“Davlat uy-joy fondini xususiylashtirish to‘g‘risida” gi O‘zbekiston Respublikasi Qonuni qabul qilinganligi munosabati bilan O‘zbekiston Respublikasi Oliy Kengashi qaror qiladi:

O‘zbekiston Respublikasining 1983-yil 5-iyuldagi Qonuni bilan tasdiqlangan O‘zbekiston Respublikasining Uy-joy kodeksiga (O‘zbekiston Respublikasi Oliy Sovetining Vedomostlari, 1983-yil, № 19, 320-modda; 1985-yil, № 10, 84-modda; 1986-yil, № 26, 328-modda; № 34, 414-modda; 1988-yil, № 21, 239-modda; 1989-yil, № 1, 2-modda; № 16-17, 187-modda; № 35-36, 611-modda) quyidagi o‘zgartishlar va qo‘shimchalar kiritilsin:

1. 5-moddaning birinchi qismi beshinchi xatboshisi “kvartiralar” degan so‘zdan keyin “shu jumladan, xususiylashtirilgan kvartiralar” degan so‘zlar bilan to‘ldirilsin.

2. 6-modda quyidagi tahrirda bayon etilsin:

Davlat uy-joy fondi — mahalliy hokimiyat organlarining uy-joy fondi hamda davlat organlari, korxonalari, muassasalari va tashkilotlarining to‘liq xo‘jalik tasarrufida yoki operativ boshqaruvidagi uy-joy fondidir.

Mehnatga qobiliyatsizlar, yolg‘iz qariyalar, pensionerlar va ularning oila a’zolariga, agar ularning jon boshiga to‘g‘ri keladigan o‘rtacha oylik daromadlari eng kam oylik ish haqidan oz bo‘lsa, shuningdek birinchi marta nikohdan o‘tgan turar joyga muhtoj yosh oilalarga, O‘zbekiston Respublikasi Vazirlar Mahkamasi tomonidan belgilanadigan ro‘yxatga binoan grajdanlarning ijtimoiy himoyalangan va ta’minoti oz boshqa toifalarga mahalliy hokimiyat organlari huzurida aniq maqsadga qaratilgan, ijara shartnomasi talablari asosida xususiylashtirish huquqisiz foydalaniladigan kommunal uy-joy fondi tashkil etiladi”.

3. 10-moddaning birinchi qismi “turar joy olish” degan so‘zlardan keyin “sotib olish” degan so‘zlar bilan to‘ldirilsin.

4. 11-moddaning birinchi qismi quyidagi tahrirda bayon etilsin:

“Grajdanlar o‘zlari yashab turgan uyni, kvartirani avaylab saqlashlari, turar joylardan o‘z maqsadida foydalanishlari, turar joylardan foydalanish qoidalari hamda tamoilga rioya qilishlari, belgilangan soliqlarni va kommunal xizmatlar haqini hamda uydan foydalanishga ketadigan xarajatlar pullarini o‘z vaqtida to‘lashlari, o‘zlariga qarashli turar joylarga xizmat ko‘rsatish hamda ularni ta’mirlash yuzasidan korxonalar va xususiy shaxslar bilan tuzilgan shartnoma majburiyatlariga rioya etishlari, suv, gaz, elektr va issiqlik energiyasini tejab-tergab sarflashlari shart”.

5. 14-moddaning:

3-bandi “respublikada” degan so‘zdan keyin “davlat” degan so‘z bilan to‘ldirilsin;

6-bandi quyidagi tahrirda bayon etilsin:

“6) kvartira va ijara haqini, uydan foydalanishga ketadigan xarajat pullari va kommunal xizmatlar haqini to‘lash tartibi va muddatlarini belgilash”.

6. Kodeks quyidagi mazmundagi 21-1-modda bilan to‘ldirilsin:

Xususiylashtirilgan turar joylarga xizmat ko‘rsatish va ularni ta’mirlash shartnoma asosida amalga oshiriladi. To‘liq xususiylashtirilgan uydagi turar joy egalari uydan foydalanish shirkati tuzishlari mumkin. Bu shirkat uyga xizmat ko‘rsatuvchi va uni ta’mirlovchi tashkilotni mustaqil tanlaydi.

Qisman xususiylashtirilgan uylardagi grajdanlarning mulkiga aylangan turar joylarga xizmat ko‘rsatish va ularni ta’mirlash shu uylarga xususiylashtirishga qadar xizmat ko‘rsatgan uy-joylardan foydalanish va ta’mirlash-qurilish tashkilotlar tomonidan amalga oshiriladi.

Xususiylashtirilgan turar joylarning egalari uning injenerlik uskunalariga, umumiy foydalaniladigan joylarga xizmat ko‘rsatish va ularni ta’mirlash hamda uning tevarak-atrofiga qarash bilan bog‘liq xarajatlar haqini o‘zlari egallab turgan umumiy maydonga mutanosib ravishda to‘laydilar”.

7. 28-moddaning:

nomi “taqsimlash” degan so‘zdan keyin “va xususiylashtirish” degan so‘zlar bilan to‘ldirilsin;

mazkur modda quyidagi mazmundagi ikkinchi qism bilan to‘ldirilsin:

“Mulkchilikning barcha shaklidagi korxonalar, muassasalar va tashkilotlarning mablag‘i hisobiga paychilik sharti bilan yangi qurilgan uylardagi uy-joylarni xususiylashtirish tartibi korxonalar, muassasalar va tashkilotlarning o‘zlari tomonidan belgilanadi”.

8. 31-moddaning birinchi qismi “turar joy olish” degan so‘zlardan keyin “yoki ularni mulk sifatida sotib olish” degan so‘zlar bilan to‘ldirilsin.

9. 53-moddaning birinchi qismi quyidagi tahrirda bayon etilsin:

“Turar joyga ijra turish shartnomasiga muvofiq ko‘chib kirish uchun uy-joy ajratilganligi to‘g‘risida berilgan order, ijarachining ko‘chib kirishi uchun ijara shartnomasi, uy-joy egasining ko‘chib kirishi uchun mulkdorlik huquqini tasdiqlovchi hujjat, shu jumladan xususiylashtirilgan kvartira egasining ko‘chib kirishi uchun mulkdorlik huquqi xususida berilgan davlat orderi asos bo‘ladi. Grajdanlarning turar joylarga ijara turish shartiga, ijara shartnomasiga muvofiq yoki mulk sifatida sotib olgan holda ko‘chib kirishini ma’muriy cheklashlarga yo‘l qo‘yilmaydi, O‘zbekiston Respublikasining qonun hujjatlarida nazarda tutilgan hollar bundan mustasno”.

10. 56 va 57-moddalarning nomi va matnlaridagi “Turar joyni ijaraga olish” degan so‘zlar “Turar joyda ijaraga turish yoki uni ijaraga olish” degan so‘zlar bilan almashtirilsin.

11. 139-1-modda quyidagi mazmundagi ikkinchi qism bilan to‘ldirilsin:

“Xususiylashtirilgan kvartiraning, uyning (uy bir qismining) egasi o‘z kvartirasini, uyini (uyning bir qismini) istalgan boshqa kvartiraga yoki uyga (uyning bir qismiga) uy ro‘yxatidan o‘tkazish va turar joyi borasida hech qanday cheklovlarsiz ayirboshlash huquqiga egadir”.

12. Kodeks quyidagi mazmundagi 139-2-modda bilan to‘ldirilsin:

Xususiylashtirilgan kvartira yoki uy (uyning bir qismi) egasining oila a’zolari va uy-joyni xususiylashtirishga rozilik bergan shaxslar o‘zlarining umumiy mulklari hisoblangan xususiylashtirilgan uy-joyga nisbatan qonunda belgilangan tartibda teng huquqlar va majburiyatlarga egadirlar.

Xususiylashtirilgan uy-joyni sotish yoki ijaraga berish xususiylashtirilgan uy-joy egasining voyaga yetgan oila a’zolari yoki uy-joyni xususiylashtirishga rozilik bergan shaxslar roziligi bilan amalga oshiriladi, bunda xususiylashtirilgan uy-joy egasining voyaga yetmagan oila a’zolarining manfaatlarini ularning ota-onalari, homiylari va vasiylari himoya qiladilar.

Turar joy egalari bir kvartirada istiqomat qilishining imkoniyati bo‘lmay qolgan taqdirda sud uydan ko‘chib ketayotgan kishiga umumiy mulk bo‘lgan kvartiradagi uning ulushi qiymatini hokimiyat organlari belgilaydigan, sudga davo arizasi berilgan kundagi bozor narxida pul bilan to‘lashni turar joy egalaridan birining zimmasiga yuklagan holda mazkur Kodeksning 112-moddasini qo‘llashga haqli”.

13. 151-modda quyidagi tahrirda bayon etilsin:

Davlat yoki jamiyat ehtiyoji uchun yer uchastkalarining olib qo‘yilishi munosabati bilan grajdanlarga qarashli uy (uyning bir qismi) yoki kvartira buziladigan bo‘lgani taqdirda ana shu grajdanlarga ularning xohishiga ko‘ra hamda tomonlarning kelishuviga binoan bepul mulk qilib beriladigan kvartira olish yoxud tegishli korxona, muassasa, tashkilot tomonidan yangi joyda qurilgan uy, imorat, inshootni mulk qilib olish yoki buzilgan uy (uyning bir qismi), kvartira, imorat, inshoot, nobud bo‘lgan ekin va dov-daraxtlar evaziga tovon puli olish huquqi beriladi”.

14. 152 va 153-moddalar chiqarib tashlansin.

15. 16-modda va 17-moddaning 4-bandi, 32-moddaning nomi, 32, 37, 131-moddalarning matnlari “uylarning”, “uylarining”, “uylari”, “uy-joyi”, “uylarda”, “uydagi”, “uylardagi”, “uylariga”, “uyiga” degan so‘zlardan keyin tegishincha “(uylar bir qismining) va kvartiralarning”, “(uylar bir qismining) va kvartiralarining”, “(uylar bir qismi) va kvartiralari”, “(uyning bir qismi) va kvartirasi”, “(uylar bir qismida” va kvartiralarda”, “(uyning bir qismidagi) va kvartiradagi”, “(uylar bir qismidagi) va kvartiralardagi”, “(uylar bir qismiga) va kvartiralariga”, “(uyning bir qismiga) va kvartirasiga” degan so‘zlar bilan to‘ldirilsin.

6-bobning, 134—141-moddalarning, 144—150-moddalarning nomlari, shuningdek 134—150-moddalarning matnlari “uylardagi”, “uydagi”, “uy-joydan”, “uy”, “uyga”, “uyni”, “uy-joylarni”, “uylarni”, “uy-joyi”, “uy-joy” degan so‘zlardan keyin tegishincha “(uylar bir qismidagi) va kvartiralardagi”, “(uyning bir qismidagi) va kvartiradagi”, “(uyning bir qismidan) va kvartiradan”, “(uyning bir qismi) va kvartira”, “(uyning bir qismiga) va kvartiraga”, “(uyning bir qismini) va kvartirani”, “(uylarning bir qismini) va kvartiralarni”, “(uyning bir qismi) va kvartirasi”, “(uyning bir qismi) va kvartira” degan so‘zlar bilan to‘ldirilsin.