LexUZ sharhi
Mazkur Farmon O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
Respublikada turizm sohasi bo‘yicha yuqori malakali mutaxassis kadrlar tayyorlash, qayta tayyorlash va malakasini oshirish, turizmning iqtisodiy salohiyatini mustahkamlash va uning samaradorligini yanada oshirish maqsadida:
1. 1999-2000 o‘quv yilidan boshlab turizm sohasi bo‘yicha oliy ma’lumotli kadrlar tayyorlash Toshkent davlat iqtisodiyot universitetida mujassamlashtirilsin.
2. O‘zbekiston Respublikasi Prezidentining 1999-yil 15-apreldagi “2005-yilgacha bo‘lgan davrda O‘zbekistonda turizmni rivojlantirish Davlat dasturi to‘g‘risida”gi Farmonining 4-bandi o‘z kuchini yo‘qotgan deb hisoblansin.
3. O‘zbekiston Respublikasi Vazirlar Mahkamasi bir hafta muddat ichida mazkur Farmon yuzasidan qaror qabul qilsin.