bandlik va mehnat munosabatlari organlari protez ustaxonalarida nazorat koʻrigidan oʻtganligi toʻgʻrisidagi maʼlumotnoma asosida (maxsus uskunalar bilan qayta jihozlangan (qoʻl bilan boshqariladigan) va avtomat uzatgichli yengil transport vositalarini boshqarishga ruxsat etilayotgan chap oyogʻi toʻliq yoki qisman amputatsiya qilingan shaxslarga).

26. Istisno tariqasida ruxsat berilgan taqdirda tibbiy komissiya xulosasi 083/h shakldagi tibbiy maʼlumotnomaga “individual yondashuv asosida ruxsat etilgan” degan yozuv kiritiladi.

27. Istisno tariqasida avtotransport vositalarini boshqarishga ruxsat berilayotgan shaxslarga ruxsat etilgan toʻla vazni 3500 kilogrammdan ortiq boʻlgan, maxsus tovushli va yorugʻlik signallari bilan jihozlangan, yoki xavfli yuklarni, shuningdek yoʻlovchi tashishga moʻljallangan, haydovchi oʻrindigʻidan tashqari oʻrindiqlar soni sakkiztadan ortiq boʻlgan avtomobillarni boshqarish taqiqlanadi.

2¹-bob. Nogironligi boʻlgan shaxslarni maxsus uskunalar bilan qayta jihozlangan va avtomat uzatgichli yengil transport vositalarini boshqarish uchun tibbiy koʻrikdan oʻtkazish

27². Nogironligi boʻlgan shaxslarni TMEKda tibbiy koʻrikdan oʻtkazish muddati 3 kalendar kunidan oshmasligi kerak. Tibbiy koʻrikdan oʻtkazish muddati murakkab, qoʻshimcha tibbiy koʻrik talab etilganda TMEK raisi tomonidan, asoslangan xolda, 14 kalendar kuniga uzaytirilishi mumkin.

27³. TMEK tomonidan tibbiy koʻrikdan oʻtkazish natijalariga koʻra uning raisi va aʼzolari tomonidan imzolanadigan xulosa rasmiylashtiriladi.

27⁴. Nogironligi boʻlgan haydovchilar va haydovchilikka nomzodlar tibbiy koʻrikdan oʻtish uchun ushbu Nizomning 11-bandida belgilangan hujjatlarga nogironlikni belgilovchi TMEK xulosasini ilova qilgan holda umumiy asoslarda tibbiy komissiyaga murojaat qiladilar.

Bunda tibbiy komissiya tomonidan nogironligi boʻlgan shaxsga 083h shaklidagi tibbiy maʼlumotnoma faqat “B” toifasidagi shaxsiy transport vositasini boshqarishga yaroqli yoki yaroqsiz deb beriladi.

27¹. Nogironligi boʻlgan shaxslar maxsus uskunalar bilan qayta jihozlangan va avtomat uzatgichli yengil transport vositalarini boshqarishga yaroqli ekanliklarini aniqlash uchun pasport yoki identifikatsiyalovchi ID-karta yoxud shaxsni tasdiqlovchi boshqa hujjatni koʻrsatgan holda ariza bilan turar joydagi davlat sogʻliqni saqlash tizimidagi davolash-profilaktika muassasasining tibbiy komissiyasiga murojaat qiladi.

27². Nogironligi boʻlgan shaxslarni davlat sogʻliqni saqlash tizimidagi davolash-profilaktika muassasasining tibbiy komissiyasida tibbiy koʻrikdan oʻtkazish muddati 3 kalendar kundan oshmasligi kerak. Tibbiy koʻrikdan oʻtkazish muddati murakkab, qoʻshimcha tibbiy koʻrik talab etilganda davlat sogʻliqni saqlash tizimidagi davolash-profilaktika muassasasining tibbiy komissiyasi rahbari tomonidan, asoslangan xolda, 14 kalendar kuniga uzaytirilishi mumkin.

Davlat sogʻliqni saqlash tizimidagi davolash-profilaktika muassasasining tibbiy komissiyasi tomonidan nogironligi boʻlgan shaxsga 083h shaklidagi tibbiy maʼlumotnoma faqat “B” toifasidagi shaxsiy transport vositasini boshqarishga yaroqli yoki yaroqsiz deb beriladi.

27⁵. Quyidagilar maxsus uskunalar bilan qayta jihozlangan (qoʻl bilan boshqariladigan) uzatgichli yengil transport vositasini boshqarishga tibbiy koʻrsatma hisoblanadi:

harakatning ifodalangan chegaralanishiga sabab boʻladigan oyoq kaft deformatsiyasi;

oyoqning 7 sm va undan ortiqroq kaltaligi;

bir yoki ikkala son suyagining amputatsion choʻltoqligi, choʻltoqlik qaysi qismdan boʻlishi va protezlash imkoniyatidan qatʼiy nazar;

bir yoki ikkala oyoq boldir sohasining amputatsion choʻltoqligi;

bir tomonlama son yoki boldir qismi choʻltogʻi, ikkinchi oyoqning harakat yoki statik faoliyatining ifodalangan darajadagi buzilishi bilan (oyoq panjasining amputatsion choʻltoqligi, deformatsiyasi, qon tomir kasalliklari, yirik periferik nervlarning shikastlanishi va boshqalar);

yurish, oʻtirish faoliyatining buzilishiga olib keluvchi umurtqa pogʻonasi, tos yoki ikkala oyoqlarning turgʻun deformatsiyasi yoki kasalliklari (oyoqlarning ankilozlovchi poliartriti, ogʻir darajadagi kifoskolioz va spondiliti, psevdoartroz, endarterit II va III darajasi, filoyoqlilik va boshqalar);

oʻtirish holati saqlangan pastki oyoqlarning parezi yoki falajligi;

chap oyoq qon tomir va nerv tolalarining shikastlanishi, ifodalangan trofik buzilishlari bilan.

27⁶. Quyidagilar avtomatik transmissiya vositasi yordamida transport vositasini boshqarishga tibbiy koʻrsatma hisoblanadi:

chap qoʻl yoki kaftning yoʻqligi;

chap oyoq yoki oyoq panjasining yoʻqligi;

kaft yoki chap oyoq panjasining deformatsiyasi, harakatning ifodalangan buzilishlari bilan;

chap son yoki boldir choʻltoqligi, bir vaqtning oʻzida chap qoʻlning yoʻqligi;

oʻng kaft barmoq yoki falangalarining yoʻqligi, shuningdek, falangalararo boʻgʻimlarning harakatsizligi (bosh barmoqning 2 ta falangasi yoʻqligi, bosh barmoq saqlangan holda, oʻng qoʻlning ikkita va undan ortiq barmoqlarining yoʻqligi yoki harakatsizligi, yoxud bitta barmoqning keltiruvchi funksiyasining yoʻqligi);

mustaqil harakatlanish layoqatining I va II darajali buzilishi bilan kechuvchi chap tomonlama gemiparez.

3-bob. Tibbiy komissiyalar tomonidan beriladigan hujjatlar

28. Transport vositalarini boshqarishga yaroqli deb topilgan shaxslarga muvofiq 083/h shakldagi tibbiy maʼlumotnoma beriladi. Maʼlumotnoma blanki matni lotin yoki kirill yozuviga asoslangan harflarda poligrafik usulda raqamlangan va himoya darajalarga ega boʻlgan qogʻozda chop etiladi.

28. Transport vositalarini boshqarishga yaroqli deb topilgan shaxslarga 083/h shakldagi tibbiy maʼlumotnoma beriladi. Maʼlumotnomada uning haqiqiy ekanligini tekshirish imkonini beruvchi QR-kod (matrik shtrixli kod) boʻladi.

29. Koʻzoynak yoki eshitish apparati bilan transport vositalarini boshqarishga yaroqli deb topilganda tibbiy maʼlumotnomaning “alohida belgilar” soʻzlaridan soʻng “koʻzoynak (kontakt linza) taqish majburiy” yoki “eshitish apparati majburiy” degan belgi qoʻyiladi.

30. 083/h shakldagi tibbiy maʼlumotnoma unda koʻrsatib oʻtilgan muddatgacha amal qiladi.

31. 083/h shakldagi tibbiy haydovchilik maʼlumotnomasini yoʻqotgan shaxslarga ularning murojaatlariga asosan maʼlumotnomaning dublikati beriladi. Ushbu dublikat asosiy maʼlumotnomaning qolgan koʻrsatilgan muddatigacha beriladi va unga “dublikat” belgisi qoʻyiladi.

32. Haydovchilikka nomzod yoki haydovchi tibbiy komissiya tomonidan tibbiy koʻrik natijalari boʻyicha transport vositasini biron bir toifasini yoki umuman transport vositalarini boshqarishga noloyiq deb topilgan taqdirda unga beriladigan 083/h shakldagi tibbiy maʼlumotnomada ushbu haqida tegishli belgi qoʻyiladi.

4-bob. Tibbiy koʻrikdan oʻtkazish boʻyicha javobgarlik va nizolarni hal qilish

33. Tibbiy koʻrikning sifatli oʻtkazilishiga tibbiy koʻrikdan oʻtkazuvchi davolash-profilaktika muassasasining rahbari javobgar hisoblanadi.

33. Tibbiy koʻrikning sifatli oʻtkazilishiga tibbiy koʻrikdan oʻtkazuvchi tibbiyot tashkilotining rahbari javobgar hisoblanadi.

34. Tibbiy koʻrik natijalari yuzasidan noroziliklar Oʻzbekiston Respublikasi Sogʻliqni saqlash vazirligi tomonidan koʻrib chiqiladi.

35. Tibbiy koʻrikdan oʻtish jarayonida yuzaga keladigan nizolar qonunchilikda belgilangan tartibda hal etiladi.

5-bob. Yakuniy qoidalar

36. Ushbu Nizomning talablarini buzgan aybdor shaxslar qonunchilik hujjatlariga muvofiq javobgarlikka tortiladilar.

37. Ushbu Nizom Oʻzbekiston Respublikasi Mehnat va aholini ijtimoiy muhofaza qilish vazirligi va Oʻzbekiston kasaba uyushmalari Federatsiyasi Kengashi bilan kelishilgan.

Mehnat va aholini ijtimoiy muhofaza qilish vaziri A. XAYITOV

2013-yil 5-iyun

Oʻzbekiston kasaba uyushmalari Federatsiyasi Kengashi raisi T. NARBAYEVA

2013-yil 5-iyun

Haydovchi va haydovchilikka nomzodlarni transport vositalarini boshqarishga yaroqliligini tekshirish uchun tibbiy koʻrikdan oʻtkazish tartibi toʻgʻrisidagi nizomga
1-ILOVA

Haydovchilarga nomzodlar va haydovchilarni tibbiy koʻrikdan oʻtkazishda transport vositasini boshqarishga umumiy tibbiy moneliklar

roʻyxati

1. Organizm faoliyatining turgʻun buzilishlari bilan ifodalangan rivojlanishning tugʻma nuqsonlari, deformatsiyalari, irsiy anomaliyalar.

2. Markaziy va periferik asab tizimi, ichki aʼzolar, suyak – mushak tizimi va biriktiruvchi toʻqimaning tashqi omillar (jarohatlar, nurlanish, termik, kimyoviy va boshqalar) taʼsirida kelib chiqadigan organ va tizimlar funksiyasining yaqqol darajadagi buzilishlariga olib kelgan orqaga qaytarib boʻlmaydigan oqibatlari.

3. Yaqqol darajadagi harakatlanish va sezish, kognitiv va mnestik-intellektual, koordinatsiya va statik buzilishlari bilan kechadigan markaziy asab tizimining turli etiologiyali kasalliklari.

4. Narkolepsiya.

5. Katapleksiya.

6. Es-hushning buzilishlari bilan kechadigan kasalliklar: turli etiologiyadagi epilepsiya va epileptik sindromlar, turli etiologiyadagi sinkopal sindromlar va boshqalar, shu jumladan, reflektor xushdan ketish holatlaridan tashqari remissiya davrining davomiyligidan qatʼi nazar, remissiyada boʻlganlar.

7. Ruhiy-asab kasalliklari dispanserlarida dinamik kuzatuv ostida boʻlishlari shart boʻlgan ogʻir, turgʻun yoki tez-tez oʻtkirlashib turadigan ruhiy kasalliklar. Kayfiyat buzilishining yaqqol ifodalangan shakllari, stress bilan bogʻliq nevrotik, somatoform, xulq-atvorning buzilishlari va shaxs buzilishlari holatlarida ruxsat berish masalasi yakka tartibda (individual ravishda) tibbiy komissiya tomonidan qoʻshimcha jalb etilgan shifokor mutaxassis ishtirokida hal qilinadi.

8. Alkogolizm.

9. Toksikomaniya.

10. Narkomaniya.

11. Inson organizmi faoliyatining moʻtadil va keskin oʻzgarishlari bilan kechadigan endokrin tizimi kasalliklari.

12. Barcha lokalizatsiyalardagi xavfli oʻsmalar. Davolash muolajalari oʻtkazilgandan keyingi holatni baholash yakka tartibda tibbiy komissiya tomonidan qoʻshimcha jalb etilgan shifokor mutaxassis ishtirokida hal qilinadi.

13. Avj olishi bilan va retsidivlovchi kechadigan qon va qon hosil qiluvchi aʼzolari kasalliklari (gemoblastoz, yaqqol darajadagi gemolitik va aplastik kamqonlik, gemorragik diatez va boshqalar).

14. Qon aylanishi yetishmovchiligining II va undan yuqori darajasi va (yoki) zoʻriqish stenokardiyasi II va undan yuqori funksional sinf bilan kechadigan yurak-tomir tizimi kasalliklari; gipertoniya kasalligining III bosqichi yoki III darajasi; yurakda jarrohlik aralashuvidan keyingi qon aylanishi yetishmovchiligining turli darajadagi holatlari; yuqori gradatsiyali yurak aritmiyalari va blokadalari, miokard infarktidan keyingi qon aylanishi yetishmovchiligining II va undan yuqori darajasi, yurak anevrizmasi.

15. Aorta va arteriyalarning barcha boʻlimlarining anevrizmasi.

16. 50 % va undan yuqori okklyuziya yoki qon aylanishining yaqqol darajali buzilishi bilan kechuvchi obliteratsiyalovchi ateroskleroz, tromboangit, aortoarteriit.

17. III-IV darajali surunkali venoz qon-tomir yetishmovchiligi bilan asoratlangan oyoqlarning varikoz va tromboflebit kasalligi.

18. Limfangiit va limfa oqimining III-IV darajali buzilishi.

19. Revmatizm: oʻtkir revmatik isitma hamda II va undan yuqori darajali surunkali yurak yetishmovchiligi bilan asoratlanishi.

20. Bronx-oʻpka tizimi kasalliklarining asorati: oʻpka-yurak va nafas yetishmovchiligi II-III darajasi.

21. Oʻpka silining ochiq va destruktiv shakllari hamda oʻpka bilan bogʻliq boʻlmagan silning bakteriya tashuvchilik bilan kechadigan turlari.

22. Oshqozon va oʻn ikki barmoqli ichak yara kasalligining asoratlanib va surunkali (retsidivlovchi, yaʼni kalendar yilda 3-marta va undan koʻproq) kechishi va asoratining rivojlanishi.

23. II-III darajali jigar yetishmovchiligi yoki portal gipertenziyasi bilan asoratlangan gepatitlar va jigar sirrozlari.

24. Surunkali buyrak yetishmovchiligining II va undan yuqori darajasi bilan asoratlangan buyrak va siydik ayirish yoʻllarining surunkali kasalliklari.

25. Kron kasalligi va nospetsifik yarali kolitning ogʻir kechishi.

26. Organizm faoliyatining III va undan yuqori darajadagi buzilishiga olib keluvchi biriktiruvchi toʻqimaning diffuz kasalliklari va tizimli vaskulitlar.

27. Periferik asab tizimining surunkali kasalliklari va asab-mushak tizimi faoliyatining yaqqol buzilishi bilan kechadigan kasalliklar.

28. Tayanch-harakat tizimi faoliyatining II va undan yuqori darajali buzilishi bilan kechadigan surunkali kasalliklar.

29. Yuqumli va parazitar kasalliklarining surunkali va retsidiv shakllari, davolanishi qiyin yoki samarasiz kechadigan holatlardagi postvaksinal asoratlarning klinik shakllari.

30. Barcha daraja va bosqichdagi glaukoma.

Haydovchi va haydovchilikka nomzodlarni transport vositalarini boshqarishga yaroqliligini tekshirish uchun tibbiy koʻrikdan oʻtkazish tartibi toʻgʻrisidagi nizomga
2-ILOVA

Haydovchilarga nomzodlar va haydovchilarni tibbiy koʻrikdan oʻtkazishda transport vositasini boshqarishga qoʻshimcha tibbiy moneliklar

roʻyxati

Haydovchilik toifalari	Tibbiy moneliklar
“A” toifa	1. Koʻrish oʻtkirligi korreksiya bilan 0,6 dan past yaxshi koʻradigan koʻzda, 0,2 dan past yomonroq koʻradigan koʻzda. Ruxsat etiladigan korreksiya miopiya va gipermetropiya uchun 8,0 D, shu jumladan kontaktli linzalar bilan, astigmatizmda — 3,0 D (sfera va silindrning yigʻindisi 8,0 D-dan oshmasligi kerak). Ikki koʻzdagi linzalar kuchining farqi 3,0 D-dan oshmasligi kerak. 2. Shox pardaning refraksion jarrohlik amaliyotlaridan soʻnggi (keratotomiya, keratomilez, keratokoagulyatsiya, refraksion keratoplastika) 3 oygacha davri yoki asoratlari mavjud va refraksiya +8,0 D dan –8,0 D gacha oshgan holat. 3. Koʻrish faoliyatining jiddiy buzilishlari bilan kuzatiladigan koʻz pardasining surunkali kasalliklari, qovoqlarning turgʻun oʻzgarishlari, shu jumladan, ularning shilliq pardalari, koʻrish va koʻz olmasining harakatini cheklovchi qovoq mushaklarining parezlari. 4. Jarrohlik yoʻli bilan bartaraf qilib boʻlmaydigan koʻz yoshlanishi. 5. Paralitik gʻilaylik va koʻzlarning hamjihat harakatlarining boshqa buzilishlari. 6. Turli etiologiyali gʻilaylik natijasida kelib chiqqan turgʻun diplopiya. 7. Spontan nistagm. 8. Har qanday meridiandagi koʻrish maydonining 20 gradusdan koʻpga cheklanishi. 9. Rang ajratish buzilishlari (monoxromaziya, dixromaziya, protanopiya, deyteranopiya). 10. Toʻr parda va koʻrish nervining degenerativ va distrofik kasalliklari (pigmentli retinit, koʻrish nervining atrofiyasi, toʻr pardaning koʻchishi). 11. Bir qoʻl kafti yoki oyoq panjasining yoʻqligi, shuningdek harakatning jiddiy qiyinlashuviga olib keluvchi qoʻl kafti va oyoq panjasining deformatsiyasi. 12. Qoʻl barmoqlari yoki falangalarning yoʻqligi, shuningdek qoʻldagi falangalararo boʻgʻimlarning harakatsizligi: oʻng yoki chap qoʻl bosh barmogʻining ikki falangasini yoʻqligi; oʻng qoʻldagi ikkita yoki undan ortiq barmoqlar yoʻqligi yoki harakatsizligi, yoki bir barmoqda boʻlsa ham toʻliq buklanib tirishish. chap qoʻldagi uchta yoki undan ortiq barmoqlar yoʻqligi yoki harakatsizligi, yoki bir barmoqda boʻlsa ham toʻliq buklanib tirishish. 13. Oyoqlarning 6 sm va undan ortiqroq kaltalanishi. Oyoqning uzunligi 75 sm dan ortiqroq (tovon suyagidan son suyagi katta koʻstining oʻrtasigacha) boʻlsa, oyoq suyaklari, yumshoq toʻqimalari va boʻgʻimlarida defektlar mavjud boʻlmasa va harakatlar hajmi saqlangan boʻlsa tekshiriluvchilar yaroqli deb hisoblanishi mumkin. 14. Yaqqol nevrologik simptomatikasi bilan kechadigan kalla suyaklarining travmatik deformatsiyalari va defektlari. 15. Bir quloqning toʻliq karligi, ikkinchi quloqning soʻzlashuv nutqini 3 metrdan kam masofada, pichirlash nutqini 1 metr masofada qabul qilishi holatlarida, yoki soʻzlashuv nutqini har bir quloqda 2 metrdan kam boʻlgan masofada qabul qilishi. 16. Xolesteatoma, granulyatsiya yoki polip (epitimpanit) bilan asoratlangan oʻrta quloqning bir tomonlama yoki ikki tomonlama surunkali yiringli yalligʻlanishi. Fistula simptomining mavjudligi. 17. Surunkali yiringli mastoidit, mastoidektomiyadan keyingi asoratlar (kista, oqma yara). 18. Vestibulyar analizatori faoliyatini buzilishiga olib keluvchi turli etiologiyadagi kasalliklar, bosh aylanishi sindromi, nistagm (Menyer kasalligi, labirintitlar, turli etiologiyadagi vestibulyar krizlar va boshqalar). 19. Bachadon va qinning tushishi, rektovaginal va qovuq-qin oqma yaralari, toʻgʻri ichak sfinkteri butunligining buzilishi, moyak yoki urugʻ tizimchasining istisqosi, harakatni chegaralovchi churralar.
“B” toifa	1. Koʻrish oʻtkirligi korreksiya bilan 0,6 dan past yaxshi koʻradigan koʻzda, 0,2 dan past yomonroq koʻradigan koʻzda. Taksi haydovchilari va operativ xizmat transport vositalari haydovchilari (tez tibbiy yordam, yongʻin xavfsizligi, militsiya, avariya-qutqaruv xizmati, harbiy avtomobil noziri) uchun koʻrish oʻtkirligi korreksiya bilan 0,8 dan past bir koʻzda, ikkinchi koʻzda 0,4 dan past. Ruxsat etiladigan korreksiya miopiya va gipermetropiya uchun 8,0 D, shu jumladan kontaktli linzalar bilan, astigmatizmda — 3,0 D (sfera va silindrning yigʻindisi 8,0 D-dan oshmasligi kerak). Ikki koʻzdagi linzalar kuchining farqi 3,0 D-dan oshmasligi kerak. 2. “A” toifaning 2 — 19-bandlariga qaralsin. 3. 150 sm dan past boʻlgan boʻy.
“S” toifa	1. Koʻrish oʻtkirligi korreksiya bilan 0,8 dan past yaxshi koʻradigan koʻzda, 0,4 dan past yomonroq koʻradigan koʻzda. Ruxsat etiladigan korreksiya miopiya va gipermetropiya uchun 8,0 D, shu jumladan kontaktli linzalar bilan, astigmatizmda — 3,0 D (sfera va silindrning yigʻindisi 8,0 D-dan oshmasligi kerak). Ikki koʻzdagi linzalar kuchining farqi 3,0 D-dan oshmasligi kerak. 2. “A” toifaning 2 — 19-bandlariga qaralsin. 3. 160 sm dan past boʻlgan boʻy. 4. Umumiy jismoniy rivojlanishi past.
“D” toifa	1. “S” toifaning 1 — 4-bandlariga qaralsin. 2. Yoʻlovchi transporti uchun — nutq buzilishlari va logonevroz (duduqlanish)ning ogʻir shakllari.
“E” toifa	1. Tirkama ulanadigan “B”, “S” yoki “D” toifali transportga taalluqli tibbiy moneliklar. 2. Oyoqlarning birining 6 sm va undan ortiqroq kaltalanishi.
Tramvay, trolleybus boshqarish	1. “S” toifaning 1 — 4-bandlariga qaralsin. 2. Yurak ritmning sunʼiy implantant boshqaruvi.
Konstruktiv tavsiflar boʻyicha belgilangan transport vositalarini boshqarish moneliklari (nogironlar uchun qoʻl bilan boshqariladigan avtomobil va motoaravachalar)	1. “A” toifaning 1 — 10-bandlariga qaralsin. 2. Bir qoʻl kafti yoki oyoq panjasining yoʻqligi, shuningdek harakatning jiddiy qiyinlashuviga olib keluvchi qoʻl kafti va oyoq panjasining deformatsiyasi (transport vositasiga tegishli konstruktiv moslamalar oʻrnatilgan holatlar bundan istisno). 3. Qoʻl barmoqlari yoki falangalarning yoʻqligi, shuningdek qoʻldagi falangalararo boʻgʻimlarning harakatsizligi: oʻng yoki chap qoʻl bosh barmogʻining ikki falangasining yoʻqligi; oʻng qoʻldagi ikkita yoki undan ortiq barmoqlar yoʻqligi yoki harakatsizligi, yoki bir barmoqda boʻlsa ham toʻliq buklanib tirishish. chap qoʻldagi uchta yoki undan ortiq barmoqlar yoʻqligi yoki harakatsizligi, yoki bir barmoqda boʻlsa ham toʻliq buklanib tirishish (kaft kuchi va ushlab olish faoliyati saqlangan holatlar bundan istisno). 4. “A” toifaning 14 — 19-bandlariga qaralsin.

Haydovchi va haydovchilikka nomzodlarni transport vositalarini boshqarishga yaroqliligini tekshirish uchun tibbiy koʻrikdan oʻtkazish tartibi toʻgʻrisidagi nizomga
3-ILOVA

‎‎format A-5
				‎	‎	‎‎083/h shakldagi tibbiy
Oʻzbekiston Respublikasi				‎	‎	‎‎maʼlumotnoma
‎‎Sogʻliqni saqlash vazirligi‎					‎	‎	‎	‎	‎
‎‎___________________________				‎	‎	‎	‎	‎	‎
‎(muassasa nomi)				‎	‎	‎	‎	‎	‎
‎	‎	‎	‎	‎	‎	‎	‎	‎	‎
Haydovchining (haydovchilikka nomzodning) ‎ tibbiy koʻrikdan oʻtkazish natijalari boʻyicha ‎MAʼLUMOTNOMA
‎	‎	‎	‎	‎	‎	‎	‎	‎	‎
Familiyasi _________________________________
Ismi ______________________________________
Otasining ismi _____________________________
Tugʻilgan sanasi va yoshi _______________________
Yashash joyi _____________________________________________________________‎‎
Ish joyi ________________________________________________________________
Tibbiy koʻrikdan oʻtkazish sanasi 20___ yil “____” _____________________________
‎	‎	‎	‎	‎	‎	‎	‎	‎	‎
‎‎Tibbiy koʻrik natijalari boʻyicha ‎XULOSA
‎	‎	‎	‎	‎	‎	‎	‎	‎	‎
1. “A” toifadagi transport vositasini boshqarishga ____________________________.
2. “B” toifadagi transport vositasini boshqarishga _____________________________.
3. “S” toifadagi transport vositasini boshqarishga _____________________________.
4. “D” toifadagi transport vositasini boshqarishga _____________________________.
5. “E” toifadagi transport vositasini boshqarishga _____________________________.
6. Tramvay boshqarishga __________________.
‎‎7. Trolleybus boshqarishga __________________.
‎‎8. Yollanib ishlashga __________________.
‎‎9. Alohida belgilar _______________________________________________________
‎‎_______________________________________________________________
‎‎_______________________________________________________________

‎‎Ushbu maʼlumotnomani amal qilish muddati ‎						‎‎20____ yil “____” ________gacha.
‎	‎	‎	‎	‎	‎	‎	‎	‎	‎
3,5 x 4,5 rasm		‎					‎	‎	‎
		‎	Komissiya raisi ‎‎		(F.I.O.)		‎‎__________________
		‎	‎	‎	‎	‎	(imzo)
		‎
		‎	‎‎Kotib		‎‎(F.I.O.)		‎‎__________________
‎	‎	M.Oʻ. ‎	‎	‎	‎	‎	‎‎(imzo)

* Xulosaning 1 — 8-bandlari toʻgʻrisiga yaroqli yoki yaroqsiz degan belgi qoʻyiladi.

Haydovchi va haydovchilikka nomzodlarni transport vositalarini boshqarishga yaroqliligini tekshirish uchun tibbiy koʻrikdan oʻtkazish tartibi toʻgʻrisidagi nizomga
ILOVA

OʻZBEKISTON RESPUBLIKASI SOGʻLIQNI SAQLASH VAZIRLIGI		(Oʻzbekiston Respublikasi davlat gerbining tasviri)				OʻZBEKISTON RESPUBLIKASI SOGʻLIQNI SAQLASH VAZIRLIGI
Haydovchining (haydovchilikka nomzodning) tibbiy koʻrikdan oʻtkazish natijalari boʻyicha MAʼLUMOTNOMA
№
Tibbiy muassasa nomi:
			^{(Tibbiy koʻrik oʻtkazuvchi tashkilotning nomi)}
F.I.O.
			^{(Oluvchining F.I.O.)}
JSHSHIR
			^{(Jismoniy shaxsning shaxsiy identifikatsiya raqami)}
Pasport yoki ID-karta seriyasi va raqami
			^{(Seriya va raqam)}
Tugʻilgan sanasi va yoshi
			^{(kk.oo.yyyy (yosh))}
Yashash joyi
			^{(Doimiy roʻyxatdan oʻtgan manzili)}
Ish joyi
			^{(Tashkilot nomi)}
Tibbiy koʻrikdan oʻtkazish sanasi
			^(kk.oo.yyyy)
Tibbiy koʻrik natijalari boʻyicha XULOSA*
1. “A” toifadagi transport vositasini boshqarishga
2. “B” toifadagi transport vositasini boshqarishga
3. “C” toifadagi transport vositasini boshqarishga
4. “D” toifadagi transport vositasini boshqarishga
5. “E” toifadagi transport vositasini boshqarishga
6. Tramvay boshqarishga
7. Trolleybus boshqarishga
8. Yollanib ishlashga
9. Alohida belgilar

Ushbu maʼlumotnomaning amal qilish muddati					kk.oo.yyyy gacha.

Komissiya raisi (F.I.O)
Hujjatni imzolagan tibbiy komissiya tarkibi				^(F.I.O.)

(Hujjatning haqiqiyligini tasdiqlovchi QR-kod)	(Hujjat noyob raqami)		QR-kod skaner qilinganda, ushbu hujjatning nusxasi Oʻzbekiston Respublikasi Sogʻliqni saqlash vazirligining rasmiy axborot resursidan ssv.uz domeni orqali generatsiya qilinadi. 083/h shakldagi tibbiy maʼlumotnoma

* Xulosaning 1 — 8-bandlari toʻgʻrisiga yaroqli yoki yaroqsiz degan belgi qoʻyiladi.

Вид

Вид