№ | Tojikiston Respublikasi o‘tkazish punktlarining nomi | Tojikiston Respublika sida joylashgan hududi | O‘zbekiston Respublikasi o‘tkazish punktlarining nomi | O‘zbekiston Respublikasida joylashgan hududi | O‘tkazish punktlarining statusi | Rejim raboti |
1 | 2 | 3 | 4 | 5 | 6 | 7 |
1 | AYVAJ | Xatlon viloyati, | GULBAHOR | Surxondaryo viloyati, | Xalqaro | Kechayu-kunduz |
2 | BRATSTVO | Tursunzoda | SARIOSIYE | Surxondaryo viloyati, | Xalqaro | Kechayu-kunduz |
3 | FOTEHOBOD | So‘g‘d viloyati, | OYBEK | Toshkent viloyati, | Xalqaro | Kechayu-kunduz |
4 | PATAR | So‘g‘d viloyati, | ANDARXON | Farg‘ona viloyati, | Xalqaro | Kechayu-kunduz |
5 | SARAZM | So‘g‘d viloyati, | JARTEPA | Samarqand viloyati, | Xalqaro | Kechayu-kunduz |
6 | KONIBODOM | So‘g‘d viloyati, | ANDARXON | Farg‘ona viloyati, | Xalqaro | Kechayu-kunduz |
7 | NOV | So‘g‘d viloyati, | BEKOBOD | Toshkent viloyati, | Xalqaro | Kechayu-kunduz |
8 | HOShADI | Xatlon viloyati, | AMUZANG | Surxondaryo viloyati, | Xalqaro | Kechayu-kunduz |
9 | PAXTAOBOD | Tursunzoda | UZUN | Surxondaryo viloyati, | Xalqaro | Kechayu-kunduz |
10 | RAVOT | So‘g‘d viloyati, | RAVOT | Farg‘ona viloyati, | Ikki taraflama | Kunning yorug‘ vaqti |
11 | XAShTYAK | So‘g‘d viloyati, | BEKOBOD | Sirdaryo viloyati, | Ikki taraflama | Kunning yorug‘ vaqti |
12 | NAVBUNED | So‘g‘d viloyati, | POP | Namangan viloyati, | Ikki taraflama | Kunning yorug‘ vaqti |
13 | QUShTEGIRMON | So‘g‘d viloyati, | PLOTINA | Toshkent viloyati, | Ikki taraflama* | Kunning yorug‘ vaqti |
14 | ZAFAROBOD | So‘g‘d viloyati, | XOVOSTOBOD | Sirdaryo viloyati, | Ikki taraflama | Kunning yorug‘ vaqti |
15 | XAVOTOG‘ | So‘g‘d viloyati, | UChTURGAN | Jizzax viloyati, | Ikki taraflama | Kunning yorug‘ vaqti |
16 | URA-TEPA | So‘g‘d viloyati, | QUShKENT | Jizzax viloyati, | Ikki taraflama | Kunning yorug‘ vaqti |
17 | BOBOTOG‘ avtomobil yo‘li | Surxondaryo viloyati Uzun tumani | HISOR avtomobil yo‘li | Hisor shahri | Ikki tomonlama | Kunning yorug‘ vaqti |
O‘zbekiston Respublikasi Hukumati bilan Tojikiston Respublikasi Hukumati o‘rtasida Bitim
Дата вступления в силу
05.06.2002
Рус
Ўзб
O’zb
O‘zb|Рус
Hujjat 01.03.2019 sanasi holatiga
Amaldagi versiyaga o‘tish |
LexUZ sharhi
Mazkur Bitim O‘zbekiston Respublikasi Vazirlar Mahkamasining 2002-yil 30-maydagi 186-sonli “Hukumatlararo bitimni tasdiqlash to‘g‘risida”gi qarori bilan tasdiqlangan.
O‘zbekiston Respublikasi Hukumati bilan Tojikiston Respublikasi Hukumati, bundan keyin Tomonlar deb ataluvchilar,
O‘zbekiston Respublikasi bilan Tojikiston Respublikasi o‘rtasida fuqarolarning o‘zaro kelib-ketishlari to‘g‘risida 2000-yil 16-mayda Dushanbe shahrida imzolangan Bitimni rivojlantirib,
O‘zbekiston Respublikasi bilan Tojikiston Respublikasi o‘rtasida aloqalarni rivojlantirish uchun qulay shart-sharoitlarni yaratish maqsadida,
O‘zbekiston—Tojikiston davlat chegaralaridan fuqarolar, transport vositalari, yuk, tovar, hayvonlar va boshqa mulkni o‘tkazish tartibini takomillashtirish zarurligiga asoslanib,
noqonuniy migratsiya, qurol-yarog‘, giyohvandlik vositalari, psixotrop moddalar va prekursorlar kontrabandasini fosh qilish hamda oldini olish, shuningdek epidemiya va epizootiyaning tarqalishini bartaraf qilish bo‘yicha chora-tadbirlarni birgalikda va o‘z vaqtida olib borish zarurligini tan olib,
O‘zbekiston—Tojikiston davlat chegarasi orqali shaxslar va transport vositalarining kesib o‘tishi, shuningdek yuk, tovar, hayvonlar hamda boshqa mulkning harakatlanishi uchun Tomonlar ushbu Bitimning ajralmas qismi hisoblanadigan Ilovasi ko‘zda tutilgan davlat chegarasi orqali xalqaro va ikki tomonlama o‘tish punktlarini (bundan keyin — o‘tkazish punktlari deb ataladi) belgilaydilar.
Tomonlar davlatlarning milliy qonunchiliklariga muvofiq Tomonlar davlatlari fuqarolarining yengillashtirilgan o‘tkazish punktlari belgilanishi mumkin.
Xalqaro o‘tkazish punktlari shaxslar, transport vositalari, tovarlar, yuk, hayvonlar va boshqa mulkning o‘tishini amalga oshiradi.
Ikki tomonlama o‘tkazish punktlari Tomonlar davlatlarining fuqarolari, transport vositalari, tovarlar, yuk, hayvonlar va boshqa mulkning o‘tishini amalga oshiradi.
Yengillashtirilgan o‘tkazish punktlari Tomonlar davlatlari fuqarolarining O‘zbekiston — Tojikiston davlat chegarasi orqali piyoda o‘tishini ta’minlaydi.
Tomonlar davlatlarining fuqarolari O‘zbekiston Respublikasi Hukumati bilan Tojikiston Respublikasi o‘rtasida fuqarolarning o‘zaro kelib-ketishlari to‘g‘risida 2000-yil 16-mayda Dushanbe shahrida imzolangan Bitimda ko‘zda tutilgan shartlar asosida amaldagi o‘tkazish hujjatlar bo‘yicha ushbu Bitimda ko‘zda tutilgan o‘tkazish punktlari orqali Tomonlar davlatlarining hududlaridan hududlariga kiradilar va chiqadilar.
O‘tkazish punktlarining ishi (ish tartibi) kechayu-kunduz yoxud Tomonlarning ahdlashuvlariga muvofiq ushbu Bitimning Ilovasiga ko‘ra kunning yorug‘ vaqtida amalga oshiriladi.
Ish tartibiga rioya qilish ustidan nazorat qilish, shuningdek fuqarolar, transport vositalari, tovarlar, yuklar, boshqa mulk va hayvonlarni o‘tkazish tartibi Tomonlar davlatlarining chegara va bojxona idoralarining kelishuvi bo‘yicha belgilanadi.
O‘tkazish punktlarida fuqarolar, transport vositalari, yuklar, tovarlar, hayvonlar va boshqa mulkni chegara, bojxona va zarur hollarda, boshqa turdagi nazorat qilish (bundan keyin — “nazorat” deb ataladi), Tomonlarning milliy qonunchiliklari hamda ular ishtirok etgan xalqaro shartnomalarga muvofiq amalga oshiriladi
Birgalikdagi nazoratni tashkil etish va amalga oshirish tartibi Tomonlarning chegara hamda bojxona idoralari o‘rtasida alohida ahdlashuvlar orqali belgilanadi.
O‘tkazish punktlarining tegishli faoliyatini ta’minlash uchun Tomonlarning har biri o‘z davlatining hududida zarur infratuzilmani yaratadi.
O‘tkazish punktlarining (jumladan yengillashtirilganlari ham) yangilarini ochish, mavjud bo‘lganlarini yopish yoki ularning maqomi va ish tartibini o‘zgartirishni Tomonlar diplomatik kanallar orqali kelishib oladilar va ushbu Bitimning ajralmas qismi hisoblanadigan alohida bayonnomalar bilan rasmiylashtiriladi.
Favqulodda holatlarda (epidemiya, epizootiya, tabiiy ofatlar va h.k.), Tomonlarning qarorlariga ko‘ra fuqarolar, transport vositalari, tovarlar, yuklar, hayvonlar va boshqa mulkning chegara orqali o‘tkazilishi vaqtincha to‘xtatib qo‘yilishi mumkin.
Bunda bunday choralarni qo‘llayotgan Tomon oldindan lekin 24 soatdan kechiktirmasdan boshqa Tomonni bunday choralar qo‘llangani to‘g‘risida boshqa Tomonni xabardor qiladi.
Ushbu Bitim Tomonlar ishtirok etgan boshqa xalqaro shartnomalari bo‘yicha huquq va majburiyatlariga daxl qilmaydi.
Tomonlarning o‘zaro roziliklariga ko‘ra ushbu Bitimga o‘zgartish va qo‘shimchalar kiritilishi mumkin. Ular ushbu Bitimning ajralmas qismi hisoblanadi va alohida bayonnomalar orqali rasmiylashtiriladi.
Ushbu Bitimning qoidalarini qo‘llash va talqin qilish borasida bahs va kelishmovchiliklar yuzaga kelgan holda, Tomonlar ularni muzokaralar o‘tkazish orqali hal qiladilar.
Ushbu Bitim Tomonlar uning kuchga kirishi uchun zarur bo‘lgan davlat ichki protseduralarini bajarilganliklari to‘g‘risida oxirgi yozma xabarnoma olingan sanadan boshlab kuchga kiradi va 5 yil davomida amal qiladi. Tomonlardan birontasi boshqa Tomonni ushbu Bitim faoliyatini to‘xtatish niyati to‘g‘risida navbatdagi besh yillik muddat tugashidan kamida 6 oy ilgari yozma xabarnoma yubormasa, u o‘z-o‘zidan keyingi besh yillik muddatlarga uzayaveradi.
Toshkent shahrida 2002-yil 12-fevralda ikki nusxada, har biri o‘zbek, tojik va rus tillarida tuzildi, bunda barcha matnlar bir xil kuchga ega.
O‘zbekiston Respublikasi Hukumati bilan Tojikiston Respublikasi Hukumati o‘rtasida davlat chegaralaridan o‘tkazish punktlari to‘g‘risida Bitimga ILOVA
Oldingi tahrirga qarang.
(ilova O‘zbekiston Respublikasi Hukumati va Tojikiston Respublikasi Hukumati o‘rtasidagi 2018-yil 17-avgustdagi Bayonnoma tahririda — O‘zbekiston Respublikasi uchun 2019-yil 1-martdan kuchga kiradi)