Keyingi tahrirga qarang.
“Notariat to‘g‘risida”gi O‘zbekiston Respublikasi Qonunining 19-moddasiga muvofiq va o‘z kasb majburiyatlarini bajarishda notariuslarning javobgarligini oshirish maqsadida Vazirlar Mahkamasi qaror qiladi:
1. Notarius tomonidan o‘z kasb majburiyatlari buzilishi oqibatida yetkazilgan zararni qoplash tartibi to‘g‘risidagi Nizom 1-ilovaga muvofiq tasdiqlansin.
Keyingi tahrirga qarang.
2. Vazirlar Mahkamasining “Sudlar va adliya organlarini rivojlantirish jamg‘armasini tashkil etish to‘g‘risida” 2003-yil 18-martdagi 147-son qaroriga (O‘zbekiston Respublikasi QT, 2003-y., 3-son, 26-modda) 2-ilovaga muvofiq o‘zgartirish va qo‘shimchalar kiritilsin.
Keyingi tahrirga qarang.
3. Mazkur qarorning bajarilishini nazorat qilish O‘zbekiston Respublikasi Adliya vaziri R.A. Muhitdinov zimmasiga yuklansin.
Keyingi tahrirga qarang.
1. Ushbu Nizom “Notariat to‘g‘risida”gi O‘zbekiston Respublikasi Qonunining 19-moddasiga muvofiq notarius tomonidan o‘z kasb majburiyatlari buzilishi oqibatida yuridik va jismoniy shaxslarga yetkazilgan zararning (keyingi o‘rinlarda “zarar” deb ataladi) davlat tomonidan qoplanishi tartibini belgilaydi.
Keyingi tahrirga qarang.
2. Zarar davlat tomonidan keyinchalik notariusga to‘langan qoplash miqdorida aksincha talab (regress) qo‘yilgan holda Sudlar va adliya organlarini rivojlantirish jamg‘armasi (keyingi o‘rinlarda “Jamg‘arma” deb ataladi) mablag‘lari hisobiga qoplanadi.
Keyingi tahrirga qarang.
Sudning zararni qoplash to‘g‘risida qonuniy kuchga kirgan qarori zarar qoplanishi uchun asos hisoblanadi.
4. Jamg‘armadan mablag‘ ajratish uchun Qoraqalpog‘iston Respublikasi Adliya vazirligi, viloyat yoki Toshkent shahar adliya boshqarmasi (keyingi o‘rinlarda “adliya boshqarmasi” deb ataladi) sudning zararni qoplash to‘g‘risida qonuniy kuchga kirgan qarori adliya boshqarmasiga tushgandan keyin ikki kun muddatda Jamg‘armaning Ijro etuvchi direksiyasiga sudning qarorini ilova qilgan holda tegishli buyurtmanomani kiritadi.
Keyingi tahrirga qarang.
5. Jamg‘armaning Ijro etuvchi direksiyasi buyurtmanoma tushgan kundan boshlab ikki kun mobaynida buyurtmanomada ko‘rsatilgan mablag‘larni adliya boshqarmasining shaxsiy g‘aznachilik hisob raqamiga o‘tkazadi.
Keyingi tahrirga qarang.
Mablag‘lar shaxsiy g‘aznachilik hisob raqamiga tushgan kundan boshlab bir kun mobaynida adliya boshqarmasi ushbu mablag‘larni zararni qoplash uchun yuridik va jismoniy shaxslarning tegishli bank hisob raqamlariga o‘tkazadi.
6. Sudning zararni qoplash to‘g‘risida qonuniy kuchga kirgan qarori asosida adliya boshqarmasi tomonidan notariusni intizomiy javobgarlikka tortish to‘g‘risidagi masala hal qilinishi kerak.
7. Adliya boshqarmasi tomonidan qoplangan summa keyinchalik aksincha talab (regress) tartibida notariusdan undirib olinishi kerak.
Notarius adliya boshqarmasi tomonidan zararni qoplash uchun yuridik va jismoniy shaxslarga o‘tkazilgan mablag‘larning to‘liq summasini qoplaydi.
8. Yuridik va jismoniy shaxsga zarar qoplangandan so‘ng ikki kundan kechikmay adliya boshqarmasi notariusga to‘langan qoplash miqdorida aksincha talab (regress) bilan murojaat qiladi.
Notarius o‘zi tomonidan yuridik va jismoniy shaxsga yetkazilgan zarar summasini adliya boshqarmasiga belgilangan tartibda ixtiyoriy ravishda qoplash huquqiga ega.
Notarius tomonidan zararni qoplash adliya boshqarmasining shaxsiy g‘aznachilik hisob raqamiga pul mablag‘lari kiritish yo‘li bilan amalga oshiriladi.
9. O‘zbekiston Respublikasining Mehnat kodeksi 207-moddasiga muvofiq notariusdan o‘rtacha oylik ish haqidan ortiq bo‘lmagan yetkazilgan zarar summasini undirish adliya boshqarmasi rahbarining yetkazilgan zararni notariusdan undirish to‘g‘risidagi buyrug‘iga binoan amalga oshiriladi. Buyruq adliya boshqarmasi tomonidan yuridik va jismoniy shaxsga zarar qoplangan kundan boshlab bir oydan kechikmay qabul qilinishi mumkin.
Agar notariusdan undirilishi kerak bo‘lgan yetkazilgan zarar summasi uning o‘rtacha oylik ish haqidan ortiq bo‘lsa yoki adliya boshqarmasi tomonidan yuridik va jismoniy shaxsga zarar qoplangan kundan so‘ng bir oylik muddat tamom bo‘lsa, undirish sud tartibida amalga oshiriladi.
10. Sudning to‘langan qoplash miqdorida yetkazilgan zararni notariusdan undirish to‘g‘risidagi qarori belgilangan tartibda ijro etilishi kerak.
11. Zararni qoplash hisobiga notariusdan adliya boshqarmasining shaxsiy g‘aznachilik hisob raqamiga tushgan mablag‘ ikki kundan kechikmay Jamg‘armaning shaxsiy g‘aznachilik hisob raqamiga yuboriladi.
Notarius tomonidan o‘z kasb majburiyatlari buzilishi oqibatida yetkazilgan zararni qoplash sxemasi ushbu Nizomga ilovada keltirilgan.
12. Yuridik va jismoniy shaxslarga zararni qoplash to‘g‘risidagi ishlar sudlarda ko‘rib chiqilishi munosabati bilan adliya boshqarmasi tomonidan sarflangan xarajatlar ham ushbu Nizomga muvofiq aksincha talab (regress) tartibida notariusdan undirilishi kerak.
13. Notarius bilan mehnat shartnomasining to‘xtatilishi uni zarar va tegishli xarajatlarni qoplash majburiyatidan ozod qilmaydi.
14. Sudning notarius tomonidan o‘z kasb majburiyatlari buzilishi oqibatida yetkazilgan zararni qoplash to‘g‘risidagi qarori majburiy ijro etilgan hollarda ham zarar qonun hujjatlarida belgilangan tartibda Jamg‘arma mablag‘lari hisobiga qoplanishi kerak.
Keyingi tahrirga qarang.
Keyingi tahrirga qarang.
Notarius tomonidan o‘z kasb majburiyatlari buzilishi oqibatida yetkazilgan zararni qoplash tartibi to‘g‘risidagi nizomga
ILOVA
ILOVA
Keyingi tahrirga qarang.
“notarius tomonidan o‘z kasb majburiyatlari buzilishi oqibatida yetkazilgan zararni qoplashga va tegishli xarajatlarga”;
2. Sudlar va adliya organlarini rivojlantirish jamg‘armasi to‘g‘risidagi Nizomning (1-ilova) 4-bandi o‘n uchinchi xatboshi quyidagi mazmundagi o‘n uchinchi—o‘n beshinchi xatboshilar bilan almashtirilsin:
mablag‘larni O‘zbekiston Respublikasi Oliy sudi orqali ajratish yo‘li bilan Sud qonunchiligini demokratlashtirish va liberallashtirish hamda sud tizimi mustaqilligini ta’minlash bo‘yicha tadqiqot markazi faoliyatini moliyalashtirishga;
notarius tomonidan o‘z kasb majburiyatlari buzilishi oqibatida yetkazilgan zararni va u bilan bog‘liq xarajatlarni qoplashga yo‘naltiriladi. Notarius tomonidan o‘z kasb majburiyatlari buzilishi oqibatida yetkazilgan zararni va u bilan bog‘liq xarajatlarni qoplash maqsadida Jamg‘arma mablag‘laridan foydalanish tartibi O‘zbekiston Respublikasi Vazirlar Mahkamasi tomonidan belgilanadi”;
o‘n to‘rtinchi va o‘n beshinchi xatboshilar tegishli ravishda o‘n oltinchi va o‘n yettinchi xatboshilar deb hisoblansin.
Keyingi tahrirga qarang.