Oʻzbekiston Respublikasi Adliya vazirligiga Davlat reyestridan chiqarish uchun taqdim qilingan normativ-huquqiy hujjatni huquqiy ekspertiza qilish natijasi boʻyicha 2010-yil 17-avgustdagi xulosaga hamda Oʻzbekiston Respublikasi Vazirlar Mahkamasining 1997-yil 9-oktabrdagi 469-son “Vazirliklar, davlat qoʻmitalari va idoralar meʼyoriy hujjatlarining qonuniyligini taʼminlash chora-tadbirlari toʻgʻrisida”gi va 2000-yil 19-maydagi 197-son “Vazirliklar, davlat qoʻmitalari va idoralarning meʼyoriy hujjatlarini qabul qilish tartibini takomillashtirish toʻgʻrisida”gi qarorlariga asosan, shuningdek, “Oʻzdavenergonazorat” inspeksiyasi va “Oʻzbekenergo” davlat-aksiyadorlik kompaniyasining 2010-yil 13-avgustdagi AN-01-02/1180 va BT-01-21/810-son qoʻshma xatini inobatga olgan holda, buyuraman:

1. Oʻzbekiston Respublikasi energetika va elektrlashtirish vazirining oʻrinbosari tomonidan 1997-yil 10-yanvarda RD RUz 34-381-125-96-son bilan tasdiqlangan Maishiy abonentlar bilan elektr energiyasi uchun hisob-kitob qilish qoidalari (roʻyxat raqami 298, 1997-yil 16-yanvar) Oʻzbekiston Respublikasi vazirliklari, davlat qoʻmitalari va idoralari normativ-huquqiy hujjatlarining Davlat reyestridan chiqarilsin va bu haqda mazkur Davlat reyestriga tegishli yozuv kiritilsin.

2. “Oʻzdavenergonazorat” inspeksiyasi va “Oʻzbekenergo” davlat-aksiyadorlik kompaniyasi ushbu hujjatni Oʻzbekiston Respublikasi vazirliklari, davlat qoʻmitalari va idoralari normativ-huquqiy hujjatlarining Davlat reyestridan chiqarilganligini barcha manfaatdor shaxslar eʼtiboriga yetkazishi lozimligi maʼlumot uchun qabul qilinsin.

3. Idoraviy meʼyoriy hujjatlarni davlat roʻyxatidan oʻtkazish boshqarmasi (B. Boliyev) ushbu normativ-huquqiy hujjatni Davlat reyestridan chiqarilganligini barcha manfaatdor shaxslar eʼtiboriga yetkazilishi ustidan nazoratni taʼminlasin.

4. Qonun hujjatlarini turkumlash va huquqiy axborot boshqarmasi (S. Nuriyev) ushbu buyruqni “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da nashr etilishini taʼminlasin.

5. Mazkur buyruqning ijrosini nazorat qilish vazir oʻrinbosari E. Kanyazov zimmasiga yuklansin.