Oʻzbekiston Respublikasi Prezidentining “Oʻzbekiston Respublikasida pasport tizimini takomillashtirishga doir qoʻshimcha chora-tadbirlar toʻgʻrisida” 2011-yil 5-yanvardagi PF-4262-son Farmonini bajarish yuzasidan Vazirlar Mahkamasi qaror qiladi:

1. Oʻzbekiston Respublikasi fuqarosining biometrik pasportini va 16 yoshga toʻlmagan shaxslar uchun fuqaroligi boʻlmagan shaxslarning harakatlanish hujjatini berish tartibi toʻgʻrisidagi nizom 1-ilovaga muvofiq tasdiqlansin.

2. Vazirlar Mahkamasining 2000-yil 30-dekabrdagi 519-son qarori bilan tasdiqlangan Oʻzbekiston Respublikasining 16 yoshga toʻlmagan fuqarosi guvohnomasini rasmiylashtirish va berish tartibi toʻgʻrisidagi Nizom 2015-yil 31-dekabrgacha amal qilishi maʼlumot uchun qabul qilinsin.

3. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirish va qoʻshimchalar kiritilsin.

4. Vazirliklar va idoralar bir oy muddatda oʻz idoraviy normativ-huquqiy hujjatlarini ushbu qarorga muvofiqlashtirsinlar.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari A.N. Aripov va E.M. Gʻaniyev zimmasiga yuklansin.

1. Ushbu Nizom Oʻzbekiston Respublikasi Prezidentining 2011-yil 5-yanvardagi PF-4262-son Farmoni bilan tasdiqlangan Oʻzbekiston Respublikasida pasport tizimi toʻgʻrisidagi Nizomga muvofiq ishlab chiqilgan hamda Oʻzbekiston Respublikasi fuqarosining biometrik pasportini (keyingi oʻrinlarda pasport deb ataladi) berish tartibini va 16 yoshga toʻlmagan shaxslar uchun fuqaroligi boʻlmagan shaxslarning biometrik harakatlanish hujjatini (keyingi oʻrinlarda harakatlanish hujjati deb ataladi) berish tartibini va Oʻzbekiston Respublikasi fuqarolariga chet elga chiqishi uchun va 16 yoshga toʻlmagan fuqaroligi boʻlmagan shaxslarga ularning chet elga chiqishida ruxsatnomani rasmiylashtirishni tartibga soladi.

2. 16 yoshga toʻlmagan Oʻzbekiston Respublikasi fuqarosi (keyingi oʻrinlarda fuqaro deb ataladi), shuningdek 16 yoshga toʻlmagan fuqaroligi boʻlmagan shaxslar (keyingi oʻrinlarda fuqaroligi boʻlmagan shaxs deb ataladi) chet elga chiqqanda ularning ota-onalari, vasiylari (homiylari), muassasalar va tashkilotlar vakillari ushbu Nizomning 15-bandida (“b” kichik band bundan mustasno) nazarda tutilgan hollarda fuqarolar va fuqaroligi boʻlmagan shaxslar doimiy roʻyxatdan oʻtgan joyidagi Oʻzbekiston Respublikasi Ichki ishlar vazirligining Kirish va chiqish hamda fuqarolikni rasmiylashtirish boshqarmasining hududiy boʻlinmalariga (keyingi oʻrinlarda maʼlumotlarni yigʻish punktlari deb ataladi) murojaat qiladilar.

Oʻzbekiston Respublikasi fuqarolarining kirish uchun kirish vizalarini rasmiylashtirish talab qilinmaydigan MDH mamlakatlariga chiqishida chet elga chiqish uchun ruxsatnoma yozuvi stikerini rasmiylashtirish talab qilinmaydi.

3. Oʻzbekiston Respublikasining chet eldagi konsullik muassasalarida (keyingi oʻrinlarda maʼlumotlarni yigʻish punkti deb ataladi) doimiy yoki vaqtincha konsullik hisobida turgan fuqarolar va fuqaroligi boʻlmagan shaxslar pasportni yoki harakatlanish hujjatini rasmiylashtirish uchun ushbu Nizomning 15-bandida (“a” kichik band bundan mustasno) nazarda tutilgan hollarda chet eldagi konsullik hisobida turish joyidagi tegishli maʼlumotlarni yigʻish punktiga murojaat qiladilar.

Bunda voyaga yetmagan shaxslar nomidan ularning ota-onalari, vasiylari (homiylari), muassasalar va tashkilotlar vakillari tegishli iltimosnomalar bilan murojaat qiladilar.

4. Oʻzbekiston Respublikasining chet eldagi konsullik muassasalarida doimiy konsullik hisobida turgan va Oʻzbekiston Respublikasiga vaqtincha kelayotgan fuqarolar va fuqaroligi boʻlmagan shaxslar ushbu Nizomning 15-bandida (“b” kichik band bundan mustasno) nazarda tutilgan hollarda, pasport hamda harakatlanish hujjatini olish va almashtirish uchun Oʻzbekiston Respublikasi Tashqi ishlar vazirligiga murojaat qiladilar.

Bunda voyaga yetmagan shaxslar nomidan ularning ota-onalari, vasiylari (homiylari), muassasalar va tashkilotlar vakillari tegishli iltimosnomalar bilan murojaat qiladilar.

5. Oʻzbekiston Respublikasi hududida pasport va harakatlanish hujjati Oʻzbekiston Respublikasi Vazirlar Mahkamasi huzuridagi Davlat personallashtirish markaziga (keyingi oʻrinlarda DPM deb ataladi) buyurtmanoma joʻnatilgandan keyin oʻn ish kuni mobaynida, chet elda — oʻn besh ish kuni mobaynida, belgilangan tartibda maʼlumotlarni yigʻish punktida beriladi.

Pasport yoki harakatlanish hujjati yoʻqotib qoʻyilganda yangi pasport yoki harakatlanish hujjati yoʻqotib qoʻyilganlik toʻgʻrisida ariza berilgan kundan boshlab bir oy mobaynida beriladi.

6. Pasport va harakatlanish hujjati ushbu hujjatlarni olish haqida iltimosnoma bergan ota-onalarga, vasiylarga (homiylarga), muassasalar va tashkilotlar vakillariga beriladi.

7. Pasport va harakatlanish hujjati quyidagi amal qilish muddati bilan rasmiylashtiriladi:

tugʻilgan paytidan boshlab bir yoshga toʻlgunigacha — ikki yil muddatga;

bir yoshdan oʻn olti yoshga toʻlgunigacha — besh yil muddatga.

Bunda pasport va harakatlanish hujjatining amal qilish muddati fuqaro yoki fuqaroligi boʻlmagan shaxsning 16 yoshidan ortiq boʻlmasligi kerak.

Istisno hollarda fuqaroning pasporti, agar respublikadan tashqariga chiqish paytida uning yoshi 15 yoshdan katta boʻlsa, oʻn yil muddatga berilishi mumkin. Bunda ota-onalar, vasiylar (homiylar), muassasalar va tashkilotlar vakillari fuqaroning bir yildan ortiq muddatga chiqishi holatini (oʻqish, davolanish, xalqaro sport musobaqalarida, madaniy va boshqa tadbirlarda qatnashish, doimiy yashash va shu kabilar) tasdiqlaydigan tegishli hujjatlarni taqdim etishlari kerak.

16 yoshga toʻlmagan shaxsning pasporti yoki harakatlanish hujjati amal qilish muddati tamom boʻlgandan keyin bir oy muddatdan kechikmay maʼlumotlarni yigʻish punktiga majburiy tartibda topshiriladi.

8. Pasport va harakatlanish hujjati fuqaroning va fuqaroligi boʻlmagan shaxsning shaxsini tasdiqlaydigan hujjatlar hisoblanadi hamda jahonning istalgan mamlakatiga chiqish uchun haqiqiydir.

9. Pasport va harakatlanish hujjati blankalari qatʼiy hisob beriladigan hujjatlar hisoblanadi.

Pasport va harakatlanish hujjati blankalari “Davlat belgisi” davlat ishlab chiqarish birlashmasida tayyorlanadi, DPMda personallashtiriladi va yoʻq qilinadi, maʼlumotlarni yigʻish punktlarida egalariga beriladi.

10. Pasport va harakatlanish hujjati belgilangan namuna boʻyicha tayyorlanadi hamda oʻzbek va ingliz tillarida, Qoraqalpogʻiston Respublikasi uchun esa — qoraqalpoq, oʻzbek va ingliz tillarida personallashtiriladi.

11. Pasport yoki harakatlanish hujjati blankasiga quyidagi asosiy maʼlumotlar yoziladi:

pasport yoki harakatlanish hujjatini bergan davlatning nomi;

hujjatning nomi;

hujjatning turi;

pasport yoki harakatlanish hujjatini bergan davlatning kodi;

pasport yoki harakatlanish hujjatining tartib raqami;

familiyasi, ismi, otasining ismi;

millati;

fuqaroligi;

tugʻilgan sanasi;

tugʻilgan joyi;

jinsi;

berilgan sanasi;

kim tomonidan berilganligi;

personallashtiruvchi organ;

amal qilish muddati tugaydigan sana;

egasining raqamli surati;

egasi haqidagi mashina oʻqiydigan maʼlumotlar.

12. Chipga quyidagi maʼlumotlar yoziladi:

pasport yoki harakatlanish hujjati egasi toʻgʻrisidagi biografik maʼlumotlar;

egasining raqamli surati;

qoʻl barmoqlari izlari — 15 yoshga toʻlgandan keyin.

13. Pasport yoki harakatlanish hujjatiga:

pasport yoki harakatlanish hujjati egasining roʻyxatdan oʻtkazilganligi va roʻyxatdan chiqarilganligi toʻgʻrisidagi;

xorijga chiqish uchun ruxsatnoma yozuvi toʻgʻrisidagi (stiker);

hamrohlik qilayotgan shaxslar toʻgʻrisidagi;

Oʻzbekiston Respublikasining Davlat chegarasidan oʻtish toʻgʻrisidagi;

konsullik hisobiga olingani yoki konsullik hisobidan chiqarilgani toʻgʻrisidagi;

xorijiy davlatlarga kirish uchun ruxsatnoma (viza) toʻgʻrisidagi;

ilgari qoʻyilgan qaydlarni bekor qilish toʻgʻrisidagi maʼlumotlar kiritiladi.

Ota-onalar, vasiylar (homiylar) roziligi bilan pasport yoki harakatlanish hujjatida hujjat egasi qoni guruhi va qaysi rezusga mansubligi toʻgʻrisidagi maʼlumotlar qayd etiladi.

14. Pasport yoki harakatlanish hujjatiga:

pasport yoki harakatlanish hujjati egasining roʻyxatdan oʻtkazilganligi va roʻyxatdan chiqarilganligi toʻgʻrisidagi, xorijga chiqish uchun ruxsatnoma yozuvi toʻgʻrisidagi, hamrohlik qilayotgan shaxslar toʻgʻrisidagi, ilgari qoʻyilgan qaydlarni bekor qilish toʻgʻrisidagi maʼlumotlarni — ichki ishlar organlari boʻlinmalari;

Oʻzbekiston Respublikasining Davlat chegarasidan oʻtganlik va ilgari qoʻyilgan qaydlarni bekor qilish toʻgʻrisidagi maʼlumotlarni — chegara nazorati boʻlinmalari;

hujjat egasining qon guruhi va qaysi rezusga mansubligi toʻgʻrisidagi maʼlumotlarni — sogʻliqni saqlash muassasalari;

konsullik hisobiga olingani yoki konsullik hisobidan chiqarilgani toʻgʻrisidagi, chet elga chiqish uchun ruxsatnoma yozuvi, hamrohlik qilayotgan shaxslar, ilgari qoʻyilgan qaydlarni bekor qilish toʻgʻrisidagi maʼlumotlarni — Oʻzbekiston Respublikasining konsullik muassasalari;

xorijiy davlatlarga kirish uchun ruxsatnoma (viza) toʻgʻrisidagi maʼlumotlarni — xorijiy davlatlarning diplomatik vakolatxonalari va konsullik muassasalari kiritadilar.

Pasportlar yoki harakatlanish hujjatlariga ushbu Nizomda nazarda tutilmagan yozuvlar va qaydlarni kiritish taqiqlanadi.

15. Pasport yoki harakatlanish hujjati quyidagi hollarda rasmiylashtiriladi va beriladi:

a) Oʻzbekiston Respublikasidan tashqariga chiqib ketilayotganda;

b) bola chet elda tugʻilganda;

v) pasport yoki harakatlanish hujjatining amal qilish muddati tugaganda;

g) shaxsning familiyasi, ismi, otasining ismi, millati, tugʻilgan sanasi oʻzgarganda;

d) yozuvlarda noaniqliklar va xatolar mavjudligi aniqlanganda;

e) roʻyxatdan oʻtkazish (roʻyxatdan chiqarish), alohida maʼlumotlar yoki vizalar uchun moʻljallangan sahifalari ishlatib boʻlinganda;

j) pasport yoki harakatlanish hujjati blankasi yaroqsiz boʻlib qolganda;

z) pasport yoki harakatlanish hujjati yoʻqotib qoʻyilganda.

Familiyasi, ismi, otasining ismi, millati, tugʻilgan sanasi oʻzgarganligi yoki yozuvlarda noaniqliklar mavjudligi aniqlanganligi munosabati bilan pasport yoki harakatlanish hujjati almashtirilgan hollarda maʼlumotlarni yigʻish punktiga ushbu holatlarni tasdiqlovchi hujjatlar taqdim etiladi.

16. Pasport yoki harakatlanish hujjatini olish uchun maʼlumotlarni yigʻish punktiga quyidagi hujjatlar taqdim etiladi:

a) pasport yoki harakatlanish hujjatini berish uchun belgilangan shakldagi ariza;

b) ushbu muassasa yoki tashkilot orqali chet elga chiqilgan taqdirda muassasa yoki tashkilotning belgilangan namunadagi buyurtmanomasi;

v) tugʻilganlik haqida guvohnoma;

g) 35x45 mm oʻlchamli fotosurat;

d) pasport yoki harakatlanish hujjati yoʻqotilgan yoki oʻgʻirlangan hollarda fuqaro va fuqaroligi boʻlmagan shaxs qonuniy vakillarining yozma arizasi;

e) pasport yoki harakatlanish hujjati yoʻqolganligi toʻgʻrisida maʼlumotnoma (chet elda yoʻqolganda);

j) davlat boji yoki konsullik yigʻimlari va boshqa yigʻimlar toʻlanganligi haqida kvitansiya.

17. Taqdim etilgan hujjatlar asosida maʼlumotlarni yigʻish punkti fuqaro yoki fuqaroligi boʻlmagan shaxsning tarjimai holiga oid maʼlumotlarni toʻplaydi, elektron shakldagi qoʻl barmoq izlarini oladi (15 yoshdan katta shaxslar uchun), shaxsni old tomonidan raqamli formatda suratga oladi va pasport yoki harakatlanish hujjatini rasmiylashtirish uchun buyurtmanoma tuzib, soʻngra DPMga joʻnatadi.

18. Agar shaxs (15 yoshdan katta shaxslar uchun) qoʻl barmoq izlari olinishidan bosh tortsa va koʻzoynakda yoki bosh kiyimda suratga tushish istagidan qaytmasa, maʼlumotlarni yigʻish punkti unga pasport yoki harakatlanish hujjati rasmiylashtirishni rad etish huquqiga ega.

19. Maʼlumotlarni yigʻish punkti yangi pasport yoki harakatlanish hujjati berish chogʻida ilgari berilgan pasport yoki harakatlanish hujjatini olib qoʻyadi va uni yoʻq qilish uchun DPMga joʻnatadi.

20. Tayyor pasport yoki harakatlanish hujjatini DPM keyinchalik diplomatik kanallar boʻyicha chet eldagi maʼlumotlarni yigʻish punktiga berish uchun Oʻzbekiston aloqa va axborotlashtirish agentligining Davlat feldyegerlik xizmati orqali pasport yoki harakatlanish hujjatini rasmiylashtirish uchun buyurtmanoma joʻnatgan maʼlumotlarni yigʻish punktiga yoxud Oʻzbekiston Respublikasi Tashqi ishlar vazirligiga beradi.

21. Pasport yoki harakatlanish hujjatini rasmiylashtirish jarayonida bolaning millati ota-onalarning millati boʻyicha aniqlanadi, agar ota-onalar turli millatlarga mansub boʻlsalar, pasport yoki harakatlanish hujjatini berishda fuqaro yoki fuqaroligi boʻlmagan shaxsning millati pasport yoki harakatlanish hujjatini oluvchining xohishiga koʻra otasi yoki onasining millati boʻyicha yoziladi.

22. Fuqaro yoki fuqaroligi boʻlmagan shaxs va ularning qonuniy vakillari pasport va harakatlanish hujjatini ehtiyotlab saqlashi kerak.

Pasport yoki harakatlanish hujjati yoʻqotib qoʻyilgan taqdirda fuqaro yoki fuqaroligi boʻlmagan shaxs bu haqda doimiy roʻyxatdan oʻtgan joydagi maʼlumotlarni yigʻish punktiga yoki konsullik hisobiga qoʻyilgan joyga darhol xabar berishi shart, ular qonun hujjatlarida nazarda tutilgan tartib-qoidalar bajarilgandan keyin, ushbu Nizomda nazarda tutilgan tartibda ularga yangi pasport yoki harakatlanish hujjatini beradi.

23. Vaqtincha chet elda boʻlgan va konsullik hisobida turmagan fuqarolar va fuqaroligi boʻlmagan shaxslar ushbu Nizomning 15-bandida nazarda tutilgan hollarda Oʻzbekiston Respublikasiga qaytishga sertifikat olish uchun Oʻzbekiston Respublikasining tegishli konsullik muassasasiga murojaat qiladilar.

Vaqtinchalik konsullik hisobiga olish oʻqish, davolanish, xalqaro sport musobaqalarida, madaniy va boshqa tadbirlarda qatnashish uchun xorijga chiqib ketgan va xorijga vaqtincha chiqishni belgilangan tartibda rasmiylashtirgan voyaga yetmagan shaxslarga rasmiylashtiriladi.

Vaqtinchalik konsullik hisobiga olish, agar shaxs mamlakatda ochiqchasiga turgan boʻlsa va agar u mazkur mamlakatga olti oydan ortiq muddatga kelgan boʻlsa rasmiylashtiriladi.

24. Vafot etgan fuqaro yoki fuqaroligi boʻlmagan shaxsning pasporti yoki harakatlanish hujjati yoʻq qilish uchun keyinchalik DPMga topshirish uchun maʼlumotlarni yigʻish punktiga topshiriladi.

25. Topilgan pasport yoki harakatlanish hujjati ichki ishlar organiga yoxud Oʻzbekiston Respublikasining xorijdagi konsullik muassasasiga topshirilishi kerak.

26. Pasport yoki harakatlanish hujjatini olib qoʻyish, Oʻzbekiston Respublikasi qonun hujjatlarida nazarda tutilgan hollar bundan mustasno, shuningdek garovga topshirish va boshqa shaxslarga berish taqiqlanadi.

27. Ushbu Nizomni amalga oshirish uchun zarur boʻlgan muhrlar, shtamplar va blankalar namunalari tegishli ravishda Oʻzbekiston Respublikasi Ichki ishlar vazirligi, Tashqi ishlar vazirligi, Milliy xavfsizlik xizmati va Sogʻliqni saqlash vazirligi tomonidan belgilanadi.

28. Pasport yoki harakatlanish hujjatini berganlik uchun Oʻzbekiston Respublikasi Vazirlar Mahkamasi tomonidan belgilangan miqdorda davlat boji undiriladi. Toʻliq davlat qaramogʻida boʻlgan shaxslar davlat boji toʻlashdan ozod qilinadi.

29. Xorijga vaqtincha chiqishga stikerni rasmiylashtirish uchun maʼlumotlarni yigʻish punktiga quyidagi hujjatlar topshiriladi:

a) belgilangan shakldagi ariza-anketa;

b) ushbu muassasa yoki tashkilot orqali chiqilgan taqdirda muassasa yoki tashkilotning belgilangan namunadagi buyurtmanomasi;

v) pasport yoki harakatlanish hujjati;

g) tugʻilganlik haqida guvohnoma;

d) 35 x 45 mm oʻlchamli toʻrtta fotosurat;

e) Oʻzbekiston Respublikasi hududida birga yashaydigan ota-onalar, vasiylar (homiylar)ning fuqaro yoki fuqaroligi boʻlmagan shaxsning xorijga chiqishiga notarial tasdiqlangan roziligi;

j) fuqaro yoki fuqaroligi boʻlmagan shaxsga hamrohlik qilayotgan shaxsning notarial tasdiqlangan majburiyati;

z) davlat boji yoki konsullik yigʻimlari va boshqa yigʻimlar toʻlanganligi toʻgʻrisida kvitansiya.

Fuqaro yoki fuqaroligi boʻlmagan shaxs ota-onalardan biri bilan xorijga vaqtincha chiqayotganda ota-onalardan ikkinchisining roziligi talab qilinmaydi.

30. Doimiy yashash maqsadida chet elga chiqish uchun stikerni rasmiylashtirishda maʼlumotlarni yigʻish punktiga quyidagi hujjatlar topshiriladi:

a) ushbu Nizomning 29-bandida nazarda tutilgan hujjatlar;

b) 15 yoshdan 18 yoshgacha boʻlgan chet elga chiqib ketayotgan fuqaro yoki fuqaroligi boʻlmagan shaxsning notarial tasdiqlangan roziligi;

v) ota-onalardan biri vafot etgan taqdirda — uning vafoti toʻgʻrisidagi guvohnomaning notarial tasdiqlangan nusxasi.

Fuqarolar va fuqaroligi boʻlmagan shaxslar ota-onalari bilan birgalikda doimiy yashash uchun xorijga chiqib ketayotganda 29-bandning “e” kichik bandida nazarda tutilgan rozilik talab qilinmaydi.

31. 15 yoshdan 18 yoshgacha boʻlgan fuqarolar yoki fuqaroligi boʻlmagan shaxslar ota-onalari, vasiylari (homiylari)ning voyaga yetmagan shaxsning mustaqil ravishda chet elga chiqishi uchun notarial tasdiqlangan roziligi mavjud boʻlgan taqdirda xorijga hamrohlarsiz chiqishlari mumkin.

32. Fuqaro yoki fuqaroligi boʻlmagan shaxsning xorijga vaqtincha chiqishiga ruxsatnomani rasmiylashtirish toʻgʻrisidagi murojaati qondirilganda uning pasporti yoki harakatlanish hujjatiga ikki yil muddatga amal qiladigan stiker yopishtiriladi. Stikerning amal qilish muddati tugagach pasport yoki harakatlanish hujjatiga ushbu Nizomda nazarda tutilgan tartibda amal qilish muddati ikki yil boʻlgan yangi stiker yopishtiriladi. Bunda stikerning amal qilish muddati tegishli pasport yoki harakatlanish hujjatining amal qilish muddatidan ortiq boʻlmasligi kerak.

33. Doimiy yashash uchun xorijga chiqib ketayotgan fuqaroning pasportiga yoki fuqaroligi boʻlmagan shaxsning harakatlanish hujjatiga amal qilish muddati noaniq boʻlgan tegishli stiker yopishtiriladi, biroq bunda stiker berilgan sana majburiy tartibda koʻrsatiladi.

34. Qonun hujjatlarida quyidagilar uchun javobgarlik belgilanadi:

pasport yoki harakatlanish hujjatining amal qilish muddati tamom boʻlgandan keyin ularni oʻz vaqtida topshirmaslik;

pasport yoki harakatlanish hujjatini ataylab yaroqsizlantirish, shuningdek pasport yoki harakatlanish hujjati yoʻqolishiga sabab boʻlgan — ularni ehtiyot qilib saqlamaslik;

16 yoshga toʻlmagan shaxslarning pasporti yoki harakatlanish hujjatidan gʻarazli maqsadlarda foydalanish, soʻngra ularni yoʻqotib qoʻyganlik toʻgʻrisida ariza berish, shuningdek boshqa shaxslarga tegishli boʻlgan pasport yoki harakatlanish hujjatidan foydalanish;

fuqarodan va fuqaroligi boʻlmagan shaxsdan pasport va harakatlanish hujjatini noqonuniy olib qoʻyish yoki ularni garov sifatida qabul qilish;

16 yoshga toʻlmagan shaxslarning pasporti yoki harakatlanish hujjatini gʻarazli yoki boshqa tuban maqsadlarda egallab olish, xuddi shuningdek ularni yoʻq qilish, yaroqsizlantirish, yashirish.

1. Vazirlar Mahkamasining “Oʻzbekiston Respublikasi fuqarolarining chet elga borishlari tartibini va Oʻzbekiston Respublikasining diplomatik pasporti toʻgʻrisidagi Nizomni tasdiqlash haqida” 1995-yil 6-yanvardagi 8-son qarorida (Oʻzbekiston Respublikasi QT, 1995-y., 1-son, 1-modda):

1) 2-bandning ikkinchi xatboshi quyidagi tahrirda bayon qilinsin:

“Oʻzbekiston Respublikasi fuqarolarining chet elga chiqishi va Oʻzbekiston Respublikasi hududiga kirishi tartibi 1-ilovaga muvofiq”;

2) 1-ilovada:

ilovaning nomi quyidagi tahrirda bayon qilinsin:

I boʻlim matni quyidagi tahrirda bayon qilinsin:

“1. Oʻzbekiston Respublikasi fuqarolari, Oʻzbekiston Respublikasining qonun hujjatlarida belgilangan cheklashlardan tashqari, chet elga erkin chiqish va ushbu Nizomda nazarda tutilgan tartibda Oʻzbekiston Respublikasiga kelish huquqiga egadirlar.

2. Ushbu Tartib Oʻzbekiston Respublikasi fuqarolarining xorijiy mamlakatlarga chiqishlariga tatbiq etiladi, kirish uchun kirish vizalari rasmiylashtirilishi talab qilinmaydigan MDH mamlakatlari bundan mustasno.

3. Chet elga vaqtincha chiqayotganda fuqarolarga chet elga borish uchun 2 yil mobaynida amal qiladigan ruxsatnoma yozuvi stikeri (keyingi oʻrinlarda stiker deb yuritiladi) rasmiylashtiriladi. Fuqarolar koʻrsatilgan muddat mobaynida bir necha marta chet elga chiqishi mumkin. Stikerning amal qilish muddati pasportning amal qilish muddatidan oshmasligi kerak.

Doimiy yashash uchun chet elga chiqishda fuqarolarga amal qilish muddatisiz stiker rasmiylashtiriladi.

Oʻzbekiston Respublikasi Qurolli Kuchlari harbiy xizmatchilarining chet elga chiqishi Oʻzbekiston Respublikasining qonun hujjatlariga muvofiq rasmiylashtiriladi. Harbiy xizmatchilarga stiker harbiy qism (muassasa) joylashgan joy boʻyicha rasmiylashtiriladi.

4. Diplomatik pasportlar boʻyicha chet elga chiqish Oʻzbekiston Respublikasining Diplomatik pasporti toʻgʻrisidagi Nizomga muvofiq Oʻzbekiston Respublikasi Tashqi ishlar vazirligi tomonidan rasmiylashtiriladi.

5. Xodimni xorijiy xizmat safariga yuborish toʻgʻrisida taqdim etilgan hujjatlarning ishonchliligi yuzasidan javobgarlik, mulkchilik shakllaridan qatʼi nazar, xizmat safariga yuborish haqida qaror qabul qilgan tashkilotlar va muassasalar rahbarlari zimmasiga yuklanadi.

6. Chet elga chiqish uchun ruxsatnoma yozuvi stikeri fuqarolarning doimiy roʻyxatda turgan joylari (harbiy xizmatchilar uchun — harbiy qism (muassasa) joylashgan joy) boʻyicha Oʻzbekiston Respublikasi Ichki ishlar vazirligi, Qoraqalpogʻiston Respublikasi Ichki ishlar vazirligi, viloyatlar ichki ishlar boshqarmalari, Toshkent shahar ichki ishlar bosh boshqarmasining Kirish-chiqish va fuqarolikni rasmiylashtirish boshqarmasi, shuningdek Toshkent shahar ichki ishlar bosh boshqarmasining tuman boʻlinmalari (keyingi oʻrinlarda KCHFR boʻlinmalari deb yuritiladi) tomonidan, shuningdek ushbu Tartibda nazarda tutilgan hollarda chet eldagi Oʻzbekiston Respublikasi konsullik muassasalari tomonidan kirish-chiqish va fuqarolikni rasmiylashtirish boʻlinmalari bilan kelishgan holda rasmiylashtiriladi”;

II boʻlimning matni quyidagi tahrirda bayon qilinsin:

“1. Chet elga bormoqchi boʻlgan fuqarolar pasportini, belgilangan namunadagi anketa-arizani, davlat boji toʻlanganligi toʻgʻrisidagi kvitansiyani, 35 x 45 mm oʻlchamli 4 ta fotosuratni, harbiy guvohnomani (harbiy guvohnoma mavjud boʻlmagan taqdirda chaqiruv yoshidagi shaxslar uchun mudofaa ishlari boʻyicha boʻlimning belgilangan namunadagi maʼlumotnomasini) taqdim etgan holda doimiy roʻyxatda turgan joydagi kirish-chiqish va fuqarolikni rasmiylashtirish boʻlinmalariga (harbiy xizmatchilar uchun harbiy qism (muassasa) joylashgan joy boʻyicha) murojaat qiladilar.

2. Kirish-chiqish va fuqarolikni rasmiylashtirish boʻlinmalari fuqaroning murojaatini 15 ish kuni mobaynida koʻrib chiqadi va chet elga chiqish huquqiga cheklovlar uchun asos boʻlmagan taqdirda uning pasportiga stiker yopishtiradi.

Zarur tarzda rasmiylashtirilgan hujjatlar kirish-chiqish va fuqarolikni rasmiylashtirish boʻlinmalariga berilgan kun murojaat qilingan sana deb hisoblanadi.

Amal qiladigan stiker haqiqiy boʻlmagan pasportdan yangi pasportga koʻchirilgan hollarda, ushbu stikerni rasmiylashtirish muddati 7 ish kunidan oshmasligi kerak.

Chet elga xizmat safariga borayotgan fuqarolarga, ular ishlaydigan tashkilotlarning mulkchilik shakllaridan qatʼi nazar, chet elga chiqish huquqini cheklashlar uchun asos boʻlmagan taqdirda, stikerni rasmiylashtirish uchun hujjatlarni koʻrib chiqish muddati 10 ish kunidan oshmasligi kerak.

Oʻzbekiston Respublikasidan tashqariga chiqishni talab qiladigan shoshilinch davolanish zaruriyatini, ogʻir kasallik holatlarini yoki yaqin qarindoshi vafot etganligini tasdiqlovchi hujjatlar mavjud boʻlganda fuqaroga va unga hamrohlik qiluvchi shaxslarga stikerni rasmiylashtirish muddati, chet elga chiqish huquqini cheklash uchun asos boʻlmagan taqdirda, 5 ish kunidan oshmasligi kerak.

Chet elda doimiy yashash uchun chiqish hujjatlarini rasmiylashtirishda fuqarolarning doimiy roʻyxatda turgan joylaridagi kirish-chiqish va fuqarolikni rasmiylashtirish boʻlinmalari arizachilarning murojaatini 15 ish kuni mobaynida koʻrib chiqadi va fuqaroning chet elga chiqishiga toʻsqinlik qiluvchi holatlar boʻlmagan taqdirda, uning pasportiga doimiy yashash uchun stikerni yopishtiradi. Qoʻshimcha tekshirishlar oʻtkazish zarur boʻlganda hujjatlarni koʻrib chiqish muddati 30 kungacha uzaytirilishi mumkin.

Doimiy yashash uchun chet elga chiqishda fuqarolar Oʻzbekiston Respublikasi hududida doimiy yashaydigan oʻz ota-onasining va turmush oʻrtogʻining (birgalikda chiqish holatlari bundan mustasno), shuningdek agar birgalikdagi nikohdan bolalar boʻlsa, Oʻzbekiston Respublikasida doimiy yashaydigan sobiq turmush oʻrtogʻining notarial tasdiqlangan roziligini, ular vafot etgan yoki bedarak yoʻqolgan hollarda esa — vafot etganlik toʻgʻrisidagi guvohnomaning yoki sudning shaxsni bedarak yoʻqolgan deb eʼtirof etish haqidagi qarorining notarial tasdiqlangan nusxasini kirish-chiqish va fuqarolikni rasmiylashtirish boʻlinmalariga taqdim etadilar.

Oʻzbekiston Respublikasi fuqarolari xorijiy davlat hududiga kirish vizasini olish uchun tegishli xorijiy davlatlarning diplomatik vakolatxonalariga yoki konsullik muassasalariga murojaat qiladilar.

3. Xususiy kontraktlar boʻyicha mehnat faoliyati bilan shugʻullanish uchun chet elga chiqishni rasmiylashtirish belgilangan tartibda amalga oshiriladi.

4. Chet elga ketayotgan va davlat siri boʻlgan maʼlumotlardan xabardor boʻlgan shaxsga nisbatan ketayotgan shaxsning ish joyi boʻyicha tashkiloti tegishli organlarga davlat siri boʻlgan maʼlumotlardan xabardorlik darajasi toʻgʻrisidagi xulosani yuboradi.

5. Chet elga vaqtincha yashashga ketgan (xizmat safariga, oʻqishga, kontrakt boʻyicha ishlashga va shu kabilar) Oʻzbekiston Respublikasi fuqarolari muayyan yoshga toʻlganligi hamda pasportida belgilar va vizalar qoʻyish uchun varaqlar tugaganligi, shuningdek chet elga borish uchun stikerni rasmiylashtirish munosabati bilan pasport almashtirilgan hollarda Oʻzbekiston Respublikasining chet eldagi konsullik muassasalariga pasport berish va chet elga chiqish uchun stikerni rasmiylashtirish toʻgʻrisida belgilangan shakldagi ariza bilan murojaat qiladilar. Fuqarolarning arizalari belgilangan tartibda konsullik muassasalari tomonidan rasmiylashtiriladi hamda pasport va stikerni rasmiylashtirish uchun Oʻzbekiston Respublikasi Tashqi ishlar vazirligi orqali Ichki ishlar vazirligiga joʻnatiladi. Rasmiylashtirilgan pasport egasiga berish uchun Tashqi ishlar vazirligi orqali Oʻzbekiston Respublikasining tegishli konsullik muassasasiga yuboriladi. Pasportni rasmiylashtirishning toʻliq davriy muddati 30 ish kunidan oshmasligi kerak.

6. Vaqtincha yashash uchun chet elga ketgan, u yerga oshkora kelgan va chet elda doimiy yashashga qaror qilgan Oʻzbekiston Respublikasi fuqarolari doimiy yashashga ruxsatnomani rasmiylashtirish uchun belgilangan shakldagi hujjatlar bilan Oʻzbekiston Respublikasining tegishli konsullik muassasasiga murojaat qiladilar.

Konsullik muassasasi fuqarolarning chet elda doimiy yashash uchun qoldirish boʻyicha hujjatlarini rasmiylashtiradi va masalani belgilangan tartibda kelishish uchun hujjatlarni Tashqi ishlar vazirligi orqali Ichki ishlar vazirligiga yuboradi”;

III boʻlimda:

ruscha matnda birinchi xatboshidagi “ogranicheniya” soʻzidan keyin “v prave” soʻzlari qoʻshilmoqda;

ruscha matnda ikkinchi xatboshidagi “gosudarstvennuyu taynu” soʻzlari “gosudarstvennie sekreti” soʻzlari bilan almashtirilmoqda;

uchinchi xatboshi quyidagi tahrirda bayon qilinsin:

“b) agar shaxsga nisbatan jinoiy ish qoʻzgʻatilgan boʻlsa — ish boʻyicha yakuniy qaror qabul qilingunga qadar”;

toʻrtinchi xatboshidagi “militsiyaning” soʻzi “ichki ishlar organlarining” soʻzlari bilan almashtirilsin;

beshinchi xatboshi quyidagi tahrirda bayon qilinsin:

“g) agar shaxsda sud tomonidan yuklangan ijro etilmagan majburiyatlar boʻlsa — majburiyatlar ijro etilgunga qadar”;

sakkizinchi xatboshi quyidagi tahrirda bayon qilinsin:

“j) agar shaxs chaqiriq uchastkasida roʻyxatga olingan va haqiqiy muddatli harbiy xizmatga chaqirilishi kerak boʻlsa — haqiqiy muddatli xizmatni yoki safarbarlik chaqiruvi zaxirasidagi xizmatni oʻtagunga qadar Oʻzbekiston Respublikasining qonun hujjatlariga muvofiq undan ozod qilingunga qadar”;

quyidagi mazmundagi xatboshi qoʻshilsin:

“z) agar shaxsga nisbatan Ichki ishlar vazirligida yoki Tashqi ishlar vazirligida vakolatli organlarning ushbu shaxsning chet elda boʻlgan vaqtda kelgan mamlakati qonunlarini buzganligi (qonun buzilishlari roʻyxati tegishli organlar tomonidan belgilanadi) toʻgʻrisidagi axboroti, shuningdek borishi maqsadga muvofiq emasligini koʻrsatadigan axboroti mavjud boʻlsa — axborot hisobga olingan kundan boshlab ikki yil oʻtgunga qadar.

Chet elga chiqish huquqini cheklash uchun asoslar roʻyxatiga kengaytirilgan izoh berilmaydi”;

IV boʻlimdagi “III boʻlimning “b” va “j” kichik bandlarida koʻrsatilgan” soʻzlari “III boʻlimning “a”, “b”, “j” va “z” kichik bandlarida koʻrsatilgan” soʻzlari bilan almashtirilsin;

quyidagi mazmundagi V boʻlim qoʻshilsin:

“V. Fuqarolarning Oʻzbekiston Respublikasiga kelishi

1. Chet elda vaqtincha yoki doimiy yashovchi Oʻzbekiston Respublikasi fuqarolari Oʻzbekiston Respublikasi fuqarosining amaldagi pasporti yoki Oʻzbekiston Respublikasiga qaytib kelishga sertifikat mavjud boʻlganda Oʻzbekiston Respublikasi hududiga erkin kirish huquqiga egadir.

2. Pasportning amal qilish muddati chet elda tugagan, u yaroqsizlangan yoki yoʻqolgan hollarda, shuningdek qonun hujjatlarida nazarda tutilgan boshqa hollarda (familiyasi, ismi va otasining ismi, tugʻilgan sanasi oʻzgargan, yozuvlarda noaniqliklar va xatolar aniqlangan, varaqlar ishlatib boʻlingan va boshqa hollarda) chet elda doimiy yashaydigan Oʻzbekiston Respublikasi fuqarosi yangi pasportni rasmiylashtirish uchun oʻzi turgan mamlakatdagi Oʻzbekiston Respublikasining konsullik muassasasiga murojaat qiladi.

Agar fuqaro turgan mamlakatda Oʻzbekiston Respublikasining konsullik muassasasi boʻlmasa, fuqaro oʻzi turgan mamlakat konsullik okrugiga kiradigan Oʻzbekiston Respublikasining konsullik muassasasiga murojaat qiladi.

3. Chet elda vaqtincha turgan va oʻzi turgan mamlakatdagi Oʻzbekiston Respublikasining konsullik muassasasida konsullik hisobida turmagan fuqaro, ushbu boʻlimning 2-bandida koʻrsatilgan hollarda, Oʻzbekiston Respublikasiga qaytishga sertifikat olish uchun Oʻzbekiston Respublikasining tegishli konsullik muassasasiga murojaat qiladi.

4. Chet elda doimiy yashaydigan va Oʻzbekiston Respublikasiga vaqtincha kelgan Oʻzbekiston Respublikasi fuqarolariga Oʻzbekiston Respublikasida boʻlgan vaqtda pasportning amal qilish muddati tugagan yoki u yoʻqolgan hollarda, shuningdek mazkur boʻlimning 2-bandida koʻrsatilgan boshqa hollarda pasport berish yoki almashtirish hamda ruxsatnoma yozuvi stikerini rasmiylashtirish Oʻzbekiston Respublikasi Tashqi ishlar vazirligi tomonidan amalga oshiriladi.

5. Chet elda doimiy yashaydigan va Oʻzbekiston Respublikasiga doimiy yashash uchun qaytishni niyat qilgan fuqarolar Oʻzbekiston Respublikasining chet eldagi konsullik muassasasidagi konsullik hisobidan chiqishlari lozim. Fuqarolar Oʻzbekiston Respublikasi hududida turgan taqdirda, ular konsullik hisobidan chiqarish uchun Tashqi ishlar vazirligiga murojaat qiladilar”.

2. Vazirlar Mahkamasining “Xorijiy fuqarolarning va fuqaroligi boʻlmagan shaxslarning Oʻzbekiston Respublikasiga kelishlari, ketishlari va bu yerda boʻlishlari va ularning tranzit oʻtishlari tartibi toʻgʻrisida” 1996-yil 21-noyabrdagi 408-son qarorida:

1) 1-ilovada (Xorijiy fuqarolarning va fuqaroligi boʻlmagan shaxslarning Oʻzbekiston Respublikasiga kelishlari va Oʻzbekiston Respublikasidan ketishlari tartibi):

2-band quyidagi tahrirda bayon qilinsin:

“2. Xorijiy fuqarolarga Oʻzbekiston Respublikasiga kirish vizalari, shu jumladan tranzit kirish vizalari:

a) Oʻzbekiston Respublikasining chet eldagi konsullik muassasalari tomonidan, bunday konsullik muassasalari mavjud boʻlmagan taqdirda esa — Oʻzbekiston Respublikasi Tashqi ishlar vazirligining ikki tomonlama bitimi mavjud boʻlgan boshqa davlatlarning konsullik muassasalari tomonidan beriladi.

Bosh konsulliklar, konsulliklar, vitse-konsulliklar, konsullik agentliklari va elchixonalarning konsullik boʻlimlari Oʻzbekiston Respublikasining chet ellardagi konsullik muassasalari hisoblanadi;

b) xalqaro aeroport maqomiga ega boʻlgan Oʻzbekiston aeroportlaridagi Oʻzbekiston Respublikasi Tashqi ishlar vazirligining boʻlinmalari tomonidan beriladi.

Aeroportlarda Tashqi ishlar vazirligining konsullik muassasalari va boʻlinmalari tomonidan Oʻzbekiston Respublikasiga kirish vizalari xorijiy fuqarolarning barcha toifalariga beriladi.

Kirish vizalari, qoidaga koʻra, bir yildan ortiq boʻlmagan muddatga beriladi”;

3-bandda:

birinchi xatboshi quyidagi tahrirda bayon qilinsin:

“Oʻzbekiston Respublikasi Tashqi ishlar vazirligi va uning Oʻzbekiston Respublikasi hududidagi boʻlinmalari vizalarning amal qilish muddatini uzaytirishni xorijiy fuqarolarning quyidagi toifalari uchun amalga oshiradi”;

“g” kichik band quyidagi tahrirda bayon qilinsin:

“g) ushbu bandning “a” kichik bandida koʻrsatilgan xorijiy fuqarolarning taklifi boʻyicha kelganlarga, biroq koʻpi bilan 2-marta kelganlarga.

Vizaning uzaytirilishi respublika hududida rasmiy boʻlishga ruxsatnomaning uzaytirilishini anglatadi. Amaliy jihatdan vizani uzaytirish amal qilish muddati yangilangan yangi viza berish yoʻli bilan amalga oshiriladi, xorijiy fuqaro akkreditatsiya qilingan taqdirda esa vizaning turi ham oʻzgartiriladi”;

4-band quyidagi tahrirda bayon qilinsin:

“4. Koʻp marta foydalaniladigan vizalar ushbu Tartibning 3-bandi “a” kichik bandida koʻrsatilgan xorijiy fuqarolarga ular akkreditatsiya qilingan muddatga, ushbu Tartibning 3-bandi “b”, “v” va “g” kichik bandlarida koʻrsatilgan fuqarolarga bir yilgacha muddatga beriladi”;

10, 11 va 13-bandlarning birinchi xatboshilaridagi “ikki nusxada” soʻzlari chiqarib tashlansin;

12-bandning birinchi xatboshidagi “ikki nusxada” soʻzlari chiqarib tashlansin, “vaucher” soʻzi esa “taklifnoma” soʻzi bilan almashtirilsin;

15-band quyidagi tahrirda bayon qilinsin:

“15. Oʻzbekiston Respublikasida doimiy yashaydigan, chet elga bormoqchi boʻlgan fuqaroligi boʻlmagan shaxs yashash uchun hujjatni, belgilangan namunadagi anketa-arizani, davlat boji toʻlanganligi toʻgʻrisidagi kvitansiyani va 35 x 45 mm oʻlchamli 4 ta fotosuratni taqdim etgan holda, doimiy roʻyxatda turgan joydagi kirish-chiqish va fuqarolikni rasmiylashtirish boʻlinmasiga murojaat qiladi.

Chet elga vaqtincha chiqishda fuqaroligi boʻlmagan shaxsga chet elga chiqish uchun 2 yil mobaynida amal qiladigan ruxsatnoma yozuvi stikeri (keyingi oʻrinlarda stiker deb ataladi) rasmiylashtiriladi. Koʻrsatilgan muddat mobaynida fuqaroligi boʻlmagan shaxs bir necha marta chet elga chiqishi mumkin. Stikerning amal qilish muddati fuqaroligi boʻlmagan shaxsning guvohnomasi yoki harakatlanish hujjatining amal qilish muddatidan oshmasligi kerak.

Doimiy yashash uchun chet elga chiqishda fuqaroligi boʻlmagan shaxsga amal qilish muddatisiz stiker rasmiylashtiriladi”;

16-band quyidagi tahrirda bayon qilinsin:

“16. Kirish-chiqish va fuqarolikni rasmiylashtirish boʻlinmalari fuqaroligi boʻlmagan shaxsning murojaatini 15 ish kuni mobaynida koʻrib chiqadi va chet elga chiqish huquqiga cheklovlar uchun asos boʻlmagan taqdirda fuqaroligi boʻlmagan shaxsning guvohnomasini rasmiylashtiradi hamda guvohnomaga yoki harakatlanish hujjatiga stikerni yopishtiradi.

Hujjatlarni koʻrib chiqish muddati 30 ish kunigacha uzaytirilishi mumkin.

Oʻzbekiston Respublikasida doimiy yashaydigan fuqaroligi boʻlmagan shaxs chet eldan qaytganidan keyin uch ish kuni mobaynida guvohnoma yoki harakatlanish hujjatini topshirish va oʻrniga Oʻzbekiston Respublikasida yashashga ruxsatnoma olish uchun kirish-chiqish va fuqarolikni rasmiylashtirish boʻlinmasiga murojaat qilishlari kerak.

Amal qiladigan stiker fuqaroligi boʻlmagan shaxsning haqiqiy boʻlmagan guvohnomasidan yoki harakatlanish hujjatidan yangi guvohnoma yoki harakatlanish hujjatiga koʻchirilgan hollarda, ushbu stikerni rasmiylashtirish muddati 7 ish kunidan oshmasligi kerak.

Chet elga xizmat safariga borayotgan fuqaroligi boʻlmagan shaxslarga, ular ishlaydigan tashkilotlarning mulkchilik shakllaridan qatʼi nazar, chet elga chiqish huquqini cheklashlar uchun asos boʻlmagan taqdirda, stikerni rasmiylashtirish uchun hujjatlarni koʻrib chiqish muddati 10 ish kunidan oshmasligi kerak.

Oʻzbekiston Respublikasidan tashqariga chiqishni talab qiladigan shoshilinch davolanish zaruriyatini, ogʻir kasallik holatlarini yoki yaqin qarindoshi vafot etganligini tasdiqlovchi hujjatlar mavjud boʻlganda fuqaroligi boʻlmagan shaxsga va unga hamrohlik qiluvchi shaxslarga stikerni rasmiylashtirish muddati, chet elga chiqish huquqini cheklash uchun asos boʻlmagan taqdirda, 5 ish kunidan oshmasligi kerak.

Doimiy yashash uchun chet elga chiqishda fuqaroligi boʻlmagan shaxs Oʻzbekiston Respublikasi hududida doimiy yashaydigan oʻz ota-onasining va turmush oʻrtogʻining (birgalikda chiqish holatlari bundan mustasno), shuningdek agar birgalikdagi nikohdan bolalar boʻlsa, Oʻzbekiston Respublikasida doimiy yashaydigan sobiq turmush oʻrtogʻining notarial tasdiqlangan roziligini, shuningdek ular vafot etgan yoki bedarak yoʻqolgan hollarda, vafot etganlik toʻgʻrisidagi guvohnomaning yoki sudning shaxsni bedarak yoʻqolgan deb eʼtirof etish haqidagi qarorining notarial tasdiqlangan nusxasini kirish-chiqish va fuqarolikni rasmiylashtirish boʻlinmasiga taqdim etadi”;

17-banddagi “xorijiy fuqarolar” soʻzlari “fuqaroligi boʻlmagan shaxslar” soʻzlari bilan almashtirilsin;

18-band quyidagi tahrirda bayon qilinsin:

“Oʻzbekiston Respublikasi hududida doimiy yashaydigan xorijiy fuqarolar va fuqaroligi boʻlmagan shaxslarning yashash uchun guvohnomasi va doimiy roʻyxatdan oʻtkazilganligi:

xorijiy fuqarolar Oʻzbekiston Respublikasidan tashqariga vaqtincha chiqqanda, agar ular uch yildan ortiq vaqt mobaynida uzrli sabablarsiz Oʻzbekistondagi doimiy yashash joyiga qaytmasa;

Oʻzbekiston Respublikasi hududidan vaqtincha tashqariga chiqqan fuqaroligi boʻlmagan shaxslarning harakatlanish hujjatining amal qilish muddati tamom boʻlgach, agar ular harakatlanish hujjatini almashtirmasa yoxud uzrli sabablarsiz uni almashtirishni rad etsa;

bekor qilish toʻgʻrisida shaxsan murojaat qilsa yoxud notarial tasdiqlangan ishonchnoma boʻyicha boshqa shaxs murojaat qilsa yoki chet eldagi tegishli organlarning soʻrovi boʻyicha bekor qilinadi”.

2) 2-ilovada (Xorijiy fuqarolar va fuqaroligi boʻlmagan shaxslarning Oʻzbekiston Respublikasida boʻlishlari qoidalari):

15-bandga quyidagi mazmundagi xatboshilar qoʻshilsin:

“Vaqtincha roʻyxatdan oʻtkazish uchun xorijiy fuqarolar oʻzi turgan joydagi ichki ishlar organlariga quyidagi hujjatlarni taqdim etadilar:

belgilangan shakldagi iltimosnoma;

qabul qiluvchi tashkilotning belgilangan shakldagi iltimosnomasi;

milliy pasport yoki fuqaroligi boʻlmagan shaxs uchun hujjat;

uy-joy egasining vaqtincha roʻyxatdan oʻtkazishga yozma roziligi va uy-joyga boʻlgan huquqni belgilovchi hujjatlar;

davlat boji toʻlanganligi toʻgʻrisidagi kvitansiya.

Xorijiy fuqarolar vaqtincha roʻyxatdan oʻtkazish muddatini uzaytirish uchun ichki ishlar organlariga vaqtincha roʻyxatdan oʻtkazish muddati tamom boʻlishigacha uch ish kunidan kechikmay murojaat qilishlari kerak”;

32-band quyidagi tahrirda bayon qilinsin:

“32. Xorijiy fuqarolar Oʻzbekiston Respublikasi hududi boʻylab faqat xorijiy fuqarolar borishiga ruxsat berilgan joylarda harakat qilishlari shart.

Xorijiy fuqarolar vaqtincha boʻlish joyiga kelishgach Oʻzbekiston Respublikasi ichki ishlar organlarida vaqtincha roʻyxatdan oʻtishlari yoki mehmonxonalarda hisobga turishlari shart.

Oʻzbekiston Respublikasi hududida doimiy yashaydigan va yashash ruxsatnomasiga ega boʻlgan xorijiy fuqarolar uchun vaqtincha roʻyxatdan oʻtkazish muayyan yashash joyida boʻlgan davr uchun amalga oshiriladi. Uch kundan olti oygacha boʻlgan davrda vaqtincha roʻyxatdan oʻtkazish shaxsni doimiy yashash joyidan roʻyxatdan chiqarmasdan amalga oshiriladi. 6 oydan ortiq muddatga vaqtincha roʻyxatdan oʻtkazish, xizmat safariga, taʼtilga, dam olish yoki davolanishga borayotgan shaxslardan tashqari, shaxsni doimiy yashash joyidan roʻyxatdan chiqargan holda amalga oshiriladi”.