Oʻzbekiston Respublikasi “Budjet tizimi toʻgʻrisida”gi (Oʻzbekiston Respublikasi qonun hujjatlari toʻplami, 2000-y., 11-son, 151-modda, Oʻzbekiston Respublikasi Oliy Majlisining Axborotnomasi, 2001 y, 1-2-son, 6-modda) va “Davlat budjetining gʻazna ijrosi toʻgʻrisida”gi (Oʻzbekiston Respublikasi qonun hujjatlari toʻplami, 2004-y., 43-son, 453-modda, Oʻzbekiston Respublikasi Oliy Majlisining Axborotnomasi, 2004 y, 9-son, 164-modda) qonunlariga muvofiq hamda milliy budjet tasnifini davlat moliyasi tasnifining xalqaro standartlari bilan uygʻunlashtirish maqsadida buyuraman:

1. Oʻzbekiston Respublikasi budjet tasnifini qoʻllash boʻyicha Yoʻriqnoma ilovaga muvofiq tasdiqlansin.

2. Mazkur buyruq 2011-yil 1-yanvardan kuchga kiradi.

Mazkur Yoʻriqnoma Oʻzbekiston Respublikasining “Budjet tizimi toʻgʻrisida”gi Qonuniga (Oʻzbekiston Respublikasi Oliy Majlisining Axborotnomasi, 2001-y., 1-2-son, 6-modda) muvofiq Oʻzbekiston Respublikasi budjet tasnifini (keyingi oʻrinlarda budjet tasnifi deb yuritiladi) qoʻllash tartibini belgilaydi.

1. Budjet tasnifi Davlat budjeti va davlat maqsadli jamgʻarmalari budjetlaridan mablagʻ oluvchi tashkilotlarga qoʻllaniladi hamda Davlat budjeti va davlat maqsadli jamgʻarmalari budjetlarini tuzish, koʻrib chiqish, qabul qilish va ijro qilish, shuningdek Davlat budjeti va davlat maqsadli jamgʻarmalari budjetlari ijrosi toʻgʻrisidagi hisobotlarni tayyorlash maqsadida foydalaniladi.

2. Budjet tasnifi Oʻzbekiston Respublikasi Davlat budjeti, davlat maqsadli jamgʻarmalari tuzilmasiga kiruvchi budjetlar daromadlari va xarajatlarini, shuningdek uning taqchilligini moliyalashtirish manbalari guruhlanishi boʻlib, quyidagilarni oʻz ichiga oladi:

Davlat budjeti daromadlarining tasnifi;

Davlat budjeti xarajatlarining vazifa jihatidan, tashkiliy va iqtisodiy tasnifi;

Davlat budjeti taqchilligini moliyalashtirish manbalari tasnifi.

Budjet tasnifi Davlat budjetini tuzish, koʻrib chiqish, qabul qilish hamda ijro etish maqsadida budjet maʼlumotlarini tizimga solish uchun foydalaniladi va u budjet maʼlumotlari xalqaro tasnif tizimlarining aynan shunday maʼlumotlari bilan qiyoslanishini taʼminlaydi.

3. Budjet tasnifini tuzishning asosiy tamoyillari quyidagilar hisoblanadi:

toʻliqlilik — budjet tasnifi budjet jarayonining barcha ishtirokchilarini qamrab olishi shart;

yagonalik — budjet tasnifi budjet jarayonining barcha ishtirokchilari uchun yagona boʻlishi shart;

oʻzaro muvofiqlik — budjet tasnifining kodlari bir vaqtning oʻzida budjet jarayonining har xil operatsiyalarini aks ettirish uchun qoʻllanilmasligi kerak, yaʼni budjet tasnifining har bir kodi oʻziga xos boʻlishi shart.

4. Davlat budjeti daromadlarining tasnifi (keyingi oʻrinlarda daromadlar tasnifi deb yuritiladi) barcha darajadagi budjetlar daromadlari, davlat maqsadli jamgʻarmalari hamda budjet tashkilotlarining budjetdan tashqari daromadlarining guruhlanishidan iborat.

5. Yigirma bir koddan iborat boʻlgan daromadlar tasnifi tuzilmasi toʻrt qismli koʻrinishga ega:

mablagʻlar manbasi va budjetlar darajasi tasnifi (mazkur Yoʻriqnomaning 1-ilovasi);

daromadlar turi (mazkur Yoʻriqnomaning 2-ilovasi);

hududiy tasnif (mazkur Yoʻriqnomaning 3-ilovasi).

6. Daromadlar tasnifi tuzilmasi quyidagi koʻrinishga ega:

7. Davlat moliyasini boshqarishning Axborot tizimi (keyingi oʻrinlarda DMBAT deb yuritiladi) tatbiq etilguniga qadar Oʻzbekiston Respublikasi Davlat budjeti ijrosi toʻgʻrisidagi hisobotni tuzishda faqatgina “Daromadlar turi” kodi qoʻllaniladi.

8. Mablagʻlar manbasi va budjetlar darajasi tasnifi (1—6 kodlar) budjetga tushayotgan daromadlarni tegishli mablagʻlar manbasi va budjetlar darajalariga (tegishli budjet darajasiga, davlat maqsadli jamgʻarmasi turiga va budjet tashkilotlarining budjetdan tashqari daromadlari turiga) mansubligini aniqlash maqsadida qoʻllaniladi.

9. 7 ta raqamli daromadlar turi (7—13 kodlar) quyidagilardan iborat:

boʻlim;

paragraf;

daromad turi.

10. Boʻlim daromadlarni ularning olish manbalari boʻyicha guruhlanishini bildiradi:

3 100 000 “Soliqlar”;

3 200 000 “Ijtimoiy ehtiyojlarga ajratmalar/badallar”;

3 300 000 “Grantlar”;

3 400 000 “Boshqa daromadlar”;

3 500 000 “Aktiv va majburiyatlarga tranzaksiyalar boʻyicha tushumlar”.

11. Paragraf soliq yoki boshqa turdagi daromadlarni soliqqa tortish bazasi boʻyicha daromadlarning guruhlanishini bildiradi.

12. “Soliqlar” (3 100 000) quyidagi paragraflarni oʻz ichiga oladi:

3 110 000 “Daromad, foyda va kapital oʻsishiga soliqlar”;

3 130 000 “Mol-mulkka solinadigan soliq”;

3 140 000 “Tovarlar va xizmatlarga soliqlar”;

3 150 000 “Xalqaro savdo va operatsiyalarga soliqlar”;

3 160 000 “Boshqa soliqlar”;

13. “Ijtimoiy ehtiyojlarga ajratmalar/badallar” (3 200 000) 3 210 000 “Ijtimoiy taʼminotga ajratmalar/badallar” paragrafini oʻz ichiga oladi.

14. “Grantlar” (3 300 000) quyidagi paragraflarni oʻz ichiga oladi:

3 310 000 “Xorijiy davlatlar hukumatlaridan”;

3 320 000 “Xalqaro tashkilotlardan”;

3 330 000 “Davlat boshqaruvi sektorining boshqa birliklaridan”.

15. “Boshqa daromadlar” (3 400 000) quyidagi paragraflarni oʻz ichiga oladi:

3 410 000 “Mol-mulkdan daromadlar”;

3 420 000 “Tovarlar va xizmatlar sotilishi”;

3 430 000 “Jarimalar, penyalar va neustoykalar”;

3 440 000 “Ixtiyoriy transfertlar, grantlar bundan mustasno”;

3 450 000 “Aniqlab boʻlmaydigan va boshqa daromadlar”.

16. “Aktiv va majburiyatlarga tranzaksiyalar boʻyicha tushumlar” (3 500 000) quyidagi paragraflarni oʻz ichiga oladi:

3 510 000 “Tranzaksiyalardan aktivlarga tushadigan tushumlar”;

3 520 000 “Majburiyatlarga tranzaksiyalar boʻyicha tushumlar”.

17. Tegishli boʻlim va paragrafning yanada detallashtirilishi va tavsifi mazkur Yoʻriqnomaning 2-ilovasiga muvofiq daromadlar turi boʻyicha amalga oshiriladi.

18. Tegishli budjetning daromadlar ijrosi toʻgʻrisidagi hisobotlar daromadlar tasnifining mumkin boʻlgan barcha elementlarini qoʻllagan holda shakllantiriladi.

Davlat budjeti va davlat maqsadli jamgʻarmalari oʻrtasidagi budjet darajalari boʻyicha tushumlarning taqsimlanishi qonunchilikka muvofiq amalga oshiriladi.

19. Tashkiliy tasnif (14 — 16 kodlar) budjetga tushayotgan daromadlarni ularni boshqaruvchi tegishli tashkilotlarga (Oʻzbekiston Respublikasi Adliya vazirligi, Oʻzbekiston Respublikasi Davlat soliq qoʻmitasi, Oʻzbekiston Respublikasi Davlat bojxona qoʻmitasi, Oʻzbekiston Respublikasi Ichki ishlar vazirligi va sh.k.) tegishli ekanligini aniqlash maqsadida qoʻllaniladi va Oʻzbekiston Respublikasi Moliya vazirligi tomonidan tasdiqlanadi.

Oʻzaro hisob-kitoblar boʻyicha yuqori (quyi) budjetning quyi (yuqori) budjet oldidagi majburiyatining qaytarilishi hisobiga quyi budjetlarga dotatsiya, subvensiya, budjet ssudalari va mablagʻlari kelib tushganda Oʻzbekiston Respublikasi Moliya vazirligiga biriktirilgan koddan foydalaniladi.

20. Hududiy tasnif (17 — 21 kodlar) tushayotgan daromadlarni mazkur daromadlarni toʻlayotgan tegishli hududlarga mansub ekanligini aniqlash maqsadida qoʻllaniladi.

21. Davlat budjeti, davlat maqsadli va boshqa budjetdan tashqari jamgʻarmalar xarajatlari tasnifi (keyingi oʻrinlarda xarajatlar tasnifi deb yuritiladi) barcha budjet darajalari xarajatlari guruhlanishini oʻzida ifodalaydi hamda davlat boshqaruvi va mahalliy oʻzini oʻzi boshqarish sektori birliklari asosiy funksiyalarini bajarishiga, ijtimoiy-iqtisodiy vazifalarni hal qilishiga budjet mablagʻlarini yoʻnaltirilishini aks ettiradi.

22. Xarajatlar tasnifi quyidagilardan iborat:

mablagʻlar manbasi va budjetlar darajasi tasnifi (mazkur Yoʻriqnomaning 1-ilovasi);

hududiy tasnif (mazkur Yoʻriqnomaning 3-ilovasi);

xarajatlarning vazifa jihatidan tasnifi (mazkur Yoʻriqnomaning 4-ilovasi);

xarajatlarning iqtisodiy tasnifi (mazkur Yoʻriqnomaning 5-ilovasi);

xarajatlarning iqtisodiy tasnifi (xarajatlar guruhi boʻyicha) (mazkur Yoʻriqnomaning 5a-ilovasi);

tashkiliy tasnif;

23. Xarajatlar tasnifi tuzilmasi quyidagi koʻrinishga ega:

24. DMBAT tatbiq etilguniga qadar xarajatlar smetasini va xarajatlar smetasi ijrosi toʻgʻrisidagi hisobotni (Davlat budjeti ijrosi toʻgʻrisidagi hisobotni qoʻshgan holda) tuzishda “Xarajatlarning vazifa jihatdan tasnifi”, “Tashkiliy tasnif” va “Xarajatlarning iqtisodiy tasnifi” kodlari qoʻllaniladi.

25. Mablagʻlar manbasi va budjetlar darajasi tasnifi (1 — 6 kodlar) amalga oshirilayotgan xarajatlarning qaysi mablagʻlar manbasi va budjetlar darajasiga (tegishli budjet darajasiga, davlat maqsadli jamgʻarmasi turiga va sh.k.) mansubligini aniqlash maqsadida qoʻllaniladi.

26. Xarajatlarning vazifa jihatdan tasnifi (7 — 13 kodlar) barcha budjet darajalari xarajatlari guruhlanishini oʻzida ifodalaydi hamda davlat boshqaruvi va mahalliy oʻzini oʻzi boshqarish sektori birliklari asosiy funksiyalarini bajarishiga, ijtimoiy-iqtisodiy vazifalarni hal qilishiga budjet va budjetdan tashqari mablagʻlarni yoʻnaltirilishini aks ettiradi.

27. Xarajatlarning vazifa jihatdan tasnifi ikki darajadan iborat:

Vazifa jihatdan tasnifning birinchi darajasi (boʻlimlar) davlatning asosiy vazifasini bajarish uchun moliyaviy resurslarning yoʻnalishini aks ettiradi. Kichik boʻlimlar vazifa jihatdan tasnifning ikkinchi darajasi hisoblanib, davlat vazifalarining bajarilishida budjet mablagʻlarining boʻlimlar doirasidagi yoʻnalishini aniqlashtiradi.

Vazifa jihatdan tasnifning kichik boʻlimlarining tuzilishi davlatning asosiy vazifalarini aniqlashtirish tamoyiliga asosan qurilgan.

Vazifa jihatdan tasnifning kodi 7 ta raqamdan iborat boʻlib, shundan 4 ta raqam — boʻlim, 3 ta raqam esa — kichik boʻlimdir.

Vazifa jihatdan tasnifning boʻlimlari va kichik boʻlimlari yagona boʻlib, budjet jarayonining barcha ishtirokchilari tomonidan Oʻzbekiston Respublikasi Davlat budjetini tuzishda, tasdiqlashda va ijro qilishda foydalaniladi.

28. 7 011 000 “Ijro etuvchi va qonunchilik organlari, budjet—moliyaviy masalalar, xalqaro munosabatlar” boʻlimi boʻyicha davlat vakillik organlari, qonunchilik hokimiyati organlari, davlat hokimiyati organlari, fuqarolarni oʻzini oʻzi boshqarish organlarining faoliyatiga qilinadigan xarajatlar, budjet-moliyaviy masalalarga, xalqaro faoliyatga, zaxira jamgʻarmalari va boshqa umumdavlat boshqaruvi organlariga xarajatlar aks ettiriladi.

29. 7 011 100 “Davlat vakillik organlari, qonunchilik hokimiyati organlari faoliyati” kichik boʻlimi boʻyicha Oʻzbekiston Respublikasi Oliy Majlisi, Qoraqalpogʻiston Respublikasi Joʻqorgʻi Kengesini saqlash xarajatlari, Oʻzbekiston Respublikasi Oliy Majlisi Senati aʼzolarining faoliyatini taʼminlash, Oliy Majlis palatalarining majlisiga tayyorgarlik koʻrish va oʻtkazish bilan bogʻliq xarajatlar, shuningdek davlat hokimiyati vakillik organlari faoliyati bilan bogʻliq boshqa xarajatlar aks ettiriladi.

30. 7 011 200 “Davlat hokimiyati organlari faoliyati” kichik boʻlimi boʻyicha Oʻzbekiston Respublikasi Prezidenti Devoni, Oʻzbekiston Respublikasi Vazirlar Mahkamasi, Qoraqalpogʻiston Respublikasi Vazirlar Kengashi, hokimliklar, hokimliklar boshqarmalari va boʻlimlarini saqlash xarajatlari, shuningdek boshqa toifalarga kiritilmagan davlat hokimiyati organlarini saqlash xarajatlari aks ettiriladi.

31. 7 011 300 “Budjet-moliyaviy masalalar” kichik boʻlimi boʻyicha Moliya vazirligi va uning hududiy boʻlinmalari, Iqtisodiyot vazirligi va uning hududiy boʻlinmalari, Davlat soliq qoʻmitasi va uning hududiy boʻlinmalari, Davlat bojxona qoʻmitasi va uning hududiy boʻlinmalarini saqlash xarajatlari, shuningdek Davlat mulk qoʻmitasining maxsus hisobvaragʻi va boshqa toifalarga kiritilmagan budjet-moliyaviy masalalar bilan bogʻliq xarajatlar aks ettiriladi.

32. 7 011 400 “Fuqarolarni oʻzini oʻzi boshqarish organlarining faoliyati” kichik boʻlimi boʻyicha shaharcha, qishloq va ovul fuqarolari yigʻinlari Kengashi apparatini, shaharlar, shaharchalar, qishloqlar va ovullar mahallalari fuqarolari yigʻinlari Kengashi apparatini saqlash xarajatlari aks ettiriladi.

33. 7 011 900 “Umumdavlat boshqaruvining boshqa organlarining faoliyati” kichik boʻlimi boʻyicha davlat zaxirasiga gʻamlash, oziq-ovqat mahsulotlari zaxiralarini yaratish xarajatlari, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

34. 7 012 000 “Xalqaro faoliyat” boʻlimi boʻyicha xalqaro munosabatlar, rivojlanayotgan mamlakatlar va oʻtish iqtisodiyotidagi mamlakatlarga iqtisodiy yordam, xalqaro tashkilotlar orqali koʻrsatiladigan iqtisodiy yordam va boshqa toifalarga kiritilmagan xalqaro faoliyatning boshqa masalalari boʻyicha xarajatlar aks ettiriladi.

35. 7 012 100 “Xalqaro munosabatlar” kichik boʻlimi boʻyicha Tashqi ishlar vazirligi, Respublikaning chet eldagi elchixonalari, vakolatxonalari, konsulxonalari, agentliklari va boshqa diplomatik muassasalarini saqlash xarajatlari, xalqaro tashkilotlarga aʼzolik badali toʻlovi boʻyicha, shuningdek xalqaro munosabatlarni taʼminlaydigan va boshqa toifalarga kiritilmagan xalqaro munosabatlarni taʼminlovchi boshqa tashkilotlar xarajatlari aks ettiriladi.

36. 7 012 200 “Rivojlanayotgan mamlakatlarga va oʻtish iqtisodiyotidagi mamlakatlarga iqtisodiy yordam” kichik boʻlimi boʻyicha Oʻzbekiston Respublikasi Hukumatining chet davlat Hukumatlariga kredit berish va chet davlatlarga begʻaraz yordam koʻrsatish bilan bogʻliq xarajatlari aks ettiriladi.

37. 7 012 300 “Xalqaro tashkilotlar orqali koʻrsatiladigan iqtisodiy yordam” kichik boʻlimi boʻyicha xalqaro, mintaqaviy yoki boshqa xalqaro tashkilotlar iqtisodiy rivojlanish jamgʻarmalariga badallari aks ettiriladi.

38. 7 012 900 “Boshqa toifalarga kiritilmagan xalqaro faoliyatning boshqa masalalari” kichik boʻlimi boʻyicha boshqa toifalarga kiritilmagan xalqaro faoliyat bilan bogʻliq xarajatlar, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

39. 7 013 000 “Umumiy xizmatlar” boʻlimi boʻyicha kadr xizmatining umumiy masalalariga, umumiy vazifadagi rejalashtirish xizmati va statistika xizmatiga, arxiv muassasalari va boshqa umumiy xizmatlar faoliyatiga xarajatlar aks ettiriladi.

40. 7 013 100 “Kadrlar xizmatining umumiy masalalari” kichik boʻlimi boʻyicha kadrlar siyosati boʻyicha masalalar va kadrlar xizmati bilan bogʻliq boshqa xarajatlar aks ettiriladi.

41. 7 013 200 “Umumiy ahamiyatdagi rejalashtirish xizmati va statistika xizmatlari” kichik boʻlimi boʻyicha statistik ishlarni amalga oshirish uchun davlat buyurtmasi boʻyicha xarajatlar aks ettiriladi.

42. 7 013 300 “Arxiv muassasalarining faoliyati” kichik boʻlimi boʻyicha arxiv muassasalarini saqlash xarajatlari aks ettiriladi.

43. 7 013 900 “Boshqa umumiy xizmatlar” kichik boʻlimi boʻyicha Qabullar uylari, Oʻzbekiston Respublikasi Moliya vazirligi huzuridagi maʼmuriy binodan foydalanish boʻyicha boshqarmani saqlash xarajatlari, shuningdek boshqa xarajatlar aks ettiriladi.

44. 7 014 000 “Fundamental tadqiqotlar” boʻlimi boʻyicha aniq amaliy yoki tajriba maqsadiga erishishni koʻzda tutmaydigan, hodisalarning asoslari va kuzatiladigan dalillar haqida yangi bilimlar olishga yoʻnaltirilgan fundamental tadqiqotlarni qoʻllab-quvvatlash xarajatlari, Oʻzbekiston Respublikasi Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qoʻmitasini saqlash xarajatlari, shuningdek, maqsadli xarajatlar uchun ayrim tashkilotlarga ajratilgan mablagʻlar aks ettiriladi.

45. 7 015 000 “Umumiy ahamiyatdagi Davlat xizmatlari bilan bogʻliq ilmiy-tadqiqot va tajriba-konstruktorlik ishlari” boʻlimi boʻyicha fanga xizmat qiluvchi noyob obyektlar va muassasalar, katta ilmiy va investitsion loyihalarni ekspertizadan oʻtkazish, umumiy ahamiyatdagi davlat xizmatlari funksiyalarini bajarishga taʼsir koʻrsatadigan ilmiy-texnik dasturlar va innovatsion ishlanmalarning ustuvor yoʻnalishlariga xarajatlar, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

46. 7 016 000 “Boshqa toifalarga kiritilmagan umumiy ahamiyatdagi davlat xizmatlari” boʻlimi boʻyicha saylov va referendumlar oʻtkazish, bir yoʻla toʻlanadigan davlat ragʻbatlantirish va mukofotlarini toʻlash, davlat ulushlarini boshqarish boʻyicha xizmatlar toʻlovi, siyosiy partiyalarning nizom boʻyicha faoliyatini moliyalashtirish xarajatlari, kapital qoʻyilmalar va boshqa umumiy xizmatlar boʻyicha xarajatlar aks ettiriladi.

47. 7 016 100 “Saylov va referendumlar oʻtkazish xarajatlari” kichik boʻlimi boʻyicha tegishli xalq deputatlari Kengashlariga saylovlarni, referendumlarni va Oʻzbekiston Respublikasi Prezidenti saylovini oʻtkazish, shuningdek Oʻzbekiston Respublikasi Markaziy saylov komissiyasini saqlash xarajatlari aks ettiriladi.

48. 7 016 200 “Bir yoʻla beriladigan davlat ragʻbatlantirish va mukofotlarini toʻlash xarajatlari” kichik boʻlimi boʻyicha davlat mukofotlari, davlat ragʻbatlantirishlari bilan taqdirlanishi, Oʻzbekiston Respublikasi Hukumati qarori boʻyicha bir yoʻla mukofotlarni toʻlash bilan bogʻliq xarajatlar aks ettiriladi.

49. 7 016 300 “Davlat ulushlarini boshqarish boʻyicha xizmatlar toʻlovi” kichik boʻlimi boʻyicha davlat ulushini boshqarish boʻyicha davlat ishonchli vakillarining xizmatlariga xarajatlar aks ettiriladi.

50. 7 016 400 “Siyosiy partiyalarning nizom boʻyicha faoliyatini moliyalashtirish xarajatlari” kichik boʻlimi boʻyicha siyosiy partiyalarning nizom boʻyicha faoliyatini moliyalashtirishga siyosiy partiyalarga ajratilgan mablagʻlar koʻrsatiladi.

51. 7 016 800 “Kapital qoʻyilmalar” kichik boʻlimi boʻyicha budjet ajratmalari, budjet ssudalari, shuningdek boshqa manbalar hisobidan kapital qoʻyilmalar boʻyicha xarajatlar aks ettiriladi.

52. 7 016 900 “Boshqa umumiy xizmatlar” kichik boʻlimi boʻyicha boshqa kichik boʻlimlarga kiritilmagan xarajatlar, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

53. 7 017 000 “Davlat qarzlari bilan bogʻliq operatsiyalar” boʻlimi boʻyicha davlatning ichki va tashqi qarzlariga xizmat koʻrsatish boʻyicha xarajatlar, shuningdek Oʻzbekiston Respublikasi tomonidan kafolatlangan majburiyatlarning bajarilishi boʻyicha xarajatlar aks ettiriladi.

54. 7 017 100 “Davlat ichki qarzlariga xizmat koʻrsatish” kichik boʻlimi boʻyicha Oʻzbekiston Respublikasining 1992-yildagi 12 foizli ichki yutuqli zayomlari, 1982-yildagi Davlat ichki yutuqli zayomlari, 1990-yildagi Davlat maqsadli foizsiz zayomlari va gʻazna majburiyatlari, 1990-yildagi korxonalar, tashkilotlar va aholi oʻrtasida joylashtirilgan Oʻzbek zayomlari, aholi oʻrtasida joylashtirilgan Davlat maqsadli foizsiz zayomlari, davlat, kooperativ va boshqa jamoat korxonalari va tashkilotlari hamda kredit muassasalari oʻrtasida joylashtirilgan 1990-yildagi 5 foizli Davlat ichki zayomlari, davlat qisqa va oʻrta muddatli majburiyatlari boʻyicha xarajatlar, ssudalar boʻyicha toʻlovlari, shuningdek boshqa toifalarga kiritilmagan davlat ichki qarzlariga xizmat koʻrsatish xarajatlari aks ettiriladi.

55. 7 017 200 “Davlat tashqi qarzlariga xizmat koʻrsatish” kichik boʻlimi boʻyicha Oʻzbekiston Respublikasi Hukumati tomonidan chet davlatlar hukumatlaridan olingan kreditlar, Oʻzbekiston Respublikasi kafolati asosida olingan kreditlar, boshqa kichik boʻlimlarga kiritilmagan tashqi qarzlarga xizmat koʻrsatish boʻyicha xarajatlar, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

56. 7 018 000 “Turli darajadagi davlat boshqaruv organlari oʻrtasidagi umumiy tusdagi transfertlar va qarz olishlar” boʻlimi boʻyicha ssudalar, dotatsiyalar, subvensiyalar, boshqa budjetlar va jamgʻarmalarga oʻtkazib beriladigan mablagʻlar, shuningdek davlat soliq va daromadlaridan ajratmalar aks ettiriladi.

57. 7 018 100 “Ssudalar” kichik boʻlimi boʻyicha turli darajadagi budjetlar, jamgʻarmalar va xoʻjalik yurituvchi subyektlarga beriladigan ssudalar aks ettiriladi.

58. 7 018 200 “Dotatsiyalar” kichik boʻlimi boʻyicha Qoraqalpogʻiston Respublikasi budjetiga, mahalliy budjetlarga hamda jamgʻarmalarga beriladigan dotatsiyalar aks ettiriladi.

59. 7 018 300 “Subvensiyalar” kichik boʻlimi boʻyicha Qoraqalpogʻiston Respublikasi budjetiga va mahalliy budjetlarga turli xil maqsadlar uchun beriladigan subvensiyalar aks ettiriladi.

60. 7 018 500 “Boshqa budjet va jamgʻarmalarga beriladigan mablagʻlar” kichik boʻlimi boʻyicha:

oʻzaro hisob-kitoblar boʻyicha Oʻzbekiston Respublikasi respublika budjetiga, Qoraqalpogʻiston Respublikasi budjetiga, viloyatlar va Toshkent shahar budjetiga hamda tumanlar va shaharlar budjetlariga beriladigan mablagʻlar;

Davlat maqsadli va budjetdan tashqari jamgʻarmalariga beriladigan mablagʻlar;

yuqori budjetga oʻtkaziladigan mablagʻlar;

yuqori budjetlarga beriladigan daromadlarining ortiqcha summalari;

respublika budjetidan Qoraqalpogʻiston Respublikasi va mahalliy budjetlarga beriladigan daromadlar;

Qoraqalpogʻiston Respublikasi va mahalliy budjetlardan tuman va shaharlarga beriladigan daromadlar;

erkin qoldiqlar hisobidan oʻzaro hisob-kitoblar boʻyicha Qoraqalpogʻiston Respublikasi, viloyatlar va Toshkent shahar budjetiga beriladigan mablagʻlar;

erkin qoldiqlar hisobidan oʻzaro hisob-kitob boʻyicha tuman va shaharlar budjetlariga beriladigan mablagʻlar;

Mehnat va aholini ijtimoiy muhofaza qilish vazirligiga beriladigan mablagʻlar;

Qoraqalpogʻiston Respublikasi mehnat va aholini ijtimoiy muhofaza qilish vazirligi, viloyatlar va Toshkent shahar mehnat va aholini ijtimoiy muhofaza qilish hududiy boshqarmalariga beriladigan mablagʻlar;

Ish bilan taʼminlashga koʻmaklashish va aholini ijtimoiy muhofaza qilish markazlariga beriladigan mablagʻlar;

Oʻzbekiston Respublikasi Moliya vazirligi huzuridagi budjetdan tashqari Maktab taʼlimi jamgʻarmasidan beriladigan mablagʻlar;

Qoraqalpogʻiston Respublikasi Moliya vazirligi, viloyatlar va Toshkent shahar moliya boshqarmalarining Maktab taʼlimi jamgʻarmasidan beriladigan mablagʻlar;

respublika budjetining prognozdan ortiqcha daromadlarini quyi turuvchi budjetlar xarajatlariga yoʻnaltirish;

aylanma kassa mablagʻlarini toʻldirish uchun mablagʻlar.

61. 7 018 600 “Davlat soliq va daromadlaridan ajratmalar” kichik boʻlimi boʻyicha qoʻshilgan qiymat soligʻidan, yuridik shaxslar foyda soligʻidan ajratmalar, boshqa soliqlar va majburiy toʻlovlar, shuningdek narx oʻrtasidagi farq summalaridan ajratmalar aks ettiriladi.

62. 7 019 000 “Boshqa xarajatlar” boʻlimi boʻyicha chegirilgan rejali mablagʻlar xarajatlari, shuningdek “Davlat moliyasini boshqarishni isloh qilish” loyihasini tayyorlash va amalga oshirish xarajatlari hamda maqsadli xarajatlar uchun ayrim tashkilotlarga ajratilgan mablagʻlar aks ettiriladi.

63. 7 020 000 “Mudofaa” boʻlimi boʻyicha qurolli kuchlar, fuqaro mudofaasi, xorijiy harbiy yordam, mudofaa sohasida ilmiy-tadqiqot, tajriba-konstruktorlik ishlari hamda boshqa toifalarga kiritilmagan boshqa masalalar uchun xarajatlar aks ettiriladi.

64. 7 021 000 “Qurolli kuchlar” boʻlimida Oʻzbekiston Respublikasi Mudofaa vazirligi va uning hududiy boʻlinmalarini saqlash, mudofaa uchun mutaxassislarni tayyorlash va mudofaaga yordam beruvchi “Vatanparvar” tashkilotining boshqa xarajatlari, safarbarlik zaxiralariga gʻamlash va “Oʻzdavzaxira” boshqaruv apparati va uning tarkibiy boʻlinmalarini saqlash xarajatlari, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

65. 7 022 000 “Fuqarolar mudofaasi” boʻlimi boʻyicha Oʻzbekiston Respublikasi favqulodda vaziyatlar boʻyicha organlarini saqlash xarajatlari, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

66. 7 023 000 “Xorijiy harbiy yordam” boʻlimi boʻyicha xorijiy davlatlarga harbiy yordam koʻrsatish boʻyicha xarajatlar, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

67. 7 024 000 “Mudofaa sohasida ilmiy-tadqiqot, tajriba-konstruktorlik ishlari” boʻlimida mudofaa sohasidagi tadqiqot va amaliy ishlar boʻyicha xarajatlar, jumladan, fanga xizmat qiluvchi noyob obyektlar va muassasalarga, katta ilmiy va investitsion loyihalarni ekspertizadan oʻtkazish, mudofaa sohasidagi ilmiy-texnik dasturlar va innovatsion ishlanmalarning ustuvor yoʻnalishlariga xarajatlar, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

68. 7 029 000 “Boshqa toifalarga kiritilmagan mudofaa masalalari” boʻlimi boʻyicha mudofaa uchun kapital qoʻyilmalar, jumladan, budjet ajratmalari, budjet ssudalari va boshqa manbalar hisobidan kapital qoʻyilmalar, shuningdek boshqa xarajatlar aks ettiriladi.

69. 7 030 000 “Jamoat tartibi va xavfsizligi” boʻlimi boʻyicha ichki xavfsizlik, yongʻinga qarshi himoya, sud hokimiyati, davlat xavfsizlik organlari, chegara xizmati organlari, adliya organlari, prokuratura organlari, jamoat tartibi va xavfsizligi masalalari bilan bogʻliq ilmiy-tadqiqot, tajriba-konstruktorlik ishlari va boshqa toifalarga kiritilmagan jamoat tartibi va xavfsizligi masalalari xarajatlari aks ettiriladi.

70. 7 031 000 “Ichki xavfsizlik boʻyicha xarajatlar” boʻlimi boʻyicha Oʻzbekiston Respublikasi Ichki ishlar vazirligini, Oʻzbekiston Respublikasi Ichki ishlar vazirligining jazoni ijro etish Bosh boshqarmasini, Oʻzbekiston Respublikasi Ichki ishlar vazirligining moddiy-texnik va harbiy taʼminot Boshqarmasini, voyaga yetmaganlar ishi bilan shugʻullanuvchi inspeksiyalarni, daydilik va tilamchilik uchun ushlangan shaxslarning qabul-taqsimotxonalarini, yoʻl-patrul xizmati boʻlinmalarini, maʼmuriy hibsga olinganlarni tashish boʻlinmalarini, profilaktika inspektorlarini, maʼmuriy tartibda hibsga olingan shaxslarni saqlash uchun maxsus qabul-taqsimotxonalar, ichki ishlar organlarining maxsus safdagi boʻlinmalarini, topilmalar byurosini, xatlangan mol-mulklar omborxonasini, manzil-maʼlumotnoma byurolarini, Oʻzbekiston Respublikasi Ichki ishlar vazirligining Yoʻl harakati xavfsizligi Bosh boshqarmasining maxsus montaj-ekspluatatsiya boshqarmasini, voyaga yetmaganlar huquqbuzarliklarining oldini olish boʻlimlari va boʻlinmalari (guruhlari), markazlashtirilgan buxgalteriyalarni saqlash xarajatlari, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

71. 7 032 000 “Yongʻinga qarshi himoya” boʻlimida Oʻzbekiston Respublikasi Ichki ishlar vazirligining Davlat yongʻin xavfsizligi xizmatini saqlash xarajatlari aks ettiriladi.

72. 7 033 000 “Sud hokimiyati” boʻlimida Oʻzbekiston Respublikasi Konstitutsiyaviy sudi, Oʻzbekiston Respublikasi Oliy sudi, Oʻzbekiston Respublikasi Oliy xoʻjalik sudi, Qoraqalpogʻiston Respublikasi fuqarolik va jinoyat ishlari boʻyicha oliy sudlari, Qoraqalpogʻiston Respublikasi xoʻjalik sudi, viloyat va Toshkent shahar xoʻjalik sudlari, boshqa sudlar, Oʻzbekiston Respublikasi Prezidenti huzuridagi Sudyalarni tanlash va lavozimlarga tavsiya etish boʻyicha oliy malaka komissiyasi kotibiyatini va Oʻzbekiston Respublikasi Oliy sudi huzuridagi Sud qonunchiligini demokratlashtirish va liberallashtirish hamda sud tizimi mustaqilligini taʼminlash boʻyicha tadqiqot markazini, adliya organlari va Oʻzbekiston Respublikasi Oliy Majlisining Inson huquqlari boʻyicha vakili (ombudsman) kotibiyatini saqlash xarajatlari, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

73. 7 034 000 “Davlat xavfsizligi organlari” boʻlimida Oʻzbekiston Respublikasi Milliy xavfsizlik xizmatini saqlash xarajatlari, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

74. 7 035 000 “Chegara xizmati organlari” boʻlimida Oʻzbekiston Respublikasi Milliy xavfsizlik xizmatining Davlat chegaralarini himoya qiluvchi qoʻmitasini saqlash, Oʻzbekiston Respublikasining chegara hududlarida tartibni saqlashda qatnashadigan shaxslarning ish haqiga qoʻshimchalarni toʻlash va “Chegara posboni” guruhlarini saqlash xarajatlari, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

75. 7 036 000 “Prokuratura organlari” boʻlimida Oʻzbekiston Respublikasi Bosh prokuraturasini, Qoraqalpogʻiston Respublikasi, viloyatlar va Toshkent shahar prokuraturalarini, tumanlar (shaharlar) va boshqa prokuraturalarni, Oʻzbekiston Respublikasi Bosh prokuraturasi huzuridagi Soliq va valyutaga oid jinoyatlarga va jinoiy daromadlarni legallashtirishga qarshi kurashish departamenti Markaziy apparatini hamda uning joylardagi boʻlinmalarini saqlash xarajatlari, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

76. 7 038 000 “Jamoat tartibi va xavfsizligi masalalari bilan bogʻliq ilmiy-tadqiqot, tajriba-konstruktorlik ishlari” boʻlimida jamoat tartibi va xavfsizligi sohasidagi ilmiy va amaliy tadqiqotlar boʻyicha xarajatlar, jumladan, jamoat tartibi va xavfsizligi sohasidagi fanga xizmat qiluvchi noyob obyektlar va muassasalar, katta ilmiy va investitsion loyihalarni ekspertizadan oʻtkazish, ilmiy-texnik dasturlarning ustuvor yoʻnalishlari va innovatsion ishlanmalar xarajatlari, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

77. 7 039 000 “Boshqa toifalarga kiritilmagan jamoat tartibi va xavfsizligi masalalari” boʻlimi boʻyicha kapital qoʻyilmalarga xarajatlar, jumladan, budjet ajratmalari, budjet ssudalari va boshqa manbalar hisobidan kapital qoʻyilmalar, shuningdek Davlat personallashtirish markazini, Oʻzbekiston Respublikasi Vazirlar Mahkamasi huzuridagi Narkotik moddalarni nazorat qilish milliy axborot-tahlil markazini saqlash xarajatlari va boshqa xarajatlar aks ettiriladi.

78. 7 040 000 “Iqtisodiy masalalar” boʻlimi boʻyicha umumiqtisodiy va tijorat masalalariga, jumladan ishchi kuchiga oid umumiy masalalarga, qishloq va oʻrmon xoʻjaligi, baliqchilik va ovchilik xarajatlari, yoqilgʻi va energetika, konchilik sanoati, qayta ishlash sanoati va qurilish, transport, informatika va aloqa, iqtisodiy faoliyatning boshqa tarmoqlari, iqtisodiy masalalar bilan bogʻliq ilmiy-tadqiqot, tajriba-konstruktorlik ishlanmalari hamda boshqa toifalarga kiritilmagan iqtisodiy masalalarga xarajatlari aks ettiriladi.

79. 7 041 000 “Umumiqtisodiy va tijorat masalalari, jumladan ishchi kuchiga oid umumiy masalalar” boʻlimida umumiqtisodiy va tijorat masalalariga, jumladan Oʻzbekiston Respublikasi Tashqi iqtisodiy aloqalar, investitsiyalar va savdo vazirligini, Davlat mulk qoʻmitasini, Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazini, Monopoliyadan chiqarish va raqobatni rivojlantirish davlat qoʻmitasini va ularning hududiy boʻlinmalarini hamda “Oʻzinfoinvest” — xorijiy investitsiyalarni axborot bilan taʼminlash va koʻmaklashish agentligini saqlash xarajatlari, shuningdek tijorat banklarida kredit liniyalari ochish yoʻli bilan ishchi oʻrinlarini saqlab qolish va yaratish uchun kreditlar berish, barcha darajadagi mehnat va aholini ijtimoiy muhofaza qilish organlarini joylashtirish uchun binolarni qurish va rekonstruksiya qilish, ularni moddiy-texnik taʼminlash, Toshkent shahridagi Ishsizlarni kasbga tayyorlash, qayta tayyorlash va malakasini oshirish markazini saqlash, ishchi kuchi bilan bogʻliq boshqa xarajatlar va maqsadli xarajatlar uchun ayrim tashkilotlarga ajratilgan mablagʻlar aks ettiriladi.

80. 7 042 000 “Qishloq xoʻjaligi, oʻrmon xoʻjaligi, baliqchilik va ovchilik” boʻlimida:

qishloq xoʻjaligi, jumladan, Oʻzbekiston Respublikasi Qishloq va suv xoʻjaligi vazirligini (qishloq xoʻjaligi) saqlash, qishloq xoʻjaligi oʻsimliklari zararkunandalariga qarshi kurashish xizmati, oʻsimliklarni himoya qilish markazlari, biologik laboratoriyalar, veterinar laboratoriyalar, urugʻchilik inspeksiyalari, “Davtexnazorat” boʻlimlari va inspeksiyalari, agrokimyo stansiyalar, yerlarni qayta tiklash ishlari boʻyicha toʻlov, hayvon kasalliklariga qarshi kurash stansiyalari, qishloq xoʻjaligi oʻsimliklari zararkunandalariga va kasalliklariga qarshi kurash boʻyicha tadbirlar, epizootik kasalliklarga qarshi tadbirlar, shuningdek hosildorligi past yerlarda davlat ehtiyojlari uchun qishloq xoʻjaligi mahsulotlarini yetishtiruvchi fermer xoʻjaliklarini moliyaviy qoʻllab-quvvatlashga, Qishloqni qishloq xoʻjaligi texnikasi bilan taʼminlashni ragʻbatlantirish davlat jamgʻarmasining hamda boshqa xarajatlar;

oʻrmon xoʻjaligi, jumladan, Oʻzbekiston Respublikasi Qishloq va suv xoʻjaligi vazirligi huzuridagi oʻrmon xoʻjaligi bosh boshqarmasini saqlash, tabiat bogʻlari, davlat qoʻriqxonalari va oʻrmon xoʻjaliklari xarajatlari;

baliqchilik va ovchilik;

suv xoʻjaligi, jumladan, Oʻzbekiston Respublikasi Qishloq va suv xoʻjaligi vazirligini (suv xoʻjaligi) saqlash, suv xoʻjaligi tashkilotlari, qutqaruv xizmati, suvdagi stansiya va postlari, Oʻzbekiston Respublikasi Qishloq va suv xoʻjaligi vazirligi huzuridagi Irrigatsiya va drenaj milliy qoʻmitasi xarajatlari, Oʻzbekiston Respublikasi Moliya vazirligi huzuridagi Sugʻoriladigan yerlarning meliorativ holatini yaxshilash jamgʻarmasi xarajatlari, Sugʻoriladigan yerlarni meliorativ holatini yaxshilash davlat dasturida nazarda tutilgan ishlar, shuningdek boshqa xarajatlar aks ettiriladi.

81. 7 043 000 “Yoqilgʻi va energetika” boʻlimida koʻmir va boshqa turdagi qattiq mineral yoqilgʻi, neft va tabiiy gaz, yadro yonilgʻisi, yoqilgʻining boshqa turlari, elektr energiya va boshqa energiya ishlab chiqarishga, shuningdek, issiqlik taʼminoti tizimi tashkilotlari xarajatlari, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

82. 7 044 000 “Konchilik sanoati, qayta ishlash sanoati va qurilish” boʻlimida mineral resurslarni qazish, mineral yoqilgʻi bundan mustasno, qayta ishlash sanoati, arxitektura va qurilish boʻyicha tadbirlar, Oʻzbekiston Respublikasi Davlat arxitektura va qurilish qoʻmitasini va uning hududiy boʻlinmalarini saqlash xarajatlari, maqsadli xarajatlar uchun ayrim tashkilotlarga ajratilgan mablagʻlar aks ettiriladi.

83. 7 045 000 “Transport” boʻlimida avtomobil yoʻllari transporti, umumiy foydalanishdagi, xalqaro ahamiyatga ega boʻlgan, davlat ahamiyatiga ega boʻlgan, mahalliy ahamiyatga ega boʻlgan, ishlab chiqarish ahamiyatiga ega boʻlgan avtomobil yoʻllarini loyihalashtirish, rekonstruksiya qilish, kapital va oʻrtacha taʼmirlash, saqlash va qishki saqlash, koʻkalamzorlashtirish xarajatlari, Oʻzbekiston Respublikasi Moliya vazirligi huzuridagi Respublika Yoʻl jamgʻarmasi xarajatlari, shahar va tuman obodonlashtirish boshqarmalarining shahar, tuman markazlari, xoʻjaliklararo qishloq va shahar posyolkalari avtomobil yoʻllarini taʼmirlash xarajatlari, suv, temir yoʻl, havo transporti, quvurlar va boshqa transport tizimlari xarajatlari, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

84. 7 046 000 “Informatika va aloqa” boʻlimida aloqa tashkilotlarini qoʻllab-quvvatlash va informatika boʻyicha tadbirlar xarajatlari, jumladan, Oʻzbekiston Respublikasi Aloqa va axborotlashtirish agentligi xarajatlari, shuningdek, maqsadli xarajatlar uchun ayrim tashkilotlarga ajratilgan mablagʻlar aks ettiriladi.

85. 7 047 000 “Iqtisodiy faoliyatning boshqa tarmoqlari” boʻlimida mehmonxonalar va restoranlar, turizm va koʻp maqsadli rivojlantirish loyihalarini qoʻllab-quvvatlash xarajatlari, shuningdek, maqsadli xarajatlar uchun ayrim tashkilotlarga ajratilgan mablagʻlar aks ettiriladi.

86. 7 048 000 “Iqtisodiy masalalar bilan bogʻliq ilmiy-tadqiqot, tajriba-konstruktorlik ishlari” boʻlimida umumiqtisodiy va tijorat masalalari bilan bogʻliq fanga xizmat qiluvchi noyob obyektlar va muassasalar, katta ilmiy va investitsion loyihalarni ekspertizadan oʻtkazish, ilmiy-texnik dasturlarning ustuvor yoʻnalishlari va innovatsion ishlanmalar, jumladan ishchi kuchi, qishloq xoʻjaligi, oʻrmon xoʻjaligi, baliqchilik va ovchilik, yoqilgʻi va energetika, konchilik sanoati, qayta ishlash sanoati va qurilish, transport, aloqa va iqtisodiyotning boshqa tarmoqlari bilan bogʻliq umumiy masalalar xarajatlari, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

87. 7 049 000 “Boshqa toifalarga kiritilmagan iqtisodiy masalalar” boʻlimida standartlashtirish va sertifikatlash, topograf-geodezik, kartografik va kadastr ishlari, davlat shaharsozlik kadastrini yuritish, Davlat patent idorasi, kapital qoʻyilmalar, Turkmanistonga haq toʻlash evaziga yerdan foydalanish toʻlovlari, yer tuzish va yer-kadastr ishlari, yer egalari va yerdan foydalanuvchilar huquqlarining buzilishi sababli koʻrilgan zararlarni qoplash, yer egalari va yerdan foydalanuvchilarga ularning aybi boʻlmagan holda buzilgan yerlarni qayta tiklash uchun mablagʻlar, ayrim tashkilotlarga nol darajali stavkani qoʻllash natijasida hosil boʻlgan qoʻshilgan qiymat soligʻining ortiqcha summasini qoplashga maqsadli xarajatlar, Oʻzbekistonda Yevropa Ittifoqi Komissiyasining texnikaviy yordamini muvofiqlashtirish byurosini, Oʻzbekiston Respublikasi Vazirlar Mahkamasi huzuridagi Gidrometeorologiya xizmati markazini saqlash xarajatlari, boshqa toifalarga kiritilmagan xarajatlar.

88. 7 050 000 “Atrof muhitni muhofaza qilish” boʻlimi boʻyicha chiqindilarni yigʻish va yoʻqotishni tashkillashtirish, oqova suvlarni tozalash va yoʻqotish, atrof muhitni ifloslantirishga qarshi kurash, biologik rangbaranglikni va landshaftni muhofaza qilishni, tabiatni muhofaza qilish sohasidagi ilmiy-tadqiqot, tajriba-konstruktorlik ishlari, shuningdek boshqa toifalarga kiritilmagan atrof muhitni muhofaza qilish masalalari xarajatlari aks ettiriladi.

89. 7 056 000 “Boshqa toifalarga kiritilmagan atrof muhitni muhofaza qilish masalalari” boʻlimida Oʻzbekiston Respublikasi Davlat tabiatni muhofaza qilish qoʻmitasi markaziy apparatini saqlash xarajatlari, kapital qoʻyilmalar va boshqa xarajatlar, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

90. 7 060 000 “Uy-joy va kommunal xizmatlar” boʻlimi boʻyicha uy-joy qurilishi, kommunal rivojlantirish, suv taʼminoti, koʻchalarni yoritish, shahar va tumanlarni obodonlashtirish, uy-joy va kommunal xoʻjaligi sohasidagi ilmiy-tadqiqot, tajriba-konstruktorlik ishlari, shuningdek boshqa toifalarga kiritilmagan uy-joy va kommunal xizmatlari toʻlovi xarajatlari aks ettiriladi.

91. 7 061 000 “Uy-joy qurilishi” boʻlimi boʻyicha sertifikatli uy-joy qurilishini rivojlantirish xarajatlari, Ipoteka krediti berishni qoʻllab-quvvatlash jamgʻarmasi xarajatlari, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

92. 7 062 000 “Kommunal rivojlantirish” boʻlimida kommunal rivojlantirish xarajatlari, xususan, shaharlar, qishloqlar, tuman markazlari, shahar posyolkalari va boshqa aholi punktlarida drenaj ishlari bilan bogʻliq xarajatlar, shuningdek, maqsadli xarajatlar uchun ayrim tashkilotlarga ajratilgan mablagʻlar aks ettiriladi.

93. 7 063 000 “Suv taʼminoti” boʻlimida suv bilan taʼminlash xarajatlari, shuningdek maqsadli xarajatlar uchun ayrim tashkilotlarga ajratilgan mablagʻlar xarajatlari aks ettiriladi.

94. 7 064 000 “Koʻchalarni yoritish” boʻlimi boʻyicha shaharlar, tuman qishloq markazlari, shahar posyolkalari va boshqa aholi punktlari koʻchalarining tashqi yoritish tarmoqlarini saqlash va foydalanish xarajatlari, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

95. 7 065 000 “Obodonlashtirish” boʻlimi boʻyicha shaharlar, tuman va qishloq markazlari, shahar posyolkalari va boshqa aholi punktlarini obodonlashtirish xarajatlari, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

96. 7 068 000 “Uy-joy va kommunal xoʻjaligi sohasidagi ilmiy-tadqiqot, tajriba-konstruktorlik ishlari” boʻlimida uy-joy va kommunal xoʻjaligi sohasidagi ilmiy va amaliy tadqiqot xarajatlari, jumladan, uy-joy va kommunal xoʻjaligi sohasidagi fanga xizmat qiluvchi noyob obyektlar va muassasalar, katta ilmiy va investitsion loyihalarni ekspertizadan oʻtkazish, ilmiy-texnik dasturlarning ustuvor yoʻnalishlari va innovatsion ishlanmalar xarajatlari, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

97. 7 069 000 “Boshqa toifalarga kiritilmagan uy-joy va kommunal xizmatlari” boʻlimida budjet ajratmalari, budjet ssudalari va boshqa manbalar hisobidan kapital qoʻyilmalar xarajatlari, jumladan boshqa xarajatlar, shahar va qishloq aholi punktlarining bosh rejalarini ishlab chiqish boʻyicha tadbirlarni oʻz ichiga oluvchi boshqa xarajatlar va maqsadli xarajatlar uchun ayrim tashkilotlarga ajratilgan mablagʻlar aks ettiriladi.

98. 7 070 000 “Sogʻliqni saqlash” boʻlimi boʻyicha tibbiyot buyumlari, asbob-uskunalari va apparatlarini sotib olish, umumiy sohadagi tibbiyot va kasalxonalar xizmatlari, ambulatoriya hamda maxsus ambulator-poliklinik xizmatlari, tez yordam va kechiktirib boʻlmaydigan tibbiy yordam muassasalari va qon quyish muassasalarining xizmatlari, tugʻruqxonalar va bolalar uylari (onalik va bolalikni himoya qilish) xizmatlari, sanatoriyalar va bemorlarni davolovchi uylar hamda sogʻliqni saqlash sohasidagi boshqa xizmatlar, sanitariya-epidemiologiya nazorati, sogʻliqni saqlash sohasidagi ilmiy-tadqiqot, tajriba-konstruktorlik ishlari, boshqa toifalarga kiritilmagan sogʻliqni saqlash masalalari xarajatlari aks ettiriladi.

99. 7 071 000 “Tibbiyot buyumlari, asbob-uskunalari va apparatlari” boʻlimida farmatsevtika mahsulotlari va boshqa buyumlar, shuningdek, davolash asbob-uskunalari va apparatlarni sotib olish xarajatlari aks ettiriladi.

100. 7 072 000 “Ambulatoriya xizmatlari” boʻlimi boʻyicha umumiy sohadagi tibbiyot xizmatlari, maxsus ambulator-poliklinika xizmatlari hamda tez va kechiktirib boʻlmaydigan yordam xizmatlari va qon quyish muassasalari xizmatlarining xarajatlari aks ettiriladi.

101. 7 073 000 “Kasalxonalar xizmatlari” boʻlimi boʻyicha umumiy sohadagi kasalxonalar xizmati, ixtisoslashgan kasalxona muassasalari, tugʻruqxonalar va bolalar uylari, sanatoriylar va tuzalayotgan bemorlar uchun uylarning xizmatlarining xarajatlari aks ettiriladi.

102. 7 074 000 “Sogʻliqni saqlash sohasidagi boshqa xizmatlar” boʻlimi boʻyicha sanitariya-epidemiologiya stansiyalarini, sanitar taʼlim va tibbiy statistika muassasalari, OITSga qarshi kurash markazlari va sud-tibbiyot ekspertizasi muassasalari xarajatlari, shuningdek boshqa toifalarga kiritilmagan sogʻliqni saqlash sohasidagi boshqa xizmatlarga xarajatlar aks ettiriladi.

103. 7 075 000 “Sogʻliqni saqlash sohasidagi ilmiy-tadqiqot, tajriba-konstruktorlik ishlari” boʻlimi boʻyicha sogʻliqni saqlash sohasidagi ilmiy va amaliy tadqiqotlar xarajatlari, jumladan sogʻliqni saqlash sohasidagi fanga xizmat qiluvchi noyob obyektlar va muassasalar, katta ilmiy va investitsion loyihalarni ekspertizadan oʻtkazish, ilmiy-texnik dasturlarning ustuvor yoʻnalishlari va innovatsion ishlanmalar xarajatlari aks ettiriladi.

104. 7 076 000 “Boshqa toifalarga kiritilmagan sogʻliqni saqlash masalalari” boʻlimida Oʻzbekiston Respublikasi Sogʻliqni saqlash vazirligi markaziy apparatini saqlash, loyihalarni amalga oshirish boʻyicha, jumladan, “Salomatlik-2” loyihasi, “Ayollar va bolalar sogʻligʻini mustahkamlash” loyihasi xarajatlari, tibbiy-mehnat ekspert komissiyalari, kapital qoʻyilmalar xarajatlari, shuningdek sogʻliqni saqlash boʻyicha boshqa tadbirlar hamda maqsadli xarajatlar uchun ayrim tashkilotlarga ajratilgan mablagʻlar aks ettiriladi.

105. 7 080 000 “Dam olish, madaniyat, sport va din” boʻlimi boʻyicha dam olish va sport bilan shugʻullanish boʻyicha xizmatlar, madaniyat sohasidagi xizmatlar, jismoniy tarbiya va sport sohasidagi xizmatlar, radioeshittirish va televizion koʻrsatuvlar hamda nashriyot ishlari hamda kinomahsulot yaratish bilan bogʻliq xizmatlar, din bilan bogʻliq xizmatlar va boshqa jamoatchilik xizmatlari, dam olish, madaniyat, sport va din sohasidagi ilmiy-tadqiqot, tajriba-konstruktorlik ishlanmalari, shuningdek boshqa toifalarga kiritilmagan dam olish, madaniyat, sport va din masalalari xarajatlari aks ettiriladi.

106. 7 081 000 “Dam olish va sport bilan shugʻullanishni tashkil qilish boʻyicha xizmatlar” boʻlimida dam olish va sport bilan shugʻullanishni tashkil etish xarajatlari aks ettiriladi.

107. 7 082 000 “Madaniyat sohasidagi xizmatlar” boʻlimida kutubxonalar, muzeylar, koʻrgazmalar va koʻrgazma zallari, saroylar va madaniyat uylari, klublar va klub tipidagi muassasalar, ijodiyot uylari, ijodiy uyushmalar, teatrlar, filarmoniyalar, musiqa jamoalari va ansambllarini saqlash xarajatlari, taʼmirlash ishlari oʻtkazishni nazarda tutuvchi tadbirlarni moliyalashtirish xarajatlari, madaniyat boʻyicha boshqa muassasalar xarajatlari, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

108. 7 083 000 “Jismoniy tarbiya va sport sohasidagi xizmatlar” boʻlimida jismoniy tarbiya boʻyicha tadbirlar, sport inshootlari, universal sport saroyini, Ixtisoslashtirilgan suv sportini rivojlantirish Respublika markazini saqlash xarajatlari, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

109. 7 084 000 “Radioeshittirish va televideniya koʻrsatuvlari, nashriyot ishlari, shuningdek kinomahsulot yaratish bilan bogʻliq xizmatlar” boʻlimida kinomahsulotlar yaratish boʻyicha, radioeshittirishlar va televideniya koʻrsatuvlari, davriy matbuot, nashriyotlar, ommaviy axborot vositalari xarajatlari hamda maqsadli xarajatlar uchun ayrim tashkilotlarga ajratilgan mablagʻlar aks ettiriladi.

110. 7 085 000 “Din bilan bogʻliq xizmatlar va boshqa jamoatchilik xizmatlari” boʻlimida Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmitani, Inson huquqlari boʻyicha milliy markazni, YUNESKO ishlari boʻyicha Oʻzbekiston Respublikasi Milliy komissiyasini, Oʻzbekiston Respublikasi xotin-qizlar qoʻmitasini, Respublika Maʼnaviyat targʻibot markazini saqlash xarajatlari, shuningdek nodavlat notijorat tashkilotlarini, fuqarolik jamiyati institutlarini davlat tomonidan qoʻllab-quvvatlash xarajatlari hamda maqsadli xarajatlar uchun ayrim tashkilotlarga ajratilgan mablagʻlar aks ettiriladi.

111. 7 088 000 “Dam olish, madaniyat, sport va din sohasidagi ilmiy-tadqiqot, tajriba-konstruktorlik ishlari” boʻlimida dam olish, madaniyat, sport va din sohalaridagi ilmiy va amaliy tadqiqotlar xarajatlari, jumladan, dam olish, madaniyat, sport va din sohasidagi fanga xizmat qiluvchi noyob obyektlar va muassasalar, katta ilmiy va investitsion loyihalarni ekspertizadan oʻtkazish, ilmiy-texnik dasturlarning ustuvor yoʻnalishlari va innovatsion ishlanmalar xarajatlari, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

112. 7 089 000 “Boshqa toifalarga kiritilmagan dam olish, madaniyat, sport va din masalalari” boʻlimida Oʻzbekiston Respublikasi Madaniyat va sport ishlari vazirligi markaziy apparatini va uning hududiy boʻlinmalarini saqlash, sanʼat boʻyicha boshqa tadbirlar, madaniy-maʼrifiy muassasalar va tadbirlar xarajatlari, shuningdek budjet ajratmalari, budjet ssudalari va boshqa manbalar hisobidan kapital qoʻyilmalar hamda boshqa tadbirlar xarajatlari aks ettiriladi.

113. 7 090 000 “Taʼlim” boʻlimi boʻyicha maktabgacha taʼlim, umumiy oʻrta taʼlim, oliy taʼlim, bosqichlarga boʻlinmagan taʼlim, taʼlim tizimida yordamchi xizmatlar, taʼlim sohasidagi boshqaruv xizmatlari, taʼlim sohasidagi ilmiy-tadqiqot, tajriba-konstruktorlik ishlanmalari, shuningdek, boshqa toifalarga kiritilmagan taʼlim xarajatlari aks ettiriladi.

114. 7 091 000 “Maktabgacha taʼlim” boʻlimida bolalar maktabgacha taʼlim muassasalari, maktabgacha maktab — bolalar tashkilotlari xarajatlari, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

115. 7 092 000 “Umumiy oʻrta taʼlim” boʻlimida boshlangʻich va oʻrta maktablar, maktab-internatlar, alohida rejimdagi maktab-internatlar, akademik litseylar, kasb- hunar kollejlari, ixtisoslashtirilgan kasb-hunar kollejlarini saqlash xarajatlari, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

116. 7 094 000 “Oliy taʼlim” boʻlimida oliy taʼlim muassasalari, Oʻzbekiston Respublikasi Prezidenti huzuridagi Davlat va jamiyat qurilishi akademiyasi qoshidagi Oliy biznes maktabini saqlash xarajatlari, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

117. 7 095 000 “Bosqichlarga boʻlinmagan taʼlim” boʻlimida mehribonlik uylari, bolalar shaharchalari, “SOS — Oʻzbekiston Bolalar mahallalari”ni saqlash xarajatlari, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

118. 7 096 000 “Taʼlim tizimida yordamchi xizmatlar” boʻlimida bolalar bilan maktabdan tashqari ishlar boʻyicha tadbirlarga va tashkilotlarga, yoʻnalishli tadbirlar va malaka oshirish institutlarini saqlash, xalq taʼlimi boʻyicha uslubiy ishlar, texnik targʻibotlar va boshqa tadbirlar xarajatlari, Oʻzbekiston Respublikasi Moliya vazirligi huzuridagi budjetdan tashqari Respublika maqsadli kitob jamgʻarmasi va Oʻzbekiston Respublikasi Moliya vazirligi huzuridagi budjetdan tashqari Maktab taʼlimi jamgʻarmasi xarajatlari, musiqa va sanʼat bolalar maktablari, Sport turlari boʻyicha respublika oliy sport mahorati maktablari, shuningdek kadrlar tayyorlash boʻyicha boshqa oʻquv muassasalarini saqlash xarajatlari hamda maqsadli xarajatlar uchun ayrim tashkilotlarga ajratilgan mablagʻlar aks ettiriladi.

119. 7 097 000 “Taʼlim sohasidagi ilmiy-tadqiqot, tajriba-konstruktorlik ishlari” boʻlimida taʼlim sohasidagi ilmiy va amaliy tadqiqot xarajatlari, jumladan, taʼlim sohasidagi fanga xizmat qiluvchi noyob obyektlar va muassasalar, katta ilmiy va investitsion loyihalarni ekspertizadan oʻtkazish, ilmiy-texnik dasturlarning ustuvor yoʻnalishlari va innovatsion ishlanmalar xarajatlari, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

120. 7 098 000 “Boshqa toifalarga kiritilmagan taʼlim masalalari” boʻlimida Oʻzbekiston Respublikasi Oliy va oʻrta maxsus taʼlim vazirligini, Oʻrta maxsus, kasb-hunar taʼlim markazini, Oʻzbekiston Respublikasi Xalq taʼlimi vazirligi markaziy apparatini va uning hududiy boʻlinmalarini saqlash xarajatlari, shuningdek budjet ajratmalari, budjet ssudalari va boshqa manbalar hisobidan kapital qoʻyilmalar xarajatlari, shuningdek boshqa xarajatlar va maqsadli xarajatlar uchun ayrim tashkilotlarga ajratilgan mablagʻlar aks ettiriladi.

121. 7 100 000 “Ijtimoiy himoya” boʻlimi boʻyicha kasallik, mehnatga layoqatsizlik va kam taʼminlanganlik xarajatlari, jumladan, vaqtinchalik mehnatga layoqatsizlik boʻyicha nafaqalar va kam taʼminlanganlarni qoʻllab-quvvatlash, qarilik taʼminoti, oila va bolalarni qoʻllab-quvvatlash, ishsizlik, uy-joy bilan taʼminlash boʻyicha yordam xarajatlari, Chernobil AES halokati oqibatlarini bartaraf etishda qatnashganlarni ijtimoiy himoya qilish boʻyicha xarajatlar, ijtimoiy muhofaza sohasida ilmiy-tadqiqot, tajriba-konstruktorlik ishlanmalari, boshqa toifalarga kiritilmagan ijtimoiy muhofaza masalalari xarajatlari aks ettiriladi.

122. 7 101 000 “Kasalliklar, mehnatga layoqatsizlik va kam taʼminlanganlik” boʻlimida bolalikdan nogironlarga nafaqalar, nogironlarni oʻqitish va ish bilan taʼminlash, qariyalar va nogironlar uchun sanatoriyalar va internat-uylari, kichik yoshdagi nogiron bolalar uchun internat-uylari, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

123. 7 102 000 “Qarilik” boʻlimi boʻyicha uyda ijtimoiy yordam xizmati boʻlimlari, Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining ijro etuvchi apparatini va uning hududiy boʻlinmalarini saqlash xarajatlari, pensiya, nafaqa va kompensatsiya toʻlovlarini toʻlash va yetkazib berish xarajatlari, blanka mahsulotlari va pensiya ruxsatnomalarini tayyorlash, pensiya toʻlash vedomostlari uchun qogʻoz sotib olish, mamlakat tashqarisiga pensiya ishlarini oʻtkazish xarajatlari, tashkilotlarda pensiya va nafaqalarning toʻgʻri tayinlanishini tekshirish uchun safar xarajatlari hamda harbiy xizmatchilarga pensiya va nafaqalar xarajatlari, shuningdek maqsadli xarajatlar uchun ayrim tashkilotlarga ajratilgan mablagʻlar xarajatlari aks ettiriladi.

124. 7 103 000 “Oila va bolalar” boʻlimida 18 yoshgacha bolasi boʻlgan oilalarga har oylik nafaqalar, 2 yoshgacha boʻlgan bolalarni parvarishlayotgan onalarga har oylik nafaqalar, kam daromadli oilalarga har oylik moddiy yordamlar, tabiiy ofatlar natijasida zarar koʻrgan oilalarga moddiy yordamlar xarajatlari hamda maqsadli xarajatlar uchun ayrim tashkilotlarga ajratilgan mablagʻlar aks ettiriladi.

125. 7 104 000 “Ishsizlik” boʻlimida ishsizlik boʻyicha nafaqalar, Bandlikka koʻmaklashish va aholini ijtimoiy muhofaza qilish markazlarining taklifiga binoan ishlash uchun boshqa joyga ixtiyoriy ravishda koʻchib oʻtish uchun kompensatsiyalar toʻlash va qonun hujjatlariga muvofiq ishsizlarga moddiy yordam berish, haq toʻlanadigan jamoat ishlarini qonun hujjatlarida belgilangan tartibda mablagʻ bilan taʼminlash, ishsizlarga muddatidan oldin pensiya tayinlanganligi sababli Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi xarajatlarini qoplash, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

126. 7 105 000 “Uy-joy” boʻlimida aholini ijtimoiy muhofaza qilish maqsadida uylarni ekspluatatsiya qilish boʻyicha xarajatlarni toʻliq yoki qisman qoplashga xarajatlar, shuningdek, maqsadli xarajatlar uchun ayrim tashkilotlarga ajratilgan mablagʻlar aks ettiriladi.

127. 7 106 000 “Ijtimoiy qoʻllab-quvvatlash boʻyicha xarajatlar” boʻlimida Chernobil AES halokati oqibatlarini bartaraf etishda qatnashgan shaxslarni ijtimoiy qoʻllab-quvvatlash va radiatsiya-yadro obyektlarida harbiy xizmatni oʻtagan pensiya yoshidagi shaxslarni ijtimoiy himoya qilish xarajatlari, imtiyoz va kompensatsiyalarni toʻlash xarajatlari, ijtimoiy sugʻurta boʻyicha xarajatlar, pensiya taʼminoti boʻyicha imtiyozlar berish bilan bogʻliq toʻlovlar aks ettiriladi.

128. 7 108 000 “Ijtimoiy muhofaza sohasida ilmiy-tadqiqot, tajriba-konstruktorlik ishlari” boʻlimida ijtimoiy himoya sohasidagi ilmiy va amaliy tadqiqot xarajatlari, jumladan, ijtimoiy himoya sohasidagi fanga xizmat qiluvchi noyob obyektlar va muassasalar, katta ilmiy va investitsion loyihalarni ekspertizadan oʻtkazish, ilmiy-texnik dasturlarning ustuvor yoʻnalishlari va innovatsion ishlanmalar xarajatlari, shuningdek maqsadli xarajatlar uchun ayrim tashkilotlarga ajratilgan mablagʻlar aks ettiriladi.

129. 7 109 000 “Boshqa toifalarga tegishli boʻlmagan ijtimoiy muhofaza masalalari” boʻlimida Oʻzbekiston Respublikasi Mehnat va aholini ijtimoiy muhofaza qilish vazirligi markaziy apparatini va uning hududiy boʻlinmalarini saqlash xarajatlari, Ish bilan taʼminlashga koʻmaklashuvchi davlat jamgʻarmasi xarajatlari, ijtimoiy taʼminotning boshqa tadbirlari, ijtimoiy moslashuv markazlarini, Odam savdosi jabrdiydalariga yordam berish va ularni himoya qilish boʻyicha Respublika reabilitatsiya markazini, nogironlar uchun mintaqaviy reabilitatsiya markazlarini saqlash xarajatlari, zararni qoplash, shuningdek budjet ajratmalari, budjet ssudalari va boshqa manbalar hisobidan kapital qoʻyilmalar, shuningdek boshqa xarajatlar aks ettiriladi.

130. Iqtisodiy xarajatlar tasnifi Oʻzbekiston Respublikasi barcha darajadagi budjetlari xarajatlarini xoʻjalik belgilariga, ishlab chiqarish elementlariga koʻra farqlashni nazarda tutadi, davlat boshqaruvida amalga oshirilayotgan xarajatlarning iqtisodiy mazmunidan kelib chiqib budjet xarajatlari yoʻnalishlarini belgilab beradi. Davlat budjetining iqtisodiy xarajatlar tasnifining tuzilmasi quyidagi koʻrinishda boʻladi:

131. Iqtisodiy xarajatlar tasnifi toifalar, moddalar va kichik moddalar kodlarini oʻz ichiga olgan 7 raqamdan iborat.

toifa — 2 ta raqam;

modda — 1 ta raqam;

kichik modda — 1 ta raqam;

element — 3 ta raqam.

132. 41 00 000 “Ishchilar mehnatiga haq toʻlash” toifasi mehnat qonunchiligiga muvofiq budjet tashkilotlari ishchilariga bajargan (bajarilayotgan) ishiga pul yoki natura koʻrinishida taqdirlash lozim boʻlgan xarajatlarni aks ettiradi. Mazkur toifaga ijtimoiy sugʻurta dasturiga ishchilar nomidan ish beruvchilarning amalga oshiradigan “Ish haqi” (41 10 000) va “Ijtimoiy ehtiyojlarga ajratmalar/badallar” (41 20 000) moddalari kiradi.

133. 41 10 000 “Ish haqi” moddasi ish beruvchi tomonidan davlat xizmatchilariga beriladigan barcha toʻlovlarni oʻz ichiga oladi va unga 41 11 000 “Pul shaklidagi ish haqi” kichik moddasi ham kiradi.

134. 41 11 000 “Pul shaklidagi ish haqi” kichik moddasi quyidagi elementlardan iborat: 41 11 100 “Asosiy ish haqi”, 41 11 200 “Ish haqiga ustama va qoʻshimcha toʻlovlar”, 41 11 210 “Umumtaʼlim, oʻrta maxsus, kasb-hunar taʼlimi muassasalarining oʻrnak koʻrsatgan xodimlarini ragʻbatlantirishning Direktor jamgʻarmasi mablagʻlari”, 41 11 220 “Tibbiyot tashkilotlari xodimlariga ustama va qoʻshimchalar”.

135. 41 11 100 “Asosiy ish haqi” elementi — bu Oʻzbekiston Respublikasi qonunchiligiga muvofiq mehnat shartnomasi yoki fuqarolik-huquqiy bitimlari boʻyicha jismoniy shaxslarga hisoblanadigan va toʻlanadigan toʻlovlar hisoblanib, predmeti ish bajarish va xizmat koʻrsatish boʻlib hisoblanadi, shu jumladan:

toʻlovlar: lavozim maoshlari, yagona tarif setkasi boʻyicha tarif stavkalari, soatbay haq toʻlash, harbiy va maxsus unvonlar boʻyicha;

mukofotlar, moddiy yordamlar, yillik ish yakunlari boʻyicha taqdirlash, mualliflik, ijrochilik va postanovka uchun mukofotlar va boshqa mukofot va ragʻbatlantirish toʻlovlari;

yillik mehnat taʼtillari, oʻquv taʼtillari, foydalanilmagan taʼtil uchun kompensatsiya toʻlovlari;

xodimlarning kasbiy tayyorgarlik, malaka oshirish, yoki boshqa kasblarga oʻrganish davri uchun, tibbiy tekshiruv kunlari, qon topshirish va donor-xodimlarga taqdim qilinadigan dam olish davri, davlat yoki jamoat majburiyatlarini bajarishda ishtirok etish kunlari uchun toʻlovlar;

boshqa shunga oʻxshash xarajatlar.

136. 41 11 200 “Ish haqiga ustama va qoʻshimcha toʻlovlar” elementi quyidagilar uchun barcha ustamalarni oʻz ichiga oladi:

malakaviy razryad (martaba darajasi, diplomatik martaba);

davlat va boshqa xizmatlarning oʻziga xos shartlari;

uzoq xizmat muddati uchun;

qonun hujjatlariga muvofiq amalga oshiriladigan tabiiy-iqlim sharoitlari noqulay boʻlgan joylardagi ishlar bilan bogʻliq qoʻshimcha toʻlovlar (ish staji uchun ustamalar, baland togʻli, choʻl va suvsiz hududlarda ishlaganlik uchun belgilangan koeffitsiyentlar boʻyicha toʻlovlar);

maxfiylik darajasiga ega boʻlgan maʼlumotlar bilan ishlaganlik;

shifr ishi xavfsizligi;

maxsus rejimdagi ishlar;

davlat siri bilan ishlash huquqi;

oʻziga xos sharoit;

dotsent va professor lavozimlari;

ilmiy unvon;

ilmiy daraja;

tungi vaqtda, bayram va dam olish kunlarida ishlaganlik uchun va boshqa ustamalar.

137. 41 11 210 “Umumtaʼlim, oʻrta maxsus, kasb-hunar taʼlimi muassasalarining oʻrnak koʻrsatgan xodimlarini ragʻbatlantirishning Direktor jamgʻarmasi mablagʻlari” quyidagi xarajatlarni oʻz ichiga oladi:

umumtaʼlim muassasalarida oʻrnak koʻrsatgan oʻqituvchilarning bazaviy tarif stavkalariga har oylik ustama toʻlovlari;

oʻrta maxsus, kasb-hunar taʼlimi muassasalarining faqat yuksak kasb mahoratiga ega boʻlgan va oʻquv-tarbiya jarayoni sifati oshishiga aniq shaxsiy hissa qoʻshayotgan oʻqituvchilari va ishlab chiqarish taʼlimi ustalarining bazaviy tarif stavkalariga har oylik ustama toʻlovlari;

faqat tejalgan mablagʻlar mavjud boʻlgandagina xodimlarning vaqtincha mehnatga layoqatsizligi boʻyicha toʻlanmagan nafaqalarni moliyalashtirishga;

umumtaʼlim, oʻrta-maxsus, kasb-hunar taʼlimi muassasalari xodimlariga bir yoʻla mukofot va moddiy yordam koʻrsatish toʻlovlari.

138. 41 11 220 “Tibbiyot tashkilotlari xodimlariga ustama va qoʻshimchalar” elementi oʻrnak koʻrsatgan tibbiyot xodimlarini moddiy ragʻbatlantirish xarajatlarini oʻz ichiga oladi.

139. 41 20 000 “Ijtimoiy ehtiyojlarga ajratmalar/badallar” moddasi xodimlarni ijtimoiy nafaqalar, jumladan pensiya va boshqa xarajatlarni taʼminlash maqsadida qonunchilikka muvofiq davlat boshqaruvi sektori birliklari tomonidan amalga oshiriladigan, haqiqatda oʻtkaziladigan yoki shartli hisob-kitob qilinadigan toʻlovlarni oʻz ichiga oladi.

140. Mazkur moddaga 41 21 100 “Yagona ijtimoiy toʻlov” va 41 21 200 “Ijtimoiy ehtiyojlarga boshqa ajratmalar/badallar” elementlarini oʻz ichiga olgan 41 21 000 “Ijtimoiy ehtiyojlarga haqiqatda qilinadigan ajratmalar/badallar” kichik moddasi, shuningdek 41 22 000 “Shartli hisoblanadigan ijtimoiy ehtiyojlarga ajratmalar/badallar” kichik moddasi kiradi.

141. 41 21 100 “Yagona ijtimoiy toʻlov” elementiga ish beruvchilarning qonunchilikka muvofiq belgilangan miqdorlarda ish haqi fondidan ajratmalari boʻyicha xarajatlari kiradi.

142. 41 21 200 “Ijtimoiy ehtiyojlarga boshqa ajratmalar/badallar” elementi sugʻurta tariflari boʻyicha majburiy tibbiy sugʻurtaga, ishlab chiqarishdagi baxtsiz hodisa va kasb kasalliklaridan majburiy davlat ijtimoiy sugʻurtasi boʻyicha badallarni, shuningdek, ijtimoiy ehtiyojlarga boshqa badallar va ajratmalarni oʻz ichiga oladi.

143. 42 00 000 “Tovar va xizmatlar boʻyicha xarajatlar” toifasi budjet tashkilotlari tomonidan tovarlar va xizmatlar ishlab chiqarish uchun sotib olingan tovarlar va xizmatlardan tarkib topadi va quyidagi moddalarni oʻz ichiga oladi:

42 10 000 “Xizmat safarlari xarajatlari”;

42 20 000 “Kommunal xizmatlari”;

42 30 000 “Saqlab turish va joriy taʼmirlash”;

42 40 000 “Ijara boʻyicha xarajatlar”;

42 50 000 “Moddiy aylanma vositalar zaxiralariga xarajatlar”;

42 90 000 “Tovar va xizmatlar sotib olish uchun boshqa xarajatlar”.

144. 42 10 000 “Xizmat safarlari xarajatlari” moddasida respublika hududidagi (42 11 000 kichik moddasi) va Oʻzbekiston Respublikasi tashqarisidagi (42 12 000 kichik moddasi) xizmat safarlari va xizmatga oid yurishlar bilan bogʻliq boʻlgan barcha xarajatlar hisobga olinadi.

145. 42 11 000 “Respublika hududida” kichik moddasi mamlakat ichidagi barcha xizmat safarlari va xizmatga oid yurishlar bilan bogʻliq boʻlgan xarajatlarni oʻz ichiga oladi.

146. 42 12 000 “Chet davlatlarga chiqish bilan bogʻliq” kichik moddasi Oʻzbekiston Respublikasi tashqarisidagi xizmat safarlari va xizmatga oid yurishlar bilan bogʻliq boʻlgan xarajatlarni oʻz ichiga oladi.

147. 42 20 000 “Kommunal xizmatlari” moddasiga davlat boshqaruv sektori birliklarining oʻz ehtiyojlarini taʼminlash uchun koʻrsatiladigan kommunal xizmat shartnomalari toʻlovi, jumladan: elektroenergiya (42 21 000 kichik moddasi), tabiiy gaz (42 22 000 kichik moddasi), issiq suv va issiqlik energiyasi (42 23 000 kichik moddasi), sovuq suv va oqova (42 24 000 kichik moddasi) hamda axlatlarni yigʻishtirish va olib chiqib ketish xizmati uchun, shuningdek energetik va boshqa resurslar olish (benzin va boshqa YOMMlardan tashqari) (42 25 000 kichik moddasi) xarajatlari kiradi, shu jumladan:

42 21 000 “Elektroenergiya” kichik moddasida joriy xoʻjalik maqsadlari uchun elektroenergiya qiymatini toʻlash boʻyicha xarajatlar hisobga olinadi;

42 22 000 “Tabiiy gaz” kichik moddasida joriy xoʻjalik maqsadlari uchun tabiiy gaz qiymatini toʻlash boʻyicha xarajatlar hisobga olinadi;

42 23 000 “Issiq suv va issiqlik energiyasi” kichik moddasida joriy xoʻjalik maqsadlari uchun issiq suv va issiqlik energiyasi qiymatini toʻlash boʻyicha xarajatlar hisobga olinadi;

42 24 000 “Sovuq suv va oqova” kichik moddasiga joriy xoʻjalik maqsadlari uchun sovuq suv va oqova qiymatini toʻlash boʻyicha xarajatlar hisobga olinadi;

42 25 000 “Chiqindilarni tozalash, olib chiqib ketish bilan bogʻliq xizmatlar hamda energetik va boshqa resurslar (benzin va boshqa YOMMlardan tashqari)ni sotib olish” kichik moddasida chiqindilarni tozalash va olib chiqib ketish hamda benzin va boshqa YOMMlardan tashqari energiya va boshqa resurslarni sotib olish bilan bogʻliq xarajatlar hisobga olinadi.

148. 42 30 000 “Saqlab turish va joriy taʼmirlash” moddasiga asosiy vositalarga texnik xizmat koʻrsatish va taʼmirlash, jumladan, asosiy vositalarning qiymati yoki ish tavsifining oʻzgarishiga olib kelmaydigan binolar, xonalar, inshootlar (jumladan, umumiy foydalanishdagi avtomobil yoʻllari tizimi), asbob-uskunalarga va anjomlarga texnik xizmat koʻrsatish va joriy taʼmirlash hamda ular buzilganda ularni tegishli ishchi holatida saqlab turish xarajatlari kiradi. Shuningdek, ushbu modda budjet tashkilotlarining operativ boshqaruvida boʻlgan yoki oʻz ehtiyojlarini taʼminlash maqsadida ijarada boʻlgan nomoliyaviy aktivlarini saqlash, masalan, xonalarni, binolarni, hovlilarni yoki boshqa mol-mulklarni tozalikda saqlab turish (jumladan, tozalash, dezinfeksiya, deratizatsiya, sanitar-gigiyenik xizmat qilish) xarajatlarini oʻz ichiga oladi, jumladan:

42 31 000 “Yer” kichik moddasi yerni saqlash va sifatini oshirish bilan bogʻliq barcha xarajatlarni oʻz ichiga oladi;

42 32 000 “Bino” kichik moddasi binoni saqlash va joriy taʼmirlash bilan bogʻliq barcha xarajatlarni oʻz ichiga oladi va oʻz navbatida quyidagi elementlarga boʻlinadi:

42 32 100 “Turarjoy binolari” uy-joy sifatida foydalaniladigan binolarni, jumladan garaj va boshqa uy-joy bilan bogʻliq inshootlarni, saqlash va joriy taʼmirlash bilan bogʻliq xarajatlar;

42 32 200 “Noturar joy binolari” uy-joy binolaridan tashqari boshqa barcha binolarni saqlash va joriy taʼmirlash bilan bogʻliq xarajatlar;

42 33 000 “Inshoot” boshqa inshootlarni saqlash va joriy taʼmirlash bilan bogʻliq barcha xarajatlar kiradi va quyidagi elementlarga boʻlinadi:

42 33 100 “Umumiy foydalanishdagi avtomobil yoʻllari”, ularni saqlash va joriy taʼmirlash bilan bogʻliq barcha xarajatlarni oʻz ichiga oladi;

42 33 900 “Boshqa inshootlar”, avtomobil yoʻllaridan tashqari boshqa barcha inshootlarni saqlash va joriy taʼmirlash bilan bogʻliq xarajatlar;

42 34 000 “Mashinalar, jihozlar va texnika” kichik moddasi mashinalar, jihozlar va texnikani saqlash va joriy taʼmirlash bilan bogʻliq xarajatlarni oʻz ichiga olgan boʻlib, transport vositalari (42 34 100 elementi) va boshqa mashinalar, jihozlar va texnika va oʻtkazgich qurilmalar (42 34 900 elementi)ga boʻlinadi, shu jumladan quyidagi elementlar boʻyicha:

42 34 100 “Transport vositalari” odamlar va buyumlar tashishga moʻljallangan transportlar vositalarini saqlash va joriy taʼmirlash boʻyicha xarajatlarni oʻz ichiga oladi;

42 34 900 “Boshqa mashinalar, jihozlar, texnika va oʻtkazgich qurilmalar”ga transport vositalaridan tashqari boshqa barcha mashinalar, jihozlar, texnika va oʻtkazgich qurilmalarini saqlash va joriy taʼmirlash bilan bogʻliq xarajatlar kiradi va quyidagilarni oʻz ichiga oladi:

42 34 910 “Mebel va ofis jihozlari”ga ofis jihozlari va mebellarni saqlash va joriy taʼmirlash bilan bogʻliq barcha xarajatlar;

42 34 920 “Kompyuter jihozlari, hisoblash va audio-video texnika”ga kompyuter jihozlari, hisoblash va audio-video texnikalarni saqlash va joriy taʼmirlash bilan bogʻliq barcha xarajatlar;

42 34 930 “Elektr energiya va boshqa kommunal xizmatlarni hisobga olish asboblari”ga elektroenergiya, gaz, suv va issiqlik energiyasini hisobga olish asboblarini saqlash, joriy taʼmirlash va texnik xizmat koʻrsatish bilan bogʻliq xarajatlar;

42 34 990 “Boshqa mashinalar, jihozlar va texnika”ga yuqoridagi elementlarda koʻrsatilmagan boshqa barcha mashinalar, jihozlar va texnikalarni saqlash va joriy taʼmirlash bilan bogʻliq xarajatlar.

42 39 000 “Saqlab turish va joriy taʼmirlash boʻyicha boshqa turdagi xarajatlar” kichik moddasi saqlash va joriy taʼmirlash bilan bogʻliq boshqa turdagi xarajatlarni oʻz ichiga oladi.

149. 42 40 000 “Ijara boʻyicha xarajatlar” moddasiga oʻz ehtiyojlarini taʼminlash maqsadida tuzilgan mol-mulk ijara shartnomasiga muvofiq budjet tashkilotlarining aktivlari: yer, bino, inshoot, uy-joy, transport vositalarini ijaraga olganlik uchun toʻlov xarajatlarini oʻz ichiga oladi va quyidagi elementlardan tashkil topgan:

42 41 000 “Yer”;

42 42 000 “Bino”;

42 42 100 “Turarjoy binolari”;

42 42 200 “Noturar joy binolari”;

42 43 000 “Inshoot”;

42 44 000 “Mashinalar, jihozlar va texnika”;

42 44 100 “Transport vositalari”;

42 44 900 “Boshqa mashinalar, jihozlar va texnika”;

42 44 910 “Mebel va ofis jihozlari”

42 44 920 “Kompyuter jihozlari, hisoblash va audio-video texnika”;

42 44 990 “Boshqa mashinalar, jihozlar va texnika”;

42 49 000 “Ijara boʻyicha boshqa xarajatlar” 42 41 000, 42 42 000, 42 43 000 va 42 44 000 kichik moddalarida koʻrsatilmagan mol-mulk ijarasi boʻyicha boshqa turdagi xarajatlarni oʻz ichiga oladi.

150. 42 50 000 “Moddiy aylanma vositalar zaxiralariga xarajatlar” oʻzida moddiy aylanma vositalar zaxiralarini sotib olish va foydalanish bilan bogʻliq, yaʼni davlat boshqaruvi sektori birliklarida saqlanadigan, sotiladigan, ishlab chiqarishda foydalaniladigan yoki kelgusida boshqa maqsadlarda foydalanish uchun tovar va xizmatlar xarajatlarini ifodalaydi va oʻz navbatida strategik zaxiralar (42 51 000 kichik moddasi) va boshqa moddiy aylanma vositalar boʻyicha xarajatlarga (42 52 000 kichik moddasi) boʻlinadi.

151. 42 51 000 “Strategik zaxiralar” kichik moddasi strategik maqsadlar va favqulodda vaziyatlar uchun saqlanadigan, bozorlarni tartibga solish maqsadida vakolatli tashkilotlar tomonidan saqlanadigan, shuningdek davlat uchun muhim ahamiyatga ega boʻlgan tovarlarni sotib olish va foydalanish xarajatlarini ifodalaydi, jumladan quyidagi elementlar boʻyicha:

42 51 100 “Davlat zaxiralari” davlat zaxiralarini yaratish maqsadida muhim ahamiyatga ega tovarlarni sotib olish va foydalanish bilan bogʻliq xarajatlarni aks ettiradi;

42 51 200 “Oziq-ovqat zaxiralari” zaxiralar yaratish maqsadida oziq-ovqat tovarlarini sotib olish va foydalanish bilan bogʻliq xarajatlarni aks ettiradi;

42 51 900 “Boshqa strategik zaxiralar” kelajakdagi zaxiralarni yaratish maqsadida boshqa strategik turdagi tovarlarni sotib olish bilan bogʻliq xarajatlarni aks ettiradi.

152. 42 52 000 “Boshqa moddiy aylanma vositalar” kichik moddasida budjet tashkilotlari tomonidan tovar va xizmatlar ishlab chiqarish uchun resurs sifatida ishlatiladigan moddiy aylanma vositalarni sotib olish va foydalanish bilan bogʻliq xarajatlarni aks ettiradi va quyidagi elementlarni oʻz ichiga oladi:

42 52 100 “Tovar-moddiy zaxiralar” budjetdan mablagʻ oluvchilarning xoʻjalik ehtiyojlari uchun sotib olinadigan va foydalaniladigan tovar moddiy zaxiralari bilan bogʻliq xarajatlarni aks ettiradi, kiyim-kechak, poyabzal va choyshab-gʻiloflar (42 52 200 elementi), oziq-ovqat mahsulotlari (42 52 300 elementi), dori-darmonlar, tibbiyotda foydalaniladigan vositalar, vaksinalar va bakteriologik preparatlar (42 52 400 elementi), yonilgʻi va YOMM (42 52 500 elementi) va koʻmir (42 52 600 elementi) bundan mustasno;

42 52 200 “Kiyim-kechak, poyabzal va choyshab-gʻiloflar” xoʻjalik ehtiyojlari uchun kiyim-kechak, poyabzal va choyshab-gʻiloflarni sotib olish va foydalanish xarajatlarini aks ettiradi;

42 52 300 “Oziq-ovqat mahsulotlari” budjet tashkilotining xoʻjalik ehtiyoji uchun oziq-ovqat mahsulotlarini sotib olish xarajatlarini aks ettiradi;

42 52 400 “Dori-darmonlar, tibbiyotda foydalaniladigan vositalar, vaksinalar va bakteriologik preparatlar” dori-darmonlar, tibbiyotda foydalaniladigan vositalarni (42 52 410 elementi) hamda vaksinalar va bakteriologik preparatlarni (42 52 420 elementi) sotib olish xarajatlarini aks ettiradi;

42 52 500 “Yonilgʻi va YOMM” budjet tashkilotlarining xoʻjalik va texnik ehtiyojlari uchun yonilgʻi va YOMMlarni sotib olish xarajatlarini aks ettiradi;

42 52 600 “Koʻmir” elementi budjet tashkilotlarining xoʻjalik ehtiyojlari uchun koʻmir sotib olish bilan bogʻliq xarajatlarini aks ettiradi;

42 52 900 “Moddiy vositalarning boshqa zaxiralari” 42 52 100, 42 52 200, 42 52 300, 42 52 400, 42 52 500 va 42 52 600 elementlarida koʻrsatilmagan moddiy vositalar zaxiralarining boshqa turdagi xarajatlarini oʻz ichiga oladi.

153. 42 90 000 “Tovar va xizmatlar sotib olish uchun boshqa xarajatlar” moddasiga yuqorida 42 00 000 “Tovar va xizmatlar boʻyicha xarajatlar” toifasida koʻrsatilmagan boshqa turdagi tovar va xizmatlarni sotib olish bilan bogʻliq xarajatlar kiradi, shu jumladan kichik moddalar boʻyicha:

42 91 000 “Oʻqitish xarajatlari”ga kadrlar malakasini va koʻrsatiladigan xizmatlar sifatini oshirish maqsadida budjet tashkilotlari xodimlarini oʻqitish, tayyorlash va qayta tayyorlash uchun toʻlov xarajatlari kiradi;

42 92 000 “Telefon, telekommunikatsiya va axborot xizmatlari” telefon, telekommunikatsiya va axborot xizmatlari toʻlovi uchun yoʻnaltirilgan xarajatlarni aks ettiradi, jumladan elementlar boʻyicha:

42 92 100 “Telefon, telegraf va pochta xizmatlari”da telefon, faks va boshqa vositalar orqali maʼlumot uzatish va ularni oʻrnatish hamda pochta-telegraf xizmatlaridan foydalanish xarajatlari aks ettiriladi;

42 92 200 “Axborot va kommunikatsiya xizmatlari”da axborot xizmatlarini sotib olish, jumladan, telekommunikatsiya xizmatlari (Internet va boshqalar) va maʼlumotlar bazasidan foydalanish toʻlovlari hamda maʼlumotlarni qayta ishlash xizmatlari bilan bogʻliq xarajatlar aks ettiriladi;

42 93 000 “Obyektlarni qoʻriqlash xizmatlari” budjet tashkilotlari obyektlarini qoʻriqlash boʻyicha xizmatlar toʻlovi bilan bogʻliq xarajatlarni aks ettiradi;

42 99 000 “Tovar va xizmatlar sotib olish uchun boshqa xarajatlar” mazkur moddaning 42 91 000, 42 92 000 va 42 93 000 kichik moddalariga kirmagan tovar va xizmatlarni sotib olishning barcha xarajatlarini, shu jumladan ilmiy-tadqiqot ishlari xarajatlarini oʻz ichiga oladi.

154. 43 00 000 “Asosiy vositalar boʻyicha xarajatlar” toifasiga budjet tashkilotlarida mavjud boʻlgan aktivlarni (moddiy aylanma vositalar bundan mustasno) ortishiga olib keladigan barcha operatsiyalar, shu jumladan, asosiy vositalarni loyihalashtirish, qurish va rekonstruksiya qilish, kapital va oʻrta taʼmirlash, sotib olish va asosiy vositalar boʻyicha boshqa xarajatlari kiradi.

43 00 000 “Asosiy vositalar boʻyicha xarajatlar” toifasi quyidagi moddalarni oʻz ichiga oladi:

43 10 000 “Asosiy vositalarni loyihalashtirish”;

43 20 000 “Asosiy vositalarni qurish va rekonstruksiya qilish”;

43 30 000 “Asosiy vositalarni kapital taʼmirlash”;

43 40 000 “Asosiy vositalarni oʻrta taʼmirlash”;

43 50 000 “Asosiy vositalarni sotib olish”;

43 90 000 “Asosiy vositalar boʻyicha boshqa xarajatlar”.

155. 43 10 000 “Asosiy vositalarni loyihalashtirish” moddasi asosiy vositalarni, yaʼni binolar (43 11 000 kichik moddasi) va inshootlarning (43 12 000 kichik moddasi) loyihaviy-tadqiqot ishlari bilan bogʻliq xarajatlarni, shuningdek, asosiy vositalarni loyihalashtirish boʻyicha boshqa xarajatlarni (43 19 000 kichik moddasi) oʻz ichiga oladi.

156. 43 11 000 “Bino” kichik moddasi turarjoy (43 11 100 elementi) va noturar joy (43 11 200 elementi) binolarini loyihalashtirishga doir xarajatlarni aks ettiradi.

43 12 000 “Inshoot” umumiy foydalanishdagi avtomobil yoʻllari (43 12 100 elementi) va boshqa inshootlarni (43 12 900 elementi) loyihalashtirishga xarajatlarni aks ettiradi.

43 19 000 “Asosiy vositalarni loyihalashtirish boʻyicha boshqa xarajatlar” kichik moddasi mazkur moddaning 43 11 000—43 12 000 kichik moddalarida koʻrsatilmagan asosiy vositalarni loyihalashtirish xarajatlarini aks ettiradi.

157. 43 20 000 “Asosiy vositalarni qurish va rekonstruksiya qilish” moddasi nomoliyaviy aktivlarni qurish va rekonstruksiya qilish boʻyicha barcha xarajatlarni oʻz ichiga oladi va oʻz navbatida kichik moddalar boʻyicha:

43 21 000 “Bino” turarjoy (43 21 100 elementi) va noturar joy (43 21 200 elementi) binolarini qurish va rekonstruksiya qilishga doir barcha xarajatlarni aks ettiradi;

43 22 000 “Inshoot” umumiy foydalaniladigan avtomobil yoʻllari (43 22 100 elementi) va boshqa inshootlarni (43 22 900 elementi) qurish va rekonstruksiya qilishga doir xarajatlarni aks ettiradi;

43 29 000 “Asosiy vositalarni qurish va rekonstruksiya qilish bilan bogʻliq boshqa xarajatlar” 43 21 000 — 43 22 000 kichik moddalarida koʻrsatilmagan asosiy vositalarni qurish va rekonstruksiya qilish boʻyicha boshqa barcha xarajatlarni aks ettiradi.

158. 43 30 000 “Asosiy vositalarni kapital taʼmirlash” moddasida mavjud aktivlarning ishlab chiqarish quvvati oshishiga va xizmat muddati uzayishiga olib keluvchi kapital taʼmirlash yoki ularning mohiyatan yaxshilanishi bilan bogʻliq xarajatlar aks ettiriladi, jumladan quyidagi kichik moddalar boʻyicha:

43 31 000 “Bino” kichik moddasi turarjoy (43 31 100 elementi) va noturar joy (43 31 200 elementi) binolarini kapital taʼmirlash bilan bogʻliq barcha xarajatlarni aks ettiradi.

43 32 000 “Inshoot” umumiy foydalaniladigan avtomobil yoʻllari (43 32 100 elementi) va boshqa inshootlarni (43 32 900 elementi) kapital taʼmirlash xarajatlarini aks ettiradi.

43 33 000 “Transport vositalari, mashinalar, jihozlar va texnika” barcha turdagi transport vositalari, mashinalar, jihozlar va texnikalarni kapital taʼmirlash bilan bogʻliq xarajatlarni oʻz ichiga oladi, transport vositalari (43 33 100 elementi) va boshqa mashinalar, jihozlar va texnika (43 33 900 elementi) elementlarini oʻz ichiga oladi.

43 39 000 “Asosiy vositalarni kapital taʼmirlash boʻyicha boshqa xarajatlar” ushbu moddaning 43 31 000 — 43 33 000 kichik moddalarda koʻrsatilmagan asosiy vositalarni kapital va oʻrta taʼmirlash boʻyicha boshqa barcha xarajatlarni aks ettiradi.

159. 43 40 000 “Asosiy vositalarni oʻrta taʼmirlash” asosiy vositalarni oʻrta taʼmirlash bilan bogʻliq xarajatlarni, jumladan quyidagi kichik moddalar boʻyicha aks ettiradi:

43 41 000 “Bino” turarjoy (43 41 100 elementi) va noturar joy (43 41 200 elementi) binolarini oʻrta taʼmirlash bilan bogʻliq barcha xarajatlarni aks ettiradi;

43 42 000 “Inshoot” umumiy foydalaniladigan avtomobil yoʻllari (43 42 100 elementi) va boshqa inshootlar (43 42 900 elementi) bilan bogʻliq oʻrta taʼmirlash xarajatlarini aks ettiradi;

43 43 000 “Transport vositalari, mashinalar, jihozlar va texnika” barcha turdagi transport vositalari, mashinalar va jihozlarni oʻrta taʼmirlash bilan bogʻliq xarajatlarini aks ettiradi hamda transport vositalari (43 43 100 elementi) hamda boshqa mashinalar, jihozlar va texnika (43 43 900 elementi) xarajatlarini aks ettiradi;

43 49 000 “Boshqa asosiy vositalarni oʻrta taʼmirlash boʻyicha boshqa turli koʻrinishdagi xarajatlar” ushbu moddaning 43 41 000 — 43 43 000 kichik moddalarida koʻrsatilmagan asosiy vositalar boʻyicha boshqa oʻrta taʼmirlash xarajatlarini aks ettiradi.

160. 43 50 000 “Asosiy vositalarni sotib olish” moddasida budjet tashkilotlarida mavjud aktivlarning koʻpayishiga olib keluvchi barcha operatsiyalar boʻyicha xarajatlarni, jumladan, quyidagi kichik moddalar boʻyicha aks ettiradi:

43 51 000 “Yer” yer sotib olish bilan bogʻliq barcha xarajatlarni aks ettiradi;

43 52 000 “Bino” turarjoy (43 52 100 elementi) va noturar joy (43 52 200 elementi) binolarini sotib olish bilan bogʻliq barcha xarajatlarni aks ettiradi;

43 53 000 “Inshoot” barcha turdagi inshootlarni sotib olish bilan bogʻliq barcha xarajatlarni aks ettiradi;

43 54 000 “Mashinalar, jihozlar va texnika” mashinalar, jihozlar va texnika sotib olish bilan bogʻliq barcha turdagi xarajatlarni aks ettiradi va quyidagi elementlarga boʻlinadi:

43 54 100 “Transport vositalari” barcha turdagi transport vositalarini sotib olish bilan bogʻliq barcha xarajatlarni aks ettiradi;

43 54 900 “Boshqa mashinalar, jihozlar va texnika” transport vositalaridan tashqari barcha mashinalar, jihozlar va texnika sotib olish xarajatlarini oʻz ichiga oladi:

43 54 910 “Mebel va ofis jihozlari” mebel va ofis jihozlarini sotib olish bilan bogʻliq barcha xarajatlarni aks ettiradi;

43 54 920 “Kompyuter jihozlari, hisoblash va audio-video texnikasi, axborot texnologiyasi va kerakli ashyolar”ni sotib olish bilan bogʻliq barcha xarajatlarni aks ettiradi;

43 54 930 “Elektr energiya va boshqa kommunal xizmatlarni hisobga olish asboblari”da elektroenergiya, gaz, suv, issiqlik energiyasini hisobga olish asboblarini sotib olish bilan bogʻliq barcha xarajatlarni aks ettiradi.

43 44 990 “Boshqa texnika” 43 54 910 — 43 54 930 elementlarida koʻrsatilmagan boshqa turdagi mashinalar, jihozlar va texnika sotib olish bilan bogʻliq barcha xarajatlarni aks ettiradi.

43 55 000 “Asosiy vositalar sotib olish boʻyicha boshqa turdagi xarajatlar” boshqa turdagi asosiy vositalarni sotib olish bilan bogʻliq barcha xarajatlarni oʻz ichiga oladi va quyidagi elementlarga boʻlinadi:

43 55 100 “Yetishtiriladigan aktivlar”, yetishtiriladigan aktivlarni, yaʼni boshqa tovar va xizmatlar ishlab chiqarishda bir yildan ortiq koʻp marta yoki toʻxtovsiz ishlatiladigan hayvonlar, oʻsimliklar sotib olish bilan bogʻliq barcha xarajatlarni oʻz ichiga oladi;

43 55 200 “Nomoddiy aktivlar” oʻz ichiga nomoddiy aktivlarni sotib olish bilan bogʻliq barcha xarajatlarni oladi, jumladan, mualliflik huquqi, patent, dasturiy taʼminot va boshqa turdagi nomoddiy aktivlar;

43 55 300 “Kutubxona fondi”, oʻz ichiga budjet tashkilotlarida kutubxona fondini tashkil qilish uchun kitoblari, oʻquv qoʻllanmalari va boshqa shu turdagi materiallarni sotib olish bilan bogʻliq barcha xarajatlarni oʻz ichiga oladi.

161. 44 00 000 “Foizlar” toifasi ichki va tashqi manbalardan olingan kreditlar va qarzlar boʻyicha foizlarni toʻlash xarajatlarini oʻz ichiga oladi.

Foizlar kreditor tomonidan taqdim etilgan qarzning toʻlanmagan asosiy qismidan foydalanilganlik uchun toʻlovlar, yaʼni iqtisodiy bahosidir. Toʻlanadigan foizning umumiy summasi norezidentlarga toʻlanadigan foiz toʻlovlari (44 10 000 moddasi), rezidentlarga toʻlanadigan, davlat boshqaruv sektori bundan mustasno, foiz toʻlovlari (44 20 000 moddasi) va davlat boshqaruvi sektorining boshqa birliklariga toʻlanadigan (44 30 000 moddasi) foizlarga boʻlinadi

162. 44 10 000 “Norezidentlarga” moddasi oʻz ichiga quyidagi kichik moddalarni oladi:

xorijiy kreditlar boʻyicha foizlar (44 11 000) kichik moddasi oʻz ichiga xorijiy davlatlar hukumatlariga (44 11 100 elementi), xalqaro tashkilotlarga (44 11 200 elementi), moliyaviy tashkilotlar, xalqaro tashkilotlar bundan mustasno (44 11 300 elementi) va ushbu kichik moddaning 44 11 100 — 44 11 300 elementlarida koʻrsatilmagan boshqa norezidentlarga (44 11 900 elementi) toʻlanadigan foizlarni oladi;

qimmatli qogʻozlar boʻyicha foizlar toʻlovlari (44 12 000) kichik moddasi oʻz ichiga gʻaznachilik veksellari (44 12 100 elementi) va obligatsiyalar (44 12 200 elementi) boʻyicha foizlar toʻlash elementlarini oladi.

163. 44 20 000 “Rezidentlarga, davlat boshqaruv sektori bundan mustasno” moddasi oʻz ichiga quyidagi kichik moddalarni oladi:

ichki kreditlar boʻyicha foiz toʻlovlari (44 21 000) kichik moddasi Markaziy bank (44 21 100 elementi), tijorat banklari (44 21 200 elementi), boshqa moliya tashkilotlari (44 21 300 elementi) va nomoliya tashkilotlari (44 21 400 elementi) elementlariga boʻlinadi;

qimmatli qogʻozlar boʻyicha foizlarga toʻlovlar (44 22 000) kichik moddasi oʻz navbatida gʻaznachilik veksellari (44 22 100 elementi) va obligatsiyalar (44 22 200 elementi) boʻyicha foizlar toʻlash elementlariga boʻlanadi.

164. 44 30 000 “Boshqa davlat boshqaruvi sektori birliklariga” moddasi oʻz ichiga 44 10 000 va 44 20 000 moddalarda koʻrsatib oʻtilmagan boshqa institutlardan olingan kreditlar va qarzlar boʻyicha foiz toʻlovlarini oladi.

165. 45 00 000 “Subsidiyalar” toifasiga davlat va munitsipial tashkilotlarning zararlarini qoplash xarajatlari kiritiladi (uy-joy kommunal xoʻjaligi, transport tashkilotlari va boshqalardan kelib tushadigan daromadlar).

Subsidiyalar tashkilotlarning ishlab chiqarish faoliyati darajasidan yoxud ular ishlab chiqaradigan, sotadigan, eksport yoki import qiladigan tovar va xizmatlarning miqdori yoki narxidan kelib chiqqan holda mazkur korxonalarga joriy begʻaraz toʻlovlarni ifodalaydi.

Subsidiyalar kapital emas, faqat joriy transfert boʻladi.

166. Subsidiyalar dastlab uni oluvchining davlat (45 10 000 modda) yoki xususiy tashkilot (45 20 000 modda) yoxud nodavlat notijorat tashkiloti (45 30 000 modda) ekanligiga qarab, soʻngra, uning moliya yoki nomoliya tashkilot ekanligiga qarab tasniflanadi. Natijada subsidiyalar besh turdagi oluvchilarga taqdim etilishi mumkin: nomoliyaviy davlat tashkilotlari (45 11 000 kichik modda), moliyaviy davlat tashkilotlari (45 12 000 kichik modda), nomoliyaviy xususiy tashkilotlar (45 21 000 kichik modda), moliyaviy xususiy tashkilotlar (45 22 000 kichik modda) va nodavlat notijorat tashkilotlari (45 30 000 modda).

167. 46 00 000 “Grantlar” toifasi bir davlat birligidan boshqasiga yoki xorijiy davlatlar hukumatlari va xalqaro tashkilotlarga taqdim etiladigan majburiy boʻlmagan joriy yoki kapital transfertlarni ifodalaydi. Grantlar avvalo grant oluvchi institutsional birlikning turiga koʻra, soʻngra grantning joriy va kapital grantligiga qarab tasniflanadi.

168. Grant oluvchilar toʻrt turga boʻlinadi: xorijiy davlatlar hukumatlariga grantlar (46 10 000 modda), xalqaro tashkilotlarga grantlar (46 20 000 modda), nodavlat notijorat tashkilotlariga grantlar (46 30 000 modda) va davlat boshqaruvi sektorining boshqa birliklariga grantlar (46 40 000 modda).

Joriy grantlar joriy xarajatlarni amalga oshirish uchun beriladigan va ularni oluvchi tomonidan biror-bir aktivni sotib olishga qaratilmagan, shuningdek, bunday sotib olishga bogʻliq boʻlmagan maqsadlarga beriladi. Kapital grantlar oluvchi tomonidan biror-bir aktivni sotib olishni, yoki oluvchi aktiv yoki aktivlarni sotib olishi uchun (moddiy aylanma vositalari bundan mustasno) pul oʻtkazish yoxud aktivlarni uzatishni (moddiy aylanma vositalar va pul mablagʻlari bundan mustasno), shuningdek kreditor va debitor oʻrtasidagi oʻzaro kelishuvga koʻra majburiyatlarni bekor qilishni yoki boshqa institutsional birlikning qarzini oʻziga olishni nazarda tutadi.

169. 46 10 000 “Xorijiy davlatlar hukumatlariga” moddasi joriy (46 11 000 kichik modda) va kapital (46 12 000 kichik modda) grantlar kichik moddalariga boʻlinadi. Shuningdek, 46 20 000 “Xalqaro tashkilotlarga” moddasi joriy (46 21 000 kichik modda) va kapital (46 22 000 kichik modda) grantlar kichik moddalaridan, 46 30 000 “Nodavlat notijorat tashkilotlarga” moddasi esa joriy (46 31 000 kichik modda) va kapital grantlar (46 32 000 kichik modda) kichik moddalaridan iborat.

170. 46 40 000 “Davlat boshqaruvi sektorining boshqa birliklariga” moddasi davlat doirasida davlat boshqaruvi sektori birligining biridan boshqasiga dotatsiya, subvensiya va boshqa turdagi transfertlar koʻrinishidagi moliyaviy yordamini ifodalaydi hamda joriy (46 41 000 kichik modda) va kapital (46 42 000 kichik modda) grantlar kichik moddalariga boʻlinadi.

171. Davlat boshqaruvi sektorining boshqa birliklariga joriy grantlar quyidagi elementlarga boʻlinadi:

dotatsiyalar (46 41 100 elementi) oʻz daromadlari va budjetni tartibga soluvchi boshqa mablagʻlar yetishmagan taqdirda quyi budjetning xarajatlari bilan daromadlari oʻrtasidagi farqni qoplash uchun yuqori budjetdan quyi budjetga qaytarmaslik sharti bilan ajratiladigan pul mablagʻlari boʻlib, Qoraqalpogʻiston Respublikasiga (46 41 110 elementi), viloyatlar va Toshkent shahriga (46 41 120 elementi), tuman va shaharlarga (46 41 130 elementi) va davlat maqsadli jamgʻarmalariga (46 41 140 elementi) taqdim etiladi;

subvensiya (46 41 200 elementi) qonun hujjatlarida nazarda tutilgan tartibda muayyan maqsadlarga sarflash sharti bilan yuqori budjetdan quyi budjetga qaytarmaslik sharti bilan ajratiladigan pul mablagʻlari boʻlib, dotatsiyadan farqli ravishda muayyan maqsadlarni moliyalashtirishga taqdim etiladi va maqsadli sarflanmagan holda qaytarib olinadi, Qoraqalpogʻiston Respublikasiga (46 41 210 elementi), viloyatlar va Toshkent shahriga (46 41 220 elementi), tuman va shaharlarga (46 41 230 elementi) va davlat maqsadli jamgʻarmalariga (46 41 240 elementi) beriladi;

oʻtkazib beriladigan mablagʻlar (46 41 300 elementi), respublika budjetiga tushadigan mablagʻlarning mazkur mablagʻlar shakllanadigan hududlarga oʻtkazib beriladigan qismi boʻlib, Qoraqalpogʻiston Respublikasiga (46 41 310 elementi), viloyatlar va Toshkent shahriga (46 41 320 elementi), tuman va shaharlarga (46 41 330 elementi) oʻtkazib beriladigan mablagʻlarga boʻlinadi. Bunda, oʻtkazib beriladigan daromadlar mazkur budjetlarda nazarda tutilgan barcha xarajatlarni qoplash uchun yetishmayotgan daromadlar hajmidan oshib ketishi mumkin emas.

172. 46 42 000 “Kapital” kichik moddasi quyidagi elementlarga boʻlinadi:

kapital xarajatlarni qoplash uchun subvensiyalarning (46 42 100 elementi) pirovard maqsadi asosiy vositalar sotib olish yoki kapital taʼmirlash boʻyicha xarajatlarni qoplash boʻlib, Qoraqalpogʻiston Respublikasiga (46 42 110 elementi), viloyatlar va Toshkent shahriga (46 42 120 elementi), tuman va shaharlarga (46 42 130 elementi) va davlat maqsadli jamgʻarmalariga (46 42 140 elementi) subvensiyalarga boʻlinadi;

davlat doirasidagi boshqa kapital transfertlar (46 42 200 elementi) yuqorida koʻrsatilmagan davlat boshqaruvi sektorining boshqa birliklariga boshqa turdagi kapital transfertlar boʻlib, moliyaviy tashkilotlar (46 42 210 elementi) va nomoliyaviy tashkilotlarga (46 42 220 elementi) boshqa kapital transfertlarga boʻlinadi.

173. 47 00 000 “Ijtimoiy nafaqalar” toifasida budjet mablagʻlari hisobidan ijtimoiy va tibbiy sugʻurta doirasida, jumladan davlat pensiya taʼminoti boʻyicha pensiyaga xarajatlarni oʻz ichiga oladi. Ijtimoiy nafaqalar toʻlov amalga oshiriladigan dasturlarning turiga koʻra tasniflanadi, dasturlar ichida ish ijtimoiy taʼminot, ijtimoiy muhofaza, ish beruvchi amalga oshiradigan ijtimoiy sugʻurta dasturlari ajratiladi. Ijtimoiy nafaqalar pul yoki natura koʻrinishida aholini toʻligʻicha ijtimoiy muhofaza qilishga yoki alohida toifadagi fuqarolarni muayyan ijtimoiy xavflardan himoyalashga qaratilgan transfertlardir. Ijtimoiy xavf — bu qoʻshimcha xarajat qilishga ehtiyoj paydo boʻlishi yoki daromadlarining kamayishi oqibatida maʼlum bir shaxslarning mulkiy ahvoliga salbiy taʼsir qiluvchi hodisa yoki vaziyat. Barcha ijtimoiy nafaqalar kapital emas, balki joriy transfertlar hisoblanadi.

174. Ijtimoiy taʼminot boʻyicha nafaqalar (47 10 000 modda) — bu aholiga ijtimoiy taʼminot dasturi doirasida pul koʻrinishida beriladigan ijtimoiy nafaqalar boʻlib, oʻz navbatida nafaqalar (47 11 100 elementi) va pensiyalarga (47 11 400 elementi) boʻlinadi.

175. 47 11 100 “Nafaqalar” elementi oʻz ichiga ishsizlik boʻyicha nafaqa (47 11 110 elementi), vaqtincha mehnatga layoqatsizlik nafaqasi (47 11 120 elementi), bola tugʻilgani uchun nafaqa (47 11 130 elementi), dafn etish marosimi uchun nafaqa (47 11 140 elementi), homiladorlik va tugʻish nafaqasi (47 11 150 elementi), nogiron bolasini tarbiyalayotgan ishlovchi ota-onaning biriga (vasiyga, homiyga) bola oʻn olti yoshga toʻlgunga qadar oyiga qoʻshimcha bir dam olish kuni uchun nafaqa (47 11 160 elementi) va bolalikdan nogironlar, pensiya tayinlash uchun zarur boʻlgan ish stajiga ega boʻlmagan qariyalarga va mehnatga layoqatsizlarga nafaqalar (47 11 170 elementi)ni oladi.

176. 47 11 400 “Pensiyalar” elementi muddatidan oldin tayinlangan pensiya (47 11 410 elementi), ishlamaydigan pensionerlarga pensiya (47 11 420 elementi), ishlaydigan pensionerlarga 50 foiz toʻlanadigan pensiya (47 11 430 elementi), ishlaydigan pensionerlarga 100 foiz toʻlanadigan pensiyalarni (47 11 440 elementi) oʻz ichiga oladi.

177. Ijtimoiy yordam nafaqalari (47 20 000 modda) ijtimoiy sugʻurta boʻyicha nafaqalar kabi aholining ehtiyojlarini qondirish uchun toʻlanadigan, biroq ijtimoiy sugʻurta dasturlari doirasida amalga oshirilmaydigan transfertlarni ifodalaydi.

178. Pul koʻrinishidagi ijtimoiy yordam nafaqalari (47 21 000 kichik modda) oʻz ichiga ishlamaydigan onalarga, shuningdek budjet tashkilotlarida ishlaydigan onalarga bola 2 yoshga toʻlgunga qadar uni parvarishlash uchun beriladigan oylik nafaqa (47 21 100 elementi), voyaga yetmagan 16 (18) yoshgacha bolalari boʻlgan oilalarga nafaqalar (47 21 200 elementi), kam taʼminlangan oilalarga moddiy yordam (47 21 300 element), imtiyozli bemorlar kontingentiga bepul koʻrsatilgan yuqori malakali ixtisoslashgan tibbiy yordam xarajatlarini qoplash (47 21 400 elementi), yetim bolalarga va ota-ona qaramogʻidan mahrum boʻlgan bolalarga nafaqalar (47 21 600 element) va pul shaklidagi boshqa ijtimoiy yordam nafaqalarini (47 21 900 elementi) oladi.

179. Natura shaklidagi ijtimoiy yordam nafaqalari (47 22 000 kichik modda) uy xoʻjaliklari nomidan bozor ishlab chiqaruvchilaridan sotib olinadigan tovar va xizmatlarni, shuningdek uy xoʻjaliklarining muayyan neʼmatlarni sotib olish xarajatlarini dastur shartlariga muvofiq qoplab berishdan iborat va quyidagi elementlarga boʻlinadi:

47 22 100 “Yetim va ota-ona qaramogʻidan mahrum boʻlgan bolalarni, kam taʼminlangan oilalardan boʻlgan oʻquvchilarni ijtimoiy qoʻllab-quvvatlash nafaqalari”;

47 22 200 “Qishki kiyim va poyabzal bilan taʼminlash xarajatlari”;

47 22 300 “Darsliklar bilan taʼminlash xarajatlari”;

47 22 400 “Yoʻl chiptasi bilan taʼminlash xarajatlari”;

47 22 500 “Bepul oziq-ovqat bilan taʼminlash xarajatlari”;

47 22 600 “Yolgʻiz qariyalar uchun oziq-ovqat sotib olish xarajatlari”;

47 22 700 “Bepul retsept boʻyicha imtiyozli kontingent uchun dori-darmon sotib olish xarajatlari”;

47 22 800 “Muhtoj nogironlarni protez-ortopedik buyumlar va reabilitatsiya texnik vositalari bilan taʼminlash xarajatlari”;

mazkur kichik moddaning 47 22 100 — 47 22 800 elementlarida koʻrsatilmagan 47 22 900 “Natura shaklida boshqa turdagi ijtimoiy yordam nafaqalari”.

180. Ish beruvchilar tomonidan beriladigan ijtimoiy nafaqalar (47 30 000 modda) davlat birliklari tomonidan oʻz ishchilariga yoki boshqa davlat birliklari ishchilariga pul shaklida (47 31 000 kichik modda) va natura shaklida toʻlanadigan (47 32 000 kichik modda) ijtimoiy nafaqalarni ifodalaydi.

181. 48 00 000 “Boshqa xarajatlar” toifasi 41 00 000 — 49 00 000 toifalarda koʻrsatilmagan boshqa barcha xarajatlarni oʻz ichiga oladi va quyidagi moddalarga boʻlinadi: 48 10 000 “Mulk bilan bogʻliq xarajatlar, foiz bundan mustasno”, 48 20 000 “Boshqa turli xarajatlar”.

182. Mulk bilan bogʻliq xarajatlar, foiz bundan mustasno (48 10 000 modda), davlat boshqaruvi sektori birligining moliyaviy aktiv yoki nomoddiy noishlab chiqarish aktiv egasiga ushbu aktivdan foydalanganlik uchun toʻloviga doir xarajatlar boʻlib, dividend, daromadlardan ajratmalar va renta shaklida boʻlishi mumkin.

183. Boshqa turli xarajatlar (48 20 000 modda) boshqa toifalarga kiritilmagan operatsiyalar boʻyicha barcha xarajatlarni oʻz ichiga oladi va mohiyatan joriy (48 21 000 kichik modda) va kapital (48 22 000 kichik modda) xarajatlarga boʻlinadi.

184. 48 21 000 “Joriy” kichik moddasiga quyidagi elementlar kiradi:

48 21 100 “Boshqa turli xarajatlar” oʻz navbatida kadastr, yer tuzish topografik-geodezik va kartografik ishlarni (48 21 110 elementi), vakillik xarajatlari (48 21 120 elementi), birinchi sinf oʻquvchilariga oʻquv jihozlarini sotib olishga xarajatlar (48 21 130 elementi) va mazkur tasnifning hech qaysi toifasi va moddasiga kiritilmagan boshqa xarajatlarni (48 21 190 elementi) aks ettiradi;

48 21 200 “Xalqaro va davlatlararo tashkilotlarga aʼzolik”ga xalqaro va davlatlararo tashkilotlarga aʼzo boʻlib kirish yoki hukumatning ularga aʼzolik badali bilan bogʻliq xarajatlarni aks ettiradi;

48 21 300 “Hukumat mukofotlari” davlat mukofotlarini toʻlash bilan bogʻliq xarajatlarni aks ettiradi;

48 21 400 “Stipendiyalar” oliy oʻquv yurtlarida toʻlanadigan stipendiyalarni aks ettiradi;

48 21 500 “Fuqarolarga yetkazilgan zararlarni qoplash” davlat hokimiyati organlari yoki ular mansabdor shaxslarining noqonuniy harakati (harakatsizligi) oqibatida fuqarolarga yetkazilgan zararni, shu jumladan, maʼnaviy zararni qoplash, shuningdek, fuqarolarga yetkazilgan boshqa zararlarni toʻlab berish bilan bogʻliq xarajatlarni aks ettiradi;

48 21 600 “Tibbiyot muassasalarining moddiy ragʻbatlantirish va rivojlantirish jamgʻarmasini shakllantirish xarajatlari” Tibbiyot muassasalarining moddiy ragʻbatlantirish va rivojlantirish jamgʻarmasini shakllantirishga budjet mablagʻlari hisobidan qilinadigan xarajatlarni aks ettiradi.

185. 49 00 000 “Moliyaviy aktivlar va majburiyatlar boʻyicha xarajatlar” toifasiga moliyaviy aktivlarni taqdim qilish va majburiyatlarni toʻlashga doir xarajatlar kiradi.

Moliyaviy aktivlar (49 10 000 modda) boʻlib institutsional birliklar oʻrtasidagi shartnoma qoidalariga muvofiq aktiv egasi boʻlgan (yaʼni kreditor) bir institutsional birlikka boshqa birlikdan (debitordan) bir yoki bir nechta toʻlovlarni olish huquqini beruvchi aktivlar yoki moliyaviy talab hisoblanadi. Moliyaviy aktivlar quyidagi kichik moddalarga boʻlinadi:

Ichki (49 11 000 kichik modda), unga depozitlar (49 11 100 elementi), qimmatli qogʻozlar, aksiyalar bundan mustasno (49 11 200 elementi), kredit va qarzlar (49 11 300 elementi) hamda aksiya va kapitalda ishtirok etishning boshqa shakllari (49 11 400 elementi) kiradi.

186. 49 11 100 “Depozitlar” elementi qatʼiy nominal qiymatga ega boʻlgan va toʻlovlarni amalga oshirish uchun ishlatiladigan moliyaviy aktivlarni ifodalaydi. Ular jamgʻarish vositalari boʻlib, toʻgʻridan-toʻgʻri ayirboshlash vositasi boʻlishi mumkin va foizlar keltirishi yoki depozitlar egasiga muayyan xizmat olish huquqini berishi mumkin.

187. 49 11 200 “Qimmatli qogʻozlar, aksiyalar bundan mustasno” elementiga muomalada boʻlgan moliyaviy instrumentlar: veksellar, obligatsiyalar, depozit sertifikatlari, bank akseptlari hamda institutsional birliklarning iqtisodiy qiymatga ega vositalar taqdim qilish orqali tartibga solinishi kerak boʻlgan majburiyatlarga ega ekanligini tasdiqlovchi boshqa turdagi qimmatli qogʻozlar kiradi.

188. 49 11 300 “Kredit va qarzlar” elementiga kreditorning debitorga toʻgʻridan-toʻgʻri mablagʻni taqdim etishi va buni tasdiqlash uchun ikki institutsional birlik oʻrtasida shartnoma tuzilishida vujudga keladigan moliyaviy instrumentga aytiladi va u oʻz navbatida elementlarga boʻlinadi: Qoraqalpogʻiston Respublikasiga beriladigan ssudalar (49 11 310 elementi), viloyatlar va Toshkent shahriga beriladigan ssudalar (49 11 320 elementi), shahar va tumanlarga beriladigan ssudalar (49 11 330 elementi), davlat maqsadli jamgʻarmalariga beriladigan ssudalar (49 11 340 elementi), nomoliyaviy davlat tashkilotlariga kreditlar (49 11 350 elementi), nodavlat notijorat tashkilotlarga kreditlar (49 11 360 elementi), moliyaviy tashkilotlarga kreditlar (49 11 370 elementi) va boshqa ichki kreditlash (49 11 390 elementi).

189. 49 11 400 “Aksiya va kapitalda ishtirok etishning boshqa shakllari” elementi oʻz ichiga barcha kreditorlarning talablari qondirilgandan soʻng, korporatsiyaning qoldiq qiymatiga talablarni tasdiqlovchi barcha instrumentlarni va hisob hujjatlarini oladi.

190. 49 12 000 “Tashqi” kichik moddasi oʻz ichiga depozitlar (49 12 100 elementi), qimmatli qogʻozlar, aksiyalar bundan mustasno (49 12 200 elementi), kredit va qarzlar (49 12 300 elementi) hamda aksiya va kapitalda ishtirok etishning boshqa shakllarini ( 49 12 400 elementi) oladi.

191. Moliyaviy talab tuzilishi bilan ayni vaqtda debitorda tegishli moliyaviy talablar egasi boʻlgan institutsional birliklarga iqtisodiy naf keltirishdan iborat boʻlgan majburiyat (49 20 000 modda) paydo boʻladi. Paydo boʻlishiga koʻra majburiyatlar ichki (49 21 000 kichik modda) va tashqi (49 22 000 kichik modda) majburiyatlarga boʻlinadi.

192. Ichki majburiyatlar boʻlib qimmatli qogʻozlarni, aksiyalar bundan mustasno (49 21 100 elementi), jumladan, gʻaznachilik veksellari va uzoq muddatli qimmatli qogʻozlarni (49 21 110 elementi) toʻlab berish hisoblanadi.

Shuningdek, ichki majburiyatlar boʻlib kredit va qarzlar (49 21 200 elementi) hisoblanadi, u oʻz navbatida quyidagilarga boʻlinadi: Oʻzbekiston Respublikasi respublika darajasidagi ssudalarni qaytarish (49 21 210 elementi), Qoraqalpogʻiston Respublikasi ssudalarini qaytarish (49 21 220 elementi), viloyatlar va Toshkent shahri ssudalarini qaytarish (49 21 230 elementi), nomoliyaviy davlat tashkilotlari kreditlarini qaytarish (49 21 240 elementi), nodavlat notijorat tashkilotlari kreditlarini qaytarish (49 21 250 elementi), moliyaviy tashkilotlar kreditlarini qaytarish (49 21 260 elementi) hamda boshqa elementlarda koʻrsatilmagan turli ichki kreditlarni qaytarish (49 21 290 elementi).

193. Budjetlar oʻrtasidagi hisob-kitob va toʻlovlar (49 21 300 elementi) budjet jarayonining ajralmas qismi boʻlib, u budjetlar oʻrtasida budjet oʻtkazmalarini ifodalaydi hamda oʻz ichiga oʻzaro hisob-kitoblarga muvofiq Respublika darajasiga oʻtkazib beriladigan mablagʻlar (49 21 310 elementi), oʻzaro hisob-kitoblarga muvofiq Qoraqalpogʻiston Respublikasiga oʻtkazib beriladigan mablagʻlar (49 21 320 elementi), oʻzaro hisob-kitoblarga muvofiq viloyatlar va Toshkent shahriga oʻtkazib beriladigan mablagʻlar (49 21 330 elementi), oʻzaro hisob-kitoblarga muvofiq tuman va shaharlarga oʻtkazib beriladigan mablagʻlar (49 21 340 elementi), yuqori budjetga oʻtkazib beriladigan mablagʻlar (49 21 350 elementi), yuqori budjetga oʻtkazib beriladigan ortiqcha daromad summalarini (49 21 360 elementi) oladi.

Aksiya chiqarish va kapitalda ishtirok etishning boshqa shakllari (49 21 400 elementi) ham majburiyatlar hisoblanadi.

194. Tashqi majburiyatlarga qimmatli qogʻozlar, aksiyalar bundan mustasno (49 22 100 elementi), jumladan, gʻaznachilik veksellari va uzoq muddatli qimmatli qogʻozlarni (49 22 110 elementi) toʻlab berish, kredit va qarzlarni (49 22 200 elementi), shu jumladan, xorijiy hukumatlar kreditlarini qaytarish (49 22 210 elementi), xalqaro tashkilotlar kreditlarini qaytarish (49 22 220 elementi) hamda moliyaviy tashkilotlar kreditlarini qaytarish, xalqaro tashkilotlar bundan mustasno (49 22 230 elementi) kiradi.

195. Xarajatlarning iqtisodiy tasnifining kodlari mazkur Yoʻriqnomaning 5a-ilovasiga muvofiq toʻrt guruh boʻyicha taqsimlanadi.

196. Davlat budjeti taqchilligini moliyalashtirish manbalari tasnifi (mazkur Yoʻriqnomaning 6-ilovasi) ularni moliyalashtirishning ichki va tashqi manbalari boʻyicha guruhlanishidan iborat.

197. Davlat budjeti taqchilligini moliyalashtirish manbalari tasnifi quyidagilardan tashkil topadi:

boʻlim;

paragraf.

198. Boʻlim — davlat budjeti taqchilligini uni moliyalashtirish manbalari boʻyicha guruhlanishidan iborat.

199. Paragraf — davlat budjeti taqchilligini moliyalashtirish turlari boʻyicha guruhlashdan iborat.

200. 50-boʻlim “Moliyalashtirishning ichki manbalari” quyidagi paragraflardan tashkil topgan:

501 “Davlat qimmatli qogʻozlarini joylashtirishdan tushgan mablagʻlar”;

502 “Markaziy bank kreditlari”;

503 “Davlat mulkini xususiylashtirishdan tushgan mablagʻlar”;

504 “Oʻzbekiston Respublikasi respublika budjeti mablagʻlarining qoldigʻi”;

505 “Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi mablagʻlarining qoldigʻi”;

506 “Ish bilan taʼminlashga koʻmaklashuvchi davlat jamgʻarmasi mablagʻlarining qoldigʻi”;

507 “Oʻzbekiston Respublikasi Moliya vazirligi huzuridagi Respublika yoʻl jamgʻarmasi mablagʻlarining qoldigʻi”;

508 “Oʻzbekiston Respublikasi Davlat mulk qoʻmitasining maxsus hisobvaragʻi mablagʻlari”;

509 “Boshqa ichki manbalardan jalb qilinadigan mablagʻlar”.

201. 51-boʻlim “Moliyalashtirishning tashqi manbalari” quyidagi paragraflardan tashkil topgan:

511 “Davlat qimmatli qogʻozlarini joylashtirishdan tushgan mablagʻlar”;

512 “Xalqaro moliyaviy institutlar, tashkilotlar kreditlari”;

513 “Xorijiy davlatlar kreditlari”;

514 “Boshqa tashqi manbalardan jalb qilinadigan mablagʻlar”.